ആരോഗ്യസംരക്ഷണം പോലെ തന്നെ ഇന്ന് പലരും സൗന്ദര്യസംരക്ഷണത്തിനും പ്രാധാന്യം നൽകുന്നുണ്ട്. വിലയേറിയ ബ്യൂട്ടി പ്രോഡക്ടുകൾ വാങ്ങി ചർമ്മത്തിന്റെ തിളക്കവും ആരോഗ്യവും സംരക്ഷിക്കുന്നവരുണ്ട്. എന്നാൽ ഇനി അത്ര പൈസ കളയണ്ട.... പ്രകൃതിദത്തമായും നമുക്ക് ചർമ്മം സംരക്ഷിക്കാം. ഓറഞ്ച് തൊലി ഉപയോഗിച്ച് മുഖത്തെ ടാനകറ്റാൻ സാധിക്കുമെന്ന് അറിയാമോ..... (Image Credit source: Getty Images)

ചർമ്മത്തിന്റെ ആരോഗ്യവും തിളക്കവും സംരക്ഷിക്കാൻ ഏറെ സഹായിക്കുന്ന ഒന്നാണ് ഓറഞ്ച്. വിറ്റമിൻ സിയും ആന്റിഓക്‌സിഡന്റുകളും ധാരാളമായി അടങ്ങിയിട്ടുള്ള ഓറഞ്ചിന്റെ തൊലി ഇനി വെറുതെ കളയേണ്ടതില്ല. ചർമ്മത്തിലെ ടാൻ മാറ്റാനും സ്വാഭാവിക തിളക്കം നൽകാനും ഓറഞ്ച് തൊലി ഉപയോഗിച്ച് വീട്ടിൽ തന്നെ ഫെയ്‌സ് പാക്ക് തയ്യാറാക്കാവുന്നതാണ്.

ആദ്യം ഓറഞ്ചിന്റെ തൊലി നല്ല വെയിലത്തു വച്ച് നന്നായി ഉണക്കിയെടുക്കുക. ശേഷം ഇത് പൊടിച്ചെടുത്ത് ഒരു പാത്രത്തിൽ സൂക്ഷിച്ചു വെക്കാം. രണ്ട് ടീസ്പൂൺ ഓറഞ്ച് തൊലി പൊടിച്ചതിലേക്ക് ഒരു സ്പൂൺ തേനും ഒരു സ്പൂൺ തൈരും ചേർത്ത് നന്നായി ഇളക്കി പാക്ക് തയ്യാറാക്കുക.

നിങ്ങൾക്ക് വരണ്ട ചർമ്മമാണെങ്കിൽ ഈ പാക്കിലേക്ക് അൽപം എണ്ണ കൂടി ചേർത്തു കൊടുക്കാവുന്നതാണ്. തയ്യാറാക്കിയ മിശ്രിതം മുഖത്ത് പുരട്ടി 15 മിനിറ്റിനു ശേഷം കഴുകിക്കളയാം. ആഴ്ചയിൽ മൂന്ന് ദിവസം ഈ ഫെയ്‌സ് പാക്ക് ഉപയോഗിക്കുന്നത് ചർമ്മത്തിന് നല്ല ഫലം നൽകുന്നതാണ്.

അതുപോലെ, ഓറഞ്ച് തൊലിയിലെ ആന്റിബാക്ടീരിയൽ, ആന്റിമൈക്രോബയൽ ഗുണങ്ങൾ മുഖക്കുരു ഉണ്ടാക്കുന്ന ബാക്ടീരിയകളെ നശിപ്പിക്കാനും എണ്ണമയം കുറയ്ക്കാനും സഹായിക്കും. (നിരാകരണം: ഇത് പൊതുവായ വിവരങ്ങൾക്ക് മാത്രമുള്ളതാണ്. ചർമ്മവുമായി ബന്ധപ്പെട്ട സംശയങ്ങൾക്കും പ്രശ്നങ്ങൾക്കും വിദഗ്ദ്ധ നിർദ്ദേശം തേടാവുന്നതാണ്)

ഒക്ടോബർ 15 തീയതിയാണ് സിനിമ തിയേറ്ററുകളിൽ റിലീസിന് എത്തിയത്. സാക്നിൽക് കണക്ക് പ്രകാരം കൃത്യം 15 ദിവസം കഴിയുമ്പോൾ വേൾഡ് വൈഡ് ആയി സിനിമ ഇതുവരെ കളക്ട് ചെയ്തത് 765.15 കോടി രൂപയാണ് ( ഗ്രോസ് കളക്ഷൻ ). ( Image Credit Source Social Media)

അത് മാത്രമല്ല മറ്റൊരു നേട്ടം കൂടി സിനിമ കൈവരിച്ചു. ജയിലർ 2 ന്റെ ഇന്ത്യയിലെ ഗ്രോസ് കളക്ഷൻ 500 കോടി പിന്നിട്ടിരിക്കുകയാണ്. ഇതുവരെ 52.65 കോടി രൂപയാണ് സിനിമയുടെ ഇന്ത്യയിലെ ആകെ ഗ്രോസ് കളക്ഷൻ. ഓവർസീസ് കളക്ഷനിലും മികച്ച നേട്ടമാണ് ജയിലർ 2 സ്വന്തമാക്കി കൊണ്ടിരിക്കുന്നത്.

ഇതുവരെ 262.50 കോടി രൂപയുടെ ഓവർസീസ് കളക്ഷൻ ആണ് സിനിമ നേടിയിരിക്കുന്നത്. സിനിമയുടെ ആകെ കളക്ഷനിൽ 65.69 ശതമാനം ഇന്ത്യൻ ഷെയറും ബാക്കി 34.31 ശതമാനം ഓവർസീസ് കളക്ഷനുമാണ്.ഇന്ത്യൻ സിനിമ ചരിത്രത്തിലെ ഏറ്റവും മികച്ച ഓപ്പണിങ് കളക്ഷനുകളിൽ ഒന്നാണ് ജയിലർ 2 വിന്റേത്. റിലീസ് ചെയ്ത ദിവസം മാത്രം 43.35 കോടി രൂപയുടെ ബോക്സ് ഓഫീസ് കളക്ഷനാണ് സിനിമ നേടിയത്.

ഇനി എല്ലാവരുടെയും ആകാംക്ഷ ജയിലർ 2 ആയിരം കോടി ക്ലബ്ബിലേക്ക് എത്തുന്നതിലാണ്. സിനിമ ആയിരം കോടി ക്ലബ്ബിൽ കയറുമെന്ന് കാര്യത്തിൽ യാതൊരുവിധ സംശയവും ആരാധകർക്കില്ല. ടൈഗർ മുത്തുവേൽ പാണ്ഡ്യനായി രജനികാന്ത് വീണ്ടും എത്തിയ സിനിമ വൈകാതെ തന്നെ ഈ നേട്ടം കൈവരിക്കുമെന്ന് പ്രതീക്ഷിക്കാം.

കേരളത്തിലും മികച്ച സ്വീകരണമാണ് സിനിമയ്ക്ക് ലഭിക്കുന്നത്. കാമിയോ വേഷത്തിൽ എത്തുന്ന മോഹൻലാലും വില്ലൻ വേഷം കൈകാര്യം ചെയ്യുന്ന സുരാജ് വെഞ്ഞറമ്മൂടിനും പുറമെ ബോളിബുഡ് താരം ഹൃത്വിക് റോഷൻ, വിദ്യാബാലൻ, ശിവരാജ് കുമാർ, ജാക്കി ഷ്രോഫ്, വിജയ് സേതുപതി തുടങ്ങിയ പ്രമുഖ താരങ്ങളും സിനിമയുടെ ഭാ​ഗമാണ്.

മിനിസ്ക്രീൻ പ്രേക്ഷകരുടെ പ്രിയപ്പെട്ട താരം അമൃത നായർ വിവാഹിതയായി. അടുത്ത സുഹൃത്തുക്കളും കുടുംബങ്ങളും മാത്രം പങ്കെടുത്ത വിവാഹമായിരുന്നു. ഗുരുവായൂർ ക്ഷേത്രത്തിൽ വച്ചാണ് വിവാഹം നടന്നത്. ഇപ്പോഴിതാ വരനെ പ്രേക്ഷകർക്ക് പരിചയപ്പെടുത്തിയിരിക്കുകയാണ് അമൃത.(IMAGE CREDIT SOURCE: SOCIAL MEDIA)

വരൻ കോഴിക്കോട്ടുകാരൻ ആണെന്നാണ് താരം പറയുന്നത്. ഒന്നരവർഷമായി ഇരുവരും തമ്മിൽ പരിചയത്തിൽ ആയിരുന്നു. രണ്ടുപേരുടെയും ഒരു ഉറ്റ സുഹൃത്ത് മുഖേനയാണ് ഇരുവരും പരിചയപ്പെടുന്നത് എന്നും താരം മാധ്യമങ്ങളോട് സംസാരിച്ചു. തന്റെ ജീവിതത്തിലെ ഏറ്റവും സന്തോഷം നിറഞ്ഞ ദിവസമാണിതെന്നും അമൃത.

അതേസമയം വിവാഹത്തിന്റെ തലേദിവസം വരെ താൻ വിവാഹിതയാകുന്നു എന്ന വിശേഷം അമൃത നായർ ആരാധകരോട് വെളിപ്പെടുത്തിയിരുന്നില്ല. കോഴിക്കോട്ടുകാരനായ അഖിൽ ബിസിനസുകാരനാണ്. തന്റെ സുഹൃത്തിന്റെ ബെസ്റ്റ് ഫ്രണ്ട് ആയ അഖിലുമായി ഇൻസ്റ്റ​ഗ്രാമിൽ ഒരു ഹായ് അയച്ചു തുടങ്ങിയ പരിചയമാണ് ഇപ്പോൾ വിവാഹത്തിൽ എത്തിനിൽക്കുന്നത് എന്നും അമൃത പറഞ്ഞു.

ഇന്ന് രാവിലെ ആറുമണിക്ക് ഗുരുവായൂരിൽ വച്ചായിരുന്നു താലികെട്ട്. വിവാഹ സമയത്ത് വികാരഭരിതയായി അമൃത കരയുന്നതിന് വീഡിയോയും ചിത്രങ്ങളും എല്ലാം സോഷ്യൽ മീഡിയയിൽ ശ്രദ്ധേയമാവുകയാണ്. വളരെ ചുരുക്കം ആളുകൾ മാത്രമാണ് വിവാഹത്തിൽ പങ്കെടുത്തത്.

അതേസമയം കഴിഞ്ഞദിവസം വിവാഹവുമായി ബന്ധപ്പെട്ട് പങ്കുവെച്ച് ബ്രൈഡ് ടു ബി ചിത്രങ്ങളും സോഷ്യൽ മീഡിയയിൽ ശ്രദ്ധ നേടിയിരുന്നു. ചിത്രങ്ങൾ പുറത്തുവന്നത് പിന്നാലെ തന്നെ താരം വിവാഹിതയാകുന്നു എന്ന് ആരാധകർ വ്യക്തമാക്കിയിരുന്നു. വിവാഹ ചിത്രങ്ങളും വിവാഹവുമായി ബന്ധപ്പെട്ട വീഡിയോകളും എല്ലാം ഇപ്പോൾ സോഷ്യൽ മീഡിയയിൽ ട്രെൻഡിങ്ങിൽ ആണ്.

ഈ ആഴ്ചത്തെ ഒടിടി റിലീസിൽ ഒരു മലയാളം ചിത്രമാണ് നേടിട്ടുള്ളത്. ബിജു മേനോൻ്റെ അവറാച്ചൻ ആൻഡ് സൺസാണ്. നെറ്റ്ഫ്ലിക്സിൽ ഇന്ന് (ഒക്ടോബർ 30) അർധരാത്രി മുതൽ സംപ്രേഷണ ചെയ്യുന്നതാണ്. (Image Credit Source : Social Media)

ഫഹദ് ഫാസിലിൻ്റെ തെലുങ്ക് ഫാൻ്റസി ചിത്രം ഡോണ്ട് ട്രബിൾ ദ ട്രബിളാണ് ഈ ആഴ്ചത്തെ മറ്റൊരു ശ്രദ്ധേയമായ ഒടിടി റിലീസ്. നെറ്റ്ഫ്ലിക്സാണ് ചിത്രത്തിൻ്റെ സംപ്രേഷണവകാശം സ്വന്തമാക്കിട്ടുള്ളത്. ഇന്ന് (ഒക്ടോബർ 30) അർധ രാത്രി മുതൽ ഫഹദ് ചിത്രത്തിൻ്റെ ഒടിടി സംപ്രേഷണം ആരംഭിക്കുന്നതാണ്.

ഈ ആഴ്ചത്തെ ഒടിടി റിലീസിൽ ഇടം നേടിയ തമിഴ് ചിത്രങ്ങളിൽ ഒന്നാണ് ദി ഡാർക്ക് ഹെവെൻ എന്ന ക്രൈ ത്രില്ലർ ചിത്രം. ഇന്ന് (ഒക്ടോബർ 30) അർധരാത്രി മുതൽ ആമസോൺ പ്രൈം വീഡിയോ, ആഹാ, സിമ്പ്ലി സൗത്ത് തുടങ്ങിയ പ്ലാറ്റ്ഫോമിലൂടെ സംപ്രേഷണം ചെയ്യുന്നതാണ്.

വിജയ് സേതുപതി ചിത്രം ബത്താത്തയും ഈ ആഴ്ചത്തെ ഒടിടി റിലീസായി എത്തിട്ടുണ്ട്. ഇന്ന് ഒക്ടോബർ 29-ാം തീയതി മുതൽ ബത്താത്ത നെറ്റ്ഫ്ലിക്സിൽ സംപ്രേഷണം ചെയ്ത് തുടങ്ങിട്ടുണ്ട്.

മറ്റൊരു തമിഴ് ചിത്രമായ അൻബിൽ അവൻ എന്ന റൊമാൻ്റിക് സിനിമയും ഈ ആഴ്ചത്തെ ഒടിടി റിലീസ് പട്ടികയിൽ ഇടം നേടിട്ടുണ്ട്. സോണി ലിവിൽ ഇന്ന് (ഒക്ടോബർ 30) അർധരാത്രി മുതൽ സംപ്രേഷണം ചെയ്യുന്നതാണ്.

ഇത് കൂടാതെ സോണി ലിവിൽ മറ്റൊരു തമിഴ് ചിത്രവും കൂടി റിലീസ് ചെയ്യുന്നുണ്ട്. ജിവി പ്രകാശും കായദു ലോഹറും പ്രധാന വേഷത്തിലെത്തുന്ന ഹൊറർ സിനിമ ഇമ്മോർട്ടലാണ് ഇന്ന് അർധരാത്രിയിൽ (ഒക്ടോബർ 30) സോണി ലിവിൽ എത്തുന്നുണ്ട്.

ഈ ചിത്രങ്ങൾക്കെല്ലാം പുറമെ ഒരു വെബ് സീരീസും ഈ ആഴ്ചത്തെ ഒടിടി റിലീസായി എത്തുന്നുണ്ട്. കീർത്തി സുരേഷ് രാധിക ആപ്തെ എന്നിവർ പ്രധാനവേഷത്തിലെത്തുന്ന ഒരു വെബ് സീരീസ് അക്ക ഇന്ന് അർധരാത്രി (ഒക്ടോബർ 30) മുതൽ നെറ്റ്ഫ്ലിക്സിൽ സംപ്രേഷണം ചെയ്യുന്നതാണ്.

ഐപിഎല്ലിലെ ഏറ്റവും മൂല്യമേറിയ ഫ്രാഞ്ചെസിയായി മുംബൈ ഇന്ത്യന്‍സ്. സ്‌പോർട്ടികോയാണ് ഇതുസംബന്ധിച്ച് വാല്യുവേഷന്‍ പഠനം നടത്തിയത്. 2.1 ബില്യൺ ഡോളറാണ് മുംബൈ ഇന്ത്യന്‍സിന്റെ മൂല്യം. റോയൽ ചലഞ്ചേഴ്സ് ബെംഗളൂരു (1.85 ബില്യൺ ഡോളർ), ചെന്നൈ സൂപ്പർ കിങ്സ് (1.75 ബില്യൺ ഡോളർ) എന്നീ ടീമുകളെ പിന്നിലാക്കിയാണ് മുംബൈ ഒന്നാമതെത്തിയത് (Image Credit Source: PTI).

അമേരിക്കയിലെ മുൻനിര പ്രൊഫഷണൽ സ്പോർട്സ് ഫ്രാഞ്ചൈസികളേക്കാൾ മുന്നിലാണ് മുംബൈയെന്നതാണ് ശ്രദ്ധേയം. ബേസ്‌ബോൾ ടീമായ ഡെട്രോയിറ്റ് ടൈഗേഴ്സിന് 2.08 ബില്യൺ ഡോളറും, ഐസ് ഹോക്കി ടീമായ വാൻകൂവർ കാനക്‌സിന് 2.05 ബില്യൺ ഡോളറുമാണ് മൂല്യം കണക്കാക്കപ്പെടുന്നത്. 2008-ൽ മുകേഷ് അംബാനിയുടെ റിലയൻസ് ഇൻഡസ്ട്രീസ് 111.9 മില്യൺ ഡോളർ മുടക്കിയാണ് മുംബൈ ഇന്ത്യന്‍സിനെ സ്വന്തമാക്കിയത്.

ആദ്യത്തെ എട്ട് ടീമുകളിൽ വച്ച് ഏറ്റവും വിലകൂടിയ ടീമായിരുന്നു അന്ന് മുംബൈ. എന്നാൽ ഇന്ന് മുംബൈ ഇന്ത്യൻസിന്റെ മൂല്യം അതിന്റെ തുടക്കത്തിലെ ലേലത്തുകയേക്കാൾ ഏകദേശം 19 മടങ്ങായി വര്‍ധിച്ചു. അടുത്ത വർഷം മുതൽ നൈക്കി ടീമിന്റെ ഔദ്യോഗിക കിറ്റ് പാർട്ണറായി മാറുമെന്നാണ് റിപ്പോര്‍ട്ട്. 19 വർഷത്തെ ഇടവേളയ്ക്ക് ശേഷമാണ് നൈക്കി ബ്രാൻഡ് ഐപിഎല്ലിലേക്ക് തിരിച്ചെത്തുന്നത്.

1.5 ബില്യൺ ഡോളർ മൂല്യമുള്ള ലഖ്‌നൗ സൂപ്പർ ജയന്റ്‌സാണ് ഐപിഎല്ലിൽ ഏറ്റവും കുറഞ്ഞ മൂല്യമുള്ള ഫ്രാഞ്ചൈസി. മുംബൈയേക്കാൾ 600 മില്യൺ ഡോളർ മാത്രം കുറവ്. ഐപിഎല്ലിൽ ഏറ്റവും ഉയർന്ന മൂല്യമുള്ള ടീമും ഏറ്റവും കുറഞ്ഞ മൂല്യമുള്ള ടീമും തമ്മിലുള്ള വ്യത്യാസം വളരെ ചെറുതാണെന്ന് വ്യക്തമാക്കുന്നതാണ് ഈ കണക്ക്. ലീഗിലെ 10 ടീമുകളുടെ ആകെ മൂല്യം ഏകദേശം 17 ബില്യൺ ഡോളറാണ്. അതായത് ഒരു ടീമിന് ശരാശരി 1.7 ബില്യൺ ഡോളർ മൂല്യമുണ്ട്.

ഐപിഎല്ലിലെ ആദ്യത്തെ എട്ട് ഫ്രാഞ്ചൈസികൾ ആകെ 723.59 ദശലക്ഷം ഡോളറിനാണ് വിറ്റഴിക്കപ്പെട്ടത്. അതായത് ഒരു ഫ്രാഞ്ചൈസിക്ക് ശരാശരി 90 ദശലക്ഷം ഡോളർ വീതം. ഉടമകൾ ഈ തുക മുഴുവൻ ഒറ്റയടിക്ക് നൽകുകയായിരുന്നില്ല. മറിച്ച് 10 വർഷം കൊണ്ട് പ്രതിവർഷം ലേലത്തുകയുടെ 10% വീതമാണ് അടച്ചുതീർത്തത്.

ഈ ദീപാവലിക്ക് ബേക്കറിയിൽ നിന്നും പലഹാരങ്ങൾ വാങ്ങുന്നതിന് പകരം വീട്ടിൽ പലഹാരം ഉണ്ടാക്കാൻ ഉദ്ദേശിക്കുന്നുണ്ടോ? എങ്കിൽ ഈ വിശേഷ ദിവസം അല്പം നെയ് മണമുള്ള വായിൽ അലിഞ്ഞു ചേരുന്ന സോഫ്റ്റ് മൈസൂർ പാക്ക് വീട്ടിൽ തന്നെ തയ്യാറാക്കി നോക്കൂ. കാൽ കിലോ അതായത് ഒരു കപ്പ് കടലമാവ് ഉപയോഗിച്ച് വളരെ എളുപ്പത്തിൽ നിങ്ങൾക്ക് രണ്ട് കിലോ വരെ മൈസൂർ പാക്ക് തയ്യാറാക്കാവുന്നതാണ്.(IMAGE CREDIT SOURCE: SOCIAL MEDIA SCREEN GRAB)

ഇതിന് പ്രധാനമായും ആവശ്യം ഒരു കപ്പ് അല്ലെങ്കിൽ കാൽക്കിലോ കടലമാവ്. ഒന്നര കപ്പ് നെയ്യ്, രണ്ട് കപ്പ് പഞ്ചസാര, ഒരു കപ്പ് വെള്ളം എന്നിവയാണ്. ഇനി എങ്ങനെ ഇത് എളുപ്പത്തിൽ തയ്യാറാക്കാമെന്നു നോക്കാം.

ആദ്യം തന്നെ ഒരു പാനിൽ കടലമാവ് ചേർത്ത് മീഡിയം തീയിൽ ചെറുതായി നിറം മാറുന്നത് വരെ വറുത്തെടുക്കുക. മാവ് പാത്രത്തിലേക്ക് മാറ്റി അതിലേക്ക് ഒരു കപ്പ് നെയ്യ് ഒഴിച്ച് കട്ടകളില്ലാതെ നന്നായി കലക്കി വെക്കുക. ഒപ്പം മൈസൂർ പാക്ക് മാറ്റാൻ പാകത്തിൽ ഒരു ട്രേയിലോ പ്ലേറ്റിലോ അല്പം നെയ്യ് പുരട്ടി തയ്യാറാക്കി വെക്കുക.

തുടർന്ന് മറ്റൊരു പാനിൽ പഞ്ചസാരയും വെള്ളവും ചേർത്ത് തിളപ്പിച്ച് സിറപ്പ് തയ്യാറാക്കുക. പഞ്ചസാര ലൈറ്റ് ഒരു നൂൽ പരിവം ആകുമ്പോൾ നെയ്യിൽ ചാലിച്ച് വച്ച കടലമാവ് ഇതിലേക്ക് ഒഴിച്ച് കട്ട കെട്ടാതെ കൈവിടാതെ ഇളക്കുക. തീ ഇടയ്ക്കിടെ കൂട്ടിയും കുറച്ചും വെച്ച് ഇളക്കുന്നതിനിടയിൽ ബാക്കിയുള്ള അരക്കപ്പ് നെയ്യും അല്പാല്പമായി ചേർത്ത് കൊടുക്കുക.

മിശ്രിതം പാത്രത്തിന്റെ വശങ്ങളിൽ നിന്ന് വിട്ടുപോരുന്ന പാകമാകുമ്പോൾ നെയ്യ് പുരട്ടിവെച്ച ട്രെയിനിലേക്ക് മാറ്റി മൂന്നു മുതൽ നാലു മണിക്കൂർ വരെ തണുക്കാനായി അനുവദിക്കുക. അത് നന്നായി തണുത്ത കഴിയുമ്പോൾ ആവശ്യാനുസരണം കഷണങ്ങളാക്കി മുറിച്ചെടുക്കാം. അങ്ങനെ വളരെ രുചികരവും മൃതവുമായ മൈസൂർ പാക്ക് തയ്യാർ.

ചോറ് പെട്ടെന്ന് പാകം ചെയ്‌തെടുക്കാന്‍ മിക്ക വീടുകളിലും പ്രഷര്‍ കുക്കറാണ് ഉപയോഗിക്കുന്നത്. എന്നാല്‍ ഉപയോഗിക്കുന്ന അരിയുടെ അളവും വേവും കൃത്യമായി മനസിലാക്കിയില്ലെങ്കില്‍ ചോറ് വല്ലാതെ വെന്തുകുഴഞ്ഞുപോയേക്കാം. ചില കാര്യങ്ങള്‍ ശ്രദ്ധയോടെ കൈകാര്യം ചെയ്താല്‍ കുക്കറില്‍ ചോറ് കുഴഞ്ഞുപോകാതെ വേവിച്ചെടുക്കാം. അത് എങ്ങനെയെന്ന് പരിശോധിക്കാം (Image Credit Source: Getty Images).

ആദ്യം മട്ട അരി എടുത്ത് നന്നായി കഴുകുക. കുറഞ്ഞത് മൂന്നോ നാലോ പ്രാവശ്യമെങ്കിലും കഴുകുന്നത് നല്ലത്. തുടര്‍ന്ന് പ്രഷര്‍ കുക്കറിലേക്ക് മാറ്റാം. അരി ഇട്ടതിനുശേഷം കുക്കറിന്റെ മുക്കാല്‍ ഭാഗത്തോളം ആവശ്യത്തിന് വെള്ളം ഒഴിച്ചുകൊടുക്കുക.

ഇതിനോടൊപ്പം അല്‍പം ഉപ്പും കൂടി ചേര്‍ക്കണം. അരി വേവിക്കുമ്പോള്‍ ചോറ് അധികം കുഴയാതിരിക്കാന്‍ ഉപ്പ് ചേര്‍ക്കുന്നത് സഹായിക്കും. തുടര്‍ന്ന് വേവിക്കുക. മീഡിയം തീയിലാണ് വേവിക്കേണ്ടത്.

രണ്ടാമത്തെ വിസില്‍ കൂടി വരുന്നതോടെ വരുന്നതോടെ ഓഫ് ചെയ്യാം. 10 മിനിറ്റോളം വേവിച്ചാല്‍ മതിയാകും. എന്നാല്‍ ബര്‍ണറിന്റെ വലുപ്പം, തീയുടെ ശക്തി എന്നിവ അനുസരിച്ച് ഈ സമയത്തില്‍ ചെറിയ മാറ്റങ്ങളുണ്ടാകാം. എപ്പോഴും തീ മീഡിയം ഫ്‌ളെയ്മില്‍ വെക്കുന്നതാണ് ഉചിതം.

ഇതിനുശേഷം കുക്കറിലെ പ്രഷര്‍ പൂര്‍ണമായും പോകുന്നതുവരെ അത് അനക്കാതെ വെക്കണം. സാധാരണ അരി വാര്‍ത്തെടുക്കുന്ന രീതിയില്‍ ഈ ചോറും വാര്‍ത്തെടുക്കാം. വെന്ത ചോറ് രണ്ടു തവണ വെള്ളമൊഴിച്ച് കഴുകിയെടുത്ത ശേഷം സാധാരണ രീതിയില്‍ വാര്‍ത്തെടുത്താലും മതി. ഇങ്ങനെ ചെയ്താല്‍ ചോറ് ഒന്നിനോടൊന്ന് ഒട്ടിപ്പിടിക്കാതെ ലഭിക്കും.

പുറത്ത് വന്ന സ്പൈ ചിത്രങ്ങൾ പ്രകാരവും പുറത്ത് വരുന്ന റിപ്പോർട്ടുകൾ അനുസരിച്ചും പുതിയ ഫ്രോങ്ക്സ് ഫേസ് ലിഫ്റ്റിൽ കാര്യമായ മാറ്റങ്ങളാണ് കമ്പനി കൊണ്ടുവരാൻ ഒരുങ്ങുന്നത്. പുതിയ മോഡലിൽ പ്രധാനമായും പ്രതീക്ഷിക്കുന്ന മാറ്റങ്ങൾ എന്തൊക്കെയെന്നും അധികമായി എന്തൊക്കെ ഫീച്ചറുകൾ ഉണ്ടാകുമെന്നും പിരശോധിക്കാം. ( Image Credit Source Maruti Website)

പുറത്ത് വന്ന ടെസ്റ്റ് കാറിൽ റിയർ ഡിസ്‌ക് ബ്രേക്കുകളും അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റത്തെ ADAS സപ്പോർട്ട് ചെയ്യുന്ന ഹാർഡ്‌വെയറും ഉള്ളതായിട്ടാണ് കാണുന്നത്. കോംപാക്ട് എസ് യു വി സെ​ഗ്മെന്റിൽ എത്തുന്ന ഫ്രോങ്കിസിനെ സംബന്ധിച്ചെടുത്തോളും ഏറെ സുപ്രധാനമായ അപ്ഡേറ്റാകും അഡാസ്.

ഫ്രോങ്ക്സിന്റെ പരിചിതമായ അടിസ്ഥാന രൂപഘടന, സ്പ്ലിറ്റ് ലൈറ്റിംഗ് രീതി, ചരിഞ്ഞ റൂഫ്‌ലൈൻ എന്നിവ നിലനിർത്തിയിട്ടുണ്ട് ഫേസ് ലിഫ്റ്റിലും നിലനിർത്തിയിട്ടുണ്ട് എന്നാണ് ടെസ്റ്റ് വാഹനം നൽകുന്ന സൂചന. എന്നാൽ മുൻവശത്ത് ​ഗ്രില്ലിലും ബംബറിലും മാറ്റങ്ങൾ ഉണ്ടായേക്കാം. എന്നാൽ ഹെഡ് ലൈറ്റിൽ മാറ്റങ്ങൾ വന്നേക്കില്ല. പിൻവശത്തെയും ബമ്പറുകളിലും ചെറിയ മാറ്റങ്ങൾ പ്രതീക്ഷിക്കുന്നുണ്.

