Drone Banned: ഹൈദരാബാദ് അന്താരാഷ്ട്ര വിമാനത്താവളത്തിന് സമീപത്തും സൈബറാബാദിലും ഡ്രോൺ ഉപയോ​ഗം നിരോധിച്ചു

ഹൈദരാബാദ്: ഇന്ത്യാ പാക് സംഘർഷ നിലനിന്ന സാഹചര്യത്തിൽ ഹൈദരാബാദ് അന്താരാഷ്ട്ര വിമാനത്താവളത്തിന് സമീപത്തും സൈബറാബാദിലും ഡ്രോണുകൾക്ക് നിരോധനം. ഒരു മാസത്തേക്കാണ് ഡ്രോണുകളുടെ ഉപയോ​ഗത്തിന് നിരോധനം ഏർപ്പെടുത്തിയിരിക്കുന്നത്. സൈബരാബാദ് കമ്മീഷണറാണ് ഉത്തരവിറക്കിയത്. ക‍ർണാടകയിൽ ആഭ്യന്തരസുരക്ഷ വിലയിരുത്തുന്നതിനായി ഇന്ന് വൈകിട്ട് മുഖ്യമന്ത്രി സിദ്ധരാമയ്യ യോഗം വിളിച്ചിരുന്നു. ഇതിന് പിന്നാലെയാണ് തീരുമാനം.

വരാനിരിക്കുന്ന മിസ്സ് വേൾഡ് മത്സരം കണക്കിലെടുത്ത്, ഹൈദരാബാദ് സിറ്റി പോലീസ് നഗരത്തിലെ പ്രധാന സ്ഥലങ്ങളിൽ ഡ്രോണുകൾ, പാരാ-ഗ്ലൈഡറുകൾ, മറ്റ് റിമോട്ട് നിയന്ത്രിത മൈക്രോ ലൈറ്റ് വിമാനങ്ങൾ എന്നിവയ്ക്കെല്ലാം നിരോധനം ഏർപ്പെടുത്തിയിട്ടുണ്ട്. ഈ ഉത്തരവുകൾ ലംഘിച്ചാൽ നിയമപരമായ പ്രത്യാഘാതങ്ങൾ നേരിടേണ്ടി വരുമെന്നും പോലീസ് മുന്നറിയിപ്പ് നൽകിയിട്ടുണ്ട്.