വാഴപ്പഴം വാങ്ങി രണ്ട് ദിവസം കഴിയുമ്പോഴേക്കും കറുത്ത് പാടുകൾ വീഴുന്നതും, പിന്നീട് അത് പെട്ടെന്ന് അമിതമായി പഴുത്തു ചീഞ്ഞുപോകുന്നതും മിക്ക വീട്ടമ്മമാരുടെയും പ്രശ്നമാണ്. എന്നാൽ ചെറിയ ചില കാര്യങ്ങൾ ശ്രദ്ധിച്ചാൽ വാഴപ്പഴം ദിവസങ്ങളോളം ഫ്രഷായി സൂക്ഷിക്കാൻ സാധിക്കും. വാഴപ്പഴത്തിന്റെ ആയുസ്സ് കൂട്ടാൻ പറ്റിയ ചില എളുപ്പവഴികൾ നമുക്ക് മനസ്സിലാക്കാം. (Image Credit Source: Getty Images)

വാഴപ്പഴം പഴുക്കുന്നത് എങ്ങനെയെന്ന് ആദ്യം മനസ്സിലാക്കുക. വാഴപ്പഴത്തിൻ്റെ തണ്ടിൽ നിന്ന് പുറത്തുവരുന്ന എഥിലീൻ എന്ന വാതകമാണ് പഴം പെട്ടെന്ന് പഴുക്കാൻ കാരണമാകുന്നത്. ഈ വാതകത്തിൻ്റെ പുറത്തുവരൽ നിയന്ത്രിച്ചാൽ പഴം പഴുക്കുന്നത് നമുക്ക് പതുക്കെയാക്കാനാകും. വാഴപ്പഴം വാങ്ങിയ ശേഷം അതിന്റെ തണ്ടുകൾ അലുമിനിയം ഫോയിൽ ഉപയോഗിച്ച് നന്നായി പൊതിഞ്ഞു വെക്കുന്നത് അവ പഴുക്കുന്നത് തടയാൻ സഹായിക്കും.

ഒരു കുല വാഴപ്പഴം ആണെങ്കിൽ ഓരോ പഴം വിട്ടുപിരിച്ച ശേഷം തണ്ടുകൾ പ്രത്യേകം പൊതിയുന്നത് കൂടുതൽ ഫലപ്രദമാണ്. അതുപോലെ വാഴപ്പഴം ഒരിക്കലും മറ്റ് പഴങ്ങൾക്കൊപ്പം പ്രത്യേകിച്ച് ആപ്പിൾ, അവോക്കാഡോ, തക്കാളി എന്നിവയ്ക്കൊപ്പം വെയ്ക്കരുത്. മറ്റ് പഴങ്ങളിൽ നിന്ന് പുറത്തുവരുന്ന എഥിലീൻ വാതകം വാഴപ്പഴം പെട്ടെന്ന് പഴുക്കാൻ കാരണമാകും. വാഴപ്പഴം എപ്പോഴും പ്രത്യേകം സൂക്ഷിക്കുന്നതാണ് നല്ലത്.

പഴങ്ങൾ പാത്രത്തിൽ നിരത്തി വെക്കുമ്പോൾ ഭാരം കാരണം താഴെ ഭാഗത്ത് സമ്മർദ്ദം ഉണ്ടാവുകയും അവിടെ കറുത്ത പാടുകൾ പെട്ടെന്ന് വരികയും ചെയ്യും. ഇതിനൊരു പരിഹാരമായി പഴങ്ങൾ എവിടെയെങ്കിലും തൂക്കിയിടുന്നതാണ് നല്ലത്. ഇത് വായുസഞ്ചാരം കൂട്ടുകയും പഴത്തിന് കേടുപാടുകൾ സംഭവിക്കുന്നത് ഒഴിവാക്കുകയും ചെയ്യും. പഴം ഏകദേശം പഴുത്തു കഴിഞ്ഞു എന്ന് തോന്നുമ്പോൾ മാത്രം ഫ്രിഡ്ജിലേക്ക് മാറ്റിയാൽ മതിയാകും.

ഫ്രിഡ്ജിനുള്ളിലെ തണുപ്പ് പഴുക്കുന്ന പ്രക്രിയയെ മന്ദഗതിയിലാക്കും. ഫ്രിഡ്ജിൽ വെക്കുമ്പോൾ വാഴപ്പഴത്തിന്റെ തൊലി കറുത്ത നിറമാകും, എന്നാൽ ഉള്ളിലെ പഴം നല്ല ഫ്രഷ് ആയി തന്നെ ഇരിക്കും. പഴം അമിതമായി പഴുത്തുപോയാൽ ഒട്ടും വിഷമിക്കേണ്ട. അവ കളയാതെ തൊലി കളഞ്ഞ് മിക്സിയിൽ അടിച്ച് സ്മൂത്തി ആയോ കഴിക്കാം. വാഴപ്പഴം സൂക്ഷിക്കുന്ന സ്ഥലം എപ്പോഴും ഈർപ്പമില്ലാത്തതും വായുസഞ്ചാരമുള്ളതുമായിരിക്കണം.

ബെംഗളൂരുവിലേക്ക് നഗരത്തിന്റെ പുറത്തുനിന്ന് ധാരാളം ആളുകളാണ് ജോലി, വിദ്യാഭ്യാസം തുടങ്ങി വ്യത്യസ്ത ആവശ്യങ്ങള്‍ക്കായി പ്രതിദിനം യാത്ര ചെയ്യുന്നത്. എന്നാല്‍ മതിയായ ട്രെയിനുകളും ബസുകളും ഇല്ലാത്തതും മൂലം ദുരിതം അനുഭവിച്ചാണ് മിക്കവരുടെയും യാത്ര. സ്വകാര്യ വാഹനങ്ങള്‍ കൂടുതലായി നിരത്തിലിറങ്ങുന്നത് ഗതാഗതക്കുരിക്കിനും കാരണമാകുന്നു. ഇത്തരം പ്രശ്‌നങ്ങള്‍ക്കെല്ലാം പരിഹാരം കാണാനായി പുതിയ ട്രെയിന്‍ സര്‍വീസ് ആരംഭിക്കാനൊരുങ്ങുകയാണ് കര്‍ണാടക സര്‍ക്കാര്‍. (Image Credit Source: Getty Images and PTI)

ബെംഗളൂരുവിനെ മൈസൂര്‍, കനകപുര, തുംകൂരു, കോലാര്‍ എന്നീ നഗരങ്ങളുമായി ബന്ധിപ്പിച്ച് റീജിയണല്‍ റാപ്പിഡ് ട്രാന്‍സിറ്റ് സിസ്റ്റം (ആര്‍ആര്‍ടിഎസ്) ഇടനാഴികള്‍ നിര്‍മിക്കുമെന്ന് കര്‍ണാടക മുഖ്യമന്ത്രി ഡികെ ശിവകുമാര്‍ കഴിഞ്ഞ ദിവസം പറഞ്ഞിരുന്നു. 394 കിലോമീറ്റര്‍ ദൈര്‍ഘ്യമുള്ള അഞ്ച് ആര്‍ആര്‍ടിഎസ് ലൈനുകള്‍ നിര്‍മിക്കാനാണ് സംസ്ഥാന സര്‍ക്കാര്‍ കേന്ദ്ര സര്‍ക്കാരിനോട് അനുമതി തേടുന്നത്. ഈ പാതയുടെ നിര്‍മാണം പൂര്‍ത്തിയാകുന്നതോടെ ബെംഗളൂരുവിലേക്കുള്ള യാത്ര വളരെ എളുപ്പമാകും.

ബെംഗളൂരു-ബിദാലി-മൈസൂര്‍ പാതയ്ക്ക് 145 കിലോമീറ്റര്‍, ബെംഗളൂരു-ഹരഹള്ളി-കനകപുര 60 കിലോമീറ്റര്‍, ബെംഗളൂരു-നലമംഗല-തുംകൂരു 60 കിലോമീറ്റര്‍, ബെംഗളൂരു-കെമ്പഗൗഡ അന്താരാഷ്ട്ര വിമാനത്താവള-ചിക്കബെല്ലാപുര 64 കിലോമീറ്റര്‍, ബെംഗളൂരു-ഹോസ്‌കോട്ട്-കോലാര്‍ 65 കിലോമീറ്റര്‍ എന്നിങ്ങനെയാണ് നിശ്ചയിച്ചിരിക്കുന്നത്. പുതിയ പാതയുമായി ബന്ധപ്പെട്ട വിവരങ്ങള്‍ ബെംഗളൂരു സെന്‍ട്രലില്‍ നിന്നുള്ള പാര്‍ലമെന്റ് അംഗമാ. പിസി മോഹന്‍ തന്റെ എക്‌സ് അക്കൗണ്ടിലൂടെ പുറത്തുവിട്ടിട്ടുണ്ട്.

തുംകൂരു ഉള്‍പ്പെടെയുള്ള നഗരങ്ങളിലേക്ക് മെട്രോ സര്‍വീസുകള്‍ വ്യാപിപ്പിക്കാനുള്ള പദ്ധതി സംസ്ഥാന സര്‍ക്കാര്‍ ഉപേക്ഷിച്ചാല്‍ ആര്‍ആര്‍ടിഎസ് ഇടനാഴികള്‍ കൊണ്ടുവരാനാണ് കേന്ദ്ര സര്‍ക്കാര്‍ ലക്ഷ്യമിടുന്നതെന്നാണ് എംപി പറയുന്നത്. ഡല്‍ഹി-എന്‍സിആര്‍ മാതൃകയിലാണ് ബെംഗളൂരുവില്‍ ആര്‍ആര്‍ടിഎസ് നടപ്പാക്കാന്‍ ഉദ്ദേശിക്കുന്നത്. ഡല്‍ഹി-മീററ്റ് ആര്‍ആര്‍ടിഎസ് ഇടനാഴി ഇന്ത്യയിലെ ആദ്യത്തെ സെമി ഹൈ സ്പീഡ് റീജിയണല്‍ ട്രാന്‍സിറ്റ് ഇടനാഴിയാണിത്.

അതേസമയം, നമ്മ മെട്രോ സര്‍വീസ് ബെംഗളൂരുവില്‍ നിന്നും തുംകൂരുവിലേക്ക് നീട്ടുമെന്ന് സര്‍ക്കാര്‍ അറിയിച്ചിരുന്നു. എന്നാല്‍ മെട്രോ നഗരത്തിനുള്ളില്‍ സര്‍വീസ് നടത്തേണ്ടതാണെന്നും തുംകൂരുവിലേക്ക് ആര്‍ആര്‍ടിഎസ് ട്രെയിനുകള്‍ മതിയെന്നുമാണ് വിദഗ്ധരുടെ പക്ഷം. എന്നാല്‍ വിഷയത്തില്‍ അന്തിമ തീരുമാനം സംസ്ഥാന സര്‍ക്കാരിന്റേതാണ്. മെട്രോയുടെ ഡിപിആര്‍ ബിഎംആര്‍സിഎല്‍ സംസ്ഥാന സര്‍ക്കാരിന് മുന്നില്‍ സമര്‍പ്പിച്ച്, മറുപടിയ്ക്കായി കാത്തിരിക്കുകയാണ്.

ശരീരഭാരം കുറയ്ക്കാൻ ആഗ്രഹിക്കുന്നവർ വ്യായാമത്തിലും ഭക്ഷണക്രമത്തിലും മാറ്റങ്ങൾ വരുത്താറുണ്ട്. എന്നാൽ പലപ്പോഴും ഇത് പോഷകക്കുറവിലേക്കും കടുത്ത മടുപ്പിലേക്കും നയിക്കാം. കഠിനമായ ഡയറ്റുകൾക്ക് പകരം രാത്രി കിടക്കുന്നതിന് മുൻപ് കുടിക്കുന്ന ചില ആരോഗ്യകരമായ പാനീയങ്ങൾ ശരീരഭാരം എളുപ്പത്തിൽ കുറയ്ക്കാൻ സഹായിക്കുമെന്ന് ഫിറ്റ്നസ് ട്രെയിനറായ അമാര വ്യക്തമാക്കുന്നു. അമിത കൊഴുപ്പ് ഇല്ലാതാക്കാനും ദഹനം മെച്ചപ്പെടുത്താനും സഹായിക്കുന്ന 5 കിടപ്പറ പാനീയങ്ങൾ ഇതാ. (Image Credit Source: Getty Images)

രാത്രി കിടക്കുന്നതിന് 20–30 മിനിറ്റ് മുൻപ് ഒരു ഗ്ലാസ് ചെറുചൂടുവെള്ളത്തിൽ നാരങ്ങാനീര് പിഴിഞ്ഞ് ചേർത്ത് കുടിക്കുന്നത് ദഹനം സുഗമമാക്കും. ഇത് വയറു വീർക്കുന്ന അവസ്ഥ കുറയ്ക്കാനും ശരീരത്തിന്റെ മെറ്റബോളിസം വർദ്ധിപ്പിച്ച് തടി കുറയ്ക്കാനും സഹായിക്കുന്നു. രക്തത്തിലെ പഞ്ചസാരയുടെ അളവ് നിയന്ത്രിക്കാൻ കറുവപ്പട്ട മികച്ചതാണ്. ഇത് അമിത വിശപ്പ് കുറയ്ക്കുകയും രാത്രി ഉറങ്ങുമ്പോൾ ശരീരത്തിലെ കൊഴുപ്പ് കത്തിച്ചു കളയാൻ സഹായിക്കുകയും ചെയ്യും. ഒരു ഗ്ലാസ് വെള്ളത്തിൽ ഒരു ടീസ്പൂൺ കറുവപ്പട്ട പൊടിയോ ഒരു ചെറിയ കഷ്ണമോ ഇട്ട് അഞ്ച് മിനിറ്റ് തിളപ്പിച്ച് ഇത് തയ്യാറാക്കാം.

വയറിനെ ശാന്തമാക്കാനും കൊഴുപ്പ് ഇല്ലാതാക്കാനും ഇഞ്ചി ചായ ഉത്തമമാണ്. തിളപ്പിച്ച ഒരു ഗ്ലാസ് വെള്ളത്തിൽ ചെറിയൊരു കഷ്ണം ഇഞ്ചി അരിഞ്ഞതോ അരച്ചതോ ചേർത്ത ശേഷം അതിലേക്ക് ഒരു ഗ്രീൻ ടീ ബാഗ് കൂടി മുക്കിവെക്കുക. പിന്നീട് ഇത് അരിച്ചെടുത്ത് കുടിക്കാം. ഇത് നല്ല ഉറക്കത്തിനും ശരീരഭാരം കുറയ്ക്കാനും സഹായിക്കും.

ശരീരത്തിലെ മാലിന്യങ്ങളെ പുറന്തള്ളാനും ദഹനം മെച്ചപ്പെടുത്താനും ആപ്പിൾ സിഡെർ വിനെഗർ സഹായിക്കും. ഒരു ഗ്ലാസ് ചൂടുവെള്ളത്തിൽ ഒരു ടേബിൾസ്പൂൺ ആപ്പിൾ സിഡെർ വിനെഗറും ഒരു ടീസ്പൂൺ ഇഞ്ചി അരച്ചതും ചേർത്ത് മിശ്രിതമാക്കുക. കിടക്കുന്നതിന് 30 മിനിറ്റ് മുൻപ് വേണം ഇത് കുടിക്കാൻ.

നല്ല ഉറക്കം ലഭിക്കാൻ സഹായിക്കുന്ന മികച്ചൊരു ഹെർബൽ ചായയാണിത്. മികച്ച ഉറക്കം ശരീരത്തിൽ നല്ല മെറ്റബോളിസം ഉറപ്പാക്കുന്നു, ഇത് വണ്ണം കുറയ്ക്കാൻ അത്യാവശ്യമാണ്. ഒരു ഗ്ലാസ് ചെറുചൂടുവെള്ളത്തിൽ ഒരു ചമോമൈൽ ടീ ബാഗ് 5 മിനിറ്റ് മുക്കിവെച്ച ശേഷം കുടിക്കാവുന്നതാണ്.

ആരാധകരുടെ 'കെയ്ന്‍ മാമ' (കെയ്ന്‍ വില്യംസണ്‍) കൂടി വിരമിച്ചതോടെ ആധുനിക ലോകക്രിക്കറ്റിലെ വിഖ്യാതമായ 'ഫാബ് 4'ല്‍ സജീവമായി ടെസ്റ്റ് കളിക്കുന്നത് ഇനി രണ്ടേ രണ്ടു പേര്‍ മാത്രം. ഫാബ് നാലിലെ വിരാട് കോലിയാണ് ആദ്യം വിരമിച്ച താരം. ഇതിന് പിന്നാലെ കെയ്ന്‍ വില്യംസണും പടിയിറങ്ങി. ഇനി ബാക്കിയുള്ളത് സ്റ്റീവ് സ്മിത്തും, ജോ റൂട്ടും മാത്രം (Image Credit Source: PTI).

ജോ റൂട്ട് ഇപ്പോഴും മികച്ച ഫോമിലാണ്. ന്യൂസിലന്‍ഡിനെതിരായ രണ്ടാം ടെസ്റ്റ് മത്സരത്തില്‍ ഇംഗ്ലണ്ടിനെ നയിക്കുന്നതും റൂട്ടാണ്. സ്റ്റീവ് സ്മിത്ത് ഓസീസ് ക്രിക്കറ്റിന്റെ നട്ടെല്ലാണ്. ആധുനിക ക്രിക്കറ്റില്‍ സുവര്‍ണ്ണ അക്ഷരങ്ങളാല്‍ എഴുതപ്പെട്ടതാണ് 'ഫാബ് ഫോര്‍'. ഈ പേര് വന്നതിന് പിന്നില്‍ ഒരു കഥയുണ്ട്.

'ദ ബീറ്റില്‍സ്' എന്ന മ്യൂസിക് ബാന്‍ഡിനെ ആരാധകര്‍ വിളിച്ചിരുന്ന പേരാണ് 'ഫാബ് ഫോര്‍'. മുന്‍ ന്യൂസിലന്‍ഡ് ക്യാപ്റ്റന്‍ മാര്‍ട്ടിന്‍ ക്രോയാണ് ഈ പേര് ക്രിക്കറ്റിലേക്ക് കടമെടുത്തത്. 2014-ല്‍ ഒരു ക്രിക്കറ്റ് വെബ്‌സൈറ്റില്‍ എഴുതിയ ലേഖനത്തില്‍ അദ്ദേഹം ഒരു പ്രവചനം നടത്തി. ഈ നാല് താരങ്ങളും ലോകക്രിക്കറ്റിനെ നയിക്കാന്‍ പോകുന്ന 'നാല് അത്ഭുതങ്ങള്‍' ആയിരിക്കുമെന്ന് അദ്ദേഹം പറഞ്ഞു. പിന്നീട് നടന്നതിനെല്ലാം കാലം സാക്ഷി.

മാര്‍ട്ടിന്‍ ക്രോ ഉപയോഗിച്ച ഫാബ് 4 എന്ന പേര് ലോകക്രിക്കറ്റില്‍ പടര്‍ന്നുപിടിച്ചു. ആരാധകര്‍ ഏറ്റെടുത്തു. ഒരേ കാലഘട്ടത്തില്‍ ക്രിക്കറ്റിലേക്ക് എത്തിയവരാണ് ഫാബ് ഫോറിലെ ഈ താരങ്ങള്‍. ഈ നാലുപേരും ലോകക്രിക്കറ്റിനെ ഭരിക്കുമെന്ന മാര്‍ട്ടിന്‍ ക്രോയുടെ പ്രവചനം 100 ശതമാനവും ശരിയായി.

അവശേഷിക്കുന്ന രണ്ട് താരങ്ങളും കരിയറിന്റെ സായംസന്ധ്യയിലാണ്. അടുത്ത ഫാബ് ഫോറിനെയും ലോകക്രിക്കറ്റ് കണ്ടെത്തിക്കഴിഞ്ഞു. അടുത്ത ഫാബ് ഫോറിലെ അംഗങ്ങള്‍ ഇവരാണ്; ശുഭ്മാന്‍ ഗില്‍, യശ്വസി ജയ്‌സ്വാള്‍, ഹാരി ബ്രൂക്ക്, രചിന്‍ രവീന്ദ്ര.

ഒരു നല്ല ഭാര്യ എങ്ങനെയായിരിക്കണം.. ഭർത്താവ് എങ്ങനെയായിരിക്കണം.. എങ്ങനെയായിരിക്കരുത് എന്നതിനെക്കുറിച്ച് നിരവധി കാര്യങ്ങൾ ചാണക്യൻ പറഞ്ഞിട്ടുണ്ട്. വിവാഹശേഷം സ്ത്രീകളിൽ ഉണ്ടാകാൻ പാടില്ലാത്ത കാര്യങ്ങളും അദ്ദേഹം ഓർമപ്പെടുത്തുന്നു. ഈ 3 ശീലങ്ങൾ ഉണ്ടെങ്കിൽ, അവൾ തന്റെ ഭർത്താവിനെ എത്രമാത്രം സ്നേഹിച്ചാലും വീട് നശിപ്പിക്കപ്പെടുമെന്ന് അദ്ദേഹം പറയുന്നു. (Image Credit source: Getty Images)

കുടുംബ ബന്ധങ്ങളിൽ ചെറിയ തെറ്റുകൾ സംഭവിക്കുന്നത് സ്വാഭാവികമാണ്. എന്നാൽ അത്തരം സമയങ്ങളിൽ സ്വയം നിയന്ത്രിക്കണം. നാവാണ് ഏറ്റവും വലിയ ആയുധം. യാതൊരു ചിന്തയുമില്ലാതെ എടുത്തുചാടി സംസാരിക്കുന്ന നാവ് നിയന്ത്രിക്കാത്ത ഭാര്യ കുടുംബത്തിൽ പ്രശ്നങ്ങൾക്ക് കാരണമാകുന്നു.അങ്ങനെയുള്ള ഒരു ഭാര്യ ഉണ്ടെങ്കിൽ മനസ്സമാധാനം ഉണ്ടാകില്ലെന്നും അദ്ദേഹം പറഞ്ഞു.

ഭാര്യാഭർതൃ ബന്ധത്തിൽ, തർക്കിക്കുന്നതിനോ സംസാരിക്കുന്നതിനോ മുമ്പ് പരസ്പരം മനസ്സിലാക്കേണ്ടത് പ്രധാനമാണ്. ഒരു കാര്യം വ്യക്തതയോടെ മനസ്സിലാക്കാതെ വഴക്കുണ്ടാക്കുന്ന സ്ത്രീ കുടുംബത്തെ ശരിയായി പരിപാലിക്കില്ലെന്ന് ആചാര്യനായ ചാണക്യൻ പറയുന്നു. ദേഷ്യം സ്വാഭാവികമാണ്. എന്നാൽ കുടുംബത്തിന്റെ നന്മയ്ക്കായി, ശാന്തത പാലിക്കുന്നതാണ് എപ്പോഴും നല്ലത്.

ഒരു ഭാര്യ സദ്‌ഗുണമുള്ളവളാണെങ്കിൽ, അവൾ അവളുടെ മുഴുവൻ കുടുംബത്തെയും സംരക്ഷിക്കുമെന്ന് ചാണക്യൻ പറയുന്നു. ഒരു ഭാര്യ സദ്‌ഗുണമുള്ളവളല്ലെങ്കിലും വീട്ടിൽ എപ്പോഴും അസ്വസ്ഥതകൾ ഉണ്ടാവുകയും, ആ കുടുംബം നരകതുല്യമാകുമെന്നും ചാണക്യനീതിയിൽ അദ്ദേഹം പറയുന്നു.

ഭാര്യമാരെ പോലെ ഭർത്താക്കന്മാർക്കും ഇത് ബാധകമാണ്. സ്നേഹവും വിശ്വാസവും ബഹുമാനവും പരസ്പരം ഉണ്ടായിരിക്കണം. (നിരാകരണം: ഈ വാർത്ത പൊതുവായ വിവരങ്ങളെയും വിശ്വാസങ്ങളെയും അടിസ്ഥാനമാക്കിയുള്ളവയാണ്. ടിവി9 മലയാളം സ്ഥിരീകരിക്കുന്നില്ല)

പുറത്തുനിന്ന് ഹോട്ടൽ ഭക്ഷണങ്ങളും വഴിയോര പലഹാരങ്ങളും കഴിക്കാൻ ഇഷ്ടപ്പെടുന്നവരും സാഹചര്യം കൊണ്ട് കഴിക്കുന്നവരും ധാരാളമാണ്. നിത്യജീവിതത്തിലെ തിരക്കും മറ്റുമാണ് പലരെയും ഇതിന് പ്രേരിപ്പിക്കുന്നത്. എന്നാൽ നമ്മുടെ നാട്ടിൽ പൊട്ടിപുറപ്പെട്ട ഷി​ഗെല്ല രോഗബാധയെ ചെറുക്കാൻ ഭക്ഷണപ്രിയർ ചില കാര്യങ്ങൾ നിർബന്ധമായും ശ്രദ്ധിക്കേണ്ടതുണ്ട്. മലിനമായ വെള്ളത്തിലൂടെയും ശുചിത്വമില്ലാതെ തയാറാക്കുന്ന ഭക്ഷണത്തിലൂടെയുമാണ് ഈ വില്ലൻ ബാക്ടീരിയ മനുഷ്യ ശരീരത്തിൽ പ്രവേശിക്കുന്നത്. (Image Credit Source: Getty Images)

ഈ സാഹചര്യത്തിൽ പുറത്തുനിന്ന് ഭക്ഷണം കഴിക്കുമ്പോൾ നിങ്ങൾ ശ്രദ്ധിക്കേണ്ട കാര്യങ്ങൾ എന്തെല്ലാമെന്ന് നമുക്ക് നോക്കാം. ഹോട്ടലുകളിൽ എത്തുമ്പോൾ മേശപ്പുറത്ത് വെച്ചിരിക്കുന്ന തുറന്നുവച്ചിരിക്കുന്ന വെള്ളം കുടിക്കുന്നത് പരമാവധി ഒഴിവാക്കുക. അത് നന്നായി തിളപ്പിച്ചതാണെന്ന് ഉറപ്പില്ലെങ്കിൽ രോഗബാധയുണ്ടാകാനുള്ള സാധ്യതയുണ്ട്. ഹോട്ടലുകളിൽ പോകുമ്പോൾ നന്നായി തിളച്ച ആവി പറക്കുന്ന വെള്ളം മാത്രം ചോദിച്ചു വാങ്ങുക.

ഹോട്ടൽ ഭക്ഷണത്തോടൊപ്പം കിട്ടുന്ന ഉള്ളി, തക്കാളി, വെള്ളരിക്ക എന്നിവയടങ്ങിയ സാലഡുകൾ പുറത്തുനിന്ന് കഴിക്കുന്നത് പലപ്പോഴും സുരക്ഷിതമല്ല. ഇവ കഴുകാൻ ഉപയോഗിക്കുന്ന വെള്ളത്തിൽ ബാക്ടീരിയ ഉണ്ടെങ്കിൽ അത് നേരിട്ട് നമ്മുടെ വയറ്റിലെത്തും. നന്നായി വെന്ത പലഹാരങ്ങളും കറികളും മാത്രം പുറത്തുനിന്ന് കഴിക്കുക. പച്ചക്കറികൾ പച്ചയ്ക്ക് കഴിക്കുന്ന ശീലം ഹോട്ടലുകളിൽ വെച്ച് ഒഴിവാക്കുന്നതാണ് ബുദ്ധി. ആവശ്യമെങ്കിൽ വീട്ടിൽ വാങ്ങി കഴിക്കുക.

ചിക്കൻ, ബീഫ് തുടങ്ങിയ മാംസാഹാരങ്ങൾ ശരിയായ താപനിലയിൽ വെന്തിട്ടില്ലെങ്കിൽ അതിൽ ഷിഗെല്ല ഉൾപ്പെടെയുള്ള ബാക്ടീരിയകൾ നശിക്കാതെ അവശേഷിക്കും. പ്രത്യേകിച്ച് കൃത്യമായി വേവിക്കാത്ത ഷവർമ തുടങ്ങിയ ചിക്കൻ വിഭവങ്ങൾ. നിങ്ങൾ ഓർഡർ ചെയ്ത ചിക്കനോ മറ്റ് മാംസങ്ങളോ പൂർണ്ണമായി വെന്തിട്ടുണ്ടെന്ന് ഉറപ്പുവരുത്തിയ ശേഷം മാത്രം കഴിക്കുക. കഴിവതും ഇത്തരം സാഹചര്യങ്ങളിൽ പുറത്തുനിന്നുള്ള ഭക്ഷണം ഒഴിവാക്കുന്നതാണ് നല്ലത്.

ഭക്ഷണം കഴിക്കുന്നതിന് മുൻപ് വെറുതെ വെള്ളത്തിൽ കൈ കഴുകുന്ന ശീലം പൂർണമായും മാറ്റുക. നമ്മുടെ കൈകളിലൂടെയാണ് ഏറ്റവും കൂടുതൽ ബാക്ടീരിയകൾ വായയ്ക്കുള്ളിലേക്ക് എത്തുന്നത്. ഹോട്ടലുകളിൽ സാനിറ്റൈസർ ഉണ്ടെങ്കിൽ പോലും ഭക്ഷണം കഴിക്കുന്നതിന് തൊട്ടുമുൻപ് സോപ്പോ ഹാൻഡ്‌വാഷോ ഉപയോഗിച്ച് 20 സെക്കൻഡെങ്കിലും നന്നായി കൈകൾ കഴുകുക. പുറത്തുനിന്ന് ഭക്ഷണം കഴിച്ചതിന് ശേഷം കഠിനമായ വയറുവേദന, വിട്ടുമാറാത്ത പനി, ഛർദ്ദി തുടങ്ങിയ അസ്വസ്ഥതകളുണ്ടെങ്കിൽ തീർച്ചയായും വിദ​ഗ്ധരെ സമീപിക്കുക.

