KL Rahul: കെഎല് രാഹുല് ഡല്ഹി ക്യാപിറ്റല്സില് അതൃപ്തനോ? വിവാദങ്ങള്ക്ക് വഴിമരുന്നിട്ട് മുന്താരം
Subramaniam Badrinath about KL Rahul: കെഎല് രാഹുലുമായി ബന്ധപ്പെട്ട് ബദരീനാഥ് നടത്തിയ പരാമര്ശം ചര്ച്ചയാകുന്നു. ഡല്ഹി ക്യാപിറ്റല്സില് കെഎല് രാഹുല് പൂര്ണമായും സന്തുഷ്ടനാണോയെന്ന് ബദരീനാഥ്. എല്ലാ വര്ഷവും ഡല്ഹി ക്യാപിറ്റല്സില് ബാറ്റിങ് ഓര്ഡര് ഒരു പ്രശ്നമാണെന്നും ബദരീനാഥ്. ഓപ്പണറാകാനാണ് രാഹുല് ആഗ്രഹിക്കുന്നതെന്ന് താന് കരുതുന്നുവെന്നും അദ്ദേഹം പറഞ്ഞു.
ഐപിഎല് 2026 സീസണ് ആരംഭിക്കുന്നതിന് മുമ്പ് വിവാദങ്ങള്ക്ക് വഴിമരുന്നിട്ട് മുന് ദേശീയ താരം എസ്. ബദരീനാഥ്. കെഎല് രാഹുലുമായി ബന്ധപ്പെട്ട് ബദരീനാഥ് നടത്തിയ പരാമര്ശമാണ് ചര്ച്ചയാകുന്നത്. ഡല്ഹി ക്യാപിറ്റല്സില് കെഎല് രാഹുല് പൂര്ണമായും സന്തുഷ്ടനാണോയെന്നാണ് ബദരീനാഥ് ഉന്നയിച്ച ചോദ്യം (Image Credits: PTI).
എല്ലാ വര്ഷവും ഡല്ഹി ക്യാപിറ്റല്സില് ബാറ്റിങ് ഓര്ഡര് ഒരു പ്രശ്നമാണെന്ന് ബദരീനാഥ് പറയുന്നു. പ്രത്യേകിച്ചും രാഹുലിന്റെ ബാറ്റിങ് ഓര്ഡറില്. ഓപ്പണറാകാനാണ് രാഹുല് ആഗ്രഹിക്കുന്നതെന്ന് താന് കരുതുന്നുവെന്നും ബദരീനാഥ് പറഞ്ഞു (Image Credits: PTI).
എന്നാല് രാഹുല് മധ്യനിരയില് ബാറ്റു ചെയ്യണമെന്നാണ് ടീം മാനേജ്മെന്റ് ആഗ്രഹിക്കുന്നത്. ഈ പ്രശ്നം തുടരുന്നതായും തന്റെ യൂട്യൂബ് ചാനലില് ബദരീനാഥ് അഭിപ്രായപ്പെട്ടു. ഈ പ്രശ്നം ഡല്ഹി പരിഹരിക്കണമെന്നും അദ്ദേഹം പറഞ്ഞു (Image Credits: PTI).
ഡല്ഹി ക്യാപിറ്റല്സില് രാഹുല് സന്തുഷ്ടനാണോയെന്ന് വ്യക്തമല്ലെന്നും അദ്ദേഹം കൂട്ടിച്ചേര്ത്തു. 33-കാരനായ രാഹുല് കഴിഞ്ഞ സീസണില് മികച്ച പ്രകടനം പുറത്തെടുത്തിരുന്നു. 13 ഇന്നിങ്സുകളില് നിന്ന് 539 റണ്സെടുത്തു (Image Credits: PTI).
സാധാരണയായി ഓപ്പണ് ചെയ്ത് ശീലമുള്ള രാഹുലിന് ഡല്ഹിയില് മധ്യനിരയിലും കളിക്കേണ്ടി വന്നു. ഏകദിനത്തിലും, ടെസ്റ്റിലും സ്ഥിരസാന്നിധ്യമായ രാഹുല് ദേശീയ ടി20 ടീമില് നിന്ന് കുറച്ചുനാളുകളായി പുറത്താണ്. ദേശീയ ടി20 ടീമിലേക്ക് തിരിച്ചുവരവ് നടത്തണമെങ്കില് താരത്തിന് ഈ ഐപിഎല് സീസണില് മികച്ച പ്രകടനം പുറത്തെടുക്കേണ്ടതുണ്ട് (Image Credits: PTI).
