Commodity Price: വെളിച്ചെണ്ണ വിലയിൽ ആശ്വസിക്കാറായോ? നേട്ടമുണ്ടാക്കി കുരുമുളകും ഏലവും
Kerala Commodity Price: കഴിഞ്ഞ വർഷം ഓണക്കാലത്ത് വെളിച്ചെണ്ണ വിലയിൽ വൻ കുതിപ്പാണ് രേഖപ്പെടുത്തിയത്. സപ്ലൈകോയിൽ സബ്സിഡി വെളിച്ചെണ്ണ 339 രൂപയ്ക്കും കേര വെളിച്ചെണ്ണ 457 രൂപയ്ക്കുമായിരുന്നു വിറ്റഴിച്ചിരുന്നത്.
മലയാളികൾക്ക് ആശ്വാസമായി കേരളത്തിൽ വെളിച്ചെണ്ണ വില താഴുന്നു. 350 രൂപക്ക് മുകളിലെത്തിയിരുന്ന വെളിച്ചെണ്ണ വില ഇപ്പോൾ നേരിയതോതിൽ കുറഞ്ഞിട്ടുണ്ട്. തേങ്ങയുടെ മികച്ച വിളവ്, ഉൽപാദനത്തിന്റെ വർധന, മറ്റ് ഭക്ഷ്യഎണ്ണങ്ങളുടെ വില കുറവായതെല്ലാം വില താഴാൻ കാരണമായി.
വിപണിയിൽ തേങ്ങയുടെ വരവ് തുടരുകയാണെങ്കിൽ അടുത്ത ആഴ്ചകൾക്കുള്ളിൽ വില കൂടുതൽ കുറഞ്ഞേക്കാമെന്നാണ് വിദഗ്ധർ നൽകുന്ന സൂചന. എന്നാൽ ഉത്സവസീസൺ അടുത്തുവരുമ്പോൾ ആവശ്യകത കൂടിയാൽ വില വീണ്ടും ഉയരാൻ സാധ്യതയുണ്ട്. അതുപോലെ തേങ്ങ വിലയും ഇടിയുന്നുണ്ട്. ഒരു കിലോ 65-70 നിരക്കിലാണ് വ്യാപാരം.
അതേസമയം, സർക്കാർ സബ്സിഡി വെളിച്ചെണ്ണ വില കുറച്ചിട്ടുണ്ട്. സപ്ലൈകോയുടെ ശബരി ബ്രാൻഡിൻ്റെ സബ്സിഡി വെളിച്ചെണ്ണ വില ലിറ്ററിന് 289 രൂപയാക്കി. സബ്സിഡിയില്ലാത്ത വെളിച്ചെണ്ണ ലിറ്ററിന് 309 രൂപയാണ് നിരക്ക്. നേരത്ത സബ്സിഡി വെളിച്ചെണ്ണയ്ക്ക് 309 രൂപയായിരുന്നു നിരക്ക്.
കഴിഞ്ഞ വർഷം ഓണക്കാലത്ത് വെളിച്ചെണ്ണ വിലയിൽ വൻ കുതിപ്പാണ് രേഖപ്പെടുത്തിയത്. സപ്ലൈകോയിൽ സബ്സിഡി വെളിച്ചെണ്ണ 339 രൂപയ്ക്കും കേര വെളിച്ചെണ്ണ 457 രൂപയ്ക്കുമായിരുന്നു വിറ്റഴിച്ചിരുന്നത്.
അതേസമയം ഏലത്തിനും കുരുമുളകിനും നല്ലകാലമാണ്. ഏലത്തിനായി ആഭ്യന്തര ഇടപാടുകാരും കയറ്റുമതിക്കാരും കാണിക്കുന്ന ഉത്സാഹം സ്റ്റോക്കിസ്റ്റുകൾക്ക് പ്രതീക്ഷ നൽകുന്നുണ്ട്. ശിവരാത്രി വിൽപനകൾ മുന്നിൽ കണ്ട് അന്തർസംസ്ഥാന വ്യാപാരികൾ കുരുമുളക് ശേഖരിക്കുന്നുണ്ട്. (Image Credit: Getty Images)