ഐആര്‍സിടിസി വെബ്‌സൈറ്റ് പരിഷ്‌കരിക്കാന്‍ പോകുന്നു. ജൂലൈ മുതല്‍ പുതിയ വെബ്‌സൈറ്റ് വഴി ടിക്കറ്റുകള്‍ ബുക്ക് ചെയ്യാമെന്ന് കേന്ദ്ര റെയില്‍വേ മന്ത്രി അശ്വിനി വൈഷ്ണവ് പറഞ്ഞു. ജൂലൈ 15നകം പുതിയ വെബ്‌സൈറ്റ് പ്രവര്‍ത്തനമാരംഭിക്കുമെന്നാണ് മന്ത്രിയുടെ പ്രഖ്യാപനം. ഉപഭോക്തൃ അനുഭവം മെച്ചപ്പെടുത്തുകയും വേഗതയേറിയ സേവനം ഒരുക്കുകയുമാണ് പുതിയ വെബ്‌സൈറ്റ് വഴി കേന്ദ്ര സര്‍ക്കാര്‍ ലക്ഷ്യമിടുന്നത്. 2002ലാണ് ഇന്റര്‍നെറ്റ് ടിക്കറ്റ് ബുക്കിങ് സംവിധാനം ഇന്ത്യന്‍ റെയില്‍വേ ആരംഭിക്കുന്നത്. നിലവില്‍ രാജ്യത്തെ മൊത്തം ട്രെയിന്‍ ടിക്കറ്റിങിന്റെ 88 ശതമാനവും നടക്കുന്നത് ഓണ്‍ലൈന്‍ പ്ലാറ്റ്‌ഫോമുകള്‍ വഴിയാണ്. (Image Credit Source: Getty Images)

പിആര്‍എസ് സംവിധാനം വഴി ടിക്കറ്റ് ബുക്കിങ് സാധ്യമാക്കാനാണ് റെയില്‍വേ ലക്ഷ്യമിടുന്നത്. ബഹുഭാഷ ഇന്റര്‍ഫേസ് അതായത്, ഒന്നിലധികം ഭാഷകളില്‍ വെബ്‌സൈറ്റ് ഉപയോഗിക്കാന്‍ സാധിക്കുക, ബുക്കിങ് സമയത്ത് ഉപഭോക്താക്കള്‍ക്ക് ഇഷ്ടപ്പെട്ട സീറ്റുകള്‍ തിരഞ്ഞെടുക്കാം, യാത്രയ്ക്കായി തിരഞ്ഞെടുക്കുന്ന തീയതികളിലെ നിരക്ക് പ്രത്യേകം കാണാന്‍ സാധിക്കും, ദിവ്യാംഗര്‍ക്കും വിദ്യാര്‍ഥികള്‍ക്കും രോഗികള്‍ക്കും പ്രത്യേക സേവനം, വേഗത്തിലുള്ള ബുക്കിങ് തുടങ്ങിയ സവിശേഷതകളാണ് ഈ വെബ്‌സൈറ്റിന്റെ പ്രത്യേകത.

പിആര്‍എസ് സംവിധാനം ബുക്കിങ് ശേഷി വര്‍ധിപ്പിക്കുമെന്ന വിലയിരുത്തലുമുണ്ട്. കഴിഞ്ഞ വര്‍ഷം അതായത്, 2025ല്‍ ഈ സംവിധാനം വഴി മിനിറ്റില്‍ 1.5 ലക്ഷത്തിലധികം ടിക്കറ്റ് ബുക്കിങുകള്‍ അനുവദിക്കുമെന്ന് റെയില്‍വേ മന്ത്രാലയം അറിയിച്ചിരുന്നു. നിലവില്‍ മിനിറ്റില്‍ 32,000 ടിക്കറ്റുകളേക്കാള്‍ അഞ്ച് മടങ്ങ് വര്‍ധനവാണിത്. ടിക്കറ്റുകള്‍ക്കായി അന്വേഷണ ശേഷി പത്തിരട്ടി വര്‍ധിപ്പിക്കുമെന്നും മന്ത്രാലയം പറയുന്നു.

നിലവില്‍ ഒരു മിനിറ്റില്‍ 4 ലക്ഷത്തോളം അന്വേഷണങ്ങളാണ് സാധ്യമാകുന്നത്. ഇത് 40 ലക്ഷത്തിലധികമായി വര്‍ധിക്കും. ബഹുഭാഷ സേവനം ലഭ്യമാക്കുന്നത് വഴി എല്ലാ വിഭാഗത്തില്‍പ്പെട്ട ആളുകള്‍ക്കും അതിവേഗം വെബ്‌സൈറ്റ് ഉപയോഗിക്കാന്‍ സാധിക്കുന്നതാണ്. ഉപഭോക്താക്കള്‍ക്ക് അവരവര്‍ക്ക് ഇഷ്ടമുള്ള സീറ്റുകള്‍ തിരഞ്ഞെടുക്കാനും അവസരം ലഭിക്കുന്നതാണ്.

ഇന്ത്യന്‍ റെയില്‍വേ സൂപ്പര്‍ ആപ്പ് എന്ന പേരില്‍ റെയില്‍വണ്‍ മൊബൈല്‍ ആപ്ലിക്കേഷന്‍ കഴിഞ്ഞ വര്‍ഷം പുറത്തിറക്കിയിരുന്നു. ആര്‍ട്ടിഫിഷ്യല്‍ ഇന്റലിജന്‍സിന്റെ സഹായത്തോടെ പ്രവര്‍ത്തിക്കുന്ന ഈ ആപ്പ്, ടിക്കറ്റ് ബുക്ക് ചെയ്യുമ്പോള്‍ വെയ്റ്റിങ് ലിസ്റ്റിലാണെങ്കില്‍ സ്ഥിരീകരിക്കപ്പെടാന്‍ സാധ്യതയുണ്ടോ ഇല്ലയോ എന്ന കാര്യം ഉപഭോക്താക്കളോട് പറയുന്നു. റെയില്‍വേയുമായി ബന്ധപ്പെട്ട പ്രവര്‍ത്തനങ്ങള്‍ കൂടുതല്‍ ഉപഭോക്തൃ സൗഹൃദമാക്കാനുള്ള നടപടികളുമായി മുന്നോട്ട് കൊണ്ടുപോകുകയാണ് അധികൃതര്‍.

തിളങ്ങുന്ന ചർമ്മവും സൗന്ദര്യവും നിലനിർത്താൻ വിപണിയിൽ ലഭ്യമാകുന്ന വിലകൂടിയ ക്രീമുകളും കെമിക്കലുകളും നിറഞ്ഞ ഉൽപ്പന്നങ്ങളും വാങ്ങി പണം കളയുന്നവരാണോ നിങ്ങൾ? എങ്കിൽ അധികം ചെലവില്ലാതെ ചർമ്മസംരക്ഷണം ഉറപ്പാക്കാൻ നമ്മുടെ അടുക്കളയിലെ പാൽ മാത്രം മതിയാകും. ചരിത്രപ്രസിദ്ധമായ ഈജിപ്ഷ്യൻ രാജ്ഞി ക്ലിയോപാട്രയുടെ സൗന്ദര്യ രഹസ്യം കഴുതപ്പാലിലെ കുളിയായിരുന്നു എന്നത് ഏറെ പ്രശസ്തമാണ്. ആയുർവേദത്തിലും പാലിന്റെ സൗന്ദര്യഗുണങ്ങളെക്കുറിച്ച് വ്യക്തമാക്കുന്നുണ്ട്. (Image Credit source: Getty Images)

പാലിൽ അടങ്ങിയിരിക്കുന്ന ലാക്റ്റിക് ആസിഡ്, വിറ്റാമിനുകൾ, പ്രോട്ടീനുകൾ എന്നിവ ചർമ്മത്തെ മൃദുവാക്കാനും പെട്ടെന്ന് തന്നെ നല്ല തിളക്കം നൽകാനും സഹായിക്കും. വീട്ടിൽ തന്നെ പാൽ ഉപയോഗിച്ച് തയ്യാറാക്കാവുന്ന ചില എളുപ്പ വഴികൾ താഴെ പറയുന്നവയാണ്. തണുത്ത പാലിൽ ഒരു കോട്ടൺ ബോൾ (പഞ്ഞി) മുക്കി മുഖത്തും കഴുത്തിലും മൃദുവായി പുരട്ടുക. 10 മിനിറ്റിന് ശേഷം തണുത്ത വെള്ളത്തിൽ കഴുകിക്കളയാം. ഇത് ചർമ്മത്തിലെ അഴുക്കും അധിക എണ്ണമയവും നീക്കം ചെയ്യാൻ സഹായിക്കും.

രണ്ട് ടീ സ്പൂൺ പാലും ഒരു ടീ സ്പൂൺ തേനും ചേർത്ത് മുഖത്ത് പുരട്ടി 15-20 മിനിറ്റിന് ശേഷം കഴുകാം. ഇത് ചർമ്മത്തിന് നല്ല ഈർപ്പവും മൃദുത്വവും നൽകും. രണ്ട് ടീ സ്പൂൺ പാലിലേക്ക് അൽപം മഞ്ഞൾപ്പൊടി ചേർത്ത് പേസ്റ്റ് രൂപത്തിലാക്കി മുഖത്ത് പുരട്ടുക. 10-15 മിനിറ്റിന് ശേഷം കഴുകിക്കളയാം. രണ്ട് ടീ സ്പൂൺ പാലിലേക്ക് ഒരു ടേബിൾ സ്പൂൺ കടലമാവ് ചേർത്ത് മുഖത്തിടുക. ഉണങ്ങിയ ശേഷം കഴുകിക്കളയാം. ഇത് അധിക എണ്ണമയം നിയന്ത്രിക്കും. രണ്ട് ടീ സ്പൂൺ പാലിലേക്ക് ഒരു ടേബിൾ സ്പൂൺ ഓട്സ് ചേർത്ത് മുഖത്ത് സാവധാനം മസാജ് ചെയ്യുക. 5 മിനിറ്റിന് ശേഷം കഴുകാം. ചർമ്മത്തിലെ മൃതകോശങ്ങൾ നീക്കാൻ ഇത് മികച്ചതാണ്.

ഉപയോഗിക്കുമ്പോൾ ശ്രദ്ധിക്കേണ്ട മുൻകരുതലുകൾ ഉണ്ട്. മുഖക്കുരുവുള്ള സെൻസിറ്റീവ് ചർമ്മമുള്ളവർ പാൽ ഉപയോഗിക്കുമ്പോൾ ജാഗ്രത പാലിക്കണം. പാൽ പുരട്ടുമ്പോൾ ചൊറിച്ചിൽ, ചുവപ്പ്, അല്ലെങ്കിൽ അലർജി എന്നിവ തോന്നിയാൽ ഉപയോഗം ഉടൻ നിർത്തുക. ഒരിക്കലും പഴകിയ പാൽ ഉപയോഗിക്കരുത്. ഫ്രഷ് ആയ പാൽ വേണം തിരഞ്ഞെടുക്കാൻ.

ആഴ്ചയിൽ 1 അല്ലെങ്കിൽ 2 തവണ മാത്രം ഇത്തരം ഫേസ് പാക്കുകൾ ഉപയോഗിക്കുക. പാൽ പുരട്ടിയ ശേഷം വെയിലത്ത് ഇറങ്ങുമ്പോൾ സൺസ്ക്രീൻ ഉപയോഗിക്കുന്നത് നല്ലതാണ്. എല്ലാവരുടെയും ചർമ്മ പ്രകൃതി വ്യത്യസ്തമായതിനാൽ മുഖത്ത് പുരട്ടുന്നതിന് മുൻപ് എപ്പോഴും ഒരു പാച്ച് ടെസ്റ്റ് ചെയ്യുന്നത് സുരക്ഷിതമായിരിക്കും.

ഫിഫ ലോകകപ്പിന്റെ 23ാം പതിപ്പിന് തുടക്കം കുറിച്ചിരിക്കുകയാണ്. ജൂണ്‍ 11 മുതല്‍ ജൂലൈ 19 വരെയാണ് 2026ലെ മത്സരങ്ങള്‍ നടക്കുന്നത്. യുഎസില്‍ പതിനൊന്നും മെക്‌സിക്കോയില്‍ മൂന്നും കാനഡയില്‍ രണ്ട് മത്സരങ്ങളും ഉള്‍പ്പെടെ 16 നഗരങ്ങളില്‍ വെച്ചാണ് ഫിഫ ലോകകപ്പ് 2026 നടക്കുന്നത്. മൂന്ന് രാജ്യങ്ങള്‍ ആതിഥേയമരുളുന്നുവെന്നൊരു പ്രത്യേകത കൂടി ഈ വര്‍ഷത്തെ ലോകകപ്പിനുണ്ട്. ക്വാര്‍ട്ടര്‍ ഫൈനല്‍ മുതലുള്ള മത്സരങ്ങള്‍ അമേരിക്കയില്‍ വെച്ച് നടക്കും, 10 മത്സരങ്ങള്‍ വീതം കാനഡയിലും മെക്‌സിക്കോയിലും വെച്ചാകും. (Image Credit Source: Getty Images and PTI)

ഫിഫ ലോകകപ്പിനും ഇന്ത്യയില്‍ ആരാധകരുണ്ട്. മറ്റ് മത്സരങ്ങളെ അപേക്ഷിച്ച് ലോകമാകെയുള്ള രാജ്യങ്ങള്‍ ഏറ്റവും കൂടുതല്‍ ആഘോഷിക്കുന്നതും ലോകകപ്പ് തന്നെ. ഇന്ത്യയൊന്നാകെ ലോകകപ്പ് ആവേശത്തിലേക്ക് കടക്കുമ്പോള്‍, കൊച്ചുകേരളത്തിലെ അവസ്ഥയും വ്യത്യസ്തമല്ല. കേരളത്തിന്റെ മുക്കും മൂലവും ലോകകപ്പ് ആവേശത്താല്‍ ഉണര്‍ന്നുകഴിഞ്ഞു. എന്നാല്‍ പ്രമുഖ ടീമുകളുടെ മത്സരങ്ങള്‍ നടക്കുന്ന സമയമാണ് ഇന്ത്യക്കാരെ വലയ്ക്കുന്നത്. പലതും അര്‍ധരാത്രിയിലും പുലര്‍ച്ചെയുമാണ് ഇന്ത്യയില്‍ സംപ്രേഷണം ചെയ്യുക. ഗ്രൂപ്പ് മത്സര സമയം വിശദമായി നോക്കാം.

അര്‍ജന്റീന- അള്‍ജീരിയ- ജൂണ്‍ 17ന് രാവിലെ 6.30ന്. അര്‍ജന്റീന-ഓസ്ട്രിയ-ജൂണ്‍ 22ന് രാത്രി 10.30ന്. അര്‍ജന്റീന-ജോര്‍ദാന്‍-ജൂണ്‍ 28ന് രാവിലെ 7.30ന്. അര്‍ജന്റീനയുടെ മത്സരങ്ങള്‍ കാണാന്‍ ആരാധകര്‍ ഉറക്കം കളഞ്ഞ് കാത്തിരിക്കേണ്ടതില്ല, നന്നായി ഉറങ്ങിയതിന് ശേഷവും അതിന് മുമ്പും മത്സരം ആസ്വദിക്കാവുന്നതാണ്. നെതര്‍ലന്‍ഡ്‌സിന്റെ ജപ്പാനുമായുള്ള മത്സരം ജൂണ്‍ 15ന് അര്‍ധരാത്രി 1.30നും, സ്വീഡനുമായുള്ള മത്സരം ജൂണ്‍ 20ന് രാത്രി 10.30നും, ടുണീഷ്യയുമായുള്ളത് ജൂണ്‍ 26ന് പുലര്‍ച്ചെ 4.30 നുമാണ്.

ബ്രസീല്‍-മൊറോക്കോ-ജൂണ്ഡ 14 ന് പുലര്‍ച്ചെ 3.30ന്. ബ്രസീല്‍-ഹെയ്ത്തി-ജൂണ്‍ 20ന് രാവിലെ 6 മണിക്ക്. ബ്രസീല്‍-സ്‌ക്ടോലന്‍ഡ്-ജൂണ്‍ 25ന് പുലര്‍ച്ചെ 3.30ന്. ബ്രസീല്‍ മത്സരങ്ങള്‍ കാണാന്‍ കാത്തിരുന്നവരുടെ ഉറക്കം അവതാളത്തിലാകും. പുലര്‍ച്ചെയാണ് രണ്ട് മത്സരങ്ങള്‍ നിശ്ചയിച്ചിരിക്കുന്നത്. മറ്റൊന്ന് രാവിലെ 6 മണിക്ക് ആയതിനാല്‍ ഉറക്കത്തെ വല്ലാതെ ബാധിക്കുന്നതല്ല.

ഇംഗ്ലണ്ടിന്റെ മത്സരങ്ങളാണ് ആരാധകരെ കുഴപ്പത്തിലാക്കുന്നത്. ജൂണ്‍ 18ന് ഇംഗ്ലണ്ടും ക്രൊയേഷ്യയും തമ്മില്‍ നടക്കുന്ന മത്സരം അര്‍ധരാത്രി 1.30നാണ്. ജൂണ്‍ 24ന് ഇംഗ്ലണ്ട്-ഘാന മത്സരം നടക്കുക അര്‍ധരാത്രി 1.30ന് തന്നെ. ഇംഗ്ലണ്ടും പനാമയും തമ്മില്‍ ജൂണ്‍ 28ന് നടക്കുന്ന മത്സരം പുലര്‍ച്ച് 2.30നാണ്. ജര്‍മനിയുടെ ക്യുറസാവോയുമായുള്ള മത്സരം ജൂണ്‍ 14ന് രാത്രി 10.30നാണ്. ഐവറി കോസ്റ്റുമായുള്ള ജൂണ്‍ 21ന് അര്‍ധരാത്രി 1.30നും, ഇക്വഡോറുമായുള്ളത് ജൂണ്‍ 26ന് അര്‍ധരാത്രി 1.30നും നടക്കും.

പോര്‍ച്ചുഗല്‍ മത്സരങ്ങള്‍ തുടങ്ങുന്നത് ജൂണ്‍ 17നാണ്. അന്ന് നടക്കുന്ന പോര്‍ച്ചുഗല്‍-കോംഗോ മത്സരം രാത്രി 10.30ന് കാണാം. പോര്‍ച്ചുഗലും ഉസ്‌ബെക്കിസ്ഥാനും തമ്മിലുള്ള ജൂണ്‍ 23ന് നടക്കുന്ന മത്സരം രാത്രി 10.30നുമാണ്. പോര്‍ച്ചുഗല്‍-കൊളംബിയ മത്സരം ജൂണ്‍ 28ന് പുലര്‍ച്ചെ 5 മണിയ്ക്കായിരിക്കും. ഫ്രാന്‍സും സെനഗലും തമ്മിലുള്ള ജൂണ്‍ 17നുള്ള മത്സരപം അര്‍ധരാത്രി 12.30നാണ്. ഇറാഖുമായുള്ള മത്സരം ജൂണ്‍ 23ന് പുലര്‍ച്ച് 2.30നും നോര്‍വേയുമായുള്ള മത്സരം അര്‍ധരാത്രി 12.30നുമാണ്.

കേരളത്തിലെ കാലാവസ്ഥയ്ക്ക് അനുയോജ്യമായ ഒരു പരിഷ്കാരി ഫലമാണ് ഡ്രാഗൺ ഫ്രൂഡ്. ഇന്ന് നിരവധി മലയാളികൾ തങ്ങളുടെ വീട്ടുമുറ്റത്തും ടെറസിലും ഡ്രാഗൺ ഫ്രൂഡ് വളർത്താറുണ്ട്. നല്ല രുചിയും ആരോഗ്യഗുണങ്ങളുമുള്ള ഇവ ഉയർന്ന വരുമാനവും നേടി തരും. ഡ്രാഗൺ ഫ്രൂട്ട് കൃഷി എങ്ങനെ ചെയ്യണമെന്ന് നോക്കിയാലോ.... (Image Credit source: Getty Images)

20-30°C (68-86°F) വരെയുള്ള താപനിലയാണ് ഡ്രാഗൺ ഫ്രൂട്ട് ഇഷ്ടപ്പെടുന്നത്. അതുകൊണ്ട് തന്നെ നന്നായി സൂര്യപ്രകാശം ലഭിക്കുന്ന തുറസ്സായ സ്ഥലങ്ങളായിരിക്കണം കൃഷിക്കായി തിരഞ്ഞെടുക്കേണ്ടത്. അതുപോലെ നല്ല നീർവാർച്ചയുള്ള മണൽ കലർന്ന മണ്ണാണ് ഏറ്റവും അനുയോജ്യം. ചെടിയുടെ ചുവട്ടിൽ ഒരുകാരണവശാലും വെള്ളം കെട്ടിക്കിടക്കരുത്.

വെള്ളം കെട്ടിനിൽക്കുന്നത് വേര് ചീഞ്ഞുപോകാൻ കാരണമാകും. ചരിവുള്ള പ്രദേശങ്ങളോ തറനിരപ്പിൽ നിന്ന് ഉയർത്തിയ തടങ്ങളോ ആണ് നല്ലത്. ഡ്രാഗൺ ഫ്രൂട്ട് പടർന്നു വളരുന്ന ഒരു ചെടിയായതിനാൽ ഇതിന് ശക്തമായ താങ്ങുകൾ ആവശ്യമാണ്. 6 മുതൽ 7 അടി വരെ നീളമുള്ള കോൺക്രീറ്റ് തൂണുകൾ മണ്ണിൽ 1.5 - 2 അടി താഴ്ത്തി സ്ഥാപിക്കുക.

തൂണിന് മുകളിലായി ചെടികൾ പടർന്നു കിടക്കാൻ പാകത്തിൽ ഒരു റൗണ്ട് ഫ്രെയിമോ അല്ലെങ്കിൽ പഴയ ടയറോ ഘടിപ്പിക്കണം. കോൺക്രീറ്റ് തൂണിന് ചുറ്റുമായി 4 തൈകൾ വരെ നടാവുന്നതാണ്. ചെടി നടുമ്പോഴും വളർച്ചാ ഘട്ടത്തിലും ധാരാളം ചാണകപ്പൊടി, കോഴിവളം, കമ്പോസ്റ്റ്, എല്ലുപൊടി എന്നിവ നൽകണം.

കേടായതോ ചത്തതോ ആയ ശാഖകൾ നീക്കം ചെയ്യേണ്ടതാണ്. ചെടിയുടെ ആകൃതി നിലനിർത്താനും വായു സഞ്ചാരം മെച്ചപ്പെടുത്താനും മികച്ച കായ്കൾ ലഭിക്കാനും ഇത് സഹായിക്കുന്നു. കീടനിയന്ത്രണത്തിന് വേപ്പെണ്ണയോ കീടനാശിനി സോപ്പോ ഉപയോഗിക്കാം. ഡ്രാഗൺ ഫ്രൂട്ട് ചെടികൾ നട്ട് 6-12 മാസത്തിനുള്ളിൽ ഫലം കായ്ക്കാൻ തുടങ്ങും.

ജ്യോതിഷത്തിൽ ഗ്രഹങ്ങളുടെ സംക്രമണത്തിന് വലിയ പ്രാധാന്യമാണുള്ളത്. കാരണം അത് 12 രാശികളിലെ ജീവിതത്തിൽ വലിയ സ്വാധീനം ചെലുത്തും. ഒരാളുടെ ഓരോ ദിവസവും ഗ്രഹങ്ങളുടെ സ്ഥാനത്തിനനുസരിച്ച് നല്ലതും ചീത്തയുമായി മാറും.(IMAGE CREDIT SOURCE: TV9 NETWORK)

അത്തരത്തിൽ ജൂൺ 15ന് ഗ്രഹങ്ങളുടെ രാജാവായ സൂര്യൻ ഇടവം രാശി വിട്ട് ബുധന്റെ രാശിയായ മിഥുനത്തിൽ പ്രവേശിക്കും. ഇത് ചില രാശിക്കാർക്ക് വലിയ സന്തോഷവും സൗഭാഗ്യവും കൊണ്ടുവരുമെന്നാണ് പറയപ്പെടുന്നത്. ആ രാശികൾ ആരൊക്കെയെന്ന് നോക്കാം.

മേടം : മേടം രാശിക്കാർക്ക് തൊഴിൽ മേഖലയിലും അതുപോലെ കരിയറിലും ഈ സംക്രമണം വലിയ സൗഭാഗ്യങ്ങളും നേട്ടങ്ങളും കൊണ്ടുവരും.സ്ഥാനക്കയറ്റത്തിനും ശമ്പള വർദ്ധനവിനും ശക്തമായ സാധ്യതയുണ്ട്. പുതിയ ജോലി അന്വേഷിക്കുന്നവർക്ക് നല്ല അവസരങ്ങൾ ലഭിക്കും.

മിഥുനം: മിഥുനം രാശിക്കാർക്ക് ഈ കാലയളവിൽ ആത്മവിശ്വാസവും സന്തോഷവും സമാധാനവും വർദ്ധിക്കും.ജോലിസ്ഥലത്ത് നിങ്ങളുടെ നേതൃത്വഗുണങ്ങൾ തിളങ്ങും. നിങ്ങളുടെ മേലുദ്യോഗസ്ഥരിൽ നിന്ന് നിങ്ങൾക്ക് പ്രശംസ ലഭിക്കും. ഒരു പുതിയ, പ്രധാന ബിസിനസ്സ് കരാർ അന്തിമമാകും.

ചിങ്ങം: ചിങ്ങം രാശിക്കാർക്ക് ഈ കാലയളവിൽ വരുമാനം വർദ്ധിക്കും. ചിങ്ങം രാശിയുടെ അധിപനും സൂര്യനായതിനാൽ ഈ സംക്രമണം കൂടുതൽ ഫലങ്ങൾ കൊണ്ടുവരും. നിങ്ങളുടെ വരുമാനം വർദ്ധിക്കും. ജീവിതത്തിൽ സന്തോഷവും സമാധാനവും തിരികെയെത്തും.

കമ്പ്യൂട്ടറുകളുടെയും മൊബൈൽ ഫോണുകളുടെയും അമിത ഉപയോഗം കാരണം ചെറുപ്പക്കാരിൽ പോലും കാഴ്ച മങ്ങൽ, കണ്ണിന് വരൾച്ച , കണ്ണ് വേദന എന്നിവ ഇന്ന് സാധാരണമാണ്. കണ്ണുകളുടെ ആരോഗ്യം നിലനിർത്തുന്നതിൽ നമ്മൾ കഴിക്കുന്ന ഭക്ഷണത്തിന് വലിയ പങ്കുണ്ട്. കാഴ്ചശക്തി വർദ്ധിപ്പിക്കാനും ഭാവിയിൽ തിമിരം, ഗ്ലോക്കോമ തുടങ്ങിയ ഗുരുതര പ്രശ്നങ്ങൾ വരാതിരിക്കാനും ദിവസവും ഭക്ഷണത്തിൽ ഉൾപ്പെടുത്തേണ്ട പ്രധാനപ്പെട്ടവ ഏതൊക്കെയാണെന്ന് നോക്കാം. (Image Credit Source: Getty Images)

കാരറ്റും മധുരക്കിഴങ്ങും: കണ്ണുകളുടെ ആരോഗ്യത്തിന് ഏറ്റവും അത്യാവശ്യമായ ഒന്നാണ് വിറ്റാമിൻ എ. കാരറ്റ്, മധുരക്കിഴങ്ങ്, പപ്പായ എന്നിവയിൽ ബീറ്റാ കരോട്ടിൻ ധാരാളമായി അടങ്ങിയിട്ടുണ്ട്. ഇവ ശരീരത്തിലെത്തുമ്പോൾ വിറ്റാമിൻ എ ആയി മാറുന്നു. ഇത് കണ്ണിലെ റെറ്റിനയുടെ ആരോഗ്യം സംരക്ഷിക്കുകയും രാത്രികാലങ്ങളിലെ കാഴ്ചശക്തി മെച്ചപ്പെടുത്താൻ സഹായിക്കുകയും ചെയ്യുന്നു. ഈ ഭക്ഷണം സ്ഥിരമായി കഴിക്കുന്നത് പല പ്രശ്നങ്ങളും പരിഹരിക്കും.

ചീരയും പച്ചക്കറികളും: മുരിങ്ങയില, ചീര, ബ്രൊക്കോളി തുടങ്ങിയ പച്ചക്കറികൾ കണ്ണിന് വളരെയധികം ​ഗുണങ്ങളും സംരക്ഷണവും നൽകുന്നു. ഇവയിൽ ലൂട്ടീൻ, സിയാക്സാന്തിൻ എന്നീ ശക്തമായ ആൻ്റിഓക്‌സിഡൻ്റുകൾ അടങ്ങിയിട്ടുണ്ട്. മൊബൈൽ, കമ്പ്യൂട്ടർ സ്ക്രീനുകളിൽ നിന്നുള്ള നീല വെളിച്ചം റെറ്റിനയെ ദോഷകരമായി ബാധിക്കുന്നത് തടയാൻ ഇവ നിങ്ങളെ സഹായിക്കും. പ്രായമാകുമ്പോൾ ഉണ്ടാകുന്ന കാഴ്ചക്കുറവ് തടയാനും ഇത് മികച്ചതാണ്.

നെല്ലിക്കയും ഓറഞ്ചും: കണ്ണുകളിലെ രക്തക്കുഴലുകളുടെ ആരോഗ്യം നിലനിർത്താൻ വിറ്റാമിൻ സി ആവശ്യമാണ്. ദിവസവും ഒരു നെല്ലിക്കയോ ഓറഞ്ചോ കഴിക്കുന്നത് കണ്ണിന്റെ ആരോഗ്യത്തിന് വളരെ നല്ലതായി പറയപ്പെടുന്നു. ഇത് പ്രായമാകുമ്പോൾ ഉണ്ടാകുന്ന തിമിരത്തിനുള്ള സാധ്യതയെ വലിയ തോതിൽ കുറയ്ക്കുന്നു. അതുപോലെ തന്നെ ഒമേഗ-3 ഫാറ്റി ആസിഡുകൾ ധാരാളമായി അടങ്ങിയ മത്തി, അയില, ചാള, നെയ്മീൻ എന്നിവ കണ്ണിന്റെ വരൾച്ചപൂർണ്ണമായി മാറ്റാൻ സഹായിക്കും.

