Thulavarsham Crops: തുലാവർഷമെത്തി, ഇനി പറമ്പിലും ടെറസിലുമെല്ലാം ഈ വിളകൾ നട്ടോളൂ…
Monsoon Planting Guide: തുലാവർഷം കേരളത്തിലെ തെക്കുപടിഞ്ഞാറൻ മൺസൂണിനെക്കാൾ ശക്തി കുറഞ്ഞ മഴയാണ്. അതിനാൽ, കൃഷിക്ക് ആവശ്യമായ ഈർപ്പം നിലനിർത്താൻ ശ്രദ്ധിക്കണം.
കേരളത്തിൽ തുലാവർഷമെത്തിക്കഴിഞ്ഞു. കൃഷിക്ക് ഏറ്റവും അനുയോജ്യമായ സമയമാണ്. തുലാവർഷത്തെ ആശ്രയിച്ച് നടാൻ പറ്റിയ പ്രധാന വിളകളും ശ്രദ്ധിക്കേണ്ട കാര്യങ്ങളും നോക്കാം.
കപ്പ (മരച്ചീനി), ചേന, കാച്ചിൽ, ചെമ്പ്, മധുരക്കിഴങ്ങ് തുടങ്ങിയ കിഴങ്ങുവർഗ്ഗ വിളകൾക്ക് തുലാവർഷം വളരെ അനുയോജ്യമാണ്. ഈർപ്പം നിലനിർത്താൻ കഴിയുന്ന വിളകളായതിനാൽ മഴ കുറഞ്ഞാലും ഇവ വളരും.
മഴ കുറഞ്ഞു തുടങ്ങുന്ന സമയത്ത് നടാൻ ഏറ്റവും നല്ലതാണ് പയർവർഗ്ഗങ്ങൾ. പയർ (കുറ്റിപ്പയർ, വള്ളിപ്പയർ), ചെറുപയർ, ഉഴുന്ന്, മുതിര തുടങ്ങിയവ കൃഷി ചെയ്ത് വിളവെടുക്കാൻ ഈ കാലയളവ് അനുയോജ്യമാണ്.
താരതമ്യേന കുറഞ്ഞ മഴയിൽ നന്നായി വളരുന്ന പച്ചക്കറികളായ വെണ്ട, പാവൽ, പടവലം, ചീര, വഴുതന, മുളക് എന്നിവ വീടുകളിലെ ടെറസ്സ് കൃഷിക്ക് തിരഞ്ഞെടുക്കാം. ഇഞ്ചി, മഞ്ഞൾ തുടങ്ങിയവയ്ക്കും ഈ മഴ ഗുണകരമാകും.
തുലാവർഷം കേരളത്തിലെ തെക്കുപടിഞ്ഞാറൻ മൺസൂണിനെക്കാൾ (ഇടവപ്പാതി) ശക്തി കുറഞ്ഞ മഴയാണ്. അതിനാൽ, കൃഷിക്ക് ആവശ്യമായ ഈർപ്പം നിലനിർത്താൻ ശ്രദ്ധിക്കണം. കൂടാതെ, ഇടിമിന്നൽ കൂടുതലായതിനാൽ തുറസ്സായ സ്ഥലങ്ങളിൽ കൂടുതൽ ജാഗ്രത പാലിക്കണം.
