Kolkata Metro: മെട്രോ സര്വീസുകളുടെ സമയം മാറ്റി; കൊല്ക്കത്ത ബ്ലൂ, ഗ്രീന് ലൈന് യാത്രക്കാരുടെ ശ്രദ്ധയ്ക്ക്
Kolkata Metro Announces 6 AM Service on Blue and Green Lines: പ്രവൃത്തി ദിവസങ്ങളില് ബ്ലൂ ലൈനില് 260 സര്വീസുകളാണ് നിലവില് നടത്തുന്നത്, എന്നാല് ഇത് 272 ആയി ഉയരും. ഗ്രീന് ലൈനില് 228 സര്വീസുകള്ക്ക് പകരം ജൂലൈ 27 മുതല് 236 സര്വീസുകളും ഉണ്ടായിരിക്കുന്നതാണ്. ശനിയാഴ്ച ദിവസങ്ങളില് ബ്ലൂ ലൈനില് 258 സര്വീസുകളും ഗ്രീന് ലൈനില് 212 സര്വീസുകളും ഉണ്ടാകും. ഞായറാഴ്ച സര്വീസുകളും വര്ധിക്കുന്നതാണ്.
കൊല്ക്കത്ത മെട്രോ യാത്രക്കാരുടെ ശ്രദ്ധയ്ക്ക്, ട്രെയിന് സര്വീസുകള് നേരത്തെ തുടങ്ങാന് പോകുന്നു. മെട്രോയില് പതിവായി യാത്ര ചെയ്യുന്നവര് പുതുക്കിയ സമയക്രമത്തില് യാത്രകള് ആസൂത്രണം ചെയ്യേണ്ടതാണ്, നേരത്തെ സര്വീസുകള് ആരംഭിക്കാനാണ് അധികൃതര് ലക്ഷ്യമിടുന്നത്. ബ്ലൂ, ഗ്രീന് ലൈനുകളിലെ സര്വീസ് സമയത്തിലാണ് മാറ്റം വരുന്നത്. പരീക്ഷണാടിസ്ഥാനത്തിലാണ് പുതിയ ക്രമീകരണം. (Image Credit Source: Getty Images)
ജൂലൈ 27 മുതല് ബ്ലൂ, ഗ്രീന് ലൈനുകളിലെ മെട്രോ സര്വീസുകള് രാവിലെ ആറ് മണിക്ക് ആരംഭിക്കും. തിങ്കള് മുതല് ശനി വരെയുള്ള ദിവസങ്ങളിലാണ് ഈ സമയക്രമം ബാധകം. നിലവില് ബ്ലൂ ലൈനില് രാവിലെ 6.50നും ഗ്രീന് ലൈനില് രാവിലെ 6.39 നുമാണ് ആദ്യ ട്രെയിന് പുറപ്പെടുന്നത്. രണ്ട് റൂട്ടുകളിലെയും അവസാന ട്രെയിന് സമയത്തിലും മാറ്റം വരുത്തിയിട്ടുണ്ട്.
ഈ രണ്ട് റൂട്ടിലെയും അവസാന ട്രെയിന് സമയം ജൂലൈ 27 മുതല് 10.30 ന് ആയിരിക്കും. നിലവില് ബ്ലൂ ലൈനില് രാത്രി 9.44 നും ഗ്രീന് ലൈനില് രാത്രി 10.5 നുമാണ് അവസാന ട്രെയിന് സര്വീസ് നടത്തുന്നത്. യാത്രക്കാരുടെ കൂടുതല് സൗകര്യപ്രദമായ യാത്ര ഒരുക്കുന്നതിനായാണ് ട്രെയിന് സര്വീസ് സമയങ്ങളില് മാറ്റം വരുത്തിയിരിക്കുന്നത്. നേരത്തെ യാത്ര പുറപ്പെടേണ്ട ആളുകള്ക്ക് മെട്രോ അധികൃതരുടെ ഈ തീരുമാനം ഗുണം ചെയ്യും.
പ്രവൃത്തി ദിവസങ്ങളില് ബ്ലൂ ലൈനില് 260 സര്വീസുകളാണ് നിലവില് നടത്തുന്നത്, എന്നാല് ഇത് 272 ആയി ഉയരും. ഗ്രീന് ലൈനില് 228 സര്വീസുകള്ക്ക് പകരം ജൂലൈ 27 മുതല് 236 സര്വീസുകളും ഉണ്ടായിരിക്കുന്നതാണ്. ശനിയാഴ്ച ദിവസങ്ങളില് ബ്ലൂ ലൈനില് 258 സര്വീസുകളും ഗ്രീന് ലൈനില് 212 സര്വീസുകളും ഉണ്ടാകും. ഞായറാഴ്ച സര്വീസുകളും വര്ധിക്കുന്നതാണ്.
ഞായറാഴ്ചകളില് രണ്ട് ലൈനുകളിലെയും ട്രെയിന് സര്വീസുകള് രാവിലെ 9 മണിക്ക് ആരംഭിക്കുന്നതാണ്. രാത്രി സര്വീസുകള് 10.30 വരെയും ഉണ്ടായിരിക്കുന്നതാണ്. പരീക്ഷണാടിസ്ഥാനത്തിലാണ് ഈ പുതുക്കിയ സമയക്രമം. ഈ സമയത്തിലുള്ള യാത്രക്കാരുടെ എണ്ണം ഉള്പ്പെടെ വിലയിരുത്തിയതിന് ശേഷമായിരിക്കും സര്വീസ് സ്ഥിരപ്പെടുത്തുന്ന കാര്യം അധികൃതര് തീരുമാനിക്കുക.