മുട്ടയും നട്സും: മുട്ടയുടെ മഞ്ഞക്കരുവിൽ സിങ്ക്, ലൂട്ടീൻ എന്നിവ അടങ്ങിയിട്ടുള്ളതിനാൽ അവ റെറ്റിനയെ സംരക്ഷിക്കാൻ സഹായിക്കുന്നു.അതുപോലെ ബദാം, വാൽനട്ട് എന്നിവയിലടങ്ങിയിരിക്കുന്ന വിറ്റാമിൻ ഇ കണ്ണിന്റെ കോശങ്ങൾ നശിച്ചുപോകുന്നത് തടയുന്നു. ദിവസവും 4-5 കുതിർത്ത ബദാം കഴിക്കുന്നത് കാഴ്ചശക്തി കൂട്ടാൻ സഹായിക്കും. കണ്ണുകളുടെ പേശികൾക്ക് വിശ്രമം ലഭിക്കാൻ ദിവസവും 7-8 മണിക്കൂർ ഉറക്കം അത്യാവശ്യമാണ്.

യുഎഇയിൽ എത്തുന്ന വിദേശി തൊഴിലാളികളുടെ പാസ്‌പോർട്ട് തൊഴിലുടമകൾ പിടിച്ചുവെക്കുന്നത് പൂർണ്ണമായും നിയമവിരുദ്ധമാണെന്ന് നിയമവിദഗ്ധർ വ്യക്തമാക്കുന്നു. ജോലിയിൽ പ്രവേശിക്കുന്നതിന്റെ ഭാഗമായി പാസ്‌പോർട്ട് കമ്പനിയെ ഏൽപ്പിക്കുന്നത് ഒരു സാധാരണ നടപടിയാണെന്ന് പല പ്രവാസി തൊഴിലാളികളും തെറ്റായി ധരിക്കാറുണ്ട്. എന്നാൽ ജീവനക്കാരന്റെ വ്യക്തമായ സമ്മതമില്ലാതെ പാസ്‌പോർട്ട് കൈവശം വെക്കാൻ കമ്പനികൾക്ക് യുഎഇ നിയമപ്രകാരം യാതൊരു അവകാശവുമില്ല. (Image Credits Source: Getty Images)

കരാർ കാലാവധി പൂർത്തിയായാൽ മാത്രമേ പാസ്‌പോർട്ട് തിരികെ നൽകൂ എന്നത് കമ്പനി പോളിസിയാണെന്ന് പറഞ്ഞ് തൊഴിലുടമകൾ പാസ്‌പോർട്ട് പൂഴ്ത്തിവെക്കുന്നതിനെതിരെ ശക്തമായ നിയമങ്ങളാണ് യുഎഇയിലുള്ളത്. യുഎഇയിലെ തൊഴിൽ ബന്ധങ്ങൾ നിയന്ത്രിക്കുന്ന 2021-ലെ 33-ാം നമ്പർ ഫെഡറൽ ഡിക്രി നിയമത്തിലെ ആർട്ടിക്കിൾ 13 ഇപ്രകാരം വ്യക്തമാക്കുന്നു.തൊഴിലുടമ ഒരു സാഹചര്യത്തിലും തൊഴിലാളിയുടെ ഔദ്യോഗിക രേഖകൾ (പാസ്‌പോർട്ട് ഉൾപ്പെടെയുള്ളവ) കൈവശം വെക്കുകയോ, തൊഴിൽ ബന്ധം അവസാനിക്കുമ്പോൾ രാജ്യം വിട്ടുപോകാൻ തൊഴിലാളിയെ നിർബന്ധിക്കുകയോ ചെയ്യരുത് എന്നതാണ് ചട്ടം.

യുഎഇ വിദേശകാര്യ മന്ത്രാലയത്തിന്റെ നിർദേശപ്രകാരം തൊഴിലാളിയുടെ പാസ്‌പോർട്ട് കണ്ടുകെട്ടുന്നത് നിയമവിരുദ്ധമാണെന്നും രാജ്യം വിട്ടുപോകാൻ തൊഴിലാളിക്ക് തൊഴിലുടമയുടെ അനുവാദം ആവശ്യമില്ലെന്നും ലീഗൽ കൺസൾട്ടന്റായ ഡോ. ഹസ്സൻ എൽഹൈസ് വ്യക്തമാക്കുന്നു.എന്നാൽ ചില പ്രത്യേക ഭരണപരമായ ആവശ്യങ്ങൾക്കായി തൊഴിലുടമയ്ക്ക് താൽക്കാലികമായി പാസ്‌പോർട്ട് കൈവശം വെക്കാവുന്നതാണ്. വിസ പുതുക്കൽ, വർക്ക് പെർമിറ്റ് അനുവദിക്കൽ, വർക്ക് പെർമിറ്റ് പുതുക്കൽ എന്നീ ഘട്ടങ്ങളിൽ. എന്നാൽ, ഈ ആവശ്യങ്ങൾ കഴിഞ്ഞാലുടൻ പാസ്‌പോർട്ട് ജീവനക്കാരന് തിരികെ നൽകേണ്ടതുണ്ട്. കടബാധ്യതകൾക്കോ മറ്റ് തൊഴിൽപരമായ ആവശ്യങ്ങൾക്കോ പകരമായി പാസ്‌പോർട്ട് സെക്യൂരിറ്റിയായി വെക്കാൻ കമ്പനികൾക്ക് അവകാശമില്ല.

തൊഴിലുടമ നിയമവിരുദ്ധമായി പാസ്‌പോർട്ട് കൈവശം വെച്ചാൽ ജീവനക്കാർക്ക് താഴെ പറയുന്ന നടപടികൾ സ്വീകരിക്കാം. പാസ്‌പോർട്ട് തിരികെ വേണമെന്ന് ആവശ്യപ്പെട്ട് തൊഴിലുടമയ്ക്ക് രേഖാമൂലം അപേക്ഷ നൽകുക. ഇത് ഭാവിയിൽ തെളിവായി ഉപയോഗിക്കാം. തൊഴിലുടമ പാസ്‌പോർട്ട് നൽകാൻ വിസമ്മതിച്ചാൽ മാനവവിഭവശേഷി സ്വദേശിവൽക്കരണ മന്ത്രാലയത്തിൽ പരാതി നൽകാം. പാസ്‌പോർട്ട് നഷ്ടപ്പെടുകയോ കേടുപാടുകൾ സംഭവിക്കുകയോ ചെയ്താൽ ബന്ധപ്പെട്ട രാജ്യത്തിന്റെ എംബസിയിലോ കോൺസുലേറ്റിലോ സഹായം തേടാം.

വാലിഡ് ആയ ലേബർ കോൺട്രാക്റ്റും ആവശ്യമായ തെളിവുകളുമുള്ള തൊഴിലാളികൾക്ക് താഴെ പറയുന്ന ഔദ്യോഗിക മാർഗ്ഗങ്ങളിലൂടെ പരാതി നൽകാം. മോഹ്രെയുടെ ഔദ്യോഗിക വെബ്സൈറ്റ് വഴിയോ മൊബൈൽ ആപ്ലിക്കേഷൻ വഴിയോ സ്വകാര്യ മേഖലയിലെയും ഗാർഹിക മേഖലയിലെയും തൊഴിലാളികൾക്ക് പരാതി രജിസ്റ്റർ ചെയ്യാം. ദുബായ് റസിഡൻസ് വിസയുള്ള തൊഴിലാളികൾക്ക് ശമ്പളം, ജോലി സാഹചര്യങ്ങൾ, സുരക്ഷ എന്നിവയുമായി ബന്ധപ്പെട്ട പരാതികൾ ദുബായ് പോലീസ് ആപ്പ് വഴിയും സമർപ്പിക്കാവുന്നതാണ്. അടിയന്തര ഘട്ടങ്ങളിൽ കോടതികളെയും സമീപിക്കാവുന്നതാണ്.

സന്നാഹ മത്സരങ്ങള്‍ അവസാനിച്ചതോടെ വനിതാ ടി20 ലോകകപ്പിലെ യഥാര്‍ത്ഥ പോരാട്ടങ്ങള്‍ ആരംഭിക്കുകയാണ്. നാളെ നടക്കുന്ന ആദ്യ മത്സരത്തില്‍ ഇംഗ്ലണ്ടും, ശ്രീലങ്കയും ഏറ്റുമുട്ടും. ഇന്ത്യയുടെ ആദ്യ മത്സരം ജൂണ്‍ 14-ന് പാകിസ്ഥാനെതിരെയാണ്. ഹര്‍മന്‍പ്രീത് കൗറാണ് ഇന്ത്യയുടെ ക്യാപ്റ്റന്‍ (Image Credit Source: PTI).

ഞായറാഴ്ച ബർമിംഗ്ഹാമിലെ എഡ്ജ്ബാസ്റ്റണിൽ വെച്ചാണ് ഇന്ത്യ പാകിസ്ഥാനെ നേരിടുന്നത്. പാകിസ്ഥാനെ നേരിടാൻ ഹർമൻപ്രീത് കൗറും സംഘവും പൂർണ്ണ സജ്ജരായിക്കഴിഞ്ഞു. ഭയമില്ലാത്ത, പോസിറ്റീവായ സമീപനത്തോടെയായിരിക്കും ടീം കളത്തിലിറങ്ങുകയെന്ന് ഹര്‍മന്‍പ്രീത് പറഞ്ഞു. സമ്മിശ്രമായിരുന്നു സന്നാഹ മത്സരത്തിലെ ഫലങ്ങള്‍.

ആദ്യ സന്നാഹ മത്സരത്തിൽ വെസ്റ്റ് ഇൻഡീസിനെതിരെ ആധികാരിക വിജയം നേടി. രണ്ടാം മത്സരത്തിൽ ഇംഗ്ലണ്ടിനെതിരെ പൊരുതിത്തോറ്റു. അവസാന ഓവറിലായിരുന്നു തോല്‍വി. 36 പന്തില്‍ 68 റണ്‍സ് നേടിയ റിച്ച ഘോഷ് മാത്രമാണ് പോരാടിയത്.

എങ്കിലും ടീമിന് വലിയ ആത്മവിശ്വാസം വീണ്ടെടുക്കാൻ സാധിച്ചുവെന്നാണ് ഹർമൻപ്രീതിന്റെ വിശ്വാസം. രണ്ട് പരിശീലന മത്സരങ്ങൾ വലിയ ആത്മവിശ്വാസമാണ് നൽകിയത്. ഇംഗ്ലണ്ടിനെതിരായ മത്സരത്തിൽ നമ്മൾ പരാജയപ്പെട്ടു. എന്നാല്‍ റിച്ചാ ഘോഷിന്റെ തകർപ്പൻ ബാറ്റിംഗ് വലിയൊരു പോസിറ്റീവ് വശമാണെന്ന് ഇന്ത്യന്‍ ക്യാപ്റ്റന്‍ പറഞ്ഞു.

ക്രീസിൽ നിലയുറപ്പിച്ചാൽ ഏത് നിമിഷത്തിലും കളി നമ്മുടെ കൈപ്പിടിയിലൊതുക്കാൻ സാധിക്കുമെന്ന വലിയൊരു വിശ്വാസമാണ് റിച്ചയുടെ ബാറ്റിങ് നല്‍കുന്നതെന്ന് ഹര്‍മന്‍പ്രീത് പറഞ്ഞു. റിച്ചയുടെ ഫോം ടീമിന് വലിയ കരുത്താകുമെന്നും ഹര്‍മന്‍പ്രീത് പറഞ്ഞു. ഇംഗ്ലണ്ട് ഉയർത്തിയ 172 റൺസ് എന്ന വിജയലക്ഷ്യം പിന്തുടർന്ന ഇന്ത്യ റിച്ചാ ഘോഷിന്റെ തകർപ്പൻ പ്രകടനത്തിന്റെ കരുത്തിലാണ് വിജയത്തിനടുത്തെത്തിയത്. മറ്റ് ബാറ്റര്‍മാര്‍ നിരാശപ്പെടുത്തി.

ജ്യോതിഷത്തിൽ ഗ്രഹങ്ങളുടെ സംക്രമണത്തിന് വലിയ പ്രാധാന്യമാണുള്ളത്. അത്തരത്തിൽ വളരെ പ്രധാനപ്പെട്ട ഒരു ഗ്രഹസംയോജനം നടക്കാൻ പോകുന്നു. ജൂൺ 28നാണ് ഈ മഹാ സംയോജനം നടക്കാൻ ഒരുങ്ങുന്നത്. ലാഭ ദൃഷ്ടി രാജയോ​ഗം എന്നറിയപ്പെടുന്ന ഈ യോഗം ചില രാശിക്കാർക്ക് വലിയ രീതിയിലുള്ള ഗുണം കൊണ്ടുവരുമെന്നാണ് പറയപ്പെടുന്നത്. ഇവരുടെ ആ ജീവിതത്തിലെ സമ്പത്ത് കരിയർ ആരോഗ്യം എന്നിങ്ങനെയുള്ള മേഖലകളിൽ വലിയ മാറ്റമുണ്ടാകും. ആ രാശികൾ ആരൊക്കെ എന്ന് നോക്കാം.(Image Credit Source: TV9 Network)

മേടം : മേടം രാശിക്കാർക്ക് ഈ ലാഭ ദൃഷ്ടി രാജയോ​ഗം വളരെയധികം ഗുണം ചെയ്യുമെന്നാണ് പറയപ്പെടുന്നത്. സാമ്പത്തികമായി നിങ്ങൾക്ക് വലിയ നേട്ടങ്ങൾ ഉണ്ടാകും. ദീർഘകാല നിക്ഷേപങ്ങൾക്കും ഇത് മികച്ച സമയമായിരിക്കും. ക്ഷമയോടെ ചിന്തിച്ചു കാര്യങ്ങൾ ചെയ്താൽ എല്ലാം അനുകൂലമായി വരും.

ചിങ്ങം: ചിങ്ങം രാശിക്കാർക്ക് വ്യാഴത്തിന്റെയും ഈ സംയോജനം വളരെ വലിയ സൗഭാഗ്യങ്ങളും സന്തോഷവും കൊണ്ടുവരും. ജോൺ 28ന് ശേഷം നിങ്ങൾ എടുക്കുന്ന തീരുമാനങ്ങളൊക്കെ മികച്ചതാകും. ബിസിനസ് തുടങ്ങാൻ ആഗ്രഹിക്കുന്നവർക്കും ഇത് മികച്ച സമയം. കരിയറിലും നേട്ടങ്ങൾ.

ധനു: ധനുരാശിയുടെ അധിപനാണ് വ്യാഴം. അതിനാൽ തന്നെ വ്യാഴത്തിന്റെയും ചൊവ്വയുടെയും ഈ സംയോജനം ധനുരാശിക്കാർക്ക് വലിയ നേട്ടങ്ങൾ കൊണ്ടുവരും. ഈ കാലഘട്ടത്തിൽ തീരുമാനങ്ങൾ എല്ലാം നിങ്ങൾക്ക് ഗുണഫലങ്ങൾ നൽകും. ക്ഷമയോടെ ചിന്തിച്ചു കാര്യങ്ങൾ ചെയ്യുക.

മകരം : മകരം രാശിക്കാർക്ക് ഈ സംയോജനം ഗണ്യമായ സാമ്പത്തിക നേട്ടങ്ങൾക്ക് കാരണമാകും.പുതിയ വരുമാന സ്രോതസ്സുകൾ ഉയർന്നുവരും. നിങ്ങൾ ഒരു ജോലി മാറ്റത്തെക്കുറിച്ച് ചിന്തിക്കുന്നുണ്ടെങ്കിൽ നിങ്ങൾക്ക് ഇത് അനുകൂലമായ സമയമാണ്. കരിയറിലും മികച്ച നേട്ടങ്ങൾ. ആത്മവിശ്വാസത്തോടെ കാര്യങ്ങൾ ചെയ്താൽ ജീവിതത്തിൽ നല്ല മാറ്റങ്ങൾ വരും.

എത്രയധികം പണിയെടുത്താലും മാസാവസാനം കൈയിൽ അഞ്ച് പൈസമില്ലാതെ ബുദ്ധിമുട്ടുന്നവരാണ് അധികവും. പ്രത്യേകിച്ച് മാസം 15,000 രൂപ ശമ്പളം വാങ്ങുന്നവർക്ക് ഇന്നത്തെ വിലക്കയറ്റത്തിനിടയിൽ കടമില്ലാതെ ജീവിക്കുന്നത് വലിയൊരു വെല്ലുവിളിയാണ്. എന്നാൽ കൃത്യമായ പ്ലാനിങ് ഉണ്ടെങ്കിൽ ഈ തുക കൊണ്ട് സുഖകരമായി ജീവിക്കാനും സേവിംഗ്സ് ചെയ്യാനും സാധിക്കും. (Image Credit source: Getty Images)

'60 - 30 - 10' എന്ന ഫോർമുലയാണ് ഇവിടെ നിങ്ങളെ സഹായിക്കുന്നത്. ആദ്യം നിങ്ങളുടെ ശമ്പളത്തിന്റെ അറുപത് ശതമാനം അത്യാവശ്യ കാര്യങ്ങൾക്കായി മാറ്റി വയ്ക്കുക. വീട്ടുവാടക, ഭക്ഷണച്ചെലവ്, യൂട്ടിലിറ്റി ബില്ലുകൾ, യാത്രാച്ചെലവ് തുടങ്ങിയവയാണ് ഇതിൽ വരുന്നത്. പുറത്തുനിന്നുള്ള ഭക്ഷണം പരമാവധി കുറയ്ക്കുന്നത് പണം ലാഭിക്കാൻ സഹായിക്കും.

അടുത്ത മുപ്പത് ശതമാനം അതായത്, ഏകദേശം 4,500 രൂപ വ്യക്തിപരമായ ആവശ്യങ്ങൾക്കും ആഗ്രഹങ്ങൾക്കും മാറ്റിവയ്ക്കാം. വസ്ത്രങ്ങൾ, വ്യക്തിഗത പരിചരണം, വിനോദം/ യാത്രകൾ, ചികിത്സ/ മറ്റ് ആവശ്യങ്ങൾ എന്നിവയ്ക്ക് ഈ തുക വിനിയോഗിക്കാം. എന്നാൽ ഇതിനായി ശമ്പളത്തിന്റെ 30 ശതമാനത്തിൽ കൂടുതൽ വിനിയോഗിക്കരുത്.

വരുമാനം കുറവാണെങ്കിലും സമ്പാദിക്കുന്ന ശീലം മുടക്കരുതെന്ന് വിദഗ്ധർ പറയുന്നു. ശമ്പളത്തിന്റെ പത്ത് ശതമാനം അതായത്, 1,500 രൂപ നിങ്ങൾക്ക് അതിനായി മാറ്റിവയ്ക്കാം. ബാങ്ക് അക്കൗണ്ടിൽ എമർജൻസി ഫണ്ടായി സൂക്ഷിക്കാം. അല്ലെങ്കിൽ പോസ്റ്റ് ഓഫീസ് ആർ.ഡി വഴിയോ, അല്ലെങ്കിൽ ബാങ്ക് ആർ.ഡി വഴിയോ മാസം 1,000 - 1,500 രൂപ നിക്ഷേപിക്കാവുന്നതാണ്.

അതുപോലെ, വരുമാനം കുറവുള്ളപ്പോൾ ഇഎംഐ വ്യവസ്ഥയിൽ സാധനങ്ങൾ വാങ്ങുന്നതും ക്രെഡിറ്റ് കാർഡ് ഉപയോഗിക്കുന്നതും ഒഴിവാക്കേണ്ടതാണ്. ചെലവുകൾ എഴുതി സൂക്ഷിക്കുക. ഇത് എവിടെയാണ് അനാവശ്യമായി പണം ചോരുന്നത് എന്ന് കണ്ടെത്താൻ സഹായിക്കും.

ന്യൂസിലാൻഡിനെതിരായ രണ്ടാം ടെസ്റ്റിനുള്ള ഇംഗ്ലണ്ട് ടീമിൽ നിന്ന് ബെൻ സ്റ്റോക്സിനെ ഒഴിവാക്കി. ജോ റൂട്ടിനെ താത്കാലിക ക്യാപ്റ്റനായി നിയമിച്ചു. ടീമിന്റെ അച്ചടക്ക നിയമങ്ങൾ ലംഘിച്ചതുമായി ബന്ധപ്പെട്ട അന്വേഷണം പുരോഗമിക്കുന്ന പശ്ചാത്തലത്തില്‍ സ്റ്റോക്സിനെയും പേസർ ഗസ് അറ്റ്കിൻസണെയും ടീമിൽ ഉൾപ്പെടുത്തിയില്ല. ഇരുവര്‍ക്കും പകരം ജോഫ്ര ആർച്ചറെയും ജോർദാൻ കോക്സിനെയും 15 അംഗ സ്ക്വാഡിൽ ഉൾപ്പെടുത്തി (Image Credit Source: PTI).

ലോർഡ്സിൽ നടന്ന ആദ്യ ടെസ്റ്റിൽ ഇംഗ്ലണ്ട് 115 റൺസിന് വിജയിച്ചിരുന്നു. പിന്നീടാണ് വിവാദങ്ങള്‍ പൊട്ടിപ്പുറപ്പെട്ടത്. ചെൽസിയിലുള്ള ഒരു നൈറ്റ് ക്ലബ്ബിൽ വെച്ചുണ്ടായ ഒരു തർക്കത്തിൽ ഇരുവരും അകപ്പെടുകയായിരുന്നു. റഗ്ബി താരമായ ടോട്ടോവ ഔവയുമായാണ് ഇവര്‍ സംഘര്‍ഷത്തിലേര്‍പ്പെട്ടത്.

തുടര്‍ന്ന് സ്റ്റോക്‌സിനെതിരെ ടീം മാനേജ്‌മെന്റ് അന്വേഷണം ആരംഭിച്ചു. ഈ സാഹചര്യത്തില്‍ ഹാരി ബ്രൂക്ക് ടീമിനെ നയിക്കുമെന്നായിരുന്നു കരുതിയത്. എന്നാല്‍ ബ്രൂക്കിനെ പെട്ടെന്ന് ക്യാപ്റ്റൻസി ഏൽപ്പിക്കുന്നതിൽ അദ്ദേഹത്തിന്റെ മാനേജ്മെന്റ് ടീമിന് ചില ആശങ്കകൾ ഉണ്ടായിരുന്നു. തുടര്‍ന്നാണ്‌ ജോ റൂട്ടിനെ ചുമതല ഏല്‍പിച്ചത്.

35-കാരനായ റൂട്ട് 2017-2022 കാലഘട്ടത്തിൽ 64 ടെസ്റ്റ് മത്സരങ്ങളിൽ ഇംഗ്ലണ്ടിനെ നയിച്ചിട്ടുണ്ട്. എന്നാൽ 17 മത്സരങ്ങളിൽ ഒന്നിൽ മാത്രം വിജയിക്കാനായതിനെത്തുടർന്ന് അദ്ദേഹം ആ പദവി ഒഴിഞ്ഞു കൊടുത്തു. തുടര്‍ന്ന് ക്യാപ്റ്റന്‍സിയിലേക്ക് സ്റ്റോക്‌സിനെ പിന്തുണച്ചു. അതേസമയം, ബെൻ സ്റ്റോക്സ് ഇംഗ്ലണ്ട് ക്രിക്കറ്റർ എന്ന നിലയിലുള്ള തന്റെ ഭാവി കാര്യങ്ങൾ പുനഃപരിശോധിക്കുന്നതായാണ് റിപ്പോര്‍ട്ട്.

ചെൽസിയിലെ റെക്സ് റൂംസ് നൈറ്റ് ക്ലബ്ബിൽ നടന്ന സംഭവങ്ങളെക്കുറിച്ച് ഇസിബിയുടെ അന്വേഷണം തുടരുകയാണ്‌. ഞായറാഴ്ച വൈകുന്നേരം വെസ്റ്റ് ലണ്ടനിലെ ഒരു പബ്ബിൽ വെച്ച് ഇംഗ്ലണ്ട് റഗ്ബി ക്യാപ്റ്റൻ മാരോ ഇറ്റോജെയ്ക്കൊപ്പം 25 പൗണ്ട് വിലവരുന്ന ഡബിൾ റം ആൻഡ് കോക്ക് സ്റ്റോക്സ് കുടിച്ചിരുന്നെന്നാണ് റിപ്പോര്‍ട്ട്. അതിനുശേഷമാണ് മറ്റൊരു റഗ്ബി താരവുമായി രാത്രി വൈകി ഉണ്ടായ തർക്കത്തിൽ അദ്ദേഹം ചെന്നുപെട്ടത്. വിഐപി ഏരിയയിലെ ടേബിളുകളെച്ചൊല്ലിയുണ്ടായ തർക്കമാണ് കാരണമെന്നാണ് റിപ്പോര്‍ട്ട്.

രാജ്യത്തെ ശമ്പളക്കാരായ പൗരന്മാര്‍ക്ക് ആശ്വാസം പകര്‍ന്ന് ഇപിഎഫ്ഒ 3.0 സംവിധാനം അവതരിപ്പിച്ച് കേന്ദ്ര സര്‍ക്കാര്‍. എംപ്ലോയീസ് പ്രൊവിഡന്റ് ഫണ്ട് ഓര്‍ഗനൈസേഷന് കീഴിലുള്ള ഏഴ് കോടിയിലധികം ജീവനക്കാര്‍ക്ക് വേഗതയേറിയതും ലളിതവുമായ ഡിജിറ്റല്‍ സേവനങ്ങള്‍ നല്‍കുന്നതിനായാണ് പരിഷ്‌കാരം കൊണ്ടുവന്നിരിക്കുന്നത്. പുതിയ സംവിധാനത്തിലൂടെ ഉപഭോക്താക്കള്‍ക്ക് പേപ്പര്‍ രഹിത പണം പിന്‍വലിക്കാന്‍ സാധ്യമാകുന്നതാണ്. പ്രൊവിഡന്റ് ഫണ്ടിനായുള്ള ജീവനക്കാരുടെ കാത്തിരിപ്പ് സമയം കുറയ്ക്കുന്നതിനും അംഗങ്ങള്‍ക്ക് വിരമിക്കല്‍ ഫണ്ടുകള്‍ എളുപ്പത്തില്‍ ലഭ്യമാക്കുകയും ലക്ഷ്യമിട്ടാണ് ഇപിഎഫ്ഒ 3.0 കൊണ്ടുവരുന്നത്. (Image Credit Source: Getty Images)

പദ്ധതി പൂര്‍ണമായി നടപ്പാക്കി കഴിഞ്ഞാല്‍ ഇപിഎഫ്ഒയ്ക്ക് കീഴിലുള്ള ജീവനക്കാര്‍ക്ക് യുപിഐ പേയ്‌മെന്റ് ഗേറ്റ്വെ വഴി അവരുടെ ബാങ്ക് അക്കൗണ്ടുകളിലേക്ക് പണം നേരിട്ട് ട്രാന്‍സ്ഫര്‍ ചെയ്യാന്‍ സാധിക്കും. അംഗങ്ങള്‍ക്ക് ഉടന്‍ തന്നെ യൂണിഫൈഡ് പേയ്‌മെന്റ് ഇന്റര്‍ഫേസ് വഴി പണം പിന്‍വലിക്കാനുള്ള അവസരം ലഭിക്കും. ജീവനക്കാര്‍ക്ക് വിരമിക്കുന്നതിന് മുമ്പ് നേരത്തെ പതിമൂന്ന് വ്യത്യസ്ത വിഭാഗങ്ങളിലായിട്ട് ആയിരുന്നു പണം പിന്‍വലിക്കാന്‍ സാധിച്ചിരുന്നത്. എന്നാല്‍ ഇനി മുതല്‍ അത്തരം വലിയ ചോദ്യങ്ങളും മറ്റും അംഗങ്ങള്‍ക്ക് മുന്നില്‍ ഉണ്ടായിരിക്കില്ല.

നേരത്തെയുള്ള പിന്‍വലിക്കലുകള്‍ക്കായി ഇനി മുതല്‍ 12 മാസത്തെ സേവന കാലയളവ് മതി. അര്‍ഹരായ അംഗങ്ങള്‍ക്ക് അവരുടെ പിഎഫ് ബാലന്‍സിന്റെ 75 ശതമാനം വരെ എടിഎം വഴിയോ യുപിഐ വഴിയോ പിന്‍വലിക്കാന്‍ സാധിക്കുന്നതാണ്. ഇതുകൂടാതെ ജീവനക്കാരന്റെയും തൊഴിലുടമയുടെയും ഇപിഎഫ് നിക്ഷേപത്തിന്റെ പലിശയും പേഔട്ടില്‍ ഉള്‍പ്പെടുന്നതാണ്. തൊഴില്‍ നഷ്ടപ്പെടുന്നവര്‍ക്ക് ഫണ്ടിന്റെ 75 ശതമാനം വരെ ഉടനടി പിന്‍വലിക്കാം, ശേഷിക്കുന്ന 25 ശതമാനം ജോലി നഷ്ടപ്പെട്ട് 12 മാസത്തിന് ശേഷവും പിന്‍വലിക്കാവുന്നതാണ്.

55 വയസില്‍ മുഴുവന്‍ പിഎഫ് ബാലന്‍സും പിന്‍വലിക്കാനുള്ള അവസരവും ലഭിക്കുന്നു. സ്ഥിരമായ വൈകല്യം, പിരിച്ചുവിടല്‍, സ്വമേധയ വിരമിക്കല്‍, വിദേശത്തേക്ക് പോകുക തുടങ്ങിയ സാഹചര്യങ്ങളില്‍ പണം പൂര്‍ണമായി കൈപ്പറ്റാവുന്നതാണ്. പണം പിന്‍വലിക്കുമ്പോള്‍ 25 ശതമാനത്തോളം ബാലന്‍സായി നിലനിര്‍ത്തേണ്ടതുണ്ട്. കൂടാതെ 36 മാസത്തെ സേവനം പൂര്‍ത്തിയാക്കുകയാണെങ്കില്‍ മാത്രമേ അംഗങ്ങള്‍ക്ക് പെന്‍ഷന്‍ ആനുകൂല്യങ്ങള്‍ ലഭിക്കുകയുള്ളൂ. നേരത്തെ രണ്ട് മാസം എന്നായിരുന്നു നിബന്ധന.

