Samantha Ruth Prabhu: ‘വിഷമിക്കണ്ട, കൂടെയുണ്ടാകും… ‘; വിവാഹാഭ്യർഥനയ്ക്ക് കിടിലൻ മറുപടിയുമായി സാമന്ത
Samantha Response To Fan: തനിക്ക് സാമ്പത്തികമായി നല്ല നിലയിലെത്താൻ രണ്ടു വർഷത്തെ സമയം നൽകണമെന്നും വീഡിയോയിൽ യുവാവ് പറയുന്നു. ചുരുങ്ങിയ സമയം കൊണ്ടാണ് രസകരമായ ഈ വീഡിയോ വെെറലായത്.
നിരവധി ആരാധകരുള്ള തെന്നിന്ത്യൻ താരമാണ് സാമന്ത റൂത്ത്പ്രഭു. താരം സമൂഹമാധ്യമങ്ങളിൽ പങ്കുവയ്ക്കുന്ന ചിത്രങ്ങളും വീഡിയോകളും എല്ലാം ആരാധകർ ഏറ്റെടുക്കാറുമുണ്ട്. ഇപ്പോഴിതാ സോഷ്യൽമീഡിയയിലൂടെ വിവാഹ അഭ്യർഥന നടത്തിയ യുവാവിന് സാമന്ത നൽകിയ കിടിലൻ മറുപടിയാണ് വൈറലായിരിക്കുന്നത്. വിവാഹ അഭ്യർത്ഥന നടത്തിയ യുവാവിൻ്റെ പോസ്റ്റിനെ താഴെയാണ് സാമന്ത മറുപടി നൽകിയിരിക്കുന്നത്. (Image Credits: Instagram)
നടൻ നാഗചൈതന്യയും നടി ശോഭിത ധുലിപാലയും തമ്മിലുള്ള വിവാഹനിശ്ചയം കഴിഞ്ഞതോടെ സാമന്തയെ ടാഗ് ചെയ്ത് നിരവധി പോസ്റ്റുകൾ സോഷ്യൽ മീഡിയയിൽ പ്രചരിക്കുന്നുണ്ട്. അത്തരമൊരു പോസ്റ്റാണ് യുവാവും പങ്കുവച്ചിരിക്കുന്നത്. 'സാമന്ത വിഷമിക്കണ്ട. എന്നും കൂടെയുണ്ടാവും. വിവാഹം കഴിക്കാൻ താല്പര്യമുണ്ട്' എന്ന അഭ്യർഥനയുമായിട്ടാണ് മുകേഷ് എന്ന ആരാധകൻ വീഡിയോ പങ്കുവെച്ചിരിക്കുന്നത്. (Image Credits: Instagram)
തനിക്ക് സാമ്പത്തികമായി നല്ല നിലയിലെത്താൻ രണ്ടു വർഷത്തെ സമയം നൽകണമെന്നും വീഡിയോയിൽ യുവാവ് പറയുന്നു. ചുരുങ്ങിയ സമയം കൊണ്ടാണ് രസകരമായ ഈ വീഡിയോ വെെറലായത്. ബാഗ് പാക്ക് ചെയ്ത് വിമാനത്തിൽ കയറുന്നത് മുതൽ സാമന്തയുടെ വീട്ടിൽ എത്തുന്നത് വരെയുള്ള കാര്യങ്ങൾ ഗ്രാഫിക്സിൻ്റെ സഹായത്തോടെയാണ് യുവാവ് വീഡിയോയിൽ ഉൾപ്പെടുത്തിയിരിക്കുന്നത്. (Image Credits: Instagram)
വളരെപ്പെട്ടെന്ന് തന്നെ വെെറലായ ഈ വീഡിയോയ്ക്ക് വെെകാതെ മറുപടിയുമായി സാമന്തയും എത്തി. വീഡിയോയുടെ ബാക്ഗ്രൗണ്ടിലുള്ള ജിം തന്നെ ഏതാണ്ട് കൺവിൻസ് ചെയ്തു' എന്നാണ് സാമന്ത നൽകിയ മറുപടി. ഇതിന് പിന്നാലെ നിരവധി ആരാധകരാണ് നടിക്ക് മറുപടിയുമായി എത്തുന്നത്. (Image Credits: Instagram)
സാമന്തയുമായുള്ള വിവാഹബന്ധം പിരിഞ്ഞ് മൂന്ന് വർഷത്തിനുശേഷമാണ് നാഗചൈതന്യ ശോഭിത ധുലിപാലയെ വിവാഹം ചെയ്യുന്നത്. 2017-ലായിരുന്നു സാമന്തയുടേയും നാഗചൈതന്യയുടേയും വിവാഹം നടന്നത്. (Image Credits: Instagram)
