Cameron Green: 25 കോടിയുടെ മുതല് 25 സെക്കന്ഡ് പോലും ക്രീസിലില്ല; ആ പൈസ വല്ല പാവങ്ങള്ക്കും കൊടുത്തിരുന്നെങ്കില്! കാമറൂണ് ഗ്രീനിനെതിരെ ആരാധകര്
Cameron Green's Flop Show Continues: കാമറൂണ് ഗ്രീന് തുടര്ച്ചയായി നിരാശപ്പെടുത്തുന്നത് കൊല്ക്കത്ത നൈറ്റ് റൈഡേഴ്സിന് തിരിച്ചടിയാകുന്നു. പഞ്ചാബ് കിങ്സിനെതിരെ നടന്ന മത്സരത്തില് ഗ്രീന് നാല് റണ്സിന് പുറത്തായി. മുംബൈ ഇന്ത്യന്സിനെതിരെ നടന്ന ആദ്യ മത്സരത്തില് 18 റണ്സാണ് ഗ്രീന് നേടിയത്. സണ്റൈസേഴ്സ് ഹൈദരാബാദിനെതിരെ നടന്ന രണ്ടാം പോരാട്ടത്തില് രണ്ട് റണ്സിന് പുറത്തായി.
Cameron Green in KKR: ഐപിഎല് 2026 സീസണിലെ ഏറ്റവും വില കൂടിയ താരമായ കാമറൂണ് ഗ്രീന് തുടര്ച്ചയായി നിരാശപ്പെടുത്തുന്നത് കൊല്ക്കത്ത നൈറ്റ് റൈഡേഴ്സിന് തിരിച്ചടിയാകുന്നു. ഇന്ന് പഞ്ചാബ് കിങ്സിനെതിരെ നടന്ന മത്സരത്തില് വണ് ഡൗണായി കളിച്ച ഗ്രീന് നാല് റണ്സിന് പുറത്തായി. നേരിട്ട ആദ്യ പന്ത് തന്നെ ബൗണ്ടറി കടത്തിയെങ്കിലും, തൊട്ടടുത്ത പന്തില് ഔട്ടായി. സേവിയര് ബാര്ട്ട്ലെറ്റിന്റെ പന്തില് വിക്കറ്റ് കീപ്പര് പ്രഭ്സിമ്രാന് സിങ് ക്യാച്ചെടുക്കുകയായിരുന്നു.
മുംബൈ ഇന്ത്യന്സിനെതിരെ നടന്ന ആദ്യ മത്സരത്തില് 10 പന്തില് 18 റണ്സാണ് ഗ്രീന് നേടിയത്. സണ്റൈസേഴ്സ് ഹൈദരാബാദിനെതിരെ നടന്ന രണ്ടാം പോരാട്ടത്തില് രണ്ട് റണ്സിന് റണ്ണൗട്ടായി. ഇതുവരെ കളിച്ച മൂന്ന് മത്സരങ്ങളില് നിന്നായി വെറും 24 റണ്സാണ് ഗ്രീനിന്റെ സമ്പാദ്യം.
25.20 കോടി രൂപ
25.20 കോടി രൂപയ്ക്കാണ് ഓസീസ് ഓള് റൗണ്ടറെ കൊല്ക്കത്ത സ്വന്തമാക്കിയത്. ലേലത്തില് ഫ്രാഞ്ചെസികള് ഏറ്റവും വാശിയോടെ രംഗത്തെത്തിയതും ഗ്രീനിന് വേണ്ടിയായിരുന്നു. ഓള് റൗണ്ടറാണെന്നതും താരത്തിന്റെ ഡിമാന്ഡ് വര്ധിപ്പിച്ചു. എന്നാല് കൊല്ക്കത്തയില് ഒരു ബാറ്ററായി മാത്രമാണ് ഗ്രീന് കളിക്കുന്നത്. 25.20 കോടി രൂപയ്ക്കുള്ള സേവനം താരം ചെയ്യുന്നില്ലെന്നാണ് വിമര്ശനം.
ആ തുക പാഴായോ?
ഗ്രീനിന് വേണ്ടി മുടക്കിയ തുക പാഴായെന്ന തരത്തില് വിമര്ശനങ്ങള് വ്യാപകമാണ്. 25 കോടിയിലേറെ രൂപയ്ക്ക് ടീമിലെത്തിയ താരം 25 സെക്കന്ഡ് പോലും ക്രീസില് തുടരുന്നില്ലെന്നാണ് പരിഹാസം. ആ പൈസ പാവങ്ങള്ക്ക് കൊടുക്കുന്നതായിരുന്നു നല്ലതെന്ന് തമാശ രൂപേണ കമന്റ് ചെയ്യുന്നവരുമുണ്ട്. എന്നാല് വരും മത്സരങ്ങളില് ഗ്രീന് ഫോമിലേക്ക് എത്തിക്കുമെന്നാണ് ചില ആരാധകരുടെ ശുഭാപ്തിവിശ്വാസം.
സമൂഹമാധ്യമങ്ങളിലെ ചില പ്രതികരണങ്ങള്
25.2 CR spent… but no impact yet ❌
Kolkata Knight Riders might need to drop Cameron Green after poor batting & no bowling, especially with Tim Seifert waiting 🔥#KKR #IPL2026 #CameronGreen pic.twitter.com/usLuhz8Y3w
— Kunal Bhanwala (@bhanwala_k38130) April 6, 2026
🚨SOME OVERPRICED PLAYERS IN IPL 2026🚨
Prashant Veer – CSK – ₹14.20 Cr.
Karthik Sharma – CSK – ₹14.20 Cr.
Cameron Green -KKR – ₹25.20 Cr.
Sanju Samson – CSK – ₹18.00 Cr.
Rishabh Pant – LSG – 27.00 Cr. ….. See more pic.twitter.com/1LWLXeQEVV— Akash (@klrvikash) April 6, 2026