പണം പിന്‍വലിക്കുന്നതിനായി ഇനി മുതല്‍ ജീവനക്കാര്‍ക്ക് അപേക്ഷിച്ച് ദിവസങ്ങളോളം കാത്തിരിക്കേണ്ടതായി വരില്ല. ഏകീകൃത പേയ്‌മെന്റ് ഇന്റര്‍ഫേസ് (യുപിഐ), ഓട്ടോമേറ്റഡ് ടെല്ലര്‍ മെഷീനുകള്‍ (എടിഎം) എന്നിവ വഴി പിഎഫ് ബാലന്‍സ് അതിവേഗം പിന്‍വലിക്കാനുള്ള മാര്‍ഗമാണ് ഇപിഎഫ്ഒ തുറക്കാന്‍ പോകുന്നത്. അപേക്ഷിച്ച് ഒരാഴ്ച മുതല്‍ 20 ദിവസത്തിനുള്ളിലാണ് നിലവില്‍ പിഎഫില്‍ നിന്നും പണം ജീവനക്കാരന്റെ അക്കൗണ്ടിലേക്ക് എത്തുന്നത്. എന്നാല്‍ പദ്ധതി പ്രാബല്യത്തില്‍ വരുന്നതോടെ പിന്‍വലിക്കലുകള്‍ വേഗത്തിലാകും.

ചെന്നൈ മെട്രോ റെയിലിന്റെ രണ്ടാം ഘട്ട നിർമ്മാണ പ്രവർത്തനങ്ങൾ പൂർണമായി അവസാനിച്ച് മൂന്ന് ലൈനുകളിലും സർവീസ് തുടങ്ങുന്നതിനുള്ള കാത്തിരിപ്പിലാണ് യാത്രക്കാർ. എന്നാൽ എല്ലാവിധ സുരക്ഷാ പരിശോധനകളും പൂർത്തിയാക്കി ഉദ്ഘാടനത്തിന് സജ്ജമായിട്ടും മെട്രോ റെയിലിന്റെ രണ്ടാം ഘട്ട പദ്ധതിയിലെ ആദ്യ പാതയായ പൂനമല്ലി - വടപളനി സ്ട്രെച്ച് പൊതുജനങ്ങൾക്കായി തുറന്ന് കൊടുക്കാത്തതിൽ പ്രതിഷേധം ഉയരുകയാണ്. (Image Credit source: Facebook)

നാല് മാസത്തെ കാത്തിരിപ്പിന് ശേഷം കഴിഞ്ഞ മാസമാണ് പാത പൂർണ്ണമായി സജ്ജമായത്. 14.6 കിലോമീറ്റർ നീളമുള്ള പാതയിൽ ട്രെയിനുകൾ ഓടിക്കുന്നതിനും വേഗത കൂട്ടുന്നതിനുമുള്ള അന്തിമ സുരക്ഷാ അനുമതി കഴിഞ്ഞ മാസം ലഭിച്ചിരുന്നു. ഫെബ്രുവരിയിൽ റെയിൽവേ സുരക്ഷാ കമ്മിഷണർ ചില നിബന്ധനങ്ങളോടെയാണ് ഈ പാതയ്ക്ക് താൽകാലിക അനുമതി നൽകിയിരുന്നത്.

പൂനമല്ലി മുതൽ പോരൂർ വരെ ട്രെയിനുകളുടെ ഇടവേള പതിനഞ്ച് മിനിറ്റായി പരിമിതപ്പെടുത്തണമെന്നും വടപളനി സ്റ്റേഷൻ പ്രവർത്തനസജ്ജമാക്കണമെങ്കിൽ ഡബിൾ ഡെക്കർ കോറിഡോറിലെ 26 ഡെക്ക് സ്ലാബുകളുടെ നിർമ്മാണം പൂർത്തിയാക്കണമെന്നും നിർദേശമുണ്ടായിരുന്നു.

ചെന്നൈ മെട്രോ രണ്ടാം ഘട്ടത്തിലെ കോറിഡോർ 4-ന്റെ ഭാഗമാണ് ഈ പാത. അർക്കോണം റോഡിലൂടെ കടന്നുപോകുന്ന ഈ പാത പൂർത്തിയാകുന്നതോടെ വടപളനി സ്റ്റേഷൻ വഴി ചെന്നൈ മെട്രോയുടെ ഒന്നാം ഘട്ട ശൃംഖലയുമായി ഇത് നേരിട്ട് ബന്ധിപ്പിക്കപ്പെടും.

അഞ്ച് വർഷം മുമ്പാണ് ഈ പാതയുടെ നിർമ്മാണം ആരംഭിച്ചത്. ആദ്യം 2025 ഡിസംബറോടെ പൂനമല്ലി - പോരൂർ പാത തുറക്കാനായിരുന്നു പദ്ധതിയെങ്കിലും പിന്നീട് കണക്റ്റിവിറ്റി ഉറപ്പാക്കാൻ വടപളനി വരെ നീട്ടുകയും ലക്ഷ്യം 2026 ഫെബ്രുവരിയിലേക്ക് മാറ്റുകയും ചെയ്യുകയായിരുന്നു. നിലവിൽ മാസങ്ങളായി ട്രയൽ റൺ നടക്കുന്നുണ്ടെങ്കിലും പാതയുടെ ഉദ്ഘാടനം നീണ്ടുപോകുന്നത് വലിയ നിരാശയാണ് സമ്മാനിക്കുന്നത്.

ജ്യോതിഷത്തിൽ ഏറ്റവും പ്രധാനപ്പെട്ടതും അപൂർവമായ ഒരു ജ്യോതിശാസ്ത്ര സംഭവം ജൂൺ 15ന് നടക്കാൻ പോകുന്നു. സൂര്യൻ ബുധൻ ചന്ദ്രൻ എന്നിവ മിഥുനം രാശിയിൽ സംക്രമിച്ച് രാജയോഗം സൃഷ്ടിക്കും. ഇത് പ്രധാനമായും ചില രാശിക്കാർക്ക് ഗുണം ചെയ്യും. ആ രാശികൾ ആരൊക്കെ എന്ന് നോക്കാം.(Image Credit Source:TV9 Network)

മിഥുനം: ഈ സംയോജന സംഭവിക്കുന്നത് മിഥുനം രാശിയിലാണ്. അതിനാൽ തന്നെ മിഥുനം രാശിക്കാർക്കെതിരെ ഗുണം ഏറ്റവും കൂടുതൽ ലഭിക്കും. നിങ്ങളുടെ ജീവിതത്തിൽ നേരിടുന്ന തടസ്സങ്ങൾ ഒക്കെ മാറും. അപ്രതീക്ഷിതമായ സാമ്പത്തിക നേട്ടങ്ങൾക്കും സാധ്യത.

ചിങ്ങം: ചിങ്ങം രാശിയുടെ ഗ്രഹമായ സൂര്യനാണ് ഗ്രഹത്തിന്റെ കേന്ദ്ര ഘടകം. ഈ സമ്മേളനം നിങ്ങൾക്ക് വളരെ അനുഗ്രഹീതം ആയിരിക്കും. ജോലി ചെയ്യുന്നവർക്ക് മേലുദ്യോഗസ്ഥരിൽ നിന്നും പൂർണ്ണ പിന്തുണ ലഭിക്കും. പുതിയ ഉത്തരവാദിത്വങ്ങളോ ജോലിയിൽ സ്ഥാനക്കയറ്റം ലഭിച്ചേക്കാം. നിങ്ങളുടെ ആത്മവിശ്വാസം തിരിച്ചു ലഭിക്കും.

കന്നി: ബുദ്ധന്റെ സ്വന്തം രാശിയായ കന്നിരാശിക്കും ഈ ത്രിഗ്രഹി സംയോജനം വളരെ ശുഭകരമായിരിക്കും. ഈ കാലയളവികങ്ങൾ ആഗ്രഹിക്കുന്നതൊക്കെ നേടാൻ സാധിക്കും. മറ്റുള്ളവരിൽ നിന്നും സ്നേഹവും പരിഗണനയും ലഭിക്കും.

തുലാം: തുലാം രാശിക്കാർക്ക് ഈ കാലയളവിൽ ഭാഗ്യം പിന്തുണയ്ക്കും. നിങ്ങളുടെ ജീവിതത്തിൽ നേരിട്ട് തടസ്സങ്ങൾ ഒക്കെ മാറും. സന്തോഷവും സമാധാനവും വരും. ആത്മവിശ്വാസത്തോടെ ക്ഷമയോടെ കാര്യങ്ങൾ ചെയ്യുക.

വീട്ടിൽ ചിക്കൻ ബിരിയാണിയോ ചിക്കൻ കറിയോ ഒക്കെ വച്ചുകഴിഞ്ഞാൽ ഭൂരിഭാഗം പേരും അതിന്റെ എല്ലുകൾ എടുത്ത് വലിച്ചെറിയുന്നത് പതിവാണഅ. എന്നാൽ, നമ്മൾ പാഴാക്കിക്കളയുന്ന ഈ ചിക്കൻ എല്ലുകളിലാണ് യഥാർത്ഥത്തിൽ ആരോഗ്യത്തിന് ഏറെ ഗുണം ചെയ്യുന്ന കൊളാജനും കാൽസ്യവും മറ്റ് ധാതുക്കളും അടങ്ങിയിരിക്കുന്നത്. ആരോഗ്യത്തിനും ഒപ്പം വീട്ടിലെ ചെടികളുടെ വളർച്ചയ്ക്കും വരെ ഈ ചിക്കൻ എല്ലുകൾ ഉപയോഗിക്കാം. എങ്ങനെയെന്ന് നമുക്ക് നോക്കാം. (Image Credits Source: Getty Images)

സാധാരണ ചിക്കൻ സൂപ്പുകളിൽ നിന്നും വ്യത്യസ്തമായി ചിക്കൻ എല്ലുകൾ മാത്രം മണിക്കൂറുകളോളം ചെറിയ തീയിൽ വേവിച്ചെടുക്കുന്ന ഒന്നാണ് ബോൺ ബ്രോത്ത്. കട്ടി കുറഞ്ഞ സൂപ്പ് രൂപത്തിലുള്ള ഈ വിഭവം വെറുമൊരു ഭക്ഷണമല്ല, മറിച്ച് ആരോ​ഗ്യ ​ഗുണങ്ങൾ അടങ്ങിയിട്ടുള്ള വലിയ ഔഷധമാണ്. എല്ലുകളിലുള്ള കൊളാജൻ പൂർണ്ണമായി വെള്ളത്തിൽ ലയിച്ചുചേരുന്നതിനാൽ ഇത് കുടിക്കുന്നത് ചർമ്മത്തിന്റെ തിളക്കം കൂട്ടാനും സന്ധിവേദനകൾ മാറാനും ദഹനപ്രക്രിയ സുഗമമാക്കാനും സഹായിക്കും.

ചിക്കൻ എല്ലുകൾ നന്നായി കഴുകി ഒരു വലിയ പാത്രത്തിലിട്ട് ആവശ്യത്തിന് വെള്ളവും, ഒരു ടീസ്പൂൺ വിനാഗിരിയും , ഇഞ്ചി, വെളുത്തുള്ളി, കുരുമുളക് എന്നിവയും ചേർക്കുക. വളരെ ചെറിയ തീയിൽ 4 മുതൽ 6 മണിക്കൂർ വരെ വേവിച്ചെടുക്കുക. ഇതിനുശേഷം അരിച്ചെടുത്ത് ചൂടോടെ കുടിക്കാം. അതുപോലെ തന്നെ ബിരിയാണിക്കും ഫ്രൈഡ് റൈസിനുമൊക്കെ പ്രത്യേക രുചി ഉണ്ടാകാൻ ചിക്കൻ സ്റ്റോക്ക് ഉപയോഗിക്കുന്നത് വളരെ നല്ലതാണ്.

ചിക്കൻ എല്ലുകൾ കുറച്ചു വെള്ളത്തിലിട്ട് ഉള്ളി, ക്യാരറ്റ്, മല്ലിയില എന്നിവ ചേർത്ത് അരമണിക്കൂർ തിളപ്പിച്ചെടുക്കുക. ഈ വെള്ളം അരിച്ചെടുത്ത് മാറ്റിവെക്കുക. തയാറാക്കിയ ചിക്കൻ സ്റ്റോക്ക് ചൂടാറിയ ശേഷം നിങ്ങളുടെ വീട്ടിലെ ഐസ് ട്രേയിൽ ഒഴിച്ച് ഫ്രീസറിൽ വെച്ച് കട്ടയാക്കുക. പിന്നീട് എപ്പോഴെങ്കിലും നിങ്ങൾ സാധാരണ പച്ചക്കറി കറികളോ മെഴുക്കുപുരട്ടിയോ ഉണ്ടാക്കുമ്പോൾ ഈ ചിക്കൻ ഐസ് ക്യൂബുകളിൽ നിന്നും ഒരെണ്ണം എടുത്ത് അതിലേക്ക് ഇട്ടുകൊടുക്കുക. കറിക്ക് നല്ല നാടൻ ചിക്കൻ ഫ്ലേവർ ലഭിക്കാൻ ഇത് സഹായിക്കും.

ചിക്കൻ എല്ലുകൾ വീട്ടിലെ പൂന്തോട്ടത്തിലും അത്ഭുതങ്ങൾ സൃഷ്ടിക്കും. ചെടികൾക്ക് കടകളിൽ നിന്നും വാങ്ങുന്ന ബോൺ മീൽ വളം വീട്ടിൽ തന്നെ ഉണ്ടാക്കാം. സൂപ്പോ സ്റ്റോക്കോ ഉണ്ടാക്കിയ ശേഷം അവശേഷിക്കുന്ന എല്ലുകൾ നല്ലതുപോലെ കഴുകി വൃത്തിയാക്കി വെയിലത്ത് വെച്ച് ഉണക്കുക. ഈ എല്ലുകൾ ഒരു ബേക്കിംഗ് ട്രേയിലോ ചട്ടിയിലോ വെച്ച് നന്നായി ചൂടാക്കി മൊരിയിച്ചെടുക്കുക. എല്ലുകൾ പൂർണ്ണമായും ഉണങ്ങി പെട്ടെന്ന് പൊട്ടുന്ന പരുവമാകുമ്പോൾ മിക്സിയിലിട്ട് നന്നായി പൊടിച്ചെടുത്ത് ചെടികൾക്ക് ചുവട്ടിൽ ഇടാം.

അയര്‍ലന്‍ഡിനും ഇംഗ്ലണ്ടിനുമെതിരായ ടി20 പരമ്പരകള്‍ക്കുള്ള ഇന്ത്യന്‍ ടീമില്‍ മാറ്റം. ഫാസ്റ്റ് ബൗളര്‍ മുഹമ്മദ് സിറാജിനെ ടീമില്‍ നിന്നു ഒഴിവാക്കി. ജോലിഭാരം ചൂണ്ടിക്കാട്ടിയാണ് നടപടി. താരത്തിന് വിശ്രമം അനുവദിക്കുന്നതിന് വേണ്ടിയാണ് ഒഴിവാക്കിയത് (Image Credit Source: PTI).

ബിസിസിഐ മെഡിക്കൽ ടീമും ടീം മാനേജ്‌മെന്റും തമ്മിലുള്ള ചർച്ചകളെത്തുടർന്നാണ് തീരുമാനം. വർക്ക്‌ലോഡ് മാനേജ്‌മെന്റ് പ്രോഗ്രാമിന്റെ ഭാഗമായി സിറാജിന്‌ വിശ്രമം നിർദ്ദേശിച്ചിട്ടുണ്ട്. ഇനി തുടര്‍ച്ചയായ മത്സരങ്ങളില്‍ സിറാജ് കളിക്കേണ്ടതുണ്ട്. അതിന് മുന്നോടിയായാണ് വിശ്രമം നിര്‍ദ്ദേശിച്ചത്.

സിറാജിന് പകരം പേസര്‍ പ്രസിദ് കൃഷ്ണയെ ടീമില്‍ ഉള്‍പ്പെടുത്തി. രാജ്യാന്തര ടി20യില്‍ അഞ്ചു തവണ പ്രസിദ് കളിച്ചിട്ടുണ്ട്. എട്ടു വിക്കറ്റുകള്‍ വീഴ്ത്തി. ടീമില്‍ മറ്റ് മാറ്റങ്ങളില്ല.

ഇത്തവണത്തെ ഐപിഎല്ലില്‍ പ്രസിദ് മികച്ച പ്രകടനം പുറത്തെടുത്തിരുന്നു. ഗുജറാത്ത് ടൈറ്റന്‍സ് താരമായ പ്രസിദ് 16 വിക്കറ്റുകളാണ് വീഴ്ത്തിയത്. പര്‍പ്പിള്‍ ക്യാപിനുള്ള പോരാട്ടത്തില്‍ 12-ാമതായിരുന്നു. ഈ പ്രകടനം ടി20യിലേക്കുള്ള തിരിച്ചുവരവിന് കാരണമായി.

ശ്രേയസ് അയ്യരാണ് ക്യാപ്റ്റന്‍. തിലക് വര്‍മയാണ് വൈസ് ക്യാപ്റ്റന്‍. സഞ്ജു സാംസണും, ഇഷാന്‍ കിഷനുമാണ് വിക്കറ്റ് കീപ്പര്‍മാര്‍. അഭിഷേക് ശർമ്മ, ശിവം ദുബെ, നിതീഷ് കുമാർ റെഡ്ഡി, അക്സർ പട്ടേൽ, വാഷിംഗ്ടൺ സുന്ദർ, വരുൺ ചക്രവര്‍ത്തി, രവി ബിഷ്‌ണോയ്, ഹർഷിത് റാണ, അർഷ്ദീപ് സിംഗ്, പ്രിൻസ് യാദവ്, വൈഭവ് സൂര്യവംശി എന്നിവരാണ് സ്‌ക്വാഡിലെ മറ്റു താരങ്ങള്‍.

ആരോഗ്യമുള്ളതും തിളക്കമുള്ളതുമായ മുടി ലഭിക്കുന്നതിനായി വിപണിയിൽ ലഭിക്കുന്ന വിലകൂടിയ പല കെമിക്കൽ ഉൽപ്പന്നങ്ങൾക്കും പിന്നാലെ പോകുന്നവരാണ് നമ്മളിൽ ഭൂരിഭാഗം പേരും. എന്നാൽ മുടിയുടെ സകല പ്രശ്നങ്ങൾക്കുമുള്ള പ്രതിവിധി നമ്മുടെയൊക്കെ വീട്ടുമുറ്റത്തു തന്നെയുണ്ട്; പരമ്പരാഗതമായി മുടിസംരക്ഷണത്തിന് ഉപയോഗിച്ചുവരുന്ന ചെമ്പരത്തി. (Image Credit source: Getty Images)

ചെമ്പരത്തിയുടെ പൂവിലും ഇലകളിലും അടങ്ങിയിരിക്കുന്ന വിറ്റാമിൻ സി, അമിനോ ആസിഡുകൾ, ആന്റിഓക്സിഡന്റുകൾ, ഫ്ലാവനോയ്ഡുകൾ തുടങ്ങിയ ഘടകങ്ങൾ തലയോട്ടിയിലെ ആരോഗ്യം മെച്ചപ്പെടുത്താനും മുടിയുടെ വളർച്ച ഇരട്ടിയാക്കാനും സഹായിക്കും. ചെമ്പരത്തിയിലെ അമിനോ ആസിഡുകൾ മുടിയുടെ വളർച്ചയ്ക്ക് ആവശ്യമായ കെരാറ്റിൻ ഉൽപാദനത്തെ പ്രോത്സാഹിപ്പിക്കുകയും മുടിവേരുകളെ ശക്തമാക്കുകയും ചെയ്യുന്നു.

ഇതിലടങ്ങിയിരിക്കുന്ന ആന്റിമൈക്രോബിയൽ ഗുണങ്ങൾ തലയോട്ടിയിലെ അണുബാധകൾ കുറയ്ക്കാനും താരനെ ഫലപ്രദമായി നിയന്ത്രിക്കാനും സഹായിക്കും. ചെമ്പരത്തി ഇലകളിലെ 'മ്യൂസിലേജ്' എന്ന പശ പോലുള്ള ഘടകം മുടിക്ക് സ്വാഭാവിക തിളക്കവും മൃദുത്വവും നൽകുന്നു. ചെമ്പരത്തിയിലുള്ള ശക്തമായ ആന്റിഓക്‌സിഡന്റുകൾ ഫ്രീ റാഡിക്കലുകളുടെ ദോഷഫലങ്ങളെ ചെറുക്കുന്നതിലൂടെ അകാല നരയ്ക്കുള്ള സാധ്യത കുറയ്ക്കുന്നു.

ചെമ്പരത്തി ഉപയോഗിച്ച് വീട്ടിൽ തന്നെ എണ്ണയോ, മാസ്കോ, ഷാംപൂവോ വളരെ എളുപ്പത്തിൽ തയ്യാറാക്കാം. പൂവും ഇലകളും നന്നായി അരച്ചെടുക്കുക. ഇത് വെളിച്ചെണ്ണയിൽ ചേർത്ത് ചെറുതീയിൽ ചൂടാക്കുക. തണുത്ത ശേഷം അരിച്ചെടുത്ത് സൂക്ഷിക്കാം. ആഴ്ചയിൽ 2–3 തവണ ഈ എണ്ണ തലയോട്ടിയിൽ പുരട്ടി മസാജ് ചെയ്യുന്നത് മുടി വളരാൻ സഹായിക്കും.

ചെമ്പരത്തി ഹെയർ മാസ്ക് തയ്യാറാക്കാനും എളുപ്പമാണ്. ഇവ മൂന്നും നന്നായി അരച്ച് പേസ്റ്റ് രൂപത്തിലാക്കി മുടിയിൽ പുരട്ടുക. 30–40 മിനിറ്റിന് ശേഷം കഴുകിക്കളയാം. ഇത് മുടിക്ക് നല്ല തിളക്കം നൽകും. ഷാപു തയ്യാറാക്കാൻ തലേദിവസം കുതിർത്തുവെച്ച ഉലുവയിലേക്ക് ചെമ്പരത്തിപ്പൂവിന്റെ ഇതളുകളും സോപ്പ് നട്സും ചേർത്ത് നന്നായി തിളപ്പിക്കുക. ഈ മിശ്രിതം അരിച്ചെടുത്ത ശേഷം അതിലേക്ക് അല്പം നാരങ്ങാനീരും ഒരു വിറ്റാമിൻ ഇ ക്യാപ്സൂളും ചേർത്ത് ഇളക്കുക. ഈ ഷാംപൂ രണ്ട് ആഴ്ച വരെ ഫ്രിഡ്ജിൽ വെച്ച് ഉപയോഗിക്കാം.

ജ്യോതിഷത്തിൽ ബുദ്ധി ശക്തി കാരണമാകുന്ന ഗ്രഹമാണ് ബുധൻ. അത്തരത്തിൽ ബുധൻ പുണർതം നക്ഷത്രത്തിലേക്ക് ജൂൺ 11ന് രാശി മാറുന്നു. ഇത് പ്രധാനമായും ചില രാഷ്ട്രീയക്കാർക്ക് ഗുണം ചെയ്യും രാശികൾ ആരൊക്കെ എന്ന് നോക്കാം.(Image Credit Source: TV9 Network)

ഇടവം: ഇടവം രാശിക്കാർക്ക് സാമ്പത്തികമായി ഇത് വളരെ നല്ല സമയം ആയിരിക്കും. അപ്രതീക്ഷിതമായ സാമ്പത്തിക നേട്ടങ്ങൾ ലഭിക്കും. കുടുംബത്തോടൊപ്പം നല്ല സമയം ചെലവഴിക്കും. പൂർവ്വിക സ്വത്തിൽ നിന്ന് ആനുകൂല്യങ്ങൾ ലഭിക്കാനുള്ള സാധ്യതയും ഉണ്ട്.

മിഥുനം: തൊഴിൽ ചെയ്യുന്ന മിഥുനം രാശിക്കാർക്ക് ഇത് വളരെ നല്ല സമയം. മേലുദ്യോ​ഗസ്ഥരിൽ നിന്നും പൂർണ്ണ പിന്തുണ ലഭിക്കും. സ്ഥാനക്കയറ്റവും ശമ്പള വർധനവും ഉണ്ടാകാൻ സാധ്യത.. ബിസിനസിലും ലാഭം ഉണ്ടാകും.സ്ഥാനക്കയറ്റമോ ശമ്പള വർദ്ധനവോ ഉണ്ടാകാൻ സാധ്യതയുണ്ട്.

ചിങ്ങം: ചിങ്ങം രാശിക്കാർക്ക് വരുമാനം സ്രോതസ്സുകൾ ഉയർന്നുവരും. നിക്ഷേപങ്ങൾ നല്ല വരുമാനം നേടിത്തരും.. കുടുംബത്തിലും സന്തോഷവും സമാധാനവും ഉണ്ടാകും. ജോലിസ്ഥലത്തും പുരോഗതി കൈവരിക്കും.

കന്നി : കന്നി രാശിക്കാർക്ക് ബിസിനസിൽ നല്ല പുരോഗതി ഉണ്ടാകും. വസ്തു അല്ലെങ്കിൽ വാഹനം വാങ്ങിക്കുന്നതിന് നല്ല സാധ്യത കാണുന്നു. ആത്മവിശ്വാസം വർദ്ധിക്കും.. ബാങ്കിംഗ് വിദ്യാഭ്യാസം എന്നീ മേഖലയിൽ ഏർപ്പെട്ടിരിക്കുന്നവർക്ക് പ്രത്യേക വിജയം.

കേരള സംസ്ഥാന ഭാഗ്യക്കുറി വകുപ്പിന്റെ മണ്‍സൂണ്‍ ബമ്പര്‍ ലോട്ടറി 2026 വില്‍പന ആരംഭിച്ചിരിക്കുകയാണ്. ഒട്ടനവധി സമ്മാനങ്ങളുമായാണ് മണ്‍സൂണ്‍ ബമ്പര്‍ വിപണിയിലെത്തിയത്. ഒന്നാം സമ്മാനം പത്ത് കോടി രൂപ മുതല്‍ അവസാന 250 രൂപ വരെ നേടാനുള്ള അവസരമൊരുങ്ങുക നിരവധിയാളുകള്‍ക്കാണ്. 250 രൂപയാണ് മണ്‍സൂണ്‍ ബമ്പര്‍ ലോട്ടറി ടിക്കറ്റിന്റെ വില. ജൂലൈ 18നാണ് നറുക്കെടുപ്പ്. (Image Credit Source: Social Media)

ഒന്നാം സമ്മാനം- 10 കോടി രൂപ, രണ്ടാം സമ്മാനം- 10 ലക്ഷം രൂപ, മൂന്നാം സമ്മാനം- 5 ലക്ഷം രൂപ, നാലാം സമ്മാനം- 3 ലക്ഷം രൂപ, അഞ്ചാം സമ്മാനം-5,000 രൂപ, ആറാം സമ്മാനം- 1,000 രൂപ, ഏഴാം സമ്മാനം- 500 രൂപ, എട്ടാം സമ്മാനം- 250 രൂപ, സമാശ്വാസ സമ്മാനം- 1 കോടി രൂപ എന്നിങ്ങനെയാണ്. എന്നാല്‍ ഓരോ സമ്മാനവും ഒരാള്‍ക്ക് വേണ്ടി മാത്രമുള്ളതല്ല, ഒട്ടനവധി ആളുകള്‍ക്കാണ് സര്‍ക്കാര്‍ സമ്മാനങ്ങള്‍ വിതരണം ചെയ്യാന്‍ പോകുന്നത്.

ഓരോ സമ്മാനത്തുകകളും ലഭിക്കുന്ന ലോട്ടറി ടിക്കറ്റ് വിറ്റ ഏജന്റിനും സമ്മാനം ലഭിക്കുന്നതാണ്. എന്നാല്‍ ഇവരിലേക്ക് പണം വരിക ഒരിക്കലും സമ്മാനം എന്ന പേരിലല്ല, മറിച്ച് കമ്മീഷനായാണ്. ആയിരങ്ങള്‍ മുതല്‍ കോടികള്‍ വരെ ഇത്തരത്തില്‍ സമ്മാനമായി സ്വന്തമാക്കാന്‍ സാധിക്കുന്നതാണ്. ഒന്നാം സമ്മാനം മുതല്‍ എട്ടാം സമ്മാനം വരെ നേടുന്ന ലോട്ടറി ടിക്കറ്റുകള്‍ വില്‍ക്കുന്നവര്‍ക്ക് ലഭിക്കാന്‍ പോകുന്ന കമ്മീഷന്‍ വിശദമായി അറിയാം.

ഒന്നാം സമ്മാനം നേടുന്ന ലോട്ടറി ടിക്കറ്റ് വിറ്റ ഏജന്റിന് 1 കോടി രൂപയാണ് കമ്മീഷനായി ലഭിക്കുക. രണ്ടാം സമ്മാനത്തിന്റെ ടിക്കറ്റുകള്‍ വില്‍ക്കുന്നവര്‍ക്ക് 5 ലക്ഷം രൂപ വീതവും കമ്മീഷന്‍ നേടാന്‍ സാധിക്കുന്നതാണ്. ഒന്നാം സമ്മാനം നേടിയ നമ്പറിന്റെ മറ്റ് സീരീസുകളിലെ ലോട്ടറി ടിക്കറ്റുകള്‍ വിറ്റ ഏജന്റുമാര്‍ക്ക് 40,000 രൂപ വീതവും ലഭിക്കുന്നതാണ്. ഒന്നാം സമ്മാനത്തിന് ഒഴികെ ബാക്കിയെല്ലാ സമ്മാനങ്ങള്‍ക്കും ഒന്നില്‍ കൂടുതല്‍ പേര്‍ക്ക് ഏജന്റ് കമ്മീഷന്‍ ലഭിക്കുന്നതാണ്.

