Sanju Samson: കോഴിക്കോട്ട് വന്നിട്ടും സഞ്ജുവിനെ കാണാന് പറ്റിയില്ല; പൊട്ടിക്കരഞ്ഞ് കുട്ടി ആരാധകന്
Viral video of Sanju Samson fan boy: സഞ്ജുവിനെ നേരിട്ട് കാണാനുള്ള അവസരം നഷ്ടമായ ഒരു കുട്ടി ആരാധകന് പൊട്ടിക്കരയുന്ന വീഡിയോ സോഷ്യല് മീഡിയയില് വൈറലാകുന്നു. സഞ്ജുവിനെ കാണണമെന്ന് പറഞ്ഞാണ് കുട്ടി കരയുന്നത്. ഭാഗ്യമില്ലെന്നും കുട്ടി പറയുന്നു. സഞ്ജുവിനെ കാണാന് പറ്റില്ലേയെന്നും കുട്ടി ചോദിക്കുന്നു
സഞ്ജു സാംസണ്
Sanju Samson fan boy crying: ഏപ്രില് അഞ്ചിനായിരുന്നു ഐപിഎല് 2026 സീസണിലെ ചെന്നൈ സൂപ്പര് കിങ്സിന്റെ മൂന്നാം മത്സരം നടന്നത്. നാലാം മത്സരം നടക്കുന്നത് ഏപ്രില് 11-ന് ഡല്ഹി ക്യാപിറ്റല്സിനെതിരെയും. ഒരാഴ്ചത്തെ ഇടവേളയാണ് ചെന്നൈ ടീമിന് ഇതിനിടെ ലഭിച്ചത്. ഈ സമയം ചെലവഴിക്കാന് സഞ്ജു സാംസണ് കോഴിക്കോട്ട് എത്തിയിരുന്നു. സ്വകാര്യ ആവശ്യങ്ങള്ക്കായാണ് സഞ്ജു കോഴിക്കോട്ട് എത്തിയത്.
കോഴിക്കോട് സന്ദര്ശനത്തിനിടെ മലബാര് ക്രിസ്ത്യന് കോളേജ് ഹയര് സെക്കന്ഡറി സ്കൂള് ഗ്രൗണ്ടിലും സഞ്ജു എത്തിയിരുന്നു. ഇവിടെ കുറച്ചു കുട്ടികള്ക്കൊപ്പം സഞ്ജു ക്രിക്കറ്റ് കളിക്കുന്ന വീഡിയോ സോഷ്യല് മീഡിയയില് വൈറലായിരുന്നു.
അപ്രതീക്ഷിതമായി പ്രിയതാരത്തെ കണ്മുന്നില് കണ്ടത് ആരാധകര്ക്ക് മറക്കാനാകാത്ത അനുഭവമായി. എന്നാല് സഞ്ജു എത്തുന്നത് അറിയാത്തതിനാല്, നിരവധി പേര്ക്ക് അദ്ദേഹത്തെ കാണാനുള്ള അവസരവും നഷ്ടമായി. സഞ്ജുവിനെ നേരിട്ട് കാണാനുള്ള അവസരം നഷ്ടമായ ഒരു കുട്ടി ആരാധകന് പൊട്ടിക്കരയുന്ന വീഡിയോ സോഷ്യല് മീഡിയയില് ശ്രദ്ധേയമാവുകയാണ്.
Also Read: Sanju Samson: കൂട്ടിന് ആരുമില്ല! ആ നാണക്കേട് പേറി സഞ്ജു സാംസണ് ഒറ്റയ്ക്ക്; ഇനി തിളങ്ങിയേ തീരൂ
മേധാമയൂരി എന്ന ഇന്സ്റ്റഗ്രാം പ്രൊഫൈലില് വന്ന വീഡിയോയാണ് വൈറലാകുന്നത്. സഞ്ജുവിനെ കാണണമെന്ന് പറഞ്ഞാണ് കുട്ടി കരയുന്നത്. തനിക്ക് ഭാഗ്യമില്ലെന്നും കുട്ടി പറയുന്നുണ്ട്. സഞ്ജുവിനെ കാണാന് പറ്റില്ലേയെന്നും കുട്ടി ചോദിക്കുന്നു. വീഡിയോ പകര്ത്തിയ യുവതി കുട്ടിയെ ആശ്വസിപ്പിക്കുന്നുമുണ്ട്. സഞ്ജുവിനെ ടാഗ് ചെയ്ത് നിരവധി പേരാണ് കമന്റ് ചെയ്യുന്നത്. സഞ്ജു കാണാന് വരുമെന്ന് പറഞ്ഞ് ആളുകള് കമന്റുകളിലൂടെ സാന്ത്വനം പകരുന്നുമുണ്ട്.
