Sanju Samson: ആ മത്സരങ്ങളില് നിന്ന് സഞ്ജുവിനെ എന്തിന് ഒഴിവാക്കി? മൗനം വെടിഞ്ഞ് ഗംഭീര്
Gautam Gambhir about Sanju Samson: ടി20 ലോകകപ്പില് ഇന്ത്യ ഇതുവരെ എട്ട് മത്സരങ്ങളില് കളിച്ചു. മൂന്നെണ്ണത്തില് മാത്രമാണ് ഇതുവരെ സഞ്ജു സാംസണ് അവസരം ലഭിച്ചത്. മത്സരങ്ങളിലും സഞ്ജുവിനെ ഒഴിവാക്കേണ്ടത് വന്നതിന്റെ കാരണം ഗൗതം ഗംഭീര് വെളിപ്പെടുത്തി.
ഇത്തവണത്തെ ടി20 ലോകകപ്പില് ഇന്ത്യ ഇതുവരെ എട്ട് മത്സരങ്ങളില് കളിച്ചു. മൂന്നെണ്ണത്തില് മാത്രമാണ് ഇതുവരെ സഞ്ജു സാംസണ് അവസരം ലഭിച്ചത്. അഭിഷേക് ശര്മയുടെ ആരോഗ്യപ്രശ്നങ്ങള് മൂലം നമീബിയക്കെതിരെയായിരുന്നു ആദ്യ അവസരം (Image Credits: PTI).
സൂപ്പര് എട്ടില് ഇന്ത്യ ആദ്യ മത്സരത്തില് ദക്ഷിണാഫ്രിക്കയോട് തോറ്റതിനെ തുടര്ന്ന്, സിംബാബ്വെയ്ക്കെതിരായ അടുത്ത മത്സരത്തില് ടീം മാനേജ്മെന്റ് സഞ്ജുവിനെ കളിപ്പിച്ചു. ഇതായിരുന്നു രണ്ടാം അവസരം. കഴിഞ്ഞ ദിവസം നടന്ന വെസ്റ്റ് ഇന്ഡീസിനെതിരെ നടന്ന മത്സരമായിരുന്നു മൂന്നാമത്തേത് (Image Credits: PTI).
അവസരം ലഭിച്ച ആദ്യ രണ്ട് മത്സരങ്ങളിലും വലിയ സ്കോര് കണ്ടെത്താനായില്ലെങ്കിലും ടീമിന് മികച്ച തുടക്കം നല്കാന് സഞ്ജുവിന് സാധിച്ചു. വെസ്റ്റ് ഇന്ഡീസിനെതിരായ മത്സരത്തില് ടീമിനെ വിജയിപ്പിച്ചു. സെമി ഫൈനലിലും, ഫൈനലിലേക്ക് യോഗ്യത നേടിയാല് ആ മത്സരത്തിലും ഇനി സഞ്ജു കളിക്കുമെന്നുറപ്പ് (Image Credits: PTI).
പല മത്സരങ്ങളിലും സഞ്ജുവിനെ ഒഴിവാക്കേണ്ടത് വന്നതിന്റെ കാരണം പരിശീലകന് ഗൗതം ഗംഭീര് വെളിപ്പെടുത്തി. ന്യൂസിലന്ഡിനെതിരായ പരമ്പര സഞ്ജുവിന് ബുദ്ധിമുട്ടേറിയതായിരുന്നു. ആ സമ്മര്ദ്ദ സാഹചര്യത്തില് അദ്ദേഹത്തിന് ഒരു ഇടവേള നല്കേണ്ടത് പ്രധാനമായിരുന്നുവെന്ന് പിടിഐയുടെ ചോദ്യത്തിന് ഗംഭീർ മറുപടി നൽകി (Image Credits: PTI).
സഞ്ജുവിന്റെ കഴിവിനെക്കുറിച്ച് എപ്പോഴും അറിയാമായിരുന്നു. മൂന്ന് ടി20 സെഞ്ച്വറികൾ അധികം പേർക്കില്ല. ലോകകപ്പ് മത്സരത്തിൽ ആവശ്യമുള്ളപ്പോഴെല്ലാം സഞ്ജു മികച്ച പ്രകടനം നടത്തുമെന്ന് അറിയാമായിരുന്നുവെന്നും ഗംഭീര് വ്യക്തമാക്കി (Image Credits: PTI).
