Kitchen Tips: റെസ്റ്റോറന്റ് സ്റ്റൈലിൽ സോഫ്റ്റ് അപ്പം ഇനി വീട്ടിലുണ്ടാക്കാം; മാവിൽ ഇതൊന്ന് ചേർത്താൽ മതി
How to Make Crispy, Soft, and Fluffy Appam: ഹോട്ടലുകളിൽ ലഭിക്കുന്നത് പോലെ നടുഭാഗം പഞ്ഞിപോലെ സോഫ്റ്റും, അരിക് മനോഹരമായി മൊരിഞ്ഞു വരുന്നതുമായ അപ്പം പലപ്പോഴും വീട്ടിൽ തയ്യാറാക്കുമ്പോൾ ശരിയായി വരാറില്ല എന്ന് പരാതിപ്പെടുന്നവരാണ് പലരും. എന്നാൽ മാവ് അരയ്ക്കുമ്പോൾ ഇതൊന്ന് ചേർത്താൽ ആ പ്രശ്നവും പരിഹരിക്കാം.
മലയാളികളുടെ പ്രഭാതഭക്ഷണങ്ങളിൽ എന്നും പ്രിയപ്പെട്ട ഒന്നാണ് അപ്പം. ഹോട്ടലുകളിൽ ലഭിക്കുന്നത് പോലെ നടുഭാഗം പഞ്ഞിപോലെ സോഫ്റ്റും, അരിക് മനോഹരമായി മൊരിഞ്ഞു വരുന്നതുമായ അപ്പം പലപ്പോഴും വീട്ടിൽ തയ്യാറാക്കുമ്പോൾ ശരിയായി വരാറില്ല എന്ന് പരാതിപ്പെടുന്നവരാണ് പലരും. എന്നാൽ മാവ് അരയ്ക്കുമ്പോൾ ഇതൊന്ന് ചേർത്താൽ ആ പ്രശ്നവും പരിഹരിക്കാം. (Image Credit source: Getty Images)
പച്ചരിയോടൊപ്പം ഒരു പിടി അവൽ കൂടി ചേർക്കുന്നതാണ് ഈ പ്രശ്നത്തിന് വളരെ എളുപ്പമുള്ളൊരു പരിഹാരം. അവൽ ചേർത്ത് മാവ് തയ്യാറാക്കുന്നത് അപ്പത്തിന് സോഫ്റ്റ്നസ് നൽകുക മാത്രമല്ല, വശങ്ങളിൽ മൊരിഞ്ഞു വരാൻ ഏറെ സഹായിക്കുകയും ചെയ്യും.
അര കപ്പ് അവലും ഒന്നര കപ്പ് പച്ചരിയും തലേദിവസം രാത്രി വെള്ളത്തിൽ കുതിർത്തെടുക്കുക. കുതിർത്ത പച്ചരിയും അവലും മിക്സിയിലേയ്ക്ക് മാറ്റി, അതിലേക്ക് ഒരു കപ്പ് ചിരകിയ തേങ്ങയും രണ്ട് ടേബിൾസ്പൂൺ പഞ്ചസാരയും ചേർത്ത് നന്നായി മിനുസമായി അരച്ചെടുക്കുക.
അരച്ചെടുത്ത മാവിലേക്ക് അര ടീസ്പൂൺ യീസ്റ്റ് കൂടി ചേർത്ത് നന്നായി ഇളക്കി യോജിപ്പിക്കുക. ഈ മാവ് കുറഞ്ഞത് 8 മണിക്കൂറെങ്കിലും പുളിക്കാനായി അടച്ചു മാറ്റി വയ്ക്കുക. മാവ് നന്നായി പൊന്തിവന്ന ശേഷം, പാലപ്പച്ചട്ടി അടുപ്പിൽ വെച്ച് ചൂടാക്കുക.
ഇതിലേക്ക് ആവശ്യത്തിന് മാവൊഴിച്ച് ചട്ടി വട്ടത്തിൽ ചുഴറ്റി പാലപ്പത്തിന്റെ രൂപത്തിലാക്കാം. ഇത് അടച്ചുവെച്ച് വേവിക്കുക. നടുഭാഗം സോഫ്റ്റായും അരിക് മൊരിഞ്ഞു വന്നതിനു ശേഷം പാത്രത്തിലേക്ക് മാറ്റാം.
