ബെംഗളൂരുവിലെ ഗതാഗതം കൂടുതല്‍ സുഖകരവും എളുപ്പമുള്ളതുമാക്കി മാറ്റാന്‍ സഹായിക്കുന്ന മാര്‍ഗങ്ങളിലൊന്നാണ് നമ്മ മെട്രോ. അതിവേഗ യാത്ര സാധ്യമാക്കുക എന്ന ലക്ഷ്യത്തോടെ എത്തിയ നമ്മ മെട്രോ ട്രെയിനുകള്‍ ഇപ്പോള്‍ ബെംഗളൂരു നിവാസികളുടെ ജീവന്റെ തുടിപ്പ് കൂടിയാണ്. നഗരത്തിന്റെ എല്ലാ ഭാഗങ്ങളെയും ബന്ധിപ്പിച്ച് നടത്തുന്ന മെട്രോ സര്‍വീസുകള്‍ വളരെ എളുപ്പത്തിലുള്ള കണക്ടിവിറ്റി സാധ്യമാക്കുന്നു. (Image Credit Source: PTI)

നമ്മ മെട്രോയുടെ യെല്ലോ ലൈനിലെ യാത്ര എളുപ്പമുള്ളതാക്കാന്‍ മറ്റൊരു ട്രെയിന്‍ കൂടി എത്തിയിരിക്കുകയാണെന്ന് ബെംഗളൂരു മെട്രോ റെയില്‍ കോര്‍പ്പറേഷന്‍ ലിമിറ്റഡ് (ബിഎംആര്‍സിഎല്‍) അറിയിച്ചു. ഹെബ്ബഗോഡി ഡിപ്പോയില്‍ ട്രെയിനിന്റെ ആറ് കോച്ചുകളും എത്തിച്ചേര്‍ന്നിരിക്കുകയാണ്. ഇവയും സര്‍വീസ് ആരംഭിക്കുന്നതോടെ മെട്രോ യാത്ര മിനിറ്റുകള്‍ക്കുള്ളിലായി മാറും.

ക്ലപ്പിങ്, ഗാംഗ്‌വേ ഫിറ്റ്‌മെന്റ് തുടങ്ങിയവ പൂര്‍ത്തിയാക്കിയ ശേഷം, കൂടുതല്‍ പരിശോധനകള്‍ക്കായി ട്രെയിന്‍ സെറ്റ് ഇന്‍സ്‌പെക്ഷന്‍ ബേ ലൈനിലേക്ക് മാറ്റുമെന്ന് ബിഎംആര്‍സിഎല്‍ ഉദ്യോഗസ്ഥര്‍ അറിയിച്ചു. സര്‍വീസിനായി ഇറക്കും മുമ്പ് ട്രെയിന്‍ പ്രധാന പാതയില്‍ ഏകദേശം 750 കിലോമീറ്ററെങ്കിലും ട്രയല്‍ റണ്‍ നടത്തണമെന്നാണ്.

മെയ് അവസാനത്തോടെ ട്രയല്‍ റണ്‍ ആരംഭിക്കുമെന്നാണ് വിവരം. ടിറ്റാഗഡ് റെയില്‍ സിസ്റ്റംസ് ലിമിറ്റഡില്‍ നിന്ന് നേരത്തെ എത്തിയ ഒന്‍പതാമത്തെ ട്രെയിന്‍ പരീക്ഷണ ഓട്ടങ്ങള്‍ നടത്തിക്കൊണ്ടിരിക്കുകയാണ്. മെയ് ആദ്യത്തോടെ ഈ ട്രെയിന്‍ സര്‍വീസ് ആരംഭിക്കുമെന്നാണ് വിവരം. ഇതോടെ യെല്ലോ ലൈനിലെ ആകെ ട്രെയിനുകളുടെ എണ്ണം ഒന്‍പതാകും.

പത്ത് ട്രെയിനുകളും സര്‍വീസ് ആരംഭിക്കുന്നതോടെ ആര്‍വി റോഡ് മുതല്‍ ബൊമ്മസാന്ദ്ര മെട്രോ ലൈനില്‍ തിരക്കേറിയ സമയങ്ങളില്‍ ട്രെയിനുകള്‍ക്കായി കൂടുതല്‍ സമയം കാത്തിരിക്കേണ്ടതായി വരില്ല. 19.75 കിലോമീറ്ററാണ് ഈ പാതയുടെ ആകെ നീളം. പത്ത് ട്രെയിനുകളും ഓടിത്തുടങ്ങുമ്പോള്‍ കാത്തിരിപ്പ് സമയം 6-7 മിനിറ്റായിരിക്കും. എന്നാല്‍ അടിയന്തര സാഹചര്യങ്ങള്‍ക്കായി ഒരു ട്രെയിന്‍ മാറ്റിവെക്കുമെന്ന് ബിഎംആര്‍സിഎല്‍ പറയുന്നു.

ജ്യോതിഷത്തിൽ സൂര്യന്റെ സംക്രമണം പോലെ തന്നെ പ്രധാനപ്പെട്ടതാണ് അതിന്റെ നക്ഷത്രം മാറ്റവും. സൂര്യന്റെ അനുഗ്രഹം ഉള്ളവരുടെ ജീവിതം സൂര്യനെ പോലെ തിളങ്ങും എന്നാണ് വിശ്വാസം. പഞ്ചാംഗം അനുസരിച്ച് ഏപ്രിൽ 28 സൂര്യൻ തന്റെ നക്ഷത്രം മാറ്റാൻ ഒരുങ്ങുന്നു.സൂര്യൻ ശുക്രന്റെ ഭരണി നക്ഷത്രത്തിൽ പ്രവേശിച്ച് മെയ് 11 വരെ അവിടെ തുടരും. ഭരണി നക്ഷത്രത്തിന്റെ അധിപൻ ശുക്രനാണ്, സൂര്യനും ശുക്രനും ശത്രു ബന്ധം പങ്കിടുന്നു.(Image Credit Source: TV9 NETWORK)

ഇത് ചില രാശിക്കാരുടെ ജീവിതത്തിൽ ഉയർച്ചകളും താഴ്ചകളും കൊണ്ടുവന്നേക്കാം. ചില രാശിക്കാരെ സംബന്ധിച്ച് ഇത് ജീവിതത്തിൽ വലിയ നഷ്ടങ്ങൾക്കും ദുരിതങ്ങൾക്കും കാരണമാകും എന്നാണ് പറയപ്പെടുന്നത്. അത്തരത്തിൽ സൂര്യന്റെ നക്ഷത്രമാറ്റം ഏതെല്ലാം രാശികളുടെ ജീവിതത്തിൽ ബുദ്ധിമുട്ടുകൾ സൃഷ്ടിക്കുമെന്നാണ് ഇവിടെ പറയുന്നത്. ആ രാശികൾ ആരൊക്കെയെന്ന് നോക്കാം.

ഇടവം: സൂര്യന്റെ നക്ഷത്ര മാറ്റം ഈ രാശിക്കാരെ സംബന്ധിച്ച് വിഷമ സമയമായിരിക്കും. 14 ദിവസം ഇവർ ഏറെ ശ്രദ്ധിക്കേണ്ടതുണ്ട്. ഈ സമയത്ത് ജോലിസ്ഥലത്ത് നിങ്ങളുടെ സഹപ്രവർത്തകരുമായുള്ള ബന്ധം വഷളാകും അതിനാൽ വളരെ ശ്രദ്ധയോടെ മാത്രം സംസാരിക്കുക. കാരണം നമ്മൾ പറയുന്ന ചില കാര്യങ്ങൾ പറഞ്ഞു കഴിഞ്ഞാൽ പിന്നെ അത് തിരിച്ചടിക്കാൻ സാധിക്കില്ല. അതിനാൽ വാക്കുകൾ വളരെ സൂക്ഷിച്ചു മാത്രം ഉപയോഗിക്കുക. സാമ്പത്തിക ഇടപാടുകൾ നടത്തുമ്പോൾ വളരെയധികം ശ്രദ്ധിക്കേണ്ടതുണ്ട്. ഇല്ലാത്തപക്ഷം ജീവിതത്തിൽ നഷ്ടങ്ങൾ സംഭവിച്ചേക്കാം. വീട്ടിലെ ചെറിയ പ്രശ്നങ്ങൾ നിങ്ങളുടെ മാനസികനില തെറ്റിക്കും. എന്നിരുന്നാലും ക്ഷമയോടെ ശ്രദ്ധിച്ചു കാര്യം ചെയ്താൽ എല്ലാ അനുകൂലമായി വരും.

കന്നി: കന്നി രാശിക്കാർക്ക് ഈ സമയത്ത് മാനസികമായി അല്പം അസ്വസ്ഥതകൾ അനുഭവപ്പെടും. നിങ്ങൾ ചെയ്യുന്ന ജോലിയിൽ പൂർണ്ണ ശ്രദ്ധ ലഭിക്കില്ല. ഇത് നിങ്ങളെ വലിയ കുഴപ്പങ്ങളിൽ ചെന്ന് ചാടിക്കും. അതിനാൽ ക്ഷമയോടെ ചിന്തിച്ചു മാത്രം കാര്യങ്ങൾ ചെയ്യുക. ഏറ്റെടുക്കുന്ന ജോലി ഭംഗിയായി പൂർത്തിയാക്കാൻ പരമാവധി പരിശ്രമിക്കണം. ഈ കാലയളവിൽ സാമ്പത്തിക കാര്യങ്ങളിലും നല്ല ജാഗ്രത ആവശ്യമാണ്. ആരോഗ്യത്തിലും നല്ല ശ്രദ്ധ നൽകുക.

മകരം: മകരം രാശിക്കാർക്ക് സൂര്യന്റെ ഈ നക്ഷത്ര മാറ്റം സാമ്പത്തിക സമ്മർദ്ദം സൃഷ്ടിക്കും. ഈ കാലയളവിൽ അനാവശ്യമായ അമിത ചിലവുകൾ വന്നുചേരും. ചെലവുകൾ വർദ്ധിക്കും. മാനസിക സമ്മർദ്ദം വർദ്ധിക്കും. ജോലി അന്വേഷിക്കുന്നവർക്ക് ഈ സമയത്ത് ചില ബുദ്ധിമുട്ടുകൾ നേരിടേണ്ടി വന്നേക്കാം . ജോലിസ്ഥലത്ത് നിങ്ങൾക്ക് അനുകൂലമായ ഒരു സാഹചര്യം ആയിരിക്കില്ല.

കൊടും വേനലിൽ വെന്തുരികിയാണ് നമ്മൾ പലരും ഓരോ ദിവസവും തള്ളിവിടുന്നത്. ചൂടിനെ അതിജീവിക്കാൻ പലരും എസിയും എയർ കൂളറുമൊക്കെയാണ് ആശ്രയിക്കുന്നത്. എന്നാൽ എസിയും കൂളറുമൊക്കെ എല്ലാ വീടുകളിലും ഉണ്ടാകണമെന്നില്ല. ഇനി ഉണ്ടെങ്കിൽ തന്നെ കറൻ്റ് ബില്ലിനെ പേടിച്ച് ഇവ ഉപയോ​ഗിക്കാൻ മടിക്കുന്നവരാണ് പലരും. (Image Credit Source: Getty Images)

എസിയും കൂളറും ഉപയോ​ഗിക്കാതെ തന്നെ നമ്മുടെ വീടിനകം തണുപ്പിക്കാൻ ചില പൊടികൈകളുണ്ട്. ഏത് കൊടും ചൂടിലും അതിനെ തരണം ചെയ്യാൻ ഇത്തരം വിദ്യകൾ ധാരാളമാണ്. കൃത്യമായി ചെയ്താൽ രാത്രിയും പകലും വീടിനുള്ളിൽ തണുപ്പ് നിലനിർത്താനാകും. എസി ഇല്ലാതെയും വീടിനുള്ളിലെ ചൂട് കുറയ്ക്കാൻ സാധിക്കുന്ന ചില എളുപ്പവഴികൾ എന്തെല്ലാമെന്ന് നമുക്ക് നോക്കാം.

ജനലുകൾ തുറക്കുന്നത്: നമ്മളിൽ പലരുടെയും തെറ്റിദ്ധാരണയാണ് ചൂട് സമയത്ത് എപ്പോഴും ജനലുകൾ തുറന്നിട്ടാൽ വീടിനുള്ളിൽ തണുപ്പ് ഉണ്ടാകുമെന്നത്. എന്നാൽ ഇത് തീർത്തും തെറ്റായ രീതിയാണ്. നിങ്ങൾ പകൽ സമയത്ത് ജനാലകൾ തുറന്നിട്ടാൽ, ചൂട് വായു വീടിനുള്ളിലേക്ക് കയറാൻ ഇത് കാരണമാകും. ഇത് മുറിക്കുള്ളിൽ കൂടുതൽ ചൂട് നിലനിർത്തുകയും ചെയ്യും.

തുറക്കേണ്ടത്: രാവിലെ അഞ്ച് മുതൽ എട്ട് വരെയും, വൈകിട്ട് ആറിന് ശേഷവുമാണ് ശരിക്കും ജനലുകൾ തുറന്നിടേണ്ടത്. ഈ സമയത്ത് ചൂട് കുറവായതിനാൽ ജനാലകൾ തുറന്നിടുന്നത് തന്നെയാണ് നല്ലത്. ഏകദേശം ഒമ്പത് മണി മുതൽ വൈകിട്ട് ആറ് മണി വരെയുള്ള സമയത്ത് ജനലുകൾ അടച്ച് കർട്ടനുകൾ ഇട്ടിടുന്നത് ചൂട് കുറയ്ക്കാൻ സഹായിക്കുന്നത് ഏറ്റവും നല്ല എളുപ്പവഴിയാണ്.

ഐസ് കട്ടകൾ: പൊതുവെ ചൂടുള്ളപ്പോൾ സീലിംങ് ഫാനിൽ നിന്ന് ചൂടുള്ള കാറ്റാണ് കിട്ടുന്നത്. കാരണം ചൂടത്ത് ചുട്ടുപൊള്ളി കിടക്കുന്ന മേൽക്കൂരയിൽ നിന്നുള്ള ചൂടും ഫാനിൻ്റെ കാറ്റിനെ സ്വാധീനിക്കുന്നു. എന്നാൽ ഒരു ബൗളിൽ ഐസ് കട്ട എടുത്ത് സീലിംഗ് ഫാനിന് താഴെയോ ടേബിൾ ഫാനിന് മുന്നിലോ വയ്ക്കുക. ഈ കാറ്റ് ഐസിൽ തട്ടുമ്പോൾ മുറിക്കുള്ളിലേക്ക് തണുത്ത കാറ്റ വരാൻ തുടങ്ങും.

ഇൻഡോർ പ്ലാൻ്റ്: വീടിനുള്ളിൽ വയ്ക്കാൻ പറ്റുന്ന ചെടികൾ ധാരാളമുണ്ട്. അത്തരം ചെടികൾ കണ്ടെത്തി അവ വീടിനുള്ളിൽ പരിചരിക്കുന്നത് ചൂട് കുറയ്ക്കാൻ സാധിക്കും. സ്നേക്ക് പ്ലാൻ്റ്, അലോവേര, മണി പ്ലാൻ്റ് എന്നിവ വീടിനുള്ളിൽ വെക്കുന്നത് വായു ശുദ്ധീകരിക്കാനും തണുപ്പ് നൽകാനും സഹായിക്കും. എന്നാൽ ഇഴ ജെന്തുക്കളുടെ ശല്യമുള്ളതിനാൽ പ്രത്യേകം ശ്രദ്ധിക്കണം.

സംസ്ഥാനത്ത് ചൂട് വർധിച്ചുവരുന്ന സാഹചര്യത്തിൽ ശരീരം തണുപ്പിക്കാൻ നമ്മൾ പല വഴികളും തേടാറുണ്ട്. എന്നാൽ നാം ധരിക്കുന്ന വസ്ത്രത്തിന്റെ നിറം നമ്മുടെ ശരീരതാപനിലയെ സ്വാധീനിക്കുന്നുണ്ടെന്ന് നിങ്ങൾക്കറിയാമോ? വെളുത്ത വസ്ത്രമാണോ അതോ കറുത്ത വസ്ത്രമാണോ ചൂടുകാലത്ത് നല്ലതെന്ന തർക്കത്തിന് പിന്നിലെ സത്യാവസ്ഥ പരിശോധിക്കാം. (Image Credit Source: Getty Images and PTI)

ശാസ്ത്രീയമായി നോക്കിയാൽ, വെളുത്ത നിറം അല്ലെങ്കിൽ ഇളം നിറങ്ങളിലുള്ള വസ്ത്രങ്ങൾ സൂര്യപ്രകാശത്തെ വലിയ തോതിൽ പ്രതിഫലിപ്പിക്കുന്നു. ഇത് വസ്ത്രം ചൂട് വലിച്ചെടുക്കുന്നത് തടയുകയും ശരീരം തണുപ്പോടെ ഇരിക്കാൻ സഹായിക്കുകയും ചെയ്യുന്നു. വായുസഞ്ചാരം സുഗമമാക്കുന്നതിനും ഇളം നിറങ്ങൾ സഹായിക്കാറുണ്ട്. ഏറ്റവും കൂടുതൽ തണുപ്പ് നൽകുന്നത് വെള്ളയോ പാസ്റ്റൽ നിറങ്ങളോ ആണെങ്കിലും, ചർമ്മത്തിന്റെ സംരക്ഷണത്തിനും അമിതമായി വെയിൽ കൊള്ളുമ്പോഴും കറുത്ത നിറത്തിനും അതിന്റേതായ പ്രാധാന്യമുണ്ട്. വസ്ത്രത്തിന്റെ നിറത്തേക്കാൾ അതിന്റെ കനം കുറഞ്ഞിരിക്കുക എന്നതാണ് ഏറ്റവും പ്രധാനം.

കറുപ്പ് അല്ലെങ്കിൽ ഇരുണ്ട നിറങ്ങൾ ചൂട് പെട്ടെന്ന് ആഗിരണം ചെയ്യും എന്നത് സത്യമാണ്. എന്നാൽ കറുത്ത വസ്ത്രങ്ങൾക്ക് ചില പ്രത്യേക ഗുണങ്ങളുണ്ട്. ഇരുണ്ട നിറങ്ങൾ ദോഷകരമായ അൾട്രാവയലറ്റ് രശ്മികളെ ചർമ്മത്തിലേക്ക് കടത്തിവിടാതെ തടയുന്നു. ഇത് ചർമ്മത്തിന് കൂടുതൽ സംരക്ഷണം നൽകും. കാറ്റുള്ളപ്പോൾ അയഞ്ഞ കറുത്ത വസ്ത്രങ്ങൾ ധരിക്കുന്നത് ശരീരത്തിലെ ചൂടിനെ വസ്ത്രം വലിച്ചെടുത്ത് പുറത്തേക്ക് കളയാൻ സഹായിക്കുമെന്ന് ചില പഠനങ്ങൾ പറയുന്നു

പാരമ്പര്യമായി ഇന്ത്യക്കാർ അയഞ്ഞ കോട്ടൺ വസ്ത്രങ്ങളാണ് (സാരി, ധോത്തി) ഉപയോഗിക്കുന്നത്. എന്നാൽ വെയിലത്ത് പണിയെടുക്കുന്നവർ സൂര്യതാപമേൽക്കാതിരിക്കാൻ ഇരുണ്ട നിറങ്ങളും തിരഞ്ഞെടുക്കാറുണ്ട്. കടുത്ത ചൂടിനെ പ്രതിരോധിക്കാൻ ലിനൻ വസ്ത്രങ്ങളാണ് ഇവർ ഉപയോഗിച്ചിരുന്നത്. അധികവും വെള്ള നിറമാണെങ്കിലും അധികാരത്തിന്റെ ചിഹ്നമായി കറുപ്പും ഉപയോഗിച്ചിരുന്നു.

ചൂടുകാലത്ത് കോട്ടൺ, ലിനൻ എന്നിവ തിരഞ്ഞെടുക്കുക. ഇവ വിയർപ്പിനെ വലിച്ചെടുക്കുകയും വായുസഞ്ചാരം ഉറപ്പാക്കുകയും ചെയ്യും. ശരീരത്തോട് ചേർന്നുനിൽക്കുന്ന വസ്ത്രങ്ങൾ ഒഴിവാക്കി അയഞ്ഞവ ധരിക്കുക. ഇത് വിയർപ്പ് പെട്ടെന്ന് ഉണങ്ങാൻ സഹായിക്കും. ദാഹം അനുഭവപ്പെട്ടില്ലെങ്കിലും കൃത്യമായ ഇടവേളകളിൽ വെള്ളം കുടിച്ച് ശരീരം തണുപ്പിക്കുക. ഉച്ചയ്ക്ക് 10 മണി മുതൽ 4 മണി വരെ നേരിട്ട് വെയിൽ ഏൽക്കുന്നത് പരമാവധി ഒഴിവാക്കുക.കടുത്ത ചൂട് അനുഭവപ്പെടുമ്പോൾ തണുത്ത വെള്ളം ഉപയോഗിച്ച് കഴുത്തിന് പിന്നിലും മുഖത്തും നനയ്ക്കുന്നത് ശരീരതാപനില പെട്ടെന്ന് കുറയ്ക്കാൻ സഹായിക്കും.

മലയാള സിനിമാ പ്രേക്ഷകരുടെ ഇഷ്ടപ്പെട്ട താരമാണ് എസ്തർ അനിൽ. ബാലതാരമായി സിനിമയിലെത്തിയ എസ്തർ തുടർന്ന് നിരവധി സിനിമകളുടെ ഭാ​ഗമായിട്ടുണ്ട്. മോഹൻലാലിന്റെ മകളായി ദൃശ്യത്തിൽ ചെയ്ത വേഷം കരിയറിലെ ഏറ്റവും ശ്രദ്ധേയമായ റോളായിരുന്നു. ഇപ്പോഴിതാ, സാനിയ അയ്യപ്പെനെ കുറിച്ച് താരം പറഞ്ഞ കാര്യങ്ങളാണ് സോഷ്യൽ മീഡിയയിൽ ശ്രദ്ധേയമാകുന്നത്. (Image Credit source: Instagram)

എസ്തർ ലണ്ടൻ സ്കൂൾ ഓഫ് എക്കണോമിക്സ് ആന്റ് പൊളിറ്റിക്കൽ സയൻസിൽ മാസ്റ്റേഴ്സ് എടുത്തിരുന്നു. പഠനസമയത്ത് ലണ്ടനിൽ ഉണ്ടായ മോശം അനുഭവത്തെ കുറിച്ചും, തന്നെയും സാനിയ അയ്യപ്പനെയും താരതമ്യം ചെയ്തു കൊണ്ട് യുകെയിലെ ഒരു മാധ്യമം വാർത്ത കൊടുത്തതിനെ കുറിച്ചുമാണ് എസ്തർ തുറന്ന് പറഞ്ഞത്. തന്നെ പുകഴ്ത്താൻ സാനിയയെ താഴ്ത്തി കെട്ടിയെന്ന് താരം പറയുന്നു.

സാനിയയുടെ അഭിമുഖത്തിന് ശേഷം വളരെ വിഷമിപ്പിച്ചൊരു കാര്യമുണ്ട്. യുകെയിലെ പ്രമുഖ മാധ്യമത്തെ കുറിച്ചാണ്. സാനിയ അയ്യപ്പൻ വന്നപ്പോൾ റേസിസം നേരിട്ടു. പക്ഷേ, എസ്തറിന് വലിയ യൂണിവേഴ്സിറ്റിയിൽ കിട്ടി, മറ്റേയാൾക്ക് സ്റ്റാർഡം ഒന്നുമില്ലാത്തതിനാൽ അഡ്ജസ്റ്റ് ചെയ്യാൻ പറ്റാത്തതിനാൽ പേടിച്ച് ഓടി എന്നൊക്കെയാണ് ആ മാധ്യമം എഴുതിയത്.

ചിലപ്പോൾ ഈ അഭിമുഖത്തിന് ശേഷം എന്നെ കുറിച്ചും നെ​ഗറ്റീവ് എഴുതുമായിരിക്കും. അവളെ താഴ്ത്തിക്കെട്ടുകയും എന്നെ പുകഴ്ത്തുകയും ചെയ്തു. എനിക്കതിൽ വിഷമം തോന്നി. ഞാൻ സാനിയയ്ക്ക് മെസേജ് അയച്ചു. സാനിയ വളരെ കൂളായിരുന്നു എന്നും എസ്തർ പറഞ്ഞു.

കൂടാതെ, ആളുകളാണ് നമ്മളെ ശത്രുക്കളാക്കുന്നത്. അല്ലാതെ നമുക്ക് അങ്ങോട്ടും ഇങ്ങോട്ടും പ്രശ്നമില്ല. ഇപ്പോഴും ഞങ്ങൾ നല്ല സുഹൃത്തുക്കളാണ്, എന്നും എസ്തർ പറഞ്ഞു. അതുപോലെ, ലണ്ടനിൽ റേസിസം ഉണ്ട് എന്നും ക്യൂ സ്റ്റുഡിയോയ്ക്ക് നൽകിയ അഭിമുഖത്തിൽ എസ്തർ അനിൽ വെളിപ്പെടുത്തി.

മുംബൈ മെട്രോ യാത്രക്കാര്‍ക്ക് ഇരട്ടിമധുരത്തിന്റെ നാളുകള്‍. സ്വാമി സമര്‍ത്ഥ് നഗര്‍ മുതല്‍ വിക്രോളി വരെയുള്ള 14.5 കിലോമീറ്റര്‍ ലൈന്‍ 6 ല്‍ നടന്നിരുന്ന സുപ്രധാന നിര്‍മാണ പ്രവര്‍ത്തനങ്ങള്‍ പൂര്‍ത്തിയായി. ജോഗേശ്വരി മേഖലയിലെ വെസ്‌റ്റേണ്‍ റെയില്‍വേയുടെ വര്‍ക്കിങ് ലൈനില്‍ തൂണുകള്‍ സ്ഥാപിക്കുക, സ്റ്റീല്‍ കോമ്പോസിറ്റ് സ്പാന്‍ സ്ഥാപിക്കുക തുടങ്ങിയ ജോലികള്‍ ഏറെ വെല്ലുവിളി നിറഞ്ഞ സാഹചര്യങ്ങള്‍ക്കിടെയാണ് പൂര്‍ത്തിയാക്കിയത്. (Image Credit Source: Getty Images and PTI)

14.5 കിലോമീറ്റര്‍ ദൈര്‍ഘ്യമുള്ള എലിവേറ്റഡ് മെട്രോ പാതയാണ് ലൈന്‍ 6. ആകെ 13 സ്റ്റേഷനുകളാണ് ഇതിലുള്ളത്. കാഞ്ചുര്‍മാര്‍ഗില്‍ 15.2 ഹെക്ടറില്‍ മെട്രോ ഡിപ്പോ നിര്‍മിച്ചിട്ടുമുണ്ട്. പദ്ധതിയുടെ 87 ശതമാനത്തോളം ജോലികളും പൂര്‍ത്തിയായതായി അധികൃതര്‍ അറിയിക്കുന്നു.

സ്വാമി സമര്‍ത്ഥ നഗറില്‍ നിന്ന് ജോഗേശ്വരി, വെസ്‌റ്റേണ്‍ എക്‌സ്പ്രസ് ഹൈവേ, പവായ് വഴി വിക്രോളിയില്‍ പാത എത്തിച്ചേരും. നാല് മെട്രോ ലൈനുകള്‍ക്ക് ഇന്റര്‍ചേഞ്ചുകളുള്ള ഒരു സുപ്രധാന പാതയാണ് മുംബൈ മെട്രോ പിങ്ക് ലൈന്‍. യാത്രക്കാര്‍ ഏറെ നാളായി കാത്തിരുന്ന ഒരു പാത കൂടിയാണിത്.

യെല്ലോ ലൈന്‍ 2 എയുടെ ബംഗൂര്‍ നഗര്‍ സ്‌റ്റേഷന്‍, റെഡ് ലൈന്‍ ഏഴിന്റെ ജെവിഎല്‍ആര്‍ സ്‌റ്റേഷന്‍, അക്വാ ലൈന്‍ മൂന്നിന്റെ ആരേ ഡിപ്പോ മെട്രോ സ്‌റ്റേഷന്‍, ഗ്രീന്‍ ലൈന്‍ നാലിന്റെ ഗാന്ധി നഗര്‍ സ്‌റ്റേഷന്‍ എന്നിവയുടെ വിവിധ ഭാഗങ്ങളില്‍ ഈ ലൈനില്‍ ഇന്റര്‍ചേഞ്ചുകള്‍ ഉണ്ടായിരിക്കും.

സ്വാമി സമര്‍ത്ഥ് നഗര്‍, ആദര്‍ശ് നഗര്‍, ജോഗേശ്വരി വെസ്റ്റ്, ജോഗേശ്വരി-വിക്രോളി ലിങ്ക് റോഡ്, ശ്യാം നഗര്‍, മഹാകാളി ഗുഹകള്‍, സീപ്സ് വില്ലേജ്, സാകി വിഹാര്‍ റോഡ്, രാംബാഗ്, പവായ് തടാകം, ഐഐടി-പോവായ്, കാഞ്ചൂര്‍ മാര്‍ഗ് വെസ്റ്റ്, വിക്രോളി (ഇ) എക്സ്പ്രസ്വേ സ്റ്റേഷന്‍ എന്നിങ്ങനെ 13 ഇടങ്ങളിലാണ് ലൈനില്‍ സ്റ്റോപ്പുകള്‍ ഉണ്ടായിരിക്കുക.

ജ്യോതിഷത്തിൽ ഗ്രഹങ്ങളുടെ സ്ഥാനത്തിനും അവയുടെ സംക്രമണത്തിനും സംയോജനത്തിനും ഓരോ വ്യക്തിയുടെയും ജീവിതത്തിൽ വലിയ പ്രാധാന്യമുണ്ട്. കാരണം ഓരോ വ്യക്തിയുടെയും ഓരോ ദിവസവും അവരുടെ ജാതകത്തിലെ ഗ്രഹങ്ങളുടെ സ്ഥാനം അനുസരിച്ചാണ് നല്ലതും ചീത്തതുമായി ഭവിക്കുന്നത്. അതായത് ചില നക്ഷത്രങ്ങളിലേക്ക് രാശികളിലേക്കോ ഉള്ള ഗ്രഹങ്ങളുടെ സംക്രമണം ചില പ്രത്യേക രാശികളുടെ ജീവിതത്തിൽ പ്രത്യേക നേട്ടങ്ങൾക്കും ഭാഗ്യങ്ങൾക്കും കാരണമാകും.(PHOTO CREDIT SOURCE: TV9 NETWORK)

അത്തരത്തിൽ ഇന്നലെ കേതുവും ചന്ദ്രനും സംയോജിച്ചു. ഈ കൂടിച്ചേരൽ പ്രധാനമായും ചില രാശിക്കാരുടെ ആരോഗ്യം, സമ്പത്ത്, കരിയർ ദാമ്പത്യജീവിതം, കുടുംബജീവിതം എന്നീ മേഖലകളിൽ ഗണ്യമായ മാറ്റങ്ങൾക്ക് കാരണമാകും. ജ്യോതിഷമനുസരിച്ച്, ചന്ദ്രൻ മനസ്സിനെയും വികാരങ്ങളെയും പ്രതിനിധീകരിക്കുന്നു, അതേസമയം കേതു ആശയക്കുഴപ്പം സൃഷ്ടിക്കുന്നതിന് കാരണമാകും. അതിനാൽ ഇവ ഒരുമിച്ച് വരുമ്പോൾ ഒരു വ്യക്തിയുടെ ചിന്ത തീരുമാനമെടുക്കൽ എന്നിവയ്ക്ക് ബുദ്ധിമുട്ട് സൃഷ്ടിക്കും. അതിനാൽ തന്നെ ചില രാശിക്കാരെ സംബന്ധിച്ച് ശ്രദ്ധിക്കേണ്ട സമയമാണിത്. ആ രാശികൾ ആരൊക്കെ എന്ന് നോക്കാം.

