Health Tips: രാവിലെ എഴുന്നേറ്റ ഉടൻ ഈ തെറ്റുകൾ വരുത്താറുണ്ടോ? നിങ്ങളുടെ കരളിന്റെ ആരോഗ്യം അപകടത്തിലായേക്കാം
Liver Health Warning, Common Morning Mistakes: രാവിലെ ഉണർന്നയുടൻ ഫോൺ നോക്കുന്നതും നെഗറ്റീവ് വാർത്തകളിൽ മുഴുകുന്നതും ശരീരത്തിൽ സ്ട്രെസ് ഹോർമോണുകൾ വർദ്ധിപ്പിക്കും. ഇത് ദീർഘകാലാടിസ്ഥാനത്തിൽ കരളിന്റെ ആരോഗ്യത്തെ ബാധിക്കുന്നതിനാൽ രാവിലെ സമാധാനപരമായ അന്തരീക്ഷം ഉറപ്പാക്കുക. മാനസിക സമ്മർദ്ദങ്ങൾ കുറയ്ക്കാനും പ്രഭാതം കൂടുതൽ ഊർജ്ജസ്വലമാക്കാനും രാവിലെ അല്പം സമയം മെഡിറ്റേഷനും (ധ്യാനം) മനസ്സിന് ശാന്തി നൽകുന്ന കാര്യങ്ങൾക്കുമായി നീക്കിവെയ്ക്കുക.
കരളിന്റെ ആരോഗ്യം സംരക്ഷിക്കുന്നതിനായി രാവിലെ ശ്രദ്ധിക്കേണ്ട ചില ശീലങ്ങളുണ്ട്. അതിൽ പ്രധാനം വെറുംവയറ്റിൽ വെള്ളം കുടിക്കുക എന്നതാണ്. രാത്രിയിലെ ഉറക്കത്തിനുശേഷം ശരീരം ഡീഹൈഡ്രേഷനിലായിരിക്കുമെന്നതിനാൽ, രാവിലെ ഉണർന്നയുടൻ ഒന്നോ രണ്ടോ ഗ്ലാസ് ചെറുചൂടുവെള്ളം കുടിക്കുന്നത് കരളിലെ വിഷാംശങ്ങളെ എളുപ്പത്തിൽ പുറന്തള്ളാൻ സഹായിക്കും. (Image Credit source: Getty Images)
ബ്രേക്ക്ഫാസ്റ്റ് ഒഴിവാക്കുന്നത് ശരീരത്തിന്റെ ഉപാപചയ പ്രവർത്തനങ്ങളെ താറുമാറാക്കുകയും പിന്നീട് കൂടുതൽ ഭക്ഷണം കഴിക്കാൻ പ്രേരിപ്പിക്കുകയും ചെയ്യും. ഇത് ഫാറ്റി ലിവർ സാധ്യത വർദ്ധിപ്പിക്കുന്നതിനാൽ പ്രഭാതഭക്ഷണം കൃത്യസമയത്ത് കഴിക്കുക. രാവിലെ എണ്ണയിൽ വറുത്തതോ കൊഴുപ്പും പഞ്ചസാരയും കൂടിയതോ ആയ ജങ്ക് ഫുഡുകൾ പൂർണ്ണമായും ഒഴിവാക്കി ഓട്സ്, ഇഡ്ഡലി, പുട്ട് തുടങ്ങിയ ആവിയിൽ വേവിച്ച ആരോഗ്യകരമായ ഭക്ഷണങ്ങളും പ്രോട്ടീനും മെനുവിൽ ഉൾപ്പെടുത്തുക.
രാവിലെ വെറുംവയറ്റിൽ അമിതമായി പഞ്ചസാര ചേർത്ത ചായ, കാപ്പി അല്ലെങ്കിൽ പ്രിസർവേറ്റീവുകൾ ചേർത്ത പാക്കറ്റ് ജ്യൂസുകൾ കുടിക്കുന്നത് കരളിൽ കൊഴുപ്പ് അടിയാൻ കാരണമാകും. ഇവയ്ക്ക് പകരം കരിക്കിൻ വെള്ളമോ ഫ്രഷ് ജ്യൂസോ ശീലമാക്കാം. ഉദാസീനമായ ജീവിതശൈലി ഫാറ്റി ലിവറിന്റെ പ്രധാന കാരണങ്ങളിലൊന്നാണ്. രാവിലെ സമയമില്ലെന്ന് കരുതി വ്യായാമം പൂർണ്ണമായി ഒഴിവാക്കാതെ, ദിവസവും കുറച്ചുസമയം ലഘുവായി നടക്കാനോ വ്യായാമം ചെയ്യാനോ മാറ്റിവെയ്ക്കുക.
രാത്രിയിൽ 7 മുതൽ 8 മണിക്കൂർ വരെ സുഖകരമായ ഉറക്കം ലഭിക്കുന്നത് കരളിന്റെ സ്വാഭാവികമായ ഡിറ്റോക്സിഫിക്കേഷൻ (വിഷാംശം പുറന്തള്ളൽ) പ്രക്രിയ സുഗമമാക്കാൻ അത്യാവശ്യമാണ്. രാവിലെ ഉണർന്നയുടൻ ഫോൺ നോക്കുന്നതും നെഗറ്റീവ് വാർത്തകളിൽ മുഴുകുന്നതും ശരീരത്തിൽ സ്ട്രെസ് ഹോർമോണുകൾ വർദ്ധിപ്പിക്കും. ഇത് ദീർഘകാലാടിസ്ഥാനത്തിൽ കരളിന്റെ ആരോഗ്യത്തെ ബാധിക്കുന്നതിനാൽ രാവിലെ സമാധാനപരമായ അന്തരീക്ഷം ഉറപ്പാക്കുക.
മാനസിക സമ്മർദ്ദങ്ങൾ കുറയ്ക്കാനും പ്രഭാതം കൂടുതൽ ഊർജ്ജസ്വലമാക്കാനും രാവിലെ അല്പം സമയം മെഡിറ്റേഷനും (ധ്യാനം) മനസ്സിന് ശാന്തി നൽകുന്ന കാര്യങ്ങൾക്കുമായി നീക്കിവെയ്ക്കുക.