വാഹനത്തിന്റെ ഇന്റീരിയറിൽ എന്തൊക്കെ മാറ്റങ്ങളാണ് വരുക എന്ന കാര്യത്തിൽ ഇനിയും വ്യക്തത വരാനുണ്ട്. ബലേനോ ഫേസ്‌ലിഫ്റ്റിലേതിന് സമാനമായ കൂടുതൽ ഫീച്ചർ അപ്ഡേറ്റുകൾ ഫ്രോങ്ക്സിലും പ്രതീക്ഷിക്കുന്നു. വെന്റിലേറ്റഡ് ഫ്രണ്ട് സീറ്റുകൾ, കൂളിംഗ് സംവിധാനത്തോട് കൂടിയ വയർലെസ് ചാർജിംഗ്, പുതിയ അപ്‌ഹോൾസ്റ്ററി, മികച്ച ഓഡിയോ സിസ്റ്റം എന്നിവ ഫ്രോങ്ക്സിൽ ഉൾപ്പെടുത്താനാണ് സാധ്യത.

എൻജിൻ വശത്തേക്ക് വരുമ്പോൾ 1.2 ലിറ്റർ ഫോർ-സിലിണ്ടർ കെ-സീരീസ് (K-Series) പെട്രോൾ എൻജിന് പകരം, മാരുതിയുടെ പുതിയ 1.2 ലിറ്റർ ത്രീ-സിലിണ്ടർ ഇസഡ്-സീരീസ് (Z-Series) എൻജിൻ കൊണ്ടുവരുമെന്ന് ഏകദേശം ഉറപ്പാണ്. സ്വിഫ്റ്റ്, ഡിസയർ, ബലേനോ ഫേസ്‌ലിഫ്റ്റ് എന്നിവയിൽ ഇതിനകം അവതരിപ്പിച്ചിട്ടുള്ള ഈ Z12E എൻജിൻ ഏകദേശെം 83 hp കരുത്തും 112.4 Nm ടോർക്കും നൽകും. ഫ്രോങ്ക്സിന്റെ പെർഫോമൻസ് വേരിയന്റിനായി 1.0 ലിറ്റർ ടർബോ-പെട്രോൾ എൻജിൻ തുടർന്നും ലഭ്യമാകും എന്നാണ് കരുതുന്നത്.

നമ്മൾ വളരെ പ്രധാനപ്പെട്ട എന്തെങ്കിലും ജോലി ചെയ്യുമ്പോൾ പൂച്ചകൾ അതിനിടയിൽ വന്ന് ശല്യം ചെയ്യുന്നത് സാധാരണമാണ്. ലാപ്ടോപ്പിൽ ജോലി ചെയ്യുമ്പോഴോ പുസ്തകം വായിക്കുമ്പോഴോ അവർ അതിന് മുകളിൽ കയറി കിടക്കും. കൊച്ചുകുട്ടികളെ പോലെ ശ്രദ്ധ പിടിച്ചുപറ്റാനുള്ള ഒരു ശ്രമമാണ് ഇത്. ചെയ്യുന്ന ജോലി അൽപ്പനേരം നിർത്തി അവരെ മാത്രം ശ്രദ്ധിക്കാനും സ്നേഹത്തോടെ തലോടാനും വേണ്ടിയാണ് ഈ കുസൃതി. (Image Credit source: Getty Images)

പൂച്ചകൾ വളരെ ബുദ്ധിയുള്ള മൃഗങ്ങളാണ്. അതുപോലെ വലിയ പിടിവാശിക്കാരുമാണ്. പേര് വിളിച്ചാൽ പട്ടികളെപ്പോലെ അവർ വേഗം ഓടി വരണമെന്നില്ല. ചിലപ്പോൾ കേട്ട ഭാവം പോലും നടിക്കില്ല. പൂച്ചകൾക്ക് അവരുടെ പേര് അറിയാത്തത് കൊണ്ടല്ല ഇങ്ങനെ സംഭവിക്കുന്നത്. അവർക്ക് തോന്നുമ്പോൾ മാത്രം അടുത്ത് വന്ന് സ്നേഹം പ്രകടിപ്പിക്കാനാണ് പൂച്ചകൾ ആഗ്രഹിക്കുന്നത്. പൂച്ചകൾ അമിത വിധേയത്വം കാണിക്കില്ല

പൂച്ചകൾ മുൻകാലുകൾ ഉപയോഗിച്ച് നമ്മുടെ ശരീരത്തിൽ പതുക്കെ അമർത്തുന്നത് നിങ്ങൾ ചിലപ്പോൾ ശ്രദ്ധിച്ചിട്ടുണ്ടാകും. ജനിച്ചയുടനെ അമ്മപ്പൂച്ചയുടെ പാൽ കുടിക്കുന്ന സമയത്ത് ആരംഭിക്കുന്ന ഒരു ശീലമാണിത്. വളരെ സന്തോഷം തോന്നുമ്പോഴോ അല്ലെങ്കിൽ മാനസിക സമ്മർദ്ദം പൂർണ്ണമായും കുറയ്ക്കാൻ ആഗ്രഹിക്കുമ്പോഴോ ആണ് മുതിർന്ന പൂച്ചകൾ മുൻകാലുകൾ ഉപയോഗിച്ച് ഇത്തരത്തിൽ മൃദുവായി അമർത്തിക്കൊണ്ട് സ്നേഹം പ്രകടിപ്പിക്കുന്നത്.

നമ്മുടെ മുഖത്തും കൈകളിലും അവർ ഇടയ്ക്കിടെ അടുത്ത് വന്ന് മണത്ത് നോക്കാറുണ്ട്. അവർക്ക് വളരെ പരിചിതമായ ഒരു ഗന്ധം തിരിച്ചറിയാനും അതുവഴി സുരക്ഷിതത്വം ഉറപ്പാക്കാനുമാണ് അവർ ഇങ്ങനെ ചെയ്യുന്നത്. നമ്മുടെ ശരീരത്തിൻ്റെ ഗന്ധം അറിയുന്നത് പൂച്ചകൾക്ക് വലിയ സമാധാനവും സന്തോഷവും നൽകും. പുതിയ കാര്യങ്ങൾ അറിയാൻ എപ്പോഴും ആകാംക്ഷയുള്ള മൃഗങ്ങളാണ് പൂച്ചകൾ അതിനാൽ നമ്മൾ പുറത്തുപോയി വരുമ്പോഴും ഇങ്ങനെ മണത്തുനോക്കാം.

പൂച്ചകൾ തറയിൽ മലർന്നു കിടന്ന് ഉരുളുന്നതും കളിക്കുന്നതും നമ്മൾ എപ്പോഴും കാണാറുണ്ട്. സന്തോഷവും പൂർണ്ണമായ സുരക്ഷിതത്വവും അനുഭവപ്പെടുന്നിടത്ത് മാത്രമേ പൂച്ചകൾ ഇങ്ങനെ ചെയ്യു. ശരീരത്തിലെ ഏറ്റവും ദുർബലമായ വയർ ഭാഗം കാണിച്ച് മലർന്നു കിടന്ന് നമുക്കൊപ്പം കളിക്കുന്നതിലൂടെ ‘നിങ്ങളെ എനിക്ക് വിശ്വാസമാണ്’ എന്നാണ് പൂച്ചകൾ പറയുന്നത് പൂച്ചകൾക്ക് നമ്മളോടുള്ള പ്രത്യേക താല്പര്യവും ഇതിൽ നിന്നും തിരിച്ചറിയാം.

ആപ്പിളിന്റെ ആദ്യ ടച്ച് സ്ക്രീൻ ലാപ്ടോപ് എന്ന പ്രത്യേകതയുമായി മാക്ബുക്ക് പ്രോ (MacBook Pro) ലോഞ്ച് ചെയ്തു. ടച്ച് സർഫേസുകൾ (സ്പർശിക്കാവുന്ന പ്രതലങ്ങൾ) ലംബമായി നിൽക്കുന്നത് അ‌ത്ര മികച്ച ആശയമല്ല എന്നായിരുന്നു ആപ്പിളിന്റെ സഹസ്ഥാപകനായ സ്റ്റീവ് ജോബ്സിന്റെ നിലപാട്. ലാപ്ടോപ്പ് സ്ക്രീനിലേക്ക് ദീർഘനേരം കൈ നീട്ടി പ്രവർത്തിക്കുന്നത് ഉപയോക്താക്കളുടെ കൈകൾക്ക് ക്ഷീണമുണ്ടാക്കുമെന്നായിരുന്നു അ‌ദ്ദേഹത്തിന്റെ പക്ഷം. (Image credit: Apple)

വിൻഡോസ് ലാപ്ടോപ്പുകളിൽ ടച്ച്‌സ്‌ക്രീനുകൾ സാധാരണമായി മാറിയപ്പോഴും, ആപ്പിൾ പഴയ സ്റ്റീവ് ജോബ്സ് നിലപാടിൽ ഉറച്ചുനിന്നു. എന്നാൽ ഇപ്പോൾ കാര്യങ്ങൾ മാറിയിരിക്കുന്നു. പുതിയ സിഇഒ ജോൺ ടെർനസിന്റെ നേതൃത്വത്തിൽ നടക്കുന്ന മൂന്നാമത്തെ പ്രധാന ലോഞ്ചിൽ ആപ്പിൾ തങ്ങളുടെ ടച്ച്സ്ക്രീനുള്ള ആദ്യ മാക്ബുക്ക് പുറത്തിറക്കിയിരിക്കുന്നു.

ലോസ് ഏഞ്ചൽസിൽ നടന്ന 'പ്രോ ആൻഡ് ടെൽ' ഇവന്റിൽ അ‌വതരിപ്പിച്ച പുതിയ മാക്ബുക്ക് പ്രോയിൽ ടച്ച് സൗകര്യവുമുണ്ട്. മുൻകാല മാക്ബുക്ക് പ്രോ മോഡലുകളിൽ ഉപയോഗിച്ചിരുന്ന മിനി-എൽഇഡി ഡിസ്‌പ്ലേയ്ക്ക് പകരമായി, പുതിയ 'ടാൻഡം OLED' പാനലാണ് ഇതിൽ നൽകിയിരിക്കുന്നത്. ഇതിനെ ആപ്പിൾ 'PROLED XDR' എന്ന് വിളിക്കുന്നു.

കീബോർഡിനും ട്രാക്ക്‌പാഡിനും ഒപ്പമാണ് പുതിയ മാക്ബുക്കിൽ ടച്ച് സൗകര്യം ഒരുക്കിയിരിക്കുന്നത്. ഫൈനൽ കട്ട് പ്രോ പോലുള്ള സോഫ്റ്റ്‌വെയറുകളിൽ ടൈംലൈനിലൂടെ നീങ്ങുമ്പോഴോ, ക്ലിപ്പുകൾ കൈകാര്യം ചെയ്യുമ്പോഴോ, ഡിസൈനുകളിൽ പെട്ടെന്നുള്ള മാറ്റങ്ങൾ വരുത്തുമ്പോഴോ ഇത് സഹായകമാകും. സംഗീതജ്ഞർക്ക് ലോജിക് പ്രോയിൽ ടച്ച് അധിഷ്ഠിത കൺട്രോളും സാധ്യമാകും.

14 ഇഞ്ച്, 16 ഇഞ്ച് വലിപ്പങ്ങളിൽ ലഭ്യമാകുന്ന ഈ ലാപ്ടോപ്പുകളിൽ, പുതുതായി പുറത്തിറക്കിയ M5 Pro, M5 Max പ്രോസസറുകളാണ് കരുത്ത് പകരുന്നത്. 128GB വരെ യൂണിഫൈഡ് മെമ്മറിയെയും 16TB വരെ സ്റ്റോറേജിനെയും പുതിയ മാക്ബുക്ക് പ്രോ പിന്തുണയ്ക്കുന്നു. 24 മണിക്കൂർ വരെ ബാറ്ററി ലൈഫ് ലഭിക്കുമെന്ന് ആപ്പിൾ അവകാശപ്പെടുന്നു. കൂടാതെ, ഡൈനാമിക് ഐലൻഡ് സംവിധാനവും ആപ്പിൾ മാക്കിലേക്ക് കൊണ്ടുവന്നിട്ടുണ്ട്. 12MP സെന്റർ സ്റ്റേജ് ക്യാമറയും ഇതിലുണ്ട്.

വില: പുതിയ മാക്ബുക്ക് പ്രോയുടെ PROLED XDR ഡിസ്‌പ്ലേയുള്ള 14 ഇഞ്ച് മോഡലിന് (M5 Pro ചിപ്) 3,49,900 രൂപയാണ് ഇന്ത്യയിലെ വില. 16 ഇഞ്ച് മോഡലിന് 4,09,900 രൂപയും. വിദ്യാഭ്യാസ ആവശ്യങ്ങൾക്കായുള്ള പ്രത്യേക ഇളവുകൾ പ്രയോജനപ്പെടുത്തിയാൽ വില യഥാക്രമം 3,31,900 രൂപയായും 3,85,900 രൂപയായും കുറയ്ക്കാം.

M5 Max ചിപ്പുള്ള മാക്ബുക്ക് പ്രോ 14 ഇഞ്ച് വേരിയന്റിന് 5,49,900 രൂപയും 16 ഇഞ്ച് വേരിയന്റിന് 5,89,900 രൂപയുമാണ് വില. വിദ്യാഭ്യാസ ആവശ്യങ്ങൾക്കായുള്ള ഡിസ്കൗണ്ടുകൾ പ്രയോജനപ്പെടുത്തിയാൽ ഇവ യഥാക്രമം 5,12,900 രൂപയായും 5,52,900 രൂപയായും കുറയും. ആക്‌സസറികൾ പ്രത്യേകം വാങ്ങേണ്ടതാണ്. 70W പവർ അഡാപ്റ്ററിന് 5,800 രൂപയും, 96W അഡാപ്റ്ററിന് 8,900 രൂപയും, 140W അഡാപ്റ്ററിന് 11,900 രൂപയുമാണ് വില. വേൾഡ് ട്രാവൽ അഡാപ്റ്റർ കിറ്റിന് 4,900 രൂപയാണ് വില. പ്രീ-ഓർഡറുകൾ ആരംഭിച്ചിട്ടുണ്ട്, വിൽപ്പന നവംബർ 6 മുതലാണ്.

ലിഫ്റ്റില്‍ കയറുമ്പോള്‍ കണ്ണാടിയില്‍ നോക്കി മുടി ഒതുക്കുന്നതും വസ്ത്രം ശരിയാക്കുന്നതും പലരുടെയും പതിവാണ്. എന്നാല്‍ ലിഫ്റ്റിനുള്ളില്‍ കണ്ണാടി സ്ഥാപിച്ചിരിക്കുന്നത് ആളുകള്‍ക്ക് സ്വന്തം രൂപം നോക്കാന്‍ മാത്രമാണെന്ന് കരുതിയിട്ടുണ്ടോ? അതിന് പിന്നില്‍ പ്രധാനപ്പെട്ട ചില കാരണങ്ങളുണ്ട്. യാത്രക്കാര്‍ക്ക് കൂടുതല്‍ സൗകര്യപ്രദമായ അനുഭവം നല്‍കാനും ലിഫ്റ്റിനുള്ളിലെ ഇടുങ്ങിയ അന്തരീക്ഷം മാറ്റാനും സഹായിക്കുന്ന രൂപകല്‍പ്പനയുടെ ഭാഗമാണ് ഈ കണ്ണാടികള്‍. (Image Credit Source: Getty Images)

ലിഫ്റ്റിനുള്ളില്‍ ആവശ്യത്തിന് സ്ഥലമില്ലാത്തതും അപരിചിതരായ ആളുകള്‍ക്കൊപ്പം അടുത്തുനില്‍ക്കേണ്ടിവരുന്നതും ചിലരില്‍ അസ്വസ്ഥതയുണ്ടാക്കാം. അടച്ചിട്ട ചെറിയ ഇടങ്ങളോടുള്ള ഭയമായ ക്ലോസ്‌ട്രോഫോബിയ ഉള്ളവര്‍ക്കും ലിഫ്റ്റ് യാത്ര ബുദ്ധിമുട്ടാകാം. ഇത്തരം സാഹചര്യങ്ങളില്‍ കണ്ണാടി സഹായകമാകുന്നു. ലിഫ്റ്റിനുള്ളിലെ ചുവരുകളും വെളിച്ചവും പ്രതിഫലിപ്പിക്കുന്നതിലൂടെ കൂടുതല്‍ വിസ്തൃതിയുള്ള സ്ഥലമാണെന്ന തോന്നല്‍ സൃഷ്ടിക്കാന്‍ കണ്ണാടിക്ക് കഴിയും. യഥാര്‍ഥത്തില്‍ ലിഫ്റ്റിന്റെ വലുപ്പം മാറുന്നില്ലെങ്കിലും കാഴ്ചയില്‍ കൂടുതല്‍ തുറന്ന ഇടമായി അനുഭവപ്പെടും. ഇത് യാത്രക്കാര്‍ക്ക് അനുഭവപ്പെടുന്ന അടച്ചിട്ട അന്തരീക്ഷത്തിന്റെ സമ്മര്‍ദം കുറയ്ക്കാന്‍ സഹായിക്കും.

ലിഫ്റ്റിനുള്ളില്‍ കണ്ണാടി സ്ഥാപിക്കുന്നതിന്റെ മറ്റൊരു ഗുണം വെളിച്ചം പ്രതിഫലിപ്പിക്കാനുള്ള കഴിവാണ്. ഉള്ളിലെ വെളിച്ചം കണ്ണാടിയില്‍ തട്ടി പരക്കുമ്പോള്‍ ലിഫ്റ്റ് കൂടുതല്‍ പ്രകാശമുള്ളതായി തോന്നും. ചെറിയതും ഇരുണ്ടതുമായ ഇടം എന്ന തോന്നല്‍ കുറയ്ക്കാനും ഇത് സഹായിക്കുന്നു. വീടുകള്‍, കടകള്‍, ഹോട്ടലുകള്‍ തുടങ്ങിയ സ്ഥലങ്ങളിലും ഇടം കൂടുതല്‍ വലുതായി തോന്നിക്കാന്‍ കണ്ണാടികള്‍ ഉപയോഗിക്കാറുണ്ട്. ലിഫ്റ്റിലും ഇതേ രൂപകല്‍പ്പനാ തന്ത്രമാണ് പ്രയോജനപ്പെടുത്തുന്നത്. സ്ഥലത്തിന്റെ യഥാര്‍ഥ വിസ്തീര്‍ണം വര്‍ധിപ്പിക്കാതെ തന്നെ കൂടുതല്‍ വിശാലമായ അന്തരീക്ഷം സൃഷ്ടിക്കുകയാണ് ഇതിലൂടെ ചെയ്യുന്നത്.

ലിഫ്റ്റ് യാത്രയ്ക്ക് ഏതാനും സെക്കന്‍ഡുകള്‍ മാത്രമേ എടുക്കുന്നുള്ളൂവെങ്കിലും ചിലപ്പോള്‍ അത് ദൈര്‍ഘ്യമേറിയതായി തോന്നാറുണ്ട്. അപരിചിതരായ ആളുകള്‍ക്കൊപ്പം സംസാരിക്കാതെ നില്‍ക്കേണ്ടിവരുന്നതും ഒരേ ഇടത്തില്‍ കുറച്ചുനേരം കഴിയേണ്ടിവരുന്നതും ഇതിന് കാരണമാകാം. കണ്ണാടി യാത്രക്കാരുടെ ശ്രദ്ധ തിരിക്കാന്‍ സഹായിക്കുന്നു. സ്വന്തം രൂപം പരിശോധിക്കാനും വസ്ത്രം ശരിയാക്കാനും ചുറ്റുപാടുകള്‍ കാണാനും കഴിയുന്നതോടെ കാത്തിരിപ്പിന്റെ വിരസത കുറയാം. ലിഫ്റ്റ് യാത്രയ്ക്കിടെ എവിടേക്ക് നോക്കണമെന്നറിയാതെ വിഷമിക്കുന്നവര്‍ക്ക് കണ്ണാടി സ്വാഭാവികമായൊരു ശ്രദ്ധാകേന്ദ്രവുമാകുന്നു.

ലിഫ്റ്റിലെ കണ്ണാടിക്ക് സൗകര്യത്തിനപ്പുറം മറ്റൊരു പ്രധാന ഉപയോഗവുമുണ്ട്. വീല്‍ചെയര്‍ ഉപയോഗിക്കുന്നവര്‍ക്ക് ലിഫ്റ്റില്‍ കയറാനും ഇറങ്ങാനും ചുറ്റുപാടുകള്‍ വ്യക്തമായി കാണേണ്ടതുണ്ട്. പ്രത്യേകിച്ച് ലിഫ്റ്റിനുള്ളില്‍ തിരിയാന്‍ മതിയായ ഇടമില്ലാത്തപ്പോള്‍ പിന്നിലുള്ള വാതിലും പുറത്തുള്ള ഇടനാഴിയും കാണാന്‍ കണ്ണാടി സഹായിക്കും. പൂര്‍ണമായി തിരിയാതെ തന്നെ പിന്നിലുള്ള സാഹചര്യം മനസിലാക്കാന്‍ കഴിയുന്നത് പുറത്തേക്ക് ഇറങ്ങുമ്പോള്‍ കൂടുതല്‍ ആത്മവിശ്വാസം നല്‍കും. മറ്റുള്ളവരുടെ സഹായത്തെ ആശ്രയിക്കേണ്ട സാഹചര്യം കുറയ്ക്കാനും ഇത് സഹായകമാണ്.

ഐക്യൂ തങ്ങുടെ നിയോ സീരീസിന്റെ ഭാഗമായി ഐക്യൂ നിയോ12 ​(iQOO Neo 12) ചൈനയിൽ ലോഞ്ച് ചെയ്തു. ഐക്യൂ ആരാധകർ ഏറെ ആവേശത്തോടെ കാത്തിരുന്ന മോഡലുകളിൽ ​ഒന്നാണിത്. മെച്ചപ്പെട്ട വിലയിൽ ലഭിക്കുന്ന കരുത്തൻ സ്മാർട്ട്ഫോൺ ആണ് നിയോ സീരീസിൽ എത്താറുള്ളത് എന്നതാണ് അ‌തിന് കാരണം, പ്രീമിയം മോഡലും അ‌തിന് തൊട്ട് താഴെയുള്ള R സീരീസ് മോഡലും സ്വന്തമാക്കാൻ കഴിയാത്തവർക്കുള്ള അ‌ടുത്ത ഓപ്ഷനാണ് നിയോ സീരീസ് മോഡലുകൾ. (Image credit: iQOO)

ഇന്ത്യയിൽ ഐക്യൂ നിയോ സീരീസ് ഫോണുകൾക്ക് ആരാധകർ ഏറെയാണ്, അ‌തിനാൽ അ‌ധികം ​വൈകാതെ ഐക്യുവിന്റെ ഏറ്റവും പുതിയ ഗെയിമിംഗ് സ്മാർട്ട്‌ഫോണായ 'നിയോ12' ഇന്ത്യയിലും എത്തും എന്ന് പ്രതീക്ഷിക്കപ്പെടുന്നു. മികച്ച ഡിസ്‌പ്ലേ പെർഫോമൻസ്, പ്രോസസ്സിംഗ് ശേഷി, താപ നിയന്ത്രണം, ക്യാമറ ഹാർഡ്‌വെയർ, ബാറ്ററി ശേഷി എന്നിവയിൽ ശ്രദ്ധേയമായ നവീകരണങ്ങളുമായാണ് ഈ മോഡൽ എത്തിയിരിക്കുന്നത്.

പ്രധാന ഫീച്ചറുകൾ: 6.85 ഇഞ്ച് (3200x1440 പിക്സൽ) 2K+ LTPS AMOLED ഡിസ്‌പ്ലേ (20:9 ആസ്പെക്റ്റ് റേഷ്യോ). HDR10+, 185Hz വേരിയബിൾ റിഫ്രഷ് റേറ്റ്, 1.07 ബില്യൺ നിറങ്ങൾ, DCI-P3 കളർ ഗാമറ്റ്, 2200 നിറ്റ് വരെ പീക്ക് ബ്രൈറ്റ്‌നസ്, 2160Hz PWM ഡിമ്മിംഗ് + DC ഡിമ്മിംഗ്, ഡോൾബി വിഷൻ (Dolby Vision) എന്നിവ ഇതിൽ ഉണ്ട്.

കരുത്ത്: ഒക്ടാ കോർ സ്നാപ്ഡ്രാഗൺ 8 എലൈറ്റ് ജെൻ 5 3nm പ്രോസസർ ആണ് ഈ ഫോണിന്റെ കരുത്ത്. ഐക്യൂ 16-ൽ ഉള്ളതുപോലെ 'മോൺസ്റ്റർ പെർഫോമൻസ് എൻജിനും' ഇതിലുണ്ട്. അഡ്രിനോ 840 GPU, Q3 ഗെയിമിംഗ് ചിപ്പ്, 12GB / 16GB LPDDR5X റാം, 256GB / 512GB / 1TB (UFS 4.1) സ്റ്റോറേജ് എന്നിവ ഇതിലുണ്ട്. ആൻഡ്രോയിഡ് 17 അ‌ടിസ്ഥാനമാക്കിയുള്ള OriginOS 7-ൽ ആണ് പ്രവർത്തനം.

ക്യാമറ: 50MP മെയിൻ ക്യാമറ (1/1.49″ സോണി IMX921 സെൻസർ, f/1.88 അപ്പേർച്ചർ, OIS, LED ഫ്ലാഷ്), 8MP അൾട്രാ-വൈഡ് ആംഗിൾ ക്യാമറ (f/2.2 അപ്പേർച്ചർ) എന്നിവ അ‌ടങ്ങുന്ന റിയർ ക്യാമറ സജ്ജീകരണവും 16MP ഫ്രണ്ട് ക്യാമറയും (f/2.45 അപ്പേർച്ചർ) ഇതിൽ ഉണ്ട്.

ബാറ്ററി, മറ്റ് ഫീച്ചറുകൾ: 100W അൾട്രാ-ഫാസ്റ്റ് ചാർജിംഗിനെ പിന്തുണയ്ക്കുന്ന 9000mAh ബാറ്ററി ഇതിലുണ്ട്. ഒപ്പം, ഇൻ-ഡിസ്‌പ്ലേ അൾട്രാസോണിക് ഫിംഗർപ്രിന്റ് സെൻസർ, IP68 + IP69 റേറ്റിങ്, ഡ്യുവൽ സിം (നാനോ + നാനോ), 5G SA/NSA, ഡ്യുവൽ 4G VoLTE എന്നിവയും ഇതിലുണ്ട്.

വില: ഐക്യൂ നിയോ 12 5ജി 12GB+256GB: 4399 യുവാൻ (ഏകദേശം 62,815 രൂപ), 16GB+ 256GB: 4799 യുവാൻ (ഏകദേശം 68,525 രൂപ), 12GB+512GB: 5099 യുവാൻ (ഏകദേശം 72,810 രൂപ), 16GB+512GB: 5499 യുവാൻ (ഏകദേശം 78,520 രൂപ) എന്നിങ്ങനെയാണ് വില. കണ്ടെൻഡർ, ഷാഡോ ബ്ലാക്ക്, ഫ്രോസ്റ്റ് ബ്ലേഡ് ബ്ലൂ എന്നീ കളർ ഓപ്ഷനുകളിലാണ് ഇത് എത്തിയിരിക്കുന്നത്.

ഇത്തരത്തിൽ ന​ഗരയാത്രക്ക് എളുപ്പത്തിൽ ഉപയോ​ഗിക്കാൻ കഴിയുന്ന കാർ മോഡലുകളിൽ ചിലത് പരിചയപ്പെടാം. ഈ സെ​ഗ്മെന്റിൽ എല്ലാവരും പ്രധാനമായും നോക്കുന്നത് വാഹനത്തിന്റെ വലുപ്പമാണ്. എത്രത്തോളം വലുപ്പം കുറയുന്നുവോ ന​ഗരത്തിലൂടെ എളുപ്പത്തിൽ കൈകാര്യം ചെയ്യാനും അതിലുപരിയായി പാർക്ക് ചെയ്യാനും കഴിയും. ( Image Credit Source Tata, Maruti, Hyundai Websites)

ടാറ്റ ടിയാ​ഗോ - ടാറ്റയുടെ ലൈനപ്പിലെ ഏറ്റവും ചെറിയ ഹാച്ച് ബാക്ക് മോഡലാണ് ഇത്. ഫൈസ് സീറ്ററാണെങ്കിലും സുഖമായി നാല് പേർക്ക് ഇരുന്ന് യാത്ര ചെയ്യാൻ കഴിയുന്ന ഈ വാഹനം വലുപ്പത്തിൽ ചെറുതാണ്. ഏകദേശം അഞ്ച് ലക്ഷത്തിനടുത്താണ് ടിയാ​ഗോയുടെ എക്സ് ഷോറൂം വില ആരംഭിക്കുന്നത്.

മാരുതി സെലേറിയോ - മാരുതിയുടെ ലൈനപ്പിൽ സെലേറിയോക്ക് താഴെ ഓൾട്ടോയും എസ്പ്രസോയും വരുന്നുണ്ടെങ്കിലും പ്രായോ​ഗിക തലത്തിൽ നോക്കുമ്പോൾ സാധാരണ ഫാമിലിക്ക് പരി​ഗണിക്കാവുന്ന മോഡലാണിത്. രൂപത്തിൽ ചെറുതാണെങ്കിലും അത്യാവശ്യം ഇന്റീരിയർ സ്പേസും ‌ഈ വാഹനം നൽകുന്നുണ്ട്. ഏകദേശം അഞ്ച് ലക്ഷം രൂപയാണ് വാഹനത്തിന്റെ പ്രാരംഭ വില വരുന്നത്.

മാരുതി വാ​ഗൺ ആർ - ഇന്ന് കേരളത്തിലേത് ഉൾപ്പെടെ സിറ്റിയിൽ ഏറ്റവും അധികം ടാക്സിയായി വരെ കണ്ട് വരുന്ന വാഹനമാണ് വാ​ഗൺ ആർ. ഏത് ചെറിയ വഴിയിലൂടെയും കൊണ്ടുനടക്കാനും എളഉപ്പത്തിൽ പാർക്ക് ചെയ്യാനും കഴിയും. എന്നാൽ അകത്തളത്തിൽ മാന്യമായ സ്പേസും ലഭിക്കുന്നുണ്ട്. അഞ്ച് ലക്ഷം തന്നെയാണ് ഈ മോഡലന്റെ പ്രാരംഭ എക്സ് ഷോറൂം വില.

