Gold Rate Today: നീ പൊന്നപ്പനല്ലടാ തങ്കപ്പനാ, തങ്കപ്പന്; സ്വര്ണവില വീണ്ടും കൂടി
Gold Rate Price in Kerala: സ്വര്ണ്ണവിലയില് റെക്കോര്ഡ് തീര്ത്ത മാസമാണ് മെയ്. 55,120 രൂപയായിരുന്നു മെയ് 20ന് വിപണിയിലെ നിരക്ക്. തുടര്ന്ന് നാലുദിവസത്തിനിടെ പവന് രണ്ടായിരം രൂപ കുറഞ്ഞ ശേഷം കൂടിയും കുറഞ്ഞുമാണ് സംസ്ഥാനത്ത് സ്വര്ണ വില മുന്നേറിയത്
സംസ്ഥാനത്ത് വീണ്ടും സ്വര്ണ വില കൂടി. 80 രൂപ ഉയര്ന്ന് 53,000ത്തിന് മുകളില് കടന്നിരിക്കുകയാണ് സ്വര്ണം. ഒരു പവന് സ്വര്ണത്തിന് ഇന്ന് കേരളത്തില് 53,080 രൂപയാണ് വില. ഒരു ഗ്രാമിന് 6,635 രൂപയും.
ജൂണ് ആദ്യ ആഴ്ച 54,080 വരെയാണ് സ്വര്ണവില ഉയര്ന്നത്. പിന്നീടുള്ള ദിവസങ്ങളും കൂടിയും കുറഞ്ഞുമാണ് സ്വര്ണം ഉണ്ടായിരുന്നത്. കഴിഞ്ഞ മൂന്ന് ദിവസങ്ങളായി 53,000ത്തിന് താഴെ പോയ സ്വര്ണവിലയാണ് ഇപ്പോള് വീണ്ടും കൂടിയത്.
ജൂണ് ഏഴിനായിരുന്നു കഴിഞ്ഞ മാസത്തെ ഏറ്റവും ഉയര്ന്ന നിരക്ക് രേഖപ്പെടുത്തിയത്. ഗ്രാമിന് 6,760 രൂപയും പവന് 54,080 രൂപയുമായിരുന്നു അന്ന് രേഖപ്പെടുത്തിയത്. ഏറ്റവും കുറഞ്ഞ നിരക്ക് രേഖപ്പെടുത്തിയത് ജൂണ് 8 മുതല് 10 വരെ വരെയും. അന്ന് ഗ്രാമിന് 6,570 രൂപയും പവന് 52,560 രൂപയുമായിരുന്നു വില.
മാര്ച്ച് 29നാണ് ആദ്യമായി സ്വര്ണവില 50000 രൂപയ്ക്ക് മുകളിലേക്ക് ഉയര്ന്നിരുന്നത്. പിന്നീടുള്ള ദിവസങ്ങളില് വില ഏറിയും കുറഞ്ഞും നിന്നു.
സ്വര്ണ്ണവിലയില് റെക്കോര്ഡ് തീര്ത്ത മാസമാണ് മെയ്. 55,120 രൂപയായിരുന്നു മെയ് 20ന് വിപണിയിലെ നിരക്ക്. തുടര്ന്ന് നാലുദിവസത്തിനിടെ പവന് രണ്ടായിരം രൂപ കുറഞ്ഞ ശേഷം കൂടിയും കുറഞ്ഞുമാണ് സംസ്ഥാനത്ത് സ്വര്ണ വില മുന്നേറിയത്.
