Motorola ThinkPhone 25 : ട്രിപ്പിൾ ക്യാമറ, 5ജി, ഫാസ്റ്റ് ചാർജിങ്; മോട്ടറോള തിങ്ക്ഫോൺ 25 വിപണിയിൽ
Motorola ThinkPhone 25 Launched : മോട്ടറോളയുടെ തിങ്ക്ഫോൺ 25 യൂറോപ്യൻ മാർക്കറ്റിൽ റിലീസായി. ട്രിപ്പിൾ ക്യാമറയും ഫാസ്റ്റ് ചാർജിങും അടക്കമുള്ള ഫീച്ചറുകളടക്കമാണ് ഫോൺ വിപണിയിലെത്തിയത്. വില എത്രയാണെന്ന് വ്യക്തമല്ല.
മോട്ടറോള തിങ്ക്ഫോൺ 25 വിപണിയിലെത്തി. ട്രിപ്പിൾ റിയർ ക്യാമറ, 5ജി, ഫാസ്റ്റ് ചാർജിങ് തുടങ്ങി വിവിച ഫീച്ചറുകളുമായാണ് തിങ്ക്ഫോൺ 25 ആഗോള വിപണിയിലെത്തിയത്. 8 ജിബി റാം + 256 ജിബി മെമ്മറി എന്ന ഒരു ഓപ്ഷനേ നിലവിൽ തിങ്ക്ഫോൺ 25നുള്ളൂ. 68 വാട്ട് ഫാസ്റ്റ് ചാർജിങും 15 വാട്ട് വയർലസ് ചാർജിങും ഫോണിൽ സപ്പോർട്ട് ചെയ്യും. (Image Courtesy - Social Media)
6.63 ഇഞ്ച് സ്ക്രീനിൽ എൽടിപിഒ അമോഎൽഇഡി ഡിസ്പ്ലേ ആണ് ഫോണിലുള്ളത്. 50 മെഗാപിക്സൽ സോണി എൽവൈടി-700സി പ്രൈമറി സെൻസറിലുള്ള പ്രധാന ക്യാമറ ഫോണിലുണ്ട്. ട്രിപ്പിൾ ക്യാമറയിൽ 13 എംപ്പി അൾട്ര വൈഡ് ആംഗിൾ ക്യാമറയും 3* ഒപ്റ്റിക്കൽ സൂൻ സഹിതം 10 എംപി ടെലിഫോട്ടോ സെൻസറുമാണ് മറ്റ് ക്യാമറകൾ. 32 എംപി സെൽഫി ക്യാമറയും ഫോണിലുണ്ട്. (Image Courtesy - Social Media)
പ്ലാസ്റ്റിക് ബിൽഡാണ് ഫോണിൻ്റേത്. കോർണിങ് ഗോറില്ല ഗ്ലാസ് 7ഐ പ്രൊട്ടക്ഷനും ഫോണിനുണ്ട്. മീഡിയടെക് ഡൈമൻസിറ്റി 7300 ചിപ്സെറ്റിലാണ് ഫോണിൻ്റെ പ്രവർത്തനം. 4310 എംഎഎച്ച് ബാറ്ററിയും ഫോണിലുണ്ട്. ആൻഡ്രോയ്ഡ് 14ൽ ആണ് ഫോനിൻ്റെ പ്രവർത്തനം. (Image Courtesy - Social Media)
5ജി, 4ജി എൽടിഇ, വൈഫൈ 6ഇ, ബ്ലൂടൂത്ത് 5.3, എൻഎഫ്സി, ജിപിഎസ് തുടങ്ങി വിവിധ കണക്റ്റിവിറ്റി ഓപ്ഷനുകൾ ഫോണിലുണ്ട്. ടൈപ്പ് സി യുഎസ്ബി പോർട്ടാണ് ഉള്ളത്. യൂറോപ്യൻ മാർക്കറ്റിൽ മാത്രമാണ് നിലവിൽ ഫോൺ അവതരിപ്പിക്കപ്പെട്ടിട്ടുള്ളത്. (Image Courtesy - Social Media)
ഇൻ ഡിസ്പ്ലേ ഫിംഗർ പ്രിൻ്റ് സെൻസർ, ഫേസ് അൺലോക്ക് എന്നീ സുരക്ഷാ സംവിധാനങ്ങളും ഡോൾബി അറ്റ്മോസ് സപ്പോർട്ട് ചെയ്യുന്ന ഡ്യുവൽ സ്റ്റീരിയോ സ്പീക്കറുകളും ഫോണിലുണ്ട്. ഒരു ചാർജിൽ 34 മണിക്കൂർ ബാറ്ററി ലൈഫ് കിട്ടുമെന്നാണ് കമ്പനി അവകാശപ്പെടുന്നത്. (Image Courtesy - Social Media)
