Robin Radhakrishnan: ‘കല്യാണം കഴിഞ്ഞതല്ലേ ഉള്ളൂടെയ്; അതിന് മുൻപെ പിരിക്കാൻ നോക്കുന്നോ’? റോബിൻ രാധാകൃഷ്ണൻ
Robin Reacted To His Divorce Rumours: കഴിഞ്ഞ മൂന്ന് വർഷം തനിക്ക് എല്ലാ പിന്തുണയും നൽകുന്നത് ഭാര്യയാണെന്നും നിരവധി പ്രശ്നങ്ങളുമൊക്കെ സംഭവിച്ചപ്പോഴും തന്റെ ശക്തിയായി ആരതി കൂടെ ഉണ്ടായിരുന്നുവെന്നാണ് റോബിൻ പറയുന്നത്.
ബിഗ് ബോസ് റിയാലിറ്റി ഷോയിലൂടെ മലയാളികൾക്ക് സുപരിചിതനാണ് ഡോ. റോബിൻ രാധാകൃഷ്ണൻ. സീസൺ 4ലെ മത്സരാർത്ഥിയായിരുന്ന റോബിന് നിരവധി ആരാധകരാണുള്ളത്. പകുതിയിൽ വച്ച് ഷോ അവസാനിപ്പിച്ചിറങ്ങിയ റോബിന്റെ വിശേഷങ്ങൾ അറിയാൻ ആരാധകർക്ക് ഏറെ താത്പര്യമാണ്. (image credits: Instagram-Robin Radhakrishnan)
അടുത്തിടെയാണ് റോബിന്റെ വിവാഹം കഴിഞ്ഞത്. അവതാരികയും സംരഭകയുമായ ആരതി പൊടിയെയാണ് റോബിൻ വിവാഹം കഴിച്ചത്. ഇരുവരുടെ വിവാഹ ആഘോഷങ്ങൾ സോഷ്യൽ മീഡിയയിൽ ശ്രദ്ധ നേടിയിരുന്നു. ഇതിനു പിന്നാലെ ഇരുവരുടെയും ഹണിമൂൺ യാത്രയും വൈറലായിരുന്നു.
എന്നാൽ കഴിഞ്ഞ കുറച്ച് ദിവസങ്ങളായി ഇരുവരും വേർപിരിഞ്ഞെന്ന തരത്തിലുള്ള വീഡിയോ ഒരു യുട്യൂബ് ചാനലിൽ വന്നിരുന്നു. ഇപ്പോഴിതാ ഇതിനോട് പ്രതികരിച്ച് രംഗത്ത് എത്തിയിരിക്കുകയാണ് റോബിൻ രാധാകൃഷ്ണൻ.
വിവാഹം കഴിഞ്ഞതല്ലേ ഉള്ളു. അതിനു മുൻപെ പിരിക്കാൻ നോക്കുന്നോ എന്നാണ് റോബിൻ ചോദിക്കുന്നത്. ഡിവോഴ്സ് ആയെങ്കിൽ ഇതുപോലെ നിൽക്കേണ്ട ആവശ്യമില്ലലോ.
കഴിഞ്ഞ മൂന്ന് വർഷം തനിക്ക് എല്ലാ പിന്തുണയും നൽകുന്നത് ഭാര്യയാണെന്നും നിരവധി പ്രശ്നങ്ങളുമൊക്കെ സംഭവിച്ചപ്പോഴും തന്റെ ശക്തിയായി ആരതി കൂടെ ഉണ്ടായിരുന്നുവെന്നാണ് റോബിൻ പറയുന്നത്.
