Price Hike: ക്രിസ്മസ് ആഘോഷങ്ങൾക്ക് തിരിച്ചടി, ബജറ്റ് താളം തെറ്റിച്ച് ഇക്കൂട്ടർ
Biriyani Rice and Chicken Price Hike: അടുക്കള ബജറ്റ് താളം തെറ്റിച്ച വർഷമായിരുന്നു 2025. ക്രിസ്മസ്, പുതുവത്സര സീസണാകുമ്പോൾ വില 240-260 വരെ ആയേക്കാമെന്ന ആശങ്കയും ആവശ്യക്കാർക്കും ഹോട്ടൽ വ്യാപാരികളും ഉയർത്തുന്നുണ്ട്.
ക്രിസ്മസ് ആഘോഷങ്ങളിൽ പ്രധാനിയാണ് ചിക്കൻ ബിരിയാണി. എന്നാൽ ആ രുചിക്കൂട്ട് ഇത്തവണയും കഴിക്കാൻ കഴിയുമോ എന്ന ആശങ്ക ഉയരുന്നുണ്ട്. വില കുതിപ്പാണ് ഇത്തവണത്തെ പ്രശ്നം. ബിരിയാണി അരിയുടെയും ചിക്കന്റെയും വില വർദ്ധിച്ചതോടെ വീട്ടുകാരും വ്യാപാരികളുമെല്ലാം ആശങ്കയിലാണ്.
കഴിഞ്ഞ നാലുമാസമായി ബിരിയാണി അരിവില 200-240ൽ നിരക്കിൽ തന്നെ നിൽക്കുകയാണ്. 180-185 രൂപയിൽ നിന്ന ബിരിയാണി അരി വില വളരെ പെട്ടെന്നാണ് ഇരുന്നൂറ് കടന്നത്. കിലോയ്ക്ക് 70 രൂപ മുതൽ ബിരിയാണി അരി കിട്ടുമെങ്കിലും ഇവയുടെ ഗുണനിലവാരം പ്രശ്നമാണ്.
താരതമ്യേന വിലക്കുറവുണ്ടായിരുന്ന കോലക്കും ബസുമതിക്കും ഡിമാൻഡും ഒപ്പം ചെറിയ രീതിയിൽ വിലയും കൂടിയിട്ടുണ്ടെന്ന് വ്യാപാരികൾ പറയുന്നു. പഞ്ചാബിൽ നിന്നാണ് ബിരിയാണി അരി കേരളത്തിൽ കൂടുതലായും എത്തുന്നത്. എന്നാൽ കാലാവസ്ഥ വില്ലനായതോടെ അരി വരവ് കുറഞ്ഞു.
അരിയോടൊപ്പം ചിക്കൻ വിലയും കുതിക്കുന്നുണ്ട്. ഒരുകിലോ കോഴിയിറച്ചിക്ക് ഇപ്പോൾ 200 രൂപവരെ വിലയുണ്ട്. ക്രിസ്മസ്, പുതുവത്സര സീസണാകുമ്പോൾ 240-260 വരെ ആയേക്കാമെന്ന ആശങ്കയും ആവശ്യക്കാർക്കും ഹോട്ടൽ വ്യാപാരികളും ഉയർത്തുന്നുണ്ട്.
അടുക്കള ബജറ്റ് താളം തെറ്റിച്ച വർഷമായിരുന്നു 2025. വെളിച്ചെണ്ണ, മുട്ട, സവാള, പച്ചക്കറി തുടങ്ങി ലിസ്റ്റ് നീളുന്നു. ഇപ്പോഴിതാ, കൂട്ടത്തിൽ ബിരിയാണി അരിയും ചിക്കനും. അവശ്യസാധനങ്ങളുടെ വില വർദ്ധനവ് സാധാരണക്കാരെ ആശങ്കയിലാഴ്ത്തുന്നുണ്ട്. (Image Credit: Getty Images)
