Silver Price: ധൃതി വേണ്ട, പാദസരം വാങ്ങാൻ അല്പം കൂടി കാത്തിരിക്കൂ; വെള്ളി വില കുതിച്ചേക്കും
Silver Price Forecast: ആഗോള വിപണിയിൽ വെള്ളിയുടെ വിലയിൽ വരും ദിവസങ്ങളിൽ വൻ വർദ്ധനവ് ഉണ്ടായേക്കുമെന്ന് സാമ്പത്തിക വിദഗ്ധർ പ്രവചിക്കുന്നു. വ്യാവസായിക മേഖലകളിൽ ഡിമാൻഡ് വർദ്ധിക്കുന്നതും വെള്ളിക്ക് കരുത്തേകും.
യുദ്ധഭീതിക്കിടെയും പ്രതീക്ഷ നൽകിയ ശേഷം സ്വർണം, വെള്ളി വില വീണ്ടും കുതിക്കുകയാണ്. സംഘർഷം പൊട്ടിപ്പുറപ്പെട്ടതിന് പിന്നാലെ വിലയിൽ വൻ വർദ്ധനവാണ് രേഖപ്പെടുത്തിയത്. ഇതിന് പിന്നാലെ റെക്കോർഡ് കുതിപ്പ് പ്രതീക്ഷിച്ചെങ്കിലും തൊട്ടടുത്ത ദിവസങ്ങളിൽ വില കുറയുകയാണ് ചെയ്തത്.
എന്നാൽ വരുംദിവസങ്ങളിൽ വെള്ളി വില ഉയരാനാണ് സാധ്യത. ആഗോള വിപണിയിൽ വെള്ളിയുടെ വിലയിൽ വരും ദിവസങ്ങളിൽ വൻ വർദ്ധനവ് ഉണ്ടായേക്കുമെന്ന് സാമ്പത്തിക വിദഗ്ധർ പ്രവചിക്കുന്നു. നിലവിൽ ഗ്രാമിന് 285 രൂപയും കിലോയ്ക്ക് 2,85,000 രൂപയുമാണ് വില.
പ്രമുഖ ബാങ്കുകൾ വെള്ളിയുടെ 'ഷോർട്ട് പൊസിഷനുകൾ' വലിയ തോതിൽ ക്ലോസ് ചെയ്യാൻ ശ്രമിക്കുന്നത് വിപണിയിൽ വലിയൊരു 'പ്രൈസ് എക്സ്പ്ലോഷന്' കാരണമായേക്കാം എന്നാണ് പുതിയ റിപ്പോർട്ടുകൾ.
വെള്ളിയുടെ വില കുറയുമെന്ന് പ്രതീക്ഷിച്ച് പല വലിയ ബാങ്കുകളും വലിയ തോതിൽ 'ഷോർട്ട് സെല്ലിംഗ്' നടത്തിയിരുന്നു. എന്നാൽ വിപണി സാഹചര്യം മാറുകയും വെള്ളിയുടെ ഡിമാൻഡ് വർദ്ധിക്കുകയും ചെയ്തതോടെ, നഷ്ടം ഒഴിവാക്കാനായി ബാങ്കുകൾ തങ്ങളുടെ പൊസിഷനുകൾ തിരികെ വാങ്ങുകയാണ്.
കൂടാതെ, ആഗോള സാമ്പത്തിക പ്രതിസന്ധികളും പണപ്പെരുപ്പവും നിലനിൽക്കുന്ന സാഹചര്യത്തിൽ നിക്ഷേപകർ സുരക്ഷിത നിക്ഷേപമെന്ന നിലയിൽ വെള്ളിയിലേക്ക് തിരിയുന്നതും വ്യാവസായിക മേഖലകളിൽ ഡിമാൻഡ് വർദ്ധിക്കുന്നതും വെള്ളിക്ക് കരുത്തേകും. (Image Credit: Getty Images)
