Lifestyle Mistakes: ഒട്ടും നോർമൽ അല്ല ഈ ശീലങ്ങൾ… ജീവിതത്തിൽ നിന്ന് മാറ്റിനിർത്തേണ്ട ചെറിയ വലിയ കാര്യങ്ങൾ
Lifestyle Mistakes make Destroying Your Health: ദീർഘനേരം കൂനിയിരുന്നോ കുനിഞ്ഞോ മൊബൈലും കമ്പ്യൂട്ടറും ഉപയോഗിക്കുന്നത് നട്ടെല്ലിനും കഴുത്തിനും വിട്ടുമാറാത്ത വേദനയുണ്ടാക്കുന്നു.
നമ്മുടെ ദൈനംദിന ജീവിതത്തിൽ "സാധാരണമെന്നു" കരുതി നാം പിന്തുടരുന്ന പല ശീലങ്ങളും ദീർഘകാലാടിസ്ഥാനത്തിൽ ഗുരുതരമായ ആരോഗ്യപ്രശ്നങ്ങൾക്ക് കാരണമാകുന്നു. ദീർഘനേരം കൂനിയിരുന്നോ കുനിഞ്ഞോ മൊബൈലും കമ്പ്യൂട്ടറും ഉപയോഗിക്കുന്നത് നട്ടെല്ലിനും കഴുത്തിനും വിട്ടുമാറാത്ത വേദനയുണ്ടാക്കുന്നു. ഇത് പേശികളെ ദുർബലമാക്കുകയും രക്തയോട്ടം കുറയ്ക്കുകയും ചെയ്യുന്നു.
ഉറങ്ങുന്നതിന് തൊട്ടുമുമ്പ് ഭക്ഷണം കഴിക്കുന്നത് ദഹനപ്രക്രിയയെ മന്ദഗതിയിലാക്കുകയും ശരീരത്തിൽ കൊഴുപ്പ് അടിയാൻ കാരണമാവുകയും ചെയ്യുന്നു. ഉറക്കത്തിന് 2–3 മണിക്കൂർ മുമ്പ് അത്താഴം കഴിക്കുന്നതാണ് ആരോഗ്യകരം.
പ്രവൃത്തിദിവസങ്ങളിലെ ഉറക്കക്കുറവ് പരിഹരിക്കാൻ വാരാന്ത്യങ്ങളിൽ കൂടുതൽ സമയം ഉറങ്ങുന്നത് ഹോർമോൺ സന്തുലിതാവസ്ഥയെ ബാധിക്കും. എല്ലാ ദിവസവും ഒരേ സമയത്ത് ഉറങ്ങാനും എഴുന്നേൽക്കാനും ശ്രമിക്കുന്നത് തലച്ചോറിന്റെയും ഹൃദയത്തിന്റെയും ആരോഗ്യത്തിന് അത്യാവശ്യമാണ്.
പകൽ മുഴുവൻ വീടിനുള്ളിലോ ഓഫീസിനുള്ളിലോ ഇരിക്കുന്നത് വിറ്റാമിൻ ഡി-യുടെ കുറവിന് കാരണമാകുന്നു. ഇത് എല്ലുകളുടെ ബലക്ഷയം, പ്രതിരോധശേഷി കുറയൽ, മാനസിക സമ്മർദ്ദം എന്നിവയിലേക്ക് നയിക്കാം. ദിവസവും 15–20 മിനിറ്റ് വെയിൽ കൊള്ളുന്നത് ഇതിന് പരിഹാരമാണ്.
അമിതവണ്ണം, ഹോർമോൺ വ്യതിയാനം, മാനസിക സമ്മർദ്ദം എന്നിവ തടയാൻ നമ്മുടെ ഈ കുഞ്ഞു ശീലങ്ങളിൽ മാറ്റം വരുത്തേണ്ടതുണ്ട്. കൃത്യസമയത്തുള്ള ഭക്ഷണം, നേരായ ഇരിപ്പ്, ശരിയായ ഉറക്കം എന്നിവ ഭാവിയിലെ വലിയ ആരോഗ്യ പ്രതിസന്ധികളെ തടയും.
