IPL 2026: ചിന്നസ്വാമിയില് കളിക്കാന് ആര്സിബി; അനുമതി നല്കാതെ സര്ക്കാര്; അനിശ്ചിതത്വം
Bengaluru matches subject to Karnataka govt clearance: ഐപിഎല്ആദ്യ ഘട്ട ഷെഡ്യൂള് ബിസിസിഐ പുറത്തുവിട്ടിരുന്നു. ഇതില് ആര്സിബിയുടെ രണ്ട് ഹോം മത്സരങ്ങള് എം ചിന്നസ്വാമി സ്റ്റേഡിയത്തില് നടത്താനാണ് നീക്കം. ചിന്നസ്വാമി സ്റ്റേഡിയത്തിന്റെ കാര്യത്തില് അനിശ്ചിതത്വം നിലനില്ക്കുകയാണ്.
ഐപിഎല് 2026 സീസണിലെ ആദ്യ ഘട്ട ഷെഡ്യൂള് കഴിഞ്ഞ ദിവസം ബിസിസിഐ പുറത്തുവിട്ടിരുന്നു. ഇതില് ആര്സിബിയുടെ രണ്ട് ഹോം മത്സരങ്ങള് ബെംഗളൂരു എം ചിന്നസ്വാമി സ്റ്റേഡിയത്തില് നടത്താനാണ് നീക്കം. എന്നാല് ചിന്നസ്വാമി സ്റ്റേഡിയത്തിന്റെ കാര്യത്തില് അനിശ്ചിതത്വം നിലനില്ക്കുകയാണ് (Image Credits: PTI).
കഴിഞ്ഞ ദിവസം ആര്സിബിയുടെ വിജയാഘോഷത്തിനിടെയുണ്ടായ തിക്കും തിരക്കും ദുരന്തത്തില് കലാശിച്ചതിനെ തുടര്ന്ന് ചിന്നസ്വാമിയില് മത്സരം നടത്താന് നിയന്ത്രണങ്ങള് ഏര്പ്പെടുത്തിയിരുന്നു. സംസ്ഥാന സര്ക്കാരിന്റെ അനുമതി ലഭിച്ചെങ്കില് മാത്രമേ ചിന്നസ്വാമിയില് മത്സരങ്ങള് നടത്താനാകൂ. എന്നാല് ഇതുവരെ അനുമതി ലഭിച്ചിട്ടില്ല (Image Credits: PTI).
ബെംഗളൂരുവിൽ ഷെഡ്യൂൾ ചെയ്തിരിക്കുന്ന മത്സരങ്ങൾ കർണാടക സർക്കാർ രൂപീകരിച്ച വിദഗ്ദ്ധ സമിതിയുടെ അനുമതിക്ക് വിധേയമാണെന്ന് ബിസിസിഐ വ്യക്തമാക്കി. ഈ സമിതി നാളെ (മാര്ച്ച് 13) ചിന്നസ്വാമി സ്റ്റേഡിയത്തില് യോഗം ചേരുകയും പരിശോധന നടത്തുകയും ചെയ്യും. ഐപിഎൽ മത്സരങ്ങൾ നടത്തുന്നതിനുള്ള സ്റ്റേഡിയത്തിന്റെ തയ്യാറെടുപ്പ് വിലയിരുത്തുന്നതിനായി ഒരു മോക്ക് ഡെമോണ്സ്ട്രേഷന് നടത്തുമെന്നും ബിസിസിഐ വ്യക്തമാക്കി (Image Credits: PTI).
ഈ പരിശോധനയില് സമിതി തൃപ്തി അറിയിച്ചാല് ചിന്നസ്വാമി സ്റ്റേഡിയത്തില് മത്സരങ്ങള് നടത്തുന്നതിനുള്ള തടസം നീങ്ങും. അതുകൊണ്ട് നാളത്തെ ദിവസം ഇക്കാര്യത്തില് നിര്ണായകമാണ്. ആര്സിബിയുടെ അഞ്ച് ഹോം മത്സരങ്ങൾ ബെംഗളൂരുവിലും രണ്ട് ഹോം മത്സരങ്ങൾ റായ്പൂരിലും നടത്താനാണ് നീക്കം (Image Credits: PTI).
ബെംഗളൂരു, മുംബൈ, ഗുവാഹത്തി, ന്യൂ ചണ്ഡീഗഢ്, ലഖ്നൗ, കൊൽക്കത്ത, ചെന്നൈ, ഡൽഹി, അഹമ്മദാബാദ്, ഹൈദരാബാദ് എന്നീ 10 വേദികളിലായി ആകെ 20 മത്സരങ്ങൾ നടക്കും. പുറത്തുവിട്ട ആദ്യഘട്ട ഷെഡ്യൂളില് ബെംഗളൂരുവില് രണ്ട് മത്സരങ്ങളാണുള്ളത്. മാര്ച്ച് 28-നും, ഏപ്രില് അഞ്ചിനും (Image Credits: PTI).
