Breakfast Recipes: ചോറ് ബാക്കിയുണ്ടോ? കളയേണ്ട; നാളെ അടിപൊളി ബ്രേക്ക്ഫാസ്റ്റ് ഉണ്ടാക്കാം
Breakfast Recipes with Leftover Rice: ബാക്കി വന്ന ചോറ് എന്തു ചെയ്യുമെന്നോർത്ത് വിഷമിക്കാറാണ് പതിവ്. എന്നാൽ ഇനി ഇക്കാര്യത്തിൽ വിഷമം വേണ്ട. ബാക്കി വന്ന ചോറു കൊണ്ട് എളുപ്പത്തിൽ അടിപൊളി ബ്രേക്ക്ഫാസ്റ്റ് ഉണ്ടാക്കാം.
മലയാളികൾക്ക് ഒരു നേരം ചോറ് കഴിച്ചില്ലെങ്കിൽ എന്തോ പോലെയാണ്. അതുകൊണ്ട് തന്നെ ദിവസവും ചോറ് നമ്മുടെ വീടുകളിൽ തയ്യാറാക്കാറുണ്ട്. എന്നാൽ ചില ദിവസങ്ങളിൽ ചോറ് ബാക്കിവരാറുണ്ട്. (Image Credits: Takanori Ogawa/Moment/Getty Images)
ഇതോടെ ബാക്കി വന്ന ചോറ് എന്തു ചെയ്യുമെന്നോർത്ത് വിഷമിക്കാറാണ് പതിവ്. എന്നാൽ ഇനി ഇക്കാര്യത്തിൽ വിഷമം വേണ്ട. ബാക്കി വന്ന ചോറു കൊണ്ട് എളുപ്പത്തിൽ അടിപൊളി ബ്രേക്ക്ഫാസ്റ്റ് ഉണ്ടാക്കാം.
ആവശ്യമുള്ള ചേരുവകൾ: ചോറ് - 1 കപ്പ്,മുട്ട - 2,ഉപ്പ് - ആവശ്യത്തിന് ,ചെറിയ ഉള്ളി - 4 എണ്ണം അരിഞ്ഞത്,തേങ്ങ ചിരവിയത് - 3 ടേബിള്സ്പൂണ്,ചെറിയ ജീരകം - അര ടീസ്പൂണ് ,അരിപ്പൊടി - 1 ടേബിള്സ്പൂണ്,മൈദ - 1 ടേബിള്സ്പൂണ്
ഇതിനായി ആദ്യം മിക്സിയിലേക്ക് ചോറ്, മുട്ട എന്നിവ ഇട്ടു നന്നായി അടിച്ചെടുക്കുക. ഇതിലേക്ക് ഉപ്പ്, ചെറിയ ഉള്ളി, തേങ്ങ, ജീരകം എന്നിവ ചേര്ത്ത് ഇളക്കുക. ശേഷം, അരിപ്പൊടി, മൈദ എന്നിവ കൂടി ചേര്ത്ത് ഇളക്കുക.
ദോശയുടെ മാവിന്റെ സ്ഥിരത കിട്ടാന് അല്പ്പാല്പ്പമായി വെള്ളം ചേര്ത്ത് നന്നായി വീണ്ടും ഇളക്കുക. ഒരുമിച്ച് ഒരുപാട് വെള്ളം ഒഴിക്കരുത്. ശേഷം ഇത് ദോശക്കല്ലിൽ ഒഴിച്ച് ദോശ പോലെ ചുട്ടെടുക്കുക. അടിപൊളി ദോശ റെഡി. ഇത് ചട്ണി, ചമ്മന്തി എന്നിവയ്ക്കൊപ്പം കഴിക്കാവുന്നതാണ്.