ഹ്യൂണ്ടായി ​ഐ10 നിയോസ് - ഹ്യൂണ്ടായിയുടെ ലൈനപ്പിലെ ഏറ്റവും ചെറിയ ഹാച്ച് ബാക്ക് മോഡലുകളിൽ ഒന്നാണ് ​ഗ്രാൻഡ് ഐ10 നിയോസ്. ഏകദേശം അഞ്ച് ലക്ഷത്തിന് മുകളിലാണ് ഈ വാഹനത്തിന്റെ എക്സ് ഷോറൂം വില ആരംഭിക്കുന്നത്.

പ്രോസസ്ഡ് ഫുഡ്സ് കഴിക്കുന്നത് ഒഴിവാക്കുക എന്നതാണ് ഏറ്റവും പ്രധാനമായി ചെയ്യേണ്ടത്. പ്രകൃതിദത്തമായ ഭക്ഷണൾ കഴിക്കുന്നത് ദഹന പ്രശ്നങ്ങൾ ഒരു പരിധി വരെ കുറയ്ക്കാൻ സഹായിക്കും. ഇത്തരം ഭക്ഷണങ്ങൾ കുടലിലെ നല്ല ബാക്ടീയരകളുടെ വളർച്ചയെ സഹായിക്കും. കൃത്രിമ മധുരവും മറ്റു രാസ വസ്തുക്കളും അടങ്ങിയ ഭക്ഷണങ്ങൾ കഴിക്കുത് കുടലിൽ നീർക്കെട്ട് ഉൾപ്പടെയുള്ള പ്രശ്നങ്ങൾ ഉണ്ടാക്കും. (Image Credit source: Unsplash)

ദഹനപ്രക്രിയ കൃത്യമായി നടക്കാൻ ഫൈബർ അഥവാ നാരുകൾ അടങ്ങിയ ഭക്ഷണങ്ങൾ എറെ അത്യാവശ്യമാണ്. ധാന്യങ്ങൾ പച്ചക്കറികൾ എന്നിവയിൽ അടങ്ങിയിരിക്കുന്ന നാരുകൾ മലബന്ധം അകറ്റാൻ സഹായിക്കും. പഴങ്ങൾ പയറുവർഗങ്ങൾ എന്നിവയിലെ പ്രത്യേക നാരുകൾ കുടലിലെ നല്ല ബാക്ടീരിയകൾക്ക് ആവശ്യമായ ഊർജം നൽകുകയും പോഷകങ്ങൾ എളുപ്പത്തിൽ വലിച്ചെടുക്കാൻ ശരീരത്തെ സഹായിക്കുകയും ചെയ്യുന്നു.

ആരോഗ്യകരമായ കൊഴുപ്പുകൾ അടങ്ങിയ ഭക്ഷണങ്ങളും ദഹനത്തെ മികച്ച രീതിയിൽ സ്വാധീനിക്കുന്നുണ്ട്. അവക്കാഡോ, നട്സ്, മത്തി, എന്നിവയിലെ കൊഴുപ്പ് ദഹനത്തിന് സഹായിക്കുന്ന പിത്തരസത്തിൻ്റെ ഉത്പാദനം വർധിപ്പിക്കും. കൂടാതെ വിറ്റാമിൻ. എ, ഡി, ഇ, കെ തുടങ്ങിയെ പ്രധാന വിറ്റാമിനുകളെ ആകിരണം ചെയ്യാൻ ഇത് ശരീരത്തെ സഹായിക്കും. ഇതിലൂടെ കുടലുൻ്റെ ആവരണം ശക്തിപ്പെടുകയും ദഹനം എളുപ്പമാവുകയും ചെയ്യും.

നല്ല ദഹനത്തിന് ശരീരത്തിൽ എപ്പോഴും ജലാംശം നിലനിർത്തേണ്ടത് വളരെ പ്രധാനമാണ്. വെള്ളം ഭക്ഷണത്തെ എളുപ്പത്തിൽ അലിയിക്കാനും ദഹനരസങ്ങളെ ഉത്തേജിപ്പിക്കാനും, കോശങ്ങളിലേക്ക് പോഷകങ്ങളെ വേഗത്തിൽ എത്തിക്കാനും സഹായിക്കും. ശരീരത്തിൽ നിർജ്ജലീകരണം ഉണ്ടാകുമ്പോൾ ദഹനപ്രക്രിയയുടെ വേഗത കുറയും. ഇത് മലബന്ധം, ഗ്യാസ്ട്രബിൾ, വയറുവേദന തുറ്റങ്ങിയ ബുദ്ധിമുട്ടുകളിലേക്ക് നയിക്കും.

മാനസ്സിക സമ്മർദ്ദം കുറയ്ക്കുന്നത് ദഹനത്തെ മെച്ചപ്പെടുത്തും. അമിതമായ ടെൻഷൻ അനുഭവപ്പെടുമ്പോൾ ദഹനം മന്ദഗതിയിലാകാനും രക്തചംക്രമണം കുറയാനും സാധ്യതയുണ്ട്. നിരന്തരമുള്ള മാനസിക സമ്മർദ്ദം വയറുവേദന, വയറിളക്കം മലബന്ധം, എനിവയ്ക്ക് കാരണമാകും. അതിനാൽ കൃത്യമായ വ്യായാമത്തിലൂടെയും ശരിയായ വിശ്രമത്തിലൂടെയും സ്ട്രെസ്സ് അകറ്റാൻ ശ്രമിക്കുന്നത് ദഹനപ്രക്രിയയെ കൂടുതൽ മെച്ചപ്പെടുത്തും.

അങ്ങനെ മധുരങ്ങളുടെ കൂടെ ആഘോഷമായ മറ്റൊരു ദീപാവലി കൂടെ എത്തുകയാണ്. ഈ ദീപാവലിക്ക് ബേക്കറിയിൽ നിന്നും വാങ്ങിക്കുന്ന മധുരപലഹാരങ്ങളെക്കാൾ രുചികരമായ പലഹാരങ്ങൾ നിങ്ങൾക്ക് വീട്ടിൽ ഉണ്ടാക്കുവാൻ ആഗ്രഹിക്കുന്നുണ്ടെങ്കിൽ ഇവിടെ പറയുന്ന ഈ ഹൽവ തയ്യാറാക്കി നോക്കാവുന്നതാണ്. മൈദയോ തേങ്ങയോ ആവശ്യമില്ലാത്ത ഈ ഹൽവ ഞൊടിയിടയിൽ തയ്യാറാക്കാം എന്നുള്ളതാണ് മറ്റൊരു പ്രത്യേകത. എളുപ്പത്തിൽ എങ്ങനെ കറുത്ത ഹൽവ തയ്യാറാക്കാം എന്ന് നോക്കാം.(IMAGE CREDIT SOURCE: SOCIAL MEDIA SCREEN GRAB)

ഇതിന് പ്രധാനമായും ആവശ്യം സാബുനരി ആണ്, ഒരു കപ്പ് സാബുനരി, അരക്കപ്പ് വെള്ളം, നെയ്യ്, രണ്ട് കപ്പ് ശർക്കര പൊടി, ബദാം, കശുവണ്ടി തുടങ്ങിയ ഡ്രൈ ഫ്രൂട്ട്സ് ചെറുതായി മുറിച്ചത് എന്നിവയാണ്. ഇത് തയ്യാറാക്കുന്നതിന് വേണ്ടി ആദ്യം തന്നെ സാബൂനരി ഒരു മൂന്ന് മണിക്കൂർ വെള്ളത്തിൽ കുതിരാനായി വെക്കണം.

അതിനുശേഷം കുതിർത്ത് വച്ച സാബൂനരി അല്പം വെള്ളം ചേർത്ത് നന്നായി അരച്ചെടുക്കുക. പേസ്റ്റ് രൂപത്തിൽ വേണം അരച്ചെടുക്കുവാൻ. ശേഷം ഒരു പാൻ അടുപ്പിൽ വച്ച് അതിലേക്ക് ആവശ്യത്തിന് നെയ്യ് ഒഴിക്കുക. ശുദ്ധമായ പശുവിന്റെ നെയ്യ് ആണെങ്കിൽ ഏറ്റവും രുചികരമായിരിക്കും. നെയ്യ് ചൂടായി കഴിഞ്ഞാൽ അരച്ചുവച്ച സാബുനരി അതിലേക്ക് ചേർത്തു കൊടുക്കുക.

ശേഷം നെയ്യും സാബുനരിയും നിർത്താതെ ഇളക്കി കൊടുക്കണം കട്ടപിടിക്കാതിരിക്കാൻ വേണ്ടിയാണ് ഇങ്ങനെ ഇളക്കി കൊടുക്കുന്നത് അല്പം കഴിഞ്ഞാൽ ഒരു ജെല്ല് പരുവത്തിലായി വരുമ്പോൾ അതിലേക്ക് പൊടിച്ചു വച്ചിട്ടുള്ള ശർക്കര ചേർത്ത് നൽകുക. അവയും നന്നായി മൂന്നും കൂടെ മിക്സ് ചെയ്ത് നന്നായിട്ട് ഇളക്കി യോജിപ്പിക്കുക.

ആ മിശ്രിതം നന്നായി യോജിച്ചു കഴിഞ്ഞാൽ അതിലേക്ക് മുറിച്ച വെച്ചിട്ടുള്ള നട്സ് അതായത് കശുവണ്ടി തുടങ്ങിയവയുടെ മിക്സ് നന്നായി ചേർത്തുകൊടുത്ത്, എല്ലാ ഭാഗത്തും ആവത്തക്ക വിധം നന്നായി ഇളക്കി യോജിപ്പിച്ചു കൊടുക്കുക. നിങ്ങൾക്ക് ഏതെങ്കിലും തരത്തിലുള്ള ആകൃതിയിൽ വേണമെങ്കിൽ അതേ പാത്രത്തിലേക്ക് ആക്കി നന്നായി സെറ്റ് ചെയ്ത് അല്പസമയം കഴിഞ്ഞാൽ അത് മുറിച്ച് കഴിക്കാവുന്നതാണ് രുചികരമായ ഹൽവ തയ്യാർ.

വരാനിരിക്കുന്ന പുതിയ എഡിഷന്റെ ഏകദേശ ഡിസൈൻ‍ രൂപമാണ് ടീസറിൽ നൽകിയിരിക്കുന്നത്. ഈ മോഡലിൽ എന്തൊക്കെ പുതിയ കൂട്ടിച്ചേർക്കലുകളാണ് വരിക എന്നും പ്രാധാന മാറ്റങ്ങൾ എന്തൊക്കെ പ്രതീക്ഷിക്കമെന്നും എന്നും വിശദമായി നോക്കാം. ( Image Credit Source KTM Website)

കഴിഞ്ഞ ദിവസം ഈ പുതിയ മോഡൽ ഡീലർഷിപ്പിൽ എത്തിക്കുന്നതിന്റെ സ്പൈ ചിത്രങ്ങൾ പുറത്ത് വന്നിരുന്നു. അത് പ്രകാരം കാര്യമായ മാറ്റങ്ങളാണ് പുതിയ മോഡലിൽ വന്നിരിക്കുന്നത്. മുമ്പ് ഡ്യൂക്ക് ശ്രേണിയിലെ ഉയർന്ന മോഡലുകളിൽ മാത്രം കണ്ടിരുന്ന ഇലക്ട്രോണിക് ഫീച്ചേഴ്സുകൾ എല്ലാം പുതിയ മോഡലിൽ ഉൾപ്പെടുത്തിയിട്ടുണ്ട് എന്നാണ് സൂചന.

ഏറ്റവും പ്രധാനപ്പെട്ട അപ്ഡേഷനായി കാണുന്നത് ബൈ ഡയറക്ഷണൽ ക്വിക്ക്ഷിഫ്റ്റർ (bi-directional quickshifter) ആണ്. ക്ലച്ച് ഉപയോഗിക്കാതെ തന്നെ ഗിയറുകൾ മുകളിലേക്കോ (upshift) താഴേക്കോ (downshift) മാറ്റാൻ സഹായിക്കുന്ന സംവിധാനമാണ് ഇത്. നിലവിൽ 250 Duke, 390 Duke മോഡലുകളിൽ ഉള്ള അതേ സംവിധാനമാണ് പുതിയ 200 മോഡലിലും കൊടുത്തിരിക്കുന്നത്.

ഇലക്ട്രോണിക് ത്രോട്ടിൽ സംവിധാനവും പുതിയ മോഡലിൽ ഉണ്ടാകും. ഇതുവരെ 200 Duke ൽ ലഭ്യമല്ലാതിരുന്ന റൈഡ് മോഡുകൾ, ട്രാക്ഷൻ കൺട്രോൾ തുടങ്ങിയ സൗകര്യങ്ങൾ 200 ൽ ഉണ്ടാകും എന്നാണ് റിപ്പോർട്ടുകൾ. സാധാരണ റോഡ് യാത്രകൾക്കായുള്ള സ്ട്രീറ്റ് മോഡിന് പുറമെ, മഴയത്ത് സുരക്ഷിത യാത്ര ഉറപ്പാക്കുന്ന റെയിൻ മോഡും ഉണ്ടാകുമെന്നാണ് സൂചന.

ഡീലർഷിപ്പിലുള്ള വാഹനത്തിന്റെ ചിത്രങ്ങൾ പ്രകാരം വലതുവശത്തെ സ്വിച്ച് ഗിയറുകളിൽ മാറ്റം വരുത്തിയതായി കാണാൻ കഴിയുന്നുണ്ട്. 390 ഡ്യൂക്കിൽ ഉപയോഗിച്ചിരിക്കുന്നവയ്ക്ക് സമാനമാണ് ഇത്. എന്നാൽ ഇടതുവശത്തെ കൺട്രോളുകളിൽ മാറ്റമൊന്നും വരുത്തിയിട്ടില്ലെന്നാണ് മ‌നസ്സിലാകുന്നത്. 200 ഡ്യൂക്കിലെ മറ്റ് സാങ്കേതിക ഘടകങ്ങൾ നിലവിലേത് പോലെ തന്നെ തുടരാനാണ് സാധ്യത. 199.5 സിസി ലിക്വിഡ്-കൂൾഡ് സിംഗിൾ സിലിണ്ടർ എൻജിൻ തന്നെയായിരിക്കും പുതിയ മോഡലിലും തുടരുക.

നടി അമൃത നായർ വിവാഹിതയാകുന്നു. നിരവധി സീരിയലുകളുടെ പ്രേക്ഷകർക്ക് സുപരിചിതയായ അമൃത തന്റെ സോഷ്യൽ മീഡിയ പോസ്റ്റിലൂടെയാണ് വിവാഹ സന്തോഷം പങ്കുവെച്ചത്. വിവാഹവുമായി ബന്ധപ്പെട്ട് എടുത്ത ചില ചിത്രങ്ങളാണ് താരം പങ്കുവെച്ചിരിക്കുന്നത്. എന്നേക്കും ഉള്ള പ്രണയത്തിന് തൊട്ടുമുൻപുള്ള മനോഹരമായ ഒരു ചെറിയ നിമിഷം എന്നു പറഞ്ഞുകൊണ്ടാണ് അമൃത ചിത്രങ്ങൾ പങ്കുവെച്ചത്.(IMAGE CREDIT SOURCE: SOCIAL MEDIA)

അമ്മയ്ക്കും സുഹൃത്തുക്കൾക്കും ഉള്ള ബ്രൈഡ് ടു ബി ഫോട്ടോഷൂട്ട് ഇപ്പോൾ സോഷ്യൽ മീഡിയയിൽ വൈറൽ ആവുകയാണ്. താരത്തിന്റെ ചിത്രങ്ങൾക്ക് താഴെ നിരവധി പേരാണ് വിവാഹമംഗള ആശംസകൾ അർപ്പിച്ചുകൊണ്ട് എത്തിയിരിക്കുന്നത്. അതേസമയം താരത്തിന്റെ വരൻ ആരാണ് എന്ന കാര്യത്തിൽ ഇപ്പോഴും വ്യക്തതയില്ല.

താൻ വിവാഹിതയാകാൻ പോകുന്നു എന്ന കാര്യം നേരത്തെ തന്നെ അമൃത ചില അഭിമുഖങ്ങളിലൂടെ പ്രേക്ഷകരോട് പങ്കിട്ടിരുന്നു. മാത്രമല്ല വിവാഹം ചെയ്യുന്ന വ്യക്തിക്ക് സിനിമയുമായോ സീരിയലുമായി ഒരു ബന്ധവുമില്ല എന്നും അമൃത പറഞ്ഞിരുന്നു. മാത്രമല്ല കഴിഞ്ഞദിവസം പുതിയ കാർ വാങ്ങിച്ച് വിശേഷവും അമൃത സോഷ്യൽ മീഡിയയിലൂടെ പങ്കിട്ടിരുന്നു.

തന്റെ കാറിനൊപ്പമുള്ള ചിത്രത്തിനൊപ്പം ഇന്ന് താൻ ആഘോഷിക്കുന്നത് ഒരു പുതിയ കാർ സ്വന്തമാക്കിയ സന്തോഷം മാത്രമല്ല എന്നും ഒരിക്കലും തോറ്റു കൊടുക്കാതെ മുന്നോട്ട് നടന്ന ഒരു പെൺകുട്ടിയെയും അവൾ അതിജീവിച്ച പ്രതിസന്ധികളെയും ആണെന്നായിരുന്നു താരം കുറിച്ചത്. മഹീന്ദ്ര b6 ആയിരുന്നു അമൃത സ്വന്തമാക്കിയത്.

ഏത് പ്രതിസന്ധിക്ക് ഇടയിലും സ്വയം വിശ്വസിച്ചു മുന്നോട്ടു പോവുകയാണെങ്കിൽ ജീവിതം അത്രത്തോളം മനോഹരമാകും എന്നും സാമ്പത്തികമായി ആരെയും ആശ്രയിക്കാതെ തനിക്ക് സന്തോഷം നൽകുന്ന ഒരു ജീവിതം ജീവിച്ച മുപ്പതുകളിലേക്ക് കടക്കുന്നു എന്നുമാണ് അമൃത കാർ വാങ്ങിയ സന്തോഷത്തോടൊപ്പം സോഷ്യൽ മീഡിയയിൽ കുറിച്ചത്.

കളിക്കളത്തിൽ മാത്രമല്ല ഇൻസ്റ്റഗ്രാമിലും സൂപ്പർസ്റ്റാറാണ് പോർചുഗൽ ഫുട്ബോൾ ഇതിഹാസം ക്രിസ്റ്റ്യാനോ റൊണാൾഡോ. 679 മില്യൺ ഫോളോവേഴ്സ്, അ‌തായത് ഏതാണ്ട് 67 കോടിയിലധികം പേർ ഇൻസ്റ്റഗ്രാമിൽ റോണോയെ ഒഫീഷ്യൽ പഴ്സണൽ അ‌ക്കൗണ്ടിൽ ഫോളോ ചെയ്യുന്നുണ്ട്. മറ്റൊരുവിധത്തിൽ പറഞ്ഞാൽ ലോകത്ത് ഏറ്റവുമധികം ആളുകൾ ഫോളോ ചെയ്യുന്ന സ്പോർട്സ് താരങ്ങളിലൊരാൾ ആണ് റോണോ. (Image credit: Getty Images, Instagram)

ഇത്രയധികം ഫോളോവേഴ്സ് ഉള്ള റൊണാൾഡോ അ‌ങ്ങോട്ട് ഫോളോ ചെയ്യുന്ന ഇൻസ്റ്റഗ്രാം അ‌ക്കൗണ്ടുകൾ വെറും 638 എണ്ണമാണ്. ഈ 638 പേരിൽ ഒരേയൊരു ഇന്ത്യക്കാരൻ മാത്രമാണ് ഉൾപ്പെട്ടിരിക്കുന്നത് എന്ന് പുതിയ റിപ്പോർട്ടുകൾ പുറത്തുവന്നിരിക്കുന്നു. എന്നാൽ അ‌തൊരു കായികതാരമോ സിനിമാ ലോകത്തുനിന്നുള്ള സെലിബ്രിറ്റിയോ അ‌ല്ല, മറിച്ച് 32 വയസുമാത്രം പ്രായമുള്ള ഒരു യുവാവാണ് പേര് അരവിന്ദ് ശ്രീനിവാസ്.

അ‌രവിന്ദ് ശ്രീനിവാസ് എന്ന പേര് ഇന്ത്യക്കാർക്ക് ഒരുപക്ഷേ അ‌ത്ര സുപരിചിതമല്ല. എന്നാൽ ആഗോളതലത്തിൽ ഏറെ ശ്രദ്ധിക്കപ്പെട്ട ഒരു വ്യക്തിത്വമാണ് അ‌രവിന്ദ് ശ്രീനിവാസ് എന്ന ചെന്നൈ സ്വദേശിയുടേത്. കാരണം ജനപ്രിയ എഐ സെർച്ച് എഞ്ചിനായ പെർപ്ലെക്‌സിറ്റി എഐയുടെ (Perplexity AI) സഹസ്ഥാപകനും സി.ഇ.ഒയുമാണ് അരവിന്ദ് ശ്രീനിവാസ്.

ഐഐടി മദ്രാസ്, യുസി ബെർക്ക്ലി എന്നിവിടങ്ങളിലെ പഠനത്തിന് ശേഷം ഓപ്പൺ എഐ, ഗൂഗിൾ തുടങ്ങിയ പ്രമുഖ സ്ഥാപനങ്ങളിലും മുൻപ് പ്രവർത്തിച്ചിട്ടുള്ള അ‌രവിന്ദ് ഇന്ത്യയിലെ ഏറ്റവും പ്രായം കുറഞ്ഞ ശതകോടീശ്വരന്മാരിൽ ഒരാളാണ്. ക്രിസ്റ്റ്യാനോ റൊണാൾഡോ പെർപ്ലെക്‌സിറ്റി എഐയിൽ വൻതുക നിക്ഷേപം നടത്തിയിട്ടുണ്ട്. ഈ ബിസിനസ് ബന്ധത്തിന്റെ പശ്ചാത്തലത്തിലാണ് റൊണാൾഡോ അരവിന്ദിനെ ഇൻസ്റ്റഗ്രാമിൽ ഫോളോ ചെയ്യുന്നത്.

ഇതിൽ ഏറ്റവും രസകരമായ കാര്യം എന്തെന്നാൽ സാക്ഷാൽ ​സിആർ7 തന്നെ ഫോളോ ചെയ്യുന്നുണ്ടെങ്കിലും മൂന്ന് ലക്ഷത്തിലധികം ഫോളോവേഴ്‌സുള്ള അരവിന്ദ് ശ്രീനിവാസ് തിരിച്ച് റോണോയെ ഫോളോ ചെയ്യുന്നില്ല എന്നതാണത്. നിലവിൽ ഒരേയൊരു അക്കൗണ്ടിനെ മാത്രമേ തിരിച്ച് ഫോളോ ചെയ്യുന്നുള്ളൂ, അ‌ത് പെർപ്ലെക്സിറ്റിയുടെ ഇൻസ്റ്റഗ്രാം അ‌ക്കൗണ്ടിനെ ആണ്.

തിരിച്ചുവരവ്: അ‌ടുത്തകാലത്ത് പോർചുഗൽ ടീമുമായുള്ള പ്രശ്നങ്ങളുടെ പേരിൽ റോണോ വലിയ വിവാദങ്ങളിപ്പെടുകയും അദ്ദേഹത്തിന് 30 ദിവസത്തെ സസ്പെൻഷനും ചെറിയ പിഴയും വിധിക്കുകയും ചെയ്തിരുന്നു. ഒക്ടോബർ 30-ന് ഈ സസ്പെൻഷൻ കാലാവധി അവസാനിക്കുന്ന സാഹചര്യത്തിൽ അ‌ദ്ദേഹത്തിന്റെ തിരിച്ചുവരും ചർച്ചയാകുന്നുണ്ട്. വരാനിരിക്കുന്ന യുവേഫ നേഷൻസ് ലീഗ് മത്സരങ്ങൾക്കായുള്ള പോർച്ചുഗലിന്റെ പ്രിലിമിനറി സ്ക്വാഡിൽ 41 വയസുകാരനായ റൊണാൾഡോ ഇടംനേടിയിട്ടുണ്ട്. നവംബർ 14, 17 തീയതികളിൽ ഡെൻമാർക്ക്, വെയ്ൽസ് ടീമുകൾക്കെതിരെയുള്ള മത്സരങ്ങളിൽ റൊണാൾഡോയ്ക്ക് അവസരം ലഭിച്ചേക്കും.

കടൽവിഭവങ്ങളിൽ മലയാളികളുടെ എക്കാലത്തെയും പ്രിയപ്പെട്ട വിഭവമാണ് ചെമ്മീൻ. എന്നാൽ ചെമ്മീൻ വാങ്ങുമ്പോഴും വൃത്തിയാക്കുമ്പോഴും പാകം ചെയ്യുമ്പോഴും അശ്രദ്ധ കാണിച്ചാൽ അത് രുചികരമായ ഒരു ഭക്ഷണത്തെ മാറ്റിമറിക്കുക മാത്രമല്ല, ഗുരുതരമായ ഭക്ഷ്യവിഷബാധയ്ക്കും ആരോഗ്യപ്രശ്നങ്ങൾക്കും കാരണമാകും. അങ്ങനെയെങ്കിൽ ഇനി ചെമ്മീൻ വാങ്ങുമ്പോഴും പാചകം ചെയ്യുമ്പോഴും നിങ്ങൾ ശ്രദ്ധിക്കേണ്ട കാര്യങ്ങൾ എന്തെല്ലാമെന്ന് നോക്കിയാലോ. (Image Credit Source: Getty Images)

പഴകിയതോ ദുർഗന്ധമുള്ളതോ ആയ ചെമ്മീൻ വാങ്ങുന്നത്: ചെമ്മീൻ വാങ്ങുമ്പോൾ അതിന്റെ നിറവും മണവും നിർബന്ധമായും ശ്രദ്ധിക്കണം. ഫ്രഷ് ചെമ്മീനിന് തിളക്കമുള്ള ശരീരവും ഉറപ്പുള്ള തോടുമാണുണ്ടാവുക. അമോണിയയുടെയോ ചീഞ്ഞ മീനിന്റെയോ മണമുണ്ടെങ്കിൽ അത് പഴകിയതാണെന്ന് ഉറപ്പാക്കാം. ഇത് കഴിക്കുന്നത് ​ഗുരുതരമായ ഭക്ഷ്യവിഷബാധയ്ക്ക് കാരണമാകും. കഠിനമായ വയറുവേദനയാണ് ഇതിൻ്റെ പ്രധാന ലക്ഷണം.

പുറകിലെ കറുത്ത ഞരമ്പ് കളയാതിരിക്കുന്നത്: ചെമ്മീന്റെ പുറകുവശത്തുള്ള കറുത്ത ഞരമ്പ് അതിന്റെ ദഹനവ്യവസ്ഥയാണ്. ഇതിൽ ദഹിക്കാത്ത അവശിഷ്ടങ്ങളും ബാക്ടീരിയകളും അടങ്ങിയിട്ടുണ്ടാകും. ഇത് നീക്കം ചെയ്യാതെ പാകം ചെയ്താൽ വയറു വേദനയ്ക്കും അണുബാധയ്ക്കും സാധ്യതയുണ്ട്. അതിനാൽ ചെമ്മീൻ വൃത്തിയാക്കുമ്പോൾ അദ്യം തന്നെ ആ കറുത്ത ഞരമ്പ് എടുത്തുകളയാൻ ഓർക്കണം.

ഫ്രോസൺ ചെമ്മീൻ ചൂടുവെള്ളത്തിലിടുന്നത്: ഫ്രിഡ്ജിൽ സൂക്ഷിച്ച ചെമ്മീൻ പെട്ടെന്ന് ഐസ് മാറ്റാൻ വേണ്ടി ഒരിക്കലും ചൂടുവെള്ളത്തിലേക്ക് ഇടരുത്. ഇത് ചെമ്മീൻ പെട്ടെന്ന് വെന്തുപോകാനും അതിന്റെ സ്വാഭാവിക രുചിയും പോഷകങ്ങളും നഷ്ടപ്പെടാനും കാരണമാകുന്നു. തണുത്ത വെള്ളത്തിലോ ഫ്രിഡ്ജിന്റെ താഴത്തെ തട്ടിലോ വെച്ച് സാവധാനം ഐസ് അലിയിപ്പിച്ച ശേഷം പാചകം ചെയ്യാനെടുക്കുക.

റബ്ബർ പോലെയാക്കുന്നത്: ചെമ്മീൻ പാകം ചെയ്യാൻ വളരെ കുറഞ്ഞ സമയം മതിയാകും. അമിതമായി വേവിച്ചാൽ ചെമ്മീൻ കട്ടി കൂടിയ റബ്ബർ പോലെയാവുകയും ചവയ്ക്കാനും കഴിക്കാനും ബുദ്ധിമുട്ടായി മാറുകയും ചെയ്യും. എപ്പോഴും ചെമ്മീൻ്റെ തോടും ഞരമ്പും കളഞ്ഞ ശേഷം അല്പം ഉപ്പും മഞ്ഞൾപ്പൊടിയും നാരങ്ങാനീരും ചേർത്ത് നന്നായി കഴുകുക. ഇത് ബാക്ടീരിയകളെ നശിപ്പിക്കാനും കടലിന്റെ അമിത ഗന്ധം മാറ്റാനും സഹായിക്കും.

