Kochi Man Attack: ‘കത്തിയെരിഞ്ഞു ചാകടാ’…: കൊച്ചിയിൽ മധ്യവയസ്കനെ പെട്രോളൊഴിച്ച് തീ കൊളുത്തി കൊല്ലാൻ ശ്രമം

പ്രതീകാത്മക ചിത്രം

കൊച്ചി: റോഡരികിൽ കിടന്നുറങ്ങിയ മധ്യവയസ്കനെ പെട്രോളൊഴിച്ച് (Kochi Man Attacked by petrol) തീ കൊളുത്തി കൊല്ലാൻ ശ്രമം. പിറവം കാരക്കോട് അഞ്ചു സെന്റ് കോളനിയിൽ നെല്ലിക്കുഴി വീട്ടിൽ ജോസഫ് മാത്യുവാണ് (56) ആക്രമണത്തിന് ഇരയായത്. സംഭവത്തിൽ ​ഗുരുതരമായി പൊള്ളലേറ്റ ജോസഫിനെ ചികിത്സയ്ക്കായി ആശുപത്രിയിൽ പ്രവേശിപ്പിച്ചിരിക്കുകയാണ്.

ജോസഫിനെ തീ കൊളുത്തിയെന്ന് കരുതുന്ന കടവന്ത്ര സ്വദേശിയായ ആന്റപ്പനെ പോലീസ് കസ്റ്റഡിയിലെടുത്തിട്ടുണ്ട്. ഇരുവരും തമ്മിൽ പണമിടപാടിനെ ചൊല്ലി തർക്കമുണ്ടായിരുന്നു. ഈ മുൻവൈരാഗ്യമാണ് ആക്രമണത്തിന് പിന്നിലെന്നാണ് പോലീസ് കരുതുന്നത്. ഇന്ന് പുലർച്ചെ ഒരു മണിയോടെയാണ് സംഭവം.

ALSO READ: മലപ്പുറത്ത് ഹണിട്രാപ്പിൽ യുവതി ഉള്‍പ്പെടെ 4 പേര്‍ അറസ്റ്റില്‍

സഹോദരൻ അയ്യപ്പൻ റോഡിൽ മെട്രോ തൂണുകൾക്കിടയിലുള്ള സ്ഥലത്താണ് ജോസഫ് കിടന്നുറങ്ങിയത്. ആ സമയം ജോസഫിനെ ആന്റപ്പൻ പെട്രോളൊഴിച്ച് തീകൊളുത്തുകയായിരുന്നു. ജോസഫിന്റെ കൈവശം നിന്ന് ആന്റപ്പൻ എടുത്ത പണം തിരികെ ചോദിച്ചതിന്റെ വൈരാ​ഗ്യമാണ് ആക്രമണത്തിന് പ്രേരിപ്പിച്ചത്. ‘നീ കത്തി എരിഞ്ഞു ചാകടാ’ എന്ന് ആക്രോശിച്ചു കൊണ്ടായിരുന്നു ആന്റപ്പൻ ആക്രമണം നടത്തിയതെന്നാണ് പോലീസ് എഫ്ഐആറിൽ പറയുന്നത്.