Business Ideas: ഒരു ലക്ഷം രൂപയുണ്ടോ? തുടങ്ങാം ലാഭം നേടാവുന്ന 6 ബിസിനസുകൾ
How to Start a Business With Rs 1 Lakh 6 Profitable Ideas: ഗ്രാമങ്ങളില്‍ ആരംഭിക്കാവുന്ന പ്രധാന സംരംഭങ്ങളിലൊന്നാണ് ക്ഷീരകൃഷി. രണ്ടുമുതല്‍ നാലുവരെ പശുക്കളെയോ എരുമകളെയോ വളര്‍ത്തി ചെറിയ രീതിയില്‍ ഈ ബിസിനസ് തുടങ്ങാം. പാല്‍ വില്‍ക്കുന്നതിലൂടെ ദിവസേന വരുമാനം നേടാനാകും. തൈര്, പനീര്‍, നെയ്യ് തുടങ്ങിയ ഉല്‍പ്പന്നങ്ങള്‍ നിര്‍മിച്ച് വില്‍ക്കുന്നതിലൂടെ വരുമാനസാധ്യത വര്‍ധിപ്പിക്കാനും കഴിയും.
ഗ്രാമങ്ങളില്‍ താമസിക്കുന്നവര്‍ക്ക് കുറഞ്ഞ നിക്ഷേപത്തില്‍ സ്വന്തം സംരംഭം ആരംഭിച്ച് സ്ഥിരവരുമാനം നേടാന്‍ നിരവധി അവസരങ്ങളുണ്ട്. തൊഴില്‍ തേടി നഗരങ്ങളിലേക്ക് പോകുന്നവരാണ് പലരും. എന്നാല്‍ ഗ്രാമങ്ങളിലെ പ്രാദേശിക ആവശ്യങ്ങള്‍, പ്രകൃതിവിഭവങ്ങള്‍, കുറഞ്ഞ പ്രവര്‍ത്തനച്ചെലവ് എന്നിവ പ്രയോജനപ്പെടുത്തി നല്ല വരുമാനം നേടാന്‍ സാധിക്കും. കന്നുകാലി വളര്‍ത്തല്‍ മുതല്‍ ഭക്ഷ്യോല്‍പ്പന്നങ്ങളുടെ നിര്‍മാണവും വില്‍പ്പനയും വരെ ഗ്രാമങ്ങളില്‍ ആരംഭിക്കാവുന്ന നിരവധി ചെറുകിട ബിസിനസുകളുണ്ട്. (Image Credit Source: Getty Images)
ഗ്രാമങ്ങളില്‍ ആരംഭിക്കാവുന്ന പ്രധാന സംരംഭങ്ങളിലൊന്നാണ് ക്ഷീരകൃഷി. രണ്ടുമുതല്‍ നാലുവരെ പശുക്കളെയോ എരുമകളെയോ വളര്‍ത്തി ചെറിയ രീതിയില്‍ ഈ ബിസിനസ് തുടങ്ങാം. പാല്‍ വില്‍ക്കുന്നതിലൂടെ ദിവസേന വരുമാനം നേടാനാകും. തൈര്, പനീര്‍, നെയ്യ് തുടങ്ങിയ ഉല്‍പ്പന്നങ്ങള്‍ നിര്‍മിച്ച് വില്‍ക്കുന്നതിലൂടെ വരുമാനസാധ്യത വര്‍ധിപ്പിക്കാനും കഴിയും. സമീപപ്രദേശങ്ങളിലെ വീടുകള്‍, കടകള്‍, ഹോട്ടലുകള്‍ എന്നിവിടങ്ങളിലേക്ക് ഉല്‍പ്പന്നങ്ങള്‍ എത്തിക്കുന്നതും പ്രയോജനകരമാണ്. എന്നാല്‍ കാലിത്തീറ്റ, പരിപാലനം, ചികിത്സ തുടങ്ങിയ ചെലവുകള്‍ കണക്കാക്കിയ ശേഷമാണ് ലാഭം വിലയിരുത്തേണ്ടത്.
