Adhila Noora: 390 രൂപയ്ക്ക് എക്സ്ക്ലൂസീവ് കണ്ടന്റ്, ഇൻസ്റ്റാഗ്രാം സബ്സ്ക്രിപ്ഷനുമായി ആദില – നൂറ
Adhila Noora start Instagram subscription: സോഷ്യൽ മീഡിയയിൽ സജീവമായ ഇരുവർക്കും ബിഗ് ബോസിന് ശേഷം ആരാധകർ ഏറെയാണ്. 31 സ്റ്റോറികളാണ് ആദില പങ്കുവച്ചത്. അതേസമയം ഇരുവർക്കുമെതിരെ വിമർശനങ്ങളും ഉയരുന്നുണ്ട്.
കേരളത്തിൽ നിയമപോരാട്ടത്തിലൂടെ ഒന്നിച്ചു ജീവിക്കാൻ അനുവാദം നേടിയ പ്രമുഖ ലെസ്ബിയൻ ദമ്പതികളാണ് ആദിലയും നൂറയും. സോഷ്യൽ മീഡിയയിൽ സജീവമായ ഇരുവർക്കും ബിഗ് ബോസിൽ വന്നതിന് ശേഷം ആരാധകർ ഏറെയാണ്. ഇപ്പോഴിതാ പുത്തൻ വിശേഷവുമായി എത്തിയിരിക്കുകയാണ് ദമ്പതികൾ.
ഇൻസ്റ്റാഗ്രാമിൽ തങ്ങളെ പിന്തുടരുന്നവർക്കായി പ്രത്യേക 'സബ്സ്ക്രിപ്ഷൻ' ആരംഭിച്ചതായി ആദിലയും നൂറയും അറിയിച്ചു. സാധാരണ പോസ്റ്റുകൾക്ക് പുറമെ, സബ്സ്ക്രൈബ് ചെയ്യുന്ന ആരാധകർക്കായി മാത്രം പ്രത്യേക ഉള്ളടക്കങ്ങൾ പങ്കുവെക്കുന്നതാണ് ഈ സേവനം.
ഏതാനും ദിവസങ്ങൾക്ക് മുൻപായിരുന്നു എക്സ്ക്ലൂസീവ് കണ്ടന്റുകൾ കാണാനായി സബ്സ്ക്രൈബ് ചെയ്യൂവെന്ന് പറഞ്ഞുള്ള പോസ്റ്റ് ഇരുവരും ഇൻസ്റ്റാഗ്രാമിൽ പോസ്റ്റ് ചെയ്തത്. നിരവധി പേരാണ് സബ്സ്ക്രിപ്ഷൻ എടുത്തത്.
ഒരു മാസം 399 രൂപയാണ് സബ്സ്ക്രിപ്ഷനായി ചെലവാകുന്നത്. ഇതുവരെ 845 സബ്സ്ക്രൈബേഴ്സിനെയാണ് നൂറ സ്വന്തമാക്കിയത്. 12 സ്റ്റോറികളും ഒരു പോസ്റ്റും നൂറ പങ്കുവച്ചിട്ടുണ്ട്. 503 സബ്സ്ക്രൈബേഴ്സാണ് ആദിലയ്ക്കുള്ളത്.
31 സ്റ്റോറികളാണ് ആദില പങ്കുവച്ചത്. അതേസമയം ഇരുവർക്കുമെതിരെ വിമർശനങ്ങളും ഉയരുന്നുണ്ട്. ഇവർക്കിതിന്റെ ആവശ്യമുണ്ടോ, വേറെ വല്ല പണിക്കും പോയ്ക്കൂടെ എന്നാണ് പലരും ചോദിക്കുന്നത്. (Image Credit: Getty Images)
