സെൽഫികൾ കുന്നുകൂടട്ടെ! 50MP ഫ്രണ്ട് ക്യാമറയുള്ള ഓപ്പോ റെനോ 16C 5G വിൽപ്പന തുടങ്ങി
Oppo Reno 16c 5G goes on sale in India from today: ഓപ്പോ റെനോ 16c 5ജി ഇന്ന് മുതൽ ഇന്ത്യയിൽ വാങ്ങാൻ ലഭ്യമാണ്. ആമസോൺ, ഓപ്പോ ഇ-സ്റ്റോർ, ഫ്ലിപ്കാർട്ട്, മെയിൻലൈൻ റീട്ടെയിൽ ഔട്ട്ലെറ്റുകൾ എന്നിവ വഴി ഈ റെനോ 5ജി ഫോൺ വാങ്ങാനാകും. ട്വിലൈറ്റ് വയലറ്റ്, സ്റ്റെല്ലാർ പർപ്പിൾ, സ്റ്റാറി വൈറ്റ് കളർ ഓപ്ഷനുകളിൽ ആണ് ഈ ഫോൺ അവതരിപ്പിക്കപ്പെട്ടിരിക്കുന്നത്. ലോഞ്ച് ഓഫറിന്റെ ഭാഗമായി യഥാക്രമം 4699 രൂപ, 4999 രൂപ, 5999 രൂപ ബാങ്ക് ഡിസ്കൗണ്ടുകൾ ഇതിന് ലഭ്യമാണ്.
ഓപ്പോ കഴിഞ്ഞ ആഴ്ച ഇന്ത്യയിൽ ലോഞ്ച് ചെയ്ത ഓപ്പോ റെനോ 16c 5ജി ഇന്ന് മുതൽ ഇന്ത്യയിൽ വാങ്ങാൻ ലഭ്യമാണ്. ആമസോൺ, ഓപ്പോ ഇ-സ്റ്റോർ, ഫ്ലിപ്കാർട്ട്, മെയിൻലൈൻ റീട്ടെയിൽ ഔട്ട്ലെറ്റുകൾ എന്നിവ വഴി ഈ റെനോ 5ജി ഫോൺ വാങ്ങാനാകും. വിൽപ്പന ആരംഭിക്കുന്നതിന്റെ ഭാഗമായി ആകർഷകമായ ലോഞ്ച് ഓഫറുകളും ഒരുക്കിയിട്ടുണ്ട്. ട്വിലൈറ്റ് വയലറ്റ്, സ്റ്റെല്ലാർ പർപ്പിൾ, സ്റ്റാറി വൈറ്റ് കളർ ഓപ്ഷനുകളിൽ ആണ് ഈ ഫോൺ അവതരിപ്പിക്കപ്പെട്ടിരിക്കുന്നത്.
വില: ഇന്ത്യയിൽ ഓപ്പോ റെനോ 16c 5ജിയുടെ 8GB + 128GB വേരിയന്റിന് 46,999 രൂപയും, 8GB + 256GB വേരിയന്റിന് 49,999 രൂപയും, 12GB + 256GB വേരിയന്റിന് 55,999 രൂപയുമാണ് വില. ലോഞ്ച് ഓഫറിന്റെ ഭാഗമായി യഥാക്രമം 4699 രൂപ, 4999 രൂപ, 5999 രൂപ ബാങ്ക് ഡിസ്കൗണ്ടുകൾ ലഭ്യമാണ്.
ക്യാമറകൾ: 1/2.0″ SC32HS സെൻസറുള്ള 50MP മെയിൻ ക്യാമറ (f/1.8 അപ്പേർച്ചർ, OIS), 1/4″ GC08A8 സെൻസറുള്ള 8MP അൾട്രാ-വൈഡ് ക്യാമറ (f/2.2 അപ്പേർച്ചർ), 1/3.13″ സാംസങ് S5KKN1 സെൻസറുള്ള 50MP 3.5x ടെലിഫോട്ടോ ക്യാമറ (f/2.8 അപ്പേർച്ചർ) എന്നിവ അടങ്ങുന്ന ട്രിപ്പിൾ റിയർ ക്യാമറ സജ്ജീകരണം ഇതിലുണ്ട്. സെൽഫിക്കും മറ്റുമായി 1/2.88″ GC50F6 സെൻസറുള്ള 50MP ഫ്രണ്ട് ക്യാമറയും ഉണ്ട്.
കരുത്ത്: ഒക്ട കോർ (2 x 2.5GHz കോർടെക്സ്-A78 + 6 x 2GHz കോർടെക്സ്-A55 സിപിയുകൾ) മീഡിയടെക് ഡൈമെൻസിറ്റി 7300 4nm പ്രോസസർ ആണ് റെനോ 16c 5ജിയുടെ കരുത്ത്. ഇതോടൊപ്പം മാലി-G615 MC2 ജിപിയു, 8GB / 12GB LPDDR4x റാം, 128GB / 256GB (UFS 3.1) സ്റ്റോറേജ്, മൈക്രോ എസ്ഡി ഉപയോഗിച്ച് സ്റ്റോറേജ് വർധിപ്പിക്കാനുള്ള സൗകര്യം എന്നിവയുമുണ്ട്.
ഡിസ്പ്ലേയും ബാറ്ററിയും: 6.57-ഇഞ്ച് (2372 × 1080 പിക്സൽസ്) 120Hz റിഫ്രഷ് റേറ്റ് ഉള്ള FHD+ AMOLED സ്ക്രീൻ ആണ് 16c 5ജിയിൽ ഉള്ളത്. 80W SUPERVOOC ഫാസ്റ്റ് ചാർജിംഗുള്ള 7000mAh ബാറ്ററിയും ഇതിൽ സജ്ജീകരിച്ചിരിക്കുന്നു. ആൻഡ്രോയിഡ് 16 അടിസ്ഥാനമാക്കിയുള്ള ColorOS 16-ൽ ആണ് റെനോ 16C 5ജിയുടെ പ്രവർത്തനം.
മറ്റ് പ്രധാന ഫീച്ചറുകൾ: ഇൻ-ഡിസ്പ്ലേ ഒപ്റ്റിക്കൽ ഫിംഗർപ്രിന്റ് സെൻസർ, IP66+IP68+IP69+IP69K റേറ്റിങ്, ഹൈബ്രിഡ് ഡ്യുവൽ സിം (നാനോ + നാനോ / മൈക്രോ എസ്ഡി), 5G SA / NSA, ഡ്യുവൽ 4G VoLTE, Wi-Fi 802.11 ac (2.4GHz + 5GHz), ബ്ലൂടൂത്ത് 5.4, GPS, GLONASS, ഗലീലിയോ, QZSS, USB ടൈപ്പ്-C.