രുചികരമായ കറികൾ തയ്യാറാക്കുമ്പോൾ അതിന് പ്രത്യേക മണവും രുചിയും നൽകാൻ നമ്മൾ ഗരം മസാല ഉപയോഗിക്കാറുണ്ട്. എന്നാൽ പലപ്പോഴും പെട്ടെന്ന് കറി വെക്കുമ്പോൾ അടുക്കളയിൽ ഗരം മസാല ഇല്ലെന്നത് ഒരു പ്രധാന പ്രശ്നമാകാറുണ്ട്. ഈ സന്ദർഭങ്ങളിൽ ഗരം മസാലയ്ക്ക് പകരം ഉപയോഗിക്കാൻ പറ്റിയ ഒരു അത്ഭുത ഇലയുണ്ടെന്ന് നിങ്ങൾക്ക് അറിയാമോ? (Image Credit source: Getty Images)

അഞ്ച് സുഗന്ധവ്യഞ്ജനങ്ങളുടെ രുചിയും മണവും ഒരേപോലെ നൽകാൻ ഈ ഒരു ഇലയ്ക്ക് സാധിക്കും. നമ്മുടെ നാട്ടിലെ കറികളിൽ സാധാരണയായി ഉപയോഗിക്കുന്ന 'കറുവയില' (Bay Leaf) ആണ് ഈ ഗുണങ്ങൾക്കെല്ലാം പുറകിലുള്ളത്. പലരും ഇതിനെ കേവലം ഒരു സാധാരണ ഇലയായിട്ടാണ് കാണാറുള്ളതെങ്കിലും, ഇതിന്റെ ഉപയോഗം ഭക്ഷണത്തിന് പ്രത്യേക സുഗന്ധം നൽകുന്നതാണ്.

എങ്ങനെയാണ് ഈ ഇലയ്ക്ക് 5 സുഗന്ധവ്യജ്ഞനങ്ങളുടെ രുചി ലഭിക്കുന്നത് എന്ന് അറിയാമോ? കറുവയിലയിൽ തവറപ്പട്ട (Cinnamon), ഗ്രാമ്പൂ (Cloves), ഏലയ്ക്ക (Cardamom) തുടങ്ങിയ പ്രധാന സുഗന്ധവ്യഞ്ജനങ്ങളിൽ കാണപ്പെടുന്ന സമാനമായ രാസക്കൂട്ടുകളും സുഗന്ധവസ്തുക്കളും അടങ്ങിയിരിക്കുന്നു.

അതുകൊണ്ടുതന്നെ കറികളിൽ കറുവയില ചേർക്കുമ്പോൾ ഗരം മസാലയുടെ അതേ ഫ്ലേവർ ഇത് ഭക്ഷണത്തിന് കൊടുക്കും.കറി പാകം ചെയ്യുമ്പോൾ എണ്ണയിലേക്ക് ആദ്യം തന്നെ കറുവയില ഇട്ട് മൂപ്പിക്കുന്നത് അതിന്റെ സുഗന്ധം എണ്ണയിലേക്കും കറിയിലേക്കും പൂർണ്ണമായി ഇറങ്ങാൻ സഹായിക്കും.

അപ്പോൾ ഇനി ടെൻഷൻ വേണ്ടേ വേണ്ട. ഭക്ഷണങ്ങൾ പാകം ചെയ്യുന്ന സമയത്ത്. ഗരം മസാല പെട്ടെന്ന് കിട്ടാനില്ലാത്തപ്പോൾ ഈ ലളിതമായ വഴി പരീക്ഷിക്കാവുന്നതാണ്. ഇത്തരത്തിൽ കറുവയിലെ ഉപയോഗിക്കുന്നത് പാചകം കൂടുതൽ എളുപ്പമാക്കും.

കടയിൽ നിന്ന് മുട്ട വാങ്ങി വീട്ടിലെത്തിച്ചയുടൻ അത് വെള്ളത്തിൽ നന്നായി കഴുകി വൃത്തിയാക്കി ഫ്രിഡ്ജിൽ സൂക്ഷിക്കുന്ന ശീലം നമുക്കിടയിൽ പലർക്കുമുണ്ട്. എന്നാൽ ഇത് ​ഗുണത്തേക്കാൾ ഏറെ വൻ തോതിലുള്ള ആരോഗ്യ പ്രശ്നങ്ങളിലേക്കും ഭക്ഷ്യവിഷബാധയിലേക്കും വഴിതെളിക്കുമെന്നാണ് ഭക്ഷ്യസുരക്ഷാ വിദഗ്ധർ മുന്നറിയിപ്പ് നൽകുന്നത്. മുട്ട കഴുകി സൂക്ഷിച്ചാലുള്ള അപകടസാധ്യത എന്തെല്ലാമെന്ന് നമുക്ക് നോക്കിയാലോ. (Image Credit Source: Getty Images)

ക്യൂട്ടിക്കിൾ പാളി നശിക്കുന്നു: കോഴികൾ മുട്ടയിടുമ്പോൾ അതിന്റെ തോടിന് ഉപരിതലത്തിൽ 'ക്യൂട്ടിക്കിൾ' എന്ന പേരിൽ ഒരു നേർത്ത പ്രകൃതിദത്ത സംരക്ഷണ പാളി രൂപപ്പെടാറുണ്ട്. ബാക്ടീരിയകളും ഈർപ്പവും മുട്ടയ്ക്കുള്ളിലേക്ക് കടക്കാതിരിക്കാനാണ് പ്രകൃതി തന്നെ ഇത്തരമൊരു കവചം സൃഷ്ടിച്ചിരിക്കുന്നത്. അതിനാൽ നിങ്ങൾ മുട്ട കഴുകുമ്പോൾ ഈ പാളി പൂർണ്ണമായും നശിച്ചുപോകുന്നു. പിന്നീട് ഇത് വലിയ ആരോ​ഗ്യ പ്രശ്നങ്ങൾക്ക് കാരണമായേക്കാം.

സൂക്ഷ്മ സുഷിരങ്ങൾ തുറക്കപ്പെടുന്നു: മുട്ടതോടിന്റെ പുറത്ത് നമുക്ക് കാണാൻ സാധിക്കാത്ത ആയിരക്കണക്കിന് സൂക്ഷ്മ സുഷിരങ്ങളുണ്ട്. വെള്ളമൊഴിച്ച് കഴുകുമ്പോൾ ഈ സുഷിരങ്ങൾ തുറക്കപ്പെടുകയും, വെള്ളത്തിനൊപ്പം പുറത്തെ അഴുക്കുകളും ജലാംശവും മുട്ടയ്ക്കുള്ളിലേക്ക് തുളച്ചുകയറുകയും ചെയ്യുന്നു. പിന്നീട് ഈ മുട്ട കഴിക്കാൻ എടുക്കുമ്പോൾ അത് ചീത്തയാകാനോ ആരോ​ഗ്യത്തെ ബാധിക്കാനോ കാരണമായേക്കാം.

സാൽമൊണെല്ല ബാക്ടീരിയ ഭീഷണി: മുട്ടയോടിന് പുറത്തുള്ള സാൽമൊണെല്ല പോലുള്ള അപകടകാരികളായ ബാക്ടീരിയകൾ വെള്ളത്തിലൂടെ മുട്ടയുടെ വെള്ളയിലേക്കും മഞ്ഞക്കരുവിലേക്കും പ്രവേശിക്കുന്നു. ഇത് വയറിളക്കം, ഛർദ്ദി, പനി തുടങ്ങിയ കടുത്ത ഭക്ഷ്യവിഷബാധ ലക്ഷണങ്ങൾക്ക് കാരണമാകുന്നു. കടയിൽ നിന്ന് കൊണ്ടുവരുന്ന മുട്ട കഴുകാതെ തന്നെ പേപ്പറോ തുണിയോ ഉപയോഗിച്ച് തുടച്ച് വൃത്തിയാക്കി സൂക്ഷിക്കാം.

മുട്ട കഴുകി സൂക്ഷിക്കുന്നതിലൂടെ നേരിട്ട് രോഗങ്ങൾ ഉണ്ടാകുന്നില്ല. പക്ഷേ മുട്ടയുടെ സംരക്ഷണ പാളി നഷ്ടപ്പെടുന്നതിനാൽ ബാക്ടീരിയ കയറാനുള്ള സാധ്യത കൂടും. ഭക്ഷ്യവിഷബാധ, വയറിളക്കം, ശരീരക്ഷീണം, നിർജലീകരണം ഇവ സാൽമൊണെല്ല വൈറസ് ശരീരത്തിലെത്തിയാലുള്ള വലിയ ലക്ഷണങ്ങളാണ്. അതിനാൽ പാചകം ചെയ്യുന്നതിന് തൊട്ടുമുമ്പ് മാത്രം മുട്ട നല്ല വെള്ളത്തിൽ കഴുകി ഉപയോഗിക്കുക.

നമ്മുടെ വീടുകളിൽ പലപ്പോഴും ടാപ്പുകളിൽ വെള്ളത്തിന്റെ വേഗതയോ പ്രഷറോ കുറയുന്നത് വലിയൊരു പ്രശ്നമായി മാറാറുണ്ട്. മോട്ടോറും ടാങ്കും ഒക്കെ നിറഞ്ഞിട്ടുണ്ടാകുമെങ്കിലും പൈപ്പുകളിലൂടെ വെള്ളം ശരിയായി വരാത്തതിന് പിന്നിൽ പ്രധാന കാരണം വാട്ടർ ടാങ്കിൽ അടിഞ്ഞുകൂടുന്ന അഴുക്കും മാലിന്യങ്ങളുമാണ്. ഇതിന് പരിഹാരം നമ്മുടെ അടുക്കളയിൽ തന്നെ ഉണ്ടെന്നേ, എങ്ങനെയെന്നല്ലേ.... (Image Credit source: Getty Images)

ബേക്കിംഗ് സോഡയും ലിക്വിഡ് സോപ്പുമാണ് ആദ്യത്തെ വഴി. ബേക്കിംഗ് സോഡയും അൽപ്പം വെള്ളവും ചേർത്ത് ഒരു പേസ്റ്റ് രൂപത്തിലാക്കുക. ഇത് ടാങ്കിന്റെ ഉൾവശത്തും ചുവരുകളിലും തേച്ചുപിടിപ്പിച്ച് ഒരു ബ്രഷ് ഉപയോഗിച്ച് നന്നായി ഉരച്ച് കഴുകാം. ഇത് ടാങ്കിലെ ദുർഗന്ധവും അഴുക്കും മാറ്റാൻ സഹായിക്കും.

അതുപോലെ, ടാങ്കിനുള്ളിൽ പായലോ കട്ടിയുള്ള കറകളോ ഉണ്ടെങ്കിൽ വിനീഗറും വെള്ളവും കലർന്ന മിശ്രിതം സ്പ്രേ ചെയ്ത് 10-15 മിനിറ്റ് വെക്കുക. വിനീഗറിലെ ആസിഡ് വെള്ളത്തിലെ കല്ലുപ്പുകളെയും അഴുക്കിനെയും എളുപ്പത്തിൽ അലിയിച്ചുകളയാൻ സഹായിക്കും.

ചെറിയ അഴുക്ക് മാത്രമാണ് ഉള്ളതെങ്കിൽ ആദ്യം ടാങ്കിലെ പ്രധാന വാൽവ് അടച്ച് ടാങ്കിലുള്ള ബാക്കി വെള്ളം പൂർണ്ണമായി തുറന്നുവിടുക. ടാങ്കിന്റെ അടിയിൽ അടിഞ്ഞുകൂടിയ ചെളിയും മാലിന്യങ്ങളും ഒരു ബ്രഷ് ഉപയോഗിച്ച് ഇളക്കി വൃത്തിയാക്കുക. ശേഷം, ബേക്കിംഗ് സോഡയോ മൈൽഡ് ഡിറ്റർജന്റോ ഉപയോഗിച്ച് ടാങ്കിന്റെ ഉൾവശം നന്നായി ഉരച്ച് കഴുകിയ ശേഷം ശുദ്ധവെള്ളം ഉപയോഗിച്ച് പലതവണ നന്നായി കഴുകുക.

വീടുകളിൽ വെള്ളത്തിന്റെ പ്രഷർ കൂട്ടാനും ജലശുദ്ധി ഉറപ്പാക്കാനും ഓരോ 3 മുതൽ 6 മാസത്തിനുള്ളിൽ വാട്ടർ ടാങ്ക് ഇത്തരത്തിൽ കൃത്യമായി വൃത്തിയാക്കുന്നത് ശീലമാക്കേണ്ടതാണ്. അല്ലെങ്കിൽ കാലക്രമേണ വാട്ടർ ടാങ്കുകളിൽ അടിയുന്ന ചെളി, പായൽ, കട്ടിപിടിച്ച കല്ലുപ്പുകൾ എന്നിവ പൈപ്പുകളിലേക്കും ടാപ്പുകളിലെ എറേറ്ററുകളിലേക്കും വെള്ളം ഒഴുകുന്നത് തടസ്സപ്പെടുത്തും.

ഷവോമി തങ്ങളുടെ റെഡ്മി K സീരീസിലേക്ക് റെഡ്മി കെ100' (REDMI K100) ​ചൈനയിൽ ലോഞ്ച് ചെയ്തു. 10,000mAh ശേഷിയുള്ള ഷവോമി 'ജിൻഷാജിയാങ്' ബാറ്ററിയാണ് ഈ ഫോണിന്റെ ​ഹൈ​ലൈറ്റ്. ഷവോമി ലാബുകളുടെ 'ഡേ ഓഫ് യൂസ്' (DOU) ടെസ്റ്റിംഗ് മാനദണ്ഡങ്ങൾ പ്രകാരം, ഒറ്റത്തവണ ചാർജ് ചെയ്താൽ ഈ ബാറ്ററി 2.43 ദിവസം വരെ ഉപയോഗിക്കാം. (Image credit: Xiaomi)

മികച്ച ഹാർഡ്‌വെയർ പെർഫോമൻസ്, വലിയ ഡിസ്‌പ്ലേ, വലിയ ബാറ്ററി ശേഷി എന്നിവയ്ക്ക് പ്രാധാന്യം നൽകിയാണ് ഷവോമി ഈ സ്മാർട്ട്ഫോൺ അ‌വതരിപ്പിച്ചിരിക്കുന്നത്. ഇന്നത്തെ ഷവോമി K​ ഫോണുകളാണ് പലപ്പോഴും നാളത്തെ പോക്കോ ഫോൺ ആയി ഇന്ത്യയിൽ എത്താറുള്ളത്. അ‌തിനാൽ റെഡ്മി K100 ഭാവിയിൽ റീബ്രാൻഡ് ചെയ്ത് ഇന്ത്യയിലും അ‌വതരിപ്പിക്കപ്പെടും എന്ന് പ്രതീക്ഷിക്കുന്നു.

പ്രധാന ഫീച്ചറുകൾ: ഡിസ്പ്ലേ- 6.83 ഇഞ്ച് (2772×1280 പിക്സലുകൾ) 1.5K OLED ഡിസ്‌പ്ലേ, 165Hz റിഫ്രഷ് റേറ്റ്, 480Hz ടച്ച് സാംപ്ലിംഗ് റേറ്റ്, 3500Hz വരെ ഇൻസ്റ്റന്റ് ടച്ച് സാംപ്ലിംഗ് റേറ്റ്, 3200 നിറ്റ്‌സ് വരെ പീക്ക് ബ്രൈറ്റ്‌നസ്, ഹൈ ഫ്രീക്വൻസി PWM ഡിമ്മിംഗ്, DC ഡിമ്മിംഗ്, HDR10+, ഡോൾബി വിഷൻ എന്നിവ ഇതിലുണ്ട്.

കരുത്ത്: ഒക്ടാ കോർ സ്നാപ്ഡ്രാഗൺ 8 എലൈറ്റ് 3nm പ്രോസസർ ആണ് ഈ ഫോണിന്റെ കരുത്ത്. അഡ്രിനോ 830 GPU, 12GB / 16GB LPDDR5X അൾട്രാ റാം, 256GB / 512GB (UFS 4.1) സ്റ്റോറേജ് എന്നിവയും ഇതിലുണ്ട്. ഷവോമി ഹൈപ്പർ ഒഎസ് 4 -ൽ ആണ് പ്രവർത്തനം.

ക്യാമറ: ലൈറ്റ് ഫ്യൂഷൻ 800 സെൻസറുള്ള 50MP മെയിൻ ക്യാമറ (f/1.68 അപ്പേർച്ചർ, OIS), 8MP അൾട്രാ-വൈഡ് ക്യാമറ (f/2.2 അപ്പേർച്ചർ), 4K വീഡിയോ റെക്കോർഡിംഗ് എന്നിവ അ‌ടങ്ങുന്ന റിയർ ക്യാമറ സജ്ജീകരണവും സെൽഫിക്കും മറ്റുമായി 20MP ഫ്രണ്ട് ക്യാമറയും (1080p വീഡിയോ റെക്കോർഡിംഗ്) ഇതിലുണ്ട്.

ബാറ്ററി, മറ്റ് ഫീച്ചറുകൾ: ഇൻ ഡിസ്പ്ലേ 3D അൾട്രാസോണിക് ഫിംഗർപ്രിന്റ് സെൻസർ, IP66+IP68+IP69+IP69K റേറ്റിങ്, ഡ്യുവൽ സിം (നാനോ + നാനോ / eSIM), 5G SA / NSA, ഡ്യുവൽ 4G VoLTE, 10000mAh ബാറ്ററി, 100W ഹൈപ്പർചാർജ് ഫാസ്റ്റ് ചാർജിംഗ്, 27W റിവേഴ്സ് ചാർജിംഗ് എന്നിവ ഇതിലുണ്ട്.

വില: റെഡ്മി K100 12GB + 256GB വേരിയന്റിന് 3499 യുവാൻ (ഏകദേശം 49,910 രൂപ), 12GB + 512GB വേരിയന്റിന് 4099 യുവാൻ (ഏകദേശം 58,470 രൂപ), 16GB + 512GB വേരിയന്റിന് 4499 യുവാൻ (ഏകദേശം 64,180 രൂപ) എന്നിങ്ങനെയാണ് വില. ബ്ലാക്ക്, സ്നോ വൈറ്റ്, ഫയർഫ്ലൈ ഗ്രീൻ എന്നിങ്ങനെ മൂന്ന് കളർ ഓപ്ഷനുകളിലാണ് ഇത് അ‌വതരിപ്പിക്കപ്പെട്ടിരിക്കുന്നത്.

ശരീരത്തിലെ അമിനോ ആസിഡുകളിൽ നിന്നും ശരീരം സ്വാഭാവികമായി ഉത്പാദിപ്പിക്കുന്ന ഒരു പദാർത്ഥമാണ് ക്രിയാറ്റിൻ. ഇത് പ്രധാനമായും പേശികളിലും തലച്ചോറിലുമാണ് സംഭരിക്കുന്നത്. ഭാരം ഉയർത്തുക, പടികൾ കയറുക തുടങ്ങിയ കഠിനമായ പ്രവൃത്തികൾ ചെയ്യുമ്പോൾ ശരീരത്തിന് ആവശ്യമായ ഊർജ്ജം നൽകുന്നത് ഇതാണ്. മത്സ്യം, റെഡ് മീറ്റുകൾ എന്നിവയിലൂടെയും ഡയറ്ററി സപ്ലിമെൻ്റുകളിലൂടെയും ശരീരത്തിന് ആവശ്യമായ ക്രിയാറ്റിൻ ലഭ്യമാക്കാം. (Image Credit source: Unsplash)

പ്രായമാകുമ്പോൾ ശരീരത്തിലെ പേശികളുടെ ബലം കുറയുന്നത് സാധാരണമാണ്. എന്നാൽ സ്ട്രെങ്ത് ട്രെയിനിങ് വ്യായാമങ്ങൾക്കൊപ്പം ക്രിയാറ്റിൻ കൂടി പതിവായി ഉപയോഗിക്കുന്നത് പേശികളുടെ വളർച്ച വേഗത്തിലാക്കാൻ സഹായിക്കും. ചെറിയ സമയത്തിനുള്ളിൽ കഠിനമായ വ്യായാമങ്ങൾ ചെയ്യാനുള്ള ഊർജ്ജം ഇതിലൂടെ ലഭിക്കും. സ്ക്വാടുകൾ, വെയിറ്റ് ലിഫ്റ്റിംഗ് എന്നിവ കൂടുതൽ മെച്ചപ്പെട്ട രീതിയിൽ ചെയ്യാൻ ഇത് സഹായിക്കും. മികച്ച രീതിയിൽ വ്യായാമം ചെയ്യാൻ സാധിക്കും എന്നതിനാൽ, ശരീരത്തിൻ്റെ മൊത്തത്തിലുള്ള കരുത്ത് വർധിക്കുകയും ചെയ്യും.

വാർധക്യ കാലത്തും മറ്റുള്ളവരെ ആശ്രയിക്കാതെ സ്വന്തം കാര്യങ്ങൾ ചെയ്യാൻ പേശികളുടെ ആരോഗ്യം പ്രധാനമാണ്. ശരീരത്തിൻ്റെ സന്തുലിതാവസ്ഥ നിലനിർത്താൻ ക്രിയാറ്റിൻ ഏറെ ഗുണം ചെയ്യും. കൂടാതെ റെസിസ്റ്റൻ്റ് ട്രെയിനിങിനൊപ്പം ഇത് ഉപയോഗിക്കുന്നത് പ്രായമായവരിൽ എല്ലുകളുടെ ആരോഗ്യം നിലനിർത്താനും സഹായിക്കുമെന്ന് ചില പഠനങ്ങൾ സൂചിപ്പിക്കുന്നു. എന്നാൽ കാൽസ്യം, വിറ്റാമിൻ ഡി എന്നിവ അടങ്ങിയ ഭക്ഷണങ്ങൾക്ക് പകരമായി ഇതിനെ ഒരിക്കലും കണക്കാക്കരുത്.

പേശികളിൽ മാത്രമല്ല തലച്ചോറിലും ക്രിയാറ്റിൻ്റെ സാനിധ്യമുണ്ട്. തലച്ചോറിൻ്റെ സുഗമമായ പ്രവർത്തനത്തിന് ആവശ്യമായ ഊർജ്ജം ഉത്പാദിപ്പിക്കുന്നതിൽ ഇത് വലിയ പങ്ക് വഹിക്കുന്നു. മുതിർന്ന ആളുകളിൽ ഓർമ്മശക്തിയും ചിന്താശേഷിയും മെച്ചപ്പെടുത്താൻ ഈ സപ്ലിമെൻ്റ് സഹായിക്കുമെന്ന് പ്രാഥമിക പഠനങ്ങൾ വ്യക്തമാക്കുന്നുണ്ട്. എങ്കിലും ഈ വിഷയങ്ങളിൽ കൂടുതൽ വ്യക്തത വരുത്തുന്നതിനായി മെഡിക്കൽ വിദഗ്ധർ ഇപ്പോഴും ശാസ്ത്രീയ പഠനങ്ങൾ തുടരുന്നുണ്ട്.

പൂർണ്ണ ആരോഗ്യവാനായ ഒരാൾക്ക് പ്രതിദിനം മൂന്ന് മുതൽ അഞ്ച് ഗ്രാം വരെ ക്രിയാറ്റിൻ ഉപയോഗിക്കാവുന്നതാണ്. ഇത് വെള്ളത്തിലോ മറ്റ് പാനീയങ്ങളിലോ കലർത്തി കുടിക്കാം. വ്യായാമത്തിന് മുൻപോ ശേഷമോ കുടിക്കുന്നതിനേക്കാൾ എല്ലാ ദിവസവും കൃത്യമായി ഉപയോഗിക്കുന്നതാണ് കൂടുതൽ ഫലം നൽകുക. എന്നാൽ വൃക്കരോഗങ്ങൾ ഉള്ളവരോ മറ്റ് ആരോഗ്യ പ്രശ്നങ്ങൾ നേരിടുന്നവരോ ഡോക്ടറുടെ നിർദേശം തേടിയ ശേഷം മാത്രമേ ഇവ ഉപയോഗിക്കാൻ പാടുള്ളൂ.

9.99 ലക്ഷം രൂപ മുതലാണ് ഈ വാഹനത്തിന്റെ എക്സ്-ഷോറൂം വില ആരംഭിക്കുന്നത്. ഹ്യുണ്ടായിയുടെ ചെന്നൈ പ്ലാന്റിലാണ് ഈ എസ്‌യുവിയുടെ നിർമ്മാണം. പുതിയ മോഡലിനായുള്ള ബുക്കിം​ഗ് ഇതിനകം കമ്പനി ആരംഭിച്ചിട്ടുണ്ട്. ഹ്യുണ്ടായിയുടെ ഗ്ലോബൽ കെ എൻഹാൻസ്ഡ് പ്ലാറ്റ്‌ഫോമിലാണ് ബയോൺ എസ് യു വി നിർമ്മിച്ചിരിക്കുന്നത്. ( Image Credit Source Hyundai Website)

കാണാൻ ​ഗാംഭീര്യമുള്ള ലുക്കാണ് വാഹനത്തിന്. മുൻവശത്ത്, എൽഇഡി പ്രൊജക്ടർ ഹെഡ്‌ലൈറ്റുകളും ടേൺ ഇൻഡിക്കേറ്ററുകളായി കൂടിയ എൽ- ആകൃതിയിലുള്ള ഡിആർഎല്ലുകളും (DRL) നൽകിയിട്ടുണ്ട്. വശങ്ങളിലേക്ക് വന്നാൽ വീതിയേറിയ വീൽ ആർച്ചുകളും, ഷാർപ്പാ ആയ ബോഡി ലൈനുകളും, ബ്ലാക്ക് ക്ലാഡിംഗും ഉണ്ട്.

അതോടൊപ്പം വാ​ഹനത്തിന്റെ രൂപത്തിന് ആനുപാതികയമായ 17 ഇഞ്ച് അലോയ് വീലുകൾ ഏറെ ആകർഷകമാണ്. പിൻഭാഗത്ത്, നേർത്ത കറുത്ത സ്ട്രിപ്പിനുള്ളിലായി ആകർഷകമായ എൽഇഡി ടെയിൽ-ലാമ്പുകളാണ് ക്രമീകരിച്ചിരിക്കുന്നത്. ടെയിൽഗേറ്റിൽ BAYON എന്ന പേരും, സ്റ്റോപ്പ് ലാമ്പ് ഉൾക്കൊള്ളുന്ന ഒരു റൂഫ് സ്പോയിലറും കൊടുത്തിട്ടുണ്ട്.

ഇന്ത്യൻ ക്രാഷ് ടെസ്റ്റ് സേഫ്റ്റി മാനദണ്ഡങ്ങൾ പ്രകാരം 5-സ്റ്റാർ റേറ്റിംഗ് ലഭിക്കുന്ന തരത്തിലാണ് വാഹനം രൂപകൽപ്പന ചെയ്തിരിക്കുന്നത്. ഈ വർഷം അവസാനത്തോടെ ബയേണിന്റെ ഭാരത് എൻ.സി.എ.പി (Bharat NCAP) ടെസ്റ്റ് ഫലങ്ങൾ പ്രതീക്ഷിക്കാവുന്നതാണ്. ഹ്യുണ്ടായിയുടെ ഏറ്റവും പുതിയ ആർട്ട് ഓഫ് സ്റ്റീൽ ഡിസൈൻ ശൈലി പിന്തുടരുന്ന ഈ വാഹനത്തിന് 4.2 മീറ്റർ നീളമാണ് വരുന്നത്. ഇത് 4.3 മീറ്റർ നീളമുള്ള ക്രെറ്റയേക്കാൾ അല്പം താഴെ നിൽക്കുന്നു.

ഇനി എൻജിൻ സൈഡ് നോക്കിയാൽ 115 PS കരുത്തും 144 Nm ടോർക്കും ഉൽപ്പാദിപ്പിക്കുന്ന 1.5 ലിറ്റർ നാച്ചുറലി ആസ്പിരേറ്റഡ് പെട്രോൾ എൻജിനാണ് വരുന്നത്. 6-സ്പീഡ് മാനുവൽ അല്ലെങ്കിൽ iVT ഓട്ടോമാറ്റിക് ട്രാൻസ്മിഷൻ ഇതിനൊപ്പം തിരഞ്ഞെടുക്കാവുന്നതാണ്. ARAI മാനദണ്ഡപ്രകാരം ബയോൺ പെട്രോൾ iVT പതിപ്പിന് 18.6 kpl മൈലേജ് ലഭിക്കുമെന്നാണ് കമ്പനി അവകാശപ്പെടുന്നത്.

അടുക്കളയിലെ പ്രധാന കൂട്ടാണെങ്കിലും കടയിൽ നിന്ന് വെളുത്തുള്ളി വാങ്ങുമ്പോൾ പലപ്പോഴും നമ്മൾ അറിയാതെ ചെറിയ അബദ്ധങ്ങൾ പറ്റാറുണ്ട്. പുറമെ കാണാൻ നല്ല വലിപ്പമുണ്ടെങ്കിലും വീട്ടിലെത്തി പൊളിച്ചു നോക്കുമ്പോൾ ഉള്ളിലെ അല്ലികൾ ഉണങ്ങിയോ ചീഞ്ഞോ പോയതായി കാണാറുണ്ട്. ഗുണമേന്മയുള്ളതും പുതിയതുമായ വെളുത്തുള്ളി എങ്ങനെ എളുപ്പത്തിൽ നോക്കി വാങ്ങാമെന്ന് മനസ്സിലാക്കാം. (Image Credit Source: Unsplash)

തൊലി നന്നായി ഉണങ്ങിയതാണോ എന്ന് നോക്കുക: വെളുത്തുള്ളിയുടെ പുറംതൊലി നന്നായി ഉണങ്ങി, പേപ്പർ പോലെ ഇരിക്കുന്നതാണോ എന്ന് ആദ്യം തന്നെ പരിശോധിക്കുക. തൊലിയിൽ ഈർപ്പമോ നനവോ തട്ടിയിട്ടുണ്ടെങ്കിൽ ആ വെളുത്തുള്ളി വേഗത്തിൽ പൂപ്പൽ ബാധിക്കുകയും ചീഞ്ഞുപോകുകയും ചെയ്യും. അത്തരം വെളുത്തുള്ളി ഒരുകാരണവശാലും വീട്ടിലേക്ക് വാങ്ങികൊണ്ടുവരരുത്.

