Student Visa: ഇന്ത്യന് വിദ്യാര്ഥികള്ക്ക് തിരിച്ചടി; സ്റ്റുഡന്റ് വിസ നിയമം കര്ശനമാക്കി ഈ രാജ്യം
ഇന്റര്നാഷണല് ഇംഗ്ലീഷ് ലാംഗ്വേജ് ടെസ്റ്റിംഗ് സിസ്റ്റം സ്കോറുകള് വര്ധിപ്പിക്കുന്നതും ഓസ്ട്രേലിയ നേരത്തെ തീരുമാനിച്ചിരുന്നു
വിദേശ പഠനം ആഗ്രഹിക്കുന്നവരാണ് നമ്മുടെ രാജ്യത്തെ പകുതിയോളം വിദ്യാര്ഥികളും. എല്ലാ രാജ്യങ്ങളിലും ഇന്ത്യക്കാരുണ്ട്.
എന്നാല് ഇനി ഓസ്ട്രേലിയയില് പഠിക്കുന്നത് അത്ര എളുപ്പമല്ല. ഓസ്ട്രേലിയന് സര്ക്കാര് അന്താരാഷ്ട്ര വിദ്യാര്ഥികള്ക്കുള്ള വിസ നിയമങ്ങളില് മാറ്റം വരുത്തിയിരിക്കുകയാണ്.
കഴിഞ്ഞ ഏഴ് മാസത്തിനിടെ ഓസ്ട്രേലിയ രണ്ടാം തവണയാണ് തുക വര്ധിപ്പിക്കുന്നത്. കഴിഞ്ഞ ഒക്ടോബറില് 21,041 ഓസ്ട്രേലിയന് ഡോളറില് നിന്ന് 24,505 ഡോളറായി ഉയര്ത്തിയിരുന്നു. സ്റ്റുഡന്റ് വിസ നിയമങ്ങള് കര്ശനമാക്കാനുള്ള തീരുമാന പ്രകാരമാണ് ഓസ്ട്രേലിയന് സര്ക്കാരിന്റെ നീക്കം.
ഇന്റര്നാഷണല് ഇംഗ്ലീഷ് ലാംഗ്വേജ് ടെസ്റ്റിംഗ് സിസ്റ്റം സ്കോറുകള് വര്ധിപ്പിക്കുന്നതും ഓസ്ട്രേലിയ നേരത്തെ തീരുമാനിച്ചിരുന്നു. സ്റ്റുഡന്റ് വിസയുമായി ബന്ധപ്പെട്ട തട്ടിപ്പുകളുടെ എണ്ണം കൂടുന്നതാണ് സര്ക്കാരിനെ ഇത്തരമൊരു തീരുമാനമെടുക്കാന് പ്രേരിപ്പിച്ചത്.
2023 സെപ്റ്റംബര് 30ഓടെ കുടിയേറ്റം 60 ശതമാനം ഉയര്ന്നിരുന്നു. 5,48,800 പേരാണ് കുടിയേറ്റക്കാരായി രാജ്യത്തുള്ളത്. ഇത് കണക്കിലെടുത്താണ് വിസ ചട്ടങ്ങള് കര്ശനമാക്കാന് സര്ക്കാര് തീരുമാനിച്ചത്.
ഓസ്ട്രേലിയയിലേക്ക് എത്തുന്ന അന്തര്ദേശീയ വിദ്യാര്ഥികളുടെ എണ്ണത്തില് രണ്ടാം സ്ഥാനത്ത് ഇന്ത്യയാണ്. 2022 ഡിസംബറിനും 2023 ഡിസംബറിനുമിടയില് ഇന്ത്യന് വിദ്യാര്ഥികള്ക്ക് ഓസ്ട്രേലിയ അനുവദിച്ച വിസകളുടെ എണ്ണത്തില് 48 ശതമാനം കുറവുവരുത്തിയിട്ടുണ്ട്.