മിഥുനം: മിഥുനം രാശിക്കാർ ഈ സമയത്ത് സാമ്പത്തികമായ ഇടപാടുകൾ നടത്തുമ്പോൾ വളരെയധികം ശ്രദ്ധിക്കേണ്ടതുണ്ട്. ശ്രദ്ധിക്കാതെ തീരുമാനങ്ങൾ എടുക്കുന്നത് ജീവിതത്തിൽ വലിയ ബുദ്ധിമുട്ടുകൾക്കും അപകടങ്ങൾക്കും കാരണമാകും. ക്ഷമയോടെ ചിന്തിച്ചു മാത്രം തീരുമാനമെടുക്കുക. എടുത്തുചാടി തീരുമാനങ്ങൾ എടുക്കരുത്. ജോലിസ്ഥലത്ത് സഹപ്രവർത്തകവുമായി അഭിപ്രായവ്യത്യാസങ്ങൾ ഉണ്ടാകാം. സാമ്പത്തിക ഇടപാടുകളിൽ നല്ല ജാഗ്രത വേണം. ആരെയും അന്ധമായി വിശ്വസിക്കരുത്.

കന്നി : കന്നി രാശിക്കാർക്ക് ഈ സമയം അല്പം വെല്ലുവിളികൾ നിറഞ്ഞതായിരിക്കും.മാനസിക സമ്മർദ്ദം, അനാവശ്യ ആശങ്കകൾ, ആരോഗ്യ സംബന്ധമായ പ്രശ്നങ്ങൾ എന്നിവ വർദ്ധിച്ചേക്കാം. ഈ സമയത്ത് തിടുക്കത്തിൽ എടുക്കുന്ന തീരുമാനങ്ങൾ നിങ്ങൾക്ക് ദോഷം ചെയ്യും.അതിനാൽ ക്ഷമയോടെ ചിന്തിച്ചു മാത്രം തീരുമാനങ്ങൾ എടുക്കുക. അല്ലാത്ത പക്ഷം ജീവിതത്തിൽ പല പ്രശ്നങ്ങൾക്കും കാരണമാകും. ഈ കാലയവിൽ എടുത്തു ചാടി തീരുമാനങ്ങൾ എടുക്കരുത്.

മീനം: അവരുടെ സ്വകാര്യജീവിതത്തിൽ ഉയർച്ചകളും താഴ്ചകളും അനുഭവപ്പെട്ടേക്കാം. നിങ്ങളുടെ സ്വകാര്യ ജീവിതത്തിൽ ചെറിയ പ്രശ്നങ്ങളോ അല്ലെങ്കിൽ ദാമ്പത്യ ജീവിതത്തിൽ ബുദ്ധിമുട്ടുകളോ ഉണ്ടാകും. ബിസിനസിലും സാമ്പത്തികമായി നഷ്ടങ്ങൾക്ക് സാധ്യത. കരിയറിലും തടസ്സങ്ങൾ ഉണ്ടായേക്കാം. കൂടാതെ ഈ കാലയളവിൽ സംസാരത്തിൽ വളരെയധികം ശ്രദ്ധ പാലിക്കുക. ആരോടും കോപത്തിൽ സംസാരിക്കരുത്. ദേഷ്യത്തിൽ തീരുമാനങ്ങൾ എടുക്കരുത്.

ഇന്ത്യയിലെ എല്ലാ സംസ്ഥാനങ്ങളിലും ചൂട് ക്രമാതീതമായി വര്‍ധിക്കുകയാണ്. താപനിലയില്‍ വര്‍ധനവ് സംഭവിക്കുന്നതിനെ തുടര്‍ന്ന് പൊതുജനങ്ങള്‍ ജാഗ്രത പാലിക്കണമെന്ന് അധികൃതര്‍ നിര്‍ദേശം നല്‍കി. ഡല്‍ഹി, ബെംഗളൂരു, മുംബൈ, കേരളം, ചെന്നൈ തുടങ്ങി എല്ലായിടങ്ങളെയും ചൂട് കീഴടക്കി കഴിഞ്ഞു. സൂര്യതാപമേറ്റ് അസുഖങ്ങളും മറ്റും വരുന്നതിനാല്‍ ആളുകള്‍ സ്വയം സംരക്ഷണമൊരുക്കുകയാണ് ഇപ്പോള്‍ വേണ്ടത്. (Image Credit Source: PTI)

ചൂടിനെ പ്രതിരോധിക്കാന്‍ ഓരോ നഗരങ്ങളിലും വ്യത്യസ്തങ്ങളായ ആക്ഷന്‍ പ്ലാനുകള്‍ നടപ്പാക്കിയിട്ടുണ്ട്. അതില്‍ ഏറ്റവും ശ്രദ്ധേയം ഡല്‍ഹിയിലേതാണ്. 2026ലെ താപനില വര്‍ധനവ് പ്രതിരോധിക്കാനായി രണ്ടുംകല്‍പ്പിച്ച് ഇറങ്ങിയിരിക്കുകയാണ് സര്‍ക്കാര്‍. ഇതിന്റെ ഭാഗമായി തലസ്ഥാന നഗരിയില്‍ ഒന്നാകെ മാപ്പ് അടിസ്ഥാനത്തിലാണ് പ്രവര്‍ത്തനം.

സര്‍ക്കാര്‍ നിരവധി പ്രദേശങ്ങളെ ഹോട്ട്‌സ്‌പോട്ടുകളായി വിലയിരുത്തുന്നു. വസീര്‍പൂര്‍, ജഹാംഗീര്‍പുരി, ഖയാല, ശാസ്ത്രി പാര്‍ക്ക്, വിശ്വാസ് നഗര്‍, ഹര്‍കേഷ് നഗര്‍, ഹരി നഗര്‍, ഡല്‍ഹി ഗേറ്റ്, സാവ്ദ, മുബാറക്പൂര്‍ ദബാസ്, ഭല്‍സ്വ, നന്ദ് നാഗ്രി, ഗോകുല്‍പുരി, ബക്കര്‍വാല തുടങ്ങിയവ സ്ഥലങ്ങള്‍ ഇതില്‍ ഉള്‍പ്പെടുന്നു.

അപകട സാധ്യതകള്‍ ലഘൂകരിക്കുന്നതിനായി വിവിധ പ്രവര്‍ത്തനങ്ങളാണ് സര്‍ക്കാര്‍ നടത്തുന്നത്. ആരോഗ്യ കേന്ദ്രങ്ങളില്‍ ഒആര്‍എസ് ലഭ്യത വര്‍ധിപ്പിക്കുക, ദ്രുത പ്രതികരണ സംഘങ്ങളെ വിന്യസിക്കുക, വാട്ടര്‍ ടാങ്കറുകളുടെ എണ്ണം വര്‍ധിപ്പിക്കുക തുടങ്ങിയ കാര്യങ്ങള്‍ ഇതില്‍ ഉള്‍പ്പെടുന്നു. മൃഗങ്ങളുടെയും പക്ഷികളുടെയും സംരക്ഷണത്തിനും സര്‍ക്കാര്‍ പ്രാധാന്യം നല്‍കുന്നു.

പാര്‍ക്കുകള്‍, ബസ് ഡിപ്പോകള്‍, സ്‌കൂളുകള്‍ എന്നിവിടങ്ങളില്‍ കുടിവെള്ളം ഉറപ്പാക്കും. പക്ഷികള്‍ക്കും മൃഗങ്ങള്‍ക്കുമായും കുടിവെള്ളം വിവിധ ഇടങ്ങളില്‍ ഒരുക്കും. കുട്ടികളിലുണ്ടാകുന്ന നിര്‍ജ്ജലീകരണം തടയാന്‍ സ്‌കൂള്‍ വിടുന്നതിന് മുമ്പ് വിദ്യാര്‍ഥികള്‍ക്ക് ഒആര്‍എസ് ലായനി നല്‍കും. ഉച്ചയ്ക്ക് 12 മുതല്‍ 3 മണി വരെ പുറംജോലികള്‍ ചെയ്യുന്നതിനും നിയന്ത്രണമുണ്ട്.

കഠിനമായ വേനൽക്കാലത്ത് ദാഹം തീർക്കാൻ ഫ്രിഡ്ജിൽ നിന്നും ഐസ് തണുപ്പുള്ള വെള്ളം നേരിട്ട് കുടിക്കുന്നത് മിക്കവരുടെയും ശീലമാണ്. എന്നാൽ താൽക്കാലികമായ ആശ്വാസം നൽകുമെങ്കിലും, അമിതമായി തണുത്ത വെള്ളം കുടിക്കുന്നത് ശരീരത്തിന് ഗുരുതരമായ ആരോഗ്യപ്രശ്നങ്ങൾ ഉണ്ടാക്കുമെന്ന് ആരോഗ്യ വിദഗ്ധർ മുന്നറിയിപ്പ് നൽകുന്നു. (Image Credit Source: Getty Images)

ഭക്ഷണത്തിന് തൊട്ടുപിന്നാലെ ഐസ് വെള്ളം കുടിക്കുന്നത് ദഹനവ്യവസ്ഥയെ പ്രതികൂലമായി ബാധിക്കും. ഇത് വയറിലെ രക്തക്കുഴലുകളെ ചുരുക്കുകയും ദഹനത്തിന് സഹായിക്കുന്ന എൻസൈമുകളുടെ പ്രവർത്തനത്തെ മന്ദീഭവിപ്പിക്കുകയും ചെയ്യുന്നു. ഇതിന്റെ ഫലമായി ഭക്ഷണം ശരിയായി ദഹിക്കാതെ വരുന്നത് വയറ് വീർക്കുന്നതിനും അസ്വസ്ഥതയ്ക്കും കാരണമാകുന്നു. തണുത്ത വെള്ളം കുടിക്കുന്നത് കഴിച്ച ഭക്ഷണത്തിലെ കൊഴുപ്പിനെ കട്ടിയാക്കുകയും, അത് കുടലിലൂടെ നീങ്ങുന്നത് പ്രയാസകരമാക്കുകയും ചെയ്യുന്നു.

തൊണ്ടവേദനയും ജലദോഷവും ഉള്ളവർ മാത്രമല്ല തണുത്ത വെള്ളം ഒഴിവാക്കേണ്ടത്. സാധാരണക്കാരിലും ഇത് പ്രശ്നങ്ങൾ ഉണ്ടാക്കാം. ഭക്ഷണശേഷം ഐസ് വെള്ളം കുടിക്കുന്നത് ശ്വസനനാളത്തിൽ സംരക്ഷണ പാളിയായി നിലകൊള്ളുന്ന മ്യൂക്കസ് വർദ്ധിപ്പിക്കുന്നു. ഇത് അണുബാധകൾക്കും കഫക്കെട്ടിനും കാരണമാകും. തൊണ്ടയിലെ രക്തക്കുഴലുകൾ താൽക്കാലികമായി ചുരുങ്ങുന്നത് അസ്വസ്ഥതകളിലേക്ക് നയിക്കുന്നു.

അമിതമായി തണുത്ത വെള്ളം നട്ടെല്ലിലെ നാഡികളെ തണുപ്പിക്കുകയും അത് തലച്ചോറിലേക്ക് തെറ്റായ സിഗ്നലുകൾ അയക്കുകയും ചെയ്യുന്നു. ഇത് പെട്ടെന്നുള്ള തലവേദനയ്ക്കും മൈഗ്രേൻ ഉള്ളവരിൽ രോഗം വഷളാകാനും കാരണമാകും. സൈനസ് പ്രശ്നമുള്ളവർക്ക് തണുത്ത വെള്ളം കടുത്ത വെല്ലുവിളിയാണ്. പല്ലിന്റെ പുറംകവചമായ ഇനാമലിനെ ദുർബലപ്പെടുത്താൻ ഐസ് വെള്ളത്തിന് സാധിക്കും. ഇത് പല്ലുകളിൽ സെൻസിറ്റിവിറ്റി (പുളിപ്പ്) ഉണ്ടാക്കുകയും പല്ലിന്റെ ആരോഗ്യം നശിപ്പിക്കുകയും ചെയ്യുന്നു.

ശരീരത്തിൽ ജലാംശം നിലനിർത്താൻ ദിവസവും 10-12 ഗ്ലാസ് വെള്ളം കുടിക്കണം എന്നത് നിർബന്ധമാണ്. എന്നാൽ അത് സാധാരണ ഊഷ്മാവിലുള്ള വെള്ളമോ അല്ലെങ്കിൽ മൺപാത്രത്തിൽ സൂക്ഷിച്ച വെള്ളമോ ആകുന്നതാണ് ഉചിതം. ദഹനത്തിനും പല്ലിന്റെ ആരോഗ്യത്തിനും എപ്പോഴും ചെറുചൂടുവെള്ളമാണ് ഏറ്റവും നല്ലത്. വേനൽക്കാലത്ത് നിർജ്ജലീകരണം ഒഴിവാക്കാൻ വെള്ളം കുടിക്കുമ്പോൾ, അത് ശരീരത്തിന് ദോഷകരമാകാതിരിക്കാൻ പ്രത്യേകം ശ്രദ്ധിക്കുക.

പശ്ചിമേഷ്യയിൽ സംഘർഷങ്ങൾ തുടരുന്നതിനിടെ സ്വർണവിലയിൽ എന്ത് സംഭവിക്കുമെന്ന ആകാംക്ഷയിലാണ് ആഭരണപ്രേമികളും സാധാരണക്കാരും. വിവാഹ സീസണിൽ വില ഉയരുന്നത് സാധാരണക്കാരെ ആശങ്കയിലാഴ്ത്തുന്നുണ്ട്. നിലവിൽ പവന് 1,12,960 രൂപയാണ് നൽകേണ്ടത്. ഗ്രാമിന് 14,120 രൂപയാണ് നൽകേണ്ടത്. വിപണി വില എത്രയാണെങ്കിലും ജിഎസ്ടിയും പണിക്കൂലിയും ചേരുമ്പോൾ വില വീണ്ടും ഉയരും. (Image Credit source: PTI)

വിലയിൽ നേരിയ വർദ്ധനവ് ഉണ്ടെങ്കിലും ഈ ആഴ്ചയിലാകെ നഷ്ടമാണ് രേഖപ്പെടുത്തിയത്. രണ്ട് ശതമാനത്തിലധികമാണ് സ്വർണനിരക്ക് കുറഞ്ഞത്. യുഎസും ഇറാനും തമ്മിലുള്ള രണ്ടാം ഘട്ട ചർച്ചകളും ഫലപ്രദമാകാത്തതാണ് വിലയിലെ ഇടിവിന് കാരണം. എണ്ണ വില ഉയരുന്നത് പണപ്പെരുപ്പത്തിന് കാരണമാവുകയും ഉയർന്ന പലിശ നിരക്കിനുള്ള സാധ്യത വർദ്ധിപ്പിക്കുകയും ചെയ്യും.

സംഘർഷം നീണ്ടുനിൽക്കുന്നതിനാൽ വരുംദിവസങ്ങളിലും സ്വർണവില കുറഞ്ഞേക്കാം. എന്നാൽ നേരിയ വർദ്ധനവിനുള്ള സാധ്യതയും തള്ളിക്കളയാനാകില്ല. ഇറാനും യുഎസും തമ്മിൽ പാക്കിസ്ഥാനിൽ നടക്കുമെന്ന് കരുതുന്ന സമാധാന ചർച്ചകളാകും വരും ദിവസത്തിലെ സ്വർണവിലയ്ക്ക് നിർണായകമാകുന്നത്.

പ്രശ്നങ്ങൾ പരിഹരിക്കപ്പെടുകയാണെങ്കിൽ രാജ്യാന്ത തലത്തിൽ ക്രൂഡ് ഓയിൽ വില കുറയും. ഇത് ഡോളർ സൂചികയുടെ ഇടിവിനും സ്വർണവിലയുടെ മുന്നേറ്റത്തിനും കാരണമാകും. ഡോളർ താഴുന്നതോടെ മറ്റ് കറൻസികളിൽ സ്വർണം വാങ്ങുന്നത് എളുപ്പമാവുന്നതും ഡിമാൻഡ് കൂടുന്നതുമാണ് സ്വർണവില കൂടാൻ കാരണമാകുന്നത്.

അതേസമയം, ചർച്ചകൾ പരാജയപ്പെട്ടാൽ സ്വർണവില ഇനിയും ഇടിയും. ഇന്ത്യയിലടക്ക് ഓഹരി വിപണികളിൽ നഷ്ടത്തിലാകാനും സാധ്യതയുണ്ട്. സാധാരണയായി യുദ്ധ സമയത്ത് സ്വർണവില കൂടുകയാണ് പതിവെങ്കിലും ഇവിടെ ക്രൂഡ് ഓയിൽ വില വർദ്ധിക്കുന്നതാണ് തിരിച്ചടിയാവുന്നത്. കേന്ദ്രബാങ്കിന്റെ അടിസ്ഥാന പലിശ നിരക്കും നിർണായകമാണ്.

ജ്യോതിഷത്തിൽ ഗ്രഹങ്ങളുടെ സംക്രമണത്തിനും സംയോജനത്തിനും വലിയ പ്രാധാന്യമാണ് നൽകുന്നത്. കാരണം ഇവ വിവിധ രാശികളുടെ ജീവിതത്തിൽ വലിയ സ്വാധീനം. ഒരു വ്യക്തിയിലെ ഓരോ ദിവസവും അവരുടെ ജാതകത്തിലെ ഗ്രഹങ്ങളുടെ സ്ഥാനമാണ്. ചില ഗ്രഹങ്ങളുടെ സ്ഥാനം അനുസരിച്ചാണ് ഓരോരുത്തർക്കും ഗുണവും ദോഷവുമായ ഫലങ്ങൾ ഉണ്ടാവുക. ചില ഗ്രഹങ്ങളുടെ സ്ഥാനം ജീവിതത്തിൽ സന്തോഷവും സമാധാനവും സമൃദ്ധിയും കൊണ്ടുവരുമെങ്കിൽ ചില ഗ്രഹങ്ങളുടെ സ്ഥാനം ജീവിതത്തിൽ വലിയ ബുദ്ധിമുട്ടുകൾക്കും വിഷമതകൾക്കും കാരണമാകും. (PHOTO CREDIT SOURCE: TV9 NETWORK)

അത്തരത്തിൽ ജ്യോതിഷത്തിൽ വലിയ പ്രാധാന്യം നൽകുന്ന ഒരു ഗ്രഹമാണ് ഗ്രഹങ്ങളുടെ രാജാവ് എന്നറിയപ്പെടുന്ന വ്യാഴം അഥവാ ഗുരു. വ്യാഴത്തിന്റെ രാശി മാറ്റം ഏറ്റവും പ്രധാനപ്പെട്ട ഒന്നാണ്. അത്തരത്തിൽ ഈ വർഷം ജൂൺ രണ്ടിന് വ്യാഴം തന്റെ ഉന്നത രാശിയായ കർക്കിടകത്തിലേക്ക് പ്രവേശിക്കും. ഇത് വളരെ ശുഭകരവും ശക്തവുമായ ഹംസ രാജയോഗം സൃഷ്ടിക്കും. ജൂൺ മുതൽ ഒക്ടോബർ വരെയുള്ള ഈ കാലയളവ് ചില രാശിക്കാർക്ക് ഇത് വലിയ അനുഗ്രഹമായിരിക്കും. ഇത് സാമ്പത്തികമായ അഭിവൃദ്ധി മാത്രമല്ല ഈ രാശിക്കാർക്ക് കരിയറിലും സാമൂഹിക നിലയിലും വലിയ നേട്ടങ്ങളും വർദ്ധനയും ഉണ്ടാകും. അത്തരത്തിൽ ഭാഗ്യം കടാക്ഷിക്കുന്ന രാശികൾ ആരൊക്കെ എന്ന് നോക്കാം.

കർക്കിടകം: കർക്കിടകം രാശിയിലൂടെയാണ് വ്യാഴത്തിന്റെ സഞ്ചാരം. അതിനാൽ തന്നെ ഈ രാശിക്കാർക്ക് ഹംസരാജ യോഗത്തിന്റെ ഗുണഫലങ്ങൾ വലിയ രീതിയിൽ തന്നെ നേടാൻ സാധിക്കും. ഈ സമയത്ത് നിങ്ങളുടെ ജീവിതത്തിലെ ഒരു സുവർണ്ണ ഘട്ടമാണ്. നിങ്ങളുടെ ആത്മവിശ്വാസം വർദ്ധിക്കും. ജീവിതത്തിൽ സന്തോഷവും സമാധാനവും നിലനിൽക്കും. കരിയറിൽ പുരോഗതി ഉണ്ടാകും. സാമ്പത്തിക സ്ഥിരത കൈവരിക്കാൻ സാധിക്കും. ബിസിനസിൽ അപ്രതീക്ഷിത നേട്ടങ്ങൾ കൈവരിക്കാൻ സാധിക്കും. സന്തോഷവും സമൃദ്ധിയും ഉണ്ടാകും. ക്ഷമയോടെ ചിന്തിച്ചു കാര്യങ്ങൾ ചെയ്താൽ എല്ലാം നിങ്ങൾക്ക് അനുകൂലമായി വരും.

വൃശ്ചികം: വ്യാഴത്തിന്റെ സംക്രമണം മൂലം ഉണ്ടാകുന്ന ഹംസ രാജയോഗം നിങ്ങളുടെ ജീവിതത്തിലെ ഒരു വലിയ വഴിത്തിരിവായി മാറും. ഭാഗ്യം നിങ്ങളുടെ പക്ഷത്ത് ഉണ്ടെങ്കിൽ നിങ്ങളുടെ പ്രശ്നങ്ങൾ മാറും.. ജീവിതത്തിൽ സന്തോഷവും സമൃദ്ധിയും ഐശ്വര്യവും ഉണ്ടാകും. ഈ സമയം നിങ്ങളുടെ കരിയറിൽ വലിയ പുരോഗതി ഉണ്ടാകും കരിയറിന് പുതിയ ദിശ നൽകും. ജോലി മാറുന്നതിനെ കുറിച്ച് ചിന്തിക്കുന്നതാണെങ്കിൽ നിങ്ങൾക്ക് പുതിയ അവസരങ്ങൾ തുറന്നുവരും. കുടുംബത്തിൽ സന്തോഷവും സമാധാനവും നിലനിൽക്കും.

മീനം: മീനം രാശിയുടെ അധിപൻ വ്യാഴമായതിനാൽ കർക്കിടകത്തിലെ അതിന്റെ ഉയർന്ന സ്ഥാനം നിങ്ങൾക്ക് ജീവിതത്തിൽ സന്തോഷം കൊണ്ടുവരും. സാമ്പത്തിക സ്ഥിരത കൈവരിക്കാൻ സാധിക്കും. പുതിയ വരുമാന സ്രോതസ്സുകൾ തുറന്നുവരും. പുതിയ നിക്ഷേപങ്ങളിൽ ഗണ്യമായ ലാഭം നേടി തരും. കുടുംബത്തിൽ സന്തോഷവും സമാധാനവും ഉണ്ടാകും. ദാമ്പത്യ ജീവിതവും പ്രണയ ജീവിതവും നല്ലതായിരിക്കും.(ശ്രദ്ധിക്കുക: ഇവിടെ നൽകിയിരിക്കുന്ന വിവരങ്ങൾ പൊതുവായ വിശ്വാസങ്ങളുടെയും ജ്യോതിഷഫലത്തിന്റെയും അടിസ്ഥാനത്തിലാണ്. TV9 മലയാളം ഇവ സ്ഥിരീകരിക്കുന്നില്ല.)

നമ്മുടെ വീട്ടിൽ തന്നെ കിട്ടുന്ന ഒന്നാണ് കുരുമുളക്. എന്നാൽ എല്ലാ വീടുകളിലും ഉണ്ടാവണമെന്നുമില്ല. ഈ സാഹചര്യത്തിൽ കടകളിൽ നിന്ന് വാങ്ങിയാണ് പലരും കുരുമുളക് ഉപയോ​ഗിക്കുന്നത്. കൂടുതൽ ആളുകളും വാങ്ങുന്നത് കുരുമുളക് പൊടിയാണ്. എന്നാൽ വിപണിയിൽ കിട്ടുന്ന എല്ലാ കുരുമുളക് പൊടിയും നമുക്ക് വിശ്വസിക്കാൻ കഴിയുമോ? (Image Credit Source: Getty Images)

നിങ്ങൾ ഉപയോഗിക്കുന്ന കുരുമുളക് പൊടി ശുദ്ധമാണോ എന്ന് പരിശോധിക്കാൻ ചില പൊടികൈകൾ ഉണ്ട്. ഇത് പരീക്ഷിച്ച ശേഷം മാത്രം ഇനി മുതൽ കുരുമുളക് പൊടി ഉപയോ​ഗിച്ചോളൂ. ആദ്യം ചെയ്യേണ്ടത് ഒരു ഗ്ലാസ് വെള്ളമെടുത്ത് അതിലേക്ക് ഒരു സ്പൂൺ കുരുമുളക് പൊടി ഇടുക. നല്ല കുരുമുളക് പൊടിാണെങ്കിൽ അത് ഗ്ലാസിൻ്റെ അടിയിലേക്ക് താഴ്ന്നു നിൽക്കും. മറ്റ് കൃതൃമ വസ്തുക്കളാണെങ്കിൽ വെള്ളത്തിന് മുകളിൽ പൊങ്ങിക്കിടക്കും.

ഒറിജിനൽ കുരുമുളക് പൊടിക്ക് തുളച്ചുകയറുന്ന തീക്ഷ്ണമായ ഗന്ധവും നല്ല എരിവും ഉണ്ടാകും. കൃത്രിമമായി ഉണ്ടാക്കുന്നവയ്ക്ക് തീക്ഷ്ണമായ ഗന്ധം കുറവായിരിക്കും, കൂടാതെ എരിവും കുറവായിരിക്കും. സാധാരണ പൊടിയാണെങ്കിൽ അല്പം ചേർത്താൽ തന്നെ എരിവ് ആവശ്യത്തിന് ലഭിക്കും. കൃതൃമമായവ എത്ര ചേർത്താലും എരിവ് ഉണ്ടാകണമെന്നില്ല.

വിപണിയിൽ നിന്ന് കുരുമുളക് പൊടി വാങ്ങുന്നതിന് പകരം, കുരുമുളക് വാങ്ങി കഴുകി ഉണക്കി വീട്ടിൽ തന്നെ പൊടിച്ചെടുക്കുന്നതാണ് ഏറ്റവും സുരക്ഷിതമായ മാർ​ഗം. ഇത് രുചിക്കൊപ്പെ നിങ്ങളുടെ ആരോഗ്യവും സംരക്ഷിക്കുന്നു. അതുപോലെ വീട്ടിൽ നട്ടുവളർത്താൻ സാധിക്കുന്നതിനാൽ കുരുമുളക് കൃഷി ചെയ്യുന്നതും നല്ലതാണ്. കൂടാതെ സ്ഥലപരിമിധിയുള്ളവർക്ക് പോലും കൃഷി ചെയ്യാൻ കഴിയുന്ന കുരുമുളക് ചെടികൾ ലഭ്യമാണ്.

ഇനി ഒന്നായി വാങ്ങുന്ന കുരുമുളക് വ്യാജമാണോന്ന് അറിയാൻ, സ്വൽപം കുരുമുളക് എടുത്ത് ഒരു മേശയുടെ മുകളിൽ വയ്ക്കുക. അതിനുശേഷം കൈയുടെ തള്ളവിരൽ ഉപയോഗിച്ച് ഇത് പൊടിച്ച് നോക്കുക. യഥാർത്ഥ കുരുമുളകാണെങ്കിൽ അത്ര വേഗം പൊടിഞ്ഞുകിട്ടില്ല. എന്നാൽ, കൃതൃമ വസ്തുക്കളോ മറ്റെന്തെങ്കിലുമോ ആണെങ്കിൽ എളുപ്പത്തിൽ പൊടിഞ്ഞുപോകും.

മലയാളിയുടെ ഊൺമേശയിൽ മീൻകറിയായാലും സാമ്പാറായാലും പുളിരസമില്ലാത്ത വിഭവങ്ങൾ കുറവാണ്. രുചി വർദ്ധിപ്പിക്കാൻ നാം പ്രധാനമായും ആശ്രയിക്കുന്നത് വാളൻപുളിയെയും കുടംപുളിയെയും ആണ്. എന്നാൽ രുചിക്കപ്പുറം ഇവയുടെ ആരോഗ്യപരമായ പ്രത്യേകതകളും പാർശ്വഫലങ്ങളും അറിഞ്ഞിരിക്കേണ്ടത് അത്യാവശ്യമാണ്. വടക്കൻ കേരളത്തിൽ ഏറെ പ്രചാരമുള്ള വാളൻപുളി പോഷകങ്ങളുടെ കലവറയാണ്. (Image Credit Source: getty images)

ഇതിലെ ഭക്ഷ്യനാരുകൾ ചീത്ത കൊളസ്ട്രോളായ എൽ.ഡി.എൽ കുറയ്ക്കാൻ സഹായിക്കുന്നു. ദഹനസംബന്ധമായ പ്രശ്നങ്ങളുള്ളവർക്ക് വാളൻപുളി ചേർത്ത വിഭവങ്ങൾ ഗുണകരമാണ്. പോളിഫിനോളുകൾ അടങ്ങിയിട്ടുള്ളതിനാൽ ഗ്ലൂക്കോസ് അളവ് പെട്ടെന്ന് ഉയരുന്നത് തടയാൻ ഇത് സഹായിക്കും. പക്ഷെ ഇതിനൊപ്പം ചില കാര്യങ്ങൾ ശ്രദ്ധിക്കുക കൂടിവേണം. അതിൽ പ്രധാനമാണ് പല്ലുകളുടെ ആരോ​ഗ്യം. പുളിയുടെ അമിതമായ അസിഡിക് സ്വഭാവം പല്ലിന്റെ ഇനാമലിനെ നശിപ്പിച്ചേക്കാം. കൂടാതെ ആന്റിബയോട്ടിക്കുകൾ, ആസ്പിരിൻ തുടങ്ങിയ മരുന്നുകൾ കഴിക്കുന്നവർ വാളൻപുളിയുടെ ഉപയോഗം പരിമിതപ്പെടുത്തണം. തെക്കൻ കേരളത്തിലെ മീൻകറികളിലെ അവിഭാജ്യ ഘടകമാണ് കുടംപുളി . ഇതിന് ഔഷധഗുണങ്ങൾ ഏറെയാണ്.

