Kerala Navratri Holidays: നവരാത്രി അവധി തുടങ്ങി; കേരളത്തിലെ സ്കൂളുകൾക്ക് ഈ ദിവസങ്ങളിൽ അവധി
Navratri Holidays in Kerala 2026 Check October 18 to October 21 Dates: 2026ല്‍ ഒക്ടോബര്‍ 18 ഞായറാഴ്ച ഉച്ചയ്ക്ക് ശേഷമാണ് പൂജവെപ്പ് നടക്കുന്നത്. വീടുകളിലും ക്ഷേത്രങ്ങളിലും സ്ഥാപനങ്ങളിലുമെല്ലാം പുസ്തകങ്ങളും പഠനോപകരണങ്ങളും പൂജയ്ക്ക് വെക്കും. തുടര്‍ന്ന് രണ്ട് ദിവസത്തോളം ഇവ പൂജ വെക്കുന്ന രീതിയാണ് കേരളത്തില്‍ പൊതുവെ പിന്തുടരുന്നത്.
നവരാത്രി ആഘോഷങ്ങള്‍ക്കായി ഒരുങ്ങുകയാണ് കേരളം. പൂജവെപ്പ്, ദുര്‍ഗാഷ്ടമി, മഹാനവമി, വിജയദശമി, വിദ്യാരംഭം തുടങ്ങിയ ചടങ്ങുകളാണ് ഈ ദിവസങ്ങളിലെ പ്രധാന പ്രത്യേകതകള്‍. വിദ്യാര്‍ഥികളും രക്ഷിതാക്കളും കാത്തിരിക്കുന്ന നവരാത്രി അവധിയും ഇതോടനുബന്ധിച്ചാണ്. സംസ്ഥാനത്തെ വിദ്യാഭ്യാസ സ്ഥാപനങ്ങള്‍ക്ക് എത്ര ദിവസം അവധി ലഭിക്കുമെന്ന് നോക്കാം. (Image Credit Source: Getty Images)
2026ല്‍ ഒക്ടോബര്‍ 18 ഞായറാഴ്ച ഉച്ചയ്ക്ക് ശേഷമാണ് പൂജവെപ്പ് നടക്കുന്നത്. വീടുകളിലും ക്ഷേത്രങ്ങളിലും സ്ഥാപനങ്ങളിലുമെല്ലാം പുസ്തകങ്ങളും പഠനോപകരണങ്ങളും പൂജയ്ക്ക് വെക്കും. തുടര്‍ന്ന് രണ്ട് ദിവസത്തോളം ഇവ പൂജ വെക്കുന്ന രീതിയാണ് കേരളത്തില്‍ പൊതുവെ പിന്തുടരുന്നത്.
ഒക്ടോബര്‍ 19 തിങ്കളാഴ്ചയാണ് ദുര്‍ഗാഷ്ടമി. പൂജവയ്പ്പിന് പിന്നാലെ പുസ്തകങ്ങളും പഠനോപകരണങ്ങളും പൂജയില്‍ തുടരും. വിദ്യാര്‍ഥികളെ സംബന്ധിച്ചിടത്തോളം നവരാത്രി ആഘോഷത്തിലെ പ്രധാന ദിവസങ്ങളിലൊന്നാണിത്. ഒക്ടോബര്‍ 20 ചൊവ്വാഴ്ചയാണ് മഹാനവമി. ആയുധപൂജ ഉള്‍പ്പെടെയുള്ള ചടങ്ങുകള്‍ ഈ ദിവസമാണ് നടക്കുന്നത്. കേരളത്തിലെ ഔദ്യോഗിക അവധി പട്ടികയില്‍ മഹാനവമി ദിനവും ഉള്‍പ്പെട്ടിട്ടുണ്ട്.
ഒക്ടോബര്‍ 21 ബുധനാഴ്ചയാണ് വിജയദശമി. അന്നാണ് പൂജയെടുപ്പും വിദ്യാരംഭവും നടക്കുന്നത്. കുട്ടികള്‍ ആദ്യാക്ഷരം കുറിച്ച് ഔപചാരികമായി പഠനത്തിലേക്ക് കടക്കുന്നതും വിജയദശമി ദിനത്തിലാണ്. ഒക്ടോബര്‍ 18 ഉച്ചയ്ക്ക് ശേഷം പൂജവെപ്പ്, ഒക്ടോബര്‍ 19 തിങ്കള്‍ ദുര്‍ഗാഷ്ടമി, ഒക്ടോബര്‍ 20 ചൊവ്വ മഹാനവമി, ആയുധപൂജ, ഒക്ടോബര്‍ 21 ബുധന്‍ വിജയദശമി, പൂജയെടുപ്പ്, വിദ്യാരംഭം ഈ തീയതികള്‍ ഓര്‍ത്തുവെച്ചോളൂ.
നവരാത്രിയോട് അനുബന്ധിച്ചുള്ള അവധി ദിവസങ്ങളില്‍ സ്‌കൂളുകളുടെ പ്രവര്‍ത്തനക്രമത്തില്‍ വ്യത്യാസമുണ്ടാകാം. അതിനാല്‍ വിദ്യാര്‍ഥികള്‍ സ്വന്തം സ്‌കൂളിന്റെ അറിയിപ്പും ഔദ്യോഗിക അക്കാദമിക് കലണ്ടറും പരിശോധിക്കുന്നത് നല്ലതാണ്. വിജയദശമി ദിനത്തില്‍ കേരളത്തിലെ വിവിധ ക്ഷേത്രങ്ങളിലും സാംസ്‌കാരിക കേന്ദ്രങ്ങളിലും വിദ്യാരംഭ ചടങ്ങുകള്‍ നടക്കും. നിരവധി കുട്ടികള്‍ ഈ ദിവസം ആദ്യാക്ഷരം കുറിക്കുന്നതിനാല്‍ കുടുംബങ്ങള്‍ക്കും വിദ്യാര്‍ഥികള്‍ക്കും ഏറെ പ്രധാനപ്പെട്ട ദിവസങ്ങളാണ് നവരാത്രി കാലയളവിലെ ഈ ദിവസങ്ങള്‍.