മൂന്നാം സമ്മാനത്തിന് 2,50,000 രൂപയാണ് ഏജന്റ് കമ്മീഷന്‍. നാലാം സമ്മാനത്തിന് 1,50,000, അഞ്ചാം സമ്മാനത്തിന് 67,50,000 രൂപ വരെയും, ആറാം സമ്മാനത്തിന് 40,50,000 രൂപ വരെയും, ഏഴാം സമ്മാനത്തിന് 56,70,000 രൂപ വരെയും, എട്ടാം സമ്മാനത്തിന് 34,42,000 രൂപ വരെയും ഏജന്റ് കമ്മീഷന്‍ ലഭിക്കുന്നതാണ്. അതായത്, ഒരു ബമ്പര്‍ ലോട്ടറി വഴി ഒട്ടനവധി ആളുകള്‍ക്കാണ് ഭാഗ്യം വരാന്‍ പോകുന്നത്.

ജോലിത്തിരക്കുകൾ, കുടുംബത്തിന്റെ ഉത്തരവാദിത്തങ്ങൾ, ഭാവിയിലേക്കുള്ള ഓട്ടം... ഇതിനിടയിൽ ഭൂരിഭാഗം ആളുകളും മറന്നുപോകുന്ന ഒന്നാണ് സ്വന്തം ആരോഗ്യവും മാനസിക സന്തോഷവും. നിരന്തരമായ സമ്മർദ്ദവും വിശ്രമമില്ലാത്ത ഓട്ടവും ശരീരത്തെയും മനസ്സിനെയും ഒരുപോലെ രോഗാവസ്ഥയിലേക്ക് നയിച്ചേക്കാം. ഇവിടെയാണ് 'സെൽഫ് കെയർ ഡേ' അഥവാ സ്വയം കരുതലിനായുള്ള ഒരു ദിവസത്തിന്റെ പ്രാധാന്യം പ്രസക്തമാകുന്നത്. ആഴ്ചയിൽ ഒരു ദിവസമെങ്കിലും നിങ്ങൾക്കായി മാത്രം മാറ്റിവെക്കുന്നത് ജീവിതത്തിൽ അത്ഭുതകരമായ മാറ്റങ്ങൾ കൊണ്ടുവരുമെന്നാണ് വിദഗ്ധർ ചൂണ്ടിക്കാണിക്കുന്നത്. (Image Credit source: Getty Images)

നമ്മുടെ ശാരീരികവും മാനസികവും വൈകാരികവുമായ ആരോഗ്യം വീണ്ടെടുക്കുന്നതിനായി ബോധപൂർവ്വം സമയം കണ്ടെത്തുന്ന ദിവസമാണിത്. ഒരു യന്ത്രം പോലെ തുടർച്ചയായി പ്രവർത്തിക്കുന്ന ശരീരത്തിന് വിശ്രമം നൽകാനും, ദൈനംദിന സമ്മർദ്ദങ്ങളിൽ നിന്ന് മനസ്സിനെ മോചിപ്പിക്കാനും ഈ ദിനം സഹായിക്കുന്നു. ഇത് സമയം പാഴാക്കലല്ല, മറിച്ച് വരും ദിവസങ്ങളിലേക്ക് കൂടുതൽ ഊർജ്ജസ്വലതയോടെ മടങ്ങിയെത്താനുള്ള ഒരു ചാർജിങ് സമയമാണ്.

ഇഷ്ടപ്പെട്ട പുസ്തകം വായിക്കുകയോ, സംഗീതം കേൾക്കുകയോ, പ്രകൃതിയിലൂടെ അല്പസമയം നടക്കുകയോ ചെയ്യുന്നത് വഴി മനസ്സ് ശാന്തമാകുന്നു. യോഗയും മെഡിറ്റേഷനും ശ്വസന വ്യായാമങ്ങളും ശീലിക്കുന്നത് വഴി ഉത്കണ്ഠ, വിഷാദം എന്നിവയെ അകറ്റിനിർത്താം. ശരിയായ വിശ്രമത്തിന് ശേഷം ജോലിയിലേക്കോ പഠനത്തിലേക്കോ തിരികെ പ്രവേശിക്കുമ്പോൾ ശ്രദ്ധയും കാര്യക്ഷമതയും ഇരട്ടിക്കും. സ്വന്തം ആവശ്യങ്ങൾക്ക് പ്രാധാന്യം നൽകുന്നത് വഴി ആത്മാഭിമാനവും ആത്മവിശ്വാസവും വർദ്ധിക്കും.

നമ്മൾ സ്വയം സന്തോഷവാനായിരിക്കുമ്പോൾ മാത്രമേ കുടുംബാംഗങ്ങളോടും സുഹൃത്തുക്കളോടും മികച്ച രീതിയിൽ ഇടപഴകാൻ സാധിക്കൂ. സന്തോഷമുള്ള ഒരു മനസ്സിന് മാത്രമേ മറ്റുള്ളവരിലേക്ക് സന്തോഷം പകരാൻ കഴിയൂ. ഒരു സെൽഫ് കെയർ ദിനത്തിൽ വലിയ കാര്യങ്ങൾ ചെയ്യണമെന്നില്ല. ലളിതമായ ചില കാര്യങ്ങളിലൂടെ ഈ ദിവസം മനോഹരമാക്കാം. കുറച്ചു സമയത്തേക്ക് മൊബൈൽ ഫോണും സോഷ്യൽ മീഡിയയും പൂർണ്ണമായും ഒഴിവാക്കുക.

ശരീരത്തിന് ലഘുവായ വ്യായാമങ്ങളോ യോഗയോ നൽകുക. കുറച്ചുസമയം ധ്യാനത്തിനായി മാറ്റിവെക്കുക. ഏറെ നാളായി മാറ്റിവെച്ച വായനയോ, പാട്ടുകേൾക്കലോ, മറ്റേതെങ്കിലും വിനോദങ്ങളിലോ ഏർപ്പെടുക. ശരീരത്തിന് ആവശ്യമായ പോഷകഗുണമുള്ള ഭക്ഷണങ്ങൾ കഴിക്കാനും മതിയായ ഉറക്കം ഉറപ്പാക്കാനും ശ്രദ്ധിക്കുക. കുടുംബാംഗങ്ങളോടോ അടുത്ത സുഹൃത്തുക്കളോടോ ഒപ്പം ക്വാളിറ്റി സമയം ചെലവഴിക്കുക. ഓർക്കുക, നിങ്ങളുടെ ആരോഗ്യവും സന്തോഷവും മറ്റെന്തിനേക്കാളും പ്രധാനമാണ്. അതുകൊണ്ട് ഈ ആഴ്ച മുതൽ നിങ്ങൾക്കായി ഒരു ദിവസം മാറ്റിവെക്കാൻ മടിക്കേണ്ടതില്ല.

ലോകകപ്പിന് മുന്നോടിയായുള്ള സന്നാഹ മത്സരത്തില്‍ ഇന്ത്യന്‍ വനിതകള്‍ക്ക് ജയം. വെസ്റ്റ് ഇന്‍ഡീസ് വനിതകളെ 26 റണ്‍സിന് തോല്‍പിച്ചു. ആദ്യം ബാറ്റു ചെയ്ത ഇന്ത്യ 20 ഓവറില്‍ എട്ടു വിക്കറ്റിന് 179 റണ്‍സെടുത്തു. വിന്‍ഡീസിന്റെ പോരാട്ടം എട്ട് വിക്കറ്റിന് 153 എന്ന നിലയില്‍ അവസാനിച്ചു (Image Credit Source: facebook.com/IndianCricketTeam).

പുറത്താകാതെ 40 പന്തില്‍ 56 റണ്‍സെടുത്ത ഭാരതി ഫുല്‍മാലിയാണ് ഇന്ത്യയുടെ ടോപ് സ്‌കോറര്‍. സ്മൃതി മന്ദാന-23 പന്തില്‍ 39, യാസ്തിക ഭാട്ടിയ-26 പന്തില്‍ 36, ഷഫാലി വര്‍മ-13 പന്തില്‍ 29 എന്നിവരും മികച്ച പ്രകടനം പുറത്തെടുത്തു. ജെമിമ റോഡ്രിഗസ്-ഏഴു പന്തില്‍ ഏഴ്, റിച്ച ഘോഷ്-ഗോള്‍ഡന്‍ ഡക്ക് തുടങ്ങിയവര്‍ നിരാശപ്പെടുത്തി. രാധ യാദവ്-രണ്ട് പന്തില്‍ ഒന്ന്, ശ്രേയങ്ക പാട്ടില്‍-അഞ്ച് പന്തില്‍ രണ്ട്, ക്രാന്തി ഗൗഡ്-രണ്ട് പന്തില്‍ നാല്, ശ്രീ ചരണി-രണ്ട് പന്തില്‍ രണ്ട് എന്നിങ്ങനെയാണ് മറ്റ് ബാറ്റര്‍മാരുടെ സ്‌കോറുകള്‍.

വെസ്റ്റ് ഇന്‍ഡീസിനായി ആഫി ഫ്‌ളെച്ചര്‍ നാലു വിക്കറ്റ് വീഴ്ത്തി. ദിയേന്ദ്ര ഡോട്ടിന്‍, കരിഷ്മ റാമറാക്ക്, ആലിയ അലെയ്ന്‍ എന്നിവര്‍ ഓരോ വിക്കറ്റ് വീതം സ്വന്തമാക്കി. 44 പന്തില്‍ 49 റണ്‍സെടുത്ത ദിയേന്ദ്ര ഡോട്ടിനാണ് വിന്‍ഡീസിന്റെ ടോപ് സ്‌കോറര്‍. താരം മത്സരത്തില്‍ ഓള്‍ റൗണ്ട് മികവ് പുറത്തെടുത്തു.

ഷെമെയ്ന്‍ കാംമ്പല്ലെ മാത്രമാണ് ഡോട്ടിനെ കൂടാതെ 20 കടന്ന മറ്റൊരു വിന്‍ഡീസ് ബാറ്റര്‍. കാംമ്പല്ലെ 22 പന്തില്‍ 25 റണ്‍സെടുത്തു. ആലിയ അലെയ്ന്‍ (ഏഴു പന്തില്‍ 13), ജനിലിയ ഗ്ലാസ്‌ഗോ (18 പന്തില്‍ 19), ഷ്വാനിഷ ഹെക്ടര്‍ (11 പന്തില്‍ 19 നോട്ടൗട്ട്) എന്നിവരും രണ്ടക്കം കടന്നു. മറ്റ് ബാറ്റര്‍മാര്‍ നിരാശപ്പെടുത്തി.

നാലു വിക്കറ്റെടുത്ത ശ്രേയങ്ക പാട്ടീല്‍ ഇന്ത്യയ്ക്കായി ബൗളിങില്‍ തിളങ്ങി. മൂന്ന് വിക്കറ്റെടുത്ത രാധാ യാദവും മികച്ച പ്രകടനം പുറത്തെടുത്തു. മറ്റ് ബൗളര്‍മാര്‍ക്ക് വിക്കറ്റ് ലഭിച്ചില്ല. 10-ന് നടക്കുന്ന രണ്ടാം സന്നാഹ മത്സരത്തില്‍ ഇന്ത്യ ഇംഗ്ലണ്ടിനെ നേരിടും.

ജ്യോതിഷത്തിൽ സൂര്യന്റെ നക്ഷത്രമാറ്റം വളരെ പ്രധാനപ്പെട്ടതായി കണക്കാക്കപ്പെടുന്നു. അത്തരത്തിൽ സൂര്യൻ ചൊവ്വ ആധിപത്യം സ്ഥാപിച്ചിരിക്കുന്ന നക്ഷത്രത്തിലേക്ക് നീങ്ങാൻ ഒരുങ്ങുന്നു. സൂര്യന്റെയും ചൊവ്വയുടെയും ഈ സംയോജനം നാലു രാശിക്കാർക്ക് സാമ്പത്തിക നഷ്ടം, ആരോഗ്യ പ്രശ്നങ്ങൾ, മാനസിക സമ്മർദ്ദം എന്നിവയ്ക്ക് കാരണമാകും. ആ രാശികൾ ആരൊക്കെ എന്ന് നോക്കാം.(Image Credit Source: TV9 Network)

ഇടവം: ഇടവം രാശിക്കാർക്ക് ആരോഗ്യത്തിൽ പ്രശ്നങ്ങളും സാമ്പത്തിക ബുദ്ധിമുട്ടുകളും ഈ കാലയളവിൽ ഉണ്ടാകും. സൂര്യന്റെ സംക്രമണം നിങ്ങളുടെ ജാതകത്തിന്റെ രണ്ടാം ഭാവത്തിലാണ് ബാധിക്കുക. കുടുംബാംഗങ്ങളും ആയോ സഹപ്രവർത്തകരുമായോ തർക്കത്തിൽ ഏർപ്പെടാൻ സാധ്യത.ആർക്കും പണം കടം കൊടുക്കുന്നത് ഒഴിവാക്കുക, കാരണം ഇത് സാമ്പത്തിക ബുദ്ധിമുട്ടുകൾക്ക് കാരണമാകും.

വൃശ്ചികം: വൃശ്ചികം രാശിക്കാർ ആരോഗ്യകാര്യത്തിൽ നല്ല ശ്രദ്ധാലുക്കൾ ആയിരിക്കണം. നിങ്ങളുടെ രാശിയുടെ എട്ടാം ഭാവത്തിലാണ് സൂര്യൻ സംക്രമിക്കുന്നത് അതിനാൽ ആരോഗ്യപരമായ പ്രശ്നങ്ങൾ നിങ്ങളെ അലട്ടുവാൻ സാധ്യത. പെട്ടെന്നുള്ള കോപമോ രക്തസമ്മർദ്ദമോ വർദ്ധിച്ചേക്കാം . വാഹനം ഓടിക്കുമ്പോൾ വളരെയധികം ശ്രദ്ധിക്കുക. ഈ കാലയളവിൽ എന്ത് കാര്യങ്ങൾ ചെയ്യുമ്പോഴും വളരെയധികം ശ്രദ്ധ വേണം.

മകരം: മകരം രാശിക്കാർക്ക് ഈ കാലയളവിൽ അനാവശ്യ ചിലവുകളും ബുദ്ധിമുട്ടുകളും പ്രശ്നങ്ങളും വന്നേക്കാം.മാനസിക സമ്മർദ്ദം വർദ്ധിപ്പിക്കും. ഈ സമയത്ത്, നിങ്ങളുടെ ചെലവുകൾ പെട്ടെന്ന് വർദ്ധിച്ചേക്കാം, ഇത് നിങ്ങളുടെ ബജറ്റിനെ തടസ്സപ്പെടുത്തിയേക്കാം. ജീവിതത്തിൽ പല കാര്യങ്ങളിലും ഒരു തടസ്സവും ബുദ്ധിമുട്ടുകളും നേരിടാൻ സാധ്യത.

മീനം: മീനം രാശിക്കാർക്ക് പലയിടത്തു നിന്നും കലഹങ്ങൾ നേരിടേണ്ടിയതായി ഒരു. അതായത് കുടുംബത്തിലോ ജോലി സ്ഥലത്തോ പല കാര്യങ്ങളിലും വാക്ക് തർക്കത്തിൽ ഏർപ്പെടാൻ സാധ്യത. ഇത് നിങ്ങളുടെ മനസ്സമാധാനം നഷ്ടപ്പെടുത്തും. ഇപ്പോൾ ശുഭകരമായ എന്തെങ്കിലും വാങ്ങുന്നതോ വിൽക്കുന്നതോ അത്ര നല്ലതല്ല. സാമ്പത്തികമായി നഷ്ടം സംഭവിക്കാൻ സാധ്യത.

ജൂൺ 9, നാളെ മുതൽ സംസ്ഥാനത്ത് ട്രോളിംഗ് നിരോധനം ആരംഭിക്കുകയാണ്. 52 ദിവസത്തേക്കാണ് നിരോധനമുള്ളത്. അതുകൊണ്ട് തന്നെ ഈ സമയത്ത് ലഭ്യത കുറയുന്നത് കണക്കിലെടുത്ത് മീൻ കുറച്ചധികം വാങ്ങി ഫ്രിഡ്ജിൽ സൂക്ഷിക്കുന്നതാണ് പതിവ്. എന്നാൽ മീൻ എത്ര നാൾ ഫ്രിഡ്ജിൽ സൂക്ഷിക്കാമെന്ന് അറിയാമോ? മീൻ ഇത്തരത്തിൽ ഫ്രിഡ്‌ജിൽ സൂക്ഷിക്കുമ്പോൾ എന്തെല്ലാം കാര്യങ്ങൾ ശ്രദ്ധിക്കണമെന്ന് നോക്കാം.... (Image Credit source: Getty Images)

എല്ലാ മീനുകളും ഒരുപോലെയല്ല ഫ്രിഡ്ജിൽ സൂക്ഷിക്കേണ്ടത്. ചാള, മത്തി, തിലോപ്പിയ തുടങ്ങിയ മീനുകൾ ആറുമുതൽ എട്ടുമാസം വരെ ഫ്രീസറിൽ സൂക്ഷിക്കാവുന്നതാണ്. എന്നാൽ, സാൽമൺ, അയല, ട്രൗട്ട് തുടങ്ങിയ കൊഴുപ്പ് കൂടിയ മീനുകൾ ആണെങ്കിൽ രണ്ട് മുതൽ മൂന്ന് മാസം വരയെ ഫ്രീസറിൽ സൂക്ഷിക്കാൻ പാടുള്ളൂ.

അതുപോലെ, ഫ്രീസറിലെ താപനിലയും ശ്രദ്ധിക്കണം. ഏത് മീൻ ആണെങ്കിലും ഫ്രീസർ 18 ഡിഗ്രി സെൽഷ്യസിന് താഴെയാണെന്ന് ഉറപ്പുവരുത്തേണ്ടതാണ്. വായു കടക്കാത്ത പാത്രത്തിലാണ് സൂക്ഷിക്കേണ്ടത്. പ്ലാസ്റ്റിക്കിലോ അലുമിനിയം ഫോയിലിലോ പൊതിഞ്ഞ് ഫ്രീസറിൽ വയ്ക്കാവുന്നതാണ്.

മീൻ വാങ്ങിയാ അധിക നേരം പുറത്ത് വയ്ക്കാതെ കഴിവതും വേഗത്തിൽ ഫ്രീസറിലേക്ക് മാറ്റേണ്ടതാണ്. അതേസമയം, ട്രോളിങ് ഏർപ്പെടുത്തിയതോടെ പഴകിയ മീനുകളും വിപണിയിൽ എത്തും. അതിനാൽ നല്ല മീൻ നോക്കി വാങ്ങാൻ ശ്രദ്ധിക്കണം. ഫ്രഷ് മീനിന്റെ കണ്ണുകൾ തിളക്കമുള്ളതും പുറത്തേയ്ക്ക് തള്ളിനിൽക്കുന്നതുമായിരിക്കും.

ഫ്രഷ് മീനിന്റെ ചെകിളപ്പൂക്കൾക്ക് നല്ല ചുവന്ന നിറമായിരിക്കും. മീൻ വാലിൽ പിടിച്ച് ഉയർത്തി നോക്കുക. ഫ്രഷ് മീനാണെങ്കിൽ അത് നേരെ നിൽക്കുന്നതാണ്. അതുപോലെ അമർത്തി നോക്കുന്നതിലൂടെയും ഫ്രഷ് മീൻ തിരിച്ചറിയാം. ഫ്രഷ് മീൻ ആണെങ്കിൽ അമർത്തിയ ഭാഗം ഉടൻ തന്നെ പഴയ രൂപത്തിലേയ്ക്ക് തിരിച്ചുവരുന്നതാണ്.

ജ്യോതിഷത്തിൽ ചില പ്രത്യേക ഗ്രഹങ്ങളുടെ സംയോജനം അപൂർവമായ രാജയോഗങ്ങൾ സൃഷ്ടിക്കും. ഇത് ചില രാശിക്കാരെ സംബന്ധിച്ച് ജീവിതത്തിൽ വലിയ നേട്ടങ്ങൾക്കും സൗഭാഗ്യങ്ങളും കാരണമാകും. അതായത് നമ്മുടെ ജീവിതത്തിൽ നല്ലത് കൊണ്ടുവരുന്ന ചില രാജയോഗങ്ങൾ ചില ഘട്ടങ്ങളിൽ രൂപപ്പെടും. അത്തരത്തിൽ ജൂൺ 16ന് രൂപപ്പെടുന്ന രാജയോഗമാണ് ത്രിപുഷ്കർ രാജയോഗം. ഇത് ചില രാശിക്കാർക്ക് വലിയ സന്തോഷവും സൗഭാഗ്യവും സമ്പത്ത്, വിജയം, പുരോഗതി എന്നിവയ്ക്കുള്ള അവസരങ്ങൾ ലഭിച്ചേക്കാം. ജ്യോതിഷം പറയുന്നത്, പ്രത്യേക ദിവസങ്ങൾ (ഞായർ, ചൊവ്വ, ശനി), ചില തീയതികളിൽ ദ്വിതീയ, സപ്തമി, ദ്വാദശി എന്നീ പ്രത്യേക നക്ഷത്രസമൂഹങ്ങൾ എന്നിവ ഒത്തുവരുമ്പോൾ ത്രിപുഷ്‌കർ യോഗം ഉണ്ടാകും. ഈ സമയം പുതിയ പദ്ധതികൾ ആസൂത്രണം ചെയ്യുന്നതിനും നിക്ഷേപങ്ങൾ നടത്തുന്നതിനും പുതിയ പദ്ധതികൾ ആസൂത്രണം ചെയ്യുന്നതിനും മികച്ചതായി കണക്കാക്കുന്നു. അത്തരത്തിൽ ഈ യോഗം ഭാഗ്യം കൊണ്ടുവരുന്ന രാശികൾ ആരൊക്കെ എന്ന് നോക്കാം.(Image Credit Source: TV9 Network)

മേടം:മേടം രാശിക്കാർക്ക് ത്രിപുഷ്കർ വലിയ രീതിയിലുള്ള സൗഭാഗ്യങ്ങൾക്കും സന്തോഷങ്ങൾക്കും കാരണമാകും. നിക്ഷേപങ്ങളിൽ നിന്നും ലാഭം കൊയ്യും. വരുമാനം വർദ്ധിക്കാനുള്ള അവസരങ്ങൾ ഉയർന്നു വന്നേക്കാം. ആരോഗ്യത്തിന് വലിയ പ്രശ്നങ്ങൾക്ക് സാധ്യതയില്ല. ഞങ്ങളുടെ മനസ്സിൽ പോസിറ്റിവിറ്റി നിലനിൽക്കും. ക്ഷമയോടെ ചിന്തിച്ചു കാര്യങ്ങൾ ചെയ്താൽ എല്ലാ അനുകൂലമായി വരും.

ചിങ്ങം : ചിങ്ങം രാശിക്കാർക്ക് തൊഴിൽ രംഗത്ത് പുരോഗതി. ജോലിയിലും ബിസിനസിലും നല്ല അവസരങ്ങൾ ഉയർന്നു വന്നേക്കാം. സമൂഹത്തിൽ ബഹുമാനം വർദ്ധിക്കും. വീട്ടിൽ സന്തോഷവും സമാധാനവും നിലനിൽക്കും. ജീവിതത്തിൽ നിലനിന്നിരുന്നില്ല എല്ലാ തടസ്സങ്ങളും നീങ്ങി വിധത്തിൽ പുതിയ കാര്യങ്ങൾക്കുള്ള അവസരങ്ങൾ തുറന്നുവരും. എന്നിരുന്നാലും തീരുമാനമെടുക്കുമ്പോൾ രണ്ടുവട്ടം ചിന്തിക്കുക.

കന്നി: കന്നിരാശിക്കാർക്ക് ഈ സമയത്ത് പുതിയ അവസരങ്ങൾ ഉയർന്നു വന്നേക്കാം.പഠനം, എഴുത്ത്, അറിവ് സംബന്ധിയായ ജോലി എന്നിവയിൽ ഏർപ്പെട്ടിരിക്കുന്നവർക്ക് പ്രത്യേകിച്ചും നേട്ടമുണ്ടാകും. നിങ്ങളുടെ സാമ്പത്തിക സ്ഥിതി ശക്തിപ്പെട്ടേക്കാം. ശ്രദ്ധിച്ച് ക്ഷമയോടെ എടുക്കുന്ന തീരുമാനങ്ങളിൽ നിന്നും നിങ്ങൾക്ക് ഫലമുണ്ടാകും. കഠിനാധ്വാനത്തിലൂടെ പലതും നേടാൻ സാധിക്കും.

മകരം: മകരം രാശിക്കാർക്ക് ജീവിതത്തിൽ അനുഭവപ്പെടുന്ന പല തടസ്സങ്ങളും ഈ സമയത്ത് നീങ്ങും. മുടങ്ങിക്കിടന്ന പല ജോലികളിലും വരുമാനം കാണാൻ സാധിക്കും.സാമ്പത്തിക സ്ഥിതി മെച്ചപ്പെടും, കുടുംബാന്തരീക്ഷം അനുകൂലമായിരിക്കും. പൂർവ്വിക സ്വത്തിൽ നിന്നുള്ള ആനുകൂല്യങ്ങളുടെ സൂചനകളും ഉണ്ട്.

അറിവില്ലാത്ത കാര്യങ്ങളെ കുറിച്ച് അമിതമായി സംസാരിക്കരുതെന്ന് ചാണക്യൻ പറയുന്നു. പൂർണ്ണമായ അറിവില്ലാത്ത ഒരു വിഷയത്തെക്കുറിച്ച് ഒരു ചർച്ച നടക്കുമ്പോൾ അവിടെ മൗനം പാലിക്കുന്നതാണ് ഉചിതം. പകുതി അറിവ് വെച്ച് സംസാരിക്കുന്നത് നിങ്ങളുടെ വ്യക്തിത്വത്തെ മോശമായി ബാധിക്കുമെന്നും ചാണക്യൻ പറയുന്നു. (Image Credit source: Getty Images)

ദേഷ്യം വരുമ്പോൾ മനുഷ്യന് വിവേകം നഷ്ടപ്പെടുന്നു. ആ സമയത്ത് പറയുന്ന വാക്കുകൾ പലപ്പോഴും ബന്ധങ്ങൾ തകർക്കാനും പിന്നീട് ജീവിതകാലം മുഴുവൻ പശ്ചാത്തപിക്കാനും കാരണമാകും. അതുകൊണ്ട് ദേഷ്യം തോന്നുമ്പോൾ വായ അടച്ചുവെക്കുക എന്നതാണ് ഏറ്റവും വലിയ ബുദ്ധി.

നിങ്ങളുടെ വാക്കുകളെ ബഹുമാനിക്കാത്ത അല്ലെങ്കിൽ നിങ്ങളുടെ ഉപദേശങ്ങൾക്ക് വില കൽപ്പിക്കാത്ത ആളുകളുടെ മുന്നിൽ സംസാരിക്കുന്നത് സമയവും ഊർജ്ജവും കളയുന്നതിന് തുല്യമാണ്. അവിടെ നിങ്ങളുടെ മൗനമാണ് അവർക്കുള്ള ഏറ്റവും നല്ല മറുപടിയെന്ന് ചാണക്യൻ പറയുന്നു.

നിങ്ങളുടെ വ്യക്തിപരമായ കാര്യങ്ങൾ, ഭാവി പദ്ധതികൾ അല്ലെങ്കിൽ മറ്റൊരാൾ നിങ്ങളെ വിശ്വസിച്ച് ഏൽപ്പിച്ച രഹസ്യങ്ങൾ എന്നിവ ആരോടും പറയാതെ കാത്തുസൂക്ഷിക്കുക. വായനക്കാരോട് അല്ലെങ്കിൽ സുഹൃത്തുക്കളോട് പോലും അനാവശ്യമായി ഇത്തരം കാര്യങ്ങൾ സംസാരിക്കാതിരിക്കാൻ മൗനം സഹായിക്കും.

ഒരു പ്രയോജനവുമില്ലാത്ത കാര്യങ്ങളെ ചൊല്ലി വാദപ്രതിവാദങ്ങൾ നടക്കുമ്പോൾ അതിൽ നിന്ന് പിന്മാറി മൗനം പാലിക്കുക. മൂഢന്മാരുമായി തർക്കത്തിൽ ഏർപ്പെടുന്നത് നിങ്ങളുടെ സമാധാനം കളയാൻ മാത്രമേ ഉപകരിക്കൂവെന്നും ചാണക്യൻ ചാണക്യനീതിയിലൂടെ ഓർമിപ്പിക്കുന്നു.

വനിതാ ടി20 ലോകകപ്പിന് മുന്നോടിയായുള്ള സന്നാഹ മത്സരത്തില്‍ ഇന്ത്യ നാളെ വെസ്റ്റ് ഇന്‍ഡീസുമായി ഏറ്റുമുട്ടും. ഉച്ചയ്ക്ക് 2.30-ന് കാര്‍ഡിഫ് വെയില്‍ സ്റ്റേഡിയത്തിലാണ് മത്സരം. ജൂൺ 6 മുതൽ ജൂൺ 10 വരെയാണ് ഈ പരിശീലന മത്സരങ്ങൾ നടക്കുന്നത്. ഇന്ത്യയുടെ ആദ്യ മത്സരം നടക്കുന്നത് നാളെയാണ് (Image Credit Source: PTI).

ഇന്ത്യ രണ്ട് സന്നാഹ മത്സരങ്ങളാണ് കളിക്കുന്നത്. ജൂണ്‍ 10-ന് ഇന്ത്യ ഇംഗ്ലണ്ടിനെയും നേരിടും. ലോകകപ്പിന് മുന്നോടിയായുള്ള തയ്യാറെടുപ്പുകളുടെ ഭാഗമായാണ് സന്നാഹ മത്സരം കളിക്കുന്നത്. ഇതിലെ ജയ-പരാജയങ്ങള്‍ പ്രസക്തമല്ല.

പരിശീലന മത്സരങ്ങളെല്ലാം ഐസിസിയുടെ ഔദ്യോഗിക പ്ലാറ്റ്‌ഫോമായ ICC.tv വഴിയും ഐസിസി യൂട്യൂബ് ചാനലിലൂടെയും ലോകമെമ്പാടും പൂർണ്ണമായും സൗജന്യമായി തത്സമയം കാണാൻ സാധിക്കുമെന്ന് അന്താരാഷ്ട്ര ക്രിക്കറ്റ് കൗൺസിൽ അറിയിച്ചു. ഇന്ത്യയുടെ മാത്രം വാം-അപ്പ് മത്സരങ്ങൾ ജിയോഹോട്ട്‌സ്റ്റാർ സംപ്രേഷണം ചെയ്യും. യുകെയിലെ ആരാധകര്‍ക്ക്‌ ഇംഗ്ലണ്ടിന്റെ മത്സരങ്ങൾ സ്കൈ ചാനലിലൂടെ തത്സമയം കാണാം. യുഎസ്എ, കാനഡ എന്നിവിടങ്ങളിൽ വില്ലോ ടിവി എല്ലാ പരിശീലന മത്സരങ്ങളും തത്സമയം എത്തിക്കും.