മലബന്ധം, വയറിളക്കം എന്നിവ തടയാനും കുടലിലെ വ്രണങ്ങൾ സുഖപ്പെടുത്താനും കുടംപുളി ഉത്തമമാണ്. വായിലെ അൾസർ ചെറുക്കാൻ ഇതിലെ ഘടകങ്ങൾ സഹായിക്കും. കൊളസ്‌ട്രോളോ പൂരിത കൊഴുപ്പോ ഇല്ലാത്തതിനാൽ ഹൃദയാരോഗ്യത്തിന് ഇത് മികച്ചതാണ്. എന്നാൽ കുടംപുളിയുടെ അമിതോപയോഗം ശരീരഭാരം അമിതമായി കുറയാൻ കാരണമായേക്കാം. ചില കുട്ടികളിൽ കുടംപുളി ഛർദിക്കും വയറിളക്കത്തിനും കാരണമാകാറുണ്ട്.

രണ്ട് പുളികൾക്കും അവരുടേതായ ഗുണങ്ങളുണ്ട്. സാമ്പാർ, രസം എന്നിവയ്ക്ക് വാളൻപുളിയും മീൻകറിക്ക് കുടംപുളിയുമാണ് സാധാരണ ഉപയോഗിക്കുന്നത്. ആരോഗ്യവശം നോക്കുകയാണെങ്കിൽ, ദഹനപ്രശ്നങ്ങളുള്ളവർക്ക് കുടംപുളി കൂടുതൽ ഗുണം ചെയ്യും. എന്നാൽ പ്രമേഹരോഗികൾക്ക് രക്തത്തിലെ ഗ്ലൂക്കോസ് നിയന്ത്രിക്കാൻ വാളൻപുളി സഹായിക്കും. രുചിക്കായി പുളി ചേർക്കുമ്പോൾ അളവ് മിതമാക്കാൻ ശ്രദ്ധിക്കുക. അമിതമായാൽ അമൃതും വിഷം എന്നതുപോലെ പുളിയുടെ അമിതോപയോഗം ആരോഗ്യപ്രശ്നങ്ങൾക്ക് വഴിവെച്ചേക്കാം. വാളൻപുളി പഴുത്തു പാകമാകുമ്പോൾ തോട് നീക്കം ചെയ്ത് വെയിലത്ത് വെച്ച് നന്നായി ഉണക്കുന്നു. കേടാകാതിരിക്കാൻ ഉണങ്ങിയ പുളിയിൽ ഉപ്പ് പുരട്ടി വെക്കാറുണ്ട്. ഇത് പുളി കൂടുതൽ കാലം മൃദുവായും കേടാകാതെയും ഇരിക്കാൻ സഹായിക്കും. വാളൻപുളി സൂക്ഷിക്കുമ്പോൾ അതിനുള്ളിലെ വിത്തുകൾ നീക്കം ചെയ്യുന്നത് പുളി കേടാകാതിരിക്കാൻ സഹായിക്കും. വിത്തിരുന്നാൽ പുളി വേഗത്തിൽ കറുത്തുപോകാനും പുഴുക്കൾ വരാനും സാധ്യതയുണ്ട്.

കുടംപുളി ഉണക്കുന്നത് അല്പം സങ്കീർണ്ണമായ പ്രക്രിയയാണ്. പഴത്തിന്റെ തൊലി വേർപെടുത്തി വെയിലത്ത് ഉണക്കിയ ശേഷം പ്രത്യേക പുകപ്പുരകളിൽ വെച്ച് പുകയിട്ടാണ് ഉണക്കുന്നത്. ഈ പുകയേൽക്കുന്നത് കൊണ്ടാണ് ഇതിന് കറുപ്പ് നിറം ലഭിക്കുന്നത്. പുകയിട്ട് ഉണങ്ങിയ കുടംപുളി കൂടുതൽ കാലം ഇരിക്കാൻ ഉപ്പും വെളിച്ചെണ്ണയും പുരട്ടി സൂക്ഷിക്കാറുണ്ട്. ഇത് പുളിക്ക് തിളക്കം നൽകുകയും ഈർപ്പം തട്ടാതെ സംരക്ഷിക്കുകയും ചെയ്യുന്നു. കുടംപുളി ശരിയായ രീതിയിൽ ഉണക്കി സൂക്ഷിച്ചാൽ വർഷങ്ങളോളം കേടുകൂടാതെ ഇരിക്കും. പഴയ പുളിക്കാണ് ഔഷധഗുണം കൂടുതലായി കരുതപ്പെടുന്നത്.

ബെംഗളൂരു യാത്രക്കാര്‍ക്ക് സന്തോഷവാര്‍ത്തയുമായി ബെംഗളൂരു മെട്രോ റെയില്‍ കോര്‍പ്പറേഷന്‍ ലിമിറ്റഡ് (ബിഎംആര്‍സിഎല്‍). ഏകീകൃത മൊബിലിറ്റി കാര്‍ഡ് ഉപയോഗിച്ച് ഇനി മുതല്‍ മെട്രോയിലും ബിഎംടിസി ബസുകളിലും സഞ്ചരിക്കാന്‍ സാധിക്കും. യാത്രക്കാര്‍ക്ക് വലിയ ആശ്വാസമാകുന്ന പ്രഖ്യാപനമാണ് അധികൃതര്‍ നടത്തിയിരിക്കുന്നത്. (Image Credit Source: PTI and Getty Images)

ജൂണ്‍ മാസത്തോടെ ബെംഗളൂരു മെട്രോപൊളിറ്റന്‍ ട്രാന്‍സ്‌പോര്‍ട്ട് കോര്‍പ്പറേഷന്‍ (ബിഎംടിസി) എല്ലാ നാഷണല്‍ കോമണ്‍ മൊബിലിറ്റി കാര്‍ഡുകളും സ്വീകരിക്കുന്നതാണ്. ഇതില്‍ നമ്മ മെട്രോയുടെ ആര്‍ബിഎല്‍ ബാങ്കിന്റെ കാര്‍ഡും ഉള്‍പ്പെടുന്നുണ്ട്. ഇതിനായി എല്ലായിടത്തും പുതിയ ഇലക്ട്രോണിക് ടിക്കറ്റിങ് മെഷീനുകള്‍ വിന്യസിക്കാനാണ് നീക്കം.

മുംബൈ ആസ്ഥാനമായുള്ള മൊബിലിറ്റി സ്റ്റാര്‍ട്ടപ്പായ ചലോ ആണ് എന്‍സിഎംസി ഇടപാടുകള്‍ സ്വീകരിക്കുന്നതിനായി 11,000 അഡ്വാന്‍സ്ഡ് ഇടിഎമ്മുകള്‍ വിതരണം ചെയ്യുന്നത്. ഇതിന്റെ നടത്തിപ്പും പ്രസ്തുത കമ്പനിക്ക് തന്നെയായിരിക്കും. ഇതോടൊപ്പം ഏകദേശം 30 കോടി രൂപ വിലമതിക്കുന്ന ടിക്കറ്റിങ് സോഫ്‌റ്റ്വെയറും ബാക്കെന്‍ഡ് സിസ്റ്റവും വിതരണം ചെയ്യും.

എന്നാല്‍ അടുത്ത കുറച്ച് വര്‍ഷത്തിനുള്ളില്‍ മെഷീനുകളുടെ ആവശ്യകത ഏകദേശം 15,000 ആയിട്ട് ഉയരുമെന്നാണ് ബിഎംടിസിയുടെ പ്രതീക്ഷ. യശ്വന്ത്പൂര്‍, സുഭാഷ്‌നഗര്‍ എന്നിവയുള്‍പ്പെടെ രണ്ട് ഡിപ്പോകളിലായി 400 ഇടിഎമ്മുകള്‍ ഇതിനോടകം വിന്യസിച്ചിട്ടുണ്ട്. ബനശങ്കരി, കെങ്കേരി, ചിക്കനാഗമംഗല, കോറമംഗല, ശിവന്‍പുര തുടങ്ങിയ ഡിപ്പോകളില്‍ 1,400 മെഷീനുകളും വിന്യസിക്കുന്നുണ്ട്.

ഏപ്രില്‍ അവസാനത്തോടെ എല്ലായിടത്തും മെഷീനുകളും സ്ഥാപിക്കും. പുതിയ സംവിധാനം തട്ടിപ്പ് തടയാനും സുതാര്യമായ പ്രവര്‍ത്തനത്തിനും സഹായിക്കുമെന്നാണ് പ്രതീക്ഷ. റീട്ടെയ്ല്‍ പേയ്‌മെന്റുകള്‍, പാര്‍ക്കിങ്, ടോളുകള്‍ എന്നിവയ്ക്കും ഈ കാര്‍ഡ് ഉപയോഗിക്കാം. മാത്രമല്ല, മറ്റ് ഗതാഗത രീതികളിലേക്ക് ചേര്‍ക്കാനും സാധിക്കുന്നതാണ്.

മലയാള സിനിമയിൽ അഭിനയം കൊണ്ടും നിലപാടു കൊണ്ടും കരുത്തുറ്റ നടിമാരിൽ ഒരാളാണ് പാർവതി തിരുവോത്ത്. അസാമാന്യമായ അഭിനയ ശൈലിയും ആർക്കും തകർക്കാൻ സാധിക്കാത്ത നിലപാടുകളുമാണ് പാർവതി തിരുവോത്തിനെ എന്നും മറ്റുള്ള അഭിനേത്രികളിൽ നിന്നും വേറിട്ടു നിർത്തുന്നത്. കഥാപാത്രത്തിന്റെ ആഴം അറിഞ്ഞു അഭിനയിക്കുന്ന ശൈലിയാണ് താരത്തിന്റെത്. അതിനാൽ തന്നെ ചെയ്തു വെച്ച കഥാപാത്രങ്ങളെല്ലാം അത്ര പെട്ടെന്ന് മലയാളി മനസ്സിൽ നിന്നും മായില്ല. എന്നു നിന്റെ മൊയ്തീനിലെ കാഞ്ചനമാലയും ടേക്ക് ഓഫിലെ സമീറയും ഉയരയിലെ പല്ലവിയും എല്ലാം പാർവതിയുടെ അഭിനയമികവ് വിളിച്ചോതുന്ന കഥാപാത്രങ്ങളാണ്.(PHOTO CREDIT SOURCE: INSTAGRAM)

മികച്ച നടിച്ചുള്ള സംസ്ഥാന അവാർഡ് രണ്ടുതവണയാണ് പാർവതിയെ തേടി എത്തിയത്. സിനിമജീവിതത്തിനു പുറത്തും വ്യക്തമായ നിരീക്ഷണവും നിലപാടുമുള്ള പാർവതി ഇപ്പോൾ മലയാള സിനിമയുടെ ഇതിഹാസ നടന്മാരായ മമ്മൂട്ടിയെയും മോഹൻലാലിനെയും കുറിച്ച് പറഞ്ഞ കാര്യങ്ങളാണ് ശ്രദ്ധേയമാകുന്നത്. തന്റെ സഹപ്രവർത്തകരെ തുല്യരായി കാണുന്ന വ്യക്തിയാണ് നടൻ മമ്മൂട്ടി എന്നാണ് പറയുന്നത് . മമ്മൂട്ടി എത്തിക്കഴിഞ്ഞാൽ സെറ്റിൽ എല്ലാവരും നിശബ്ദരാകും എന്നുള്ളത് സത്യമാണ് എന്നിരുന്നാലും അദ്ദേഹത്തിന് എല്ലാവരെയും തുല്യരായി കാണുന്ന രീതിയാണെന്ന് പാർവതി പറയുന്നു.

അതേസമയം മോഹൻലാലിന്റെ അഭിനയം നമ്മെ അത്ഭുതപ്പെടുത്തും. അഭിനയിക്കുമ്പോൾ അദ്ദേഹം കാണിക്കുന്ന മനസ്സാന്നിധ്യം നമ്മൾ നിരീക്ഷിച്ചു പോകുമെന്നും വളരെ അത്ഭുതമാണ് അത് കാണുമ്പോൾ തോന്നുക എന്നും പാർവതി തിരുവോത്ത് പറയുന്നു.മമ്മൂട്ടിയുടെയും മോഹൻലാലിന്റേയും അഭിനയം കണ്ടാണ് ഒരു അഭിനേതാവ് എങ്ങനെയാകണം എന്ന് താൻ പഠിച്ചത്. പെട്ടെന്ന് തന്നെ കഥാപാത്രങ്ങളായി മാറുന്ന ഒരു രീതിയാണ് അവർക്ക്. ആ അഭിനയം കണ്ടു മനസ്സിലാക്കിയിപ്പോൾ തനിക്കും ഇപ്പോൾ അതിന് സാധിക്കാറുണ്ട്. അഭിനയത്തിൽ തനിക്ക് ബുദ്ധിപൂർവ്വം മുന്നോട്ടു നീങ്ങാനും തനിക്കൊപ്പം ഉള്ളവരെ തുല്യരായി കാണുവാനും തനിക്ക് സാധിക്കുന്നുണ്ട് എന്നും പാർവതി തിരുവോത്ത് പറയുന്നു.

നല്ല മനുഷ്യർ ആയതുകൊണ്ട് കൂടിയാണ് ഇവരെ നമ്മൾ മഹാനടന്മാർ എന്ന് വിശേഷിപ്പിക്കുന്നത്. അല്ലാതെ ബോക്സ് ഓഫീസിൽ ഇവരുടെ സിനിമയുടെ വിജയവും ഒന്നും കണക്കിലെടുത്തല്ല. യഥാർത്ഥ ജീവിതത്തിൽ ഇവർ ഒരു മോശം വ്യക്തികൾ ആയിരുന്നെങ്കിൽ അത്തരം വിജയങ്ങളിൽ ഒന്നും ഒരു പ്രസക്തിയുമില്ല. അവരുടെ സെറ്റ് കൂടുതൽ മെച്ചപ്പെട്ട ഇടങ്ങളാക്കി തീർക്കുന്നത് കൊണ്ടാണ് ഈ നടന്മാർ ഇതിഹാസങ്ങളായി മാറുന്നത് എന്ന് പാർവതി അഭിപ്രായപ്പെട്ടു.

2006ലെ ഔട്ട് ഓഫ് സിലബസ് എന്ന സിനിമയിലൂടെയാണ് പാർവതി തിരുപ്പൂർ സിനിമയിൽ എത്തുന്നത്.നോട്ട്ബുക്ക്, സിറ്റി ഓഫ് ഗോഡ്, മരിയാൻ (തമിഴ്), ബാംഗ്ലൂർ ഡേയ്സ്, എന്ന് നിന്റെ മൊയ്തീൻ, ചാർലി, ടേക്ക് ഓഫ്, ഉയരെ, വൈറസ് എന്നീ സിനിമകളിൽ ശ്രദ്ധേയമായ കഥാപാത്രങ്ങളുമായി പാർവതി എത്തി. ശക്തമായ കഥാപാത്രങ്ങൾ പോലെ തന്നെ ശക്തമായ ക്യാരറ്ററും കൂടി ജീവിതത്തിൽ നിലനിർത്തുന്ന ഒരു വ്യക്തിയാണ് പാർവതി.

ഏപ്രിൽ മാസം അവസാനിക്കുകയാണ്. മെയ് മാസം തുടങ്ങുവാൻ ചുരുങ്ങിയ ദിവസങ്ങൾ കൂടി മാത്രം. ഓരോ വ്യക്തികളെ സംബന്ധിച്ച് ഓരോ ദിവസവും ഓരോ മാസവും പ്രതീക്ഷയുള്ളതാണ്. ഇന്നത്തെ ദിവസം നല്ലതായില്ലെങ്കിലും അടുത്തദിവസം നല്ലതാകും എന്ന പ്രതീക്ഷയോടെയാണ് പലരും ജീവിക്കുന്നത്. അതുപോലെ മാസം അവസാനമാകുമ്പോൾ ഈ മാസം ഉണ്ടായിട്ടുള്ള ദുരിതങ്ങൾ ഒന്നും അടുത്ത മാസം ഉണ്ടാകില്ല എന്ന പ്രതീക്ഷയും പലരെയും മുന്നോട്ട് ജീവിക്കാനായി കരുത്ത് നൽകുന്നു. ഇനി വരാനിരിക്കുന്ന മാസത്തിൽ എന്തെല്ലാം നല്ല കാര്യങ്ങൾ സംഭവിക്കും സന്തോഷമാണോ ദുഃഖമാണോ എന്നൊക്കെയുള്ള ഒരു ആകാംക്ഷ എല്ലാവരിലും ഉണ്ടാകും. എന്നാൽ ജ്യോതിഷവീക്ഷ കോണിൽ മെയ് മാസം പല പ്രധാനപ്പെട്ട ഗ്രഹങ്ങളുടെ സംക്രമണത്തിനും സംയോജനത്തിനും കാരണമാകുന്ന ഒരു മാസമാണ്.ഈ മാസം, സൂര്യൻ, ചൊവ്വ, ബുധൻ തുടങ്ങിയ പ്രധാന ഗ്രഹങ്ങൾ അവരുടെ രാശിചിഹ്നങ്ങളും നക്ഷത്രരാശികളും മാറ്റിക്കൊണ്ടിരിക്കുന്നു. ഗ്രഹങ്ങളുടെ ഈ മാറ്റങ്ങൾ 12 രാശികളുടെയും ജീവിതത്തിൽ ശക്തമായി തന്നെയുള്ള മാറ്റങ്ങൾക്ക് കാരണമാകും. ആ രാശികൾ ആരൊക്കെ എന്ന് നോക്കാം. (Image Credit Source: TV9 NETWORK)

മേടം: മേടം രാശിക്കാർക്ക് കരിയറിൽ വലിയ വിജയം ഉണ്ടാകും. പ്രധാന ഗ്രഹങ്ങളുടെ സംക്രമണം നിങ്ങൾക്ക് സന്തോഷവും സമാധാനവും ജീവിതത്തില്‍ പുരോഗതിയും സാമ്പത്തിക സ്ഥിരതയും കൊണ്ടുവരും. ക്ഷമയോടെ ചിന്തിച്ചു കാര്യങ്ങൾ ചെയ്താൽ എല്ലാം നിങ്ങൾക്ക് അനുകൂലമായി വരും. ബിസിനസുകാരെ സംബന്ധിച്ച് ഇത് മികച്ച സമയമാണ്. ഈ കാലയളവിൽ എടുക്കുന്ന തീരുമാനങ്ങളെല്ലാം നല്ല ലാഭം കൊണ്ടുവരാൻ സഹായിക്കും. എന്നിരുന്നാലും ആരെയും കണ്ണടച്ചു വിശ്വസിക്കരുത്. മറ്റുള്ള ആളുകളുടെ കാര്യങ്ങളിൽ അനാവശ്യമായി ഇടപെടാൻ പോകരുത്. എന്നിരുന്നാലും എല്ലാവരോടും കരുണയോടെ പെരുമാറാൻ ശ്രമിക്കുക.

ചിങ്ങം : ചിങ്ങം രാശിയുടെ അധിപൻ സൂര്യനാണ്. മെയ് മാസം ആരംഭിക്കുന്നതോടെ നിങ്ങളുടെ ആത്മവിശ്വാസം വർധിക്കും. സമൂഹത്തിൽ ആദരവ് ഉണ്ടാകും. സാമ്പത്തിക സ്ഥിരത കൈവരിക്കും. സമ്പത്തിനുള്ള പുതിയ വഴികൾ തുറന്നുവരും. ജീവിതത്തിൽ സന്തോഷവും സമാധാനവും ഉണ്ടാവും. എന്നിരുന്നാലും ക്ഷമയോടെ ചിന്തിച്ചു മാത്രം ജീവിതത്തിലെ പ്രധാനപ്പെട്ട തീരുമാനങ്ങൾ എടുക്കുക. എടുത്തുചാട്ടം ഒഴിവാക്കുക. ക്ഷമയോടെ ചിന്തിച്ച് കാര്യങ്ങൾ ചെയ്താൽ എല്ലാം നിങ്ങൾക്ക് അനുകൂലമായി വരും.

കന്നി : ഈ രാശിക്കാർക്ക് മെയ് മാസത്തിൽ ചിന്തിക്കാനുള്ള കഴിവ് വർദ്ധിക്കും. ഇത് നിങ്ങളുടെ ജീവിതത്തിൽ വലിയ സൗഭാഗ്യങ്ങൾക്കും നേട്ടങ്ങൾക്കും ഉള്ള വഴി തുറക്കും. എടുത്ത് ചാട്ടം ഇല്ലാതെ ക്ഷമയോടെ ചിന്തിച്ചു കാര്യങ്ങൾ ചെയ്താൽ എല്ലാം അനുകൂലമായി വരും. പ്രത്യേകിച്ച് വിദ്യാർത്ഥികളെ സംബന്ധിച്ച് വരാനിരിക്കുന്ന മാസം പല നേട്ടങ്ങൾക്കും ഉള്ള വഴി തുറക്കും. നിങ്ങളുടെ കഠിന പ്രയത്നത്തിന് ഫലം ഉണ്ടാകും. എന്നിരുന്നാലും ആരോഗ്യത്തിലും ദിനചര്യയിലും നല്ല ശ്രദ്ധ വേണം.

ധനു: മെയ് മാസം നിങ്ങളുടെ ജീവിതത്തിൽ പല സുവർണാവസരങ്ങളും കൊണ്ടുവരും. നിങ്ങളുടെ ജീവിതത്തിൽ നേരിടുന്ന എല്ലാ തടസ്സങ്ങൾക്കും ഈ മാസം മാറ്റമുണ്ടാകും. ജീവിതത്തിൽ പുതിയ പല നേട്ടങ്ങൾക്കും കാരണമാകും. ക്ഷമയോടെ ചിന്തിച്ചു കാര്യം ചെയ്താൽ എല്ലാ കാര്യങ്ങളും നിങ്ങളുടെ ആഗ്രഹപ്രകാരം നടക്കും. നിങ്ങളുടെ കഠിന പ്രയത്നത്തിന് ഫലം ഉണ്ടാകും.

നാടെങ്ങും അസഹനീയമായ ചൂടുള്ള കാലാവസ്ഥയിലൂടെയാണ് കടന്നുപോകുന്നത്. പൊതുജനങ്ങൾ വളരെയധികം ജാ​ഗ്രത പാലിക്കേണ്ട സമയമാണിത്. കാരണം കടുത്ത ചൂട് ​ഗുരുതരമായ ആരോ​ഗ്യ പ്രശ്നങ്ങൾക്ക് കാരണമായേക്കാം. വേനൽച്ചൂട് കടുക്കുന്ന ഈ സമയത്ത് നിർജ്ജലീകരണം വരാതെ നോക്കേണ്ടത് വളരെ പ്രധാനമാണ്. (Image Credit Source: Getty Images)

നിർജ്ജലീകരണം തടയാനും ഊർജ്ജം വീണ്ടെടുക്കാനും ദിവസവും കഞ്ഞിവെള്ളി കുടിക്കുന്നതിൻ്റെ ​ഗുണം നിങ്ങൾക്കറിയാമോ? ദിവസവും ചോറ് കഴിക്കുന്ന നമുക്ക് എന്തുകൊണ്ട് ആ കഞ്ഞിവെള്ളം കുടിക്കുന്നത് ഒരു ശീലമാക്കികൂടാ. ദിവസവും കഞ്ഞിവെള്ളി കുടിച്ചാൽ എന്താണ് ശരീരത്തിന് സംഭവിക്കുന്നതെന്ന് വിശദമായി പരിശോധിക്കാം.

കഞ്ഞിവെള്ളത്തിൽ അടങ്ങിയിരിക്കുന്ന അന്നജം ശരീരത്തിന് പെട്ടെന്ന് ഊർജ്ജം നൽകാൻ സഹായിക്കുന്ന ഘടകമാണഅ. വെയിലത്ത് പോയി വരുമ്പോഴുണ്ടാകുന്ന ക്ഷീണം മാറ്റാൻ മറ്റേത് പാനീയങ്ങളെക്കാളും ഉപ്പിട്ട കഞ്ഞിവെള്ളം തന്നെയാണ് മികച്ചത്. ചൂടുകാലത്ത് വിയർപ്പിലൂടെ ശരീരത്തിലെ ജലാംശവും ലവണങ്ങളും നഷ്ടപ്പെടാറുണ്ട്. കഞ്ഞിവെള്ളം കുടിക്കുന്നത് ഇലക്ട്രോലൈറ്റ് ബാലൻസ് നിലനിർത്തി നിർജ്ജലീകരണം തടയുന്നു.

ചൂട് കാലത്ത് ഭക്ഷണം കഴിക്കുമ്പോൾ ദഹനപ്രശ്നങ്ങൾ, വയറിളക്കം, മലബന്ധം എന്നിവ ഉണ്ടാകാറുണ്ട്. എന്നാൽ ഇത്തരം പ്രശ്നങ്ങൾ ഒഴിവാക്കുന്നതിന് കഞ്ഞിവെള്ളം മികച്ചൊരു പ്രതിവിധിയാണ്. ഇതിലെ പ്രോബയോട്ടിക് ഗുണങ്ങൾ കുടലിലെ നല്ല ബാക്ടീരിയകളുടെ വളർച്ചയെ സഹായിക്കുകയും അതിലൂടെ വയറിനുണ്ടാകുന്ന അസ്വസ്ഥതകൾ കുറയ്ക്കുകയും ചെയ്യുന്നു.

വൈറ്റമിൻ ബിയും മിനറലുകളും ധാരാളമുള്ളതിനാൽ കഞ്ഞിവെള്ളം പതിവായി കുടിക്കുന്നത് ചർമ്മത്തിൻ്റെ ആരോ​ഗ്യത്തിനും തിളക്കം നൽകാനും അകാല നര തടഞ്ഞ് മുടിക്ക് കരുത്ത് നൽകാനും സഹായിക്കും. കഞ്ഞിവെള്ളം കുടിക്കുമ്പോൾ അല്പം ഉപ്പും ചേർക്കുന്നത് നല്ലതാണ്. എന്നാൽ രക്തസമർദ്ദം കൂടുതലുള്ളവർ ഉപ്പ് ചേർക്കുമ്പോൾ വളരെയധികം ശ്രദ്ധിക്കണം.

രാവിലെ ഇഡലിയോ ദോശയോ കഴിക്കുന്നത് മലയാളിയുടെ ശീലത്തിന്റെ ഭാ​ഗമാണ്. ചിലർക്ക് തൈരും രാവിലെ കഴിക്കുന്ന ശീലമുണ്ടാകാം. പക്ഷെ എല്ലാവർക്കും ഇത് നല്ലതാണോ? പ്രഭാതഭക്ഷണത്തിൽ പുളിപ്പിച്ച ഭക്ഷണങ്ങൾ ഉൾപ്പെടുത്തുന്നത് കുടലിന്റെ ആരോഗ്യത്തിനും പ്രതിരോധശേഷി വർദ്ധിപ്പിക്കാനും ഏറെ ഗുണകരമാണെന്ന് ആരോഗ്യ വിദഗ്ധർ പറയുന്നു. തുടർച്ചയായി രണ്ടാഴ്ച ഇത്തരം ഭക്ഷണങ്ങൾ പ്രഭാതഭക്ഷണത്തിന്റെ ഭാഗമാക്കുന്നത് ശരീരത്തിന് വലിയ മാറ്റങ്ങൾ നൽകുമെന്നാണ് കണ്ടെത്തൽ. എന്നാൽ ഇവ തയ്യാറാക്കുന്നതിലും കഴിക്കുന്നതിലും അശ്രദ്ധ കാണിച്ചാൽ ഗുണത്തേക്കാളേറെ ദോഷം ചെയ്യുമെന്നും വിദഗ്ധർ മുന്നറിയിപ്പ് നൽകുന്നു. (Image Credit Source: getty images)

പുളിപ്പിച്ച ഭക്ഷണങ്ങൾ പ്രോബയോട്ടിക്സുകളുടെ സമ്പന്നമായ ഉറവിടമാണ്. ഇവ കുടലിലെ നല്ല ബാക്ടീരിയകളുടെ അളവ് വർദ്ധിപ്പിക്കുന്നതിലൂടെ ദഹനപ്രക്രിയ സുഗമമാക്കുന്നു. ഭക്ഷണത്തിലെ പോഷകങ്ങൾ ശരീരം വേഗത്തിൽ ആഗിരണം ചെയ്യാൻ ഇത് സഹായിക്കുന്നു. കൂടാതെ ശരീരത്തിന്റെ സ്വാഭാവിക പ്രതിരോധ സംവിധാനത്തെ ശക്തിപ്പെടുത്തുന്നു. നമ്മുടെ തനത് വിഭവങ്ങളായ ഇഡ്ഡലി, ദോശ എന്നിവ അരിയും ഉഴുന്നും പുളിപ്പിച്ചുണ്ടാക്കുന്നതിനാൽ കുടലിന്റെ ആരോഗ്യത്തിന് ഉത്തമമാണ്. കൂടാതെ തൈര് അല്ലെങ്കിൽ കെഫീർ പഴങ്ങൾക്കോ നട്സിനോ ഒപ്പം കഴിക്കാം.

ജാപ്പനീസ് വിഭവമായ മിസോ സൂപ്പ് കുടലിന്റെ ആരോഗ്യം വർദ്ധിപ്പിക്കാൻ സഹായിക്കും. സോവർക്രാട്ട് അധവാ പുളിപ്പിച്ച കാബേജ് ചെറിയ അളവിൽ ഭക്ഷണത്തിൽ ചേർക്കുന്നത് രുചിയും ആരോഗ്യവും നൽകും. പക്ഷെ ചില കാര്യങ്ങൽ ശ്രദ്ധിക്കണം. പുളിപ്പിച്ച ഭക്ഷണങ്ങൾ എല്ലായ്പ്പോഴും ഗുണകരമാകണമെന്നില്ല. ചില അപകടസാധ്യതകൾ ഉണ്ട്. മിസോ, സോവർക്രാട്ട് തുടങ്ങിയവയിൽ ഉപ്പിന്റെ അളവ് കൂടുതലായതിനാൽ രക്തസമ്മർദ്ദമുള്ളവർ ശ്രദ്ധിക്കണം.

ആദ്യമായി പ്രോബയോട്ടിക്സ് കഴിക്കുന്നവർക്ക് വയർ വീർക്കുന്നതോ ഗ്യാസോ അനുഭവപ്പെട്ടേക്കാം. വൃത്തിഹീനമായ സാഹചര്യത്തിൽ ഭക്ഷണം പുളിപ്പിക്കുന്നത് ഭക്ഷ്യവിഷബാധയ്ക്ക് കാരണമാകും. പാൽ ഉൽപ്പന്നങ്ങളോട് അലർജിയുള്ളവർ തൈര് പോലുള്ളവ ഒഴിവാക്കണം. മിതമായ അളവിൽ കഴിക്കുന്നതും സുരക്ഷിതമായ രീതിയിൽ തയ്യാറാക്കിയ ഭക്ഷണങ്ങൾ തിരഞ്ഞെടുക്കുന്നതുമാണ് ആരോഗ്യത്തിന് ഏറ്റവും അനുയോജ്യമെന്നും വിദഗ്ധർ ചൂണ്ടിക്കാട്ടുന്നു. മലയാളികളുടെ പ്രിയപ്പെട്ട വിഭവങ്ങളായ ഇഡ്ഡലിയും ദോശയും ലോകത്തിലെ തന്നെ ഏറ്റവും മികച്ച ആരോഗ്യകരമായ ഭക്ഷണങ്ങളിൽ ഒന്നായാണ് കണക്കാക്കപ്പെടുന്നത്.

