Lok Sabha Speakers: ഓം ബിർള മാത്രമല്ല; തുടർച്ചയായി സ്പീക്കർ സ്ഥാനം അലങ്കരിച്ചവർ ഇവർ
Lok sabha Speaker Election : 1976-ന് ശേഷം സ്പീക്കർ സ്ഥാനത്തേക്കുള്ള ആദ്യ മത്സരമായിരുന്നു ഇത്തവണത്തേത്. പ്രതിപക്ഷം വോട്ടെടുപ്പ് ആവശ്യപ്പെടാത്തതിനേത്തുടർന്ന് ശബ്ദ വോട്ടോടെയാണ് ഓംബിർളയെ തിരഞ്ഞെടുത്തത്.
എംഎ അയ്യങ്കാർ: 1956-ൽ കോൺഗ്രസ് നേതാവ് ജി.വി.മാവലങ്കാറിൻ്റെ നിര്യാണത്തെത്തുടർന്ന് പാർലമെൻ്റിൻ്റെ അധോസഭയിലെ ആദ്യത്തെ ഡെപ്യൂട്ടി സ്പീക്കറായിരുന്ന അയ്യങ്കാർ സ്പീക്കറായി തിരഞ്ഞെടുക്കപ്പെട്ടു. പിന്നീട് 1957-ലെ പൊതുതെരഞ്ഞെടുപ്പിൽ വിജയിക്കുകയും രണ്ടാം ലോക്സഭയുടെ സ്പീക്കറായി തിരഞ്ഞെടുക്കപ്പെടുകയും ചെയ്തു.
ജി.എസ്. ധില്ലൻ: 1969-ൽ എൻ.സഞ്ജീവ റെഡ്ഡിയുടെ രാജിയെ തുടർന്നാണ് ധില്ലൻ നാലാം ലോക്സഭയുടെ സ്പീക്കറായി തിരഞ്ഞെടുക്കപ്പെട്ടത്. 1971-ൽ അദ്ദേഹം വീണ്ടും അഞ്ചാം ലോക്സഭയുടെ സ്പീക്കറായി, 1975 ഡിസംബർ 1 വരെ ഓഫീസിൽ തുടർന്നു. അടിയന്തരാവസ്ഥക്കാലത്താണ് അദ്ദേഹം ആ സ്ഥാനത്തുനിന്നും പടിയിറങ്ങിയത്.
ബൽറാം ജാഖർ: ഏഴാം ലോക്സഭയുടെ സ്പീക്കറായിരുന്നു ജാഖർ. രണ്ട് ടേം പൂർത്തിയാക്കിയ ഏക പ്രിസൈഡിംഗ് ഓഫീസർ എന്ന ബഹുമതി അദ്ദേഹത്തിനുണ്ട്.
ജിഎംസി ബാലയോഗി: ബാലയോഗി 12-ാം ലോക്സഭയുടെ സ്പീക്കറായി തിരഞ്ഞെടുക്കപ്പെട്ട അദ്ദേഹം 19 മാസം ആ സ്ഥാനത്ത് തുടർന്നു. 1999 ഒക്ടോബർ 22-ന് 13-ാം ലോക്സഭയുടെ സ്പീക്കറായും അദ്ദേഹത്തെത്തന്നെ തിരഞ്ഞെടുത്തു. 2002 മാർച്ച് 3-ന് ഹെലികോപ്റ്റർ അപകടത്തിൽ മരിക്കുന്നതുവരെ ആ സ്ഥാനത്ത് അദ്ദേഹം തുടർന്നു.