വെസ്റ്റ് ഇൻഡീസിലെ ആരാധകർക്ക് ഇഎസ്പിഎൻ കരീബിയൻ വഴി തങ്ങളുടെ ടീമിന്റെ മത്സരങ്ങൾ കാണാം. യുഎഇയിലും മറ്റ് MENA മേഖലകളിലും സ്റ്റാർസ്‌പ്ലേ ക്രിക്കറ്റ് ഡബ്ല്യു ചാനലിലൂടെ മത്സരങ്ങൾ ലഭ്യമാകും. ഇന്നലെ നാലു സന്നാഹ മത്സരങ്ങളാണ് നടന്നത്. നെതര്‍ലന്‍ഡ്‌സ്-സ്‌കോട്ട്‌ലന്‍ഡ്, സൗത്ത് ആഫ്രിക്ക-അയര്‍ലന്‍ഡ്, ശ്രീലങ്ക-പാകിസ്ഥാന്‍, ന്യൂസിലന്‍ഡ്-ബംഗ്ലാദേശ് പോരാട്ടങ്ങള്‍ നടന്നു.

നാളെ രണ്ട് മത്സരങ്ങളാണ് നടക്കുന്നത്. ആദ്യ മത്സരത്തില്‍ ഇന്ത്യയും വെസ്റ്റ് ഇന്‍ഡീസും ഏറ്റുമുട്ടും. ഇംഗ്ലണ്ടും ഓസ്‌ട്രേലിയയും തമ്മിലാണ് രണ്ടാം മത്സരം. ജൂണ്‍ 10-ന് സന്നാഹ മത്സരങ്ങള്‍ അവസാനിക്കും.

കൊറിയൻ സുന്ദരിമാരെപ്പോലെ പാടുകളെ, കുരുക്കളോ ഇല്ലാത്ത വെട്ടിത്തിളങ്ങുന്ന ചർമ്മം സ്വന്തമാക്കാൻ ആഗ്രഹിക്കാത്തവർ ആരുണ്ടാകും? ഇതിനായി വിലകൂടിയ ഫേഷ്യലുകളും കെമിക്കൽ ക്രീമുകളും വാങ്ങി പണം കളയുന്നവരും ധാരാളമാണ്. എന്നാൽ നമ്മുടെ ചുറ്റുമുള്ള വസ്തുക്കൾ ഉപയോ​ഗിച്ച് തന്നെ ഇത്തരം നേട്ടങ്ങൾ സ്വന്തമാക്കാനാകും. പണ്ടുമുതൽക്കെ ചർമ്മ സംരക്ഷണത്തിനായി ഉപയോ​ഗിക്കുന്ന മഞ്ഞൾ അതിന് പറ്റിയ ചേരുവയാണ്. (Image Credit Source: Getty Images)

മഞ്ഞൾ വെറുതെ അങ്ങ് ഉപയോ​ഗിച്ചാൽ വേണ്ട ​ഗുണങ്ങൾ കിട്ടണമെന്നില്ല. അതിന് പറ്റിയ മാർ​ഗമാണ് ഐസ് ​ക്യൂബുകളാക്കി ഉപയോ​ഗിക്കുക എന്നത്. മഞ്ഞളിൻ്റെ ആൻ്റി-ഇൻഫ്ലമേറ്ററി ഗുണങ്ങളും ഐസിംഗിൻ്റെ ചർമ്മത്തെ ടൈറ്റ് ചെയ്യാനുള്ള കഴിവും ഒത്തുചേരുമ്പോൾ മുഖത്തെ കറുത്ത പാടുകളും മുഖക്കുരുവും മാറി ചർമ്മം സ്വാഭാവികമായി തിളങ്ങാൻ തുടങ്ങും. ഇത് വീട്ടിൽ എങ്ങനെ എളുപ്പത്തിൽ തയ്യാറാക്കാമെന്നും ഉപയോഗിക്കേണ്ട ശരിയായ രീതി എന്താണെന്നും നോക്കാം.

മഞ്ഞളിൽ അടങ്ങിയ 'കുർകുമിൻ' ചർമ്മത്തിലെ അമിത പിഗ്മെന്റേഷനും കറുത്ത പാടുകളും വേഗത്തിൽ കുറയ്ക്കുന്നു. കൂടാതെ ഇതിലെ ആൻ്റി ബാക്ടീരിയൽ ഗുണങ്ങൾ മുഖക്കുരു ഉണ്ടാക്കുന്ന ബാക്ടീരിയകളെ നശിപ്പിക്കുന്നു. ഐസ് ക്യൂബ് മുഖത്ത് മസാജ് ചെയ്യുമ്പോൾ വലിയ സുഷിരങ്ങൾ ചുരുങ്ങുകയും ചർമ്മം കൂടുതൽ മൃദുവാകുകയും ചെയ്യും. തണുത്ത ഐസ് മസാജ് മുഖത്തെ രക്തയോട്ടം വർദ്ധിപ്പിച്ച് പെട്ടെന്ന് ഒരു ഇൻസ്റ്റൻ്റ് ഗ്ലോ നൽകുന്നു.

ഒരു ടേബിൾസ്പൂൺ കസ്തൂരിമഞ്ഞൾ പൊടി, അര കപ്പ് പനിനീര്, അര കപ്പ് തിളപ്പിച്ചാറ്റിയ വെള്ളം. ഒരു പാത്രത്തിൽ വെള്ളവും പനിനീരും എടുക്കുക. ഇതിലേക്ക് കസ്തൂരിമഞ്ഞൾ പൊടി ചേർത്ത് നന്നായി യോജിപ്പിക്കുക. ഈ മിശ്രിതം ഒരു ഐസ് ട്രേയിലേക്ക് ഒഴിച്ച് നാല് മുതൽ അഞ്ച് മണിക്കൂർ വരെ ഫ്രീസറിൽ വെച്ച് കട്ടയാക്കുക. ഇത് രാവിലെയോ രാത്രിയിലോ നിങ്ങൾക്ക് മുഖത്ത് ഉപയോ​ഗിക്കാവുന്നതാണ്. പുറത്തുപോകുന്നതിന് മുമ്പ് ഉപയോ​ഗിക്കരുത്. മഞ്ഞളിൻ്റെ നിറം മുഖത്ത് വരാനുള്ള സാധ്യതയുണ്ട്.

ആദ്യം മൈൽഡ് ആയ ഒരു ഫേസ് വാഷ് ഉപയോഗിച്ച് മുഖത്തെ അഴുക്കും എണ്ണമയവും പൂർണ്ണമായി കഴുകി വൃത്തിയാക്കുക. ശേഷം ഒരു മഞ്ഞൾ ഐസ് ക്യൂബ് എടുത്ത് നേർത്ത, വൃത്തിയുള്ള ഒരു കോട്ടൺ തുണിയിൽ പൊതിയുക. ഇത് മുഖത്ത് വൃത്താകൃതിയിൽ പതുക്കെ മസാജ് ചെയ്യുക. കണ്ണിന് താഴെയുള്ള ഭാഗങ്ങളിൽ അധികനേരം ചെയ്യരുത്. മസാജിന് ശേഷം 10 മിനിറ്റ് ഈ വെള്ളം മുഖത്ത് തുടരാൻ അനുവദിക്കുക. അതിനുശേഷം സാധാരണ തണുത്ത വെള്ളത്തിൽ മുഖം കഴുകാം.

ഉണർന്നിരിക്കുന്ന ഓരോ നിമിഷവും മാനസികസമ്മർദങ്ങളിലൂടെ കടന്നുപോകുന്നവരാണ് ഇന്നത്തെ തലമുറയിൽ ഭൂരിഭാഗവും. മാനസികാരോഗ്യം വീണ്ടെടുക്കാനായി മെഡിറ്റേഷൻ, വ്യായാമം, സ്ലീപ്പിങ് ടെക്നിക്കുകൾ, ചെലവേറിയ ചികിത്സകൾ എന്നിവയിലേക്ക് ആളുകൾ തിരിയുമ്പോഴും പലർക്കും മനസ്സിന് പൂർണ്ണ സംതൃപ്തി കണ്ടെത്താൻ സാധിക്കാറില്ല. എന്നാൽ വലിയ ചെലവുകളോ തയ്യാറെടുപ്പുകളോ ഇല്ലാതെ, ദൈനംദിന ജീവിതത്തിൽ ഉൾപ്പെടുത്താവുന്ന ചെറിയ ശീലങ്ങളിലൂടെ വലിയ മാറ്റങ്ങൾ കൊണ്ടുവരാൻ സാധിക്കുമെന്ന് ഗവേഷണങ്ങൾ വ്യക്തമാക്കുന്നു. (Image Credit Source: Getty Images)

ദിവസവും വെറും 15 മിനിറ്റ് നടക്കുന്നത് ദിവസം മുഴുവൻ ആവശ്യമായ ഏകാഗ്രതയും ഊർജ്ജവും വർദ്ധിപ്പിക്കാൻ സഹായിക്കും. വ്യായാമം ചെയ്യുന്നത് ഓർമ്മശക്തി, വൈജ്ഞാനികത, ഭാഷ എന്നിവയുമായി ബന്ധപ്പെട്ട തലച്ചോറിന്റെ ഭാഗങ്ങളിലേക്കുള്ള രക്തയോട്ടം നിയന്ത്രിക്കുമെന്ന് എംആർഐ സ്കാനുകൾ സൂചിപ്പിക്കുന്നു.

ദിവസവും നമുക്ക് ലഭിച്ച നല്ല കാര്യങ്ങളെ ഓർത്ത് നന്ദി പ്രകടിപ്പിക്കുന്നതും അത് ഒരു ഡയറിയിലോ പുസ്തകത്തിലോ കുറിച്ചുവെക്കുന്നതും സന്തോഷവും പോസിറ്റീവ് വികാരങ്ങളും വർദ്ധിപ്പിക്കും. ഇത് ഉറക്കം മെച്ചപ്പെടുത്താനും വിഷാദം, ഉത്കണ്ഠ, മാനസികസമ്മർദം എന്നിവ ഗണ്യമായി കുറയ്ക്കാനും സഹായിക്കുമെന്ന് പഠനങ്ങൾ തെളിയിക്കുന്നു.

അടുപ്പമുള്ളവരെ കെട്ടിപ്പിടിക്കുന്നത് (ആലിംഗനം), ഹസ്തദാനം നൽകുക, മസാജ് ചെയ്യുക തുടങ്ങിയ ശാരീരിക സ്പർശങ്ങൾ സ്ട്രെസ് ഹോർമോണായ 'കോർട്ടിസോളിന്റെ' അളവ് കുറയ്ക്കാൻ സഹായിക്കും. ശരീരവേദന, വിഷാദം, ഉത്കണ്ഠ എന്നിവ ലഘൂകരിക്കാൻ ഇത് മികച്ചതാണെന്ന് സമീപകാല ഗവേഷണങ്ങൾ വ്യക്തമാക്കുന്നു.

കൈകൾ കൊണ്ട് ക്രിയേറ്റീവ് ആയി ചെയ്യുന്ന കാര്യങ്ങൾ മനസ്സിന് ശാന്തത നൽകും. ചിത്രരചന, ക്രാഫ്റ്റ് ജോലികൾ, മൺപാത്ര നിർമ്മാണം തുടങ്ങിയവയിൽ ഏർപ്പെടുന്നത് ശരീരത്തിലെ സ്ട്രെസ് ഹോർമോണുകൾ കുറയ്ക്കാനും മാനസികോല്ലാസത്തിനും സഹായിക്കും. തണുത്ത വെള്ളത്തിൽ കുളിക്കുന്നത് ശരീരത്തിൽ സന്തോഷം നൽകുന്ന ഹോർമോണായ 'എൻഡോർഫിനുകൾ' പുറത്തുവിടാൻ സഹായിക്കുമെന്ന് 2007-ൽ നടത്തിയ ഒരു പഠനം വ്യക്തമാക്കുന്നു. ഇത് ഒരു ആന്റിഡിപ്രസന്റ് ആയി പ്രവർത്തിക്കുകയും, ശരീരത്തിലെ രക്തയോട്ടം സജീവമാക്കി മികച്ച ഊർജ്ജം പകരുകയും ചെയ്യും.

വീണ്ടും മഴക്കാലം വന്നെത്തിയിരിക്കുന്നു, മഴക്കാലത്ത് തേങ്ങയുടെ ലഭ്യത കുറയുമ്പോള്‍ വെളിച്ചെണ്ണ വില ഉയരുന്നത് സാധാരണമാണ്. അതിനുള്ള ഒരുക്കങ്ങള്‍ എല്ലാം തന്നെ വിപണിയില്‍ ആരംഭിച്ചും കഴിഞ്ഞു. എന്നാല്‍ ഉപഭോക്താക്കള്‍ക്ക് ഒരു സന്തോഷ വാര്‍ത്തയുമായി എത്തിയിരിക്കുകയാണ് നമ്മുടെ കേരഫെഡ്. കേരഫെഡിന്റെ വെളിച്ചെണ്ണയായ കേരയുടെ വില കുറച്ചിരിക്കുകയാണ്. (Image Credit Source: Getty Images)

കേര വെളിച്ചെണ്ണ ലിറ്ററിന് 375 രൂപയില്‍ നിന്ന് 332 രൂപയായി വില കുറച്ചിരിക്കുകയാണ്. 900 മില്ലലിറ്ററിന്റെ പാക്കറ്റിന് 338 രൂപയില്‍ നിന്ന് 299 രൂപയായും മാറി. ഇനി മുതല്‍ 500 മില്ലിലിറ്ററിന്റെ പാക്കറ്റിന് നിങ്ങള്‍ വെറും 167 രൂപ കൊടുത്താല്‍ മതി, നേരത്തെ ഇത് 189 രൂപയായിരുന്നു. എല്ലാ പാക്കറ്റുകള്‍ക്കും വില കുറച്ചത് ഉപഭോക്താക്കള്‍ക്ക് വലിയ ആശ്വാസമാകുമെന്ന പ്രതീക്ഷയിലാണ് കേരഫെഡ്.

നാളികേരത്തിന്റെ വില പൊതുവിപണിയില്‍ കുറഞ്ഞതിനെ തുടര്‍ന്നാണ് വെളിച്ചെണ്ണ കുറയ്ക്കാന്‍ കേരഫെഡ് തീരുമാനിച്ചത്. എന്നാല്‍ കേരഫെഡിനോട് സാദൃശ്യമുള്ള പേരിലും പാക്കറ്റിലും ധാരാളം വെളിച്ചെണ്ണകള്‍ വിപണിയില്‍ എത്തുന്നുണ്ടെന്നും ആളുകള്‍ ജാഗ്രത പാലിക്കണമെന്നും കേരഫെഡ് പറയുന്നു. ഇത്തരം ബ്രാന്‍ഡുകള്‍ക്കെതിരെ നടപടി സ്വീകരിച്ച് വരികയാണ്.

അതേസമയം, 300 രൂപയ്ക്കടുത്താണ് വിപണിയില്‍ മറ്റ് വെളിച്ചെണ്ണ ലിറ്ററിന് വില. 190 നും 210നും ഇടയിലാണ് വെളിച്ചെണ്ണയുടെ ചില്ലറ വില്‍പന നടക്കുന്നത്. വെളിച്ചെണ്ണ ക്വിന്റലിന് 17,500 മുതല്‍ 18,200 രൂപയോളം വില ഈടാക്കുന്നു. കാലാവസ്ഥയില്‍ സംഭവിക്കുന്ന മാറ്റം മൂലം വെളിച്ചെണ്ണ വില വീണ്ടും 400 ലേക്കും 500 ലേക്കും എത്താന്‍ സാധ്യതയുണ്ടെന്നും വ്യാപാരികള്‍ പറയുന്നു.

ഓണം വന്നെത്താന്‍ ഇനി രണ്ട് മാസങ്ങള്‍ മാത്രമാണുള്ളത്. ഉത്സവകാലങ്ങളില്‍ വെളിച്ചെണ്ണയുടെ ഉപയോഗം വര്‍ധിക്കുന്നത് വില വര്‍ധനവിന് കാരണമാകാറുണ്ട്. അതിനാല്‍ തന്നെ ഓണം പ്രമാണിച്ച് വില വീണ്ടും ഉയരാന്‍ തന്നെയാണ് സാധ്യത. മില്ലുടമകള്‍ കൊപ്ര വലിയ അളവില്‍ ശേഖരിച്ച് വെക്കാനും ഉടന്‍ തന്നെ ആരംഭിക്കും. എന്നാല്‍ കൃത്രിമമായ വിലക്കയറ്റം കര്‍ഷകര്‍ സൃഷ്ടിച്ചില്ലെങ്കില്‍ വെളിച്ചെണ്ണ വില നിയന്ത്രണവിധേയമായിരിക്കും.

ഒരു പെൺകുട്ടിയുടെ ജീവിതത്തിലെ ഏറ്റവും പ്രധാനപ്പെട്ട ശാരീരികവും മാനസികവുമായ വളർച്ചാഘട്ടമാണ് ആദ്യ ആർത്തവം അഥവാ മെനാർക്ക്. സാധാരണയായി 12 മുതൽ 15 വയസ്സ് വരെയുള്ള പ്രായത്തിലാണ് ഇത് സംഭവിക്കുന്നത്. ശരീരത്തിലെ സ്വാഭാവികമായ ഹോർമോൺ മാറ്റങ്ങളുടെ ഭാഗമായാണ് ഇതെങ്കിലും, പെട്ടെന്നുണ്ടാകുന്ന ഈ മാറ്റം കുട്ടികളിൽ വലിയ രീതിയിലുള്ള ഭയവും ആശങ്കയും ഉണ്ടാക്കാറുണ്ട്. അതിനാൽ മാതാപിതാക്കളും അധ്യാപകരും കുട്ടികൾക്ക് കൃത്യമായ മുൻകൂർ ബോധവൽക്കരണവും പൂർണ്ണ പിന്തുണയും നൽകേണ്ടത് അത്യാവശ്യമാണ്. (Image Credit source: Getty Images)

ആർത്തവം എന്നത് ശരീരത്തിന്റെ തികച്ചും സ്വാഭാവികമായ ഒരു പ്രക്രിയയാണെന്ന് കുട്ടികൾക്ക് ലളിതമായി പറഞ്ഞു മനസ്സിലാക്കുക. ആർത്തവം ആരംഭിക്കുന്നതിന് മുൻപ് തന്നെ പലപ്പോഴായുള്ള സൌഹൃദപരമായ സംഭാഷണങ്ങളിലൂടെ വേണം ഇത് ചെയ്യാൻ. കുട്ടി സംശയങ്ങൾ ചോദിക്കുമ്പോൾ മടി കൂടാതെ സത്യസന്ധമായി മറുപടി നൽകുക. ആവശ്യമായ പ്രായമായിട്ടും കുട്ടി ഇതേക്കുറിച്ച് ചോദിക്കുന്നില്ലെങ്കിൽ, മാതാപിതാക്കൾ തന്നെ മുൻകൈയെടുത്ത് സംസാരിച്ചു തുടങ്ങണം.

ആർത്തവ ദിനങ്ങളിൽ വ്യക്തിശുചിത്വം പാലിക്കുന്നത് രോഗാണുബാധകൾ തടയാൻ അത്യാവശ്യമാണ്. ഈ ദിവസങ്ങളിൽ രണ്ടുനേരം കുളിക്കാനും, സ്വകാര്യഭാഗങ്ങൾ ഇളംചൂടുവെള്ളം ഉപയോഗിച്ച് വൃത്തിയാക്കാനും കുട്ടികളെ പരിശീലിപ്പിക്കുക. രക്തസ്രാവത്തിന്റെ അളവ് കുറവാണെങ്കിൽ പോലും, 4 മുതൽ 6 മണിക്കൂറിനുള്ളിൽ സാനിറ്ററി പാഡ് മാറ്റുന്ന ശീലം വളർത്തുക. പാഡ് കൂടുതൽ സമയം മാറ്റാതിരുന്നാൽ മൂത്രത്തിൽ അണുബാധയടക്കമുള്ള പ്രശ്നങ്ങൾക്ക് കാരണമാകും.

ഉപയോഗിച്ച പാഡുകൾ കൃത്യമായ രീതിയിൽ പേപ്പറിൽ പൊതിഞ്ഞ് നശിപ്പിക്കാനും കുട്ടികളെ പഠിപ്പിക്കണം. ആർത്തവത്തോടനുബന്ധിച്ച് സ്തനവളർച്ച, പെട്ടെന്ന് ഉയരം കൂടുക, ശരീരഭാരത്തിലെ വ്യത്യാസങ്ങൾ, മുഖക്കുരു, അമിതമായി വിയർക്കുക തുടങ്ങിയ മാറ്റങ്ങൾ സാധാരണമാണെന്നും ഇതിൽ ഭയപ്പെടേണ്ടതില്ലെന്നും കുട്ടികളെ ബോധ്യപ്പെടുത്തുക. ഇത് അവരിലെ അപകർഷതാബോധം ഇല്ലാതാക്കാൻ സഹായിക്കും.

ശരീര വളർച്ചയ്ക്കും രക്തക്കുറവ് (അനീമിയ) തടയുന്നതിനും ഈ പ്രായത്തിൽ നല്ല ഭക്ഷണശീലം അനിവാര്യമാണ്. ശരീരം എപ്പോഴും ഹൈഡ്രേറ്റഡ് ആയി നിലനിർത്താൻ ശ്രദ്ധിക്കുക. ചായ, കാപ്പി എന്നിവയ്ക്ക് പകരം ഗ്രീൻ ടീ, കാരറ്റ് ജ്യൂസ് എന്നിവ നൽകാം. ഇരുമ്പ് (Iron), കാൽസ്യം, പ്രോട്ടീൻ എന്നിവ ധാരാളമടങ്ങിയ ഇലക്കറികൾ, മുട്ട, മത്സ്യം, പാൽ, തൈര്, പഴങ്ങൾ, പരിപ്പുവർഗ്ഗങ്ങൾ, നട്സ് എന്നിവ ഭക്ഷണത്തിൽ ഉൾപ്പെടുത്തുക. പ്രോസസ്ഡ് ഫുഡ്, അച്ചാറുകൾ, കൊഴുപ്പ് കൂടിയ ഭക്ഷണങ്ങൾ എന്നിവ ഈ ദിവസങ്ങളിൽ ഒഴിവാക്കുന്നതാണ് നല്ലത്.

സൂര്യകുമാര്‍ യാദവിന് ഇന്ത്യയുടെ ടി20 ക്യാപ്റ്റന്‍സിയും, ടീമിലെ സ്ഥാനവും നഷ്ടപ്പെടുമെന്ന് ആരാധകര്‍ക്ക് ഉറപ്പായിരുന്നു. ഔദ്യോഗിക പ്രഖ്യാപനത്തിനു വേണ്ടി മാത്രമായിരുന്നു കാത്തിരിപ്പ്. ഒടുവില്‍ ഔദ്യോഗിക പ്രഖ്യാപനമെത്തി. സൂര്യകുമാര്‍ യാദവ് പുറത്ത് (Image Credit Source: PTI).

ഇന്ത്യൻ ക്രിക്കറ്റിൽ സൂര്യകുമാർ യാദവിന്റെ യുഗം അവസാനിച്ചിരിക്കുകയാണ്. സൂര്യയുടെ ക്യാപ്റ്റന്‍സിയില്‍ ഇന്ത്യ ടി20 കിരീടവും, ഏഷ്യാ കപ്പും നേടിയിട്ടുണ്ട്. എന്നാല്‍ താരത്തിന്റെ സമീപകാല ഫോം വളരെ മോശമായിരുന്നു. 35-കാരനായ താരത്തിന്റെ പ്രായവും പ്രതികൂല ഘടകമാണ്.

ഒരു ലോകകപ്പ് ജയം നേടിത്തന്നയുടൻ ക്യാപ്റ്റന്‍സിയില്‍ നിന്ന് നീക്കിയത് പ്രയാസകരമായ തീരുമാനമായിരുന്നുവെന്ന്‌ ബിസിസിഐ ചീഫ് സെലക്ടർ അജിത് അഗാർക്കർ പറഞ്ഞു. ടീമിന്റെ മുന്നോട്ടുള്ള പ്രയാണത്തിന് ഏറ്റവും അനുയോജ്യമായ വഴി എന്താണെന്ന് വിലയിരുത്താറുണ്ട്. അദ്ദേഹത്തിന്റെ നിലവിലെ ഫോം ഒരു കാരണമാണ്. അടുത്ത ലോകകപ്പ് വരെയുള്ള സമയത്തെ മുന്നിൽക്കണ്ടുകൊണ്ട്, ഇതാണ് മുന്നോട്ടുള്ള ഏറ്റവും നല്ല വഴിയെന്ന് കരുതിയെന്നും അഗാര്‍ക്കര്‍ പറഞ്ഞു.

ഇതിനെക്കുറിച്ച് ഒരുപാട് ആലോചിച്ചിരുന്നു. ഏതെങ്കിലും ഒരു ഘട്ടത്തിൽ നമുക്ക് ഇത് പരിഗണിക്കേണ്ടി വരുമായിരുന്നു. ഇപ്പോൾ, ഐപിഎൽ ഫോമാണോ ഈ തീരുമാനത്തിന് പിന്നിലെന്ന് ചോദിച്ചാൽ തനിക്ക്‌ ഉറപ്പില്ല. ഇതിനെക്കുറിച്ച് എപ്പോഴും ചർച്ചകൾ നടക്കുന്നുണ്ടായിരുന്നുവെന്നും അദ്ദേഹം കൂട്ടിച്ചേർത്തു.

തങ്ങൾ തമ്മിൽ നടന്ന സംഭാഷണത്തിന്റെ ആന്തരിക വിവരങ്ങൾ വെളിപ്പെടുത്താൻ ആഗ്രഹിക്കുന്നില്ല. അത് താനും അദ്ദേഹവും തമ്മിലുള്ളതായിരുന്നു. അത് ഒട്ടും എളുപ്പമായിരുന്നില്ല. എന്നാൽ ടീമിന്റെ നന്മയ്ക്ക് വേണ്ടിയാണ് എല്ലാം ചെയ്യുന്നന്നതെന്നും അജിത് അഗാര്‍ക്കര്‍ പറഞ്ഞു.

മുടി കൊഴിച്ചിൽ കാരണം വിഷമിക്കുന്നവർ ഏറെയാണ് നമ്മുടെ ചുറ്റിനും. ചീകുമ്പോഴും കുളിക്കുമ്പോഴും മുടി കെട്ടുകളായി കൊഴിഞ്ഞുപോകുമ്പോൾ വിലകൂടിയ ഹെയർ സിറമുകളും ഷാംപൂകളും വാങ്ങി പണം കളയുന്നവരാണ് ഭൂരിഭാഗവും. എന്നാൽ നമ്മുടെയൊക്കെ അടുക്കളയിൽ എപ്പോഴും കാണുന്ന, സാമ്പാറിനും മീൻകറിക്കും രുചികൂട്ടാൻ ഉപയോഗിക്കുന്ന വാളൻപുളി (Tamarind) ഉപയോ​ഗിച്ച് മുടികൊഴിച്ചിൽ മാറ്റിയാലോ. (Image Credit Source: Getty Images)

വാളൻപുളി ഉപയോഗിച്ച് തലയോട്ടിയുടെ ആരോഗ്യം സംരക്ഷിക്കാനും മുടിയുടെ വേരുകൾ ബലപ്പെടുത്താനും നമുക്ക് സാധിക്കുന്നതാണ്. അത് എങ്ങനെയാണെന്നും അതിനായുള്ള ലളിതമായ വീട്ടുവൈദ്യങ്ങൾ എന്തൊക്കെയാണെന്നും നോക്കാം. വാളൻപുളിയിൽ അടങ്ങിയിരിക്കുന്ന ചില പ്രത്യേക ഘടകങ്ങളാണ് മുടിയുടെ ആരോഗ്യത്തെ ബലപ്പെടുത്തുന്നത്. ഇതിലെ മൈൽഡായിട്ടുള്ള ആസിഡ് ഘടകങ്ങൾ തലയോട്ടിയിലെ അമിത എണ്ണമയവും അടിഞ്ഞുകൂടിയ അഴുക്കുകളും കെമിക്കലുകളും നീക്കം ചെയ്യുന്നു.

അതുപോലെ തന്നെ പുളിയിൽ അടങ്ങിയിരിക്കുന്ന വിറ്റാമിൻ സിയും ആൻ്റിഓക്‌സിഡൻ്റുകളും മുടിയുടെ വേരുകൾക്ക് കേടുപാടുകൾ വരുത്തുന്ന ഫ്രീ റാഡിക്കലുകളോട് പോരാടുകയും മുടിയെ വേരുകളിൽ നിന്ന് ബലപ്പെടുത്തുകയും ചെയ്യുന്നു. ഇതിലെ ആൻ്റി-ബാക്ടീരിയൽ ഗുണങ്ങൾ തലയോട്ടിയിലെ ചൊറിച്ചിലും താരനും കുറയ്ക്കാൻ സഹായിക്കും. എന്നാൽ ഒരിക്കലും വാളൻപുളി നേരിട്ട് തലയിൽ തേയ്ക്കാൻ പാടില്ല. മറ്റ് പ്രകൃതിദത്ത ചേരുവകൾക്കൊപ്പം ചേർത്ത് വേണം ഉപയോഗിക്കാൻ.

