Kuttanad Travel: രണ്ട് നാടുകൾ, ഒരു സവിശേഷത: കുട്ടനാടും നെതർലൻഡ്സും തമ്മിലുള്ള ആ രഹസ്യബന്ധം അറിയാമോ?
Kuttanad Netherlands Of Kerala: ടൂറിസ്റ്റ് കേന്ദ്രങ്ങളിലെ കൃത്രിമത്വമില്ലാത്ത ഗ്രാമീണത തേടുന്നവർക്ക് കുട്ടനാടൻ പാടശേഖരങ്ങളിലെ കൊയ്ത്തുത്സവ കാഴ്ചകൾ എന്നും അത്ഭുതമാണ്. പാടത്ത് പന്തു കളിച്ചുനടന്ന നെല്ലുണക്കുന്ന കർഷകരും ചേരുന്ന ഇവിടുത്തെ കാഴ്ചകൾ ഏതൊരു യാത്രാ പ്രേമികളുടെയും മനസ്സിന് കുളിർമ നൽകുന്ന കാഴ്ചയാണ്.
Kuttanad
പച്ചപ്പാർന്ന പാടശേഖരങ്ങളും ഇളംകാറ്റു വീശുന്ന കായലോരങ്ങളും ഇഷ്ടപ്പെടാത്തവരായി ആരുണ്ട്? നെൽക്കൃഷിയും കൊയ്ത്തും അടുത്തറിയാൻ ആഗ്രഹിക്കുന്നവർക്ക് തിരഞ്ഞെടുക്കാവുന്ന ഏറ്റവും മികച്ച ഇടമാണ് കുട്ടനാട്. കടൽനിരപ്പിന് താഴെയുള്ള കൃഷിരീതികൾ കൊണ്ട് ‘കേരളത്തിന്റെ നെതർലൻഡ്സ്’ എന്ന് വിളിക്കപ്പെടുന്ന കുട്ടനാടിന്റെ വിശേഷങ്ങളിലേക്കും അവിടുത്തെ തനത് രുചികളിലേക്കും നമുക്കൊന്ന് കണ്ണോടിക്കാം.
സമുദ്രനിരപ്പിന് താഴെയുള്ള ജീവിതം എങ്ങനെയായിരിക്കുമെന്ന് ലോകത്തിന് കാണിച്ചുകൊടുത്ത രണ്ട് ദേശങ്ങളാണ് ആംസ്റ്റർഡാമും കുട്ടനാടും. 2500 കിലോമീറ്ററിലധികം ബണ്ടുകൾ നിർമ്മിച്ച് വെള്ളപ്പൊക്കത്തെ നേരിട്ട സ്ഥലമാണ് ആംസ്റ്റർഡാം. കൃഷിയിലും ആവാസവ്യവസ്ഥയിലും ഇത്രമേൽ സാമ്യമുള്ള മറ്റൊരു പ്രദേശം ലോകത്തുണ്ടാവില്ല. കൃഷി, ആളുകളുടെ ജീവിതം, അതിജീവനം, ആവാസ വ്യവസ്ഥ തുടങ്ങിയവയിൽ എല്ലാം കുട്ടനാടും നെതർലൻഡ്സും തമ്മിൽ സാമ്യം ഉണ്ട്.
കേരളത്തിന്റെ നെല്ലറയായ കുട്ടനാട് കാഴ്ചകളുടെയും അനുഭവങ്ങളുടെയും ഒരു വലിയ കലവറയാണ്. ലോകപ്രശസ്തമായ നെതർലൻഡ്സിനോട് ഭൂമിശാസ്ത്രപരമായി സാമ്യമുള്ളതിനാലാണ് ഇവിടം ഈ പേരിൽ അറിയപ്പെടുന്നത്. ലോകത്ത് കടൽനിരപ്പിന് താഴെ കൃഷി നടത്തുന്ന അപൂർവ്വം സ്ഥലങ്ങളിൽ ഒന്നാണ് കുട്ടനാടും നെതർലൻഡ്സും. ഈ സാമ്യമാണ് കുട്ടനാടിനെ ‘കേരളത്തിന്റെ നെതർലൻഡ്സ്’ എന്ന് വിളിക്കാൻ കാരണം.
