“സ്ത്രീയോട് അങ്ങനെ പറയാൻ പാടില്ല, മിഥുനത്തിൽ മോഹൻലാൽ പറഞ്ഞ ആ ഡയലോഗിനോട് വിയോജിപ്പ് തോന്നി”; കാരണം വിശദീകരിച്ച് ഉർവ്വശി

ഉർവശി

മലയാളത്തിൽ എക്കാലവും ഓർമ്മിക്കപ്പെടുന്ന സിനിമകളിൽ ഒന്നാണ് ശ്രീനിവാസൻ്റെ തിരക്കഥയിൽ പ്രിയദർശൻ സംവിധാനം ചെയ്ത മിഥുനം. ഉർവ്വശിയും മോഹൻലാലും ശ്രിനിവാസനുമെല്ലാം തകർത്തഭിനയിച്ച സിനിമയിലെ പല ഡയലോഗുകളും പിന്നീട് മലയാള ഭാഷയിലെ പ്രയോഗങ്ങളായി തന്നെ മാറിയിരുന്നു. പ്രണയിനി ഭാര്യായി വരുമ്പോൾ ജീവിതത്തിൽ ഉണ്ടാകുന്ന പൊരുത്തേടുകളെ കുറിച്ച് സംസാരിച്ച സിനിമയിലെ ക്ലൈംകാസിലെ സംഭാഷണത്തിൽ തനിക്കുണ്ടായിരുന്ന അഭിപ്രായ വ്യത്യാസം തുറന്നു പറയുകയാണ് ഇപ്പോൾ ഉർവ്വശി.

ആശ എന്ന സിനിമയുടെ പ്രമോഷനുമായി ബന്ധപ്പെട്ട് ഏഷ്യാനെറ്റിന് നൽകിയ അഭിമുഖത്തിൽ സാമൂഹ്യ മാധ്യമങ്ങളിലെ കുറിപ്പുകളെ അടിസ്ഥാനമാക്കി അവതാരക ചോദിച്ച ചോദ്യത്തിന് മറുപടിയായാണ് ആ ഡയലോഗിനെ കുറിച്ചുള്ള തൻ്റെ കാഴ്ചപ്പാട് ഉർവ്വശി വ്യക്തമാക്കിയത്. എന്നാൽ അതുകൊണ്ട് സിനിമയുടെ ക്ലൈമാക്സിനോട് തനിക്ക് എതിർപ്പുണ്ടായിരുന്നു എന്ന തരത്തിലുള്ള വ്യാഖ്യാനങ്ങൾ നൽകുന്നത് ശരിയല്ല എന്ന് നിലപാട് വ്യക്തമാക്കിയ ഉർവ്വശി ഇപ്പോഴത്തെ കാലത്ത് ഇതെല്ലാം വലിയ സംഭവങ്ങളായി മാറുകയാണെന്നും ചേർത്തു പറയുന്നു.

Also Read: Sangeeth Prathap: മിമിക്രി മുതൽ നാടോടി നൃത്തം വരെ; സംഗീത് പ്രതാപ് സ്കൂളിലും രസികൻ തന്നെ!

ക്ലൈമാക്സിൽ മോഹൻലാൽ പറയുന്ന ഒരു ഡയലോഗുണ്ട്. ‘ഞാൻ നിൻ്റെ ഭർത്താവ് മാത്രമല്ല, ഞാനൊരു സഹോദരനാണ്, മകനാണ്, ഒരു സുഹൃത്താണ്. അങ്ങനെയൊക്കെയുള്ള റോളുകൾ ചെയ്യേണ്ട ഒരു പുരുഷനാണ്. നിൻ്റെ കമുകനായി മാത്രം, നിൻ്റെ ഭർത്താവി മാത്രം എനിക്ക് ജീവിക്കാൻ കഴിയില്ല’ എന്ന് പറയുന്നതാണ് ആ ഡയലോഗ്. ഒരു സ്ത്രീയും അങ്ങനെ തന്നെയല്ലേ എന്ന് ഉർവ്വശി ചോദിക്കുന്നു. സ്ത്രീ എല്ലാം ഉപേക്ഷിച്ചാണ് ഭർത്താവിൻ്റെ വീട്ടിലേക്ക് വരുന്നത്. മറ്റൊരു കുടുംബത്തിൽ പോയി അവിടുത്തെ ആളുകളുമായി ഇഴുകിച്ചേർന്ന് ആ കുടുംബത്തിൻ്റെ ഉത്തരവദിത്തങ്ങൾ എറ്റെടുക്കുന്ന ഒരു സ്ത്രീയോട് അങ്ങനെ പറയാൻ പാടില്ല. ആ വിയോജിപ്പ് അന്നും ഇന്നും ഇനിയുള്ള കാലത്തും തനിക്ക് മാത്രമല്ല ഏതൊരു സ്ത്രീക്കും ഉണ്ടാകും. അത് വളരെ സ്വാഭാവികമാണെന്നും ഉർവ്വശി പറയുന്നു.

അതോരു അഭിപ്രായ പ്രകടനം മാത്രമായിരുന്നു എന്ന് ഉർവശി ആവർത്തിച്ച് പറയുന്നുണ്ട്. ശ്രിനിവാസൻ്റെ തിരക്കഥയാണ്. പ്രിയദർശനാണ് സംവിധാനം ചെയ്യുന്നത്. ഈ ഡയലേഗ് കേട്ടപ്പോൾ “ആ എന്നാ പിന്നെ ഞങ്ങളും പറയേണ്ടെ ഇതുപോലെയൊക്കെ” എന്ന് ചോദിച്ചത് ഇന്ന് എന്തോ വലിയ സംഭവമായി ചിത്രീകരിക്കുകയാണ്. അതൊരു വലിയ വിയോജിപ്പായി പറഞ്ഞതാണ്. അതിനെ ആ നിലയിൽ തന്നെ കണ്ടാൽ മതിയെന്നും ഉർവ്വശി വ്യക്തമാക്കി.

English Summary

Actress Urvashi revealed her disagreement with Mohanlal’s climax dialogue in the classic film Mithunam, stating that a woman also takes on multiple roles and sacrifices everything for her new family.