തലയോട്ടിയിൽ അമിതമായി എണ്ണമയം വരികയും മുടി കൊഴിയുകയും ചെയ്യുന്നവർക്ക് വാളൻപുളി - തൈര് പാക്ക് ഉപയോ​ഗിക്കാവുന്നതാണ്. വാളൻപുളി എടുത്ത് ചെറുചൂടുവെള്ളത്തിൽ 20 മിനിറ്റ് കുതിർത്തു വെക്കുക. ശേഷം ഇതിന്റെ കട്ടിയുള്ള പൾപ്പ് മാത്രം അരിച്ചെടുക്കുക. ഇതിലേക്ക് 2 ടേബിൾ സ്പൂൺ കട്ടിത്തൈരും 1 ടീസ്പൂൺ തേനും ചേർത്ത് നന്നായി ഇളക്കി പേസ്റ്റ് രൂപത്തിലാക്കുക. ഈ പാക്ക് തലയോട്ടിയിലും മുടിയിഴകളിലും നന്നായി തേച്ചുപിടിപ്പിക്കുക. ചെറുതായി മസ്സാജ് ചെയ്ത് 20 മിനിറ്റ് കഴിഞ്ഞ് കഴുകികളയാം.

ആഴ്ചയിൽ ഒരു തവണ മാത്രം ഈ പാക്ക് ഉപയോഗിക്കുക. അമിതമായാൽ പുളിയിലെ അസിഡിറ്റി തലയോട്ടി വരണ്ടുപോകാൻ കാരണമായേക്കാം. ആദ്യമായി ഉപയോഗിക്കുന്നവർ കൈയിലോ ചെവിയുടെ പുറകിലോ അല്പം പുളി വെള്ളം പുരട്ടി 10 മിനിറ്റ് നോക്കുക. അലർജിയോ അമിതമായ പുകച്ചിലോ ഇല്ലെന്ന് ഉറപ്പുവരുത്തിയ ശേഷം മാത്രം തലയിൽ ഉപയോഗിക്കുക.

ബെംഗളൂരുവിലേക്ക് കേരളത്തില്‍ നിന്നും യാത്ര ചെയ്യുന്ന ധാരാളം ആളുകളുണ്ട്. വളരെ പെട്ടെന്ന് യാത്ര സാധ്യമാകും എന്നതുകൊണ്ട് തന്നെ പലരും വിമാനയാത്രയാണ് തിരഞ്ഞെടുക്കാറുള്ളത്. സ്വന്തം വാഹനത്തില്‍ യാത്ര നടത്താന്‍ താത്പര്യപ്പെടുന്നവര്‍ക്ക് റോഡുകള്‍ തന്നെ ശരണം. എന്നാല്‍ ഗതാഗതക്കുരുക്കും, റോഡിന്റെ മോശം അവസ്ഥയും യാത്രക്കാരെ വലയ്ക്കും. പലപ്പോഴും ദീര്‍ഘനേരമുള്ള ഗതാഗതക്കുരുക്ക് സഹിച്ച് വേണ്ടിവരും യാത്ര പൂര്‍ത്തിയാക്കാന്‍. (Image Credit Source: Getty Images)

എന്നാല്‍ ഇനി ഒട്ടും വിഷമിക്കേണ്ട, കേരളത്തില്‍ നിന്നും ബെംഗളൂരുവിലേക്ക് പോകാനായി പുതിയ റോഡ് തുറന്നിരിക്കുകയാണ്. എന്നാല്‍ ഈ റോഡ് ഒരിക്കലും കേരളത്തില്‍ നിന്നും ആരംഭിക്കുന്നതല്ല, മറിച്ച് സേലത്ത് നിന്നുള്ളതാണ്. സേലം ധര്‍മ്മപുരി റോഡിനെ കുറിച്ചാണ് പറഞ്ഞുവരുന്നത്. റോഡ് അല്‍പം പഴയതാണെങ്കിലും കേരളത്തില്‍ നിന്നുള്ള യാത്രക്കാര്‍ ഇതിനെ കുറിച്ച് അറിഞ്ഞുവരുന്നതേ ഉള്ളൂ.

നാഷണല്‍ ഹൈവേ 844 എന്നറിയപ്പെടുന്ന ഈ പാത സേലത്തിന് നിന്നാണ് ആരംഭിക്കുന്നത്. സേലം-ധര്‍മ്മപുരി-പാലക്കോട്-ഹൊസൂര്‍ വഴി ബെംഗളൂരു റോഡിലേക്ക് കടക്കും. ധര്‍മ്മപുരിയില്‍ നിന്നും ഏകദേശം 94 കിലോമീറ്ററാണ് ഹൊസൂരിലേക്ക് ഉള്ളത്. ഇതുവഴി യാത്ര ചെയ്യുകയാണെങ്കില്‍ ഏകദേശം 4 മണിക്കൂറിനുള്ളില്‍ യാത്ര പൂര്‍ത്തിയാക്കാനും സാധിക്കും.

പാലക്കാട് വഴിയാണ് മലയാളികള്‍ ഈ പാതയിലേക്ക് പ്രവേശിക്കേണ്ടത്. കൊച്ചി, തൃശൂര്‍, മലപ്പുറം, കോഴിക്കോട് ഭാഗങ്ങളില്‍ നിന്നുള്ള യാത്രക്കാര്‍ക്ക് നാഷണല്‍ ഹൈവേ 544 വഴി പാലക്കാട്-കോയമ്പത്തൂര്‍-അവിനാശി-സേലം എന്ന റൂട്ടില്‍ സഞ്ചരിച്ച് നാഷണല്‍ ഹൈവേ 844 ലേക്ക് പ്രവേശിക്കാം. എന്നാല്‍ രാത്രി യാത്രയ്ക്ക് സേലം മുതല്‍ ബെംഗളൂരു വരെയുള്ള പാത അത്ര അനുയോജ്യമല്ലെന്നാണ് ഒരു കൂട്ടം യാത്രക്കാര്‍ പറയുന്നത്.

ബെംഗളൂരുവില്‍ ജോലി ചെയ്യുന്ന ഒട്ടനവധി ആളുകള്‍ക്ക് ഇതുവഴിയുള്ള യാത്ര ഏറെ സഹായകമാകും. ഈ പാതയില്‍ നിലവിലുള്ള പ്രശ്‌നങ്ങള്‍ ഉടന്‍ പരിഹരിച്ച് അതിവേഗ യാത്ര സാധ്യമാക്കുമെന്നാണ് വിവരം. രാത്രികാല യാത്രക്കാരാണ് ഏറ്റവും കൂടുതല്‍ ബുദ്ധിമുട്ട് നേരിടുന്നത്. റോഡിലെ കുഴികളും, ആവശ്യത്തിന് ലൈറ്റുകള്‍ ഇല്ലാത്തതും യാത്ര വെല്ലുവിളി നിറഞ്ഞതാക്കുന്നു. അതിനാല്‍ ഇത്തരം പ്രശ്‌നങ്ങള്‍ ഉടന്‍ പരിഹരിച്ച് പാത ഗതാഗത യോഗ്യമാക്കണമെന്നാണ് യാത്രക്കാരുടെ ആവശ്യം.

മല്ലിയില കൂടുതൽ ദിവസം ഫ്രഷായി സൂക്ഷിക്കാൻ സഹായിക്കുന്ന ഏറ്റവും ഫലപ്രദമായ വഴി അവയുടെ വേരുകൾ വെള്ളത്തിൽ മുക്കി വെക്കുക എന്നതാണ്. മല്ലിയിലയുടെ വേരുകളിലുള്ള മണ്ണ് നന്നായി കഴുകി ഗ്ലാസിലോ ചെറിയ ജാറിലോ അല്പം വെള്ളമെടുത്ത് വേരുകൾ മാത്രം അതിൽ മുങ്ങിക്കിടക്കത്തക്ക രീതിയിൽ വെക്കുക. ഇതിന് മുകളിലായി ഒരു പ്ലാസ്റ്റിക് കവർ കൊണ്ട് മൂടിയ ശേഷം ഫ്രിഡ്ജിൽ സൂക്ഷിക്കാവുന്നതാമ്. രണ്ട് ദിവസം കൂടുമ്പോൾ വെള്ളം മാറ്റിക്കൊടുക്കണം. (Image Credit source: Getty Images)

ചീത്തയായ മഞ്ഞനിറമുള്ള ഇലകൾ നുള്ളി മാറ്റിയ ശേഷം മല്ലിയിലെ ഒരു പേപ്പർ ടവലിലോ കോട്ടൺ തുണിയിലോ പൊതിയുക. ഇങ്ങനെ പൊതിഞ്ഞെടുത്ത മല്ലിയില ഒരു എയർ ടൈറ്റ് കണ്ടെയ്നറിലോ സിപ്ലോക്ക് കവറിലോ ആക്കി ഫ്രിഡ്ജിൽ സൂക്ഷിക്കാവുന്നതാണ്. ഇതാണ് മറ്റൊരു വഴി.

മല്ലിയില കഴുകി ഉണക്കി സൂക്ഷിക്കുന്നവർ ചില കാര്യങ്ങൾ ശ്രദ്ധിക്കേണ്ടതുണ്ട്. മല്ലിയില നന്നായി കഴുകിയ ശേഷം അതിലെ വെള്ളം പൂർണ്ണമായും മാറ്റേണ്ടതാണ്. ഒട്ടും ഈർപ്പമില്ലെന്ന് ഉറപ്പ് വരുത്തിയ ശേഷം കഷണങ്ങളായി അരിഞ്ഞ് ഒരു എയർ ടൈറ്റ് ബോക്സിന്റെ അടിയിൽ പേപ്പർ ടവൽ വെച്ച് അതിലേക്ക് മാറ്റി സൂക്ഷിക്കാം.

അതുപോലെ മല്ലിയില ഫ്രീസ് ചെയ്ത് സൂക്ഷിക്കുന്നതും ആഴ്ചകളോളം ഫ്രഷായിയിരിക്കാൻ സഹായിക്കും. മല്ലിയില നന്നായി കഴുകി വെള്ളം ഉണക്കിയ ശേഷം ചെറുതായി അരിയുക. ഇത് ഒരു ഐസ് ക്യൂബ് ട്രേയിലേക്ക് മാറ്റി അതിൽ അല്പം ഒലിവ് ഓയിലോ വെള്ളമോ ഒഴിച്ച് ഫ്രീസ് ചെയ്തെടുക്കുക. പാചകം ചെയ്യുമ്പോൾ ആവശ്യമുള്ള ക്യൂബുകൾ നേരിട്ട് കറികളിലേക്ക് ചേർക്കാവുന്നതാണ്.

മല്ലിയില ഫ്രഷ് ആയി നിലനിർത്താൻ മഞ്ഞൾ വെള്ളം ഉപയോഗിക്കുന്ന രീതി വളരെ നല്ലതാണ്. ഒരു പാത്രം വെള്ളത്തിൽ അൽപം മഞ്ഞൾ ചേർത്ത് ഇലകൾ 20-30 മിനിറ്റ് മുക്കിവയ്ക്കുക. മഞ്ഞളിന്റെ ആൻറി ബാക്ടീരിയൽ ഗുണങ്ങൾ സൂക്ഷ്മാണുക്കളെ കൊല്ലുന്നു. തുടർന്ന്, ശുദ്ധമായ വെള്ളത്തിൽ കഴുകി ഉണക്കുക. നന്നായി ഈർപ്പം മാറ്റി എയർ ടൈറ്റ് കണ്ടെയ്നറിലോ സിപ്ലോക്ക് കവറിലോ ആക്കി സൂക്ഷിക്കാം.

മഴക്കാലം എത്തുന്നതോടെ ഭക്ഷണകാര്യങ്ങളിൽ പലർക്കും സംശയങ്ങൾ ഏറാറുണ്ട്. അതിലൊന്നാണ് 'മഴക്കാലത്ത് തൈര് കഴിക്കാമോ?' എന്നത്. തൈര് ശരീരത്തിന് തണുപ്പ് നൽകുന്ന വിഭവമാണെന്ന പൊതുധാരണയാണ് ഇതിന് കാരണം. എന്നാൽ ആയുർവേദ പ്രകാരം തൈര് വീര്യത്തിൽ ചൂടാണ്. പ്രോബയോട്ടിക് ഗുണങ്ങളാൽ സമ്പന്നമായ തൈര് കുടലിലെ നല്ല ബാക്ടീരിയകളുടെ വളർച്ച കൂട്ടാനും ദഹനം മെച്ചപ്പെടുത്താനും ഏറെ സഹായിക്കുന്ന ഒന്നാണ്. (Image Credit Source: Getty Images)

മഴക്കാലത്ത് തൈര് കഴിക്കുന്നത് കൊണ്ട് ആരോഗ്യത്തിന് ദോഷമൊന്നും ഉണ്ടാകില്ലെങ്കിലും, ചില പ്രധാന കാര്യങ്ങൾ ശ്രദ്ധിക്കേണ്ടതുണ്ടെന്ന് ആരോഗ്യവിദഗ്ധർ വ്യക്തമാക്കുന്നു. രാത്രിയിൽ ഒരു കാരണവശാലും തൈര് നേരിട്ട് കഴിക്കരുത്. ഇത് കഫക്കെട്ട്, തൊണ്ടവേദന, ജലദോഷം എന്നിവ വർധിക്കാൻ കാരണമാകും. എല്ലാ ദിവസവും തൈര് കഴിക്കുന്നതും നല്ലതല്ല.

ചൂടുള്ള ഭക്ഷണങ്ങൾക്കൊപ്പമോ അല്ലെങ്കിൽ തൈര് നേരിട്ട് ചൂടാക്കിയോ ഉപയോഗിക്കാൻ പാടില്ല. ബിരിയാണിക്കൊപ്പമോ ഇറച്ചിക്കൊപ്പമോ സ്ഥിരമായി തൈര് (റായ്ത്ത രൂപത്തിൽ) കഴിക്കുന്നത് ആരോഗ്യത്തിന് അത്ര നല്ലതല്ലെന്ന് വിദ​ഗ്ധർ വ്യക്തമാക്കുന്നു. ശരിയായ ചേരുവകൾക്കൊപ്പം കഴിച്ചില്ലെങ്കിൽ തൈര് വിപരീതഫലമുണ്ടാക്കാം.

മൂക്കടപ്പ്, സൈനസ് പ്രശ്നങ്ങൾ, കഫക്കെട്ട് എന്നിവയുള്ളവർ തൈരിന്റെ ഉപയോഗം കുറയ്ക്കണം. കൂടാതെ മഴക്കാലത്ത് ഭക്ഷണങ്ങൾ പെട്ടെന്ന് കേടാകാൻ സാധ്യതയുള്ളതിനാൽ പഴകിയ തൈര് പൂർണ്ണമായും ഒഴിവാക്കണം. രാത്രി അത്താഴത്തിന് തൈര് ഒഴിവാക്കാൻ പറ്റാത്തവർക്ക് ചില പൊടിക്കൈകൾ പരീക്ഷിക്കാവുന്നതാണ്. അധികം പുളിക്കാത്ത തൈര് വെള്ളം ചേർത്ത് നല്ലതുപോലെ നീട്ടി മോരാക്കി കുടിക്കുന്നത് ദഹനത്തിന് വളരെ നല്ലതാണ്.

തൈരിൽ അല്പം കുരുമുളക് പൊടിയോ, ജീരകപ്പൊടിയോ, ഉലുവപ്പൊടിയോ അല്ലെങ്കിൽ തേനോ ചേർക്കുന്നത് കഫം കൂടുന്നത് തടയാനും ദഹനം സുഗമമാക്കാനും സഹായിക്കും. പച്ചക്കറികൾ ചേർത്തും തൈര് കഴിക്കാവുന്നതാണ്. കൂടാതെ തൈര് കഴിച്ച ശേഷം അൽപം ഇളം ചൂടുവെള്ളം കുടിക്കുന്നത് ദഹനപ്രക്രിയ വേഗത്തിലാക്കും.

അഫ്ഗാനിസ്ഥാനെതിരായ ടെസ്റ്റ് മത്സരത്തില്‍ സായ് സുദര്‍ശന്‍ വണ്‍ ഡൗണായി കളിച്ചേക്കുമെന്ന് സൂചിപ്പിച്ച് പരിശീലകന്‍ ഗൗതം ഗംഭീര്‍. താരത്തിന് അര്‍ഹിക്കുന്ന അവസരം ലഭിച്ചിട്ടില്ലെന്ന് ഗംഭീര്‍ പറയുന്നു. മൂന്നാം നമ്പറില്‍ ദേവ്ദത്ത് പടിക്കലിനെക്കാളും പരിഗണന സായിക്ക് നല്‍കുമെന്ന സൂചനയാണ് ഗംഭീര്‍ നല്‍കുന്നത്. നാളെയാണ് ടെസ്റ്റ് മത്സരം ആരംഭിക്കുന്നത് (Image Credit Source: facebook.com/IndianCricketTeam).

ഓഗസ്തില്‍ നടക്കുന്ന ശ്രീലങ്കന്‍ പര്യടനത്തിന് നാല് സ്പിന്നര്‍മാരെ സജ്ജമാക്കുമെന്നും ഇന്ത്യന്‍ ടീം പരിശീലകന്‍ അറിയിച്ചു. ഋഷഭ് പന്തിനെ ടെസ്റ്റ് വൈസ് ക്യാപ്റ്റൻ സ്ഥാനത്ത് നിന്ന് മാറ്റിയതിനെക്കുറിച്ചും ഗംഭീര്‍ സംസാരിച്ചു. പന്തിനെ പിന്തുണയ്ക്കും. സാഹചര്യം കൂടുതൽ നന്നായി മനസ്സിലാക്കി കളിക്കാൻ പന്ത് തയാറാകണമെന്നും അദ്ദേഹം പറഞ്ഞു.

അഫ്ഗാനിസ്ഥാനെതിരായ മത്സരത്തിനുള്ള ഇന്ത്യയുടെ സാധ്യതാ പ്ലേയിങ് ഇലവന്‍ നോക്കാം. യശസ്വി ജയ്‌സ്വാൾ ഓപ്പൺ ചെയ്യും. കെ.എൽ രാഹുലായിരിക്കും ജയ്‌സ്വാളിനൊപ്പം ഓപ്പണിംഗിൽ പങ്കാളിയാവുക. ഇന്ത്യയുടെ വൈസ് ക്യാപ്റ്റനായും രാഹുലിനെ നിയമിച്ചിട്ടുണ്ട്.

ക്യാപ്റ്റൻ ശുഭ്മൻ ഗിൽ നാലാം നമ്പറിൽ ബാറ്റ് ചെയ്യുമെന്നാണ് പ്രതീക്ഷിക്കുന്നത്. ഋഷഭ് പന്ത് വിക്കറ്റ് കീപ്പർ-ബാറ്ററായി തുടരും. അദ്ദേഹം അഞ്ചാം നമ്പറിൽ ബാറ്റ് ചെയ്യാനാണ് സാധ്യത. ഇന്ത്യക്കായി പന്ത് കളിക്കുന്ന 50-ാമത് ടെസ്റ്റ് മത്സരമാകും ഇത്.

നിതീഷ് കുമാര്‍ റെഡ്ഡിയും, വാഷിങ്ടണ്‍ സുന്ദറും ഓള്‍ റൗണ്ടര്‍മാരായി പ്ലേയിങ് ഇലവനിലുണ്ടാകും. പുതുമുഖ താരങ്ങളില്‍ മാനവ് സുതറിനെ മറികടന്ന് ഹർഷ് ദുബെ പ്ലേയിങ് ഇലവനിലെത്തും. കുൽദീപ് യാദവ് ടീമിൽ സ്ഥാനം ഉറപ്പിച്ചിട്ടുണ്ട്. മുഹമ്മദ് സിറാജും, പ്രസിദ്ധ് കൃഷ്ണയും പേസര്‍മാരായി പ്ലേയിങ് ഇലവനിലെത്തിയേക്കും.

നമ്മളിൽ ഭൂരിഭാഗം പേരും ഉരുളക്കിഴങ്ങ് കൊണ്ട് കറിയും ഫ്രൈയും എല്ലാം ഉണ്ടാക്കുമ്പോൾ ആദ്യം ചെയ്യുന്നത് അതിൻ്റെ തൊലി കളയുക എന്നതാണ്. എന്നാൽ, നമ്മൾ ഈ വലിച്ചെറിയുന്ന തൊലിയിലാണ് ഉരുളക്കിഴങ്ങിൻ്റെ യഥാർത്ഥ പോഷകങ്ങളിൽ പകുതിയിലധികവും അടങ്ങിയിരിക്കുന്നത് എന്ന് പറഞ്ഞാൽ വിശ്വസിക്കുമോ? വിശ്വസിച്ചേ മതിയാകൂ. ശരീരത്തിന് ആവശ്യമായ ഫൈബർ, പൊട്ടാസ്യം, ഇരുമ്പ്, വിറ്റാമിൻ സി എന്നിവയാൽ സമ്പന്നമാണ് ഈ ഉരുളക്കിഴങ്ങിൻ്റെ പുറംന്തൊലി. (Image Credit Source: Getty Images)

അതിനാൽ ഇനി മുതൽ ഉരുളക്കിഴങ്ങിൻ്റെ തൊലി കളഞ്ഞ് പോഷകങ്ങൾ പാഴാക്കരുത്. ആരോഗ്യത്തിനൊപ്പം രുചി കൂട്ടാനും ഉരുളക്കിഴങ്ങ് തൊലി നിങ്ങളുടെ പ്ലേറ്റിലെത്താൻ ചെയ്യേണ്ട ചില പൊടികൈകൾ നമുക്ക് നോക്കാം. ഉരുളക്കിഴങ്ങ് തൊലി നന്നായി കഴുകി ഉണക്കിയ ശേഷം അല്പം ഒലിവ് ഓയിലോ വെളിച്ചെണ്ണയോ, കുരുമുളക് പൊടി, മസാല, ഉപ്പ് എന്നിവ ചേർത്ത് നന്നായി മിക്സ് ചെയ്യുക. ഇത് ഓവനിലോ എയർ ഫ്രയറിലോ വെച്ച് ബേക്ക് ചെയ്തോ അല്ലെങ്കിൽ ചീനച്ചട്ടിയിൽ വറുത്തോ എടുത്താൽ കിടിലൻ ക്രിസ്പി ചിപ്സ് കഴിക്കാം.

കറികളിലെ ഗ്രേവിക്കോ സൂപ്പുകൾക്കോ നല്ല കൊഴുപ്പ് കിട്ടാൻ കോൺഫ്ലോറിന് പകരം ഉരുളക്കിഴങ്ങ് തൊലി ഉപയോഗിക്കാവുന്നതാണ്. വൃത്തിയാക്കിയ ഉരുളക്കിഴങ്ങ് തൊലി നന്നായി വേവിച്ച ശേഷം മിക്സിയിൽ അടിച്ചെടുത്ത് സൂപ്പുകളിലോ വെജിറ്റബിൾ കുറുമയിലോ ചേർത്താൽ രുചിയും കൂടും ഗ്രേവി നല്ല തിക്ക് ആകുകയും ചെയ്യും. കറിയുടെ കൊഴിപ്പും കൂടും വേറിട്ടൊരു രുചിയും നിങ്ങൾക്ക് ഇതിലൂടെ ആസ്വദിക്കാനാകും.

പച്ചക്കറി സൂപ്പുകളും നൂഡിൽസും ഒക്കെ ഉണ്ടാക്കുമ്പോൾ ചേർക്കാൻ പറ്റിയ ഹെൽത്തി സ്റ്റോക്ക് വീട്ടിൽ തന്നെ ഉണ്ടാക്കാം. കാരറ്റ്, സവാള എന്നിവയുടെ കഷ്ണങ്ങൾക്കൊപ്പം കഴുകി വൃത്തിയാക്കിയ ഉരുളക്കിഴങ്ങ് തൊലിയും ചേർത്ത് വെള്ളത്തിൽ നന്നായി തിളപ്പിച്ച് അരിച്ചെടുക്കുക. ഈ വെള്ളം ഫ്രിഡ്ജിൽ സൂക്ഷിച്ചുവെച്ച് സൂപ്പുകൾക്ക് ബേസ് ആയി ഉപയോഗിക്കാവുന്നതാണ്. അതിനാൽ ഇനിയാരും ഉരുളക്കിഴങ്ങിൻ്റെ തൊലി വലിച്ചെറിയരുത്.

ഉള്ളിപ്പകോഡ ഉണ്ടാക്കുന്നത് പോലെ ഉരുളക്കിഴങ്ങ് തൊലി നീളത്തിൽ അരിഞ്ഞ് കടലമാവ്, കായപ്പൊടി, മുളകുപൊടി, ഉപ്പ് എന്നിവ ചേർത്ത് കുഴച്ച് എണ്ണയിൽ വറുത്തെടുക്കാം. മഴക്കാലത്ത് ചായയ്ക്കൊപ്പം കഴിക്കാൻ നല്ലൊരു പലഹാരമാണിത്. ഉരുളക്കിഴങ്ങ് മണ്ണിൽ വിളയുന്ന കിഴങ്ങായതുകൊണ്ട് തന്നെ അതിന്റെ തൊലി ഉപയോഗിക്കുമ്പോൾ വെള്ളത്തിൽ 10 മിനിറ്റ് ഇട്ടുവെച്ച ശേഷം നന്നായി കഴുകി വൃത്തിയാക്കുക.

മഴക്കാലത്ത് വളരെ എളുപ്പത്തിലും വേഗത്തിലും വിളവ് തരുന്ന പച്ചക്കറികൾ നിങ്ങളുടെ ടെറസിലും വീട്ടുവളപ്പിലും നടാവുന്നതാണ്. മഴക്കാലത്ത് നല്ല ശ്രദ്ധ കൊടുക്കേണ്ടതും അനിവാര്യമാണ്. വെള്ളം കെട്ടിനില്‍ക്കാത്ത സ്ഥലമാണ് കൃഷിക്കായി തെരെഞ്ഞടുക്കേണ്ടത്. തടമെടുത്ത് നടുന്നതിന് പകരം മണ്‍കൂനയാക്കി നടാം.അതോടൊപ്പം കരിയില ഇടാനും മറക്കരുത്. (Image Credit source: Getty Images)

മഴക്കാലത്ത് നടാവുന്ന ഏറ്റവും അനുയോജ്യമായ പച്ചക്കറിയാണ് വെണ്ട. വിത്തുകൾ 24 മണിക്കൂർ കുതിർത്ത് നേരിട്ട് മണ്ണിലോ ഗ്രോബാഗിലോ നടാവുന്നതാണ്. 40 മുതല്‍ 45 വരെ ദിവസങ്ങള്‍ക്കുള്ള വെണ്ട പൂവിടുകയും മൂന്ന് മാസത്തോളം കായ്ക്കുകയും ചെയ്യും. ജൈവവളം അടിവളമായി നൽകാം.

കത്തിരിക്ക അല്ലെങ്കിൽ വഴുതനയും നിങ്ങളുടെ അടുക്കളത്തോട്ടത്തിൽ നടാം. ആവശ്യമെങ്കിൽ താങ്ങ് നൽകേണ്ടതുമാണ്. ഒരു മാസം പ്രായമായ തൈകള്‍ പറിച്ചു നട്ടാണ് കൃഷി ചെയ്യേണ്ടത്.40 മുതല്‍ 45 വരെ ദിവസങ്ങള്‍ക്കകം വിളവെടുപ്പ് തുടങ്ങാം.

കോവൽ, പയർ, ബീൻസ്, പടവലം തുടങ്ങിയ വള്ളിച്ചെടികളും നിങ്ങളുടെ അടുക്കളത്തോട്ടത്തിൽ നടാം. മഴയെ പ്രതിരോധിക്കാൻ ശേഷിയുള്ള നല്ല വിത്തുകൾ തിരഞ്ഞെടുക്കാം. കനത്ത മഴയുള്ളപ്പോൾ വിത്തുകൾ നേരിട്ട് മണ്ണിൽ നടരുത്. തൈകൾ ഉപയോഗിക്കാം.

മുളകും മഴക്കാലത്ത് നടാൻ അനുയോജ്യമാണ്. വിത്തുകള്‍ പാകി മുളപ്പിച്ച തൈകൾ നടാം. ചെടികള്‍ നടുമ്പോള്‍ അല്‌പം അകലം പാലിച്ച് വേണം നടാൻ. തൈ നട്ട് ഏകദേശം അമ്പത് ദിവസം മുതല്‍ തന്നെ വിളവെടുപ്പ് തുടങ്ങാവുന്നതാണ്. അടിവളമായി ചെടിയൊന്നിവ് അരക്കിലേ ജൈവവളം വീതം നൽകുന്നത് നല്ലതാണ്.

കഴിഞ്ഞ ദിവസമാണ് താൻ ഒൻപത് ആഴ്ച ഗർഭിണിയാണെന്ന് അറിയിച്ചുകൊണ്ട് ബിഗ് ബോസ് താരവും മത്സരാർത്ഥിയും ടെലിവിഷൻ താരവുമായ സജ്നാ നൂറിന്റെ സോഷ്യൽ മീഡിയ അക്കൗണ്ടിൽ നിന്നും ഒരു പോസ്റ്റ് എത്തിയത്. തന്റെ വയറിന്റെ ചിത്രത്തിനൊപ്പം ബേബി ബംപിന്റെയും പങ്കാളിയായ റസൂൽ പൂക്കുട്ടിയുടെയും ചിത്രങ്ങൾ പങ്കുവെച്ചുകൊണ്ട് പോസ്റ്റ് എത്തിയത്. പിന്നാലെ നിരവധി പേരാണ് താരത്തെ വിമർശിച്ചുകൊണ്ടും പ്രശംസിച്ചുകൊണ്ട് എത്തിയത്. ഇപ്പോഴിതാ ഇത് തന്റെ അറിവോടെ അല്ല എന്നാണ് സജ്നാ നൂർ പറയുന്നത്. (Image Credit Source: Instagram)

കഴിഞ്ഞദിവസം കുറച്ചുസമയം കഴിഞ്ഞപ്പോൾ തന്നെ സജ്നയുടെ സോഷ്യൽ മീഡിയ വാളിൽ നിന്നും ആ പോസ്റ്റ് അപ്രത്യക്ഷമായിരുന്നു. പിന്നാലെയാണ് വിശദീകരണവുമായി എത്തിയിരിക്കുന്നത്. തന്റെ വിവാദമായിക്കൊണ്ടിരിക്കുന്ന ആ പോസ്റ്റിന് പിന്നിൽ താനല്ല തനിക്ക് ഇതൊന്നും അറിവില്ലാത്ത കാര്യമാണ് ആരോ തന്റെ അക്കൗണ്ട് ഹാക്ക് ചെയ്തിട്ടുണ്ട് എന്നാണ് സജ്ന പറയുന്നത്. തന്റെ അക്കൗണ്ട് ഇപ്പോഴാണ് തനിക്ക് മാനേജ് ചെയ്യാൻ സാധിച്ചത് എന്നും.

