Kitchen Tips: പുട്ട് ഇനി കല്ലുപോലെ ഇരിക്കില്ല! സോഫ്റ്റാകാൻ അരിപ്പൊടി നനയ്ക്കുമ്പോൾ ഇതൊന്ന് ശ്രദ്ധിക്കൂ
Kerala Style Soft Puttu Making: ആവിയിൽ നിന്ന് മാറ്റി മിനിറ്റുകൾക്കകം പാറപോലെയാകുന്ന പുട്ടിനെ ഇനി ഈസിയായി സോഫ്റ്റാക്കാം. പുട്ടുണ്ടാക്കാൻ അരിപ്പൊടി നനയ്ക്കുമ്പോൾ ചില ചെറിയ കാര്യങ്ങൾ ഒന്ന് ശ്രദ്ധിച്ചാൽ വെണ്ണപോലെ അലിയുന്ന സോഫ്റ്റ് പുട്ട് നമുക്കും വീട്ടിൽ തയ്യാറാക്കാം. എങ്ങനെയെന്ന് നോക്കാം.
ആവിയിൽ നിന്ന് മാറ്റി മിനിറ്റുകൾക്കകം പാറപോലെയാകുന്ന പുട്ടിനെ ഇനി ഈസിയായി സോഫ്റ്റാക്കാം. പുട്ടുണ്ടാക്കാൻ അരിപ്പൊടി നനയ്ക്കുമ്പോൾ ചില ചെറിയ കാര്യങ്ങൾ ഒന്ന് ശ്രദ്ധിച്ചാൽ വെണ്ണപോലെ അലിയുന്ന സോഫ്റ്റ് പുട്ട് നമുക്കും വീട്ടിൽ തയ്യാറാക്കാം. എങ്ങനെയെന്ന് നോക്കാം.
പുട്ടുപൊടി നനയ്ക്കാൻ സാധാരണ പച്ചവെള്ളമാണ് ഉപയോഗിക്കുന്നത്. അതിന് പകരം ചെറുചൂടുവെള്ളം ഉപയോഗിച്ചാൽ മതി. ഇത് അരിപ്പൊടിയിലെ തരികളെ കൂടുതൽ മൃദുവാക്കാനും ഈർപ്പം നിലനിർത്താനും സഹായിക്കും. അല്പം ഉപ്പ് ചേർത്ത് കലക്കിയ വെള്ളം വേണം ഉപയോഗിക്കാൻ. നെയ്യ് ഒഴിക്കുന്നതും വളരെ നല്ലതാണ്.
കൈകൊണ്ട് പൊടി നനയ്ക്കുമ്പോൾ കട്ടകെട്ടാൻ സാധ്യതയുണ്ട്. പൊടി നനച്ച ശേഷം ഒന്നോ രണ്ടോ തവണ മിക്സിയുടെ ജാറിലിട്ട് പൾസ് ചെയ്തെടുക്കുക (തിരിച്ച് കറക്കുക). പൊടി പൂവ് പോലെ മൃദുവാകാനും അതിലെ കട്ടകൾ ഇല്ലാതാകാനും ഈ വിദ്യ സഹായിക്കും. പുട്ട് സോഫ്റ്റാകാനുള്ള ഏറ്റവും എളുപ്പവഴിയിലൊന്നാണിത്.
പൊടി നനച്ച ഉടനെ പുട്ട് ഉണ്ടാക്കരുത്. കുറഞ്ഞത് 10-15 മിനിറ്റെങ്കിലും അടച്ചുവെക്കുക. അരിപൊടി വെള്ളം നന്നായി വലിച്ചെടുത്ത് കുതിരാൻ സമയം ആവശ്യമാണ്. ഇങ്ങനെ ചെയ്താൽ പുട്ട് ഉണ്ടാക്കി കഴിഞ്ഞാലും ഒരുപാട് നേരം സോഫ്റ്റായി ഇരിക്കും. ഒരു ദിവസം മുഴുവൻ പുട്ട് സോഫ്റ്റാകാനും ഈ വിദ്യ നല്ലതാണ്. പുട്ടുപൊടിയിൽ അല്പം ചിരകിയ തേങ്ങ കൂടി ചേർത്ത് നനയ്ക്കുന്നത് പുട്ടിനെ സോഫ്റ്റാക്കാൻ സഹായിക്കും. പുട്ടുകുറ്റിയിൽ പൊടി കുത്തിനിറയ്ക്കരുത്.
കേരളീയരുടെ പ്രിയപ്പെട്ട പ്രഭാതഭക്ഷണങ്ങളിൽ ഒന്നാണ് പുട്ട്. പുട്ടും കടലകറിയും, പുട്ടും പപ്പടവും, പുട്ടും പഴവും എന്നിങ്ങനെ ഈ ബ്രേക്ക്ഫാസ്റ്റിനൊപ്പം കഴിക്കാൻ കഴിയാത്തത് ഒന്നുമില്ല. എന്നാൽ പലപ്പോഴും പുട്ടുണ്ടാക്കുമ്പോൾ അവ കല്ലുപോലെ ഇരിക്കുന്നതാണ് വീട്ടമ്മമാരുടെ പരാതി. (Image Credits: Social Media)
