CUET PG 2026: സിയുഇടി പിജി പരീക്ഷ എവിടെയാണെന്ന് അറിയാം; അഡ്മിറ്റ് കാര്‍ഡ് ഉടന്‍; പ്രധാന അറിയിപ്പ്
CUET PG 2026 City Intimation Slip: സിയുഇടി പിജി 2026 പരീക്ഷയുടെ സിറ്റി ഇന്റിമേഷൻ സ്ലിപ്പ് എന്‍ടിഎ പുറത്തുവിട്ടു. മാര്‍ച്ച് 10 വരെയുള്ള തീയതികളില്‍ പരീക്ഷയുള്ളവര്‍ക്ക് സ്ലിപ്പ് ഡൗണ്‍ലോഡ് ചെയ്യാം.
CUET PG 2026
സിയുഇടി പിജി 2026 പരീക്ഷയുടെ സിറ്റി ഇന്റിമേഷൻ സ്ലിപ്പ് (പരീക്ഷ നഗരത്തെക്കുറിച്ചുള്ള അറിയിപ്പ്) എന്‍ടിഎ പുറത്തുവിട്ടു. മാര്‍ച്ച് 10 വരെയുള്ള തീയതികളില്‍ പരീക്ഷയുള്ളവര്‍ക്ക് സ്ലിപ്പ് ഡൗണ്‍ലോഡ് ചെയ്യാം. മാർച്ച് 06, 07, 08, 09, 10, 11, 12, 13, 16, 17, 18, 19, 24, 25, 27 തീയതികളിലാണ് പരീക്ഷ നടത്തുന്നത്. മറ്റ് തീയതികളിലെ സിറ്റി സിറ്റി ഇന്റിമേഷൻ സ്ലിപ്പ് പിന്നീട് ലഭ്യമാകും. മാര്‍ച്ച് 10 വരെയുള്ള തീയതികളിലെ പരീക്ഷയ്ക്കുള്ള അഡ്മിറ്റ് കാര്‍ഡ് ഉടന്‍ ലഭ്യമാകും.
157 വിഷയങ്ങളില്‍ ഓണ്‍ലൈനായാണ് പരീക്ഷ നടത്തുന്നത്. https://exams.nta.nic.in/cuet-pg/ എന്ന ലിങ്ക് വഴി സ്ലിപ്പ് ഡൗണ്‍ലോഡ് ചെയ്യാം. എന്നാല്‍ ഈ സ്ലിപ്പ് ഒരിക്കലും അഡ്മിറ്റ് കാര്‍ഡിന് പകരമല്ല. പരീക്ഷാ കേന്ദ്രം സ്ഥിതി ചെയ്യുന്ന നഗരത്തെക്കുറിച്ചുള്ള മുന്‍കൂര്‍ അറിയിപ്പാണിത്. അഡ്മിറ്റ് കാര്‍ഡില്ലാത്തവരെ പരീക്ഷാ കേന്ദ്രത്തിലേക്ക് പ്രവേശിപ്പിക്കില്ല.
പരീക്ഷാ കേന്ദ്രത്തിന്റെ പേര്, ഷിഫ്റ്റ് സമയം, റിപ്പോർട്ടിംഗ് സമയം തുടങ്ങിയ വിശദാംശങ്ങൾ അഡ്മിറ്റ് കാർഡിൽ ഉണ്ടായിരിക്കും. സിറ്റി ഇന്റിമേഷൻ സ്ലിപ്പ് ഡൗൺലോഡ് ചെയ്യുന്നതിനോ പരിശോധിക്കുന്നതിനോ ബുദ്ധിമുട്ട് നേരിടുന്നുണ്ടെങ്കിൽ, 011-40759000 എന്ന നമ്പറിൽ ബന്ധപ്പെടാം. അല്ലെങ്കിൽ helpdesk-cuetpg@nta.ac.in എന്ന ഇമെയിൽ വിലാസത്തിൽ വിവരം അറിയിക്കാം. ഏറ്റവും പുതിയ അപ്‌ഡേറ്റുകള്‍ക്ക് ഔദ്യോഗിക വെബ്‌സൈറ്റ് സന്ദര്‍ശിക്കണമെന്നും എന്‍ടിഎ നിര്‍ദ്ദേശിച്ചു. സിറ്റി സിറ്റി ഇന്റിമേഷൻ സ്ലിപ്പ് ലഭിക്കാനുള്ള ലിങ്കില്‍ പ്രവേശിക്കാന്‍ ഇവിടെ ക്ലിക്ക് ചെയ്യുക.