അരിയും ഉഴുന്നും അരച്ച് പുളിപ്പിച്ചാണ് ഇവ തയ്യാറാക്കുന്നത്. ഈ പ്രക്രിയയിലൂടെ ഉണ്ടാകുന്ന സ്വാഭാവിക ബാക്ടീരിയകൾ കുടലിന്റെ ആരോഗ്യം മെച്ചപ്പെടുത്തുകയും ദഹനം എളുപ്പമാക്കുകയും ചെയ്യുന്നു. ധാന്യങ്ങൾ പുളിപ്പിക്കുന്നത് വഴി അവയിലെ പോഷകങ്ങൾ ശരീരം ആഗിരണം ചെയ്യുന്നത് വർദ്ധിക്കുന്നു. ഇത് ശരീരത്തിന് കൂടുതൽ ഊർജ്ജം നൽകുന്നു. തുടർച്ചയായി പുളിപ്പിച്ച ഭക്ഷണങ്ങൾ പ്രഭാതഭക്ഷണത്തിൽ ഉൾപ്പെടുത്തുന്നത് ശരീരത്തിന്റെ സ്വാഭാവിക പ്രതിരോധശേഷി വർദ്ധിപ്പിക്കുമെന്ന് ആരോഗ്യവിദഗ്ധർ സാക്ഷ്യപ്പെടുത്തുന്നു. എന്നാൽ വൃത്തിഹീനമായ സാഹചര്യത്തിൽ മാവ് പുളിപ്പിക്കുന്നത് ദോഷകരമാണ്. ഇത് ഭക്ഷണത്തിലൂടെയുള്ള രോഗങ്ങൾക്ക് കാരണമായേക്കാം.

മുംബൈ മെട്രോയിലെ യാത്ര എന്ത് രസമാണല്ലേ? കണ്ണടച്ച് തുറക്കും മുമ്പ് യാത്ര അവസാനിക്കും എന്നതാണ് മെട്രോകളുടെ പ്രത്യേകത. എന്നാല്‍ എന്തെല്ലാം പറഞ്ഞാലും സുഖകരമായ യാത്ര അതിവേഗം ഒരുക്കാന്‍ നമ്മുടെ മെട്രോ കഴിഞ്ഞേ വേറെ ആളൊള്ളൂ. മുംബൈ മെട്രോയില്‍ ധാരാളം ആളുകളാണ് ദിനംപ്രതി യാത്ര ചെയ്യുന്നത്. തിരക്കേറിയ സമയങ്ങളില്‍ ടിക്കറ്റെടുക്കാനായി ചെലവഴിക്കേണ്ടി വരിക പലപ്പോഴും മണിക്കൂറുകളോളമാണ്. (Image Credit Source: PTI)

അവിടെയാണ് റാപ്പിഡോ ആശ്വാസം പകരുന്നത്. യാത്രക്കാര്‍ക്ക് ടിക്കറ്റെടുക്കാനായി ഇനിയൊരു ബുദ്ധിമുട്ടും ഉണ്ടാകില്ല. റാപ്പിഡോ ആപ്പ് വഴി ഒറ്റ ടാപ്പില്‍ ടിക്കറ്റെടുക്കാം എന്നതാണ് പുതിയ മാറ്റം. റാപ്പിഡോയ്ക്ക് പുറമെ 16 ആപ്പുകളിലാണ് ഈ സൗകര്യം ലഭ്യമാക്കിയിട്ടുള്ളത്. സ്റ്റേഷനുകളില്‍ ക്യൂ നില്‍ക്കാതെ യാത്ര നടത്താനുമാകും. റാപ്പിഡോ പ്രത്യേക ഓഫറും പ്രഖ്യാപിച്ചിട്ടുണ്ട്.

ആദ്യ മെട്രോ യാത്രയ്ക്ക് 50 രൂപ വരെ സൗജന്യ യാത്ര നല്‍കാനാണ് റാപ്പിഡോയുടെ തീരുമാനം. ഉപഭോക്താക്കള്‍ക്ക് 50 ശതമാനം അധിക കിഴിവും ലഭിക്കും. 10 രൂപ വരെ ഇത്തരത്തില്‍ നിങ്ങള്‍ക്ക് നേടാനാകും. 16 ആപ്പുകള്‍ വഴിയാണ് ഈ സേവനം ലഭിക്കുക എന്ന് പറഞ്ഞല്ലോ, അവ ഏതെല്ലാമാണെന്ന് നോക്കിയാലോ? ദാ പിടിച്ചോളൂ

റാപ്പിഡോ, കണ്‍ഫേം ടിക്കറ്റ്, എസ്മിക്രിപ്പ്, ഇന്‍സിഗോ, റെഡ്ബസ്, വാട്‌സ്ആപ്പ്, ഊബര്‍, മുംബൈ വണ്‍ ആപ്പ് എന്നിവയുള്‍പ്പെടെ 16 ആപ്പുകളിലാണ് മെട്രോ ടിക്കറ്റിങ് സൗകര്യം ലഭ്യമായിട്ടുള്ളത്. കൂടുതല്‍ പ്ലാറ്റ്‌ഫോമുകളിലേക്ക് സേവനം നീട്ടാനുള്ള ശ്രമത്തിലാണ് മെട്രോ അധികൃതര്‍. ഇതോടെ യാത്രക്കാര്‍ ടിക്കറ്റെടുക്കാനായി വരി നില്‍ക്കേണ്ടതില്ലെന്ന് ചുരുക്കം.

മുംബൈ മെട്രോയില്‍ നാല് ലൈനുകളാണുള്ളത്. ദഹിസര്‍ ഈസ്റ്റ്-അന്ധേരി വെസ്റ്റ് മെട്രോ ലൈന്‍ 2എ, ഡിഎന്‍ നഗര്‍-മണ്ഡലായ് മെട്രോ ലൈന്‍ 2ബി, ദഹിസര്‍ ഈസ്റ്റ്-ഗുണ്ടാവലി (അന്ധേരി ഈസ്റ്റ്) മെട്രോ ലൈന്‍ 7, ദഹിസര്‍ ഈസ്റ്റ്-മിറ-ഭായന്ദര്‍ മെട്രോ ലൈന്‍ 9 എന്നിവയാണത്. ഈ നാല് ലൈനുകളിലും ആപ്പുകള്‍ വഴി ടിക്കറ്റെടുത്ത് സര്‍വീസ് നടത്താവുന്നതാണ്.

കറവേപ്പില ഇല്ലാതെ മലയാളികൾക്ക് ഒരു കറിവക്കാനാകില്ല. ആരോ​ഗ്യത്തിന് ഏറെ ​ഗുണമുള്ള ഇവ മുടിക്കും വളരെ നല്ലതാണ്. നമ്മൾ സാധാരണ നരച്ച മുടി കറുപ്പിക്കാൻ ഡൈ പോലുള്ള കെമിക്കലുകളാണ് ഉപയോ​ഗിക്കുന്നത്. എന്നാൽ മുത്തശ്ശിമാരുടെ കാലം, മുതൽക്കെ ഉപയോ​ഗിക്കുന്ന ഒന്നാണ് കറിവേപ്പില. പ്രായം കൂടുമ്പോഴുണ്ടാകുന്ന ആകാല നര തടയാൻ ഇതിലും മികച്ച മാർ​ഗം വേറെയില്ല. (Image Credit Source: Getty Images)

കെമിക്കൽ അടങ്ങിയ ഹെയർ ഡൈകൾ ഉപയോഗിക്കുന്നത് മുടിയുടെ ആരോഗ്യം കൂടുതൽ കുഴപ്പത്തിലാക്കുകയാണ് ചെയ്യുന്നത്. എന്നാൽ കറിവേപ്പില പോലുള്ള പ്രകൃതിദത്ത മാർ​ഗങ്ങൽ മുടിക്കും നമ്മുടെ തലയോട്ടിക്കും കൂടുതൽ ആരോ​ഗ്യകരമാകുന്നു. മുടിയുടെ പിഗ്മെൻ്റേഷൻ നിലനിർത്താൻ സഹായിക്കുന്ന വൈറ്റമിൻ ബി, ആൻ്റിഓക്‌സിഡൻ്റുകൾ എന്നിവ കറിവേപ്പിലയിൽ ധാരാളമായിട്ട് അടങ്ങിയിട്ടുണ്ട്.

കറിവേപ്പില എണ്ണ: ആദ്യം നല്ല വെളിച്ചെണ്ണ എടുക്കുക. ആ ഒരു പാത്രം വെളിച്ചെണ്ണയിൽ ഒരു പിടി കറിവേപ്പില ഇട്ട് നന്നായി തിളപ്പിക്കുക. ഇലകൾ ഏകദേശം കറുത്ത നിറമാകുമ്പോൾ തീ ഓഫ് ചെയ്യാം. അപ്പോഴേക്കും എണ്ണയ്ക്ക് ഒരു പച്ച നിറം വന്നിട്ടുണ്ടാകും. ഈ എണ്ണ തണുത്ത ശേഷം അരിച്ചെടുത്ത് ആഴ്ചയിൽ രണ്ടോ മൂന്നോ തവണ തലയോട്ടിയിൽ തേയ്ക്കുക. ഇത് മുടിക്ക് കറുപ്പ് നിറം നൽകി മുടി വളരാൻ സഹായിക്കുന്നു.

അതുപോലെ ഒരു പിടി കറിവേപ്പില അല്പം തൈര് ചേർത്ത് മിക്സിയിലിട്ട് നന്നായി അരച്ചെടുക്കുക. ശേഷം ഈ പേസ്റ്റെടുത്ത് തലമുടിയിലും വേരുകളിലും നന്നായി തേച്ചുപിടിപ്പിക്കുക. കുറഞ്ഞത് 30 മിനിറ്റെങ്കിലും വച്ച ശേഷം കഴുകിക്കളയാം. ഇത് നിങ്ങളുടെ അകാല നരയെ ഇല്ലാതാക്കുകയും ഒപ്പം മുടിക്ക് നല്ല തിളക്കവും നൽകുന്നു.

പുറമെ തേക്കുന്നതിനോടൊപ്പം ഉള്ളിൽ നിന്നുള്ള ആരോഗ്യവും നരയെ ബാധിക്കാറുണ്ട്. അതിനാൽ ദിവസവും 4-5 പച്ച കറിവേപ്പില വെറും വയറ്റിൽ ചവച്ചു കഴിക്കുന്നത് മുടിയുടെ ആരോ​ഗ്യത്തിന് നല്ലതാണ്. കാരണം മുടിക്ക് കറുപ്പ് നൽകുന്ന മെലാനിൻ എന്ന സംയുക്തം ഉത്പാദിപ്പിക്കാൻ കറിവേപ്പിലയിലെ പോഷകങ്ങൾക്ക് കഴിവുണ്ട്.

കൊടുംചൂടിൽ മലയാളികൾ മാത്രമല്ല, രാജ്യം ഒന്നാകെ ഉരുകുകയാണ്. നമ്മുടെ അയൽ സംസ്ഥാനമായ തമിഴ്നാട്ടിലും കടുത്ത ചൂട് തുടരുകയാണ്. കാലാവസ്ഥ റിപ്പോർട്ടുകൾ പ്രകാരം, ഇന്ന് തെളിഞ്ഞ ആകാശവും ശക്തമായ വെയിലുമാണ് അനുഭവപ്പെടുക. പരമാവധി താപനില 36.7°C വരെ ഉയർന്നേക്കും. കുറഞ്ഞ താപനില 26.8°C ആയിരിക്കും. (Image Credit source: PTI)

അതേസമയം, അന്തരീക്ഷത്തിൽ ഈർപ്പത്തിന്റെ അളവും 84 ശതമാനത്തോളം ഉയർന്ന നിലയിലായിരിക്കും. അതുകൊണ്ട് തന്നെ താപനിലയേക്കാൾ കൂടുതൽ ചൂട് അനുഭവപ്പെട്ടേക്കാം. റിപ്പോർട്ടുകൾ പ്രകാരം ചെന്നൈയിൽ ഇന്ന് മഴയ്ക്ക് സാധ്യതയില്ല. അൾട്രാവയലറ്റ് സൂചിക സൂചിക 0.2 ആണ്. 100.6 kPa എന്ന നിലയിലായിരിക്കും അന്തരീക്ഷ മർദ്ദം.

നാളെയും ചെന്നൈയിൽ കാലാവസ്ഥയിൽ വലിയ മാറ്റമുണ്ടാകില്ലെന്നാണ് റിപ്പോർട്ടുകൾ സൂചിപ്പിക്കുന്നത്. 36.2°C മുതൽ 27.1°C വരെയായിരിക്കും താപനില. അന്തരീക്ഷത്തിൽ ഈർപ്പം കൂടുതലായതിനാൽ, കടുത്ത ചൂടും അസ്വസ്ഥതയും അനുഭവപ്പെടാൻ സാധ്യതയുണ്ട്. പൊതുജനങ്ങൾ ആവശ്യമായ മുൻകരുതലുകൾ സ്വീകരിക്കണമെന്നും അധികൃതർ അറിയിച്ചിട്ടുണ്ട്.

അതേസമയം, ഉത്തരേന്ത്യയിലും ഉഷ്ണതരം​ഗ മുന്നറിയിപ്പ് നൽകിയിട്ടുണ്ട്. വടക്കുപടിഞ്ഞാറൻ ഇന്ത്യയിലും, മധ്യ കിഴക്കൻ ഇന്ത്യയിലും താപനില 40 മുതൽ 44 ഡി​ഗ്രി സെൽഷ്യസ് വരെ ഉയരാൻ സാധ്യതയുണ്ട്. ഡൽഹിയിൽ യെല്ലോ അലർട്ടാണ് പ്രഖ്യാപിച്ചിട്ടുള്ളത്. വരുംദിവസങ്ങളിലും താപനില ഉയർന്നേക്കുമെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകിയിട്ടുണ്ട്.

കേരളത്തിൽ ചൂട് കൂടുന്നതിനാൽ അങ്കണവാടികളിലെ പ്രീ സ്‌കൂള്‍ പ്രവര്‍ത്തനം ഒരാഴ്ചത്തേയ്ക്ക് നിര്‍ത്തിവയ്ക്കാന്‍ വനിത ശിശുവികസന വകുപ്പ് തീരുമാനിച്ചിട്ടുണ്ട്. ചൂട് കൂടുന്ന സാഹചര്യത്തിൽ ആവശ്യമായ മുൻകരുതലുകൾ സ്വീകരിക്കേണ്ടതാണ്. ധാരാളം വെള്ളം കുടിക്കാനും പുറത്തിറങ്ങുമ്പോൾ കുട, തൊപ്പി മുതലായവ കരുതാനും ഓർക്കുക. പരമാവധി രാവിലെ 11 മുതൽ ഉച്ചയ്ക്ക് 3 മണിവരെയുള്ള വെയിൽ ഏൽക്കാതിരിക്കുക.

ജ്യോതിഷത്തിൽ ഗ്രഹങ്ങളുടെ സ്ഥാനമാറ്റത്തിനും നക്ഷത്ര മാറ്റത്തിനും എല്ലാം വലിയ പ്രാധാന്യമാണ് ഉള്ളത്. കാരണം ഇവ ഓരോ വ്യക്തിയുടെയും ജീവിതത്തിൽ വലിയ രീതിയിലുള്ള സ്വാധീനം ചെലുത്തുന്നു. ഒരു വ്യക്തിയുടെ ഒരു ദിവസം എപ്രകാരമായിരിക്കും എന്നതും ഗ്രഹങ്ങളുടെ സ്ഥാനത്തിനനുസരിച്ചാണ്. ഗ്രഹങ്ങളുടെ സ്ഥാനമാറ്റം ഒരാൾക്ക് ജീവിതത്തിൽ ചിലപ്പോൾ നല്ല കാര്യങ്ങൾക്കുള്ള വഴി തുറക്കും. മറ്റു ചിലർക്ക് ജീവിതത്തിലെ ചില ദുരിതങ്ങളുടെയും കഷ്ടപ്പാടുകളുടെയും പ്രാരംഭം ആയിരിക്കും. അത്തരത്തിൽ മെയ് 14ന് ശുക്രൻ മിഥുന രാശിയിൽ പ്രവേശിക്കുന്നു. മിഥുനം രാശിയുടെ അധിപനായ വ്യാഴം ഇതിനോടകം തന്നെ അവിടെയുണ്ട്.ശുക്രനും വ്യാഴവും ഒരു രാശിയിൽ വരുമ്പോൾ ഗജലക്ഷ്മി രാജയോഗം ഉണ്ടാകുമെന്ന് ജ്യോതിഷികൾ പറയുന്നു. ജ്യോതിഷത്തിൽ ഈ സംയോജനം വളരെ അപൂർവമായി കണക്കാക്കപ്പെടുന്നു. ഇത് മെയ്‌ 14 മുതൽ ജൂൺ 8 വരെ നീണ്ടുനിൽക്കും. പ്രധാനമായും നാല് രാശിക്കാർക്ക് ഇത് ഭാഗ്യത്തിന്റെ വാതിൽ തുറക്കും.(Image Credit Source: TV9 NETWORK)

തുലാം : നിങ്ങളുടെയും കുടുംബത്തിലുള്ളവരുടെയും ആരോഗ്യത്തിൽ ജാഗ്രത പാലിക്കണം. നിങ്ങളുടെ ജീവിതത്തിലെ തടസ്സങ്ങളും കുഴപ്പങ്ങളും ഒക്കെ ഈ കാലയളവിൽ നീങ്ങും. ഗജലക്ഷ്മി രാജയോഗം നിങ്ങളുടെ ജീവിതത്തിലെ സൗഭാഗ്യങ്ങൾക്കും പുതിയ വഴിത്തിരിവുകൾക്കും കാരണമാകും. നിങ്ങൾ അഭിമുഖീകരിക്കുന്ന പ്രശ്നങ്ങൾ എല്ലാം മാറും.ജീവിതത്തിൽ സന്തോഷവും സമാധാനവും തിരികെ വരും. ദാമ്പത്യജീവിതവും സമാധാനപരമായിരിക്കും.

വൃശ്ചികം: ശുക്രന്റെയും വ്യാഴത്തിന്റെയും സംയോജനം വൃശ്ചികം രാശിക്കാർക്ക് ജീവിതത്തിൽ വലിയ നേട്ടങ്ങൾക്കും സൗഭാഗ്യങ്ങൾക്കും കാരണമാകും. നിങ്ങൾക്ക് വിദ്യാഭ്യാസത്തിലും തൊഴിലിലും മുന്നേറാനുള്ള അവസരങ്ങൾ തുറന്നുവരും. തൊഴിൽ ചെയ്യുന്നവരെ സംബന്ധിച്ച് മുതിർന്ന ഉദ്യോഗസ്ഥരിൽ നിന്നും പ്രശംസ ലഭിക്കും. ഈ കാലയളവിൽ നിങ്ങൾ ചെയ്യുന്ന കാര്യങ്ങൾക്കെല്ലാം വിജയം പ്രതീക്ഷിക്കാം. പുതിയ സാമ്പത്തിക വഴികൾ തുറന്നുവരും. ജീവിതത്തിൽ സന്തോഷവും സമാധാനവും നിലനിൽക്കും. ക്ഷമയോടെ ചിന്തിച്ചു കാര്യങ്ങൾ ചെയ്താൽ എല്ലാ അനുകൂലമായി വരും.

ധനു: ശുക്രന്റെയും വ്യാഴത്തിന്റെയും സംയോജനം ധനുരാശിക്കാർക്ക് ഗുണങ്ങൾ നൽകും. ജീവിതത്തിൽ സന്തോഷവും സമാധാനവും ലഭിക്കാൻ സാധ്യത. സാമ്പത്തിക സ്ഥിരത കൈവരിക്കും. സമ്പത്തിനുള്ള പുതിയ വഴികൾ തുറന്നു വരും. വരുമാനം വർദ്ധിക്കും. പ്രത്യേകിച്ച് ബിസിനസുകാരെ സംബന്ധിച്ച് ഈ കാലയളവിൽ എടുക്കുന്ന തീരുമാനങ്ങളും പുതിയ നീക്കങ്ങളും എല്ലാം വിജയത്തിൽ എത്തിക്കാൻ സഹായിക്കും. ഈ സമയത്ത് കുടുംബത്തോടൊപ്പം നല്ല സമയം ചെലവഴിക്കാനും കുടുംബത്തിൽ നിലനിന്നിരുന്ന ചെറിയ പ്രശ്നങ്ങൾക്കെല്ലാം പരിഹാരം കാണാനും സാധിക്കും.

മീനം: ഗജലക്ഷ്മി രാജയോഗം മീനം രാശിക്കാർക്ക് സന്തോഷവും സമാധാനവും കൊണ്ടുവരും. സാമ്പത്തിക നേട്ടത്തിനുള്ള സ്വർണ്ണാവസരങ്ങൾ നിങ്ങളെ കാത്തിരിക്കുന്നു. പുതിയ വരുമാനസ്രോതസ്സുകൾ ഉയർന്നു വന്നേക്കാം. നിക്ഷേപത്തിലൂടെ നല്ല വരുമാനങ്ങൾ നേടാൻ സാധ്യതയുണ്ട്. ഈ കാലയളവിൽ ക്ഷമയോടെ ചിന്തിച്ചിട്ട് ചെയ്യുന്ന എല്ലാ കാര്യങ്ങളും നിങ്ങളെ വിജയത്തിൽ എത്തിക്കും.(ശ്രദ്ധിക്കുക ഇവിടെ നൽകിയിരിക്കുന്ന വിവരങ്ങൾ പൊതുവായ ഫലങ്ങളുടെ അ‌ടിസ്ഥാനത്തിലാണ്. TV9 മലയാളം ഇവ സ്ഥിരീകരിക്കുന്നില്ല)

വേനൽക്കാലത്ത് വീട്ടമ്മമാരെ ഏറ്റവും കൂടുതൽ ബുദ്ധിമുട്ടിക്കുന്ന ഒരു കാര്യമാണ് പാൽ പെട്ടെന്ന് കേടായി പോകുന്നത്. ചൂട് കൂടുമ്പോൾ പാലിനുള്ളിൽ ബാക്ടീരിയകൾ വേഗത്തിൽ വളരുന്നത് കൊണ്ടാണ് ഇങ്ങനെ സംഭവിക്കുന്നത്. എന്നാൽ ചെറിയ ചില കാര്യങ്ങൾ ശ്രദ്ധിച്ചാൽ പാൽ കേടാകാതെ ഒരു ദിവസം മുഴുവൻ നമുക്ക് സൂക്ഷിക്കാനാകും. അത് എന്തെല്ലാമെന്ന് നോക്കാം. (Image Credit Source: Getty Images)

പലരും പാൽ വാങ്ങിയാലുടൻ ഫ്രിഡ്ജിലേക്ക് നേരിട്ട് വെക്കുകയാണ് ചെയ്യുന്നത്. അത് പാൽകവറായാലും വീടുകളിൽ നിന്ന് വാങ്ങുന്നതായാലും. എന്നാൽ വേനൽക്കാലത്ത് പാൽ വാങ്ങിയാലുടൻ മറ്റൊരു പാത്രത്തിലേക്ക് പകർത്തി നന്നായി തിളപ്പിക്കുക. തിളപ്പിക്കുമ്പോൾ പാലിലുള്ള ബാക്ടീരിയകൾ നശിക്കുകയും പാൽ കേടാകാനുള്ള സാധ്യത കുറയുകയും ചെയ്യുന്നു. ശേഷം തണുത്ത ശേഷം ഫ്രിഡ്ജിലേക്ക് മാറ്റുക.

അതുപോലെ തന്നെ ഫ്രിഡ്ജിൻ്റെ വാതിലിലുള്ള ഷെൽഫുകളിൽ പാൽ പാത്രം വയ്ക്കുന്ന രീതി നിർത്തുക. കവർ പാലാണെങ്കിലും വാതിൽ സൈഡിൽ വയ്ക്കരുത്. കാരണം നമ്മൾ ഓരോ തവണയും ഫ്രിഡ്ജ് തുറക്കുമ്പോഴും അടയ്ക്കുമ്പോഴും ഏറ്റവും കൂടുതൽ താപനിലയിൽ വ്യത്യാസം വരുന്നത് ആ ഭാ​ഗത്താണ്. പാൽ എപ്പോഴും ഫ്രിഡ്ജിൻ്റെ ഉൾഭാഗത്തുള്ള തട്ടുകളിൽ വയ്ക്കുന്നതാണ് നല്ലത്. അവിടെ തണുപ്പ് സ്ഥിരമായിരിക്കും.

അമിതമായ ചൂടുള്ള ദിവസങ്ങളിൽ പാൽ ഒരു തവണ മാത്രം തിളപ്പിച്ചു വെച്ചാൽ മതിയാകില്ല. രാവിലെ തിളപ്പിച്ച പാൽ രാത്രിയാകുമ്പോഴേക്കും കേടാകാൻ സാധ്യത കൂടുതലാണ്. അതിനാൽ വൈകുന്നേരം ഒരു തവണ കൂടി തിളപ്പിച്ചു വെക്കുന്നത് പാൽ പിറ്റേ ദിവസത്തേക്ക് കൂടി കേടാകാതിരിക്കാൻ സഹായിക്കും. ഫ്രിഡ്ജ് ഇല്ലാത്തവർ, ഒരു വലിയ പാത്രത്തിൽ തണുത്ത വെള്ളമെടുത്ത് അതിനുള്ളിൽ പാൽപാത്രം വക്കുക.

പാൽ തിളപ്പിക്കാൻ എടുക്കുന്ന പാത്രം പൂർണ്ണമായും വൃത്തിയുള്ളതായിരിക്കണം. കാരണം പാത്രത്തിൽ പഴയ പാലിൻ്റെ അംശമോ ഈർപ്പമോ ഉണ്ടെങ്കിൽ പുതിയ പാൽ വേഗത്തിൽ പിരിഞ്ഞുപോകാൻ കാരണമാകും. അതുപോലെ തന്നെ പാൽ തിളപ്പിക്കുന്നതിന് മുൻപ് പാത്രം തണുത്ത വെള്ളത്തിൽ ഒന്ന് കഴുകുന്നത് പാൽ അടിയിൽ പിടിക്കാതിരിക്കാൻ സഹായിക്കുന്നു.

വേനൽക്കാലത്തെ കഠിനമായ ചൂടും വിയർപ്പും പുറത്തെ പൊടിയും കാരണം മുടിയുടെ ആരോഗ്യം വളരെ ദുഷ്കരമാണ്. അതുകൊണ്ട് തന്നെ മുടിയെ ആരോ​ഗ്യത്തോടെ നിലനിർത്തുന്നത് വലിയൊരു വെല്ലുവിളിയാണ്. അമിതമായ വിയർപ്പും പൊടിയും കാരണം പലരും ദിവസവും മുടി ഷാംപൂ ചെയ്യാറുണ്ട്. എന്നാൽ ഈ ശീലം ശരിക്കും നിങ്ങളുടെ മുടിക്ക് നല്ലതാണോ? (Image Credits Source: Getty Images)

മുടിയിലെ സ്വാഭാവിക എണ്ണമയം നിലനിർത്തിക്കൊണ്ട് തന്നെ അഴുക്ക് നീക്കം ചെയ്യുന്നതാണ് വേനൽക്കാലത്തെ മുടി സംരക്ഷണം. വേനൽക്കാലത്ത് മുടി എങ്ങനെ സംരക്ഷിക്കണം, എത്ര തവണ ഷാംപൂ ചെയ്യണം എന്നതിനെക്കുറിച്ചുള്ള പലർക്കും പല സംശയങ്ങളാണുള്ളത്. ഇക്കാര്യത്തെക്കുറിച്ച് കൂടുതൽ വിശദമായി പരിശോധിക്കാം.

എണ്ണമയമുള്ള മുടിയുള്ളവർ ആഴ്ചയിൽ മൂന്ന് മുതൽ നാല് തവണ ഷാംപൂ ചെയ്യുന്നതാണ് നല്ലത്. കാരണം എണ്ണമയത്തോടൊപ്പം വിയർപ്പും അഴുക്കും അടിഞ്ഞുകൂടുന്നത് താരൻ വരാനും കഠിനമായ ചൊറിച്ചിൽ അനുഭവപ്പെടാനുമുള്ള സാധ്യത കൂടുതലാണ്. വരണ്ട മുടിയുള്ളവർ ആഴ്ചയിൽ ഒന്നോ രണ്ടോ തവണ മാത്രം ഷാംപൂ ചെയ്താൽ മതി. അമിതമായ ഷാംപൂ ഉപയോഗം മുടി കൂടുതൽ വരണ്ടതാക്കുകയുള്ളൂ.

വരണ്ടതും എണ്ണമയവും കൂടികലർന്ന മുടിയുള്ളവരാണെങ്കിൽ ആഴ്ചയിൽ രണ്ട് മുതൽ മൂന്ന് തവണ വരെ ഷാംപൂ ചെയ്യുന്നത് മുടിയുടെ ആരോഗ്യം നന്നായി കൊണ്ടുപോകാൻ സഹായിക്കും. ചൂടുകാലമായതിനാൽ ഒരിക്കലും ചൂടുവെള്ളം ഉപയോഗിച്ച് തല കഴുകരുത്. ഈ ശീലം മുടിവേരുകൾ ദുർബലമാകാൻ കാരണമാകും. അതിനാൽ സാധാരണ വെള്ളമോ തണുത്ത വെള്ളമോ ആണ് ഏറ്റവും നല്ലത്.

അതുപോലെ തന്നെ ഷാംപൂ ഉപയോ​ഗിക്കുമ്പോൾ അല്പം വെള്ളത്തിൽ കലർത്തി ഡയലൂട്ട് ചെയ്ത ശേഷം മാത്രം തലയിൽ തേച്ചുപിടിപ്പിക്കുക. ഇത് കെമിക്കലുകളുടെ തീവ്രത കുറയ്ക്കാനും മുടിയെ നശിപ്പിക്കുന്നത് കുറയ്ക്കാനും സഹായിക്കും. ഷാംപൂ പ്രധാനമായും തലയോട്ടിയിൽ തേച്ച് നന്നായി കഴുകുക. മുടിയുടെ അറ്റത് അധികം ഷാംപൂ ഉപയോ​ഗിക്കരുത്.

കുഞ്ഞുങ്ങളിൽ മുതൽ മുതർന്നവരിൽ വരെ കാണുന്ന ഒന്നാണ് പ്രമേഹം. സാധാരണയായി പ്രമേഹം ഹൃദയം, വൃക്ക, നാഡികൾ എന്നിവയെ കാലക്രമേണ കുഴപ്പത്തിലാക്കാറുണ്ട്. വളരെയധികം സൂക്ഷിച്ചില്ലെങ്കിൽ ഒരുപക്ഷേ നിങ്ങളുടെ കണ്ണുകളെയും കാഴ്ച്ചയെയും അവ ഇല്ലാതാക്കിയേക്കാം. ലക്ഷണമൊന്നുമില്ലാതെ തന്നെ കണ്ണിൻ്റെ റെറ്റിനയെ ബാധിക്കുകയും ഒടുവിൽ കാഴ്ച്ച നഷ്ടമാകുകയും ചെയ്തേക്കാം. (Image Credit Source: Getty Images)

ദശലക്ഷക്കണക്കിന് ആളുകളെയാണ് ഇന്ന് പ്രമേഹം ബാധിച്ചിരിക്കുന്നത്. ശരിയായ രീതിയിൽ കണ്ടെത്തി വേണ്ട ചികിത്സ നൽകിയില്ലെങ്കിൽ, ശരീരത്തിലെ പ്രധാന അവയവങ്ങളെ പ്രമേഹം ബാധിക്കും. ഇതിൽ ഏറ്റവും പ്രധാനമാണ് കണ്ണുകൾ. പ്രമേഹം മൂലമുണ്ടാകുന്ന ഡയബറ്റിക് റെറ്റിനോപ്പതി എന്ന അവസ്ഥ കാഴ്ച്ച നഷ്ടമാകാൻ കാരണമായേക്കാം. എന്നാൽ കൃത്യസമയത്ത് തിരിച്ചറിഞ്ഞാൽ കണ്ണുകളെ സംരക്ഷിക്കാനാകും.