അല്ലികൾ ശ്രദ്ധിക്കുക: കടകളിൽ ഇരിക്കുന്ന വെളുത്തുള്ളി കൈയിലെടുത്ത് വിരലുകൾ കൊണ്ട് ചെറുതായി ഒന്ന് അമർത്തി നോക്കുക. അല്ലികൾ നന്നായി മുറുക്കമുള്ളതും ഉറപ്പുള്ളതുമായിരിക്കണം. അമർത്തുമ്പോൾ കുഴിഞ്ഞുപോകുന്നതോ, ഉള്ളിൽ വായു ഉള്ളതുപോലെ ശൂന്യമായി തോന്നുന്നതോ ആയവ വാങ്ങാതിരിക്കുക. അത്തരം വെളുത്തുള്ളിയുടെ അകത്തെ അല്ലികൾ ഉണങ്ങി ശോഷിച്ചുപോയതായിരിക്കും.

ഭാരവും വലിപ്പവും പരിശോധിക്കുക: ഒരേ വലിപ്പമുള്ള രണ്ട് വെളുത്തുള്ളിയെടുത്ത് നോക്കുമ്പോൾ കൂടുതൽ ഭാരം തോന്നുന്ന ഒന്നാണ് ഉള്ളിൽ കാമ്പുള്ളതും പുതിയതുമായ വെളുത്തുള്ളി. ഭാരക്കുറവ് തോന്നുന്നത് അകത്ത് ഉണങ്ങിയതാകാം. വെളുത്തുള്ളിയുടെ മുകൾഭാഗത്ത് നിന്ന് പച്ച മുളച്ചുതുടങ്ങിയിട്ടുണ്ടെങ്കിൽ ആ വെളുത്തുള്ളി വാങ്ങരുത്. മുളച്ചു കഴിഞ്ഞാൽ അല്ലികളുടെ കട്ടിയും സ്വാഭാവിക രുചിയും കുറയും. കൂടാതെ പുറത്തോ അല്ലികൾക്കിടയിലോ കറുത്ത പൊടിയോ പച്ച പൂപ്പലോ ഉണ്ടോ എന്നും നോക്കുക.

രൂക്ഷമായ ഗന്ധം വരുന്നുണ്ടോ എന്ന് ശ്രദ്ധിക്കുക: പുറമെ നിന്ന് തന്നെ ശക്തമായ വെളുത്തുള്ളി മണം വരുന്നുണ്ടെങ്കിൽ അതിലെ അല്ലികൾ ഏതെങ്കിലും സന്ദർഭത്തിൽ ചതയുകയോ കേടായിത്തുടങ്ങുകയോ ചെയ്തിട്ടുണ്ടാകാം. പുതിയ വെളുത്തുള്ളിക്ക് പുറമെ നിന്ന് പെട്ടെന്ന് ദുർഗന്ധമോ കടുപ്പമുള്ള മണമോ അനുഭവപ്പെടില്ല. വാങ്ങി കൊണ്ടുവരുന്ന വെളുത്തുള്ളി പ്ലാസ്റ്റിക് കവറിൽ തന്നെ കെട്ടിവെക്കരുത്. പകരം ഈർപ്പമില്ലാത്ത വായുസഞ്ചാരമുള്ള പാത്രത്തിൽ സൂക്ഷിക്കുന്നത് മാസങ്ങളോളം കേടുകൂടാതെയിരിക്കാൻ സഹായിക്കും.

മുട്ട പുഴുങ്ങി കഴിക്കുന്നത് ആരോ​ഗ്യത്തിന് വളരെ നല്ലതാണ്. എന്നാൽ പുഴുങ്ങിയാൽ മാത്രം പോരല്ലോ, അതിൻ്റെ തോട് പൊളിച്ചെടുക്കുകയും വേണം. മുട്ട പുഴുങ്ങുന്നത് ശരിയായില്ലെങ്കിൽ അതിൻ്റെ തോട് പൊളിച്ചെടുക്കാനും നല്ല പ്രയാസമാണ്. മുട്ട പുഴുങ്ങി എടുത്ത ശേഷം തോട് പൊളിക്കാൻ പ്രയാസപ്പെട്ട് വെളുത്ത ഭാ​ഗം നഷ്ടമാകുന്നത് പലരുടെയും അനുഭവമാണ്. എന്നാൽ ഇനി മുട്ട പുഴുങ്ങുമ്പോൾ വെള്ളത്തിലേക്ക് അല്പം നാരങ്ങാനീര് ഒഴിച്ചു നോക്കൂ. അടുക്കളയിൽ ഏറെ ഉപകാരപ്പെടുന്നതും ഗ്യാസ് ലാഭിക്കാൻ സഹായിക്കുന്നതുമായ ഒരു ട്രിക്കാണിത്. (Image Credit Source: Getty Images)

നാരങ്ങാനീരിലെ സ്വാഭാവിക ആസിഡ് മുട്ടത്തോടിലെ കാൽസ്യം കാർബണേറ്റുമായി പ്രതിപ്രവർത്തിച്ച് തോടിന്റെ ഘടനയിൽ നേരിയ മാറ്റം വരുത്തുന്നു. ഇത് മുട്ടയുടെ ഉള്ളിലെ വെള്ളക്കരുവും തോടും തമ്മിൽ ഒട്ടിപ്പിടിക്കുന്നത് തടയുകയും, പുഴുങ്ങിയ ശേഷം തോട് വളരെ മിനുസത്തിൽ വേഗത്തിൽ പൊളിച്ചെടുക്കാൻ സഹായിക്കുകയും ചെയ്യുന്നു. ഇതാണ് നാരങ്ങ നീര് ഒഴിച്ചാലുള്ള ​ഗുണം. പലർക്കും ഇപ്പോഴും ഇതറിയില്ല.

അലുമിനിയം അല്ലെങ്കിൽ സ്റ്റീൽ പാത്രങ്ങളിൽ വെള്ളമൊഴിച്ച് മുട്ട പുഴുങ്ങുമ്പോൾ പാത്രത്തിന്റെ അടിഭാഗത്തും വശങ്ങളിലും കറുത്തയോ വെളുത്തയോ ആയ പാടുകൾ സാധാരണയായി വീഴാറുണ്ട്. വെള്ളത്തിൽ ഒരു കഷ്ണം നാരങ്ങയോ അല്പം നാരങ്ങാനീരോ ഒഴിച്ചാൽ പാത്രത്തിന് നിറംമാറ്റം സംഭവിക്കുന്നത് പൂർണ്ണമായി തടയാനാകും.

പുഴുങ്ങുന്നതിനിടെ തിളയ്ക്കുന്ന വെള്ളത്തിൽ കിടന്ന് മുട്ടയുടെ തോടിൽ ചെറിയ വിള്ളൽ വീണാലും, നാരങ്ങാനീരിലെ ആസിഡ് മുട്ട വെള്ളയെ പെട്ടെന്ന് ഉറയ്ക്കാൻ സഹായിക്കുന്നു. ഇതിനാൽ മുട്ടയുടെ വെള്ള പുറത്തേക്ക് ഒഴുകിപ്പോകാതെ അപ്പോൾ തന്നെ ഉറച്ചുപോവുകയും ചെയ്യും. നാരാങ്ങാ നീര് ഒഴിക്കുന്നതോടെ വെള്ളത്തിൽ അസഡിൻ്റെ അംശം വരുന്നു. ഇതോടെ ചൂട് എളുപ്പത്തിൽ കടന്നുപോകുകയും മുട്ട പെട്ടെന്ന് വേവുകയും ചെയ്യും.

നാരങ്ങാനീര് ചേർക്കുന്നത് കൊണ്ട് മുട്ടയുടെ രുചിയിൽ മാറ്റവും സംഭവിക്കുമെന്ന പേടിയും വേണ്ട. പകരം, മുട്ട തിളപ്പിക്കാൻ വച്ച വെള്ളം ചൂടാകുന്ന പ്രക്രിയയുടെ വേഗത കൂടുകയാണ് ഇത് വഴി സംഭവിക്കുന്നത്. ഇനി നാരങ്ങയില്ലെങ്കിൽ ചെറിയ അളവിൽ വിനാഗിരി ഇത്തരത്തിൽ മുട്ട പുഴുങ്ങുന്ന വെള്ളത്തിൽ ചേർത്താലും മതിയാകും. വിനാഗിരി ചേർക്കുമ്പോഴും വെള്ളം ചെറുതായി അസഡിക്കാകും ഇത് മുട്ട പൊട്ടിപോകുന്നത് തടയുമെന്നും ചില പഠനങ്ങൾ പറയുന്നു.

ഐക്യൂ ഈ വർഷം ഫെബ്രുവരിയിൽ ഇന്ത്യയിൽ ലോഞ്ച് ചെയ്ത സ്മാർട്ട്ഫോൺ മോഡലാണ് ഐക്യൂ 15R (iQOO 15R 5G). ഐക്യൂ സ്മാർട്ട്ഫോണുകളുടെ റാങ്കിങ് എടുത്താൽ രണ്ടാം സ്ഥാനത്ത് നിൽക്കാൻ യോഗ്യതയുള്ള മോഡലാണ് ഐക്യൂ 15r, പ്രീമിയം മോഡലാണ് ഐക്യൂ 15 5ജിക്ക് ആണ് ഒന്നാം റാങ്ക്. മികച്ച പ്രീമിയം ഫീച്ചറുകൾ സഹിതം എത്തിയ ഐക്യൂ 15r ഇപ്പോൾ ആമസോണിൽ ഡിസ്കൗണ്ട് സഹിതം വാങ്ങാനാകും. (Image credit: iQOO)

ഇന്ത്യയിൽ ലോഞ്ച് ചെയ്യപ്പെട്ടതിന് ശേഷം ഐക്യൂ 15rന്റെ വില പല തവണ വർധിച്ചു. നിലവിൽ ഐക്യൂ 15R 5ജിയുടെ 8GB + 256GB മോഡലിന് 53,999 രൂപയും, 12GB + 256GB മോഡലിന് 59,999 രൂപയും, ടോപ്പ്-എൻഡ് 12GB + 512GB മോഡലിന് 66,999 രൂപയുമാണ് ഐക്യൂ വെബ്​സൈറ്റിൽ വില.

ആമസോണിൽ ഐക്യൂ 15r അ‌ടിസ്ഥാന മോഡൽ 53999 രൂപ പ്രാരംഭ വിലയിൽ തന്നെയാണ് ലിസ്റ്റ് ചെയ്തിരിക്കുന്നത്. എന്നാൽ 3500 രൂപ ബാങ്ക് ഡിസ്കൗണ്ട് ലഭ്യമാണ്. അ‌തിനാൽ 50499 രൂപ പ്രാരംഭ വിലയിൽ ഇപ്പോൾ ഈ ഫോൺ വാങ്ങാനാകും. ICICI ബാങ്ക് ക്രെഡിറ്റ് കാർഡ് ഉപയോഗിച്ച് വാങ്ങുമ്പോൾ ഈ ഡിസ്കൗണ്ട് ലഭ്യമാണ്.

7600mAh ബാറ്ററിയുള്ള സ്മാർട്ട്ഫോണുകളിൽ ഇന്ത്യയിലെ ഏറ്റവും സ്ലിം ഫോണാണ് ഐക്യൂ 15R. മാത്രമല്ല സെഗ്മെന്റിലെ ഏറ്റവും മികച്ച സ്ഥിരതയുള്ള 144fps ഗെയിമിംഗ് ഫോൺ കൂടിയാണിത്. മാറ്റ് ബ്ലാക്ക് ഫിനിഷുള്ള ഡാർക്ക് നൈറ്റ്, പിന്നിൽ പാറ്റേണുകളുള്ള വെള്ള നിറത്തിലുള്ള ട്രയംഫ് സിൽവർ വേരിയന്റുകളിലാണ് ഈ ഫോൺ വാങ്ങാൻ ലഭ്യമായിട്ടുള്ളത്.

പ്രധാന ഫീച്ചറുകൾ: 6.59-ഇഞ്ച് 1.5K AMOLED ഡിസ്പ്ലേ, 144Hz റിഫ്രഷ് റേറ്റ്, ഷോട്ട് ഷീൽഡ് ഗ്ലാസ് പ്രൊട്ടക്ഷൻ, ഒക്ട കോർ സ്നാപ്ഡ്രാഗൺ 8 Gen 5 3nm പ്രോസസർ, അഡ്രിനോ 840 GPU, 12GB / 16GB LPDDR5x അൾട്രാ 9600Mbps റാം, 256GB/512GB/1TB UFS 4.1 സ്റ്റോറേജ്, ആൻഡ്രോയിഡ് 16 അ‌ടിസ്ഥാനമാക്കിയുള്ള ഒറിജിൻ OS 6 (4 ഒഎസ് അപ്‌ഡേറ്റുകളും 6 വർഷത്തെ സുരക്ഷാ അപ്‌ഡേറ്റുകളും ലഭിക്കും).

1/1.56″ സോണി LYT-700V സെൻസറുള്ള 50MP മെയിൻ ക്യാമറ, 8MP അൾട്രാ-വൈഡ് ആംഗിൾ ലെൻസ്, 32MP ഫ്രണ്ട് ക്യാമറ, IP68 + IP69 റേറ്റിങ്, 100W ഫാസ്റ്റ് ചാർജിംഗുള്ള 7600mAh ബാറ്ററി, ഇൻ-ഡിസ്പ്ലേ 3D അൾട്രാസോണിക് ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ, ഡ്യുവൽ സിം (നാനോ + നാനോ), 5G SA/NSA, ഡ്യുവൽ 4G VoLTE എന്നിവ ഇതിലുണ്ട്.

വീടുകളിൽ ഏറ്റവും കൂടുതൽ ഉപയോഗിക്കുന്ന ഉപകരണങ്ങളിൽ ഒന്നാണ് ഇലക്ട്രിക് അയൺ ബോക്സ്. എന്നാൽ ഇതിന്റെ പരിപാലനത്തിന്റെ കാര്യത്തിൽ പലരും അത്ര ശ്രദ്ധ നൽകാറില്ല. കാലക്രമേണ അയൺ ബോക്സിന്റെ അടിഭാഗത്ത് അടിഞ്ഞുകൂടുന്ന കരിഞ്ഞ പാടുകളും തുണികളുടെ അംശങ്ങളുമെല്ലാം ഇസ്തിരിയിടുന്നത് ദുഷ്കരമാക്കുകയും, തുണി ഉരുകാനും കാരണമാകും. അയൺ ബോക്സ് കേടായെന്ന് കരുതി ഉപേക്ഷിക്കാൻ വരട്ടെ, വീട്ടിലെ സാധാരണ സാധനങ്ങൾ ഉപയോഗിച്ച് ഇത് പുതിയതുപോലെയാക്കാം... (Image Credit source: Getty Images)

വൃത്തിയാക്കാൻ തുടങ്ങുന്നതിന് മുൻപ് അയൺ ബോക്സ് പ്ലഗിൽ നിന്നും മാറ്റിയിട്ടുണ്ടെന്നും പൂർണമായും തണുത്തു എന്നും ഉറപ്പുവരുത്തുക. ചൂടുള്ളപ്പോൾ വൃത്തിയാക്കുന്നത് കറ എളുപ്പത്തിൽ ഇളകാൻ സഹായിക്കുമെന്ന് ചിലർ കരുതാറുണ്ടെങ്കിലും, ഇത് അപകടങ്ങൾക്കും ഉപകരണത്തിന് കേടുപാടുകൾ സംഭവിക്കാനും കാരണമാകും. ശേഷം, മൈക്രോഫൈബർ തുണി ഉപയോഗിച്ച് പൊടിയെല്ലാം തുടച്ചു മാറ്റുക.

അയൺ ബോക്സിൽ തുണി കരിഞ്ഞു പിടിച്ചതോ മറ്റ് കടുത്ത പാടുകളോ ഉണ്ടെങ്കിൽ ബേക്കിങ് സോഡ ഉപയോഗിക്കുന്നത് വളരെ ഫലപ്രദമായ ഒരു മാർഗമാണ്. രണ്ട് ടേബിൾ സ്പൂൺ ബേക്കിങ് സോഡയിൽ അല്പം വെള്ളം ചേർത്ത് കട്ടിയുള്ള പേസ്റ്റ് രൂപത്തിലാക്കുക. ഇത് കറയുള്ള ഭാഗങ്ങളിൽ പുരട്ടി മൃദുവായി ഉരച്ചു കഴുകുക. സ്റ്റീം വരുന്ന ദ്വാരങ്ങളിൽ ഈ പേസ്റ്റ് പോകാതെ പ്രത്യേകം ശ്രദ്ധിക്കണം.

സ്റ്റീം അയണുകളിൽ സാധാരണ വെള്ളം ഉപയോഗിക്കുമ്പോൾ ഉൾഭാഗത്ത് മിനറലുകൾ അടിഞ്ഞുകൂടാൻ സാധ്യതയുണ്ട്. ഒരു തുണിയിൽ അല്പം ചൂടുള്ള വൈറ്റ് വിനാഗിരി മുക്കി അയൺ ബോക്സിന്റെ അടിഭാഗം മുഴുവനായും തുടയ്ക്കാം. ഉൾഭാഗവും വാട്ടർ ടാങ്കും വൃത്തിയാക്കാൻ വിനാഗിരിയും വെള്ളവും തുല്യ അളവിൽ എടുത്ത് ടാങ്കിൽ നിറച്ച് ഒന്നോ രണ്ടോ മിനിറ്റ് ഉയർന്ന ചൂടിൽ സ്റ്റീം ചെയ്യുക. ശേഷം ടാങ്ക് കാലിയാക്കി നല്ല വെള്ളം ഉപയോഗിച്ച് ഇത് ആവർത്തിക്കുക.

ചെറിയ പാടുകൾ മാറ്റാനും അയൺ ബോക്സിന്റെ അടിഭാഗം തിളങ്ങാനും ടൂത്ത്പേസ്റ്റ് മികച്ചതാണ്. അല്പം വൈറ്റ് ടൂത്ത്പേസ്റ്റ് പുരട്ടി ഒരു സോഫ്റ്റ് തുണി ഉപയോഗിച്ച് വട്ടത്തിൽ മൃദുവായി ഉരയ്ക്കുക. ഇത് സെറാമിക് അല്ലെങ്കിൽ നോൺ-സ്റ്റിക് അയൺ ബോക്സുകൾക്ക് വളരെ അനുയോജ്യമാണ്. വൃത്തിയാക്കിയ ശേഷം നനഞ്ഞ തുണികൊണ്ട് പേസ്റ്റ് പൂർണമായും തുടച്ചു മാറ്റണം.

പുതിയതായി ഷർട്ടിലോ ടീ-ഷർട്ടിലോ അല്ലെങ്കിൽ ഏറ്റവും ഇഷ്ടപ്പെട്ട തുണിയിലോ അബദ്ധത്തിൽ പേനയുടെ മഷി വീണാൽപ്പിന്നെ അത് ഉപയോഗിക്കാൻ പറ്റില്ലെന്ന് കരുതി മാറ്റിവെക്കുന്നവരാണോ നിങ്ങൾ? എന്നാൽ ഇനി അങ്ങനെയുള്ള വസ്ത്രങ്ങൾ ഉപേക്ഷിക്കേണ്ടതില്ല. വസ്ത്രങ്ങളിൽ പറ്റിപ്പിടിക്കുന്ന കഠിനമായ മഷിപ്പാടുകൾ വളരെ എളുപ്പത്തിൽ നീക്കം ചെയ്യാൻ സഹായിക്കുന്ന ചില മാർഗ്ഗങ്ങൾ ഉണ്ട്. (Image Credit source: Getty Images)

ഫ്രഷ് ആയ മഷിപ്പാടുകൾ മാറ്റാൻ അസിറ്റോൺ അടങ്ങിയ നെയിൽ പോളിഷ് റിമൂവർ വളരെ ഉപകാരപ്പെടും. ഒരു പഞ്ഞിയിലോ വൃത്തിയുള്ള തുണിയിലോ അൽപം റിമൂവർ എടുത്ത് കറയുള്ള ഭാഗത്ത് പതുക്കെ ഒപ്പുക. തുണി കൂട്ടിയുരുമ്മാൻ പാടില്ല, ഇത് കറ കൂടുതൽ പടരാൻ ഇടയാക്കും. ശേഷം വെള്ളത്തിൽ കഴുകി സാധാരണ പോലെ അലക്കിയെടുക്കാം.

ടൂത്ത് ബ്രെഷിലേയ്ക്ക് ടൂത്ത് പേസ്റ്റ് പുരട്ടാം. ശേഷം കറയുള്ള ഭാഗത്ത് ബ്രെഷ് ഉപയോഗിച്ച് ടൂത്ത് പേസ്റ്റ് പുരട്ടാം. ഇഴകൾക്ക് കേടുപാടുകൾ ഉണ്ടാക്കാത്ത വിധം നന്നായി സ്ക്രബ് ചെയ്യാം. കറ മങ്ങു തുടങ്ങിയാൽ പതിവു പോലെ വെള്ളത്തിൽ മുക്കാം. ശേഷം ലിക്വിഡോ സോപ്പോ ഉപയോഗിച്ച് കഴുകിയെടുക്കാം. ശേഷം വെയിലത്ത് വിരിച്ച് ഉണങ്ങിയെടുക്കാം.

അതുപോലെ, നിങ്ങൾക്ക് ഡെറ്റോൾ ലിക്വിഡും ഉപയോഗിക്കാം. കറയിൽ കുറച്ച് തുള്ളി ഡെറ്റോൾ ഒഴിക്കാം. ശേഷം മൃദുവായി സ്ക്രബ് ചെയ്യാം. സോപ്പോ ലിക്വഡോ ഉപയോഗിച്ച് വസ്ത്രം കഴുകിയെടുക്കാം. അത് വെയിലത്ത് വിരിച്ച് ഉണക്കിയെടുക്കാം.

വിനാഗിരിയും ഇവിടെ നിങ്ങളെ സഹായിക്കും, വിനാഗിരിയിലേയ്ക്ക് കോൺസ്റ്റാർച്ച് ചേർത്ത് പേസ്റ്റ് രൂപത്തിലാക്കാം. ഈ മിശ്രിതം കറയുള്ള ഭാഗത്ത് പുരട്ടാം, ശേഷം ഉണങ്ങാൻ മാറ്റി വയ്ക്കാം. ശേഷം സാധാരണ കഴുകുന്നതും പോലെ വൃത്തിയാക്കിയെടുക്കാം. വെയിലത്ത് ഉണങ്ങി സൂക്ഷിക്കാം.

ട്രെയിന്‍ യാത്രയ്ക്ക് കണ്‍ഫേം ടിക്കറ്റ് ലഭിച്ചാല്‍ എത്ര ലഗേജ് വേണമെങ്കിലും കൊണ്ടുപോകാമെന്നാണ് പലരുടെയും ധാരണ. എന്നാല്‍ ഇന്ത്യന്‍ റെയില്‍വേയില്‍ യാത്രക്കാര്‍ക്ക് സൗജന്യമായി കൊണ്ടുപോകാവുന്ന ലഗേജിന് പരിധിയുണ്ട്. അനുവദിച്ച അളവില്‍ കൂടുതല്‍ സാധനങ്ങള്‍ കൈവശം വച്ചാല്‍ അധിക തുക നല്‍കേണ്ടിവരാം. നിയമപ്രകാരമുള്ള നടപടികള്‍ പാലിക്കാതിരുന്നാല്‍ പിഴയും ലഭിക്കാം. (Image Credit Source: PTI and Getty Images)

വിമാനയാത്രയിലെ ലഗേജ് പരിധിയെക്കുറിച്ച് പലര്‍ക്കും വ്യക്തമായ ധാരണയുണ്ടെങ്കിലും ട്രെയിന്‍ യാത്രയില്‍ ഈ നിബന്ധനകള്‍ ശ്രദ്ധിക്കാറില്ല. യാത്ര ചെയ്യുന്ന കോച്ചിന്റെ വിഭാഗമനുസരിച്ചാണ് സൗജന്യമായി കൊണ്ടുപോകാവുന്ന ലഗേജിന്റെ അളവ് നിശ്ചയിച്ചിരിക്കുന്നത്. ഇന്ത്യന്‍ റെയില്‍വേയുടെ പൊതുവായ ലഗേജ് പരിധികള്‍ അനുസരിച്ച് വിവിധ ക്ലാസുകളില്‍ സൗജന്യമായി കൊണ്ടുപോകാവുന്ന ഭാരത്തില്‍ വ്യത്യാസമുണ്ട്. സ്ലീപ്പര്‍ ക്ലാസിലും തേര്‍ഡ് എസിയിലും 40 കിലോ വരെയും സെക്കന്‍ഡ് എസിയില്‍ 50 കിലോ വരെയും ഫസ്റ്റ് എസിയില്‍ 70 കിലോ വരെയും ലഗേജ് സൗജന്യമായി കൊണ്ടുപോകാം.

യാത്രക്കാര്‍ക്ക് അനുവദിച്ച പരിധിക്കുള്ളില്‍ വ്യക്തിഗത സാധനങ്ങള്‍ കൊണ്ടുപോകാം. എന്നാല്‍ അതില്‍ കൂടുതലുള്ള ലഗേജിന് പ്രത്യേക നിരക്ക് ബാധകമാകും. അതിനാല്‍ യാത്രയ്ക്കുമുമ്പ് സ്വന്തം ടിക്കറ്റ് ഏത് ക്ലാസിലാണെന്നും എത്ര ലഗേജ് കൊണ്ടുപോകുന്നുണ്ടെന്നും പരിശോധിക്കുന്നത് നല്ലതാണ്. അനുവദിച്ച പരിധിയേക്കാള്‍ കൂടുതല്‍ സാധനങ്ങളുമായി യാത്ര ചെയ്യേണ്ടിവന്നാല്‍ യാത്ര ആരംഭിക്കുന്നതിന് മുമ്പ് റെയില്‍വേയുടെ ലഗേജ് ഓഫീസുമായി ബന്ധപ്പെടണം. അധിക ലഗേജ് മുന്‍കൂട്ടി ബുക്ക് ചെയ്ത് ആവശ്യമായ നിരക്ക് അടയ്ക്കാം. ഇതിലൂടെ യാത്രയ്ക്കിടെ ഉണ്ടാകാവുന്ന ബുദ്ധിമുട്ടുകള്‍ ഒഴിവാക്കാനാകും.

അധിക ലഗേജ് ബുക്ക് ചെയ്യാതെ അനുവദിച്ച പരിധി മറികടന്നാല്‍ അധിക നിരക്കിനൊപ്പം പിഴയും നല്‍കേണ്ടിവരാം. ചില സാഹചര്യങ്ങളില്‍ സാധാരണ നിരക്കിന്റെ ആറിരട്ടി വരെ ഈടാക്കാന്‍ സാധ്യതയുണ്ട. എന്നാല്‍ യഥാര്‍ഥത്തില്‍ ബാധകമാകുന്ന തുക ലഗേജിന്റെ അളവ്, ക്ലാസ്, റെയില്‍വേയുടെ നിലവിലുള്ള ചട്ടങ്ങള്‍ എന്നിവയെ ആശ്രയിച്ചിരിക്കും. കുടുംബത്തോടൊപ്പം യാത്ര ചെയ്യുമ്പോള്‍, പ്രത്യേകിച്ച് കുട്ടികളോ പ്രായമായവരോ കൂടെയുണ്ടെങ്കില്‍, ആവശ്യമായ സാധനങ്ങള്‍ മാത്രം കൊണ്ടുപോകുന്നതാണ് ഉചിതം. തിരക്കുള്ള സ്റ്റേഷനുകളിലും ട്രെയിനുകളിലും വലിയ ബാഗുകള്‍ കൈകാര്യം ചെയ്യുന്നത് ബുദ്ധിമുട്ടാകാം.

വലിയതോ ഭാരമേറിയതോ ആയ സാധനങ്ങള്‍ കൊണ്ടുപോകേണ്ട സാഹചര്യമുണ്ടെങ്കില്‍ അവ യാത്രക്കാരുടെ ലഗേജായി കൊണ്ടുപോകുന്നതിനുപകരം റെയില്‍വേയുടെ പാര്‍സല്‍ സേവനം ഉപയോഗിക്കുന്നതും പരിഗണിക്കാം. ബുക്ക് ചെയ്ത ലഗേജിന് ലഭിക്കുന്ന രസീത് സൂക്ഷിക്കുകയും വേണം. കണ്‍ഫേം ടിക്കറ്റ് ഉണ്ടെന്നത് അനുവദനീയമായ പരിധിക്കപ്പുറം ലഗേജ് കൊണ്ടുപോകാനുള്ള അനുമതിയല്ല. യാത്രയ്ക്ക് മുമ്പ് ലഗേജ് പരിധിയും അധിക ബുക്കിങ് നടപടികളും മനസിലാക്കുന്നത് അനാവശ്യ ചെലവും പിഴയും ഒഴിവാക്കാന്‍ സഹായിക്കും.

ക്യാപ്റ്റന്‍സി ഒഴിഞ്ഞതോടെ മികച്ച ഫോമിലാണ് ഹര്‍മന്‍പ്രീത് കൗര്‍. വനിതാ ഏകദിന പരമ്പരയിലെ രണ്ടാം മത്സരത്തില്‍ സിംബാബ്‌വെയ്‌ക്കെതിരെ താരം തകര്‍പ്പന്‍ സെഞ്ചുറി നേടിയിരുന്നു. 121 പന്തുകള്‍ നേരിട്ട് സ്വന്തമാക്കിയത് 126 റണ്‍സ്. അടിച്ചുകൂട്ടിയത് 15 ഫോറുകള്‍ (Image Credit Source: PTI).

2.4 ഓവറില്‍ ഷഫാലി വര്‍മയെയും സ്മൃതി മന്ദാനയെയും നഷ്ടപ്പെട്ട് ഇന്ത്യ പരുങ്ങലിലായപ്പോഴാണ് ഹര്‍മനെത്തിയത്. അവിടെ നിന്ന് ഇന്ത്യയെ കൈപിടിച്ചുയര്‍ത്തിയിടത്ത് തുടങ്ങുന്നു താരത്തിന്റെ ഇന്നിങ്‌സിന്റെ പ്രസക്തി. മൂന്നാം വിക്കറ്റില്‍ പ്രതിക റാവലിനൊപ്പം ചേര്‍ത്തത് 124 റണ്‍സിന്റെ പാര്‍ട്ണര്‍ഷിപ്പ്. നാലാം വിക്കറ്റില്‍ ദീപ്തി ശര്‍മയോടൊപ്പം 153 റണ്‍സ്.

