IND vs NZ: വിന്നിങ് കോമ്പിനേഷന് പൊളിക്കില്ല; മാറ്റങ്ങള് വരുത്താതെ ഇന്ത്യ; സൂചനകള് പുറത്ത്
India vs New Zealand possible playing XI: ന്യൂസിലന്ഡിനെതിരായ ഫൈനലില് ഇന്ത്യ പ്ലേയിങ് ഇലവനില് മാറ്റം വരുത്താന് സാധ്യതയില്ല. ഇംഗ്ലണ്ടിനെതിരായ സെമി ഫൈനലിലെ അതേ പ്ലേയിങ് ഇലവന് തന്നെയാണ് ഫൈനലിലും കളിക്കുന്നതെന്ന് സൂചന.
ന്യൂസിലന്ഡിനെതിരായ ഫൈനലില് ഇന്ത്യ പ്ലേയിങ് ഇലവനില് മാറ്റം വരുത്താന് സാധ്യതയില്ലെന്ന് സൂചന. ഇംഗ്ലണ്ടിനെതിരായ സെമി ഫൈനലിലെ അതേ പ്ലേയിങ് ഇലവന് തന്നെയാണ് ഫൈനലിലും കളിക്കുന്നതെന്നാണ് വിവരം. അതായത് മോശം ഫോമിലുള്ള അഭിഷേക് ശര്മ ഓപ്പണറായി തുടരും (Image Credits: PTI).
സഞ്ജു സാംസണാണ് സഹ ഓപ്പണര്. ഇഷാന് കിഷന് വണ് ഡൗണായി കളിക്കും. സൂര്യകുമാര് യാദവ്, തിലക് വര്മ എന്നിവരാണ് മറ്റ് സ്പെഷ്യലിസ്റ്റ് ബാറ്റര്മാര് (Image Credits: PTI).
വൈസ് ക്യാപ്റ്റന് അക്സര് പട്ടേലും, ഹാര്ദ്ദിക് പാണ്ഡ്യയും, ശിവം ദുബെയുമാണ് ഓള് റൗണ്ടര്മാര്. പേസാക്രമണത്തിന് ജസ്പ്രീത് ബുംറ നേതൃത്വം നല്കും. അര്ഷ്ദീപ് സിങാണ് മറ്റൊരു പേസര് (Image Credits: PTI).
സെമി ഫൈനലില് നിരാശപ്പെടുത്തിയെങ്കിലും വരുണ് ചക്രവര്ത്തിയുടെ സ്ഥാനത്തിനും ഇളക്കം തട്ടില്ല. ടി20യിലെ ഒന്നാം നമ്പര് ബൗളറായ വരുണിനെ ക്യാപ്റ്റന് സൂര്യകുമാര് യാദവ് പിന്തുണച്ചിരുന്നു. കുല്ദീപ് യാദവ് ഇന്നും പുറത്തിരിക്കും (Image Credits: PTI).
റിങ്കു സിങ്, വാഷിങ്ടണ് സുന്ദര്, മുഹമ്മദ് സിറാജ് എന്നിവര്ക്കും അവസരമില്ലെന്നാണ് സൂചന. ഓപ്ഷണല് സെഷനില് റിങ്കുവും, സിറാജും ഏറെ നേരം പരിശീലിച്ചിരുന്നു. ഇതോടെ ഇരുവരും കളിച്ചേക്കുമെന്ന അഭ്യൂഹമുയര്ന്നിരുന്നു (Image Credits: PTI).
