Amrit Bharat Express: തിരുവനന്തപുരത്തേക്ക് 3 അമൃത് ഭാരത് എക്സ്പ്രസുകള്; ഇവിടങ്ങളില് നിന്ന് പെട്ടെന്ന് നാട്ടിലെത്താം
Amrit Bharat Express Hyderabad to Thiruvananthapuram: നാല് പുതിയ ട്രെയിനുകള് ജനുവരി 23ന് പ്രധാനമന്ത്രി നരേന്ദ്ര മോദി ഫ്ളാഗ് ഓഫ് ചെയ്യും. കേരളത്തെ മറ്റ് പ്രമുഖ നഗരങ്ങളുമായി അതിവേഗം ബന്ധിപ്പിച്ചുകൊണ്ടുള്ള യാത്ര സാധ്യമാക്കാന് അമൃത് ഭാരത് ട്രെയിനുകള്ക്ക് കഴിയുമെന്ന കാര്യം ഉറപ്പാണ്.
കേരളത്തിലേക്ക് മൂന്ന് അമൃത് ഭാരത് എക്സ്പ്രസ് ട്രെയിനുകളാണ് റെയില്വേ മന്ത്രാലയം നല്കുന്നത്. ഈ മൂന്ന് ട്രെയിനുകളോടൊപ്പം ഒരു പാസഞ്ചര് ട്രെയിനുമുണ്ട്. അങ്ങനെ നാല് പുതിയ ട്രെയിനുകള് ജനുവരി 23ന് പ്രധാനമന്ത്രി നരേന്ദ്ര മോദി ഫ്ളാഗ് ഓഫ് ചെയ്യും. കേരളത്തെ മറ്റ് പ്രമുഖ നഗരങ്ങളുമായി അതിവേഗം ബന്ധിപ്പിച്ചുകൊണ്ടുള്ള യാത്ര സാധ്യമാക്കാന് അമൃത് ഭാരത് ട്രെയിനുകള്ക്ക് കഴിയുമെന്ന കാര്യം ഉറപ്പാണ്. (Image Credits: PTI)
നാഗര്കോവില്-മംഗളൂരു അമൃത് ഭാരത് എക്സ്പ്രസ്, തിരുവനന്തപുരം-താംബരം അമൃത് ഭാരത് എക്സ്പ്രസ്, തിരുവനന്തപുരം-ഹൈദരാബാദ് അമൃത് ഭാരത് എക്സ്പ്രസ്, എന്നിവയാണ് പുതുതായി ലഭിക്കുന്ന മൂന്ന് ട്രെയിനുകള്. ഇവയോടൊപ്പം ഗുരുവായൂര്-തൃശൂര് പാസഞ്ചര് ട്രെയിനും പ്രധാനമന്ത്രി ഫ്ളാഗ് ഓഫ് ചെയ്യും.
നാഗര്കോവില്-മംഗളൂരു, തിരുവനന്തപുരം-ഹൈദരാബാദ് അമൃത് ഭാരത് എക്സ്പ്രസ് ട്രെയിനുകള് കോട്ടയം വഴിയായിരിക്കും സര്വീസ് നടത്തുന്നത്. തിരുവനന്തപുരം-താംബരം അമൃത് ഭാരത് എക്സ്പ്രസ് നാഗര്കോവില് വഴിയും സഞ്ചരിക്കും.
അതേസമയം, കേന്ദ്ര റെയില്വേ മന്ത്രാലയം ആദ്യം പുറത്തുവിട്ട അമൃത് ഭാരത് എക്സ്പ്രസ് ട്രെയിനുകളുടെ പട്ടികയില് കേരളം ഉള്പ്പെട്ടിരുന്നില്ല. ഇത് വ്യാപക വിമര്ശനത്തിന് കാരണമായതിന് പിന്നാലെ അപ്രതീക്ഷിതമായി മൂന്ന് ട്രെയിനുകള് പ്രഖ്യാപിക്കുകയായിരുന്നു.
1,800 ലധികം യാത്രക്കാരെയാണ് ഒരേസമയം അമൃത് ഭാരതിന് വഹിക്കാന് സാധിക്കുന്നത്. നോണ് എസി ട്രെയിനായ അമൃത് ഭാരതിന് 130 കിലോമീറ്ററില് കൂടുതല് വേഗതയുമുണ്ട്. ജനുവരി 23ന് 10.45 ഓടെ തിരുവനന്തപുരത്ത് വെച്ചാണ് അമൃത് ഭാരതുകളുടെ ഫ്ളാഗ് ഓഫ്.
