Kerala School Holiday: സ്കൂളിൽ പോകാൻ ഒരുങ്ങിയോ? നിൽക്കൂ…; അവധി പ്രഖ്യാപിച്ച് കളക്ടർ

ആലപ്പുഴ: വിദ്യാർത്ഥികൾക്ക് സന്തോഷവാർത്ത, ഇന്ന് സ്കൂളുകൾക്ക് അവധി. ചെട്ടികുളങ്ങര ദേവി ക്ഷേത്രത്തിലെ കുംഭഭരണി മഹോത്സവത്തോടനുബന്ധിച്ചാണ് ആലപ്പുഴ ജില്ലയിലെ മാവേലിക്കര കാർത്തികപ്പള്ളി താലൂക്കുകൾക്കാണ് അവധി നൽകിയിരിക്കുന്നത്. എല്ലാ സർക്കാർ ഓഫീസുകൾക്കും വിദ്യാഭ്യാസ സ്ഥാപനങ്ങൾക്കും അവധി ബാധകമായിരിക്കും. അതേസമയം മുൻ നിശ്ചയിച്ച പൊതുപരീക്ഷകൾ മാറ്റമില്ലാതെ നടക്കും.

ALSO READ: തിങ്കളാഴ്ച സ്കൂളിൽ പോകേണ്ട….. രണ്ട് ​ദിവസം അവധി പ്രഖ്യാപിച്ച് കളക്ടർ

അതേസമയം, ഉത്രാളിക്കാവ് പൂരത്തെ തുടർന്ന് ഫെബ്രുവരി 24 ന് (നാളെ) വടക്കാഞ്ചേരി നഗരസഭ പരിധിയിലും പ്രാദേശിക അവധി പ്രഖ്യാപിച്ചിട്ടുണ്ട്. സർക്കാർ ഓഫീസുകൾക്കും വിദ്യാഭ്യാസ സ്ഥാപനങ്ങൾക്കും അങ്കണവാടികൾക്കും തലപ്പിള്ളി താലൂക്കിൽപ്പെട്ട എങ്കക്കാട് ഗ്രൂപ്പ് വില്ലേജ് ഓഫീസിനുമാണ് അവധി പ്രഖ്യാപിച്ചിരിക്കുന്നത്.

എന്നാൽ മുൻ നിശ്ചയിച്ച പൊതുപരീക്ഷകൾക്കും കേന്ദ്ര-സംസ്ഥാന, അർദ്ധ സർക്കാർ സ്ഥാപനങ്ങളിലേക്ക് നിയമനത്തിനായി നടത്തുന്ന പരീക്ഷകൾക്കും അവധി ബാധകമായിരിക്കില്ല. ജില്ലാ കളക്ടർ അർജുൻ പാണ്ഡ്യനാണ് അവധി പ്രഖ്യാപിച്ചിരിക്കുന്നത്.