Mohanlal Pinarayi Vijayan: മലയാള സിനിമയിൽ എനിക്ക് ഏറ്റവും ഇഷ്ടമുള്ള മോഹൻലാൽ കഥാപാത്രം അതാണ്! മനസ്സ് തുറന്ന് മുഖ്യമന്ത്രി

Mohanlal, Pinarayi Vijayan

സിനിമയിലെ തന്റെ ഇഷ്ട താരങ്ങളെക്കുറിച്ചും കഥാപാത്രങ്ങളെ കുറിച്ചും മനസ്സ് തുറന്ന് മുഖ്യമന്ത്രി പിണറായി വിജയൻ. നടൻ മോഹൻലാലുമായി ഒന്നിച്ചുള്ള ” കണ്ടു മിണ്ടിയും ഇരുവർ ” എന്ന അഭിമുഖത്തിലാണ് സിനിമയോടുള്ള തന്റെ ഇഷ്ടത്തെക്കുറിച്ച് തന്നെ സ്വാധീനിച്ച കഥാപാത്രങ്ങളെക്കുറിച്ചും എല്ലാം മുഖ്യമന്ത്രി മനസ്സ് തുറന്നത്. മലയാള സിനിമയിൽ നമുക്ക് ഓർത്തുവെക്കാൻ കഴിയുന്ന ഒരുപാട് കഥാപാത്രങ്ങളുണ്ട് എന്നും അതിൽ ഏറ്റവും സാമൂഹിക പ്രതിബദ്ധതയുള്ള ഒരു കഥാപാത്രം മോഹൻലാൽ അഭിനയിച്ച ഒരു ചിത്രം തന്നെയാണ് എന്നാണ് പിണറായി വിജയൻ പറയുന്നത്.

അത് മറ്റൊന്നുമല്ല എന്നും മലയാളികൾ കാണാൻ ഇഷ്ടപ്പെടുന്ന നൊമ്പരപ്പെടുത്തുകയും സന്തോഷിപ്പിക്കുകയും ചെയ്യുന്ന ചിത്രമായ അമൃതം ഗമയ ആണ്. അതിലെ പി കെ ഹരിദാസ് എന്ന ഡോക്ടർ കഥാപാത്രത്തെ ഇഷ്ടപ്പെടാത്തവർ ചുരുക്കം ആയിരിക്കും. മാത്രമല്ല പികെ ഹരിദാസിനെ കുറിച്ച് ചിന്തിക്കാത്തവരും ഉണ്ടാകില്ല. ഒരു പ്രായത്തിന്റെ തിള പറ്റിപ്പോയ തെറ്റിന് ഒരു ജന്മം മൊത്തം ത്യജിച്ച പി കെ ഹരിദാസ് എന്ന കഥാപാത്രത്തെയും സിനിമയെയും തനിക്ക് ഏറെ ഇഷ്ടമാണെന്നാണ് മുഖ്യമന്ത്രി പറയുന്നത്. എം ടി എഴുതിയ ചിത്രത്തിന് ഇന്നും മൂല്യങ്ങൾ ഏറെയാണ്.

രജനീകാന്ത് സിനിമകളും തന്നെ ഒരുകാലത്ത് സ്വാധീനിപ്പിച്ചിരുന്നുവെന്നും മുഖ്യമന്ത്രി പറഞ്ഞു. പണ്ടുകാലത്തെ കെ ടി വി എന്ന ചാനലിൽ ധാരാളം രജനി പടങ്ങൾ എത്താറുണ്ട്. അതിൽ ആക്ഷൻ പടങ്ങളാണ് തന്നെ കൂടുതൽ ആകർഷിച്ചിട്ടുള്ളത്. രജനീകാന്ത് സിനിമകളോടും അദ്ദേഹത്തിന്റെ രീതികളോടും പ്രത്യേകം ഇഷ്ടം തോന്നിയിരുന്നു എന്നും അദ്ദേഹം പറഞ്ഞു. മോഹൻലാലുമായുള്ള ഒരു മണിക്കൂർ ദൈർഘ്യമുള്ള അഭിമുഖം കഴിഞ്ഞദിവസം വൈകിട്ട് ആറുമണിയോടെയാണ് എത്തിയത്. മഹാനടനുമായുള്ള മുഖ്യമന്ത്രിയുടെ സംസാരവും തുറന്നു പറച്ചിലുകൾ എല്ലാം സോഷ്യൽ മീഡിയയിൽ ഇതിനോടകം ശ്രദ്ധ നേടി.