ALSO READ: ഇവിടെ കാറ്റിലും മാമ്പഴത്തിൻ്റെ മണമാണ്! കേരളത്തിൻ്റെ മാംഗോ സിറ്റിയിലെ മധുരക്കാഴ്ചകൾ കാണാം
ടൂറിസ്റ്റ് കേന്ദ്രങ്ങളിലെ കൃത്രിമത്വമില്ലാത്ത ഗ്രാമീണത തേടുന്നവർക്ക് കുട്ടനാടൻ പാടശേഖരങ്ങളിലെ കൊയ്ത്തുത്സവ കാഴ്ചകൾ എന്നും അത്ഭുതമാണ്. പാടത്ത് പന്തു കളിച്ചുനടന്ന നെല്ലുണക്കുന്ന കർഷകരും ചേരുന്ന ഇവിടുത്തെ കാഴ്ചകൾ ഏതൊരു യാത്രാ പ്രേമികളുടെയും മനസ്സിന് കുളിർമ നൽകുന്ന കാഴ്ചയാണ്.
കുട്ടനാട്ടിലെ കാഴ്ച്ചകൾ
കായൽക്കാഴ്ചകൾ: ആലപ്പുഴയിലെ നെൽപ്പാടങ്ങളും തോടുകളും നെതർലൻഡ്സിലെ പ്രശസ്തമായ കനാലുകളെയും പാടങ്ങളെയും ഓർമ്മിപ്പിക്കുന്ന തരത്തിലുള്ളവയാണ്.
യാത്രകൾ: കുട്ടനാടൻ കായലിലൂടെയുള്ള ഹൗസ്ബോട്ട് യാത്ര നെതർലൻഡ്സിലെ ക്രൂയിസ് യാത്രകൾക്ക് സമാനമായ അനുഭവം നൽകുന്നു.
ഹൗസ്ബോട്ട് യാത്ര: കായൽപരപ്പിലൂടെ ഒഴുകി നടന്ന് കുട്ടനാടൻ രുചികൾ ആസ്വദിക്കാൻ ഇതിലും മികച്ചൊരു മാർഗം വേറെയില്ല എന്നതാണ് സത്യം. ആലപ്പുഴയിൽ നിന്ന് തുടങ്ങി കൈനകരി വഴി പോകുന്ന യാത്രയാണ് ഏറ്റവും മനോഹരം.
ശിക്കാര വള്ളങ്ങൾ: ചെറിയ തോടുകളിലൂടെയുള്ള കാഴ്ചകൾ കാണാൻ ശിക്കാര വള്ളങ്ങളാണ് ഏറ്റവും അനുയോജ്യം. കുട്ടനാടൻ ഗ്രാമങ്ങളിലെ പച്ചപ്പും കായൽ ജീവിതവും അടുത്തറിയാൻ ഇത് യാത്രക്കാരെ വളരെയധികം സഹായിക്കും.
രുചി: കായൽ മീനിൻ്റെ രുചി ഭക്ഷണപ്രേമികൾക്ക് മറക്കാനാകാത്തതാണ്. മീൻ കറികളും കുട്ടനാടൻ കള്ളും രുചിക്കാൻ നിരവധിപേരാണ് ഇവിടേക്ക് എത്തുന്നത്. കരിമീൻ പൊള്ളിച്ചത്, കൊഞ്ചു റോസ്റ്റ് എന്നിവ യാത്രയിൽ കഴിക്കേണ്ട വിഭവങ്ങളാണ്.
ഫോട്ടോഗ്രാഫി: സൂര്യാസ്തമയത്തുള്ള കായൽക്കാഴ്ചകളും പാടശേഖരങ്ങളിലെ മനോഹാരിതയും ഫോട്ടോഗ്രാഫി ഇഷ്ടപ്പെടുന്നവർക്ക് അനുയോജ്യമാണ്.