ഹര്‍മന്‍പ്രീതിന്റെ എട്ടാം ഏകദിന സെഞ്ചുറിയായിരുന്നു ഇത്. ഈ സെഞ്ചുറി പ്രകടനത്തോടെ താരം ഒരു അപൂര്‍വ റെക്കോഡും സ്വന്തമാക്കി. 36 വയസ്‌ തികഞ്ഞ ശേഷം വനിതാ ഏകദിന ക്രിക്കറ്റ് ചരിത്രത്തിൽ രണ്ട് സെഞ്ചുറികൾ നേടുന്ന ആദ്യ താരമെന്ന ബഹുമതി ഹർമൻപ്രീതിന് സ്വന്തമാണ്.

2025 ജൂലൈയിൽ ഇംഗ്ലണ്ടിനെതിരെ 36 വയസും 136 ദിവസവും പ്രായമുള്ളപ്പോള്‍ താരം സെഞ്ചുറി നേടിയിരുന്നു. 35 വയസിന് ശേഷം മൂന്ന് സെഞ്ചുറികൾ തികയ്ക്കുന്ന രണ്ടാമത്തെ താരമെന്ന അലീസ ഹീലി, ഡെബി ഹോക്ലി എന്നിവരുടെ റെക്കോർഡിനൊപ്പമെത്താനും ഹർമൻപ്രീതിന് സിംബാബ്‌വെയ്‌ക്കെതിരായ പ്രകടനത്തോടെ സാധിച്ചു. വനിതാ ഏകദിന ക്രിക്കറ്റിൽ സെഞ്ചുറി നേടുന്ന നാലാമത്തെ ഏറ്റവും പ്രായം കൂടിയ താരമാണ് 37-കാരിയായ ഹര്‍മന്‍പ്രീത്. ഒരു ഫുൾ-മെമ്പർ രാജ്യത്തിനെതിരെ ഈ നേട്ടം കൈവരിക്കുന്ന രണ്ടാമത്തെ ഏറ്റവും പ്രായം കൂടിയ താരവുമാണ് ഹർമൻപ്രീത്.

സിംബാബ്‌വെയ്‌ക്കെതിരെ സെഞ്ചുറി നേടുമ്പോള്‍ 37 വയസും, 231 ദിവസവുമായിരുന്നു ഹര്‍മന്‍പ്രീതിന്റെ പ്രായം. ഏകദിന സെഞ്ചുറി നേടുന്ന ഏറ്റവും പ്രായം കൂടിയ ഇന്ത്യൻ വനിതയെന്ന സ്വന്തം റെക്കോർഡ് ഹർമൻപ്രീത് തിരുത്തിയെഴുതി. കഴിഞ്ഞ വർഷം ഇംഗ്ലണ്ടിനെതിരെയുള്ള സെഞ്ചുറിയോടെ മിതാലി രാജിന്റെ (35 വയസും 287 ദിവസവും) റെക്കോർഡ് താരം മറികടന്നിരുന്നു. സിംബാബ്‌വെയ്‌ക്കെതിരായ പ്രകടനത്തോടെ വനിതാ ഏകദിനത്തിൽ ഏറ്റവും കൂടുതൽ സെഞ്ചുറി നേടുന്ന രണ്ടാമത്തെ ഇന്ത്യൻ താരമാകാനും ഹര്‍മന്‍പ്രീതിന് സാധിച്ചു.

അസിഡിറ്റി കുറയ്ക്കാൻ ഏറ്റവും മികച്ചതാണ് ഇഞ്ചി. ഇതിലടങ്ങിയിരിക്കുന്ന ജിഞ്ചറോൾ എന്ന ഘടകം വയറ്റിലെ അസ്വസ്ഥതകൾ അകറ്റാനും ദഹനം വളരെ വേഗത്തിലാക്കാനും സഹായിക്കുന്നു. കുറച്ച് ഇഞ്ചി കഷ്ണങ്ങൾ വെള്ളത്തിലിട്ട് പത്ത് മിനിറ്റോളം നന്നായി തിളപ്പിക്കുക. ഈ പാനിയം ഭക്ഷണം കഴിച്ച ശേഷം ചെറുചൂടോടെ കുടിക്കുന്നത് നെഞ്ചെരിച്ചിൽ മാറ്റാൻ ഏറെ ഗുണം ചെയ്യും. (Image Credit source: Getty Images)

ദഹനപ്രശ്നങ്ങൾ അകറ്റാൻ നമ്മുടെ എല്ലാ വീടുകളിലും എളുപ്പത്തിൽ ഉപയോഗിക്കുന്ന ഒന്നാണ് മോര് അല്ലെങ്കിൽ സംഭാരം. പ്രോബയോട്ടിക് ഗുണങ്ങളാൽ ഏറെ സമ്പന്നമായ ഇതിൽ അടങ്ങിയിരിക്കുന്ന ലാക്റ്റിക് ആസിഡ് വയറ്റിലെ അസിഡിറ്റി നിയന്ത്രിക്കാൻ സഹായിക്കുന്നു. മോരിനൊപ്പം അല്പം വറുത്ത ജീരകപ്പൊടി കൂടി ചേർത്ത് കുടിക്കുന്നത് ദഹനത്തിന് സഹായിക്കുന്ന എൻസൈമുകളെ വർധിപ്പിക്കും.

നന്നായി ഭക്ഷണം കഴിച്ച ശേഷം അല്പം പെരുംജീരകം ചവയ്കികുന്നത് ദഹനത്തിന് വളരെ നല്ലതാണ്. ഇതിലടങ്ങിയിട്ടുള്ള അനെത്തോൾ എന്ന ഘടകം വയറ്റിലെ പേശികൾക്ക് വലിയ ആശ്വാസം നൽകുകയും ഗ്യാസ്, അസിഡിറ്റി എന്നിവ ഫലപ്രദമായി തടയുകയും ചെയ്യുന്നു. പെരുംജീരകം ചൂടുവെള്ളത്തിലിട്ട് അഞ്ച് മിനിറ്റ് തിളപ്പിച്ച് ആ വെള്ളം കുടിക്കുന്നതും വയറിന് പെട്ടെന്ന് ആശ്വാസം നൽകാൻ ഏറെ സഹായിക്കും.

അസിഡിറ്റിയെ പ്രകൃതിദത്തമായി ചെറുക്കാൻ കഴിയുന്ന ഒന്നാണ് നന്നായി പഴുത്ത പഴം. ഇതിൽ ധാരാളമായി അടങ്ങിയിരിക്കുന്ന പൊട്ടാസ്യം വയറ്റിലെ അസിഡിറ്റി നിയന്ത്രിക്കുന്നു. കൂടാതെ ഇത് ആമാശയത്തിൻ്റെ ആന്തരിക പാളിക്ക് ഒരു സംരക്ഷണ കവചമായി പ്രവർത്തിക്കുകയും അസ്വസ്ഥതകൾ തടയുകയും ചെയ്യുന്നു. പ്രധാന ഭക്ഷണത്തിന് മുൻപായി ഒരു പഴം കഴിക്കുന്നത് അസിഡിറ്റി ഒഴിവാക്കാൻ നിങ്ങളെ സഹായിക്കും.

ദഹനവ്യവസ്ഥയെ എളുപ്പത്തിൽ തണുപ്പിക്കാൻ ഏറ്റവും മികച്ച പ്രകൃതിദത്ത പാനീയമാണ് കരിക്കിൻ വെള്ളം. ഇതിലെ ഇലക്‌ട്രോലൈറ്റുകൾ ശരീരത്തിലെ പി.എച്ച് നില കൃത്യമായി നിലനിർത്താൻ സഹായിക്കുന്നു. ഇതുവഴി അസിഡിറ്റി പെട്ടെന്ന് കുറയുന്നു. ആഘോഷവേളകളിൽ ഒരു ഗ്ലാസ് കരിക്കിൻ വെള്ളം കുടിക്കുന്നത് ദാഹം മാറ്റുന്നതിനൊപ്പം തന്നെ മികച്ച ദഹനത്തിനും വയറിൻ്റെ മൊത്തത്തിലുള്ള ആരോഗ്യത്തിനും വളരെ നല്ലതാണ്.

അടുക്കളയിലെ ഏറ്റവും പ്രധാനപ്പെട്ട ഒന്നാണ് സവാള. ഏത് കറി വെക്കാനും ചമ്മന്തി അരയ്ക്കാനും സവാള കൂടിയേ തീരൂ. ചെറിയ ഉള്ളിയേക്കാൾ മിക്ക വീടുകളിൽ പെട്ടെന്ന് തീർന്ന് പോകുന്നതും സവാളയാണ്. എന്നാൽ കടയിൽ നിന്ന് സവാള വാങ്ങുമ്പോൾ പലപ്പോഴും നമ്മൾ തിടുക്കം കൂട്ടി കയ്യിൽ കിട്ടുന്നതെല്ലാം വാരിയെടുക്കാറുണ്ട്. പലർക്കും തിരഞ്ഞ് പിടിച്ച് എടുക്കാൻ നേരം കാണില്ല. ഇങ്ങനെ വാങ്ങുന്നവ വേഗത്തിൽ ചീത്തയാകാനും പണം നഷ്ടപ്പെടാനും കാരണമാകും. (Image Credit Source: Social Media/ Unsplash)

അതുകൊണ്ട് തന്നെ സമയമെടുത്ത് വാങ്ങേണ്ട ഒന്നാണ് സവാള. നമുക്ക് നേരിട്ട് എടുക്കാൻ സാധിച്ചില്ലെങ്കിൽ കടക്കാരൻ എടുത്തുതരുന്നത് പ്രത്യേകം ശ്രദ്ധിക്കേണ്ടതുണ്ട്. കടയിൽ നിന്ന് സവാള തിരഞ്ഞെടുക്കുമ്പോൾ നിങ്ങൾ പ്രധാനമായും ശ്രദ്ധിക്കേണ്ട ചില കാര്യങ്ങളുണ്ട്. അവ എന്തെല്ലാമെന്ന് നമുക്ക് നോക്കാം. സവാള ശ്രദ്ധിക്കാതെ എടുത്ത് പാചകം ചെയ്താൽ ഒരു പക്ഷേ നിങ്ങളുടെ ആരോ​ഗ്യത്തെപോലും അത് ബാധിച്ചേക്കാം.

തൊലി നന്നായി ഉണങ്ങിയതാണോ: സവാളയുടെ പുറംതൊലി നല്ലപോലെ ഉണങ്ങിയതാണോ എന്ന് പ്രത്യേകം ശ്രദ്ധിക്കണം. അതായത് പാടപോലെ അടർന്നുപോകുന്നതായിരിക്കണം. ഈർപ്പമുള്ളതോ നനഞ്ഞതോ ആയ തൊലിയുള്ള സവാളകൾ വീട്ടിൽ കൊണ്ടുവന്നാൽ അവ പെട്ടെന്ന് പൂപ്പൽ പിടിച്ച് ചീത്തയാകാൻ സാധ്യത ഏറെയാണ്. കൈകൊണ്ട് തൊടുമ്പോൾ സവാളയ്ക്ക് നല്ല കട്ടിയും ഉറപ്പും ഉണ്ടായിരിക്കണം. വിരലമർത്തുമ്പോൾ തൊലി അയഞ്ഞോ മൃദുവായോ ഇരിക്കുന്നവ ഒരിക്കലും വാങ്ങരുത്.

മുളച്ചുതുടങ്ങിയവ ഒഴിവാക്കുക: സവാളയുടെ മുകൾഭാഗത്തുനിന്ന് പച്ചക്കാമ്പ് പോലെയോ മുള വന്നവ വാങ്ങാതിരിക്കുക. മുള വന്ന സവാളകൾക്ക് രുചി കുറയുമെന്നുമാത്രമല്ല, അവയ്ക്കുള്ളിലെ പോഷകങ്ങളും ഈർപ്പവും നഷ്ടപ്പെട്ടിട്ടുണ്ടാകും. സവാളയുടെ പുറത്ത് കറുത്ത പൊടികൾപോലെയോ പൂപ്പൽപോലെയോ കാണപ്പെടുകയോ, അല്ലെങ്കിൽ അഴുകിയ ഒരു മണം അടിക്കുകയോ ചെയ്താൽ അതിൽ നിന്ന് സവാള എടുക്കാതിരിക്കുക. ഇത് മറ്റ് നല്ല സവാളകളിലേക്കും പെട്ടെന്ന് പടരാം.

വീട്ടിൽ കൊണ്ടുവന്നാലും സവാള എപ്പോഴും ഈർപ്പമില്ലാത്ത, വായുസഞ്ചാരമുള്ള സ്ഥലത്ത് മാത്രമെ സൂക്ഷിക്കാവൂ. ഒരിക്കലും പ്ലാസ്റ്റിക് കവറിലിട്ട് കെട്ടിവെക്കരുത്. ഉരുളക്കിഴങ്ങും സവാളയും ഒരുമിച്ച് സൂക്ഷിക്കുന്നതും ഒഴിവാക്കുക. ഉരുളക്കിഴങ്ങ് പുറപ്പെടുവിക്കുന്ന വാതകം സവാള വേഗത്തിൽ ചീത്തയാകാൻ ഇടയാക്കും. നല്ല സവാള തിരിച്ചറിഞ്ഞ് വാങ്ങാൻ ഈ ചെറിയ കാര്യങ്ങൾ അറിഞ്ഞിരിക്കുന്നത് വളരെ നല്ലതാണ്.

ഈ ദീപാവലിക്ക് പതിവ് ഗുലാബ് ജാമുനകൾക്ക് പകരം തികച്ചും വ്യത്യസ്തവും അതിശയകരവുമായ ഒരു രുചി പ്രതീക്ഷിക്കാൻ നിങ്ങൾ ആഗ്രഹിക്കുന്നുണ്ടോ? എങ്കിൽ കടകളിൽനിന്ന് മാവ് വാങ്ങിച്ചു ഉണ്ടാക്കുന്ന പകരം വളരെ സ്വാദിഷ്ടമായ ഒരു മധുരക്കിഴങ്ങ് ഗുലാബ് ജാമുൻ തയ്യാറാക്കി നോക്കൂ. വളരെ എളുപ്പത്തിൽ തയ്യാറാക്കാവുന്ന ഈ പലഹാരം നിങ്ങൾ സാധാരണ ഉണ്ടാക്കുന്ന ഗുലാബ് ജാമുനെക്കാൾ വളരെ രുചികരമാണ്.(IMAGE CREDIT SOURCE: SOCIAL MEDIA)

ഈ വിഭാഗം തയ്യാറാക്കാൻ പ്രധാനമായ ചേരുവകൾ ഗുലാബ് ജാമുനായി ഇടത്തരം വലിപ്പത്തിലുള്ള വേവിച്ചുടച്ച മധുരക്കിഴങ്ങ്, രണ്ട് ടേബിൾ സ്പൂൺ, മൈദയോ ഗോതമ്പുമാവോ ഒരു നുള്ള് ബേക്കിംഗ് പൗഡർ, അര ടീസ്പൂൺ നെയ്യ് എന്നിവ ആവശ്യമാണ്. കൂടാതെ പഞ്ചസാര സിറപ്പ് തയ്യാറാക്കാനായി ഒരു കപ്പ് പഞ്ചസാര, അരക്കപ്പ് വെള്ളം, കുറച്ച് തുള്ളി റോസ് എസൻസ്, ഒരു നുള്ള കുങ്കുമപ്പൂവ്, രണ്ട് ഏലയ്ക്ക എന്നിവയും കരുതുക.

ആദ്യം തന്നെ ഒരു പാത്രത്തിൽ പഞ്ചസാരയും വെള്ളവും ചേർത്ത് ചൂടാക്കി ലയിപ്പിച്ച് എടുക്കുക ഇതിലേക്ക് ഏലക്കാപ്പൊടി, റോസ് എസൻസ്, കുങ്കുമപ്പൂവ് എന്നിവ ചേർത്ത് രണ്ടു മിനിറ്റ് തിളപ്പിച്ച് ഓഫ് ചെയ്ത് പാത്രം മൂടിവയ്ക്കുക. തുടർന്ന് വേവിച്ച മധുരക്കിഴങ്ങ നന്നായി ഉടച്ച് അതിലേക്ക് മൈദ, ബേക്കിംഗ് പൗഡർ, നെയ്യ് എന്നിവ ചേർത്ത് വിരലുകൾ ഉപയോഗിച്ച് ചപ്പാത്തി മാവിനേക്കാൾ മൃദുവായി ഇവ കുഴച്ചെടുക്കുക.

ശേഷം കുഴച്ച മാവ് വിള്ളലുകൾ ഇല്ലാതെ തുല്യ വലിപ്പത്തിലുള്ള ചെറിയ ഉരുള ഉരുളകളായി ഉരുട്ടുക. ഒരു പാനിൽ എണ്ണയോ നെയ്യോ ഒഴിച്ച് ചൂടായ ശേഷം തീ കുറച്ച് ഓരോ ഉരുളകളായിട്ട് സ്വർണ തവിട്ട് നിറമാകുന്ന വരെ വറുത്തെടുക്കുക. ഉരുളകൾ പൊട്ടിപ്പോകാതിരിക്കാൻ എണ്ണയിൽ വച്ച് സ്പൂണ് ഉപയോഗിച്ച് നേരിട്ട് ഇളക്കാതെ പാൻ പതുക്കെ ചലിപ്പിച്ചു കൊടുക്കുക.

വറുത്തെടുത്ത ജാമുനുകൾ എണ്ണ വറ്റിച്ച് ചൂടുള്ള പഞ്ചസാര സിറപ്പിലേക്ക് ചേർത്ത് രണ്ടു മുതൽ മൂന്നു മണിക്കൂർ വരെ കുതിർക്കാനായി വയ്ക്കുക. ശേഷം ജാമുനകൾ നന്നായി സിറപ്പ് കുടിച്ചു മൃദുവായി കഴിഞ്ഞാൽ പാത്രത്തിലേക്ക് മാറ്റി വിളമ്പാം. അങ്ങനെ നിങ്ങളുടെ തികച്ചും വ്യത്യസ്തവും രുചികരവുമായ മധുരക്കിഴങ്ങ് ഗുലാബ് ജാമുൻ വളരെ പെട്ടെന്ന് തയ്യാറായിക്കഴിഞ്ഞു.

മൺസൂൺ നിരാശപ്പെടുത്തിയെങ്കിലും തുലാമഴയിൽ പ്രതീക്ഷയർപ്പിച്ച് കേരളം മുന്നോട്ട് പോവുകയാണ്. കഴിഞ്ഞ കുറച്ച് ദിവസങ്ങളിൽ കിടിലൻ മഴയാണ് ലഭിച്ചതും. സ്ഥിരമായി കാറിൽ സഞ്ചരിക്കുന്നവർ ഇനിയങ്ങോട്ടുള്ള മഴ ദിവസങ്ങൾക്കായി വാഹനങ്ങളെയും ചെറുതായി ഒരുക്കേണ്ടതുണ്ട്. അതോടൊപ്പം വാഹനത്തിൽ കുറച്ച് ആക്‌സസറികൾ കൂടിയുണ്ടെങ്കിൽ സഹായകരമാവുകയും ചെയ്യും. മഴസമയത്ത് കാറിൽ കരുതേണ്ട ചില കിടിലൻ ആക്‌സസറികൾ പരിചയപ്പെടാം. (Image credit: Getty Images, Amazon)

പോക്കറ്റ് കാർ കുട: മഴ നനയാതിരിക്കാൻ കാറിലാണ് യാത്രയെങ്കിലും എന്തെങ്കിലും ആവശ്യത്തിന് പുറത്തിറങ്ങേണ്ടി വന്നാൽ വണ്ടിയിൽ ഒരു കുട കരുതുന്നത് നല്ലതാണ്. ചെറിയ വലിപ്പത്തിലുള്ള കുടകൾ ഇന്ന് വിപണിയിൽ സുലഭവുമായതിനാൽ വാങ്ങിവെക്കുന്നത് എപ്പോഴും ഉപകരിക്കുന്നതാണ്. ഡോർ പോക്കറ്റുകളിൽ ഉൾക്കൊള്ളാൻ കഴിയുന്ന രീതിയിലാണ് ഇത്തരം കുഞ്ഞിക്കുടകൾ രൂപകൽപ്പന ചെയ്‌തിരിക്കുന്നത്. അതിനാൽ എളുപ്പത്തിൽ സൂക്ഷിക്കാൻ സാധിക്കും.

റെയിൻ ഷൂ കവർ: നമുക്ക് അത്ര പരിചിതമല്ലാത്ത ഒരു ഉൽപ്പന്നമായിരിക്കാം റെയിൻ ഷൂ കവറുകൾ. സിലിക്കൺ ഉപയോഗിച്ചാണ് ഇവ നിർമിച്ചിരിക്കുന്നത്. ഷൂസിന് മുകളിലൂടെ ധരിക്കുന്ന ഒരു അധിക വാട്ടർപ്രൂഫ് പാളിയെന്ന തരത്തിൽ വളരെ ഉപകാരപ്രദമാണ്. മഴക്കാലത്ത് ഷൂ നനയാതിരിക്കാൻ സഹായിക്കുന്ന ഏറ്റവും നല്ല പ്രൊഡക്ട് തന്നെയാണിത്. മറ്റൊരു വിധത്തിൽ പറഞ്ഞാൽ ഷൂസിനുള്ള റെയിൻ‌കോട്ടാണിത്. മടക്കാനും ഡോർ പോക്കറ്റുകളിൽ സൂക്ഷിക്കാനും എളുപ്പവുമാണ്.

റബ്ബർ ഫ്ലോർ മാറ്റുകൾ: സാധാരണ കാറിൽ കണ്ടുവരുന്ന ഫാബ്രിക് കാർപെറ്റ് മാറ്റുകൾ മഴക്കാലത്ത് എളുപ്പത്തിൽ നനഞ്ഞ് അഴുക്കാവാൻ സാധ്യതയുണ്ട്. അങ്ങനെ ഈർപ്പം, ദുർഗന്ധം തുടങ്ങിയവയിലേക്ക് നയിക്കുകയും ചെയ്യും. അതിനാൽ തന്നെ ഫാബ്രിക് മാറ്റുകൾ നനയാതിരിക്കാനായി റബ്ബർ മാറ്റുകൾ വാങ്ങിയിടുന്നത് ഏറെ ഉപകാരപ്രദമായിരിക്കും.

പോളിമർ കാർ കവർ: പോളിമർ കാർ കവർ വാങ്ങുകയാണെങ്കിൽ കാർ സുരക്ഷിതമായി മഴയത്ത് പാർക്ക് ചെയ്‌തിടാം. ഇത് വെള്ളം അകത്തേക്ക് ഒഴുകാൻ അനുവദിക്കില്ല. പൊതുവേ കണ്ടുവരുന്ന സിന്തറ്റിക് കാർ കവറുകൾ നിങ്ങളുടെ വാഹനത്തെ പൊടിയിൽ നിന്ന് സംരക്ഷിക്കുന്നുണ്ടെങ്കിലും ഇവയ്ക്ക് വെള്ളത്തിൽ നിന്ന് പരിചരണം നൽകാൻ കഴിയില്ല.

മഡ് ഫ്ലാപ്പുകൾ: കാറിലെ ഏറ്റവും അടിസ്ഥാനവും അവശ്യവുമായ ഉപകരണങ്ങളിൽ ഒന്നാണ് മഡ് ഫ്ലാപ്പുകൾ. കാർ മോഡിഫിക്കേഷന്റെ ഭാഗമായി പലരും മഡ് ഗാര്‍ഡും മഡ് ഫ്ലാപ്പും മറ്റും അഴിച്ചുവെക്കുന്നത് കാണാം. ഇങ്ങനെ ചെയ്യുമ്പോൾ നമ്മുടെ പിന്നിലൂടെ വരുന്ന വാഹനങ്ങളിലേക്ക് ചെളി തെറിക്കുകയും അവർക്ക് യാത്ര ക്ലേശകരമാവുകയും ചെയ്യും. മറ്റ് യാത്രക്കാർക്ക് മാത്രമല്ല, നിങ്ങളുടെ കാറുകളെയും ചെളിയിൽ നിന്ന് രക്ഷിക്കാനും ഇവയ്ക്ക് സാധിക്കും. അതിനാൽ മഡ് ഫ്ലാപ്പുകൾ നിർബന്ധമായും ഘടിപ്പിച്ചിരിക്കണം

പണ്ടുള്ള നാടൻ പലഹാരങ്ങളൊന്നും ഇന്ന് ഒരു കടകളിലും കിട്ടാതെയായിട്ടുണ്ട്. ഉഴുന്നുവടയും പരിപ്പുവടയുമാണ് പിന്നെയും ഇന്നും നിലനിൽക്കുന്നത്. ചൂടുചായയ്ക്കൊപ്പം കഴിക്കാൻ പണ്ടത്തെ നാടൻ ചായക്കടകളുടെ സ്വാദുള്ള ഒരു പലഹാരമാണ് വെട്ടുകേക്ക്. ഒരുപക്ഷേ പല നാടുകളിൽ പല പേരായിരിക്കാം. വൈകിട്ട് നല്ല മഴയത്ത് ചൂട് ചായയും വെട്ടുകേക്കും കഴിക്കാൻ കിട്ടിയാൽ ആരാണ് വേണ്ടെന്ന് പറയുന്നത്. (Image Credit Source: Social Media)

ചായയെന്ന് ഓർക്കുമ്പോൾ ആദ്യം മനസ്സിലേക്ക് വരുന്നത് വെട്ടുകേക്ക് തന്നെയാണ്. പുറമേ നല്ല മൊരിഞ്ഞതും ഉള്ളിൽ പഞ്ഞിപോലെ മൃദുവായതുമായ വെട്ടുകേക്ക് വളരെ കുറഞ്ഞ ചേരുവകൾ കൊണ്ട് നമുക്ക് വീട്ടിൽ തന്നെ എളുപ്പത്തിൽ തയ്യാറാക്കാവുന്നതേയുള്ളൂ. വൈകുന്നേരത്തെ ചായക്കടിയായി തയ്യാറാക്കാവുന്ന ഏറ്റവും എളുപ്പമുള്ള വെട്ടുകേക്ക് റെസിപ്പി നമുക്ക് നോക്കാം.

ആവശ്യമായ ചേരുവകൾ: മൈദ- 500 ഗ്രാം, മുട്ട-3 എണ്ണം, പഞ്ചാസാര പൊടിച്ചത്- 2 കപ്പ്, നെയ്യ്- ഒരു ടേബിൾസ്പൂൺ, എലക്കാ അഞ്ചെണ്ണം പൊടിച്ചത് , വാനില എസൻസ്- അര ടീസ് സ്പൂൺ , സോഡാപ്പൊടി- കാൽ ടീസ് സ്പൂൺ, റവ- 100 ഗ്രാം എന്നിവയാണ് വെട്ടുകേക്കിന് ആവശ്യമായ ചേരുവകൾ. പലരുടെയും ബാല്യകാലത്തിന്റെ മധുരിക്കുന്ന ഓർമയും എന്നും നാവിൻതുമ്പത്ത് തെളിഞ്ഞുവരുന്നൊരു വികാരവുമാണ് വെട്ടുകേക്ക്.

തയാറാക്കുന്ന വിധം: മെദയും റവയും സോഡാപ്പൊടിയും കൂടി യോജിപ്പിച്ച് നന്നായി ഇളക്കി വയ്ക്കുക. ശേഷം മുട്ട നന്നായി അടിച്ചെടുത്ത് അതിലേക്ക് പഞ്ചസാര, പാൽ, നെയ്യ്, വാനില എസൻസ്, ഏലയ്ക്കപ്പൊടി എന്നിവ കൂടി ചേർത്തിളക്കുക. ഇത് മൈദ, റവ മിശ്രിതത്തിൽ ചേർത്ത് ചപ്പാത്തിയ്ക്ക് കുഴയ്ക്കുന്നതുപോലെ നന്നായി കുഴച്ച് നനച്ച തുണികൊണ്ട് കുറച്ച് സമയം മൂടി വയ്ക്കണം.

ഏകദേശം രണ്ട് മണിക്കൂറെങ്കിലും അത് അങ്ങനെ ഇരിക്കണം. ശേഷം അരയിഞ്ച് കനത്തിൽ പരത്തി ചതുരകഷ്ണങ്ങളായി മുറിക്കുക. ഓരോ കഷ്ണത്തിന്റേയും ഓരോ മൂല നടുക്കുനിന്നും താഴോട്ട് പിളർത്തി പൂവിന്റെ ഇതൾ പോലെയാക്കണം. അതിനുശേഷം തിളച്ച എണ്ണയിലേക്ക് ഇട്ട് ഇത് വറുത്തുകോരിയെടുക്കാം. നല്ല പൂപോലത്തെ വെട്ടുകേക്ക് റെഡി. കുട്ടികൾക്ക് ചായക്കൊപ്പം കഴിക്കാൻ വളരെ നല്ലൊരു പലഹാരമാണിത്.

പ്രകൃതി ചികിത്സകനായ ഡോ. പീറ്റർ ഡി. അദാമോ 1996-ൽ എഴുതിയ തVdJz പുസ്തകത്തിലാണ് രക്തഗ്രൂപ്പിന് അനുസരിച്ചുള്ള ഭക്ഷണക്രമത്തെക്കുറിച്ച് ആദ്യമായി എഴുതിയത്. നിങ്ങളുടെ ഭക്ഷണക്രമം നിങ്ങളുടെ രക്തഗ്രൂപ്പുമായി പൊരുത്തപ്പെടുന്നില്ലെങ്കിൽ ആരോഗ്യപ്രശ്നങ്ങൾ നേരിടേണ്ടി വന്നേക്കാം എന്ന് അദ്ദേഹം ചൂണ്ടിക്കാട്ടുന്നു. നിങ്ങളുടെ രക്തഗ്രൂപ്പിന് അനുയോജ്യമായ ഭക്ഷണം തിരഞ്ഞെടുക്കുന്നതിലൂടെ നിങ്ങൾക്ക് വിട്ടുമാറാത്ത രോഗങ്ങളിൽ നിന്നും രക്ഷപ്പെടാം.