താരതമ്യേന ചെറിയ തോതില്‍ ആരംഭിക്കാവുന്ന മറ്റൊരു സംരംഭമാണ് ആടുവളര്‍ത്തല്‍. 10 മുതല്‍ 15 വരെ ആടുകളെ വളര്‍ത്തി ഈ മേഖലയില്‍ തുടക്കം കുറിക്കാം. ആട്ടിന്‍കുട്ടികള്‍, പാല്‍, മാംസം എന്നിവയുടെ വില്‍പ്പനയിലൂടെ വരുമാനം നേടാനാകും. പ്രാദേശിക വിപണിയിലെ ആവശ്യവും ഉല്‍പ്പന്നങ്ങളുടെ വിലയും അനുസരിച്ച് ലാഭത്തില്‍ വ്യത്യാസമുണ്ടാകും. ശരിയായ പരിപാലനം, രോഗപ്രതിരോധം, തീറ്റയുടെ ലഭ്യത എന്നിവ ഉറപ്പാക്കുന്നത് ഈ ബിസിനസില്‍ പ്രധാനമാണ്.
മുട്ടയ്ക്കും ഇറച്ചിക്കുമുള്ള ആവശ്യകത പ്രയോജനപ്പെടുത്തി കോഴിവളര്‍ത്തല്‍ സംരംഭം ആരംഭിക്കാം. 200 മുതല്‍ 500 വരെ കോഴികളുമായി ബിസിനസ് തുടങ്ങാനാകും. വിപണിയിലെ ആവശ്യത്തിനനുസരിച്ച് കോഴികളുടെ എണ്ണം വര്‍ധിപ്പിക്കാം. സമീപത്തെ കടകള്‍, ഹോട്ടലുകള്‍, വീടുകള്‍ എന്നിവയുമായി വില്‍പ്പനയ്ക്കുള്ള ബന്ധം സ്ഥാപിക്കുന്നത് സഹായകരമാകും. കോഴിക്കുഞ്ഞുങ്ങളുടെ വില, തീറ്റച്ചെലവ്, വാക്‌സിനേഷന്‍, തൊഴില്‍ച്ചെലവ് എന്നിവ കൃത്യമായി കണക്കാക്കണം. ശരിയായ രീതിയില്‍ നടത്തുകയാണെങ്കില്‍ മുട്ടയിലൂടെയും ഇറച്ചിയിലൂടെയും വരുമാനം നേടാന്‍ കഴിയും.
ഗ്രാമങ്ങളില്‍ സ്ഥിരമായ ആവശ്യകതയുള്ള സംരംഭമാണ് പൊടിമില്‍. ഗോതമ്പ്, മറ്റ് ധാന്യങ്ങള്‍ എന്നിവ പൊടിച്ചുനല്‍കുന്ന സേവനം ആരംഭിക്കാന്‍ ഏകദേശം 40,000 മുതല്‍ 60,000 രൂപ വരെ ചെലവുള്ള യന്ത്രങ്ങള്‍ പരിഗണിക്കാം. യന്ത്രത്തിന്റെ ശേഷി, ബ്രാന്‍ഡ്, സ്ഥാപിക്കുന്ന സ്ഥലം എന്നിവ അനുസരിച്ച് ചെലവില്‍ മാറ്റമുണ്ടാകും. സുഗന്ധവ്യഞ്ജനങ്ങള്‍ പൊടിച്ചുനല്‍കുന്ന സേവനം കൂടി ആരംഭിച്ചാല്‍ കൂടുതല്‍ ഉപഭോക്താക്കളെ ആകര്‍ഷിക്കാനാകും. പ്രതിദിനം ലഭിക്കുന്ന വരുമാനം ഉപഭോക്താക്കളുടെ എണ്ണം, പൊടിക്കുന്ന അളവ്, വൈദ്യുതി ചെലവ്, അറ്റകുറ്റപ്പണികള്‍ തുടങ്ങിയ ഘടകങ്ങളെ ആശ്രയിച്ചിരിക്കും.
