Kochi Metro: തൃപ്പൂണിത്തുറ വൃശ്ചികോത്സവത്തിൽ മെട്രോ സർവീസ് നീട്ടി; 11.30 വരെ സർവീസുണ്ടാവുമെന്ന് അറിയിപ്പ്

തൃപ്പൂണിത്തുറ ശ്രീ പൂര്‍ണത്രയീശ ക്ഷേത്രോല്‍സവത്തോടനബുന്ധിച്ച് കൊച്ചി മെട്രോ സർവീസ് നീട്ടി. ഈ മാസം 19 ബുധനാഴ്ച മുതലാണ് സർവീസ് നീട്ടിയത്. സാധാരണ 10.30 വരെയാണ് മെട്രോ സർവീസ്. ഇത് ഒരു മണിക്കൂർ കൂടി നീട്ടി 11.30 വരെയാക്കി. നവംബർ 19 മുതൽ 26 വരെയാണ് ശ്രീ പൂർണത്രയീശ ക്ഷേത്ര മഹോത്സവം.

തങ്ങളുടെ ഫേസ്ബുക്ക് പേജിലൂടെ കൊച്ചി മെട്രോ തന്നെയാണ് ഇക്കാര്യം അറിയിച്ചത്. ഈ മാസം 19 മുതൽ 26 വരെ തൃപ്പൂണിത്തുറയിൽ നിന്ന് ആലുവയിലേക്കുള്ള സർവീസ് 11.30 വരെ നീളും. 10.30ന് ശേഷം 20 മിനിട്ട് ഇടവിട്ട് 11.30 വരെയാവും സർവീസ് ഉണ്ടാവുക. തിരിച്ച് ആലുവയിൽ നിന്ന് തൃപ്പൂണിത്തുറയിലേക്കുള്ള സർവീസ് 10.30 വരെ മാത്രമേ ഉണ്ടാവൂ.

Also Read: Sabarimala new restrictions: തിരക്ക് കൂടുന്നു… ശബരിമലയിൽ ഇന്ന് മുതൽ കൂടുതൽ നിയന്ത്രണങ്ങൾ

കൊച്ചി മെട്രോയുടെ ഫേസ്ബുക്ക് പോസ്റ്റ്:

തൃപ്പൂണിത്തുറ ശ്രീ പൂര്‍ണത്രയീശ ക്ഷേത്രോല്‍സത്തോടനബുന്ധിച്ച് കൊച്ചി മെട്രോ 19 ബുധനാഴ്ച മുതല്‍ 26 ബുധനാഴ്ചവരെ തുപ്പൂണിത്തുറയില്‍ നിന്ന് ആലുവയിലേക്കുള്ള സര്‍വ്വീസ് രാത്രി 11.30 വരെ നീട്ടി. രാത്രി 10.30 നുശേഷം ആലുവയിലേക്ക് 20 മിനിറ്റ് ഇടവിട്ട് 11.30 വരെ സര്‍വ്വീസുണ്ടായിരിക്കും. ആലുവയില്‍ നിന്ന് തൃപ്പൂണിത്തുറയ്ക്കുള്ള സര്‍വ്വീസ് നിലവിലുള്ളതുപോലെ 10.30 വരെയേ ഉണ്ടായിരിക്കുയുള്ളൂ.

തൃപ്പൂണിത്തുറ വൃശ്ചികോത്സവം അഥവാ ശ്രീ പൂര്‍ണത്രയീശ ക്ഷേത്രോല്‍സത്തോടനബുന്ധിച്ച് വിവിധ പരിപാടികളാണ് തീരുമാനിച്ചിരിക്കുന്നത്. ഓട്ടൻ തുള്ളൽ, കഥകളി, പഞ്ചവാദ്യം, സംഗീതകച്ചേരികൾ തുടങ്ങിയവയൊക്കെ വിവിധ ദിവസങ്ങളിലായി നടക്കും. 36 ആനകളെയാണ് ഉത്സവത്തിൽ എഴുന്നള്ളിക്കുന്നത്.

പോസ്റ്റ് കാണാം