രക്ത ഗ്രൂപ്പ് എ (എ+, എ-) ഈ രക്തഗ്രൂപ്പുള്ളവർ വൻപയർ ഒഴിവാക്കണം. മറ്റ് തരത്തിലുള്ള ബീൻസ് കഴിക്കാം. പച്ചക്കറികളും ഇലക്കറികളും അടങ്ങിയ സസ്യാഹാരമാണ് നിങ്ങൾ കൂടുതലും കഴിക്കേണ്ടത്.

രക്ത ഗ്രൂപ്പ് O (O+, O-) മനുഷ്യരിൽ ഏറ്റവും പഴക്കമുള്ള രക്തഗ്രൂപ്പാണിത്. കുറഞ്ഞ കാർബോഹൈഡ്രേറ്റും ഉയർന്ന പ്രോട്ടീനും അടങ്ങിയ ഭക്ഷണം കഴിച്ചാൽ നിങ്ങൾ ആരോഗ്യത്തോടെയിരിക്കും

രക്ത ഗ്രൂപ്പ് ബി (ബി+, ബി-) ഈ രക്തഗ്രൂപ്പിലുള്ള ആളുകൾ പ്രധാനമായും ദൈനംദിന ഭക്ഷണത്തിൽ കൂടുതൽ മാംസവും പാലുൽപ്പന്നങ്ങളും ഉൾപ്പെടുത്തുന്നത് നല്ലതാണ്

രക്ത ഗ്രൂപ്പ് AB (AB+, AB-) താരതമ്യേന പുതിയൊരു രക്തഗ്രൂപ്പാണിത് നിങ്ങൾ കൂടുതൽ ടർക്കിയുടെ ഇറച്ചി, കടൽ വിഭവങ്ങൾ, മിക്സഡ് വെജിറ്റബിൾസ് എന്നിവ കഴിക്കണം.

കരിയറിലുടനീളം 'റൂമറ്റോയ്ഡ് ആർത്രൈറ്റിസ്' എന്ന രോഗത്തോട് പൊരുതിയാണ് ക്രിക്കറ്റ് കളിച്ചതെന്ന് മുന്‍ ഓസ്‌ട്രേലിയന്‍ താരം ഉസ്മാന്‍ ഖവാജയുടെ വെളിപ്പെടുത്തല്‍. രോഗം പിടിപെടുമ്പോൾ വെറും 22 വയസ്സായിരുന്നു ഖവാജയുടെ പ്രായം. അന്താരാഷ്ട്ര ക്രിക്കറ്റിൽ നിന്ന് വിരമിച്ച് മാസങ്ങൾക്ക് ശേഷമാണ് അദ്ദേഹം ഇക്കാര്യം വെളിപ്പെടുത്തിയത്. ഈ രോഗത്തോട് പടപൊരുതിയാണ് അദ്ദേഹം കരിയര്‍ പടുത്തുയര്‍ത്തിയത് (Image Credit Source: PTI).

കരിയറിലുടനീളം രോഗവിവരം മറച്ചുവെക്കാന്‍ ഖവാജ ശ്രമിച്ചു. അടുത്ത സുഹൃത്തുക്കളായ ഡേവിഡ് വാർണർക്കും മൈക്കൽ ഹസ്സിക്കും പോലും ഇക്കാര്യം അറിയില്ലായിരുന്നു. മെഡിക്കൽ ടീം, കോച്ചിംഗ് സ്റ്റാഫ്, ക്രിക്കറ്റ് അഡ്മിനിസ്ട്രേറ്റർമാർ എന്നിവർക്ക് വിഷയത്തെക്കുറിച്ച് അറിയാമായിരുന്നു. എന്നാല്‍ സഹതാരങ്ങളില്‍ നിന്ന് ഖവാജ ഇക്കാര്യം മറച്ചുവെച്ചു.

പ്രത്യേക പരിഗണന ലഭിക്കാനോ, അല്ലെങ്കിൽ ഈ രോഗം തനിക്കെതിരെ ഉപയോഗിക്കപ്പെടുമെന്ന ഭയമോ ആയിരുന്നു ഇക്കാര്യം മറച്ചുവെക്കാന്‍ ഖവാജയെ പ്രേരിപ്പിച്ചത്. രോഗനിർണയം നടത്തിയതിന് പിന്നാലെ തന്റെ ക്രിക്കറ്റ് സ്വപ്നങ്ങൾ തുടങ്ങും മുൻപേ അവസാനിക്കുമോ എന്ന് ഭയപ്പെട്ടിരുന്നതായി 'ഓസ്ട്രേലിയൻ സ്റ്റോറി'ക്ക് നൽകിയ അഭിമുഖത്തിൽ ഖവാജ പറഞ്ഞു. ഇടത് മുട്ടുവേദനയുടെ കാരണം കണ്ടെത്താൻ ഡോക്ടർമാർക്ക് തുടക്കത്തിൽ കഴിയാതെ വന്നപ്പോൾ, തനിക്ക് ഭേദമാക്കാൻ കഴിയാത്ത എന്തോ മാരകമായ രോഗമാണെന്ന് ഖവാജ കരുതി. താന്‍ മരിക്കുമെന്നാണ് ഖവാജ വിശ്വസിച്ചിരുന്നത്.

പ്രൊഫഷണൽ ക്രിക്കറ്റ് കളിച്ചിരുന്ന ഒരു കായികതാരമായിരുന്ന താന്‍, പിന്നീട് ബാത്ത്റൂമിലേക്ക് വെറും 10 മീറ്റർ നടക്കാൻ പോലും കഴിയാത്ത അവസ്ഥയിലായെന്ന് ഖവാജ പറഞ്ഞതായി എബിസി സ്‌പോര്‍ട്‌സ് റിപ്പോര്‍ട്ട് ചെയ്തു. ഓട്ടോഇമ്മ്യൂൺ രോഗങ്ങളുമായി ജീവിക്കുന്ന മറ്റുള്ളവർക്ക് പ്രതീക്ഷ നൽകാനാണ് തന്റെ രോഗവിവരം വെളിപ്പെടുത്തുന്നതെന്ന് ഖവാജ പറഞ്ഞു. പുറത്തിറങ്ങാനിരിക്കുന്ന 'സബർ' (Sabr) എന്ന തന്റെ ആത്മകഥയിൽ, ഈ രോഗാവസ്ഥയെ അദ്ദേഹം എങ്ങനെ നേരിട്ടു എന്നതിനെക്കുറിച്ച് വിശദമായി പ്രതിപാദിച്ചിട്ടുണ്ട്. ഈ രോഗം ബാധിച്ചിട്ടും തനിക്ക് ഉയര്‍ന്ന തലത്തില്‍ ക്രിക്കറ്റ് കളിക്കാന്‍ സാധിച്ചെങ്കില്‍ മറ്റ് പലർക്കും ജീവിതത്തിൽ വലിയ നേട്ടങ്ങൾ കൈവരിക്കാൻ സാധിക്കുമെന്ന് ഖവാജ പറഞ്ഞു.

പതിവായ കുത്തിവെയ്പുകളിലൂടെയാണ് താൻ രോഗത്തെ നിയന്ത്രിച്ചു നിർത്തിയത്. ആ മരുന്നില്ലായിരുന്നുവെങ്കിൽ തനിക്ക് ഇനി ഒരിക്കലും ക്രിക്കറ്റ് കളിക്കാനോ സാധാരണ ജീവിതം നയിക്കാനോ കഴിയുമായിരുന്നില്ലെന്നും അദ്ദേഹം വ്യക്തമാക്കി. ഓസ്ട്രേലിയയ്ക്കായി 88 ടെസ്റ്റ് മത്സരങ്ങളിൽ അദ്ദേഹം കളിച്ചു. ഓസ്ട്രേലിയയ്ക്കായി 16 സെഞ്ചുറികൾ അടക്കം 6,229 അന്താരാഷ്ട്ര റൺസാണ് ഖവാജ നേടിയത്.

മലയാളികൾക്ക് എന്നും പ്രിയപ്പെട്ട പ്രഭാത ഭക്ഷണമാണ് അപ്പം. എന്നാൽ പലപ്പോഴും വീട്ടിലുണ്ടാക്കുമ്പോൾ അപ്പം കട്ടിയായി പോയേക്കാം... ഇനി ആ പ്രശ്നമില്ല. ഹോട്ടലുകളിൽ ലഭിക്കുന്നത് പോലെ നടുഭാഗം പഞ്ഞിപോലെ സോഫ്റ്റും വശങ്ങൾ മൊരിഞ്ഞു വരുന്നതുമായ അപ്പം വീട്ടിലും തയ്യാറാക്കാം. മാവ് തയ്യാറാക്കുമ്പോൾ ചില കാര്യങ്ങൾ ശ്രദ്ധിച്ചാൽ മാത്രം മതി. (Image Credit source: Getty Images)

മാവ് അരയ്ക്കുമ്പോൾ പച്ചരിയോടൊപ്പം അൽപ്പം അവൽ കൂടി ചേർക്കാം. ഇത് അപ്പത്തിന് സോഫ്റ്റ്‌നസ് നൽകുക മാത്രമല്ല, ചട്ടിയുടെ വശങ്ങളിൽ അത് മനോഹരമായി മൊരിഞ്ഞു വരാനും ഏറെ സഹായിക്കും. പച്ചരിയും അവലും വെള്ളത്തിൽ കുതിർത്ത്, തേങ്ങയും പഞ്ചസാരയും യീസ്റ്റും ചേർത്ത് കൃത്യമായ അളവിൽ അപ്പത്തിനുള്ള മാവ് തയ്യാറാക്കാം. ബീഫ് കറി, ചിക്കൻ കറി, വെജിറ്റബിൾ സ്റ്റ്യൂ എന്നിവയോടൊപ്പം ഈ അപ്പം പെർഫെക്ട് മാച്ചാണ്.

ആദ്യം അര കപ്പ് അവലും ഒന്നര കപ്പ് പച്ചരിയും കഴുകി ഒരു രാത്രി മുഴുവൻ വെള്ളത്തിൽ കുതിർത്തെടുക്കുക. നന്നായി കുതിർന്ന ശേഷം ഇത് മിക്സിയുടെ ജാറിലേയ്ക്കാക്കി, ഒപ്പം ഒരു കപ്പ് തേങ്ങ ചിരകിയതും രണ്ട് ടേബിൾസ്പൂൺ പഞ്ചസാരയും ആവശ്യത്തിന് ഉപ്പും ചേർത്ത് നല്ല മിനുസമായി അരച്ചെടുക്കുക.

അരച്ചെടുത്ത മാവിലേക്ക് അര ടീസ്പൂൺ യീസ്റ്റ് കൂടി ചേർത്ത് കൈകൊണ്ട് നന്നായി ഇളക്കി യോജിപ്പിക്കാം. മാവ് പുളിച്ചു പൊങ്ങാനായി എട്ട് മണിക്കൂറെങ്കിലും അടച്ച് മാറ്റി വയ്ക്കുക. മാവ് പാകത്തിന് പതഞ്ഞു വന്നതിനു ശേഷം പാലപ്പച്ചട്ടി അടുപ്പിൽ വെച്ചു ചൂടാക്കാം. ഇതിലേക്ക് ഒരു തവി മാവൊഴിച്ച് ചട്ടി വട്ടത്തിൽ ചുഴറ്റി പാലപ്പത്തിൻ്റെ രൂപത്തിലാക്കി അടച്ചു വെച്ച് വേവിക്കുക.

നടുഭാഗം പഞ്ഞിപോലെ മൃദുവായിട്ടും വശങ്ങൾ ക്രിസ്പിയായിട്ടും മാറുമ്പോൾ പാത്രത്തിലേക്ക് മാറ്റിയെടുക്കാം. മാവ് കൂടുതൽ സോഫ്റ്റാകുന്നതിന് അവൽ സഹായിക്കും. ഒപ്പം തേങ്ങാവെള്ളവും യീസ്റ്റും മാവ് നന്നായി പുളിക്കുന്നതിനും മികച്ച രുചി നൽകുന്നതിനും ഏറെ സഹായകരമാണ്. ഇനി ചൂടോടെ നാടൻ സ്റ്റ്യൂവിനോ കറികൾക്കൊപ്പമോ അങ്ങ് ആസ്വദിച്ച് കഴിച്ചോ....

ചിലപ്പോഴൊക്കെ വീട്ടിലെ ഉപയോഗശൂന്യമായോ വേസ്റ്റായോ തള്ളിക്കളഞ്ഞ വലിയ രീതിയിൽ ഉപകാരിയായി തീരാറുണ്ട്. അത്തരത്തിലുള്ള ഒന്നാണ് പഴത്തൊലി. വിലകൂടിയ ഷൂ പോളിഷുകൾക്ക് പകരം വെറുമൊരു 'പഴത്തൊലി' ഉപയോഗിച്ച് ലെതർ ഷൂസുകൾക്ക് പുത്തൻ തിളക്കം നൽകാൻ സാധിക്കുമെന്നാണ് പറയുന്നത്. അത്ഭുതപ്പെടേണ്ട, എന്താണ് സംഗതി എന്ന് നോക്കിയാലോ... (Image Credit source: Getty Images)

പഴത്തൊലിയുടെ ഉൾഭാഗം ഉപയോഗിച്ച് ലെതർ ഷൂസുകൾ തേച്ചുപിടിപ്പിക്കുമ്പോൾ അതിലടങ്ങിയിരിക്കുന്ന പ്രകൃതിദത്ത എണ്ണകളും പൊട്ടാസ്യവും ലെതറിന്റെ ഉപരിതല മിനുക്കം വീണ്ടെടുക്കാൻ സഹായിക്കുന്നു. പെട്ടെന്ന് ഒരു തിളക്കം നൽകാൻ സഹായിക്കുന്ന താൽക്കാലിക തിളക്കം ഇത് ഷൂസിന് നൽകും.

സാധാരണയായി കട്ടിയുള്ള ലെതർ ഷൂസുകളിലാണ് ഇത് കൂടുതൽ ഫലപ്രദമാകുന്നത്. ആദ്യം ഷൂസിലെ പൊടിയും അഴുക്കും ഒരു തുണികൊണ്ട് തുടച്ചു മാറ്റുക. പഴതൊലിയുടെ ഉൾഭാഗം എടുത്ത് ഷൂസിന് മുകളിൽ വട്ടത്തിൽ തേച്ചുപിടിപ്പിക്കുക. തൊലിയിലെ അവശിഷ്ടങ്ങളും നനവും ലെതറിൽ പിടിച്ചു കഴിഞ്ഞാൽ, ഒരു വൃത്തിയുള്ള ഉണങ്ങിയ കോട്ടൺ തുണികൊണ്ട് ഷൂ നന്നായി തുടച്ചെടുക്കുക.

എന്നാൽ ഇത് എല്ലാത്തരം ലെതറുകൾക്കും ഒരേപോലെ അനുയോജ്യമാകണമെന്നില്ല. സ്വീഡ്, നബക്ക്, പേറ്റന്റ് ലെതർ തുടങ്ങിയവയിൽ ഈ പരീക്ഷണം നടത്തിയാൽ കറകളോ പാടുകളോ വീഴാൻ സാധ്യതയുണ്ട്. അതിനാൽ ഷൂസിന്റെ പെട്ടെന്ന് കാണാത്ത ചെറിയൊരു ഭാഗത്ത് ഇത് ആദ്യം പരീക്ഷിച്ചു നോക്കുന്നത് നന്നായിരിക്കും.

പെട്ടെന്ന് പുറത്തുപോകേണ്ട സാഹചര്യങ്ങളിൽ വിലകൂടിയ പോളിഷ് കയ്യിലില്ലെങ്കിൽ ഈ വിദ്യ പരീക്ഷിക്കാവുന്നതാണ്. പതിവായുള്ള ഷൂ പരിപാലനത്തിന് പ്രൊഫഷണൽ ക്ലീനറുകളും പോളിഷുകളും ഉപയോഗിക്കുന്നത് തന്നെയാണ് നല്ലതെങ്കിലും, അടിയന്തര ഘട്ടങ്ങളിൽ പരീക്ഷിക്കാൻ പറ്റിയ ഒരു എളുപ്പവഴിയാണിത്.

വീടിനുള്ളില്‍ ചെടികള്‍ വളര്‍ത്തുന്നത് അലങ്കാരത്തിനും മനസിന് ഉന്മേഷം ലഭിക്കാനും സഹായിക്കും. എന്നാല്‍ വാസ്തുശാസ്ത്രത്തിലും ചില പരമ്പരാഗത വിശ്വാസങ്ങളിലും എല്ലാ ചെടികളും വീടിനുള്ളില്‍ വളര്‍ത്താന്‍ അനുയോജ്യമല്ലെന്നാണ് പറയുന്നത്. ചില ചെടികള്‍ വീട്ടില്‍ നെഗറ്റീവ് എനര്‍ജി ഉണ്ടാക്കുമെന്നും കുടുംബാംഗങ്ങള്‍ക്കിടയില്‍ അസ്വസ്ഥതകള്‍ക്ക് കാരണമാകുമെന്നുമാണ് വിശ്വാസം. മുള്ളുകളുള്ള ചെടികള്‍ മുതല്‍ ഉണങ്ങിയ ചെടികള്‍ വരെ ഈ പട്ടികയിലുണ്ട്. (Image Credit Source: Getty Images)

റോസ്, ക്രൗണ്‍ ഓഫ് തോണ്‍സ് തുടങ്ങിയ മുള്ളുകളുള്ള ചെടികള്‍ വീടിനുള്ളില്‍ വളര്‍ത്തുന്നത് ഒഴിവാക്കണമെന്ന് ചില പരമ്പരാഗത വിശ്വാസങ്ങള്‍ പറയുന്നു. ഇവ വീട്ടില്‍ തര്‍ക്കങ്ങള്‍ക്കും മാനസിക അസ്വസ്ഥതകള്‍ക്കും കാരണമാകുമെന്നാണ് വിശ്വാസം. പൂക്കളുടെ സൗന്ദര്യം കാരണം റോസ് ചെടികള്‍ക്ക് വലിയ പ്രിയമുണ്ടെങ്കിലും മുള്ളുകള്‍ നെഗറ്റീവ് ഊര്‍ജത്തെ സൂചിപ്പിക്കുന്നതായാണ് ചിലര്‍ കരുതുന്നത്.

വീട്ടില്‍ ഉണങ്ങിപ്പോയതോ ചത്തുപോയതോ ആയ ചെടികള്‍ സൂക്ഷിക്കുന്നത് ഒഴിവാക്കണമെന്നാണ് പൊതുവെ നിര്‍ദേശിക്കപ്പെടുന്നത്. ഇത്തരം ചെടികള്‍ നാശത്തിന്റെയും അവഗണനയുടെയും പ്രതീകമായി കണക്കാക്കപ്പെടുന്നു. ഇവ വീട്ടിലെ പോസിറ്റീവ് ഊര്‍ജത്തെ കുറയ്ക്കുമെന്നും അന്തരീക്ഷത്തില്‍ മടുപ്പുണ്ടാക്കുമെന്നുമാണ് വിശ്വാസം.

വീടിനുള്ളില്‍ വളര്‍ത്താന്‍ എളുപ്പമുള്ള ചെടികളിലൊന്നാണ് സ്‌നേക്ക് പ്ലാന്റ്. നീളമുള്ള കൂര്‍ത്ത ഇലകളും ആകര്‍ഷകമായ രൂപവുമാണ് ഇതിന്റെ പ്രത്യേകത. വായുവിന്റെ ഗുണനിലവാരം മെച്ചപ്പെടുത്താന്‍ സഹായിക്കുമെന്ന കാരണത്താലും ഈ ചെടിക്ക് പ്രചാരമുണ്ട്. എന്നാല്‍ ഇതിനെ മദര്‍ ഇന്‍ ലോസ് ടങ് എന്നും വിളിക്കുന്നതിനാല്‍ ദാമ്പത്യബന്ധങ്ങളിലും കുടുംബബന്ധങ്ങളിലും അസ്വസ്ഥതയുണ്ടാക്കുമെന്ന വിശ്വാസം ചിലയിടങ്ങളിലുണ്ട്.

ചെടികളിലെ ഇലകളുടെ എണ്ണവും വീട്ടിലെ ഐശ്വര്യവും തമ്മില്‍ ബന്ധമുണ്ടെന്ന് ചില പരമ്പരാഗത വിശ്വാസങ്ങള്‍ പറയുന്നു. ഇരട്ടസംഖ്യകള്‍ സന്തുലിതാവസ്ഥയുടെയും വളര്‍ച്ചയുടെയും പ്രതീകമാണെന്നും ഒറ്റസംഖ്യകള്‍ അസന്തുലിതാവസ്ഥയെ സൂചിപ്പിക്കുമെന്നുമാണ് ഈ വിശ്വാസം. അതുകൊണ്ട് ഒറ്റസംഖ്യയില്‍ ഇലകളുള്ള ചെടികള്‍ വീട്ടില്‍ വളര്‍ത്തുന്നത് ഒഴിവാക്കണമെന്നും ചിലര്‍ കരുതുന്നു. എന്നാല്‍ ഇലകളുടെ എണ്ണം കുടുംബത്തിന്റെ ഭാഗ്യത്തെയോ വീട്ടിലെ സമാധാനത്തെയോ ബാധിക്കുന്നുവെന്നതിന് ശാസ്ത്രീയ തെളിവുകളില്ല.

പുതുതലമുറയ്ക്ക് ഫിറ്റ്‌നസ് ഉപദേശങ്ങളുമായി എംഎസ് ധോണി. സോഷ്യല്‍ മീഡിയയില്‍ വൈറലാകുന്ന ഒരു വീഡിയോയിലൂടെയാണ് ധോണിയുടെ ഉപദേശങ്ങള്‍ പുറത്തുവന്നത്. ഇത് എന്ന് ചിത്രീകരിച്ച വീഡിയോ ആണെന്ന് വ്യക്തമല്ല. ജെന്‍സി, ജെന്‍ ആല്‍ഫ, മില്ലേനിയലുകള്‍ എന്നിവര്‍ക്കാണ് ധോണിയുടെ ഉപദേശം (Image Credit Source: PTI).

രാവിലെ കിടക്കയിൽ നിന്ന് എഴുന്നേൽക്കാൻ പോലും പാടുപെടുന്ന യുവതലമുറയ്ക്ക് എന്തെങ്കിലും ഉപദേശം നല്‍കാനുണ്ടോയെന്ന ചോദ്യത്തോട് പ്രതികരിക്കുകയായിരുന്നു ധോണി. ആരോഗ്യവുമായി ബന്ധപ്പെട്ടാണ് തനിക്ക് ഉപദേശിക്കാനുള്ളതെന്ന് ധോണി പറഞ്ഞു. കാർബോഹൈഡ്രേറ്റ് സമ്പുഷ്ടമായ ഭക്ഷണരീതിയാണ് ഇന്ത്യയില്‍ കൂടുതലായും പിന്തുടരുന്നത്. പണ്ട് നമ്മുടെ ദൈനംദിന ജീവിതത്തിൽ കഠിനമായ ശാരീരിക അധ്വാനം കൂടുതലായിരുന്നുവെന്ന് അദ്ദേഹം ചൂണ്ടിക്കാട്ടി.

ഇപ്പോൾ, അതേ ഭക്ഷണശീലങ്ങൾ പുതിയ തലമുറയിലേക്കും കൈമാറ്റം ചെയ്യപ്പെട്ടിരിക്കുന്നു, എന്നാൽ ശാരീരിക അധ്വാനവും ആക്റ്റിവിറ്റിയും ഗണ്യമായി കുറഞ്ഞിരിക്കുകയാണ്. താമസിക്കുന്ന ഫ്ലാറ്റിൽ നിന്ന് താഴെയിറങ്ങുമ്പോൾ തന്നെ ഒരു ഓട്ടോയോ ടാക്സിയോ വിളിക്കുന്നു. ജോലിസ്ഥലത്തേക്ക് പോകുമ്പോൾ ഒരു വാഹനത്തിനുള്ളിലും, അവിടെയെത്തിയാൽ ഒരു ഡെസ്കിന് മുന്നിലും നിങ്ങൾ ഇരിക്കുന്നുവെന്നും ധോണി പറഞ്ഞു.

ശാരീരിക അധ്വാനം ഗണ്യമായി കുറഞ്ഞിരിക്കുന്നു. തങ്ങള്‍ വളർന്നുവരുന്ന കാലത്ത് ഇന്ത്യയിൽ ഫാസ്റ്റ് ഫുഡ് സംസ്കാരം കണ്ടുതുടങ്ങുന്നതേ ഉണ്ടായിരുന്നുള്ളൂ. എന്നാൽ ഇന്ന് അത് അതിന്റെ ഉച്ചസ്ഥായിയിലാണ്. മധുരമുള്ളതും എണ്ണയിൽ വറുത്തതുമായ ഭക്ഷണങ്ങൾ ആരോഗ്യത്തിന് നല്ലതല്ല. രാജ്യത്തിലെ വളരെ ചെറിയൊരു വിഭാഗം ആളുകൾ ഫിറ്റ്നസിന് പ്രാധാന്യം നൽകുന്നവരായി മാറിയിട്ടുണ്ട്, എന്നാൽ ആ ചെറിയ വിഭാഗത്തെക്കുറിച്ചല്ല നമ്മൾ സംസാരിക്കുന്നതെന്നും ധോണി പറഞ്ഞു.

സ്കൂളിലെ എല്ലാ കായിക ഇനങ്ങളിലും പങ്കെടുക്കാൻ താന്‍ വിദ്യാര്‍ത്ഥികളോട് ഉപദേശിക്കും. പ്രത്യേക കഴിവുകൾ ഉണ്ടായിരിക്കാം, അത് കണ്ടെത്തി പരിപോഷിപ്പിക്കുക. 30-ഓ 35-ഓ വയസ്സെത്തുമ്പോൾ, ജീവിതത്തിന്റെ മധ്യഘട്ടം കൂടുതൽ മികച്ചതാക്കാൻ നിങ്ങൾക്ക് സാധിച്ചുവെന്ന് ബോധ്യപ്പെടും. ഒരാൾക്ക് ശാരീരികക്ഷമതയ്ക്കായി ഒരു മണിക്കൂർ മാറ്റിവെക്കാനും, അതോടൊപ്പം ലളിതമായ ഭക്ഷണശീലങ്ങൾ പിന്തുടരാനും കഴിയുമെങ്കിൽ, അത് വളരെ മികച്ച കാര്യമായിരിക്കുമെന്നും അദ്ദേഹം വ്യക്തമാക്കി.

ഇന്ത്യയിലെ ഏറ്റവും വലിയ മൂന്നാമത്തെ ടെലിക്കോം കമ്പനിയായ വൊഡാഫോൺ ഐഡിയ തങ്ങളുടെ വരിക്കാർക്കായി രണ്ട് പുതിയ റീച്ചാർജ് പ്ലാനുകൾ അ‌വതരിപ്പിച്ചു. 599 രൂപ, 899 രൂപ എന്നീ വിലകളിലാണ് ഈ പുതിയ പ്ലാനുകൾ എത്തിയിരിക്കുന്നത്. ഇതിൽ 599 രൂപയുടെ പ്ലാനിന് 56 ദിവസത്തെ വാലിഡിറ്റിയാണുള്ളത്. (Image credit: Getty Images, VI)

ഒരു മാസത്തിലധികം വാലിഡിറ്റിയിൽ ഒരു റീച്ചാർജ് പ്ലാൻ തേടുന്നവർക്ക് അ‌നുയോജ്യമായ വിധത്തിലാണ് 599 രൂപയുടെ വിഐ പ്രീപെയ്ഡ് പ്ലാൻ എത്തിയിരിക്കുന്നത്. 899 രൂപയുടെ പുതിയ വിഐ പ്ലാനിന് 84 ദിവസത്തെ വാലിഡിറ്റിയാണ് ഉള്ളത്. സർക്കിളുകൾ മാറുന്നതനുസരിച്ച് 899 രൂപയുടെ പ്ലാനിലെ ആനുകൂല്യങ്ങളിൽ ചെറിയ വ്യത്യാസങ്ങളും ഉണ്ട്.

899 രൂപയുടെ പ്ലാനിൽ ചില സർക്കിളുകളിൽ ദിവസവും 1.5 GB ഡാറ്റയും, മറ്റ് ചില സർക്കിളുകളിൽ ദിവസവും 2 GB ഡാറ്റയും ആണ് ഉൾപ്പെടുത്തിയിരിക്കുന്നത്. 859 രൂപയുടെ ഒരു പ്രീപെയ്ഡ് പ്ലാൻ വിഐ നേരത്തെ പിൻവലിച്ചിരുന്നു. ഈ പ്ലാനിന് പകരമായി കൊണ്ടുവന്ന, നിരക്ക് വർദ്ധിപ്പിച്ച ഒരു പ്ലാനാണ് 899 രൂപയുടെ പ്ലാൻ എന്ന് ചിലർ അഭിപ്രായപ്പെടുന്നു. കേരളത്തിൽ ഈ പുതിയ രണ്ട് പ്ലാനുകളും ലഭ്യമാണ്.

599 രൂപയുടെ വിഐ പ്ലാൻ: 56 ദിവസ വാലിഡിറ്റിയിൽ എത്തുന്ന ഈ പ്ലാനിൽ പ്രതിദിനം 2ജിബി ഡാറ്റ, അ‌ൺലിമിറ്റഡ് കോളിങ്, ദിവസം 100 എസ്എംഎസ് എന്നീ ആനുകൂല്യങ്ങൾ ഉൾപ്പെടുന്നുണ്ട്. ഇതിനുപുറമെ, 'വീക്കെൻഡ് ഡാറ്റ റോൾഓവർ', 'ബിഞ്ച് ഓൾ നൈറ്റ്', 'ഡാറ്റ ഡിലൈറ്റ്‌സ്' തുടങ്ങിയ ആനുകൂല്യങ്ങളും ഉപയോക്താക്കൾക്ക് ലഭിക്കും.

