Thiruvananthapuram Water Supply : വെള്ളം എടുത്തുവെച്ചോ? നാളെ തിരുവനന്തപുരത്ത് ഇവിടെയെല്ലാം ജലവിതരണം തടസ്സപ്പെടും
Thiruvananthapuram Water Supply Disrupt Updates : കുര്യാത്തി സെക്ഷൻ പരിധിയിലുള്ള ഇടങ്ങളിലാണ് ജല വിതരണം മുടങ്ങുക. രാവിലെ എട്ട് മുതൽ വൈകിട്ട് എട്ട് വരെയാണ് ജല വിതരണം തടസ്സപ്പെടുക
തിരുവനന്തപുരം : തലസ്ഥാനത്തെ ജലവിതരണം വീണ്ടും അവതാളത്തിൽ. തിരുവനന്തപുരം നഗരത്തിലെ പ്രധാന കേന്ദ്രങ്ങളിൽ നാളെ ഫെബ്രുവരി 18-ാം ജല വിതരണം മുടങ്ങും. കുര്യാത്തി, പാറ്റൂർ എന്നീ സെക്ഷൻ പരിധിയിൽ വരുന്ന ഇടങ്ങളിലാണ് നാളെ ജല വിതരണം മുടങ്ങുക. രാവിലെ എട്ട് മുതൽ വൈകിട്ട് എട്ട് വരെ ജല വിതരണം തടസ്സപ്പെടുമെന്ന് സംസ്ഥാന ജല അതോറിറ്റി അറിയിച്ചു.
നാളെ ജല അതോറിറ്റിയുടെ വെള്ളയമ്പലത്തുള്ള ജല ശുദ്ധീകരണ ശാലയിൽ ശുചീകരണ പ്രവർത്തനങ്ങളും ഭൂതല ജല സംഭരണികളെ ബന്ധിപ്പിക്കുന്ന 600എംഎം വാൽവ് മാറ്റിസ്ഥാപിക്കുന്ന പ്രവർത്തിയും നടക്കുന്നതിനാലാണ് ജല വിതരണം തടസ്സപ്പെടുന്നതെന്ന് വാട്ടർ അതോറിറ്റി അറിയിച്ചു. ഉപയോക്താക്കൾ വേണ്ട മുൻകരുതലുകൾ സ്വീകരിക്കണമെന്ന് KWA അറിയിപ്പ് നൽകി.
ALSO READ : തിരുവനന്തപുരത്ത് അവധി വരുന്നു, ഒപ്പം മദ്യ നിരോധനവും, ഈ ദിവസം ഓർത്തുവെച്ചോളൂ
നാളെ ജല വിതരണം മുടങ്ങുന്ന സ്ഥലങ്ങൾ
കുര്യാത്തി സെക്ഷൻ – തമ്പാനൂർ, ഫോർട്ട്, ശ്രീവരാഹം, ചാല, വലിയശാല, കുര്യാത്തി, മണക്കാട്, ആറ്റുകാൽ, വള്ളക്കടവ്, മുട്ടത്തറ, കമലേശ്വരം, കളിപ്പാൻകുളം, പെരുന്താന്നി വാർഡുകൾ
പാറ്റൂർ സെക്ഷൻ – ശ്രീകണ്ഠേശ്വരം, പാൽകുളങ്ങര വാർഡുകളി തുടങ്ങിയ വാർഡുകളിലാണ് ജലവിതരണം മുടങ്ങുക.
സമയം : നാളെ രാവിലെ എട്ട് മുതൽ രാത്രി എട്ട് വരെയാണ് ജലവിതരണം മുടങ്ങുക