രക്തത്തിൽ പഞ്ചസാരയുടെ അളവ് യാതൊരു നിയന്ത്രണവുമില്ലാതെ നിലനിൽക്കുന്നത് കണ്ണിലെ റെറ്റിനയിലുള്ള ചെറിയ രക്തക്കുഴലുകളെ ബാധിക്കുന്നു. ഇത്തരത്തിൽ നശിക്കുന്ന രക്തക്കുഴലുകളിൽ നിന്ന് ദ്രാവകമോ രക്തമോ പുറത്തേക്ക് വരികയും ഇത് റെറ്റിനയിൽ വീക്കം ഉണ്ടാക്കുകയും ചെയ്യുന്നു.

അതുപോലെ തന്നെ ഇത്തരം രക്തക്കുഴലുകൾ നശിക്കുന്നതിലൂടെ രക്തയോട്ടം തടസ്സപ്പെടുകയും, ശരീരം റെറ്റിനയിൽ പുതിയ രക്തക്കുഴലുകൾ നിർമ്മിക്കാൻ ശ്രമിക്കുകയും ചെയ്യുന്നു. ഇവ വളരെ ദുർബലമായതിനാൽ പെട്ടെന്ന് പൊട്ടിപോകാനുള്ള സാധ്യത കൂടുതലാണ്. ഈ സാ​ഹചര്യത്തിൽ കണ്ണിനുള്ളിൽ രക്തസ്രാവമുണ്ടാവുകയും കാഴ്ച പൂർണ്ണമായും ഇല്ലാതാവുകയും ചെയ്തേക്കാം.

തുടക്കത്തിൽ ലക്ഷണങ്ങൾ പ്രകടമാകണമെന്നില്ല. എന്നാൽ ചില ലക്ഷണങ്ങൾ തിരിച്ചറിഞ്ഞാൽ കണ്ണുകളെ സംരക്ഷിക്കാനാകും. കാഴ്ചയിൽ നേരിയ മങ്ങൽ അനുഭവപ്പെടുക, വായനയിലോ ദൂരെയുള്ള വസ്തുക്കളെ നോക്കുമ്പോഴോ അസ്വസ്ഥത, നിറങ്ങൾ തിരിച്ചറിയാനുള്ള പ്രയാസം, രാത്രികാലങ്ങളിൽ കാഴ്ച തീരെ കുറയുക ഇവയെല്ലാം പ്രമേഹം കണ്ണിനെ ബാധിക്കുമ്പോൾ ഉണ്ടാകുന്ന ലക്ഷണങ്ങളാണ്.

ഇറച്ചി കഴിക്കാൻ ഇഷ്ടമില്ലാത്തവർ ആരും ഉണ്ടാകില്ല. കറിയും പൊരിച്ചതും തുടങ്ങി പലതരം വ്യത്യസ്തമായ രീതിയിൽ ഇറച്ചി വെക്കാറുണ്ട്. എന്നാൽ ഇറച്ചിയുടെ രുചി നന്നായി ലഭിക്കണമെങ്കിൽ ശരിയായ രീതിയിൽ ഇത് വേവിക്കേണ്ടതുണ്ട്. ഇറച്ചി വേവിക്കുമ്പോൾ ശ്രദ്ധിക്കേണ്ട 4 കാര്യങ്ങൾ ഇവയാണ്. ഫ്രീസറിൽ തണുപ്പിച്ച ഇറച്ചി വാങ്ങുന്നതിനേക്കാളും ഫ്രഷായിട്ടുള്ള ഇറച്ചി വാങ്ങുന്നതാണ് നല്ലത്. കേടുവന്ന ഇറച്ചിയിൽ എത്ര മസാലയിട്ടാലും രുചി ലഭിക്കുകയില്ല. അതിനാൽ തന്നെ ഇറച്ചി വാങ്ങുമ്പോൾ ഇക്കാര്യം ശ്രദ്ധിക്കാം. (Image Credit source: Getty Images )

ഇറച്ചി ഫ്രിഡ്ജിൽ നിന്നും പുറത്തെടുക്കുമ്പോൾ ചില കാര്യങ്ങൾ ശ്രദ്ധിക്കണം. ഒരിക്കലും മസാല പുരട്ടാതെ ചിക്കൻ വേവിക്കരുത്. ഉപ്പുവെള്ളത്തിലും സുഗന്ധവ്യഞ്ജനങ്ങളിലും മുക്കിവയ്ക്കുക എന്നതാണ് ഇതിലൂടെ ഉദ്ദേശിക്കുന്നത്. ഇറച്ചി അമിതമായി വേവുന്നത് തടയാനും ഈർപ്പം നിലനിർത്താനും ഇത് സഹായിക്കുന്നു. അസമമായി മുറിച്ചെടുത്ത ഇറച്ചി നന്നായി വേവാതിരിക്കാനോ അല്ലെങ്കിൽ അമിതമായി വേവാനോ കാരണമാകുന്നു. പാചകം തുല്യമാകുന്നതിനും നല്ല രുചി ലഭിക്കാനും ഇറച്ചി തുല്യ കഷണങ്ങളായി മുറിക്കാൻ ശ്രദ്ധിക്കണം.

ഇറച്ചി പാകം ചെയ്യുമ്പോൾ, പാത്രം മൂടിവയ്ക്കേണ്ടത് പ്രധാനമാണ്. ഇത് മൂടി ആവിയിൽ മുങ്ങാനും ഈർപ്പം നിലനിർത്താൻ സഹായിക്കുകയും ചെയ്യുന്നു. ഇറച്ചി വരണ്ട് പോകുന്നത് ഒഴിവാക്കാനും ഇത് സഹായിക്കുന്നു. ഇറച്ചി വിഭവങ്ങൾ ഇഷ്ടപ്പെടാത്തവർ ചുരുക്കമായിരിക്കും. എന്നാൽ രുചികരമായ ഒരു മാംസ വിഭവം തയ്യാറാക്കുക എന്നത് അത്ര എളുപ്പമുള്ള കാര്യമല്ല. ഇറച്ചി ശരിയായ രീതിയിൽ തിരഞ്ഞെടുക്കുന്നതിലും പാകം ചെയ്യുന്നതിലും വരുത്തുന്ന പിഴവുകൾ രുചി കുറയ്ക്കുക മാത്രമല്ല, ഗുരുതരമായ ആരോഗ്യപ്രശ്നങ്ങൾക്കും ഭക്ഷ്യവിഷബാധയ്ക്കും കാരണമായേക്കാം.

മാംസത്തിൽ സാൽമൊണല്ല, ഇ-കോളി തുടങ്ങിയ ബാക്ടീരിയകൾ വളരാൻ സാധ്യത കൂടുതലാണ്. 5°C മുതൽ 60°C വരെയുള്ള താപനിലയിലാണ് ബാക്ടീരിയകൾ അതിവേഗം പെരുകുന്നത്. പാകം ചെയ്ത ഇറച്ചി ദീർഘനേരം പുറത്തുവെക്കുന്നത് ഒഴിവാക്കണം. പച്ച ഇറച്ചി മുറിക്കാൻ ഉപയോഗിച്ച കത്തിയും ബോർഡും വൃത്തിയാക്കാതെ മറ്റ് പച്ചക്കറികൾക്കോ ഭക്ഷണത്തിനോ ഉപയോഗിക്കുന്നത് ബാക്ടീരിയകൾ പകരാൻ കാരണമാകും. ഇറച്ചിയുടെ ഉൾഭാഗം കൃത്യമായി വെന്തിട്ടില്ലെങ്കിൽ അതിലെ രോഗാണുക്കൾ നശിക്കില്ല. പ്രത്യേകിച്ചും ചിക്കൻ, പോർക്ക് തുടങ്ങിയവ നന്നായി വേവിച്ചില്ലെങ്കിൽ അത് വയറുവേദന, ഛർദ്ദി, വയറിളക്കം എന്നിവയിലേക്ക് നയിക്കാം. എല്ലിനോട് ചേർന്ന ഭാഗങ്ങളിൽ രക്തത്തിന്റെ അംശം കാണുന്നുണ്ടെങ്കിൽ അത് ശരിയായി വെന്തിട്ടില്ല എന്നതിന്റെ ലക്ഷണമാണ്.

ഫ്രീസ് ചെയ്ത ഇറച്ചി നേരിട്ട് ചൂടുവെള്ളത്തിലിട്ട് ഉരുക്കുന്നതിന് പകരം, പാചകത്തിന് മണിക്കൂറുകൾക്ക് മുൻപ് ഫ്രീസറിൽ നിന്ന് മാറ്റി ഫ്രിഡ്ജിലെ താഴത്തെ തട്ടിൽ വെക്കുകയോ സാധാരണ പച്ചവെള്ളത്തിൽ മുക്കിവെക്കുകയോ ചെയ്യുക. ഇറച്ചി ഒരിക്കലും അന്തരീക്ഷ താപനിലയിൽ ദീർഘനേരം വെച്ച് ഐസ് ഉരുക്കാൻ ശ്രമിക്കരുത്, ഇത് ബാക്ടീരിയകളുടെ വളർച്ചയ്ക്ക് വഴിമാറുന്നു. ചുരുക്കത്തിൽ, ശുചിത്വവും ശരിയായ പാചക രീതിയും പിന്തുടരുന്നത് വഴി മാംസ വിഭവങ്ങൾ രുചികരമാക്കാൻ മാത്രമല്ല, നമ്മുടെ ആരോഗ്യം സംരക്ഷിക്കാനും സാധിക്കും.

തമിഴ്നാട് നിയമസഭ തിരഞ്ഞെടുപ്പിൽ വോട്ട് രേഖപ്പെടുത്തി ദുൽഖർ സൽമാൻ. ചെന്നൈയിലാണ് താരം വോട്ട് രേഖപ്പെടുത്തിയത്. ഇൻസ്റ്റ​ഗ്രാം സ്റ്റോറിയിലൂടെ പങ്ക് വച്ച ചിത്രം ഏറെ ശ്രദ്ധിക്കപ്പെട്ടിട്ടുണ്ട്. വർഷങ്ങളായി മമ്മൂട്ടിയും ദുൽഖറും കുടുംബവും ചെന്നൈയിൽ സ്ഥിരതാമസമാണ്. (Image Credit source: PTI, Instagram)

കേരള നിയമസഭ തിരഞ്ഞെടുപ്പിൽ ചെന്നൈയിൽ നിന്നാണ് മമ്മൂട്ടി വോട്ട് ചെയ്യാനെത്തിയത്. ഭാര്യ സുൽഫത്തും ഒപ്പമുണ്ടായിരുന്നു. തൃക്കാക്കര മണ്ഡലത്തിലെ പൊന്നുരുന്നി ക്രൈസ്റ്റ് കോൺവെന്റ് സ്കൂളിലെ 106-ാം നമ്പർ ബൂത്തിലായിരുന്നു വോട്ട്. ജനാധിപത്യ പ്രക്രിയയിൽ എല്ലാവരും പങ്കാളികളാകണമെന്നായിരുന്നു വോട്ട് രേഖപ്പെടുത്തിയ ശേഷം മമ്മൂട്ടി പറഞ്ഞത്.

തമിഴ്നാട്ടിലെ 234 നിയമസഭാ മണ്ഡലങ്ങളിലാണ് ഇന്ന് വിധിയെഴുത്ത് നടക്കുന്നത്. 5.67 കോടി വോട്ടമാരാണ് സംസ്ഥാനത്ത് ഉള്ളത്. ഡിഎംകെയും എഐഎഡിഎംകെ–ബിജെപി സഖ്യവും നടൻ വിജയ്‌യുടെ ടിവികെയും തമ്മിലാണ് പ്രധാന പോരാട്ടം. ഇവരിൽ ആർക്കാകും താരം വോട്ട് ചെയ്തെന്നാണ് ആരാധകരുടെ ചർച്ച.

ദുൽഖറിനെ കൂടാതെ മറ്റ് താരങ്ങളും വോട്ടവകാശം രേഖപ്പെടുത്തി. ഭാര്യ ആർതിക്കൊപ്പമുള്ള ചിത്രം പങ്ക് വച്ചാണ് നടൻ ശിവകാർത്തികേയൻ വോട്ട് ചെയ്ത വിവരം പങ്കുവെച്ചത്. സൂപ്പർ സ്റ്റാർ രജനീകാന്തും വോട്ട് രേഖപ്പെടുത്തി. ചെന്നൈ സ്റ്റെല മേരീസ് കോളജിലെത്തിയാണ് വോട്ട് ചെയ്തത്. വിഡിയോകൾ സോഷ്യൽ മീഡിയയിൽ വൈറലാകുന്നുണ്ട്. ധനുഷും വോട്ട് ചെയ്തു.

നടൻ അജിത് കുമാറും രാവിലെ തന്നെ വോട്ട് രേഖപ്പെടുത്തിയിരുന്നു. ടിവികെ അധ്യക്ഷൻ വിജയ്, കമൽ ഹാസനും വോട്ട് ചെയ്തു. മലയാളികളുടെ പ്രിയപ്പെട്ട നടൻ റഹ്മാനും കുടുംബവും തങ്ങളുടെ വോട്ടവകാശം ഉറപ്പിച്ചു. വോട്ട് ചിത്രങ്ങൾ താരം സോഷ്യൽ മീഡിയയിൽ പങ്കുവച്ചിട്ടുണ്ട്.

ഒരു വ്യക്തിയുടെ ജീവിതത്തിൽ വാസ്തുവിന് വലിയ പ്രാധാന്യമാണുള്ളത്. അതായത് വാസ്തുപ്രകാരമാണ് നമ്മൾ കാര്യങ്ങൾ ചെയ്യുന്നതെങ്കിൽ അതിന്റെ ഫലം എല്ലായിപ്പോഴും ശുഭകരമായിരിക്കും. എന്നാൽ നാം ചെയ്യുന്ന കാര്യങ്ങൾ വാസ്തു തെറ്റിച്ചു കൊണ്ടാണെങ്കിൽ എത്ര കഠിനപ്രയത്നം ചെയ്താലും ഒന്നിനും നല്ല ഫലങ്ങൾ ലഭിക്കില്ല. എപ്പോഴും ജീവിതത്തിൽ ദുഃഖവും ദുരിതവും വന്നുകൊണ്ടേയിരിക്കും. Image Credit Source: Getty Images)

അത്തരത്തിൽ ഒരു വ്യക്തിയുടെ ജീവിതത്തിലെ പ്രധാനപ്പെട്ട എപ്പോഴും കയ്യിൽ കൊണ്ട് നടക്കുന്ന ഒന്നാണ് പേഴ്സ്. പേഴ്സിൽ ആവശ്യത്തിന് ഉപയോഗിക്കാൻ പണമുണ്ടെങ്കിൽ നമുക്ക് എപ്പോഴും മനസ്സിൽ ഒരു പോസിറ്റീവ് എനർജി അനുഭവപ്പെടും. എന്ത് കാര്യങ്ങൾക്കും നമുക്ക് ഒരു ധൈര്യവും സമാധാനവും ലഭിക്കും. എന്നാൽ കയ്യിൽ പണം ഇല്ലെങ്കിൽ നമുക്ക് എപ്പോഴും വിഷമങ്ങൾ ആയിരിക്കും.ജീവിതത്തിലെ കാര്യങ്ങൾ ഒന്നും നേടാൻ സാധിക്കാത്തതു പോലെ തോന്നും. പലപ്പോഴും നമ്മൾ കഷ്ടപ്പെട്ട് പണിയെടുക്കുന്നു ഉണ്ടാവും. എന്നാൽ പേഴ്സിൽ പണം നിൽക്കില്ല. അത് പെട്ടെന്ന് തീർന്നു പോകുന്ന പോലെ അനുഭവപ്പെടാറുണ്ടോ?

അതിനു കാരണം പേഴ്സിൽ നമ്മൾ ചെയ്യുന്ന ചെറിയ തെറ്റുകളാണ്. പ്രധാനമായും നമ്മളുടെ പേഴ്സ് നല്ല വൃത്തിയായി സൂക്ഷിക്കണം. മാത്രമല്ല പൊട്ടിയതോ കീറിയതോ ആയിട്ടുള്ള പേഴ്സുകൾ ആണ് ഉപയോഗിക്കുന്നതെങ്കിൽ ഒഴിവാക്കുക.പലരും ചെയ്യുന്ന ഒരു തെറ്റാണ് ആവശ്യമുള്ളതും ഇല്ലാത്തതുമായ പല സാധനങ്ങളും പേഴ്സിൽ അനാവശ്യമായി സൂക്ഷിച്ചു വയ്ക്കും. അങ്ങനെ ഒരിക്കലും ചെയ്യരുത്. നമ്മുടെ പേഴ്സ് ആവശ്യമുള്ള വസ്തുക്കൾ പ്രധാനമായും പണം സൂക്ഷിക്കാനുള്ളതാണ്. അല്ലാതെ ബില്ലുകളോ പേപ്പറുകളോ മറ്റ് കാര്യങ്ങളും അതിന്റെ അകത്ത് വയ്ക്കാൻ പാടില്ല. ഇത് വാസുപ്രകാരം തെറ്റാണ് നെഗറ്റീവ് എനർജിയാണ് ഇത് പേഴ്സിൽ സൂക്ഷിക്കുക.

അതേസമയം മറ്റു ചില കാര്യങ്ങൾ നമ്മൾ പേഴ്സിൽ സൂക്ഷിക്കുന്നത് പേഴ്സിൽ എപ്പോഴും പോസിറ്റീവ് എനർജി ഉണ്ടാകാനും പണം നിറയാനും സഹായിക്കും. അവ എന്തൊക്കെയെന്ന് നോക്കാം.വാസ്തുശാസ്ത്രപ്രകാരം സമ്പത്ത് വർദ്ധിപ്പിക്കുന്നതിനും അനാവശ്യ ചെലവ് നിയന്ത്രിക്കുന്നതിനും ആയി വ്യാഴാഴ്ച ദിവസം നിങ്ങളുടെ പേഴ്സിൽ മഞ്ഞൾ നിറമുള്ള അരി സൂക്ഷിക്കുക. ഇത് കടലാസിലോ തുണിയിലോ പൊതിയുക ശേഷം പേഴ്സിൽ വയ്ക്കുന്നത് പണവുമായി ബന്ധപ്പെട്ട നിങ്ങളുടെ പ്രശ്നങ്ങൾ ഇല്ലാതാക്കാൻ സഹായിക്കും എന്നാണ് വിശ്വാസം.

കൂടാതെ തിങ്കളാഴ്ച ദിവസങ്ങളിൽ നിങ്ങളുടെ പേഴ്സിൽ ഒരു ചെറിയ ചതുര വെള്ളി കഷ്ണം കരുതുക ഇത് പോസിറ്റീവ് എനർജി വർദ്ധിപ്പിക്കുകയും സാമ്പത്തിക സ്ഥിരത കൊണ്ടുവരികയും ചെയ്യുമെന്നാണ് വിശ്വാസം. കൂടാതെ വെള്ളിയാഴ്ചകളിൽ ലക്ഷ്മി ദേവിയുടെ ഒരു ചെറിയ വ്യക്തമായ ചിത്രം നിങ്ങളുടെ പേഴ്സിൽ സൂക്ഷിക്കുക. ഫോട്ടോ കേടു വരാത്തത് ആകാൻ ശ്രദ്ധിക്കണം. ഇത് സമ്പത്തിന് ആകർഷിക്കും എന്നാണ് വിശ്വാസം. കൂടാതെ വ്യാഴാഴ്ചകളിൽ നിങ്ങളുടെ പേഴ്സിൽ ഒരു ചെറിയ ഗോമതി ചക്രം സൂക്ഷിക്കുന്നത് ശുഭകരമായി കണക്കാക്കപ്പെടുന്നു. ഇത് ശമ്പളവും വരുമാനവും വർദ്ധിപ്പിക്കും. കടത്തിൽ നിന്നും മോചനം നൽകും. കൂടാതെ ബുധനാഴ്ചകളിൽ നിങ്ങളുടെ പേഴ്സിൽ രണ്ട് പച്ച ഏലക്ക കരുതുക. ഇത് ബിസിനസ് ഇടപാടുകൾ സമ്പത്തിന് ആകർഷിക്കൽ എന്നിവയ്ക്ക് ശുഭകരമായി കണക്കാക്കപ്പെടുന്നു.

ജ്യോതിഷത്തിൽ ഗ്രഹങ്ങളുടെ രാശി മാറ്റത്തിനും നക്ഷത്ര മാറ്റത്തിനും വലിയ പ്രാധാന്യമാണ് ഉള്ളത്. കാരണം ഇവ വിവിധ രാശികളുടെ ജീവിതത്തിൽ വലിയ സ്വാധീനം ചെലുത്തും. ഒരു വ്യക്തിയുടെ ജീവിതത്തിൽ ഓരോ ദിവസവും നടക്കുന്ന കാര്യങ്ങൾക്ക് ഗ്രഹങ്ങളുടെ സ്ഥാനത്തിന് വലിയ പ്രാധാന്യമുണ്ട്. ചില പ്രത്യേക ഗ്രഹങ്ങൾ പ്രത്യേക രാശിയിലോ നക്ഷത്രത്തിലോ പ്രവേശിക്കുന്നതും സംക്രമിക്കുന്നതും എല്ലാം 12 രാശിയിൽ ഉൾപ്പെടുന്ന ആളുകളുടെയും ജീവിതത്തിൽ അനുകൂലമായും പ്രതികൂലമായും ബാധിക്കും. (Image Credit source: TV9 NETWORK)

പഞ്ചാംഗ പ്രകാരം, ഏപ്രിൽ 22ന് ബുധൻ രേവതി നക്ഷത്രത്തിൽ പ്രവേശിക്കും, ഏപ്രിൽ 24 ന് ചൊവ്വയും അതേ നക്ഷത്രത്തിൽ പ്രവേശിക്കും. ജ്ഞാനത്തിന്റെ ഗ്രഹമായ ബുധനും ധൈര്യത്തിന്റെ ഗ്രഹമായ ചൊവ്വയും സംയോജിക്കുന്നത് ശക്തമായ ഒരു യോഗം രൂപപ്പെടുത്തണമെന്നാണ് ജ്യോതിഷികൾ പറയുന്നത്. ഈ സമയത്ത് ചില രാശികളെ സംബന്ധിച്ച് ജീവിതത്തിൽ വലിയ നേട്ടങ്ങൾക്ക് കാരണമാകും. കരിയറിലും ദാമ്പത്യജീവിതത്തിലും കുടുംബത്തിലും ബിസിനസിലും പുരോഗതി ഉണ്ടാകും. ഈ സമയത്ത് എടുക്കുന്ന നിർണായ തീരുമാനങ്ങളെല്ലാം നല്ല ഫലങ്ങൾ കൊണ്ടുവരും. അത്തരത്തിൽ ഭാ​ഗ്യം തുണയ്ക്കുന്ന രാശികൾ ആരൊക്കെ എന്ന് നോക്കാം.

മേടം: മേടം രാശിക്കാർക്ക് ഈ കാലയളവിൽ വലിയ സന്തോഷവും സമാധാനവും പോസിറ്റീവ് എനർജിയും അനുഭവപ്പെടും. ഈ കാലയളവിൽ എടുക്കുന്ന തീരുമാനങ്ങൾ എല്ലാം നല്ലതായി വരും. അതേസമയം മുതിർന്നവരുടെ ഉപദേശം തേടാൻ മറക്കരുത്. ജോലിസ്ഥലത്ത് നിങ്ങളുടെ കഠിനാധ്വാനത്തിന് ഫലം കാണും. മുതിർന്ന ഉദ്യോഗസ്ഥരിൽ നിന്നും പ്രശംസ ലഭിക്കും. ജീവിതത്തിലെ തടസ്സങ്ങളെല്ലാം നീങ്ങി സൗഭാഗ്യം കടന്നുവരും. സാമ്പത്തിക സ്ഥിരത അനുഭവപ്പെടും. പുതിയ വരുമാനമാർഗങ്ങൾ മുന്നിൽ തുറന്നുവരും.മാധ്യമം, മാർക്കറ്റിംഗ്, വിദ്യാഭ്യാസം എന്നീ മേഖലകളിൽ പ്രവർത്തിക്കുന്നവർക്ക് പ്രത്യേകിച്ചും ഗുണം ലഭിച്ചേക്കാം.

വൃശ്ചികം: ഈ സമയത്ത് രാശിക്കാരെ സംബന്ധിച്ച് നേട്ടങ്ങളുടെയും സൗഭാഗ്യങ്ങളുടെയും സമയമാണ്. ജീവിതത്തിൽ ആഗ്രഹിച്ചതെല്ലാം നടക്കും. നിങ്ങളുടെ കഠിനാധ്വാനം വിലമതിക്കപ്പെടും. നിങ്ങളുടെ സാമൂഹിക നില ശക്തിപ്പെടും. സാമ്പത്തിക സ്ഥിതിഗണ്യമായി വളരും. പുതിയ വരുമാന മാർഗങ്ങൾ തുറന്നവരും. ആരോഗ്യ പ്രശ്നങ്ങൾ കുറയും. ക്ഷമയോടെ ചിന്തിച്ചു കാര്യങ്ങൾ ചെയ്താൽ എല്ലാം നിങ്ങൾക്ക് അനുകൂലമായി വരും. അമിത കോപവും ദേഷ്യവും നിയന്ത്രിക്കണം. ഒരാളെയും ചെറുതായി കാണരുത്. നല്ല കർമ്മങ്ങൾ ചെയ്താൽ നല്ല ഫലങ്ങൾ ലഭിക്കും.

മീനം: മീനം രാശിക്കാർക്ക് ഈ കാലയളവിൽ ആത്മവിശ്വാസം വർദ്ധിക്കും. എല്ലാ കാര്യങ്ങളിലും ഒരു പോസിറ്റീവ് എനർജി അനുഭവപ്പെടും. ജീവിതത്തിൽ സന്തോഷവും സമാധാനവും മടങ്ങി വരും. എന്തെങ്കിലും പ്രശ്നങ്ങൾ നേരിട്ടുകൊണ്ടിരിക്കുന്നുണ്ടെങ്കിൽ അതിനു നിങ്ങൾക്ക് സമാധാനം ലഭിക്കും. പ്രധാനപ്പെട്ട തീരുമാനങ്ങൾ എടുക്കുന്നതിനു മുൻപ് മുതിർന്നവരോട് അഭിപ്രായം ചോദിക്കുന്നത് നല്ലതാണ്. ഈ സമയത്ത് നിങ്ങൾ എടുക്കുന്ന പ്രധാനപ്പെട്ട തീരുമാനങ്ങൾക്കെല്ലാം തന്നെ ജീവിതത്തിൽ വലിയ നേട്ടങ്ങൾ കൊണ്ടുവരാൻ സാധിക്കും.

നമ്മൾ കടകളിൽ നിന്ന് വാങ്ങുന്ന മഞ്ഞൾപ്പൊടിയെല്ലാം നല്ലതാണോ? ആരോ​ഗ്യത്തിന് ഏറെ ​ഗുണകരമായ മഞ്ഞൾ കറികളിലും മറ്റും ചേർത്താണ് സാധാരണ നമ്മൾ കഴിക്കുന്നത്. രോ​ഗപ്രതിരോധശേഷി മുതൽ മനുഷ്യൻ്റെ പല ആരോ​ഗ്യാവസ്ഥയെയും മറികടക്കാൻ മഞ്ഞൾ ​ഗുണകരമാണ്. എന്നാൽ എല്ലാ മഞ്ഞൾപ്പൊടിയും നല്ലതാണെന്ന് നമുക്ക് പറയാൻ കഴിയില്ല. വിപണിയിൽ പല വ്യാജന്മാരും ചുറ്റിനടക്കുന്നുണ്ട്. (Image Credit Source: Getty Images)

പലവിധ മാരക വിഷാംശങ്ങൾ കലർത്തിയാണ് മഞ്ഞൾപ്പൊടികൾ വിപണിയിൽ എത്തുന്നത്. എന്നാൽ വാങ്ങിയ മഞ്ഞൾ ശുദ്ധമാണോ എന്ന് തിരിച്ചറിയാൻ എന്താണ് ചെയ്യേണ്ടത്. വിഷമിക്കേണ്ട പരിഹാരം വീട്ടിൽ തന്നെയുണ്ട്. നിങ്ങൾക്ക് വളരെ എളുപ്പത്തിൽ അടുക്കളയിൽ തന്നെ മഞ്ഞൾപ്പൊടിയുടെ ശുദ്ധത പരിശോധിക്കാവുന്നതാണ്. എന്താണ് ചെയ്യേണ്ടതെന്ന് നോക്കാം.

ഏറ്റവും ലളിതമായ ഒരു പരീക്ഷണമാണ് ഒരു ഗ്ലാസ് വെള്ളം ഉപയോഗിച്ചുള്ളത്. ഒരു ഗ്ലാസ്സിൽ മുക്കാൽ ഭാഗത്തോളം ഇളംചൂടുള്ള വെള്ളം എടുക്കുക. ഇതിലേക്ക് ഒരു സ്പൂൺ മഞ്ഞൾപ്പൊടി മുകളിൽ നിന്ന് ഇടുക. ഒരിക്കലും അത് യോജിപ്പിക്കരുത്. ശേഷം അടുത്ത 20 മിനിറ്റ് ഗ്ലാസ് അനക്കാതെ ​വെക്കുക. ശുദ്ധമാണെങ്കിൽ മഞ്ഞൾപ്പൊടി ഗ്ലാസ്സിൻ്റെ അടിയിൽ അടിയുകയും മുകളിലെ വെള്ളം തെളിയുകയും ചെയ്യും.

അതല്ല മഞ്ഞൾപ്പൊടി വ്യാജനാണെങ്കിൽ, വെള്ളം കടുത്ത മഞ്ഞനിറമാകുകയോ കലങ്ങുകയോ ചെയ്യും. ഇത് ചോക്ക് പൊടിയോ കൃത്രിമ നിറങ്ങളോ ഉപയോ​ഗിച്ച് നിർമ്മിച്ചതാകാം. അതുപോലെ തന്നെ അല്പം മഞ്ഞൾപ്പൊടി കൈവെള്ളയിൽ വെച്ച് തള്ളവിരൽ കൊണ്ട് നന്നായി ഞെരുടുക. ശുദ്ധമായ മഞ്ഞളാണെങ്കിൽ കൈവെള്ളയിൽ മഞ്ഞനിറം പറ്റിപ്പിടിക്കും. അതുപോലെ മായം കലർന്നതിന് മണം കുറവായിരിക്കും.