899 രൂപ വിഐ പ്രീപെയ്ഡ് പ്ലാൻ: 84 ദിവസത്തെ വാലിഡിറ്റിയിൽ എത്തുന്ന ഈ പ്ലാനിൽ കേരള സർക്കിളിൽ ദിവസവും 1.5GB ഡാറ്റ, അൺലിമിറ്റഡ് വോയിസ് കോളുകൾ, ദിവസവും 100 SMS എന്നിവ ലഭിക്കും. കൂടാതെ, രാത്രി 12 മണി മുതൽ രാവിലെ 6 മണി വരെ അൺലിമിറ്റഡ് ഡാറ്റയും ഇതിൽ ലഭിക്കും.

'വീക്കെൻഡ് ഡാറ്റ റോൾഓവർ' സൗകര്യവും, Vi-യുടെ വകയായി പ്രതിമാസം 2 GB അധിക ഡാറ്റയും 899 രൂപയുടെ പ്ലാനിൽ ലഭിക്കും. ഈ പ്ലാനിന്റെ ദൈനംദിന ചെലവ് ഏകദേശം 10.7 രൂപയാണ്. ​599 രൂപയുടെ വിഐ പ്രീപെയ്ഡ് പ്ലാനിന്റെ പ്രതിദിന ചെലവ് ഏകദേശം 10.6 രൂപയാണ്.

ആപ്പിൾ ഇഷ്ടമില്ലാത്തവരായി ആരും തന്നെയുണ്ടാകില്സ. എന്നാൽ, കടകളിൽ നിന്ന് ആപ്പിൾ വാങ്ങുമ്പോൾ പുറമെ കാണുന്ന ഭംഗി മാത്രം നോക്കി വാങ്ങാറുണ്ടോ? കടയിൽ വെച്ച് കാണാൻ നല്ല ചുവപ്പും തിളക്കുവുമുണ്ടെങ്കിലും വീട്ടിലെത്തി കഴിച്ചുനോക്കുമ്പോൾ ചിലപ്പോൾ മധുരമില്ലാത്തതായി തോന്നാറുണ്ട്. ആപ്പിളിന്റെ നിറം നോക്കി മാത്രം അതിന് മധുരം ഉണ്ടോയെന്ന് കണ്ടെത്താൻ സാധിക്കില്ല. എന്നാൽ മധുരമുള്ള ആപ്പിൾ കൃത്യമായി തിരഞ്ഞെടുക്കാൻ ചില മാർഗങ്ങളുണ്ട് ..... (Image Credit source: Getty Images)

വലിപ്പം മാത്രം നോക്കി ആപ്പിൾ വാങ്ങിക്കരുത്. വലിപ്പമല്ല, ആപ്പിളിന്റെ ഭാരമാണ് പ്രധാനം. കൈയിലെടുക്കുമ്പോൾ അതിന്റെ വലിപ്പത്തിന് അനുസരിച്ചുള്ള ഭാരം ഉണ്ടോ എന്ന് നോക്കുക. ഉള്ളിൽ ജലാംശം നഷ്ടപ്പെടാത്ത നല്ല പുതിയ ആപ്പിളിന് ഭാര കൂടുതൽ ഉണ്ടായിരിക്കും. ഭാരം കുറഞ്ഞവയ്ക്ക് മധുരം കുറവായിരിക്കും.

അതുപോലെ മണം നോക്കി വാങ്ങുക. നല്ലതുപോലെ പഴുത്ത മധുരമുള്ള ആപ്പിലുകൾക്ക് അതിന്റെ ഞെട്ടിന്റെ ഭാഗത്ത്നിന്ന് നേരിയൊരു സുഗന്ധം ഉണ്ടാകും. ആപ്പിൾ മൂക്കോട് അടുപ്പിച്ച് പിടിച്ച് മണത്തുനോക്കുമ്പോൾ യാതൊരു മണവും അനുഭവപ്പെടുന്നില്ലെങ്കിൽ അത് പാകമാകുന്നതിന് മുമ്പ് പറിച്ചതോ അല്ലെങ്കിൽ വളരെ നാളുകളായി കടയിൽ കിടക്കുന്നതോ ആയിരിക്കും.

ആപ്പിളിന്റെ നിറം കണ്ട് പറ്റിക്കപ്പെടരുത്. നിറത്തേക്കാൾ പ്രധാനം തൊലിയുടെ ദൃഢതയാണ്. തള്ളവിരൽ കൊണ്ട് ചെറുതായി അമർത്തുമ്പോൾ ആപ്പിളിന്റെ തൊലി അയഞ്ഞുപോകുന്നില്ലെങ്കിൽ അത് വാങ്ങാം. അതുപോലെ, പുതിയ ആപ്പിളിന്റെ ഞെട്ട് ചെറുതായി പച്ചനിറത്തിലും പാത്രത്തോട് ദൃഢമായി പറ്റിനിൽക്കുന്നതുമായിരിക്കും. ഞെട്ടിന്റെ ഭാഗം ഉണങ്ങി ചുളിവ് വീണിരിക്കുകയോ അല്ലെങ്കിൽ ഞെട്ട് നഷ്ടപ്പെടുകയോ ചെയ്തിട്ടുണ്ടെങ്കിലും വാങ്ങരുത്.

വിരൽ കൊണ്ട് ആപ്പിളിൽ ചെറുതായി തട്ടിനോക്കുക. പൊള്ളയായ ശബ്ദത്തിന് പകരം അല്പം കനത്ത ശബ്ദമാണ് കേൾക്കുന്നതെങ്കിൽ ഉള്ളിലെ കാമ്പ് ദൃഢവും ജലാംശം നിറഞ്ഞതുമാണെന്ന് മനസ്സിലാക്കാം. പൊള്ളയായ ശബ്ദമാണ് വരുന്നതെങ്കിൽ ഉള്ളിൽ ഉണങ്ങിത്തുടങ്ങിയിട്ടുണ്ടാകാം. ഇനി ആപ്പിൾ വാങ്ങാൻ പോകുമ്പോൾ ഈ വിദ്യയും പ്രയോഗിക്കാം.

അടുക്കളയിൽ സ്റ്റെയിൻലെസ്സ് സ്റ്റീൽ പാത്രങ്ങൾ ഉപയോഗിക്കുന്നവർ ഏറെയാണ്. എന്നാൽ സ്റ്റീൽ പാത്രങ്ങളിൽ പാചകം ചെയ്യുമ്പോൾ മീൻ, ദോശ പോലുള്ള ആഹാര സാധനങ്ങൾ പലപ്പോഴും ഒട്ടിപ്പിടിക്കാറുണ്ട്. ഇത് പലരെയും നേരിടുന്ന ബുദ്ധിമുട്ടാണ്. എന്നാൽ ചില ചെറിയ കാര്യങ്ങൾ ശ്രദ്ധിച്ചാൽ സ്റ്റീൽ പാത്രങ്ങളിൽ ഭക്ഷണം ഒട്ടാതെ തന്നെ എളുപ്പത്തിൽ പാചകം ചെയ്യാവുന്നതാണ്. (Image Credit source: Getty Images)

സ്റ്റീൽ പാത്രങ്ങൾ ഉപയോഗിക്കുമ്പോൾ നന്നായി ചൂടാക്കാൻ ശ്രദ്ധിക്കണം. തണുത്ത പാത്രത്തിലേക്ക് എണ്ണയോ ഭക്ഷണമോ ഒരിക്കലും ഇടരുത്. ആദ്യം പാത്രം നന്നായി ചൂടാക്കുക. പാൻ പാകത്തിന് ചൂടായോ എന്നറിയാൽ കുറച്ച് തുള്ളി വെള്ളം തളിട്ട് നോക്കാം. വെള്ളം ചെറിയ തുള്ളികളായി ഉരുണ്ടുനീങ്ങുകയാണെങ്കിൽ പാൻ പാകത്തിന് ചൂടായി എന്നർത്ഥം.

പാൻ നന്നായി ചൂടായ ശേഷം മാത്രം അതിലേക്ക് ആവശ്യത്തിന് എണ്ണയോ നെയ്യോ ഒഴിക്കുക. ചൂടായ പാത്രത്തിലേക്ക് എണ്ണ ഒഴിച്ച് പാനിൽ എല്ലായിടത്തും പരന്നൊഴുകാൻ അനുവദിക്കണം. അതിന് ശേഷം മാത്രം പാചകം ചെയ്യാനുള്ള സാധനങ്ങൾ ഇടുക. ഇത് ഭക്ഷണങ്ങൾ അടിയിൽ ഒട്ടിപിടിക്കുന്നത് ഒരു പരിധി വരെ ഒഴിവാക്കും.

അതുപോലെ ഫ്രിഡ്ജിൽ വെച്ച തണുത്ത മാവോ മറ്റ് ഭക്ഷ്യവസ്തുക്കളോ നേരിട്ട് സ്റ്റീൽ പാനിലേക്ക് മാറ്റരുത്. ഫ്രിഡ്ജിൽ നിന്ന് എടുത്ത് അരമണിക്കൂർ എങ്കിലും പുറത്ത് വച്ച ശേഷം മാത്രമേ പാചകം ചെയ്യാവൂ. അതുപോലെ, സ്റ്റീൽ പാത്രങ്ങൾക്ക് ചൂട് പെട്ടെന്ന് ആഗിരണം ചെയ്യാനുള്ള ശേഷിയുണ്ട്. അതിനാൽ തീ വളരെ കൂട്ടി വെച്ച് പാചകം ചെയ്താൽ ഭക്ഷണങ്ങൾ പെട്ടെന്ന് കരിഞ്ഞുപോകയോ അടിയിൽ പിടിക്കുകയോ ചെയ്തേക്കാം.

മീനോ മുട്ടയോ മറ്റ് വറുത്ത സാധനങ്ങളോ സ്റ്റീൽ പാനിൽ വെക്കുമ്പോൾ, പാത്രത്തിലിട്ട ഉടൻ തന്നെ അത് തിരിക്കാനോ ഇളക്കാനോ ശ്രമിക്കരുത്. അത് ഒരു വശം നന്നായി മൊരിയുന്നതുവരെ അൽപനേരം പാത്രത്തിൽ തന്നെ ഇരിക്കാൻ അനുവദിക്കുക. പാൻ പാകത്തിന് ചൂടായിട്ടുണ്ടെങ്കിൽ, ഒരു വശം മൊരിഞ്ഞു കഴിയുമ്പോൾ ഭക്ഷണം തനിയെ പാത്രത്തിൽ നിന്ന് വിട്ടുവരും.

കഴിഞ്ഞ കുറച്ച് മണിക്കൂറുകളായി അഹാന കൃഷ്ണയുടെ സഹോദരി ദിയാ കൃഷ്ണ സമൂഹമാധ്യമങ്ങളിൽ വലിയ രീതിയിലുള്ള വിമർശനങ്ങൾക്കാണ് വിധേയ ആകുന്നത്. അതിനു കാരണം അവർ ഒരു ഇൻഫ്ലുവൻസറിന്റെ സോഷ്യൽ മീഡിയ പോസ്റ്റിൽ നൽകിയ കമന്റ് ആണ്. ഉത്തരേന്ത്യയിൽ നിന്നുള്ള ഇൻഫ്ലുവൻസർ ആയ അമൃത സിംഗ് ആണ് കൊച്ചിയിലെ മുസ്ലിം സമുദായങ്ങളെ വിമർശിക്കുന്ന രീതിയിലുള്ള സോഷ്യൽ മീഡിയ പോസ്റ്റിട്ടത്. കൊച്ചിയിൽ നിറയെ മുസ്ലീങ്ങളാണ്. (IMAGE CREDIT SOURCE: SOCIAL MEDIA SCREEN GRAB)

മാത്രമല്ല ഫോർട്ട് കൊച്ചിയിലെ കാശി എന്നൊരു റസ്റ്റോറന്റിൽ ഗാന്ധിജിക്കൊപ്പം ജിന്നയുടെ ഫോട്ടോ കണ്ടു ഇത് കേരളമാണോ എന്നിങ്ങനെ വിമർശിച്ചു കൊണ്ടായിരുന്നു പ്രസ്തുത യൂട്യൂബർ രംഗത്തെത്തിയിരുന്നത്. ഇതിനു താഴെ സാഡ് റിയാലിറ്റി എന്നായിരുന്നു നൽകിയ കമന്റ്. ഇതിനു പിന്നാലെ വലിയ വിമർശനങ്ങളാണ് ഉണ്ടായത്. ഇന്ത്യയിലെ മുസ്ലിം സമുദായത്തെ മോശമായി ചിത്രീകരിച്ചു മതസ്പർദ്ധ വളർത്തി എന്നിങ്ങനെയുള്ള ചർച്ചകൾ പുരോഗമിക്കവേ,

ടോക്സിക് മല്ലു എന്ന സോഷ്യൽ മീഡിയ ഇൻഫ്ലുവൻസർ തന്റെ സോഷ്യൽ മീഡിയയിൽ പങ്കുവെച്ച് ഒരു പോസ്റ്റിനെ ഇപ്പോൾ മറുപടിയുമായി എത്തിയിരിക്കുകയാണ് സഹോദരിയായ അഹാന കൃഷ്ണ.ഈ വീഡിയോയിൽ ദിയ കൃഷ്ണയെയും ഉത്തരേന്ത്യൻ ഇൻഫ്ലുവൻസറിനെയും വിമർശിക്കുന്ന തരത്തിൽ ആയിരുന്നു ആ വീഡിയോ പങ്കിട്ടത്.

കൊച്ചിയിൽ നിന്നും മുസ്ലീങ്ങളെല്ലാം നാടുകടത്താൻ ശ്രമിക്കുന്ന നോർത്തിന്ത്യൻ ചേട്ടനും അതിനും പിന്തുണ നൽകിയ പ്രമുഖ ഇൻഫ്ലുവൻ ചേച്ചിക്കും എല്ലാവിധ ഐക്യദാർഢ്യം പ്രഖ്യാപിച്ചുകൊണ്ട് ഒന്നും പറയട്ടെ നിങ്ങളുടെ സഹോദരിയുടെ വിവാഹത്തിന് കൊച്ചിയിൽ നിന്ന് ഒരു സിനിമ താരം വന്നിട്ടുണ്ടായിരുന്നു.ദുൽഖർ സൽമാൻ അദ്ദേഹം നിങ്ങളുടെ വീട്ടിലെത്തിയപ്പോൾ ദുൽഖർ മേനോൻ ആയിട്ടാണോ വന്നത് അതോ അയാളെയും നാടുകടത്തുമോ എന്നായിരുന്നു വീഡിയോയിലൂടെ ഇയാൾ പറഞ്ഞത്.

എന്നാൽ ഇതിനു മറുപടിയായി ഇപ്പോൾ അഹാന കൃഷ്ണയാണ് രംഗത്തെത്തിയത്. തന്റെ സഹോദരി പറഞ്ഞ ഒരു കാര്യത്തോടുള്ള പ്രതികരണം എന്ന നിലയിൽ തന്റെ വിവാഹത്തെയും നിങ്ങൾ നിങ്ങളുടെ വീഡിയോയിൽ ഉൾപ്പെടുത്തിയിരിക്കുന്നു. എന്നാൽ ആ കാര്യവുമായി തനിക്ക് യാതൊരു ബന്ധവുമില്ല. നിങ്ങളുടെ യൂസർ നെയിം അന്വർത്തമാക്കുന്ന രീതിയിൽ തന്നെയാണ് താങ്കൾ പെരുമാറുന്നത് തീർത്തും ടോക്സിസ് തന്നെയാണ് താങ്കൾ എന്നാണ് അഹാന മറുപടി നൽകിയിരിക്കുന്നത്.

പച്ചക്കറി വാങ്ങാൻ ചെന്നാൽ മണ്ണില്ലാതെ നല്ല വൃത്തിയായി വെളുത്തു തുടുത്തിരിക്കുന്ന ഉരുളക്കിഴങ്ങുകൾ കാണുമ്പോൾ നമ്മളിൽ പലരും അതിലേക്ക് ആകർഷിക്കപ്പെടാറുണ്ട്. എന്നാൽ കാണാൻ ഭംഗിയുള്ള ഈ ഉരുളക്കിഴങ്ങുകൾ വാങ്ങുന്നത് വഴി നിങ്ങൾ വലിയൊരു അബദ്ധമാണ് കാണിക്കുന്നത്. പലരും പുറത്ത് മണ്ണ് പറ്റിപ്പിടിച്ചിരിക്കുന്ന ഉരുളക്കിഴങ്ങ് വാങ്ങാൻ മടിക്കാറുണ്ട്. മണ്ണുള്ള ഉരുളക്കിഴങ്ങ് തന്നെ വാങ്ങാൻ ശ്രദ്ധിക്കണം എന്ന് പറയാനുള്ള കാരണങ്ങൾ അറിഞ്ഞാൽ നിങ്ങൾ ശരിക്കും അത്ഭുതപ്പെടും. (Image Credit Source: UNSPLASH)

ഉരുളക്കിഴങ്ങിൽ പറ്റിപ്പിടിച്ചിരിക്കുന്ന മണ്ണ് അതിന്റെ സ്വാഭാവിക സംരക്ഷണ കവചമാണ്. ഇത് ഉരുളക്കിഴങ്ങിലെ ഈർപ്പം നഷ്ടപ്പെടാതെ തടയുകയും മാസങ്ങളോളം കേടുകൂടാതെ ഇരിക്കാൻ സഹായിക്കുകയും ചെയ്യുന്നു. കടകളിൽ നല്ല വൃത്തിയോടെ ഇരിക്കുന്ന ഉരുളക്കിഴങ്ങുകൾ പലപ്പോഴും രാസവസ്തുക്കൾ ഉപയോഗിച്ചാണ് കഴുകുന്നത്. വെള്ളവും രാസവസ്തുക്കളും തട്ടുന്നതോടെ കിഴങ്ങിന്റെ തൊലിയിലെ സ്വാഭാവിക പ്രൊട്ടക്റ്റീവ് ലെയർ നഷ്ടപ്പെടുകയും പെട്ടെന്ന് അഴുകിപ്പോകാനും മുളച്ചു വരാനും കാരണമാകുന്നു.

ഉരുളക്കിഴങ്ങ് കഴുകി വിൽക്കുമ്പോൾ അതിലുണ്ടാകുന്ന ഈർപ്പം ഫംഗസ്, ബാക്ടീരിയ വളർച്ചയ്ക്ക് കാരണമാകുന്നു. എന്നാൽ മണ്ണുള്ള കിഴങ്ങുകളിൽ ഈ ഭീഷണി വളരെ കുറവാണ്. മണ്ണിൽ തന്നെ കിടന്ന് സ്വാഭാവികമായി വിളവെടുത്ത കിഴങ്ങുകൾ കഴുകാതെ സൂക്ഷിക്കുമ്പോൾ അതിന്റെ യഥാർത്ഥ നാടൻ രുചിയും പോഷകഗുണങ്ങളും അതുപോലെ നിലനിൽക്കും. കൂടാതെ വീട്ടിൽ വന്ന ശേഷം അവ മുളച്ച് വരുന്നത് തടയുകയും ചെയ്യുന്നു.

ഉരുളക്കിഴങ്ങ് സൂക്ഷിക്കാൻ ഏറ്റവും അനുയോജ്യം തണുപ്പുള്ളതും എന്നാൽ ഈർപ്പമില്ലാത്തതുമായ ഉണങ്ങിയ സ്ഥലമാണ്. നനവുള്ള സ്ഥലങ്ങളിൽ വെച്ചാൽ കിഴങ്ങ് പെട്ടെന്ന് അഴുകിപ്പോകും. വാങ്ങി കൊണ്ടുവരുന്ന പ്ലാസ്റ്റിക് കവറുകളിൽ തന്നെ ഉരുളക്കിഴങ്ങ് സൂക്ഷിക്കുന്നത് വലിയ അബദ്ധമാണ്. പകരം വായുസഞ്ചാരമുള്ള ചാക്കുകളിലോ, മുളകൊണ്ടുള്ള തട്ടുകളിലോ, പേപ്പർ ബാഗുകളിലോ സൂക്ഷിക്കാൻ പ്രത്യേകം ശ്രദ്ധിക്കണം.

ഉരുളക്കിഴങ്ങും സവാളയും ഒരിക്കലും അടുത്തടുത്ത് വെക്കരുത്. സവാള പുറത്തുവിടുന്ന പ്രത്യേക വാതകം ഉരുളക്കിഴങ്ങ് പെട്ടെന്ന് മുളച്ചുപോകാനും അഴുകാനും കാരണമാകും. അതുപോലെ, അടുക്കളയിൽ ചൂട് തട്ടുന്ന സ്ഥലങ്ങളിലോ നേരിട്ട് സൂര്യപ്രകാശം അടിക്കുന്നിടത്തോ ഉരുളക്കിഴങ്ങ് സൂക്ഷിക്കരുത്. ഇത് കിഴങ്ങിന്റെ നിറം മാറാനും വിഷാംശം അടങ്ങാനും ഇടയാക്കും. ഉരുളക്കിഴങ്ങ് വാങ്ങിയുടൻ കഴുകി സൂക്ഷിക്കരുത്. പാചകം ചെയ്യുന്നതിന് തൊട്ടുമുൻപ് മാത്രം ആവശ്യത്തിന് എടുത്ത് കഴുകി ഉപയോഗിക്കുക.

കേരളീയരുടെ പ്രിയപ്പെട്ട ഭക്ഷണങ്ങളിൽ പ്രധാനിയാണ് കപ്പയും മീൻകറിയും. എന്നാൽ കപ്പ വാങ്ങി പുഴുങ്ങുമ്പോൾ പലപ്പോഴും അത് എത്ര സമയം വേവിച്ചാലും വേവാതെ കല്ലുപോലെ കിടക്കുന്നത് വീട്ടമ്മമാരെ അലട്ടുന്ന വലിയൊരു പ്രശ്നമാണ്. നല്ല പഞ്ഞിപോലെ വെന്തു കിട്ടുന്ന നല്ല നാടൻ മരച്ചീനി കടകളിൽ നിന്ന് എങ്ങനെ തിരിച്ചറിഞ്ഞു വാങ്ങാം എന്ന് കൃത്യമായി അറിഞ്ഞിരിക്കണം. ഇതിനായി നിങ്ങൾ അറിഞ്ഞിരിക്കേണ്ട ചില ലളിതമായ സൂത്രവിദ്യകൾ നമുക്ക് നോക്കാം. (Image Credit Source: Social Media)

തൊലിയുടെ നിറം പരിശോധിക്കുക: കപ്പ വാങ്ങുമ്പോൾ അതിന്റെ പുറം തൊലി ചെറുതായി ഒന്ന് പൊളിച്ച് നോക്കുക. തൊലിക്കടിയിലെ മാംസളമായ ഭാഗം നല്ല പിങ്ക് അല്ലെങ്കിൽ ഇളം ചുവപ്പ് നിറത്തിലാണെങ്കിൽ അത് നല്ല വേവുള്ള മരച്ചീനിയാണെന്ന് ഉറപ്പിക്കാം. വെളുത്ത തൊലിയുള്ള കപ്പ ചിലപ്പോൾ വേവില്ലാതെ പോകാൻ സാധ്യതയുണ്ട്. തൊലി എളുപ്പത്തിൽ ഉരിഞ്ഞു പോരുന്നതും കട്ടി കുറഞ്ഞതുമായ മരച്ചീനിയാണ് പാചകത്തിന് ഏറ്റവും നല്ലത്. തൊലിക്ക് കട്ടി കൂടുതലാണെങ്കിൽ അത് വേവാനും കുറേ സമയമെടുക്കും.

മുറിച്ചു നോക്കിയുള്ള പരിശോധന: കടകളിൽ നിന്ന് കപ്പ വാങ്ങുമ്പോൾ അതിന്റെ അഗ്രഭാഗം ചെറിയൊരു കഷ്ണം ഒടിച്ചു നോക്കുക. ഉള്ളിൽ കറുത്ത വരകളോ പുള്ളികളോ ഇല്ലാതെ നല്ല പാൽവെളുപ്പ് നിറത്തിൽ കാണപ്പെടുന്നത് നല്ല ഗുണനിലവാരമുള്ള കപ്പയുടെ ലക്ഷണമാണ്. അമിതമായി വലിപ്പമുള്ള കപ്പകൾ വാങ്ങാതിരിക്കാൻ ശ്രദ്ധിക്കുക. ഒരേ കനത്തിലുള്ള ഇടത്തരം വലിപ്പമുള്ള മരച്ചീനിയാണ് നന്നായി വെന്തു കിട്ടുക.

കപ്പ ചെറിയ കഷണങ്ങളാക്കി മുറിച്ച ശേഷം തിളച്ച വെള്ളത്തിലിട്ട് വേവിക്കുക. ഇത് കപ്പ പെട്ടെന്ന് മൃദുവാകാൻ സഹായിക്കും. വേവിക്കുന്ന വെള്ളത്തിലേക്ക് ആവശ്യത്തിന് ഉപ്പും ഒരു നുള്ള് മഞ്ഞൾപ്പൊടിയും ചേർത്താൽ കപ്പയ്ക്ക് നല്ല മഞ്ഞ നിറവും മികച്ച രുചിയും ലഭിക്കും. കപ്പയുടെ കട്ടി നീക്കാനും കൂടുതൽ മൃദുവാക്കാനും, പകുതി വേവാകുമ്പോൾ ആദ്യത്തെ വെള്ളം ഊറ്റിക്കളഞ്ഞ് വീണ്ടും തിളച്ചവെള്ളം ഒഴിച്ച് വേവിച്ചെടുക്കുന്നത് നല്ലതാണ്.

കപ്പ വേവിക്കുമ്പോൾ രണ്ടോ മൂന്നോ അല്ലി വെളുത്തുള്ളിയോ അല്പം ജീരകമോ ചതച്ചത് ചേർത്താൽ കപ്പയ്ക്ക് നല്ല മണവും ദഹനം എളുപ്പമാകാനും സഹായിക്കും. കപ്പ വെന്തു കഴിഞ്ഞ ശേഷം വെള്ളം ഊറ്റിക്കളഞ്ഞ്, തീ അണച്ച ശേഷം കുറഞ്ഞത് 5 മിനിറ്റ് പാത്രം അടച്ചു വെക്കുക. ആ ആവിയിൽ കിടന്ന് കപ്പ കൂടുതൽ മൃദുവായി മാറും. പിന്നീട് ഇതിലേക്ക് തേങ്ങയും ചെറിയ ഉള്ളിയും ജീരകവും ചതച്ചത് ചേർത്ത് നല്ല നാടൻ കപ്പ പുഴുക്കാക്കി കഴിക്കാം.

ഒരു കിറ്റ് രൂപത്തിൽ 22,990 രൂപ വില വരുന്ന ഈ എഡിഷൻ മോഡൽ സ്ട്രോങ്ങ് ഹൈബ്രിഡ് (Strong Hybrid) വകഭേദത്തെ അടിസ്ഥാനമാക്കിയുള്ളതാണ്. മാരുതി സുസുക്കി വിക്ടോറിസിന്റെ എക്സ്-ഷോറൂം വില 10.50 ലക്ഷം രൂപ മുതൽ 19.99 ലക്ഷം രൂപ വരെയാണ് വരുന്നത്. ( Image Credit Source Maruti Website)

ഓറം എഡിഷൻ മോഡലിൽ വന്നിരിക്കുന്ന പ്രധാന മാറ്റങ്ങൾ - മുൻവശം, വശങ്ങൾ, പിൻഭാഗം എന്നിവിടങ്ങളിലെ സ്കിഡ് പ്ലേറ്റുകളിലും വീൽ ആർച്ചുകളിലും കോപ്പർ ഫിനിഷ് നിറത്തിലുള്ള ഇൻസേർട്ട്സ് നൽകിയിട്ടുണ്ട്; ഇത് വാഹനത്തിന് സവിശേഷമായ ഒരു രൂപം സമ്മാനിക്കുന്നു.

കൂടാതെ, ഫ്രണ്ട് ഗ്രിൽ, ഫെൻഡറുകൾ, ബമ്പറുകൾ, ബോഡി സൈഡ് മോൾഡിംഗുകൾ, ഡോർ വൈസറുകൾ എന്നിവയിൽ ക്രോം ആക്സസറികളും ഉൾക്കൊള്ളിച്ചിരിക്കുന്നു. ഇന്റീരിയറിൽ എല്ലാ കാലാവസ്ഥയ്ക്കും അനുയോജ്യമായ 3D ക്യാബിൻ മാറ്റുകൾ, 3D ബൂട്ട് മാറ്റ്, റിയർ ട്രങ്ക് സിൽ ഗാർഡ് എന്നിവ ഉൾക്കൊള്ളിച്ചിരിക്കുന്നു,

വിക്ടോറിസ് വിപണിയിലെത്തി ആദ്യ വർഷം തന്നെ മികച്ച പ്രകടനം കാഴ്ചവെച്ചതിനെ സൂചിപ്പിക്കുന്ന രീതിയിൽ, സ്വർണം എന്നർത്ഥം വരുന്ന ലാറ്റിൻ പദത്തിൽ നിന്നാണ് ഈ എഡിഷമ് ഓറം എന്നപേര് നൽകിയത്. വിക്ടോറിസിലെ സ്ട്രോങ്ങ് ഹൈബ്രിഡ് പവർട്രെയിനാണ് ഓറം എഡിഷനിലും വരുന്നത്.

1.5 ലിറ്റർ പെട്രോൾ എൻജിൻ, ഒരു ഇലക്ട്രിക് മോട്ടോർ, ലിഥിയം-അയോൺ ബാറ്ററി എന്നിവ ചേർന്നതാണ് ഈ സ്ട്രോങ്ങ് ഹൈബ്രിഡ് പവർട്രെയിൻ സംവിധാനം. ഇതിൽ പ്രത്യേക EV മോഡ് കൂടി ഉൾപ്പെടുത്തിയിട്ടുണ്ട്. ഏകദേശം 116 hp കരുത്തും 122 Nm ടോർക്കും ഉത്പാദിപ്പിക്കാൻ ഈ സംവിധാനത്തിന് കഴിയുന്നു.