എനിക്കറിയത്തില്ല ഇതെങ്ങനെയാണ് സംഭവിച്ചത്. ഇപ്പോഴാണ് എനിക്ക് എന്റെ അക്കൗണ്ട് തിരിച്ചു കിട്ടിയത് അതിനു മുൻപ് ഒരുപാട് സുഹൃത്തുക്കളും മറ്റും എനിക്ക് മെസ്സേജ് അയച്ചപ്പോഴാണ് താൻ ഇങ്ങനെ ഒരു പോസ്റ്റിനെ കുറിച്ച് അറിയുന്നത്. ശാലു എന്നൊരു വ്യക്തിയാണ് തന്റെ സോഷ്യൽ മീഡിയ ഹാൻഡിൽ ചെയ്യുന്നത് ഒരുപാട് ആളുകൾ തന്നെ കൺഗ്രാജുലേറ്റ് ചെയ്തു മറ്റും ഈ ലിങ്ക് അയച്ചു തന്നപ്പോൾ ഈ വിവരം അറിഞ്ഞു താൻ. ഉടനെ ശാലുവിനെ വിളിച്ചു.

ഒരുപാട് ബുദ്ധിമുട്ടിയതിനുശേഷം ആണ് തന്റെ അക്കൗണ്ട് ഇപ്പോൾ റിക്കവർ ചെയ്ത് എടുത്തത് എന്നും ഇപ്പോൾ അതിലുള്ള പോസ്റ്റുകൾ എല്ലാം തന്നെ ഡിലീറ്റ് ചെയ്തിട്ടുണ്ട് വളരെ വൃത്തികെട്ട രീതിയിലുള്ള പോസ്റ്റുകൾ ആണ് എത്തിയിരിക്കുന്നത്. താൻ ഇതിനെതിരെ കേസ് കൊടുക്കും ദയവായി എന്നെ കൊല്ലാക്കൊല ചെയ്യരുത് ഇത് നിയമപരമായി തന്നെ താൻ മുന്നോട്ടുപോകുമെന്നും സജ്ന വ്യക്തമാക്കി. അങ്ങേയറ്റം താൻ തളർന്നിരിക്കുകയാണ് എന്നും ദയവായി തന്നെ ഈ രീതിയിൽ ബുദ്ധിമുട്ടിക്കരുത് എന്നും പങ്കുവെച്ച വീഡിയോയിൽ പറയുന്നു.

അതേസമയം സജ്നയുടെ സോഷ്യൽ മീഡിയയിൽ നിന്നും ഇത്തരത്തിൽ ഒരു പോസ്റ്റ് വന്നതിനെ പിന്നാലെ താഴത്തിനെതിരെ വലിയ രീതിയിലുള്ള സൈബർ ആക്രമണങ്ങളാണ് നടന്നത് പല യൂട്യൂബ് ചാനലുകളും പോസ്റ്റ് പങ്കുവെച്ചുകൊണ്ട് വളരെ മോശമായ രീതിയിലാണ് ഇവർക്കെതിരെ പ്രതികരണം നടത്തിയത്.

ശരീരഭാരം കുറയ്ക്കാൻ ആഗ്രഹിക്കുന്നവരുടെ ഡയറ്റിലെ ഏറ്റവും പ്രധാനപ്പെട്ട ആഹാരമാണ് മുട്ട. എന്നാൽ മുട്ട കഴിക്കാൻ തുടങ്ങുമ്പോൾ പലരെയും അലട്ടുന്ന രണ്ട് ചില സംശയങ്ങളുണ്ട്. ദിവസവും എത്ര മുട്ട വരെ കഴിക്കാം?, മുട്ടയുടെ മഞ്ഞക്കരു കഴിക്കാമോ തുടങ്ങി നിരവധി ചോദ്യങ്ങളഉം സംശയങ്ങളും നമ്മുടെ മനസ്സിലുണ്ടാകും. വണ്ണം കുറയ്ക്കാൻ മുട്ട കഴിക്കേണ്ട ശരിയായ രീതികൾ എങ്ങനെയാണെന്ന് നമുക്ക് നോക്കാം. (Image Credit Source: Getty Images)

ശരീരഭാരം കുറയ്ക്കാൻ ഡയറ്റ് ചെയ്യുന്ന ഒരു സാധാരണ വ്യക്തിക്ക് ദിവസവും ഒന്ന് മുതൽ രണ്ട് വരെ മുട്ടകൾ ധൈര്യമായി കഴിക്കാം. ജിമ്മിൽ പോകുന്നവരോ കഠിനമായ വ്യായാമം ചെയ്യുന്നവരോ ആണെങ്കിൽ, ശരീരത്തിന് കൂടുതൽ പ്രോട്ടീൻ ആവശ്യമാണ്. ഒരു വലിയ പുഴുങ്ങിയ മുട്ടയിൽ ഏകദേശം 6 ഗ്രാം പ്രോട്ടീനാണ് അടങ്ങിയിട്ടുള്ളത്. പ്രോട്ടീൻ അടങ്ങിയ ഭക്ഷണം കഴിക്കുമ്പോൾ വിശപ്പിന് കാരണമാകുന്ന 'ഗ്രെലിൻ' ഹോർമോണിന്റെ അളവ് കുറയുകയും വയർ നിറഞ്ഞതായി തോന്നുകയും ചെയ്യും. ഇത് വഴി അമിതമായി ഭക്ഷണം കഴിക്കുന്നത് തടയാനാകും.

അതുപോലെ തന്നെ വണ്ണം കുറയ്ക്കാൻ നോക്കുന്നവർ മുട്ടയുടെ മഞ്ഞക്കരു പൂർണ്ണമായി ഒഴിവാക്കേണ്ടതില്ല. മുട്ടയുടെ വെള്ളയിൽ പ്രോട്ടീൻ മാത്രമാണുളളത്. എന്നാൽ ശരീരത്തിന് ആവശ്യമായ വിറ്റാമിൻ എ, ഡി, ഇ, ബി12, ഇരുമ്പ് , സിങ്ക്, ഒമേഗ-3 ഫാറ്റി ആസിഡുകൾ, തലച്ചോറിന്റെ ആരോഗ്യത്തിന് ആവശ്യമായ 'കോളിൻ'എന്നിവയെല്ലാം അടങ്ങിയിരിക്കുന്നത് മഞ്ഞക്കരുവിലാണ്. മുട്ടയുടെ മഞ്ഞക്കരുവിൽ കൊളസ്ട്രോൾ ഉണ്ട്. എന്നാൽ ഭക്ഷണത്തിലൂടെയുള്ള കൊളസ്ട്രോൾ നമ്മുടെ ശരീരത്തിലെ രക്തത്തിലുള്ള കൊളസ്ട്രോളിനെ അത്ര വേഗത്തിൽ ബാധിക്കില്ല.

ഉയർന്ന കൊളസ്ട്രോളോ ഹൃദയസംബന്ധമായ രോഗങ്ങളോ ഉണ്ടെങ്കിൽ മാത്രം ഡോക്ടറുടെ നിർദ്ദേശപ്രകാരം മഞ്ഞക്കരുവിന്റെ അളവ് കുറയ്ക്കുക. അല്ലാത്തവർക്ക് ദിവസവും ഒരു മഞ്ഞക്കരു കഴിക്കുന്നത് വണ്ണം കുറയ്ക്കാൻ യാതൊരു തടസ്സവും ഉണ്ടാക്കില്ല, പകരം ശരീരത്തിന് ആവശ്യമായ ഊർജ്ജം നൽകും. മുട്ട കഴിക്കുന്നത് കൊണ്ട് മാത്രം വണ്ണം കുറയില്ല, അത് പാചകം ചെയ്യുന്ന രീതിയെ ആശ്രയിച്ചിരിക്കുന്നു.

തടി കുറയ്ക്കാൻ ആഗ്രഹിക്കുന്നവർ രാവിലെ പ്രഭാതഭക്ഷണത്തിനൊപ്പം മുട്ട പുഴുങ്ങി കഴിക്കുന്നതാണ് ഏറ്റവും നല്ലത്. ഇത് ദിവസം മുഴുവൻ ശരീരത്തിന്റെ മെറ്റബോളിസം ഉയർന്ന നിലയിൽ നിർത്താൻ സഹായിക്കും. ഓംലെറ്റ് നിർബന്ധമാണെങ്കിൽ നോൺ-സ്റ്റിക് പാനിൽ വളരെ കുറച്ചു ഒലിവ് ഓയിലോ വെളിച്ചെണ്ണയോ മാത്രം ഉപയോ​ഗിച്ച് തയ്യാറാക്കുന്നതാണ് നല്ലത്. എണ്ണ കൂടുതലായാൽ മുട്ട കഴിക്കുന്നതിൻ്റെ എല്ലാ ​ഗുണവും നഷ്ടമാകും.

വളർച്ചയേക്കാൾ കൂടുതൽ ആളുകൾ വ്യക്തിപരമായ സൗകര്യങ്ങൾക്ക് മുൻഗണന നൽകുന്ന ഇന്നത്തെ കാലത്ത്, സോഷ്യൽ മീഡിയയിലും മാനസികാരോഗ്യ കൂട്ടായ്മകളിലും ശ്രദ്ധ നേടുകയാണ് വിൻഡോ സീറ്റ് തിയറി. കേൾക്കുമ്പോൾ ലളിതമെന്ന് തോന്നുമെങ്കിലും വലിയൊരു ജീവിത തത്വശാസ്ത്രമാണ് ഈ സിദ്ധാന്തം മുന്നോട്ട് വെക്കുന്നത്. ഒരു യാത്രയിലായാലും അല്ലെങ്കിൽ ജീവിതത്തിലായാലും, വിൻഡോ സീറ്റ് തിരഞ്ഞെടുക്കുന്നവർ വെറുമൊരു ശാരീരിക സുഖത്തിനപ്പുറം വിശാലമായ ഒരു കാഴ്ചപ്പാടാണ് ആഗ്രഹിക്കുന്നത്. വേഗതയേറിയതും സമ്മർദ്ദങ്ങൾ നിറഞ്ഞതുമായ ആധുനിക ജീവിതത്തിൽ, നമ്മുടെ ദൈനംദിന തീരുമാനങ്ങളെ പുനർചിന്തനം ചെയ്യാൻ പ്രേരിപ്പിക്കുന്ന ഒന്നാണ് ഈ സിദ്ധാന്തം. (Image Credit source: Getty Images)

പെട്ടെന്നുള്ള ആശ്വാസങ്ങൾക്കോ സൗകര്യങ്ങൾക്കോ പിന്നാലെ പോകാതെ, വിവേകത്തോടെയുള്ള ഒരു കാഴ്ചപ്പാട് തിരഞ്ഞെടുക്കുന്നതിനെയാണ് വിൻഡോ സീറ്റ് തിയറി എന്ന് വിശേഷിപ്പിക്കുന്നത്. ജീവിതത്തിൽ എപ്പോഴും എളുപ്പമുള്ള വഴികൾ തിരഞ്ഞെടുക്കുന്നതിന് പകരം സാഹചര്യങ്ങളെ നിരീക്ഷിക്കാനും, ചിന്തിക്കാനും, കാര്യങ്ങളെ കൂടുതൽ ആഴത്തിൽ മനസ്സിലാക്കാനും സാധിക്കുന്ന നിലപാടുകൾ സ്വീകരിക്കാൻ ഇത് നമ്മെ പഠിപ്പിക്കുന്നു.

"വിൻഡോ സീറ്റ് തിരഞ്ഞെടുക്കുന്നത് വെറും കംഫർട്ടിന് വേണ്ടിയല്ല, മറിച്ച് അതൊരു മികച്ച കാഴ്ചപ്പാട് നൽകുന്നത് കൊണ്ടാണ്. ഒരു നിമിഷം ശാന്തമായി നിൽക്കാനും, ചുറ്റുപാടുകളെ നിരീക്ഷിക്കാനും, കൂടുതൽ ശ്രദ്ധയോടെ കാര്യങ്ങളിൽ ഇടപെടാനുമുള്ള മനസ്സിനെയാണ് ഇത് സൂചിപ്പിക്കുന്നത്," വി​ദ​ഗ്ധർ വ്യക്തമാക്കുന്നു.

കാര്യങ്ങളെ വലിയൊരു ക്യാൻവാസിൽ കാണാൻ കഴിയുന്നതിലൂടെ കൂടുതൽ അനുയോജ്യമായ തീരുമാനങ്ങളെടുക്കാൻ സാധിക്കുന്നു എന്നതാണ് പ്രധാന ​ഗുണം. ഈ കാഴ്ചപ്പാട് പെട്ടെന്ന് ദേഷ്യപ്പെടുകയോ സങ്കടപ്പെടുകയോ ചെയ്യാതെ, കാര്യങ്ങൾ ചിന്തിച്ചു മനസ്സിലാക്കി പ്രതികരിക്കാൻ സഹായിക്കുന്നു. മറ്റുള്ളവരുടെ ഭാഗത്തുനിന്ന് ചിന്തിക്കാനും അവരെ മനസ്സിലാക്കാനും ഇത് സഹായിക്കുന്നു. കൂടാതെ നമ്മെക്കുറിച്ച് തന്നെയുള്ള സ്വയം അവബോധം വർദ്ധിക്കുന്നു.

വിൻഡോ സീറ്റ് മൈൻഡ്‌സെറ്റ് വളർത്തിയെടുക്കാൻ ചില എളുപ്പവഴികളുണ്ട്. ജീവിതത്തെ കൂടുതൽ വ്യക്തതയോടെയും ലക്ഷ്യബോധത്തോടെയും നയിക്കാൻ ഈ ചെറിയ ശീലങ്ങൾ സഹായിക്കും. സമ്മർദ്ദമുണ്ടാക്കുന്ന സാഹചര്യങ്ങളിൽ പെട്ടെന്ന് പ്രതികരിക്കാതെ നിങ്ങളുടെ ചിന്തകളെ നിരീക്ഷിക്കുക. യാത്ര ചെയ്യുമ്പോഴോ നടക്കുമ്പോഴോ ഫോണിൽ മാത്രം നോക്കിയിരിക്കാതെ ചുറ്റുമുള്ള കാഴ്ചകൾ കാണാൻ ശ്രമിക്കുക. നിങ്ങളുടെ ശീലങ്ങളും തീരുമാനങ്ങളും എന്തുകൊണ്ടാണെന്ന് സ്വയം ചോദിച്ചു മനസ്സിലാക്കുക. നിങ്ങളെ വെല്ലുവിളിക്കുന്ന, എന്നാൽ വളർച്ചയ്ക്ക് സഹായിക്കുന്ന തീരുമാനങ്ങൾ ഇടയ്ക്കെങ്കിലും എടുക്കുക. ചുരുക്കത്തിൽ, സൗകര്യങ്ങളെ പൂർണ്ണമായി തള്ളിക്കളയാനല്ല വിൻഡോ സീറ്റ് തിയറി പറയുന്നത്. മറിച്ച്, ഏറ്റവും ആവശ്യമുള്ള ഘട്ടങ്ങളിൽ മികച്ചൊരു കാഴ്ചപ്പാട് തിരഞ്ഞെടുക്കാൻ ബോധപൂർവ്വം ശ്രമിക്കുക എന്നാണ്. എന്നതിലല്ല, മറിച്ച് ഈ ലോകത്തെ നമ്മൾ എങ്ങനെ നോക്കിക്കാണുന്നു എന്നതിലാണ്."

ബെംഗളൂരു ഉള്‍പ്പെടെയുള്ള കര്‍ണാടകയിലെ നിരവധി ജില്ലകളില്‍ അടുത്ത കുറച്ച് ദിവസത്തേക്ക് അതിശക്തമായ മഴയും കാറ്റും ഇടിമിന്നലും ഉണ്ടാകുമെന്ന് കാലാവസ്ഥ പ്രവചന കേന്ദ്രം. ബെംഗളൂരുവില്‍ മണിക്കൂറില്‍ 30 മുതല്‍ 40 കിലോമീറ്റര്‍ വേഗത്തില്‍ ശക്തമായ കാറ്റിന് സാധ്യതയുള്ളതായാണ് കാലാവസ്ഥ വകുപ്പ് പറയുന്നത്. ശക്തമായ കാറ്റിന്റെയും മഴയുടെയും അടിസ്ഥാനത്തില്‍ കര്‍ണാടകയുടെ വിവിധ ഭാഗങ്ങളില്‍ യെല്ലോ, ഓറഞ്ച് അലര്‍ട്ടുകള്‍ പ്രഖ്യാപിച്ചു. (Image Credit Source: PTI)

ബെംഗളൂരുവിലെ താഴ്ന്ന പ്രദേശങ്ങളില്‍ കനത്ത മഴയെ തുടര്‍ന്ന് വെള്ളക്കെട്ട് ഉണ്ടാകാനുള്ള സാധ്യതയുണ്ട്. ഇത് ഗതാഗതക്കുരുക്കിനും വാഹനങ്ങളുടെ കാഴ്ച മങ്ങുന്നതിനും വഴിയൊരുക്കും. തെക്കുപടിഞ്ഞാറന്‍ മണ്‍സൂണ്‍ ശക്തി പ്രാപിക്കുന്നതിനാല്‍ ഈ ആഴ്ച മുഴുവന്‍ ഇടയ്ക്കിടെ മഴ ഉണ്ടാകുമെന്നാണ് പ്രവചനം. കര്‍ണാടകയിലെ ഒറ്റപ്പെട്ട സ്ഥലങ്ങളില്‍ 6.5 മില്ലിമീറ്റര്‍ മുതല്‍ 115.4 മില്ലിമീറ്റര്‍ വരെ കനത്ത മഴയ്ക്കാണ് സാധ്യതയുള്ളത്.

ജൂണ്‍ 3 മുതല്‍ ജൂണ്‍ 8 വരെയുള്ള കാലയളവില്‍ കനത്ത മഴയ്ക്ക് സാധ്യതയുള്ള തീരദേശ കര്‍ണാടക, മലനാട്, തെക്കന്‍ ഉള്‍നാടന്‍ കര്‍ണാടക, വടക്കന്‍ ഉള്‍നാടന്‍ കര്‍ണാടക എന്നിവിടങ്ങളിലാണ് കാലാവസ്ഥ വകുപ്പ് യെല്ലോ അലര്‍ട്ട് പ്രഖ്യാപിച്ചത്. മഴയുടെ തീവ്രത വര്‍ധിക്കുമെന്ന് പ്രതീക്ഷിക്കുന്ന ദിവസങ്ങളില്‍ വിവിധ മേഖലകളില്‍ ഓറഞ്ച് അലര്‍ച്ചും പ്രഖ്യാപിച്ചു.

ജൂണ്‍ 3, ജൂണ്‍ 8, ജൂണ്‍ 9 തീയതികളില്‍ തീരദേശ കര്‍ണാടക ഉള്‍പ്പെടെയുള്ള മേഖലകളില്‍ 64.5 മില്ലിമീറ്റര്‍ മുതല്‍ 115.4 മില്ലിമീറ്റര്‍ വരെ കനത്ത മഴയോ 115.5 മില്ലിമീറ്റര്‍ മുതല്‍ 204.4 മില്ലിമീറ്റര്‍ വരെ അതിശക്തമായ മഴയോ ലഭിച്ചേക്കാം. അതിനാല്‍ ഓറഞ്ച് അലര്‍ട്ടുണ്ട്. ബിദാര്‍, കലബുറഗി, യാദ്ഗിര്‍, റായ്ച്ചൂര്‍, വിജയപുര, ബാഗല്‍കോട്ട്, ബെലഗാവി, ധാര്‍വാഡ്, ഗദഗ്, കൊപ്പല്‍, ഹാവേരി എന്നിവ ഉള്‍പ്പെടെയുള്ള ജില്ലകളിലും കനത്ത മഴയും ഇടിമിന്നലും ഉണ്ടായേക്കാം.

ബെംഗളൂരു അര്‍ബന്‍, ബെംഗളൂരു റൂറല്‍, മൈസൂരു, മാണ്ഡ്യ, രാമനഗര, ഹാസന്‍, കുടക്, ശിവമോഗ, ചിക്കമംഗളൂരു, തുംകുരു, കോലാര്‍, ചാമരാജനഗര്‍, ദക്ഷിണ കന്നഡ, ഉഡുപ്പി തുടങ്ങിയ ജില്ലകളിലും തുടര്‍ച്ചയായ മഴ ലഭിക്കും. എന്നാല്‍ നിലവില്‍ മഴ മുന്നറിയിപ്പുകള്‍ പുറപ്പെടുവിച്ചിട്ടില്ല. ഇവിടങ്ങളില്‍ മഴയോടൊപ്പം ശക്തമായ കാറ്റും ഇടിമിന്നലും ഉണ്ടാകാനും ഇടയുണ്ട്. നഗരവാസികള്‍ ജാഗ്രത പാലിക്കണമെന്നും അധികൃതര്‍ നിര്‍ദേശം പുറപ്പെടുവിച്ചു.

ജ്യോതിഷം അനുസരിച്ച് ഒരു ഗ്രഹം സഞ്ചരിക്കുമ്പോൾ എല്ലാം അത് നിരവധി സുപ്രധാനമായ യോഗങ്ങൾ സൃഷ്ടിക്കുന്നു. അതിൽ ഏറ്റവും പ്രധാനപ്പെട്ട ഒരു യോഗമാണ് വൈധൃതി യോഗ. പഞ്ചാംഗം അനുസരിച്ച് സൂര്യന്റെയും ചന്ദ്രനെയും സംഗമം മൂലം ഇന്ന് അതായത് ജൂൺ നാലിന് രൂപപ്പെട്ട വൈധൃതി യോഗം ജ്യോതിഷവീക്ഷണ കോണിൽ നിന്നും വളരെ പ്രധാനപ്പെട്ടതായാണ് കണക്കാക്കപ്പെടുന്നത്. ഇന്ന് വൈകുന്നേരം 6:09 നാണ് ഇത് ആരംഭിക്കുക. ഈ യോഗം 12 രാശികളെയും ബാധിക്കും എന്നാൽ നാല് രാശിക്കാർക്ക് വലിയ നേട്ടങ്ങളും സാമ്പത്തിക പുരോഗതിയും പുതിയ തൊഴിൽ അവസരങ്ങൾ എന്നിവ ഉണ്ടാകും. രാശികൾ ആരൊക്കെ എന്ന് നോക്കാം.(Image Credit Source)

മേടം: മേടം രാശിക്കാർക്ക് ഈ സംയോജനം സാമ്പത്തികമായി വളരെയധികം ഗുണം ചെയ്യും. ജോലിസ്ഥലത്തെ നിങ്ങളുടെ കഠിനാധ്വാനം അംഗീകരിക്കപ്പെടും. മുതിർന്ന ഉദ്യോഗസ്ഥരിൽ നിന്നും നിങ്ങൾക്ക് അഭിനന്ദനങ്ങൾ ലഭിക്കും. ദീർഘകാലമായി മുടങ്ങിക്കിടന്ന ഫണ്ടുകൾ തിരിച്ചുപിടിക്കാനുള്ള സാധ്യതയുണ്ട്. നിക്ഷേപത്തിനും ഇത് മികച്ച സമയമാണ്. കുടുംബത്തിൽ സന്തോഷവും സമാധാനവും ഉണ്ടാകും. നിങ്ങളുടെ പങ്കാളിയിൽ നിന്നും പൂർണ്ണ പിന്തുണ ലഭിക്കും. ക്ഷമയോടെ ചിന്തിച്ചു കാര്യങ്ങൾ ചെയ്താൽ എല്ലാ അനുകൂലമായി വരും.

ചിങ്ങം: ഈ സ്ഥാന മാറ്റം ചിങ്ങം രാശിക്കാരുടെ ആത്മവിശ്വാസം വർദ്ധിപ്പിക്കും. സമൂഹത്തിലും ജോലിസ്ഥലത്തും നിങ്ങളുടെ പദവിയും അന്തസ്സും വർദ്ധിക്കും. രാഷ്ട്രീയത്തിലോ സാമൂഹിക പ്രവർത്തനത്തിലോ ഏർപ്പെട്ടിരിക്കുന്നവർക്ക് ഉയർന്ന സ്ഥാനം ലഭിച്ചേക്കാം. പുതിയ ബിസിനസ് കരാറുകളിൽ എത്തിച്ചേരാനും ഭാവിയിൽ ​ഗണ്യമായ ലാഭം നേടാനും സാധിക്കും. നിങ്ങളുടെ ആരോഗ്യം മെച്ചപ്പെടുകയും നിങ്ങൾക്ക് ഊർജ്ജ്വസ്വലത അനുഭവപ്പെടുകയും ചെയ്യും.

തുലാം: രാജയോഗം തുലാം രാശിക്കാരുടെ ജീവിതത്തിൽ സന്തുലിതാവസ്ഥയും സന്തോഷവും കൊണ്ടുവരുന്നു. പുതിയ ജോലി അന്വേഷിക്കുന്നവർക്ക് അവർ ആഗ്രഹിക്കുന്ന അവസരങ്ങൾ വന്നുചേരും. ജോലിസ്ഥലത്ത് ഒരു പ്രധാന ഉത്തരവാദിത്തം ഉയർന്നു വന്നേക്കാം. പുതിയ വരുമാനസ്രോതസ്സുകൾ ഉയർന്നുവരും ഇത് നിങ്ങളുടെ ബാങ്ക് ബാലൻസ് വർദ്ധിക്കുവാനും കാരണമാകും. പ്രണയബന്ധങ്ങൾ കൂടുതലായിക്കപ്പെടും സുഹൃത്തുക്കളോടൊപ്പം നല്ല സമയം ചെലവഴിക്കും.

ധനു: ധനു രാശിക്കാർക്ക് ഈ സമയം ഭാഗ്യം കൊണ്ടുവരും. മതപരമായ നിങ്ങളുടെ പ്രവർത്തനങ്ങളിൽ താൽപര്യം വർദ്ധിക്കും. പ്രയോജനകരമായ പല യാത്രകളും ചെയ്യുവാൻ സാധ്യത. ഈ സമയം വിദ്യാർത്ഥികൾക്കും അനുകൂലമാണ്. പരീക്ഷകളിൽ അവർക്ക് നല്ല ഫലങ്ങൾ ലഭിക്കും. പൂർവികസത്തിൽ നിന്നും നല്ല നേട്ടം ഉണ്ടാകാനും ശക്തമായ സാധ്യത കാണുന്നു.

കണ്‍പീലികൾ സൗന്ദര്യസംരക്ഷണത്തിന് മാത്രമല്ല; അവ നിങ്ങളുടെ കണ്ണുകളെ പൊടി, വിയർപ്പ്, അവശിഷ്ടങ്ങൾ എന്നിവയിൽ നിന്ന് സംരക്ഷിക്കുന്നു. കണ്‍പീലികളുടെ വളർച്ചയ്ക്ക് സഹായിക്കുന്ന ഒന്നാണ് ആവണക്കെണ്ണ. റിസിനോലെയിക് ആസിഡ് കൊണ്ട് സമ്പുഷ്ടമായ ആവണക്കെണ്ണ കൺപീലികളെ പോഷിപ്പിക്കുകയും, പൊട്ടുന്നത് തടയുകയും, ഈർപ്പം നൽകുകയും ചെയ്യുന്നു. (Image Credit source: Getty Images)

വെളിച്ചെണ്ണയാണ് മറ്റൊരു വഴി. ദിവസവും രാത്രി ഒന്നു രണ്ട് തുള്ളി ശുദ്ധമായ വെളിച്ചെണ്ണ കൺപീലികളിൽ മൃദുവായി മസ്സാജ് ചെയ്യുന്നത് നല്ലതാണ്. കൺപീലികളിലെ പ്രോട്ടീൻ നഷ്ടപ്പെടുന്നത് തടയാനും അവയ്ക്ക് ബലം നൽകാനും വെളിച്ചെണ്ണ സഹായിക്കും.

നേരിയ ചൂടുള്ള ഒലിവ് ഓയിൽ രാത്രിയിൽ കൺപീലികളിൽ പുരട്ടി കിടക്കുന്നതും കൺപീലികളുടെ വളർച്ചയ്ക്ക് ഗുണകരമാണ്. ഒലിവ് ഓയിലിൽ ധാരാളമായി അടങ്ങിയിരിക്കുന്ന വിറ്റാമിൻ ഇയും മറ്റ് പോഷകങ്ങളും കൺപീലികൾക്ക് നല്ല ഈർപ്പവും പോഷണവും നൽകുന്നു.

ഗ്രീൻ ടീയാണ് മറ്റൊരു വഴി. ഗ്രീൻ ടീയിലുള്ള ആന്റിഓക്‌സിഡന്റുകളും ഫ്ലവനോയിഡുകളും കൺപീലികളുടെ സ്വാഭാവിക വളർച്ചയെ വേഗത്തിലാക്കും. ഗ്രീൻ ടീ തിളപ്പിച്ച് തണുക്കാൻ അനുവദിക്കുക. ശേഷം ഒരു കോട്ടൺ ബോൾ ഇതിൽ മുക്കി കൺപീലികളിൽ പുരട്ടാം.

കറ്റാർ വാഴയിൽ വിറ്റാമിൻ എ, സി, ഇ എന്നിവ അടങ്ങിയിട്ടുണ്ട്. ഇത് കൺപീലികളുടെ വളർച്ചയ്ക്ക് സഹായിക്കുന്നു. രാത്രിയിൽ കണ്‍പീലികളിൽ കറ്റാർ വാഴ ജെൽ പുരട്ടുന്നത് കണ്‍പീലികളുടെ ശക്തി മെച്ചപ്പെടുത്തുകയും പൊട്ടിപ്പോകുന്നത് തടയുകയും ആരോഗ്യകരമായ വളർച്ചയെ പ്രോത്സാഹിപ്പിക്കുകയും ചെയ്യുന്നു.