BTS Richest Member: 350 കോടി ആസ്തി, ആഡംബര അപാർട്മെന്റ്, ഫാൻസി കാറുകൾ; ബിടിഎസിലെ ഏറ്റവും ധനികനായ അംഗം ആരെന്ന് അറിയാമോ?
Who is the Richest BTS Member: കോടിക്കണക്കിന് രൂപയാണ് ബിടിഎസിലെ ഓരോ അംഗങ്ങളുടെയും ആസ്തി. എന്നാൽ, ബിടിഎസിലെ ഏറ്റവും ധനികനായ അംഗം കിം തെ-ഹ്യുങ് എന്ന വി ആണ്.
ലോകത്തിലെ ഏറ്റവും വലിയ സംഗീത ബാൻഡുകളിൽ ഒന്നാണ് കൊറിയൻ ബാൻഡായ ബിടിഎസ്. കോടിക്കണക്കിന് രൂപയാണ് ഇതിലെ ഓരോ അംഗങ്ങളുടെയും ആസ്തി. എന്നിരുന്നാൽ പോലും, ബിടിഎസിലെ ഏറ്റവും ധനികനായ അംഗം കിം തെ-ഹ്യുങ് എന്ന വി ആണ്. ബാൻഡ് സംബന്ധമായ പരിപാടികൾക്ക് പുറമെ, പരസ്യം, സോഷ്യൽ മീഡിയ, ബ്രാൻഡുകൾ എന്നിവ മുഖേനയും താരത്തിന് ലഭിക്കുന്നത് കോടികളാണ്. (Image Credits: Instagram)
സംഗീതത്തിനപ്പുറം പ്രശസ്തി നേടിയ വി-ക്ക് ഇൻസ്റ്റാഗ്രാമിൽ 66 ദശലക്ഷത്തിലധികം ഫോളോവേഴ്സ് ഉണ്ട്. ഓൺലൈനിൽ ഏറ്റവും കൂടുതൽ പേർ പിന്തുടരുന്ന കെ-പോപ്പ് താരങ്ങളിൽ ഒരാളാണ് വി. ഒരു സ്പോൺസർ ചെയ്ത പോസ്റ്റിന് 58 ലക്ഷം മുതൽ 7 കോടി രൂപ വേറെയാണ് താരം ഈടാക്കുന്നുണ്ടെന്നാണ് റിപ്പോർട്ട്. ആഡംബര ബ്രാൻഡുകൾ മുതൽ ആഗോള കാമ്പെയ്നുകളുടെ വരെ ഭാഗമാകാറുണ്ട് വി. (Image Credits: Instagram)
2019ൽ സിയോളിലെ ഏറ്റവും ചെലവേറിയ നഗരങ്ങളിൽ ഒന്നായ ഗംഗ്നാമിൽ സ്ഥിതി ചെയ്യുന്ന ആഡംബര അപാർട്മെന്റ് വി സ്വന്തമാക്കി. ഏകദേശം 3,000 ചതുരശ്ര അടി വിസ്തീർണ്ണമുള്ള ഈ അപ്പാർട്ട്മെന്റിന് ഇന്ന് 38–39 കോടി രൂപ വരെ വിലവരും. മനോഹരമായ ഹാൻ നദിക്ക് അഭിമുഖമായാണ് ഇത് സ്ഥിതി ചെയ്യുന്നത്. (Image Credits: Instagram)
കാർ കളക്ഷന്റെ കാര്യത്തിലും താരം പുറകിലല്ല. 60 ലക്ഷത്തോളം വിലവരുന്ന ജെനസിസ് ജിവി 80 എസ്യുവി താരത്തിന് സ്വന്തമായുണ്ട്. കൂടാതെ, പോർഷെ പനാമേര ജിടിഎസും, ലംബോർഗിനി അവന്റഡോർ എസ്സും താരത്തിന് സ്വന്തമായുണ്ടെന്നാണ് റിപ്പോർട്ടുകൾ. (Image Credits: Instagram)
മുൻനിര ഫ്രഞ്ച് ഫാഷൻ ബ്രാൻഡായ സെലീന്റെയും, കാർട്ടിയറിന്റെയും ആഗോള അംബാസഡർ കൂടിയാണ് താരം. കൂടാതെ, കൊക്കകോള, മക്ഡൊണാൾഡ്സ്, ഹ്യുണ്ടായ്, ഇന്തോനേഷ്യയിലെ സിംഇൻവെസ്റ്റ് തുടങ്ങിയ ബ്രാൻഡുകളുമായും താരം ബന്ധപ്പെട്ടിരിക്കുന്നു. ഏകദേശം 342 കോടിയാണ് ബിടിഎസ് വി-യുടെ ആകെ ആസ്തി. (Image Credits: Instagram)
