Shamna Kasim: ഹംദു മോന് കൂട്ടായി മാലാഖ കുഞ്ഞെത്തി, ഷംന കാസിം വീണ്ടും അമ്മയായി
Shamna Kasim Blessed With A Baby Girl: 'മഞ്ഞുപോലൊരു പെൺകുട്ടി' എന്ന ചിത്രത്തിലൂടെയാണ് ഷംന സിനിമയിലെത്തുന്നത്. പിന്നീട് തമിഴ്, തെലുങ്ക് ഭാഷാ ചിത്രങ്ങളിൽ സജീവമായി.
തെന്നിന്ത്യൻ താരം ഷംന കാസിം വീണ്ടും അമ്മയായി. ഇന്ന് പുലർച്ചെയാണ് ഷംന ഒരു പെൺകുഞ്ഞിന് ജന്മം നൽകിയത്. നിരവധി പേരാണ് താരത്തിനും കുടുംബത്തിനും ആശംസകൾ അറിയിച്ച് രംഗത്ത് എത്തിയത്.
ഭർത്താവ് ഷാനിദ് ആസിഫ് അലിയാണ് സന്തോഷ വിവരം പങ്കുവച്ചിരിക്കുന്നത്. അല്ലാഹുവിന്റെ വിലയേറിയ സമ്മാനം എന്ന് കുറിച്ച് കൊണ്ടാണ് വിവരം പങ്ക് വച്ചത്. അമ്മയും കുഞ്ഞും സുഖമായിരിക്കുന്നുവെന്നും ഷാനിദ് അറിയിച്ചു.
2023 ഏപ്രില് 4ന് ആയിരുന്നു ഷംന കാസിമിനും ഷാനിദിനും ആദ്യത്തെ കുഞ്ഞ് ജനിക്കുന്നത്. ഹംദാൻ എന്നാണ് കുഞ്ഞിന്റെ പേര്. ഇപ്പോഴിതാ, ഹംദാന് കൂട്ടായി ഒരു മാലാഖക്കുട്ടി എത്തിയിരിക്കുകയാണ്.
'മഞ്ഞുപോലൊരു പെൺകുട്ടി' എന്ന ചിത്രത്തിലൂടെയാണ് ഷംന സിനിമയിലെത്തുന്നത്. പിന്നീട് തമിഴ്, തെലുങ്ക് ഭാഷാ ചിത്രങ്ങളിൽ സജീവമായി. തെലുങ്ക് ഇൻഡസ്ട്രിയിൽ 'പൂർണ്ണ' എന്ന പേരിലാണ് താരം പ്രശസ്തയായത്.
2022-ൽ ദുബായിൽ വച്ചായിരുന്നു ഷംനയുടെയും ഷാനിദിന്റെയും വിവാഹം. ജെബിഎസ് ഗ്രൂപ്പ് കമ്പനിയുടെ ഫൗണ്ടറും സിഇഒയുമാണ് ഷാനിദ് ആസിഫ് അലി. (Image Credit: Instagram)