മായം ചേർത്തുവരുന്ന മഞ്ഞൾ നിങ്ങളുടെ ആരോഗ്യത്തെ പല തരത്തിൽ ബാധിച്ചേക്കാം. ഭക്ഷണത്തിൽ ഇവ ചേർക്കുന്നത് ഓക്കാനം, ഛർദ്ദി, വയറ്റിൽ അസ്വസ്ഥതകൾ, വൃക്ക അല്ലെങ്കിൽ കരൾ രോ​ഗങ്ങൾ, പ്രതിരോധശേഷി കുറയുക, നാഡീസംബന്ധമായ പ്രശ്നങ്ങൾ, കുട്ടികളിൽ വിഷബാധ, കുട്ടികളിൽ ബുദ്ധിവികാസം ഇല്ലാതാകുക എന്നിവയ്ക്ക് കാരണമായേക്കാം.

മാമ്പഴം കഴിക്കാൻ എല്ലാവർക്കും ആവേശമാണ്. എന്നാൽ പ്രമേഹം കൂടുമെന്നോ തടി കൂടുമെന്നോ പേടിച്ച് പലരും മാമ്പഴത്തിൽ നിന്ന് വിട്ടുനിൽക്കാറുണ്ട്. എന്നാൽ ശരിയായ രീതിയിൽ കഴിച്ചാൽ മാമ്പഴം ശരീരഭാരം കുറയ്ക്കാൻ സഹായിക്കുമെന്നാണ് ആരോഗ്യവിദഗ്ധർ പറയുന്നത്. ( Image Credit Source: Getty Images )

മാമ്പഴം ഡയറ്റിൽ ഉൾപ്പെടുത്തുമ്പോൾ ശ്രദ്ധിക്കേണ്ട ചില കാര്യങ്ങൾ ഉണ്ട്. ഭാരം കൂട്ടാതെ കഴിക്കാനുള്ള പൊടിക്കൈകൾ എന്തെല്ലാമെന്നു നോക്കാം. മാമ്പഴത്തിൽ കലോറി കൂടുതലാണ്. അതിനാൽ അമിതമായി കഴിക്കുന്നത് ഭാരം വർദ്ധിപ്പിക്കാൻ കാരണമാകും. ഒരു ദിവസം ഒരു ഇടത്തരം മാമ്പഴത്തിൽ കൂടുതൽ കഴിക്കാതിരിക്കാൻ ശ്രദ്ധിക്കുക.

മാമ്പഴം ഭക്ഷണത്തോടൊപ്പം കഴിക്കുന്നത് ഒഴിവാക്കുക. ചോറിനോടൊപ്പമോ ചപ്പാത്തിയോടൊപ്പമോ മാമ്പഴം കഴിക്കുമ്പോൾ ശരീരത്തിലെത്തുന്ന കലോറിയുടെ അളവ് ഇരട്ടിയാകും. ഇത് തടി കൂടാൻ കാരണമാകും. അതിനാൽ ഒരു 'മിഡ്-മീൽ സ്നാക്ക്' അതായത് ഉച്ചഭക്ഷണത്തിന് മുൻപോ വൈകുന്നേരമോ ആയി മാമ്പഴം കഴിക്കുന്നതാണ് ഉചിതം.

മാമ്പഴം ജ്യൂസ് അടിച്ചോ മിൽക്ക് ഷേക്ക് ആക്കിയോ കുടിക്കുമ്പോൾ അതിൽ നാരുകൾ നഷ്ടപ്പെടാൻ സാധ്യതയുണ്ട്. കൂടാതെ പഞ്ചസാരയും പാലുമൊക്കെ ചേർക്കുന്നത് കലോറി കൂട്ടും. മാമ്പഴം കടിച്ചു ചവച്ചു കഴിക്കുന്നത് ദഹനത്തിനും കൂടുതൽ നേരം വിശപ്പില്ലാതെ ഇരിക്കാനും സഹായിക്കും.

മാമ്പഴം നല്ലൊരു ഊർജ്ജ സ്രോതസ്സാണ്. വർക്കൗട്ട് ചെയ്യുന്നതിന് അര മണിക്കൂർ മുൻപ് മാമ്പഴം കഴിക്കുന്നത് കഠിനമായ വ്യായാമം ചെയ്യാൻ ആവശ്യമായ ഊർജ്ജം നൽകും. വിറ്റാമിൻ A, വിറ്റാമിൻ C എന്നിവയാൽ സമ്പന്നമാണ് മാമ്പഴം. ഇതിലടങ്ങിയിരിക്കുന്ന നാരുകൾ മലബന്ധം ഒഴിവാക്കാനും ദഹനം മെച്ചപ്പെടുത്താനും സഹായിക്കുന്നു. ഇത് പരോക്ഷമായി ശരീരഭാരം നിയന്ത്രിക്കാൻ സഹായിക്കും.

രാത്രി മുഴുവൻ നന്നായി ഉറങ്ങിയിട്ടും പലർക്കും രാവിലെ എഴുന്നേൽക്കുമ്പോൾ കടുത്ത ക്ഷീണം അനുഭവപ്പെടാറുണ്ട്. ചിലർ ഇതിനെ മടിയായിട്ടും ഉറക്കമില്ലായ്ക ആയിട്ടും എല്ലാം കണ്ട് നിസാരമായി തള്ളികളയാറുണ്ട്. എന്നാൽ ഇത്തരം ലക്ഷണങ്ങൾ നമ്മുടെ ആരോ​ഗ്യം മോശമാകുന്നതിൻ്റെ സൂചനകളാണെങ്കിലോ. അത്തരത്തിൽ നിങ്ങളുടെ ശരീരം കാണിച്ചുതരുന്ന ലക്ഷണങ്ങൾ നോക്കാം. (Image Credit Source: Getty Images)

ഉറങ്ങുന്ന നിമിഷം വരെ മൊബൈൽ ഉപയോഗിക്കുന്നത് നിങ്ങളുടെ തലച്ചോറിനെ എപ്പോഴും ഉണർന്നിരിക്കാൻ പ്രേരിപ്പിക്കുന്നു. അതുപോലെ തന്നെ ഇടയ്ക്കിടെ ഉറക്കം ഉണരുന്നത് നിങ്ങളുടെ മനസ്സ് അസ്വസ്ഥമാണെന്നതിൻ്റെയും ശരീരം വിശ്രമിക്കാൻ മടിക്കുന്നു എന്നതിൻ്റെയും സൂചനയായി കണക്കാക്കാം. ഇതെല്ലാം പിറ്റേന്ന് എഴുന്നേൽക്കുമ്പോൾ കഠിനമായ ക്ഷീണം തോന്നുന്ന അവസ്ഥയാണ്.

മാനസികാവസ്ഥയിലുണ്ടാകുന്ന പെട്ടെന്നുള്ള മാറ്റങ്ങൾ നിങ്ങളുടെ ഉറക്കത്തെ കാര്യമായി ബാധിച്ചേക്കാം. അതുപോലെ തന്നെ രാവിലെ ഉറക്കം എഴുന്നേൽക്കുമ്പോൾ അനുഭവപ്പെടുന്ന ശരീരവേദന പേശിവേദന എന്നിവയെല്ലാം വളരെയധികം ശ്രദ്ധയോടെ നോക്കികാണേണ്ട പ്രശ്നങ്ങളാണ്. ഉന്മേഷം കിട്ടാൻ ചായയും കാപ്പിയും അമിതമായി ഉപയോ​ഗിക്കുന്നത് ഒരുപക്ഷേ രാത്രിയിലെ ഉറക്കത്തെ ബാധിച്ചേക്കാം.

വിറ്റാമിൻ ഡി, വിറ്റാമിൻ ബി12, അയേൺ എന്നിവയുടെ കുറവ് കടുത്ത തളർച്ചയുണ്ടാക്കാറുണ്ട്. ഇതുമൂലെ നമ്മൾ എത്ര ഉറങ്ങിയാലും ക്ഷീണം അനുഭവപ്പെടുന്നതായി തോന്നിയേക്കാം. ഉറങ്ങുന്നതിന് തൊട്ടുമുൻപുള്ള മൊബൈൽ, ലാപ്ടോപ്പ് ഉപയോഗം ഉറക്കത്തിൻ്റെ ​ഗുണമെന്മ ​ഗണ്യമായി കുറയ്ക്കുന്നു. മാനസിക സമ്മർദ്ദമുള്ളവരിൽ എത്ര ഉറങ്ങിയാലും ഉറക്കകുറവ് അനുഭവപ്പെട്ടേക്കാം.

ചൂട് കാലമായതിനാൽ രാത്രികാലങ്ങളിൽ ഉറക്കം പലർക്കും ശരിയാവണമെന്നില്ല. ചൂട് മൂലം രാത്രിയിൽ എഴുന്നേൽക്കുന്നതും, ഉറങ്ങാതെ കിടക്കുന്നതും പിറ്റേ ദിവസം ക്ഷീണം അനുഭവപ്പെടാനുള്ള പ്രധാന കാരണങ്ങളാണ്. അതുപോലെ തന്നെ ശരീരത്തിൽ വെള്ളം കുറയുന്നത് മെറ്റബോളിസത്തെ ബാധിക്കുകയും ക്ഷീണമുണ്ടാക്കുകയും ചെയ്യും. ധാരാളം വെള്ളം കുടിക്കുന്നത് വളരെ നല്ലതാണ്.

കടുത്തവേനലിൽ മലയാളികൾ നട്ടംതിരിയുകയാണ്. ഇടയ്ക്കിടെ മഴ പെയ്യുമെങ്കിലും ചൂട് മാത്രം കുറയുന്നില്ല. എന്നാൽ മലയാളികൾ മാത്രമല്ല, നമ്മുടെ അയൽ സംസ്ഥാനമായ തമിഴ്നാടും കൊടുംചൂടിൽ വലയുകയാണ്. പ്രത്യേകിച്ച് ചെന്നൈ ന​ഗരത്തിൽ ഉയർന്ന താപനിലയാണ് രേഖപ്പെടുത്തുന്നത്. (Image Credit source: PTI)

ഈ വർഷത്തെ ഏറ്റവും ചൂടേറിയ ദിനങ്ങളിലൂടെയാണ് ചെന്നൈ ന​ഗരം കടന്നുപോകുന്നത്. ഏപ്രിൽ 22, ഇന്ന് 39.1 ഡി​ഗ്രി സെൽഷ്യസ് താപനിലയാണ് രേഖപ്പെടുത്തിയത്, ഇത് ഈ വർഷത്തെ ഏറ്റവും ഉയർന്ന നിരക്കാണ്. സമുദ്ര കാറ്റിന്റെ വേ​ഗത കുറഞ്ഞതും അന്തരീക്ഷത്തിലെ ഈർപ്പത്തിന്റെ അളവ് കൂടിയതുമാണ് ചൂട് കൂടാൻ കാരണമായത്.

സാധാരണ നിലയേക്കാൾ നാല് ഡി​ഗ്രിയാണ് ഇന്ന് ഉയർന്നത്. മീനമ്പാക്കത്ത് താപനില 39.6 ഡിഗ്രി വരെ ഉയർന്നതായും കാലാവസ്ഥ വകുപ്പ് അറിയിച്ചു. സാധാരണയായി ലഭിക്കാറുള്ള സമുദ്ര കാറ്റ് വൈകിയെത്തുന്നതും അതിന്റെ വേ​ഗത കുറഞ്ഞതുമാണ് ചൂട് വർദ്ധിക്കാൻ കാരണമായതെന്ന് കാലാവസ്ഥ വിദ​ഗ്ധർ പറഞ്ഞു.

അന്തരീക്ഷത്തിൽ താപനില കൂടുതലായതിനാൽ യഥാർത്ഥ ചൂടിനേക്കാൾ കൂടുതൽ ചൂട് അനുഭവപ്പെടുന്നതും ആളുകളെ വലയ്ക്കുന്നുണ്ട്. വരുംദിവസങ്ങളിലും ഇതുപോലെ ചൂട് കൂടിയേക്കുമെന്നാണ് കാലാവസ്ഥ വകുപ്പിന്റെ പ്രവചനം. ഉച്ചസമയത്ത് നേരിട്ട് വെയിൽ ഏൽക്കുന്നത് ഒഴിവാക്കണമെന്നും ധാരാളം വെള്ളം കുടിക്കണമെന്നും ആരോഗ്യ വിദഗ്ധർ നിർദ്ദേശിച്ചിട്ടുണ്ട്.

ചെന്നൈ ന​ഗരത്തിന് പുറമേ തമിഴ് നാട്ടിലെ ഉൾജില്ലകളിലുംല ചൂട് കഠിനമാണ്. വെല്ലൂരിൽ 41.9°C താപനില രേഖപ്പെടുത്തി, . കരൂർ പരമത്തിയിൽ 40.5°C, ഈറോഡ് 39.2°C, മധുര വിമാനത്താവളം 39.4°C, തിരുച്ചി 39.3°C എന്നിവയുൾപ്പെടെ നിരവധി സ്ഥലങ്ങളിൽ സാധാരണയേക്കാൾ ഉയർന്ന താപനിലയാണ് രേഖപ്പെടുത്തിയത്.

ഏറെനാളായി മുടങ്ങിക്കിടന്ന ബെംഗളൂരു ഇന്റര്‍മീഡിയേറ്റ് റിംങ് റോഡ് നിര്‍മാണം ആരംഭിക്കാന്‍ പോകുന്നു. ബെംഗളൂരു മെട്രോ പൊളിറ്റന്‍ റീജിയണല്‍ ഡെവലപ്പ്‌മെന്റ് അതോറിറ്റി നടപ്പിലാക്കുന്ന പാതയുടെ നിര്‍മാണം 2007ലാണ് ആരംഭിച്ചത്. എന്നാല്‍ നിയമപരമായ തര്‍ക്കങ്ങളും ഭൂമി ഏറ്റെടുക്കലില്‍ നേരിട്ട വെല്ലുവിളികളും കാരണം പദ്ധതി വൈകി. (Image Credit Source: Getty Images)

നിലവില്‍ ഉപമുഖ്യമന്ത്രി ഡികെ ശിവകുമാറിന്റെ നിര്‍ദേശപ്രകാരമാണ് പദ്ധതിക്ക് വീണ്ടും ജീവന്‍ വെക്കുന്നത്. നഗരത്തിന് ചുറ്റുമുള്ള 12 പ്രദേശങ്ങളെ പരസ്പരം ബന്ധിപ്പിച്ചുകൊണ്ട് കടന്നുപോകുന്നതിനാല്‍ തന്നെ കൂടുതല്‍ ഭൂമിയും പദ്ധതിക്ക് ആവശ്യമാണ്. 210 കിലോമീറ്ററാണ് പാതയുടെ ആകെ നീളം.

തട്ടേക്കരെ, ഹരോഹള്ളി, ബിഡദി, തവരെക്കെരെ, നെലമംഗല, ദേവനഹള്ളി, ഹോസ്‌കോട്ട്, ദൊമ്മസാന്ദ്ര, ആനേക്കല്‍ എന്നിവയുള്‍പ്പെടെയുള്ള പ്രധാന കേന്ദ്രങ്ങളെ ബന്ധിപ്പിക്കുന്ന നിര്‍ദ്ദിഷ്ട പാത ബെംഗളൂരുവിന്റെ ഉള്‍നാടന്‍ മേഖലകളിലേക്ക് വികസനം അതിവേഗം എത്തിക്കാനും സഹായിക്കുമെന്ന പ്രതീക്ഷയിലാണ് സര്‍ക്കാര്‍.

പദ്ധതിയുടെ അലൈന്‍മെന്റ് തിരുത്തിയത് നേരത്തെ കോടതിയില്‍ ചോദ്യം ചെയ്യപ്പെട്ടിരുന്നു. റൂട്ടിലുള്ള മാറ്റങ്ങളാണ് ഇതിന് കാരണമായത്. ഇതേതുടര്‍ന്ന് 2022 ഓഗസ്റ്റില്‍ കര്‍ണാടക ഹൈക്കോടതി പാതയുടെ അലൈന്‍മെന്റില്‍ വീണ്ടും മാറ്റങ്ങള്‍ വരുത്താന്‍ നിര്‍ദേശിച്ചു. വിദഗ്ധസംഘം തന്നെയാണ് പദ്ധതിക്ക് പിന്നില്‍ പ്രവര്‍ത്തിക്കുന്നത്.

2023ല്‍ പിഡബ്ല്യൂഡി റോഡുകളെയും ഉള്‍പ്പെടുത്തി അലൈന്‍മെന്റ് ഉണ്ടാക്കിയെങ്കിലും അവിടെയും തടസങ്ങളുണ്ടായി. റോഡിന്റെ വീതി ആദ്യം തീരുമാനിച്ചതില്‍ നിന്നും 90 മീറ്റര്‍ കുറവായിരുന്നു. ഇതോടെയാണ് മറ്റൊരു അലൈന്‍മെന്റില്‍ പാതയുടെ നിര്‍മാണം നടത്താന്‍ അധികൃതര്‍ തീരുമാനിച്ചത്. നിര്‍മാണം പൂര്‍ത്തിയാക്കി ഉടന്‍ ഗതാഗതത്തിനായി റോഡ് തുറന്നുകൊടുക്കുമെന്നാണ് വിവരം.

സനാതന ധർമ്മത്തിൽ വാസ്തുശാസ്ത്രത്തിന് വലിയ പ്രാധാന്യമുള്ളത്. പ്രധാനമായും വീട്. ഒരു വ്യക്തിയുടെ ജീവിതത്തിൽ ഏറ്റവും പ്രധാനപ്പെട്ടതും സ്വപ്നവുമാണ് വീട്. അതിനാൽ അവ നിർമ്മിക്കുമ്പോൾ നമ്മൾ ഏറ്റവും കൂടുതൽ പ്രാധാന്യം നൽകേണ്ട ഒന്നാണ് വാസ്തു. കാരണം വാസുപ്രകാരം അല്ലാതെ നിർമ്മിക്കുന്ന വീട്ടിൽ ഐശ്വര്യം നിലനിൽക്കില്ല. എപ്പോഴും ദുഃഖവും ദുരിതവും ആയിരിക്കും.വീട്ടിലെ നിർമ്മാണം മാത്രമല്ല വീടിനകത്ത് വെക്കുന്ന മറ്റു ചില കാര്യങ്ങളും അവയുടെ സ്ഥാനവും എല്ലാം നമ്മുടെ ജീവിതത്തിൽ ഒരുപാട് സ്വാധീനം ചെലുത്തുന്നുണ്ട്. (Image Credit source: Getty Images)

അതായത് വീട്ടിലുള്ള ഏതൊരു കാര്യമായാലും വാസ്തു തെറ്റിച്ചു കൊണ്ട് വച്ചാൽ അത് നമ്മളുടെ ജീവിതത്തിൽ വലിയ നഷ്ടങ്ങൾക്കും ബുദ്ധിമുട്ടുകൾക്കും കാരണമാകും. അവയിൽ ഒന്നാണ് ഡൈനിങ് ടേബിൾ. ഡൈനിങ് ടേബിൾ ഇല്ലാത്ത വീടുകൾ വിരളമായിരിക്കും. ഒരു വീട്ടിലെ എല്ലാവരും ഒത്തുചേരുന്ന ഒരു ഇടമാണ് ഡൈനിങ് ടേബിൾ. പല വീടുകളിലും ഭക്ഷണം കഴിക്കുന്ന സമയത്ത് ആയിരിക്കും ആ വീട്ടിൽ എല്ലാവരും ഒന്ന് ചേരുകയും കാര്യങ്ങൾ സംസാരിക്കുകയും ഒക്കെ ചെയ്യുക. അല്ലാത്ത സമയത്ത് ഒഴിഞ്ഞുകിടക്കുന്ന ഡൈനിങ് ടേബിളിൽ പലപ്പോഴും പല വസ്തുക്കളും നമ്മൾ കൊണ്ടു അലക്ഷ്യമായി വയ്ക്കാറുണ്ട്.

മറ്റു ചില വീടുകളിൽ പലപ്പോഴും ആളുകൾ എന്തെങ്കിലുമൊക്കെ സാധനങ്ങൾ അലക്ഷ്യമായി വെക്കുന്നതിന് മാത്രം ഉപയോഗിക്കുന്ന ഒന്നാണ് ഡൈനിങ് ടേബിൾ. എന്നാൽ ഡൈനിങ് ടേബിൾ എപ്പോഴും വൃത്തിയായി സൂക്ഷിക്കണം. ചില സാധനങ്ങൾ നമ്മൾ ഡൈനിങ് ടേബിളിൽ വയ്ക്കുന്നത് വീട്ടിലെ ക്കുള്ള പോസിറ്റീവ് എനർജിയുടെ ആഗിരണത്തെ ഇല്ലാതാക്കും. അവയിൽ പ്രധാനപ്പെട്ട ഒന്നാണ് മരുന്നുകൾ. മരുന്ന് ഒരിക്കലും ഡൈനിങ് ടേബിളിൽ വയ്ക്കരുത്. ഇത് വീട്ടിലുള്ളവർക്ക് എപ്പോഴും അസുഖങ്ങൾ വരാനുള്ള സാധ്യത വർദ്ധിപ്പിക്കുന്നു. അതിനാൽ മരുന്ന് മറ്റേതെങ്കിലും മൂലയിൽ ആയി ഒരു പാത്രത്തിൽ പ്രത്യേകമായി സൂക്ഷിക്കുക.

ഭക്ഷണത്തിനുശേഷം ഡൈനിങ് ടേബിളിൽ മൂർച്ചയുള്ള വസ്തുക്കൾ അതായത് കത്തി, കത്രിക പോലുള്ളവ സൂക്ഷിക്കുന്നത് അത്ര ശുഭകരമല്ല. ഇത് ആ വീട്ടിൽ എപ്പോഴും പിരിമുറുക്കങ്ങൾക്കും സാമ്പത്തിക അസ്ഥിരതയ്ക്കും മാനസിക സംഘർഷങ്ങൾക്കും കാരണമാകും.ഭക്ഷണം കഴിച്ചതിനുശേഷം ആ പാത്രങ്ങളും മറ്റും ഡൈനിങ് ടേബിളിൽ തന്നെ വയ്ക്കരുത് . ഇത് നെഗറ്റീവ് എനർജിയെ വർധിപ്പിക്കുന്നു. ഈ ശീലം ക്രമേണ വീടിന്റെ സാമ്പത്തിക സ്ഥിതിയെയും മാനസിക സമാധാനത്തെയും ഇല്ലാതാക്കും.

ഡൈനിങ് ടേബിൾ ഒരിക്കലും ആവശ്യമില്ലാത്ത വസ്തുക്കൾ കൊണ്ടു വയ്ക്കരുത്. പത്രങ്ങൾ, ബില്ലുകൾ, ബാഗുകൾ എന്നിവ കൊണ്ടുവെക്കാൻ ഉള്ള ഇടമല്ലിത്. കൂടാതെ പൊട്ടിയ പാത്രങ്ങൾ, പൊട്ടിയ പ്ലേറ്റുകൾ, പൊട്ടിയ ഫ്ലവർ വെയ്സ് എന്നിവയൊന്നും ഡൈനിങ് ടേബിളിൽ വയ്ക്കരുത്. ഇവയെല്ലാം പോസിറ്റീവ് എനർജി ഇല്ലാതാക്കും. അതിനാൽ വീട്ടിലെ ഡൈനിങ് ടേബിൾ എല്ലായിപ്പോഴും വൃത്തിയോടേയും അടുക്കും ചിട്ടയോടും കൂടി വെക്കേണ്ടത് വളരെ പ്രധാനമാണ്.

ജ്യോതിഷത്തിൽ ഗ്രഹങ്ങളുടെ സംക്രമണത്തിന് വലിയ പ്രാധാന്യമാണ് നൽകുന്നത്. കാരണം ഇവ വിവിധ രാശികളുടെ ജീവിതത്തിൽ ശക്തമായ സ്വാധീനം ചെലുത്തും. ഗ്രഹങ്ങളുടെ സംക്രമണവും സംയോജനവും 12 രാശികളുടെ ജീവിതത്തിൽ നല്ലതും ചീത്തതുമായ സ്വാധീനങ്ങൾ ഉണ്ടാക്കും. ചില പ്രത്യേക ഗ്രഹങ്ങളുടെ സംയോജനവും നക്ഷത്രമാറ്റവും എല്ലാം വലിയ സൗഭാഗ്യങ്ങൾക്കും ഐശ്വര്യത്തിനും സമ്പത്തിനും പ്രശസ്തിക്കും കാരണമാകും. ഈ ഗ്രഹങ്ങളുടെ സംക്രമണ വേളയിൽ ഇവരുടെ ജീവിതത്തിൽ ആഗ്രഹിച്ചതെല്ലാം നേടുവാനും ജീവിതത്തിലെ തടസ്സങ്ങളെല്ലാം നീങ്ങി പുരോഗതിക്കുള്ള വഴികൾ തുറന്നു വരികയും ചെയ്യും. അതേസമയം ചില രാശിക്കാരെ സംബന്ധിച്ച് ചില ഗ്രഹങ്ങളുടെ സംക്രമണവും സംയോജനവും ഇവരുടെ ജീവിതത്തിൽ ദുരിത കാലഘട്ടത്തിന്റെ ആരംഭം ആയിരിക്കും. അത്തരത്തിൽ മേയിൽ ആരംഭിക്കുന്ന ചൊവ്വയുടെ സംക്രമണം ഇനി പറയുന്ന രാശിക്കാർക്ക് ജീവിതത്തിൽ നേട്ടങ്ങൾക്ക് കാരണമാകും.(Image Credit source:TV9 NETWORK/GETTY IMAGES)

മേടം : ചൊവ്വയുടെ ഈ സംക്രമണം മേടം രാശിക്കാരുടെ ജീവിതത്തിൽ സമ്പത്തും അഭിവൃദ്ധിയും കൊണ്ടുവരും. നിങ്ങൾ ആഗ്രഹിക്കുന്നതെല്ലാം നേടാൻ സാധിക്കുന്ന ഒരു സമയമായിരിക്കും ഇത്. ക്ഷമയോടെ ചിന്തിച്ചു കാര്യങ്ങൾ ചെയ്യുകയും തീരുമാനങ്ങൾ എടുക്കുകയും ചെയ്താൽ നിങ്ങളുടെ ജീവിതത്തിൽ പുതിയ വഴിത്തിരിവായി മാറും. സമ്പത്ത് വർദ്ധിക്കും, സമ്പത്തിനായുള്ള പുതിയ വഴികൾ തുറന്നു വരും, കരിയറിൽ പുരോഗതി കുടുംബത്തിൽ സന്തോഷവും സമാധാനവും, വിവാഹിതരെ സംബന്ധിച്ച് നല്ല സമയമാണ്. വിദ്യാർത്ഥികൾക്കും ഈ കാലയളവിൽ മത്സരപരീക്ഷകളിൽ നിങ്ങളുടെ കഠിന പ്രയത്നതിനുള്ള ഫലം ലഭിക്കാനും സാധ്യത.

ചിങ്ങം: ചൊവ്വയുടെ സംക്രമണം ചിങ്ങം രാശിക്കാർക്ക് സാമ്പത്തിക സ്ഥിരത കൈവരിക്കാൻ സഹായിക്കും. ജീവിതത്തിലെ പല പ്രശ്നങ്ങൾക്കും ഈ കാലയളവിൽ മാറ്റമുണ്ടാകും. സന്തോഷവും സമൃദ്ധിയും വർദ്ധിക്കും. സമൂഹത്തിൽ ബഹുമാനം വർദ്ധിക്കും. മാനസിക സമ്മർദ്ദം കുറയും ആത്മവിശ്വാസം വർദ്ധിക്കും. കൂടാതെ പൂർവിക സ്വത്തുമായി ബന്ധപ്പെട്ട തർക്കങ്ങളിൽ നിങ്ങൾക്ക് അനുകൂലമായി ഫലം വരും. പല രീതിയിൽ നിന്നും സാമ്പത്തിക നേട്ടങ്ങൾക്കും സാധ്യത.

വൃശ്ചികം: വൃശ്ചികം രാശിക്കാരെ സംബന്ധിച്ച് ചൊവ്വയുടെ സംക്രമണം ജീവിതത്തിലെ പല പ്രശ്നങ്ങൾക്കും മാറ്റങ്ങൾ ഉണ്ടാക്കും. സമ്പത്ത് വർദ്ധിക്കും. ആത്മവിശ്വാസം വർദ്ധിക്കുകയും നിങ്ങൾ ചെയ്യുന്ന കാര്യങ്ങൾക്കെല്ലാം ഉദ്ദേശിച്ച ഫലം ലഭിക്കും. ജോലിസ്ഥലത്ത് കഠിനാധ്വാനം വർദ്ധിക്കും, ക്ഷമയോടെ ചിന്തിച്ചു കാര്യങ്ങൾ ചെയ്താൽ എല്ലാം അനുകൂലമായി വരും. അമിതകോപം ഒഴിവാക്കുക. ഒരു വികാരത്തിന്റെ പുറത്ത് ഒരു തീരുമാനങ്ങളും എടുക്കരുത്. ക്ഷമയോടെ ചിന്തിച്ചു കാര്യങ്ങൾ ചെയ്താൽ എല്ലാം നിങ്ങൾ വിചാരിച്ച പോലെ സാധിക്കും.

ധനു: ധനുരാശിക്കാർക്ക് ഈ കാലയളവിൽ നേട്ടങ്ങളുടെയും സൗഭാഗ്യങ്ങളുടെയും വരവായിരിക്കും. സാമ്പത്തിക സ്ഥിതി മെച്ചപ്പെടും അപ്രതീക്ഷിത സാമ്പത്തിക നേട്ടങ്ങൾ ഉണ്ടാകും. കുടുംബത്തിലും ദാമ്പത്യ ജീവിതത്തിലും സന്തോഷവും സമാധാനവും ഉണ്ടാകും. മുൻകാലനിക്ഷേപങ്ങളിൽ നിന്നും ഫലം ലഭിക്കും. വിദേശയാത്ര പ്ലാൻ ചെയ്തിരിക്കുന്നവർക്കും നല്ല സമയം. ചൊവ്വയുടെ അനുഗ്രഹത്താൽ നിങ്ങളുടെ എല്ലാ ആഗ്രഹങ്ങളും സഫലമാകും. ക്ഷമയോടെ ചിന്തിച്ച് തീരുമാനങ്ങൾ എടുക്കുക. എടുത്തുചാടി ഒരു തീരുമാനങ്ങളും എടുക്കരുത്.( ശ്രദ്ധിക്കുക: ഇവിടെ നൽകിയിരിക്കുന്ന വിവരങ്ങൾ പൊതുവായ ഫലത്തെ അടിസ്ഥാനമാക്കിയാണ്. TV9 മലയാളം ഇവ സ്ഥിരീകരിക്കുന്നില്ല.)

