November Holidays: യാത്രകള് പ്ലാന് ചെയ്തോളൂ, നവംബറില് അവധികള് ഒരുപാടുണ്ട്
Bank Holidays in November: 2024ല് യാത്രകള് പോകാന് പ്ലാന് ചെയ്തിട്ടും സാധിക്കാതെ പോയവര്ക്ക് നവംബറില് ആ സ്വപ്നങ്ങള് പൂവണിയിക്കാം. നവംബര് മാസത്തിലെ അവധികള് നിങ്ങളെ നിരാശരാക്കില്ല.
2024 അങ്ങനെ അവസാനിക്കാറായിരിക്കുകയാണ്. എത്ര പെട്ടെന്നാണല്ലേ വര്ഷം അവസാനിക്കുന്നത്. ഒന്ന് കണ്ണടച്ച് തുറന്നപ്പോഴേക്കും നവംബര് എത്തി. 2025 ന് ഇനി വെറും രണ്ട് മാസത്തിന്റെ ദൂരമേ ഉള്ളു. വര്ഷം അവസാനിക്കുമ്പോള് അവധി തരാതെ എങ്ങനെയാണെന്ന മനോഭാവത്തിലാണ് നവംബര് എത്തിയിരിക്കുന്നത്. (Image Credits: Pakin Songmor/ Getty Images Creative)
2024ല് യാത്രകള് പോകാന് പ്ലാന് ചെയ്തിട്ടും സാധിക്കാതെ പോയവര്ക്ക് നവംബറില് ആ സ്വപ്നങ്ങള് പൂവണിയിക്കാം. നവംബര് മാസത്തിലെ അവധികള് നിങ്ങളെ നിരാശരാക്കില്ല. (Image Credits: Aslan Alphan/E+/Getty Images)
നവംബറില് ആകെ 12 അവധികളാണുള്ളത്. ഓരോ സംസ്ഥാനങ്ങളെ ആശ്രയിച്ചിരിക്കും ഈ അവധികളുടെ എണ്ണം. കേരളത്തില് ആകെ 6 അവധികളാണ് നവംബറില് ഉള്ളത്. എന്നാല് മറ്റ് സംസ്ഥാനങ്ങളിലെ മലയാളികള്ക്ക് അവധികള് ഒരുപാടുണ്ട്. (Image Credits: mrs/Moment/Getty Images)
നവംബര് 7നാണ് ബീഹാര് ഉള്പ്പെടെയുള്ള സംസ്ഥാനങ്ങളില് ഛത്ത് പൂജ നടക്കുന്നത്. വ്യാഴാഴ്ചയാണ് ഛത്ത് പൂജ. നവംബര് 9 രണ്ടാം ശനിയാഴ്ചയാണ് അന്നും ഓഫീസില് പോകേണ്ടാ. നവംബര് 15ന് ഗുരു നാനാക്ക് ദിനമാണ്. (Image Credits: nigelcarse/E+/Getty Images)
നവംബര് 18ന് കനകദാസ ജയന്തിയാണ്. നവംബര് 23ന് നാലാം ശനിയാഴ്ചയും വരുന്നു. കേരളത്തില് ബാങ്ക് അവധിയുള്ളത് 3,9,10,17,23,24 എന്നീ തീയതികളിലാണ്. (Image Credits: Fajrul Islam/Getty Images Creative)
