Healthy snacks: സ്നാക്സ് കഴിക്കരുതെന്ന് ആരു പറഞ്ഞു… രുചിയും ​ഗുണവുമുള്ള 10 ലഘുഭക്ഷണങ്ങൾ നിർദ്ദേശിച്ച് എയിംസ് വിദ​ഗ്ധർ

Healthy Snacks

കൊച്ചി: സ്നാക്സ് പൊതുവെ ആരോ​ഗ്യത്തിന് നന്നല്ല എന്നാണ് കരുതപ്പെടുന്നത്. എന്നാൽ ഒന്നു ശ്രദ്ധിച്ചാൽ ഇത് ആരോ​ഗ്യകരമായി കഴിക്കാം. ലഘുഭക്ഷണങ്ങൾ കഴിക്കുന്നത് ദഹനത്തെ ദോഷകരമായി ബാധിക്കുമെന്ന ധാരണ തെറ്റാണെന്ന് ​ഗ്യാസ്‌ട്രോഎൻട്രോളജിസ്റ്റും എയിംസ്, ഹാർവാർഡ്, സ്റ്റാൻഫോർഡ് സർവകലാശാലകളിൽ പരിശീലനം നേടിയ ഡോക്ടറുമായ സൗരഭ് സേതി പറയുന്നു. പോഷക സമൃദ്ധവും ദഹനത്തിന് ഉത്തമവുമായ 10 ലഘുഭക്ഷണങ്ങൾ അദ്ദേഹം ഇൻസ്റ്റാഗ്രാം പോസ്റ്റിലൂടെയാണ് പങ്കുവെച്ചത്.

ദിവസവും കഴിക്കാൻ പറ്റിയ ചില ‘ഗുഡ് സ്നാക്ക്സ്’

• വറുത്ത കടല: നാരുകളും പ്രോട്ടീനും ധാരാളമായി അടങ്ങിയിട്ടുള്ള ഇത് ദഹന വ്യവസ്ഥയെ സഹായിക്കുന്നു.
• തൈരും ബെറികളും: വയറിന് വളരെ നല്ലതാണിത്.
• വറുത്ത മഖാന: കലോറി കുറവും ആന്റി ഓക്സിഡന്റുകൾ കൂടുതലുമുള്ള മഖാന ദഹിക്കാൻ എളുപ്പമാണ്.
• ആപ്പിളും പീനട്ട് ബട്ടറും: ഈ കോമ്പിനേഷൻ പോഷകസമൃദ്ധവും ദഹനത്തിന് ഉത്തമവുമാണ്.
• ചെറുപയർ മുളപ്പിച്ചത്: വേഗത്തിൽ ദഹിക്കുന്നതും നാരുകൾ, പ്രോട്ടീൻ എന്നിവ ധാരാളമായി അടങ്ങിയിട്ടുള്ളതുമാണ്.
• ഡാർക്ക് ചോക്ലേറ്റ്: മിതമായ അളവിൽ കഴിച്ചാൽ, ആന്റി ഓക്സിഡന്റുകളും നാരുകളും അടങ്ങിയിട്ടുള്ള ഇത് ദഹനത്തിന് ഗുണം ചെയ്യും.
• ഹമ്മസും പച്ചക്കറികളും: ഹമ്മസിലെ കടലയിൽ നാരുകളും പ്രോട്ടീനുമുണ്ട്, ഒപ്പം പച്ചക്കറികളും ചേരുമ്പോൾ ഗുണങ്ങൾ ഇരട്ടിക്കും.
• മിക്സഡ് നട്സും മത്തങ്ങ വിത്തുകളും

നല്ല ലഘുഭക്ഷണങ്ങൾ തിരഞ്ഞെടുക്കുന്നതിലൂടെ ദഹന പ്രശ്നങ്ങളില്ലാതെ ഊർജ്ജസ്വലരായിരിക്കാൻ കഴിയുമെന്ന് ഡോ. സേതി പറയുന്നു.