മലയാളികളുടെ അടുക്കളയിലെ പ്രധാനിയാണ് വെളിച്ചെണ്ണ. കഴിഞ്ഞ വർഷം വെളിച്ചെണ്ണ വിലയിൽ വൻ വർദ്ധനവാണ് രേഖപ്പെടുത്തിയത്. ലിറ്ററിന് 500 രൂപയ്ക്ക് മുകളിൽ പോയിരുന്നു. ഇതോടെ വെളിച്ചെണ്ണ അടുക്കളയിൽ നിന്ന് പുറത്തായി, മറ്റ് പകരമാർ​ഗങ്ങൾ മലയാളികൾ തേടിയിരുന്നു. എന്നാൽ ഓണത്തിന് പിന്നാലെ വില കുറഞ്ഞിരുന്നു. (Image Credit source: Getty Images)

നിലവിൽ ഒരു കിലോ വെളിച്ചെണ്ണയ്ക്ക് ഏകദേശം 200 - 300 രൂപയോളമാണ് നൽകേണ്ടത്. കമ്മോഡിറ്റി ഓൺലൈൻ പ്രകാരം നീലേശ്വരത്ത് വെളിച്ചെണ്ണ ക്വിറ്റലിന് ഏകദേശം 31000 രൂപയാണ് വില. തലശ്ശേരി മാർക്കറ്റിൽ 27200 രൂപയും കണ്ണൂരിൽ 29700 രൂപയുമാണ് വില. വെളിച്ചെണ്ണ വില താഴുന്നത് ഏറെ ആശ്വാസമാണ്.

എന്നാൽ, കഴിഞ്ഞ വർഷത്തെ പോലെ വില ഉയർന്നേക്കുമോ എന്ന ആശങ്കയുമുണ്ട്. തമിഴ്നാട്ടിൽ നിന്നുള്ള പച്ചത്തേങ്ങയുടെ വരവ് വർദ്ധിച്ചതോടെ സംഭരണതോത് കുറഞ്ഞിട്ടുണ്ട്. ഇതോടെ വെളിച്ചെണ്ണ വില കൂട്ടാനായി തമിഴ്നാട്ടിലെ മില്ലുടമകൾ സംഘടിത നീക്കം നടത്തിയിരുന്നു. എന്നാൽ കേരളത്തിലെ വിപണികളിൽ വില കുറയുകയാണ് ചെയ്തത്.

കൊച്ചി, തൃശൂർ, കോഴിക്കോട് വിപണികളിൽ വെളിച്ചെണ്ണ വില താഴ്ന്നു. തമിഴ്നാട് കാങ്കയത്ത് കൊപ്രയുടെ വ്യാപാരം അവസാനിച്ചത്. കാലാവസ്ഥ വ്യത്യായാനം നാളികേര ഉൽപാദനത്തെ ബാധിച്ചാൽ വില വീണ്ടും ഉയരാൻ സാധ്യതയുണ്ട്. അതേസമയം, ഏലക്ക വിപണിയിൽ വൻ മുന്നേറ്റമാണ്. ഏകദേശം ഒന്നര ലക്ഷം കിലോ ഏലക്കയാണ് ഇന്ന് ലേലത്തിന് എത്തിയതായാണ് കണക്ക്. കിലോയ്ക്ക് 3,787 രൂപ വരെ ലഭിച്ചു.

കേരളത്തിൽ റബർ വിലയിൽ വർദ്ധനവുണ്ടായിട്ടപണ്ട്. പ്രതികൂല കാലാവസ്ഥ കാരണം ഉൽപാദനം കുറഞ്ഞതാണ് വില ഉയരാൻ ഇടയാക്കിയത്. നാലാം ഗ്രേഡ് (RSS-4) ക്വിന്റലിന് 23,500 രൂപയും ഒട്ടുപാലിന് കിലോയ്ക്ക് 150 രൂപയുമായിരുന്നു വില. രാജ്യാന്തര വിപണിയിലെ മാറ്റങ്ങൾ ആഭ്യന്തര വിപണിയെയും ബാധിക്കുന്നുണ്ട്.

ഗ്രഹങ്ങളുടെ സംക്രമണത്തിന് ജ്യോതിഷത്തിൽ വലിയ പ്രാധാന്യമാണുള്ളത്. കാരണം ഇവയുടെ രാശിമാറ്റവും നക്ഷത്ര മാറ്റവും എല്ലാം ജീവിതത്തിൽ ഓരോ വ്യക്തിക്കും വലിയ മാറ്റങ്ങൾക്ക് കാരണമാകും. ചിലരെ സംബന്ധിച്ച് ഇത് നല്ല ഫലങ്ങൾ കൊണ്ടുവരുമ്പോൾ മറ്റുചിലരെ സംബന്ധിച്ച് വളരെ മോശം കാലഘട്ടം ആയിരിക്കും ആരംഭിക്കുക. അത്തരത്തിൽ ഏപ്രിൽ 30ന് അപൂർവ്വമായ സംക്രമണമാണ് സംഭവിക്കാൻ പോകുന്നത്. ഗ്രഹങ്ങളുടെ രാജാവ് എന്ന് വിശേഷിപ്പിക്കുന്ന സൂര്യനും ജ്ഞാനത്തിന്റെ രാജാവായ ബുധനും ഒരേസമയം മേടം രാശിയിലേക്ക് പ്രവേശിക്കുന്നു. (Image Credit source: TV9 NETWORK)

ഈ രണ്ട് ഗ്രഹങ്ങളുടെയും ശക്തമായ സംയോജനം അപൂർവമായ ബുധാദിത്യ രാജയോഗം സൃഷ്ടിക്കുന്നു. ഇത് നിരവധി വ്യക്തികളുടെ ജീവിതത്തിൽ വലിയ മാറ്റങ്ങൾക്കും പുരോഗതിക്കും സാമ്പത്തിക അഭിവൃദ്ധിയ്ക്കും സന്തോഷത്തിനും സമാധാനത്തിനും കാരണമാകും. ഈ യോഗം ഒരു വ്യക്തിയുടെ അന്തസ്സ്, അഭിമാനം, ആത്മവിശ്വാസം എന്നിവ വർദ്ധിപ്പിക്കും. അത്തരത്തിൽ ബുധാദിത്യ രാജയോഗത്തിലൂടെ ഭാഗ്യം വന്നുചേരാൻ പോകുന്ന മൂന്ന് രാശികൾ ഏതൊക്കെയെന്ന് നോക്കാം.

മേടം: മേടം രാശിക്കാരുടെ ജീവിതത്തിൽ ബുധാദിത്യ രാജയോഗം വലിയ ഭാഗ്യങ്ങൾ തുണക്കും. ഈ കാലയളവിൽ വിചാരിച്ചത് എന്തും നേടാനും ജീവിതത്തിൽ സന്തോഷം കൈവരിക്കാനും സാധിക്കും. ആത്മവിശ്വാസം വർദ്ധിക്കുകയും സമൂഹത്തിൽ ബഹുമാനം ലഭിക്കുകയും ചെയ്യും. തൊഴിൽ ചെയ്യുന്നവരെ സംബന്ധിച്ച് സ്ഥാന കയറ്റത്തിനും മുതിർന്ന ഉദ്യോഗസ്ഥരിൽ നിന്നും പ്രശംസയ്ക്കും കാരണമാകും. ബിസിനസുകാരെ സംബന്ധിച്ച പ്രധാന കരാറിൽ ഏർപ്പെടാൻ സാധിക്കും. ബിസിനസിൽ ഗണ്യമായ ലാഭം ഉണ്ടാകും. ദാമ്പത്യ ജീവിതത്തിലും സന്തോഷം.

ചിങ്ങം : ഏപ്രിൽ 30 കഴിയുന്നതോടെ ഭാഗ്യം നിങ്ങളുടെ പക്ഷത്തായിരിക്കും. പിന്നീടുള്ള ദിവസങ്ങളിൽ നിങ്ങൾ ആഗ്രഹിക്കുന്നതെല്ലാം നേടാനും പൂർത്തിയാക്കാനും സാധിക്കും. ജീവിതത്തിൽ ഇതുവരെ നേരിട്ടുകൊണ്ടിരുന്ന പല പ്രശ്നങ്ങൾക്കും ഈ കാലയളവിൽ സമാധാനം ലഭിക്കും. ശത്രുക്കളുടെ മേൽ വിജയം കൈവരിക്കാൻ സാധിക്കും. മുടങ്ങിക്കിടന്ന പല കാര്യങ്ങളും ഭംഗിയായി പൂർത്തിയാക്കാനുള്ള വഴികൾ തുറന്നുവരും. സാമ്പത്തിക സ്ഥിതി മെച്ചപ്പെടും. കുടുംബത്തിൽ സന്തോഷവും സമാധാനവും ഉണ്ടാവും. എല്ലാ കാര്യങ്ങളും വിചാരിക്കുന്നത് പോലെ പൂർത്തിയാക്കാൻ കഴിയുന്നത് നിങ്ങളിൽ ആത്മവിശ്വാസം വർദ്ധിപ്പിക്കും.

കർക്കിടകം : കർക്കിടകം രാശിക്കാരുടെ കർമ്മ ഭാവത്തിലാണ് ബുധാദിത്യ രാജയോഗം രൂപപ്പെടുന്നത്. ഇത് ഏപ്രിൽ 30 കഴിയുന്നതോടെ ഈ രാശിക്കാരുടെ ജീവിതത്തിൽ വലിയ സൗഭാഗ്യങ്ങൾക്കും നേട്ടങ്ങൾക്കും ഉള്ള വഴി ഒരുക്കും. ജോലിസ്ഥലത്ത് നിങ്ങളുടെ കഠിനപ്രയത്നത്തിന് നല്ല ഫലം ലഭിക്കും. തുടർന്ന് ഉദ്യോഗസ്ഥരിൽ നിന്നും പ്രശംസ ഉണ്ടാവും. കരിയറിൽ പുരോഗതി, ബിസിനസ്സിൽ നേട്ടം, സാമ്പത്തികമായി സ്ഥിരത എന്നിവ കൈവരിക്കാൻ സാധിക്കും.മുടങ്ങിക്കിടക്കുന്ന നിങ്ങളുടെ പല ജോലികളും ഈ കാലയളവിൽ ഭംഗിയായി പൂർത്തിയാക്കാൻ സാധിക്കും. ക്ഷമയോടെ ചിന്തിച്ചു കാര്യങ്ങൾ ചെയ്യുകയാണെങ്കിൽ ഭാവിയിലേക്കുള്ള പല ചുവടുവെപ്പും ഈ കാലയളവിൽ സാധിക്കും.

വേനൽച്ചൂടിൽ നിന്ന് രക്ഷനേടാൻ ആളുകൾ നെട്ടോടമോടുകയാണ്. ചൂടിൻ്റെ കാഠിന്യം കുറയ്ക്കാൻ ഏറ്റവുമധികം ആളുകൾ ആശ്രയിക്കുന്നത് എസിയെയാണ്. രാത്രിയും പകലും ഒരുപോലെ ചൂടായതിനാൽ എസിയില്ലാതെ പറ്റാത്ത അവസ്ഥയാണിപ്പോൾ. സുഖകരമായ ഈ തണുപ്പ് പലപ്പോഴും നമ്മുടെ ആരോഗ്യത്തിന് ദോഷം ചെയ്യാറുണ്ട്. എസി മുറിയിലെ ഉറക്കം നിങ്ങളെ എങ്ങനെ രോഗിയാക്കുന്നുവെന്നും അത് ഒഴിവാക്കാൻ എന്തുചെയ്യേണ്ടതെന്നും നമുക്ക് നോക്കാം. (Image Credit Source: Getty Images)

എസി മുറിയിലെ വായു അങ്ങനെത്തന്നെ നിലനിൽക്കുന്നതാണ്. അതുപോലെ തന്നെ കൃത്യമായ സമയത്ത് എസിയുടെ ഫിൽട്ടറുകൾ വൃത്തിയാക്കിയില്ലെങ്കിൽ, അടിഞ്ഞുകൂടുന്ന പൊടിപടലങ്ങളും നനവുകൊണ്ടുള്ള പൂപ്പലും നമ്മൾ ശ്വസിക്കാൻ കാരണമാകുകയും അതിലൂടെ ശ്വാശകോശ സംബന്ധമായ ബുദ്ധിമുട്ടുകളും തുമ്മൽ, ആസ്ത്മ തുടങ്ങിയ പ്രശ്നമുള്ളവർക്ക് അസുഖം വഷളാകാനും സാധ്യത കാണുന്നു.

എസി വായുവിലെ ഈർപ്പം വലിച്ചെടുക്കുന്നതിനാൽ നിങ്ങളുടെ ചർമ്മം വരളുന്നതിനും തൊണ്ടവേദനയ്ക്കും കണ്ണുകൾ ചുവക്കുന്നതിനും കാരണമായേക്കാം. രാവിലെ എഴുന്നേൽക്കുമ്പോൾ തൊണ്ടയിൽ അനുഭവപ്പെടുന്ന വരൾച്ച നിർജ്ജലീകരണത്തിൻ്റെ ലക്ഷണമാണ്. എസിയിട്ട് ഉറങ്ങുമ്പോൾ റൂമിൽ എപ്പോഴും വെള്ളം വയ്ക്കുക. അതുപോലെ ഇടയ്ക്കിടെ വെള്ളം കുടിക്കാനും മറക്കരുത്.

പുറത്തെ കടുത്ത ചൂടിൽ നിന്ന് പെട്ടെന്ന് എസി മുറിയിലെ കയറുന്നത് ശരീരത്തിൻ്റെ സ്വാഭാവിക താപനിലയിൽ വലിയ മാറ്റമുണ്ടാകുന്നു. ഈ അവസ്ഥ പ്രതിരോധശേഷിയെ ബാധിക്കുകയും ജലദോഷം, പനി തുടങ്ങിയ രോ​ഗങ്ങൾക്ക് കാരണമാകുകയും ചെയ്യും. കൂടാതെ ചൂടിൽ നിന്ന് എസിയിലേക്ക് കയറുമ്പോൾ ആദ്യം 24 ഡി​ഗ്രി സെൽഷ്യസിൽ വേണം എസി ഓൺ ചെയ്യാൻ. ഒറ്റയടിക്ക് അമിതമായ തണുപ്പ് ശരീരത്തിൽ ഏൽക്കരുത്.

ഉറങ്ങുന്നതിന് മുൻപും ശേഷവും ആവശ്യത്തിന് വെള്ളം കുടിക്കുന്നത് ശരീരത്തിലെ ഈർപ്പം നിലനിർത്താൻ സഹായിക്കും. അതുപോലെ തന്നെ കിടക്കുന്നതിന് ഒരു മണിക്കൂർ മുമ്പ് എസ് ഓൺ ചെയ്ത് ഇട്ട് മുറി തണുപ്പിച്ച ശേഷം എസി ഓഫാക്കി ഫാൻ ഇടുന്നത് തണുപ്പ് കിട്ടാൻ നല്ലതാണ്. മുറിയിൽ തണുപ്പ് നിൽക്കുകയും ചെയ്യും അസുഖങ്ങൾ വരാനുള്ള സാധ്യത കുറയുകയും ചെയ്യും.

വേനൽക്കാലമായതിനാൽ ദിനംപ്രതി ചൂട് വർദ്ധിച്ചുവരികയാണ്. അതിനാൽ നമ്മുടെ ചർമ്മവും മുടിയും സംരക്ഷിക്കേണ്ടത് വളരെ പ്രധാനമാണ്. സാധാരണയേക്കാൾ അധിക പരിചരണം ആവശ്യമുള്ള സമയമാണിത്. വിലകൂടിയ കെമിക്കലുകൾ ചേർന്ന ഉല്പന്നങ്ങൾക്ക് പിന്നാലെ പോകുന്നതിന് പകരം, നമ്മുടെ വീട്ടിൽ തന്നെയുള്ള വസ്തുക്കൾ ഉപയോ​ഗിച്ച് എങ്ങനെ മുടി സംരക്ഷിക്കാമെന്ന് പരിശോധിക്കാം. (Image Credit Source : Getty Images)

നമുക്കറിയാം മുടിക്കും ചർമ്മത്തിനും ഒരുപോലെ ​ഗുണകരമായ ഒന്നാണ് തൈര്. എന്നാൽ ഇന്ന് പലരുടെയും സംശയമാണ് തൈര് ആണോ യോ​ഗർട്ടാണോ മുടി സംരക്ഷണത്തിന് ഏറ്റവും അനുയോജ്യം എന്നുള്ളത്. രണ്ടിനും വ്യത്യസ്തമായ ​ഗുണങ്ങളാണുള്ളത്. അതുകൊണ്ട് തന്നെ നിങ്ങളുടെ തലയോട്ടിക്കും മുടിക്കും യഥാർത്ഥത്തിൽ എന്താണ് വേണ്ടത് എന്ന് മനസ്സിലാക്കി ഉപയോ​ഗിക്കുന്നതാണ് ഏറ്റവും ബുദ്ധിപരമായ കാര്യം.

തൈര് സ്വാഭാവികമായി പുളിപ്പിച്ചാണ് ഉണ്ടാക്കുന്നത്. അതുകൊണ്ട് തന്നെ തലയോട്ടിക്ക് ഏറ്റവും അനുയോജ്യമായതാണ് തൈര്. ചൂടുള്ള കാലാവസ്ഥയിൽ തലയോട്ടിയെ തണുപ്പിക്കാൻ ഇതിലും മികച്ച മാർ​ഗം വേറെയില്ല. കൂടാതെ പ്രകൃതിദത്ത കണ്ടീഷണർ കൂടിയാണ് ഇവ. മുടി കൊഴിച്ചിൽ കുറച്ച് മുടി വളരാൻ തൈര് വളരെ മിക്കച്ചതാണ്. തൈരിൽ ലാക്റ്റിക് ആസിഡ് അടങ്ങിയതിനാൽ, താരൻ, മുടികൊഴിച്ചിൽ എന്നിവ ഇല്ലാതാക്കുന്നു.

വേനൽക്കാലത്തെ ചൂടിൽ മുടിയിഴകൾ വരണ്ടുപോകുന്നതും തിളക്കം ഇല്ലാതാകുന്നതും സാധാരണമാണ്. തൈരിനെ അപേക്ഷിച്ച് യോഗർട്ടിൻ്റെ മൃദുവായ ഘടനയാണ് തലയോട്ടിക്ക് ​ഗുണകരമാകുന്നത്. എന്നാൽ പ്രോബയോട്ടികായിട്ടുള്ള യോഗർട്ട് ഉപയോഗിക്കുമ്പോഴാണ് ഈ ഗുണം പൂർണ്ണമായും ലഭിക്കുന്നത്. അതുപോലെ യോഗർട്ടിലേക്ക് അല്പം എണ്ണയോ തേനോ ചേർത്താൽ അതൊരു മികച്ച ഹെയർ മാസ്കായി മാറും.

വേനൽക്കാലത്ത് മുടി വളർച്ചയും തലയോട്ടിയുടെ ആരോഗ്യവും ആഗ്രഹിക്കുന്നവർ തൈര് തിരഞ്ഞെടുക്കുന്നതാണ് ഉചിതം. തിളക്കമുള്ള മുടിയിഴകൾ ആ​ഗ്രഹിക്കുന്നവർ, യോ​ഗർട്ട് ഉപയോ​ഗിക്കുക. നിങ്ങളുടെ ആവശ്യം എന്താണെന്ന് കൃത്യമായി മനസ്സിലാക്കി ഉപയോ​ഗിക്കുകയാണെങ്കിൽ ഇവ രണ്ടും മുടിക്ക് വളരെ നല്ലതാണ്.

ജ്യോതിഷപ്രകാരം ഗ്രഹങ്ങളുടെ ചലനം വിവിധ രാശികളുടെ ജീവിതത്തിൽ ശക്തമായ സ്വാധീനം ചെലുത്തുന്നു. അത്തരത്തിൽ ഏപ്രിൽ 21 ചൊവ്വാഴ്ച ചന്ദ്രൻ മിഥുന രാശിയിൽ പ്രവേശിച്ച് അവിടെ നിലവിലുള്ള വ്യാഴവുമായി ചേരുമ്പോൾ വളരെ ശുഭകരമായ ഒരു സംയോജനം സംഭവിക്കും. ഇത് ഗജകേസരി യോഗം സൃഷ്ടിക്കും. വ്യാഴവും ചന്ദ്രനും ഒരേ രാശിയിൽ വരുമ്പോഴാണ് ഗജകേസരി യോഗം ഉണ്ടാകുന്നത്. ഇത് പ്രധാനമായും അഞ്ച് രാശിക്കാരുടെ ജീവിതത്തിൽ വലിയ നേട്ടങ്ങൾക്കും സൗഭാഗ്യങ്ങൾക്കും കാരണമാകും.ഈ യോഗം ഒരു വ്യക്തിയെ ബുദ്ധിമാനും, സ്വാധീനശക്തിയുള്ളവനും, വിജയകരനുമാക്കുമെന്ന് കണക്കാക്കപ്പെടുന്നു. ഇതിന്റെ സ്വാധീനം ജീവിതത്തിൽ സ്ഥിരതയും പോസിറ്റീവ് മാറ്റങ്ങളും കൊണ്ടുവരുന്നു.(Image Credit Source: TV9 Network)

മിഥുനം: മിഥുനം രാശിക്കാർക്ക് ഈ ഗജകേസരിയോഗം വലിയ സൗഭാഗ്യങ്ങളും നേട്ടങ്ങളും കൊണ്ടുവരും. ഈ കാലയളവിൽ ആത്മവിശ്വാസം വർദ്ധിക്കും. സന്തോഷവും സമാധാനവും ഉണ്ടാകും. ജീവിതത്തിൽ ശക്തമായ തീരുമാനം എടുക്കാൻ സാധിക്കും. ജീവിതത്തിലെ തടസ്സങ്ങളെല്ലാം നീങ്ങി ശുഭകരമായ കാര്യങ്ങൾ സംഭവിക്കും.നിങ്ങളുടെ ആത്മവിശ്വാസം വർദ്ധിക്കുകയും തീരുമാനമെടുക്കാനുള്ള നിങ്ങളുടെ കഴിവുകൾ ശക്തിപ്പെടുകയും ചെയ്യും.

ചിങ്ങം: ചിങ്ങം രാശിക്കാർക്ക് സംഭവിക്കുന്ന ഗജകേസരി യോഗം ജീവിതത്തിൽ വലിയ നേട്ടങ്ങളും സൗഭാഗ്യങ്ങളും കൊണ്ടുവരും. പുതിയ വരുമാനസ്രോതസ്സുകൾ ഉയർന്നു വരാൻ സാധ്യത. പഴയ കടങ്ങളെല്ലാം ഇല്ലാതാകും . പുതിയ വരുമാന സ്രോതസ്സുകൾ തുറന്നുവരും.വീടോ വാഹനമോ വാങ്ങാനുള്ള പദ്ധതികളും യാഥാർത്ഥ്യമായേക്കാം.

കന്നി: കന്നി രാശിക്കാരുടെ ജീവിതത്തിൽ സന്തോഷവും സമാധാനവും ഉണ്ടാകും. കരിയറിൽ പുരോഗതി. ജോലിസ്ഥലത്ത് സ്ഥാനക്കായറ്റുമോ പുതിയ ഉത്തരവാദിത്തങ്ങളോ ലഭിച്ചേക്കാം. ബിസിനസുകാർക്ക് ഒരു പുതിയ കരാർ ലഭിക്കുവാൻ സാധ്യത. ജീവിതത്തിൽ പല നേട്ടങ്ങളും സൗഭാഗ്യങ്ങളും ഉണ്ടാകും.

ധനു: ധനുരാശിക്കാരുടെ കുടുംബത്തിൽ സമാധാനവും സന്തോഷവും വരും. സാമ്പത്തിക നേട്ടങ്ങൾ ഉണ്ടാകും. ദാമ്പത്യ ജീവിതം കൂടുതൽ ദൃഢമായിരിക്കും. ബിസിനസിൽ വൻ ലാഭം കൊയ്യും. അവിവാഹിതർക്ക് നല്ല ബന്ധം വരാനും സാധ്യത.

കുംഭം : കുംഭം രാശിക്കാർക്ക് ഈ സംയോജനം ജീവിതത്തിൽ വലിയ നേട്ടങ്ങൾക്കും സൗഭാഗ്യങ്ങൾക്കും കാരണമാകും. വിദ്യാർത്ഥികളെ സംബന്ധിച്ചും ഈ സമയം വളരെ നല്ലതാണ്. മത്സര പരീക്ഷകളിൽ വിജയം എന്നിവ ഉണ്ടാകാൻ സാധ്യത. ശ്രദ്ധിക്കുക: ഇവിടെ നൽകിയിരിക്കുന്ന വിവരങ്ങൾ പൊതുവായ ഫലത്തെ അടിസ്ഥാനമാക്കിയാണ്. TV9 മലയാളം ഇവ സ്ഥിരീകരിക്കുന്നില്ല.)

നമ്മ മെട്രോയുടെ ബ്ലൂ ലൈനിനായുള്ള കാത്തിരിപ്പിലാണ് യാത്രക്കാര്‍, ഈ പാത ബെംഗളൂരുവിലെ ഗതാഗത സൗകര്യങ്ങള്‍ മെച്ചപ്പെടുത്താന്‍ മുതല്‍ക്കൂട്ടാകുമെന്ന പ്രതീക്ഷ ബെംഗളൂരു മെട്രോ റെയില്‍ കോര്‍പ്പറേഷന്‍ ലിമിറ്റഡിനും (ബിഎംആര്‍സിഎല്‍) ഉണ്ട്. നഗരത്തിലെ പ്രധാന റെസിഡന്‍ഷ്യല്‍ ഏരിയകളെയും തൊഴില്‍ കേന്ദ്രങ്ങളെയും ബന്ധിപ്പിച്ചുകൊണ്ടായിരിക്കും ഈ ലൈനിന്റെ കടന്നുപോക്ക്. (Image Credit Source: PTI and Getty Images)

ബെംഗളൂരുവിന്റെ തെക്കുകിഴക്കന്‍ ഭാഗങ്ങളെ, വടക്കുള്ള വിമാനത്താവളവുമായി അതിവേഗത്തില്‍ ബന്ധിപ്പിക്കാനും ഈ പാതയ്ക്ക് സാധിക്കും. സില്‍ക്ക് ബോര്‍ഡ്, എച്ച്എസ്ആര്‍ ലേഔട്ട്, ബെല്ലന്ദൂര്‍ തുടങ്ങിയ സ്ഥലങ്ങളിലേക്കുള്ള യാത്ര സുഗമമാക്കാന്‍ ഈ പാത സഹായിക്കും. ജോലിക്കായി പോകുന്നവര്‍ക്ക് ബസ്സും മറ്റ് യാത്രാ മാര്‍ഗങ്ങളും തേടി അലയേണ്ടി വരികയുമില്ല.

നമ്മ മെട്രോയുടെ ബ്ലൂ ലൈനിന്റെ വരവ്, യാത്രക്കാര്‍ക്ക് ഗുണപ്രദമാകുന്നതിനോടൊപ്പം റിയല്‍ എസ്റ്റേറ്റ് മേഖലയ്ക്കും ഉണ്ടാക്കാന്‍ പോകുന്നത് വലിയ നേട്ടമാണ്. പ്രധാന ഐടി, റെസിഡന്‍ഷ്യല്‍ സോണുകളിലൂടെ കടന്നുപോകുന്ന തിരക്കേറിയ ഒആര്‍ആറിലൂടെയാണ് ഈ മെട്രോ ലൈന്‍ ആസൂത്രണം ചെയ്തിരിക്കുന്നത്. ഇത് പ്രദേശത്തെ യാത്രാ സൗകര്യം കാര്യക്ഷമമാക്കും. അതിനോടൊപ്പം പ്രദേശത്തെ വീടുകള്‍ക്കും വാണിജ്യ മേഖലയ്ക്കുമുള്ള ആവശ്യകത വര്‍ധിപ്പിക്കുകയും ചെയ്യുന്നു.

ഇടത്തരം, പ്രീമിയം വിഭാഗങ്ങളിലെ അപ്പാര്‍ട്ട്‌മെന്റുകള്‍ക്ക് വലിയ ഡിമാന്‍ഡ് ഉണ്ടാക്കാന്‍ സാധിക്കുമെന്ന പ്രതീക്ഷയിലാണ് വിദഗ്ധര്‍. പാത വികസിക്കുന്നതോടെ മേഖലയിലേക്ക് കൂടുതല്‍ വ്യവസായ സ്ഥാപനങ്ങളും മറ്റുമെത്തും. ഇത് ധാരാളം ആളുകളെ ഇവിടങ്ങളിലേക്ക് ജോലി ആവശ്യത്തിനായി കൊണ്ടുവരുന്നു. തൊഴില്‍-വിദ്യാഭ്യാസ സ്ഥാപനങ്ങളുടെ വളര്‍ച്ച സ്വാഭാവികമായും സമീപപ്രദേശങ്ങളില്‍ വീട്, അപ്പാര്‍ട്ട്‌മെന്റുകള്‍ എന്നിവയുടെ ആവശ്യകതയും വര്‍ധിപ്പിക്കും. റിയല്‍ എസ്റ്റേറ്റ് മേഖലയ്ക്ക് വലിയ നേട്ടം പ്രതീക്ഷിക്കുന്ന ഈ പാത, സ്ഥലത്തിന്റെയും താമസസൗകര്യങ്ങളുടെയുമെല്ലാം വില വര്‍ധനവിന് വഴിയൊരുക്കുമെന്ന കാര്യം ഉറപ്പാണ്.

ഘട്ടം ഘട്ടമായി പാതയുടെ നിര്‍മാണം പൂര്‍ത്തിയാക്കാനാണ് ബിഎംആര്‍സിഎല്‍ ലക്ഷ്യമിടുന്നത്. സെന്‍ട്രല്‍ സില്‍ക്ക് ബോര്‍ഡ് മുതല്‍ കെആര്‍ പുരം വരെയുള്ള ആദ്യഘട്ടം 2026ന്റെ അവസാനത്തോടെ നിര്‍മാണം പൂര്‍ത്തിയാക്കും. 13 സ്റ്റേഷനുകളുള്ള ഈ പാത ഏകദേശം 17.75 കിലോമീറ്ററാണ്. എച്ച്എസ്ആര്‍ ലേഔട്ട്, ബെല്ലന്ദൂര്‍, ഐഎസ്ആര്‍ഒ, മാറത്തഹള്ളി എന്നിവയുള്‍പ്പെടെയുള്ള പ്രധാന മേഖലകളെ ബന്ധിപ്പിക്കുന്നതാണ് ഇത്. കെആര്‍ പുരം മുതല്‍ വിമാനത്താവളം വരെയുള്ള രണ്ടാം ഘട്ടം പിന്നീട് പൂര്‍ത്തിയാക്കാനാണ് നീക്കം.

കറിയിൽ ഉപ്പ് കൂടിയാൽ ഇനി ടെൻഷനാവേണ്ട, ഒരു ചെറിയ കഷ്ണം പച്ച ഉരുളക്കിഴങ്ങോ കറിയിൽ ഇട്ടു വെക്കുക. ഇത് അധികം വന്ന ഉപ്പിനെ വലിച്ചെടുക്കുന്നതാണ്. അതുപോലെ ഫ്രിഡ്ജിൽ വെച്ച തേങ്ങ ചിരകാൻ പ്രയാസമാണെങ്കിൽ, ചിരകുന്നതിന് അരമണിക്കൂർ മുൻപ് തേങ്ങ പുറത്തെടുത്ത് ഇളം ചൂടുവെള്ളത്തിൽ മുക്കി വെച്ചാൽ മതി. (Image Credit Source : Getty Images)

പച്ചമുളക് പെട്ടെന്ന് ചീഞ്ഞു പോകുന്നതും പലരെയും വലയ്ക്കുന്ന പ്രശ്നമാണ്. ഇത് ഒഴിവാക്കാൻ അതിന്റെ ഞെട്ട് കളഞ്ഞ ശേഷം വായു കടക്കാത്ത പാത്രത്തിലോ കവറിലോ ആക്കി ഫ്രിഡ്ജിൽ സൂക്ഷിച്ചാൽ മതിയാകും. ഇത് കൂടുതൽ ദിവസം ഫ്രഷ് ആയി ഇരിക്കാൻ സഹായിക്കും.

അതുപോലെ ചോറ് ഒട്ടിപ്പിടിക്കാതിരിക്കാനും വഴിയുണ്ട്. ചോറ് വേവിക്കുമ്പോൾ അരി ഒട്ടിപ്പിടിക്കുന്നത് ഒഴിവാക്കാൻ തിളച്ച വെള്ളത്തിലേക്ക് ഏതാനും തുള്ളി നാരങ്ങാനീരോ അല്ലെങ്കിൽ അല്പം വെളിച്ചെണ്ണയോ ചേർത്താൽ മതി.

ഉള്ളി അരിയുമ്പോൾ കണ്ണ് നീറുന്നത് ഒഴിവാക്കാൻ ഉള്ളി പകുതിയായി മുറിച്ച ശേഷം 10 മിനിറ്റ് തണുത്ത വെള്ളത്തിൽ ഇട്ടു വെക്കുകയോ അല്ലെങ്കിൽ ഫ്രിഡ്ജിൽ വെച്ച ശേഷം അരിയുകയോ ചെയ്യുക. അതുപോലെ വെളുത്തുള്ളി തൊലി കളയുന്നത് എളുപ്പമാക്കാൻ അല്ലികൾ അല്പസമയം ചൂടുവെള്ളത്തിൽ ഇട്ടു വെച്ചാൽ മതിയാകും.

നാരങ്ങ പിഴിയുന്നതിന് മുമ്പ് തറയിലോ കട്ടിംഗ് ബോർഡിലോ വെച്ച് കൈകൊണ്ട് നന്നായി അമർത്തി ഉരുട്ടുക. ഇത് നാരങ്ങയിൽ നിന്ന് കൂടുതൽ നീര് ലഭിക്കാൻ സഹായിക്കുന്നതാണ്.

ഗ്രഹങ്ങളുടെ ചലനത്തിനും സംക്രമണത്തിനും ജ്യോതിഷത്തിൽ വലിയ പ്രാധാന്യമാണുള്ളത്. കാരണം ഇത് വിവിധ രാശികളുടെ ജീവിതത്തിൽ നല്ലതായും ചീത്തയായും സ്വാധീനം ചെലുത്തുന്നു. അത്തരത്തിൽ ഇന്ന് ഏപ്രിൽ 20 തിങ്കളാഴ്ച ഇന്നത്തെ ദിവസം കേതു തന്റെ നക്ഷത്ര സമൂഹം മാറ്റുവാൻ ഒരുങ്ങുന്നു. അതായത് കേതു തന്റെ സ്വന്തം നക്ഷത്രമായ മകത്തിലേക്ക് നീങ്ങുന്നു. ഇത് ജ്യോതിഷത്തിൽ വളരെ പ്രത്യേകതയുള്ളതായി കണക്കാക്കുന്നു. ഈ സമയത്ത് പലർക്കും അപ്രതീക്ഷിതമായ പല അവസരങ്ങളും ലഭിക്കാൻ സാധ്യതയുണ്ട്. മുടങ്ങിക്കിടന്ന നിങ്ങളുടെ പല ജോലികളും വേഗത്തിൽ തീർക്കാൻ സാധിക്കും. ദീർഘകാല പരിശ്രമങ്ങൾക്ക് ഫലം ഉണ്ടാകും.കേതുവിന്റെ ഈ സംക്രമണം പല രാശിക്കാരുടെയും ജീവിതത്തിൽ വലിയ മാറ്റങ്ങൾക്കും നേട്ടങ്ങൾക്കും സൗഭാഗ്യങ്ങൾക്കും കാരണമാകും. പ്രധാനമായും നാല് രാശിക്കാരുടെ ജീവിതത്തിൽ വലിയ സൗഭാഗ്യങ്ങളും നേട്ടങ്ങളും ഉണ്ടാകും.( Image Credit Source : TV9 NETWORK)

മേടം : മേടം രാശിക്കാരുടെ ജീവിതത്തിൽ അവരുടെ മുടങ്ങികിടന്ന ജോലികളെല്ലാം പൂർത്തീകരിക്കാൻ സാധിക്കും. ജീവിതത്തിൽ വലിയ സൗഭാഗ്യങ്ങളും നേട്ടങ്ങളും ഇവരെ തേടിയെത്തും. ഈ കാലയളവ് ചെയ്യുന്ന കാര്യങ്ങൾ എല്ലാം നല്ല ഗുണങ്ങൾ ഉണ്ടാകും. എന്നിരുന്നാലും തീരുമാനമെടുക്കുമ്പോൾ അതീവ ജാഗ്രതയോടെ എടുക്കണം. മറ്റുള്ളവരോട് സഹാനുഭൂതിയും സ്നേഹവും എപ്പോഴും ഉണ്ടാക്കുവാൻ ശ്രമിക്കുക. കരിയറിൽ പുരോഗതി ദാമ്പത്യ ജീവിതത്തിൽ സന്തോഷം സമാധാനം എന്നിവയും ഉണ്ടാകും.

കർക്കിടകം: നിങ്ങളെ അലട്ടിക്കൊണ്ടിരിക്കുന്ന പല പ്രശ്നങ്ങൾക്കും സമാധാനം ലഭിക്കും. ജീവിതത്തിലെ തടസ്സങ്ങളെല്ലാം നീങ്ങി സൗഭാഗ്യത്തിനുള്ള വഴികൾ തുറന്നുവരും. സാമ്പത്തിക നേട്ടം ഉണ്ടാകും. സമ്പത്തിനുവേണ്ടി പുതിയ വഴികൾ തുറന്നുവരും. കുടുംബത്തിൽ സന്തോഷവും സമാധാനവും നിലനിൽക്കും. ക്ഷമയോടെ ചിന്തിച്ചു കാര്യങ്ങൾ ചെയ്താൽ എല്ലാ അനുകൂലമായി വരും.

ചിങ്ങം: ചിങ്ങം രാശിക്കാർക്ക് തൊഴിലിൽ പുരോഗതി ജീവിതത്തിൽ സന്തോഷം സമാധാനം എന്നിവ ഉണ്ടാകും. ബിസിനസ് ചെയ്യുന്നവർക്കും ഇത് മികച്ച സമയം. സാമ്പത്തിക നേട്ടം ഉണ്ടാകും. ജീവിതത്തിൽ സന്തോഷവും സമാധാനവും നിലനിൽക്കും. രോഗങ്ങളിൽ നിന്നും മുക്തി ലഭിക്കും.

ധനു: ധനുരാശിക്കാർക്ക് ഈ കാലയളവിൽ സമ്പത്ത് വർദ്ധിക്കും. സന്തോഷവും സമാധാനവും തേടിയെത്തും. ജീവിതത്തിൽ ആഗ്രഹിച്ച കാര്യങ്ങളെല്ലാം നേടിയെടുക്കാൻ ഈ കാലയളവിൽ പരിശ്രമിച്ചാൽ ഗുണം ഉണ്ടാകും. അമിത ദേഷ്യവും കോപവും ഒഴിവാക്കി ക്ഷമയോടെ കാര്യങ്ങൾ ചെയ്താൽ എല്ലാ അനുകൂലമായി വരും. (നിരാകരണം: ഇവിടെ നൽകിയിരിക്കുന്ന ലേഖനം പൊതുവായ ഫലങ്ങളെ അടിസ്ഥാനപ്പെടുത്തിയാണ്. ടിവി9 മലയാളം ഇവ സ്ഥിരീകരിക്കുന്നില്ല.)

എറണാകുളം നഗരത്തിലെ ഗതാഗതക്കുരുക്കില്‍ പെടാതെ സുഗമമായി യാത്ര ചെയ്യാന്‍ ആളുകളെ സഹായിക്കുന്ന സംവിധാനമാണ് കൊച്ചി മെട്രോ. ആലുവ മുതല്‍ തൃപ്പൂണിത്തുറ വരെ നീണ്ടുകിടക്കുന്ന മെട്രോ റെയില്‍, നഗരത്തിന്റെ വിവിധ ഭാഗങ്ങളെ കോര്‍ത്തിണക്കിയാണ് യാത്ര നടത്തുന്നത്. തിരക്കുള്ള സമയങ്ങളില്‍ അധിക സര്‍വീസുകള്‍ നടത്തിയും മെട്രോ യാത്രക്കാരെ ഞെട്ടിക്കുന്നു. (Image Credit Source : Kochi Metro Facebook Page)

എന്നാല്‍ കൊച്ചി മെട്രോ കയറി പത്തനംതിട്ടയ്ക്ക് പോകാമെന്ന് പറഞ്ഞാല്‍ നിങ്ങള്‍ വിശ്വസിക്കുമോ? കൊച്ചിയില്‍ നിന്ന് പത്തനംതിട്ടയ്ക്ക് പോകാനായി, ആദ്യം നിങ്ങള്‍ ചെയ്യേണ്ടത്, മെട്രോ കയറി വൈറ്റിലയിലേക്ക് ഒരു ടിക്കറ്റെടുക്കുക എന്നതാണ്. അവിടെ നിന്നും വളരെ ഈസിയായി പത്തനംതിട്ടയിലേക്ക് ബസ് കയറാം.

പറ്റിച്ചല്ലോ നാഥാ എന്നാണോ ചിന്ത, ഏയ് അതൊന്നും വേണ്ട, ആദ്യമായി എറണാകുളത്ത് എത്തുന്ന ആളുകളെ സംബന്ധിച്ച് ഈ അറിവ് ചെറുതല്ല, എല്ലാവര്‍ക്കും എല്ലാ റൂട്ടും വളരെ കൃത്യമായി അറിഞ്ഞിരിക്കണം എന്നില്ലല്ലോ. വൈറ്റില വന്നിറങ്ങിയാല്‍ മാത്രമല്ല, വേറെയും സ്ഥലങ്ങളില്‍ നിന്ന് പത്തനംതിട്ടയിലേക്ക് പോകാനാകും.

ട്രെയിനില്‍ പോകാനാണ് പ്ലാനെങ്കില്‍ നിങ്ങള്‍ക്ക് മെട്രോ കയറി, നോര്‍ത്ത് സ്‌റ്റേഷന്‍, എറണാകുളം ജങ്ഷന്‍ എന്നീ സ്‌റ്റേഷനുകളില്‍ ട്രെയിന്‍ ഇറങ്ങാം. ഇവിടെ നിന്നും തിരുവല്ല, ചെങ്ങന്നൂര്‍, ചങ്ങനാശേരി, മാവേലിക്കര എന്നിവിടങ്ങളിലേക്ക് നിങ്ങള്‍ക്ക് ട്രെയിനുകള്‍ കിട്ടുന്നതാണ്.

ഇനിയല്ല ബസ്സില്‍ തന്നെ പോകണമെങ്കില്‍, വൈറ്റിലയ്ക്ക് പുറമെ, എറണാകുളം സൗത്ത് ബസ് സ്റ്റാന്‍ഡില്‍ നിന്നും പോകാവുന്നതാണ്. എന്നാല്‍ തിരക്കേറിയ സമയങ്ങളില്‍ കെഎസ്ആര്‍ടിസി ബസ്സുകളില്‍ സീറ്റ് ലഭിക്കുന്നത് അല്‍പം റിസ്‌ക്കേറിയ കാര്യമാണെന്ന് പ്രത്യേകം ശ്രദ്ധിക്കുക.

2026ൽ ഏറ്റവും പ്രധാനപ്പെട്ട മാസമായാണ് മെയിനെ കണക്കാക്കുന്നത്. പല പ്രധാനപ്പെട്ട ഗ്രഹ സംക്രമണവും സംയോജനവും ഈ മാസത്തിൽ നടക്കും എന്നാണ് വിശ്വാസം. പ്രധാനമായും ചൊവ്വ സംക്രമണം നടക്കുക മെയ് മാസത്തിലാണ്. പല രാശിക്കാരെയും സംബന്ധിച്ച് മെയ് വളരെയധികം പ്രാധാന്യം നൽകേണ്ടതാണ്. (Image Credit Source: TV9 Network)

കാരണം ഗ്രഹങ്ങളുടെ ഈ സംക്രമണവും രാശിമാറ്റവും എല്ലാം ഓരോരുത്തരുടെയും ജീവിതത്തിൽ വലിയ രീതിയിലുള്ള സ്വാധീനം ചെലുത്തും. ഇത് ചിലർക്ക് മോശമായാണ് ബാധിക്കുന്നതെങ്കിൽ മറ്റു ചിലരെ സംബന്ധിച്ച് ജീവിതത്തിലെ അപ്രതീക്ഷിത നേട്ടങ്ങൾക്കും സൗഭാഗ്യങ്ങൾക്കുമാണ് കാരണമാവുക. അത്തരത്തിൽ മെയ് മാസത്തിൽ ഭാഗ്യം കടാക്ഷിക്കാൻ പോകുന്ന രാശികൾ ആരൊക്കെ എന്ന് നോക്കാം.

മേടം: മേടം രാശിക്കാർക്ക് ഈ കാലയളവിൽ ആത്മവിശ്വാസം വർദ്ധിക്കും. പുതിയ തൊഴിലവസരങ്ങൾ ഉയർന്നുവരും. നിങ്ങളുടെ കഠിനാധ്വാനത്തിന് ഫലം കാണും. സാമ്പത്തിക സ്ഥിതി മെച്ചപ്പെടാനും സാധ്യത.

മിഥുനം: ഈ കാലയളവിൽ സാമ്പത്തിക സ്ഥിതി മെച്ചപ്പെടും. പുതിയ അവസരങ്ങൾ, പുതിയ ബന്ധങ്ങൾ, കരിയറിൽ പുരോഗതി, ആത്മവിശ്വാസം, സന്തോഷം, സമാധാനം എന്നിവയും അനുഭവപ്പെടും.

വൃശ്ചികം: ഈ രാശിയിൽ ജനിച്ചവർക്ക് മുൻകാലത്തെ നിങ്ങളുടെ കഠിനാധ്വാനത്തിന് ഫലം ലഭിക്കും. സന്തോഷവും സമാധാനവും ഉണ്ടാവും. എന്നിരുന്നാലും നിങ്ങളുടെ മനോഭാവം മാറ്റുക. മുടങ്ങിക്കിടന്ന നിങ്ങളുടെ പല ജോലികളും പൂർത്തിയാകും. എതിരാളികൾക്കു മുമ്പിൽ വിജയം കൈവരിക്കും.

മാങ്ങയുടെ സീസണായതോടെ, കണ്ണിമാങ്ങ തൊട്ട് പഴുത്ത മാങ്ങയിൽ വരെ വ്യത്യസ്തതരം പരീക്ഷണങ്ങളാണ് മലയാളികൾ നടത്തുന്നത്. എന്നാൽ കടയിൽ നിന്ന് വാങ്ങുന്ന മാമ്പഴം രാസവസ്തുക്കൾ ഉപയോ​ഗിച്ച് പഴുപ്പിച്ചതാണോ എന്ന സംശയം മിക്കപേർക്കുമുണ്ട്. എന്നാൽ ഇത് തിരിച്ചറിയാൻ ചില എളുപ്പ വഴികളുണ്ട്. നോക്കിയാലോ... ( Image Credit Source: Getty Images )

ഒരു പാത്രത്തിൽ വെള്ളമെടുത്ത് അതിലേക്ക് മാങ്ങ ഇടുക. ഇത് വെള്ളത്തിൽ മുങ്ങിപോവുകയാണെങ്കിൽ സ്വാഭാവികമായി പഴുത്തതാണെന്ന് ഉറപ്പിക്കാം. രാസവസ്തുക്കള്‍ ഉപയോഗിച്ച് പഴുപ്പിച്ചതാണെങ്കില്‍ മാങ്ങ വെള്ളത്തില്‍ പൊങ്ങിക്കിടക്കും. സിമ്പിൾ ടെക്നിക് ആണിത്.

മറ്റൊരു വഴി നിറം നോക്കി തിരിച്ചറിയാമെന്നതാണ്. കൃത്രിമമായി പഴുപ്പിച്ച മാങ്ങകളില്‍ പലപ്പോഴും അവിടിവിടെയായി പച്ചനിറത്തിലുള്ള പാടുകള്‍ ഉണ്ടായിരിക്കും, എന്നാൽ സ്വാഭാവികമായി പഴുത്ത മാങ്ങയാണെങ്കില്‍ എല്ലാ ഭാഗത്തും ഒരു പോലെയുളള നിറമായിരിക്കും.

തൊട്ടുനോക്കിയും മാമ്പഴം നല്ലതാണോ എന്ന് തിരിച്ചറിയാൻ സാധിക്കും. സ്വാഭാവികമായി പഴുത്ത മാങ്ങ തൊടുമ്പോൾ മൃദുവായതും ഉറപ്പുള്ളതും ആയിരിക്കും. എന്നാൽ, രാസ വസ്തുക്കള്‍ ഉപയോഗിച്ച് പഴുപ്പിച്ചതാണെങ്കില്‍ ചില ഭാഗങ്ങളില്‍ മാത്രം മൃദുവായും ചില ഭാഗങ്ങളില്‍ കട്ടിയുള്ളതായും അനുഭവപ്പെടും.

അതുപോലെ തന്നെ പഴുത്ത മാങ്ങയ്ക്ക് നല്ല മണമായിരിക്കും. എന്നാൽ രാസവസ്തുക്കള്‍ ഉപയോഗിച്ച് പഴുപ്പിച്ചതാണെങ്കില്‍ സ്വാഭാവിക ​ഗന്ധം കുറവായിരിക്കും. രാസ ഗന്ധവും ഉണ്ടാവും. ഈ രീതിയിലും മാങ്ങ പരിശോധിക്കാം.

വീട്ടിൽ കോഴിയിറച്ചി വൃത്തിയാക്കുമ്പോൾ മിക്കവരും ആദ്യം നീക്കം ചെയ്യുന്നത് അതിൻ്റെ തൊലിയാണ്. കൊളസ്ട്രോളും കൊഴുപ്പും കൂടുമെന്ന ഭയമാണ് ഇവ നീക്കം ചെയ്യാൻ കാരണം. ശരിക്കും ചിക്കൻ്റെ സ്കിൻ കഴിക്കുന്നത് നല്ലതാണോ അതോ ചീത്തയാണോ? ഈ സംശയം എല്ലാവരുടെയും മനസ്സിലുള്ളതാണ്. (Image Credit Source: Getty Images)

ചിക്കൻ്റെ തൊലി കഴിക്കുന്നത് ​ഗുണകരമാണെങ്കിലും അമിതമായാൽ അത് ​ഗുണത്തേക്കാൾ ഏറെ ദോഷം ചെയ്യും. ചിക്കൻ സ്കിന്നിൽ അൺസാച്ചുറേറ്റഡ് ഫാറ്റ് അടങ്ങിയിട്ടുള്ളതിനാൽ വളരെ മിതമായ അളവിൽ കഴിക്കുന്നത് രക്തത്തിലെ ചീത്ത കൊളസ്ട്രോൾ കുറയ്ക്കാൻ സഹായിക്കുമെന്ന് ചില പഠനങ്ങൾ പറയുന്നു.

തൊലിയോടെ ചിക്കൻ പാകം ചെയ്യുമ്പോൾ ഇറച്ചിക്ക് കൂടുതൽ രുചി നൽകുകയും ചെയ്യുന്നു. അതുപോലെ കുറച്ച് കഴിക്കുമ്പോൾ തന്നെ വയർ നിറഞ്ഞതായി തോന്നുകയും ചെയ്യും. ഇതുവഴി അമിതമായി ഭക്ഷണം കഴിക്കുന്നത് ഒഴിവാക്കാം. എന്നാൽ ഒരിക്കലും ചിക്കൻ്റെ സ്കിൻ ദിവസവും കഴിക്കാനോ ഒരളവിൽ കൂടുതൽ കഴിക്കാനോ പാടില്ല.

ചിക്കൻ സ്കിൻ ആരോഗ്യത്തിന് നല്ലതാണെന്ന് കരുതി അമിതമായി കഴിക്കരുത്. കാരണം കാലക്രമേണ ഇത് ശരീരത്തിലെ കലോറി വർദ്ധിപ്പിക്കാൻ കാരണമാകും. അതുപോലെ ചിക്കൻ്റെ സ്കിന്നിൽ ബാക്ടീരിയകൾ കാണപ്പെടാനുള്ള സാധ്യത വളരെ കൂടുതലാണ്. അതിനാൽ പാകം ചെയ്യുന്നതിന് മുൻപ് നന്നായി വൃത്തിയാക്കാൻ ശ്രദ്ധിക്കണം.

എപ്പോഴും നാടൻ കോഴിയുടെ തൊലിയാണ് പാചകത്തിന് നല്ലത്. കാരണം വിപണിയിൽ നമ്മൾ വാങ്ങുന്ന ബ്രോയിലർ ചിക്കൻ്റെ സ്കിന്നിൽ ആൻ്റിബയോട്ടിക്കുകളുടെ സാന്നിധ്യം കൂടുതലാണ്. ഇവ നമ്മുടെ ശരീരത്തിൽ ​ഗുരുതരമായ ആരോ​ഗ്യ പ്രശ്നങ്ങൾ ഉണ്ടാക്കാൻ കാരണമാകുന്നു. അതുപോലെ ഹൃദയാരോ​ഗ്യത്തിനും ദോഷകരമാണ്.

നമ്മൾ ദിവസവും ഉപയോ​ഗിക്കുന്ന വസ്തുവാണ് ടൂത്ത്ബ്രഷ്. എന്നാൽ എത്രപേർ ഇതിന് വേണ്ടത്ര ശ്രദ്ധനൽകാറുണ്ട്. ഭക്ഷണസാധനങ്ങൾക്കും മരുന്നുകൾക്കും ഉള്ളതുപോലെ ടൂത്ത് ബ്രഷിനും ഒരു എക്സ്പയറി ഡേറ്റ് ഉണ്ടെന്ന് നിങ്ങൾക്കറിയാമോ? വായയുടെ ആരോ​ഗ്യം കാത്തുസൂക്ഷിക്കാൻ, ഒരു ബ്രഷ് എത്ര കാലം ഉപയോഗിക്കണം, എപ്പോഴാണ് അത് മാറ്റേണ്ടത് ഇതെല്ലാം നമ്മൾ കൃത്യമായി അറിഞ്ഞിരിക്കണം. (Image Credit Source : Pexels)

സാധാരണഗതിയിൽ ഒരു ടൂത്ത് ബ്രഷ് ഏകദേശം മൂന്ന് മാസം വരെ ഉപയോ​ഗിക്കാവുന്നതാണ്. അത് കഴിഞ്ഞാൽ ഉടനെ മാറ്റണം എന്നാണ് ദന്തഡോക്ടർമാർ നിർദ്ദേശിക്കുന്നത്. എന്നാൽ ചില പ്രത്യേക സാഹചര്യങ്ങളിൽ ഇതിന് മുമ്പേ മാറ്റേണ്ടി വന്നേക്കാം. പക്ഷേ നമ്മളിൽ പലരും ആറ് മാസമോ ഒരു വർഷമോ വരെ ബ്രഷ് ഉപയോ​ഗിക്കാറുണ്ട്.

ബ്രഷിന്റെ നാരുകൾ വശങ്ങളിലേക്ക് വളഞ്ഞു തുടങ്ങുകയോ, അവയുടെ അഗ്രം രണ്ടായി പിളർന്ന് നിൽക്കുന്നതോ ശ്രദ്ധയിൽപ്പെട്ടാൽ ആ ബ്രഷ് ഉടനെ തന്നെ മാറ്റണം. കാരണം ഇത്തരത്തിൽ തേയ്മാനം സംഭവിച്ച ബ്രഷുകൾ പല്ലുകൾക്കിടയിലെ അഴുക്ക് ശരിയായി നീക്കം ചെയ്യില്ല. അതുകൂടാതെ അവ പല്ലിൻ്റെ ഇനാമലിനെയും മോണയെയും നാശമാക്കുകയും ചെയ്യുന്നു.

കടുത്ത പനി, ജലദോഷം, ചുമ അല്ലെങ്കിൽ മറ്റ് അണുബാധയുമായി ബന്ധപ്പെട്ട അസുഖങ്ങൾ നിങ്ങൾക്ക് വന്നിട്ടുണ്ടെങ്കിൽ, സുഖം പ്രാപിച്ചാൽ ഉടൻ ആദ്യം തന്നെ ടൂത്ത് ബ്രഷ് മാറ്റുക. ബ്രഷിലെ നാരുകൾക്കിടയിൽ രോ​ഗം പടർത്തിയ അണുക്കൾ നിലനിൽക്കാൻ സാധ്യതയുള്ളതിനാൽ ഇത് വീണ്ടും അസുഖം വരാൻ കാരണമായേക്കാം.

കടുത്ത പനി, ജലദോഷം, ചുമ അല്ലെങ്കിൽ മറ്റ് അണുബാധയുമായി ബന്ധപ്പെട്ട അസുഖങ്ങൾ നിങ്ങൾക്ക് വന്നിട്ടുണ്ടെങ്കിൽ, സുഖം പ്രാപിച്ചാൽ ഉടൻ ആദ്യം തന്നെ ടൂത്ത് ബ്രഷ് മാറ്റുക. ബ്രഷിലെ നാരുകൾക്കിടയിൽ രോ​ഗം പടർത്തിയ അണുക്കൾ നിലനിൽക്കാൻ സാധ്യതയുള്ളതിനാൽ ഇത് വീണ്ടും അസുഖം വരാൻ കാരണമായേക്കാം.

ബാത്ത്റൂം പോലുള്ള സ്ഥലങ്ങളിലാണ് നമ്മൾ ബ്രഷ് സാധാരണയായി സൂക്ഷിക്കുന്നത്. ഇവിടെ എപ്പോഴും നനവുള്ള സ്ഥലമാണ്. ദീർഘകാലം ഒരേ ബ്രഷ് ഇത്തരം സ്ഥലങ്ങളിൽ വച്ച് ഉപയോഗിക്കുന്നത് അതിൽ പൂപ്പലുകളും ബാക്ടീരിയകളും വളരാൻ ഇടയാക്കും. കൂടാതെ പഴയ ബ്രഷിന് പല്ലുകൾക്കിടയിലെ ബാക്ടീരിയകളെ നീക്കം ചെയ്യാൻ കഴിയാതെ വരുമ്പോൾ വായ്നാറ്റവും അനുഭവപ്പെട്ടേക്കാം.

ജ്യോതിഷത്തിൽ ഗ്രഹങ്ങളുടെ സംക്രമണത്തിന് വലിയ പ്രാധാന്യമാണ് നൽകുന്നത്. കാരണം ഗ്രഹങ്ങളുടെ സംയോജനവും സംക്രമണവും 12 രാശികളുടെയും ജീവിതത്തിൽ വലിയ സ്വാധീനമാണ് ചെലുത്തുക. അത്തരത്തിൽ ഏപ്രിൽ 20 നാളെ മകം നക്ഷത്രത്തിലേക്ക് നീങ്ങുന്നു. തുടർന്ന് ആയില്യം നക്ഷത്രത്തിലേക്ക് സംക്രമിക്കും. ഏകദേശം എട്ടുമാസത്തോളം അവിടെത്തന്നെ തുടരും. ഇത് പ്രധാനമായും നാല് രാശിക്കാരെ സംബന്ധിച്ച് അശുഭകരമായി കണക്കാക്കുന്നു. ആ രാശികൾ ആരൊക്കെ എന്ന് നോക്കാം. (Image Credit Source : TV9 Network)

മേടം: സാമ്പത്തിക ബുദ്ധിമുട്ടുകൾ നേരിടേണ്ടി വന്നേക്കാം. അതിനാൽ സാമ്പത്തിക ഇടപാടുകൾ സൂക്ഷിച്ചു മാത്രം മതി. കരിയറിലും ബിസിനസിലും ജാഗ്രതപാലിക്കുക. ആരെയും കണ്ണടച്ച് വിശ്വസിക്കരുത്. തിടുക്കത്തിൽ ഒരു തീരുമാനവും എടുക്കരുത്. ദാമ്പത്യ ജീവിതത്തിലും ചെറിയ പ്രശ്നങ്ങൾക്ക് സാധ്യത. പരിഹാരമായി എല്ലാ ദിവസവും രാവിലെ ഗണപതിക്ക് കറുകപ്പുല്ല് അർപ്പിച്ച് 'ഓം കേതവേ നമഃ' എന്ന മന്ത്രം 108 തവണ ജപിക്കുക.

വൃശ്ചികം: നിങ്ങളുടെ ജോലിയിലോ ബിസിനസിലോ ബുദ്ധിമുട്ടുകൾ അനുഭവപ്പെട്ടേക്കാം. ജീവിതത്തിൽ അപ്രതീക്ഷിത തടസ്സങ്ങൾ വന്നുചേരാൻ സാധ്യത. മറ്റുള്ളവരോട് സൂക്ഷിച്ച് മാത്രം സംസാരിച്ച് ഇടപെടുക. മേലുദ്യോഗസ്ഥരോട് ബഹുമാനപൂർവ്വം മാത്രം പെരുമാറുക. പരിഹാരമായി ചൊവ്വാഴ്ച ഹനുമാനെ ആരാധിക്കുകയും ഹനുമാൻ ചാലിസ ചൊല്ലുകയും ചെയ്യുക.

കുംഭം : കേതുവിന്റെ ഈ സംക്രമണം കുംഭം രാശിയിൽ ജനിച്ചവരെ ദുരിതത്തിലാക്കും. കരിയറിലും ബിസിനസിലും വെല്ലുവിളികൾ നേരിടേണ്ടി വന്നേക്കാം. പ്രധാനപ്പെട്ട തീരുമാനങ്ങൾ എടുക്കുമ്പോൾ വളരെ ശ്രദ്ധിക്കുക. ഈ സമയത്ത് മറ്റുള്ളവരോട് ഇടപെടുമ്പോൾ വളരെയധികം സൂക്ഷിക്കുക.വെളുത്ത വസ്ത്രങ്ങൾ ദാനം ചെയ്യുക, ലക്ഷ്മി ദേവിയെ ആരാധിക്കുക. ഇത് ബന്ധങ്ങളിൽ മാധുര്യം നിലനിർത്തും.

മീനം: മീനം രാശിക്കാർക്ക് ഈ കാലയളവിൽ ആരോഗ്യപ്രശ്നങ്ങൾ അലട്ടിയേക്കാം. ഇത് നിങ്ങൾക്ക് മാനസിക സമ്മർദ്ദം വർധിക്കാൻ സാധ്യതയുണ്ട്. വാഹനം ഓടിക്കുമ്പോൾ ശ്രദ്ധിക്കുക. യോഗയിലും വ്യായാമത്തിലും ശ്രദ്ധ കേന്ദ്രീകരിക്കുക. പരിഹാരമായി എല്ലാ ദിവസവും രാവിലെ ഒരു നായയ്ക്ക് അപ്പം കൊടുക്കുന്നത് നല്ലതാണ്.