ബാറ്ററിയിൽ പുപ്പുലി! 10000mAh ബാറ്ററിയുമായി വിവോ S2 FE ഇന്ത്യയിൽ ലോഞ്ച് ചെയ്തു
Vivo S2 FE launched in India: വിവോ തങ്ങളുടെ എസ് സീരീസിൽ വിവോ S2 FE 5G എന്ന പുതിയ മോഡൽ ഇന്ത്യയിൽ ലോഞ്ച് ചെയ്തു. 6GB + 128GB വേരിയന്റിന് 38,999 രൂപയും, 8GB + 128GB വേരിയന്റിന് 42,999 രൂപയുമാണ് വില. ശക്തമായ ബാറ്ററി ശേഷിയാണ് ഈ വിവോ ഫോണിന്റെ പ്രധാന പ്രത്യേക. 10000 mAh ബാറ്ററി ശേഷി ഇതിലുണ്ട്. ടൈറ്റൻ ബ്ലാക്ക്, സ്റ്റെല്ലാർ ഗ്രീൻ, സെൻ വൈറ്റ് എന്നിവയാണ് കളർ ഓപ്ഷനുകൾ.
വിവോ തങ്ങളുടെ എസ് സീരീസിൽ വിവോ S2 FE 5G (vivo S2 FE) എന്ന പുതിയ മോഡൽ ഇന്ത്യയിൽ ലോഞ്ച് ചെയ്തു. ശക്തമായ ബാറ്ററി ശേഷിയാണ് ഈ വിവോ ഫോണിന്റെ പ്രധാന പ്രത്യേക. 10000 mAh ബാറ്ററി ശേഷി ഇതിലുണ്ട്. ഏത് കടുത്ത സൂര്യപ്രകാശമുള്ളപ്പോഴും വ്യക്തമായി കാണാനും ഹൈ-ഡെഫനിഷൻ സ്ട്രീമിംഗ് ആസ്വദിക്കാനും സഹായിക്കുന്ന 1.5K AMOLED ഡിസ്‌പ്ലേയാണ് ഈ ഫോണിന്റെ മറ്റൊരു പ്രത്യേകത. (Image credit: Vivo India)
പ്രധാന ഫീച്ചറുകൾ- ഡിസ്പ്ലേ: 6.83 ഇഞ്ച് (1260×2800 പിക്സൽ) 1.5K AMOLED സ്‌ക്രീൻ ആണ് ഇതിലുള്ളത്. ഇത് HDR10+, 120Hz വരെ റിഫ്രഷ് റേറ്റ്, 2000 നിറ്റ്സ് വരെ HBM ബ്രൈറ്റ്‌നസ് എന്നിവ സഹിതം എത്തുന്നു. 2.5GHz ഒക്ടാ-കോർ മീഡിയടെക് ഡിമെൻസിറ്റി 7300e 6nm പ്രോസസർ ആണ് ഈ വിവോ ഫോണിന്റെ കരുത്ത്.
6GB / 8GB LPDDR4X റാം, 128GB UFS 3.1 സ്റ്റോറേജ് എന്നിവ ഇതിലുണ്ട്. ആൻഡ്രോയിഡ് 16 അ‌ടിസ്ഥാനമാക്കിയുള്ള OriginOS 6-ൽ ആണ് പ്രവർത്തനം. ഇൻ-ഡിസ്പ്ലേ ഒപ്റ്റിക്കൽ ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ. USB Type-C ഓഡിയോ, സ്റ്റീരിയോ സ്പീക്കറുകൾ, IP68+IP69 റേറ്റിങ്, മിലിട്ടറി-ഗ്രേഡ് ഈട് (MIL-STD-810H) എന്നിവയുമുണ്ട്.
ക്യാമറ: Sony IMX852 സെൻസറുള്ള 50MP മെയിൻ ക്യാമറ ( f/1.8 അപ്പേർച്ചർ), 2MP സെക്കൻഡറി ക്യാമറ (f/2.4 അപ്പേർച്ചർ), Aura ലൈറ്റ് എന്നിവ അ‌ടങ്ങുന്ന ഡ്യുവൽ റിയർ ക്യാമറ സജ്ജീകരണവും സെൽഫിക്കും മറ്റുമായി 32MP ഫ്രണ്ട് ക്യാമറയും (f/2.0 അപ്പേർച്ചർ) ആണ് ഇതിലുള്ളത്. ഡ്യുവൽ സിം (നാനോ + നാനോ), 5G SA/NSA, ഡ്യുവൽ 4G VoLTE എന്നിവയാണ് മറ്റ് പ്രധാന ഫീച്ചറുകൾ.
ബാറ്ററി: 44W ഫാസ്റ്റ് ചാർജിംഗ് പിന്തുണയുള്ള 10,000mAh ബാറ്ററി ഇതിലുണ്ട്. 'ഏറ്റവും ദൈർഘ്യമേറിയ ഇലക്ട്രോണിക് പ്രോഡക്ട് ടെസ്റ്റിങ് ലൈവ് സ്ട്രീം' (Longest Electronic Product Testing Livestream) എന്ന വിഭാഗത്തിൽ ഈ ഫോൺ ഗിന്നസ് വേൾഡ് റെക്കോർഡ് സ്വന്തമാക്കി. 32 മണിക്കൂറും 37 മിനിറ്റും തുടർച്ചയായി പ്രവർത്തിച്ചാണ് ഈ നേട്ടം കൈവരിച്ചത്.
വിലയും ലഭ്യതയും: വിവോ S2 FE-യുടെ 6GB + 128GB വേരിയന്റിന് 38,999 രൂപയും, 8GB + 128GB വേരിയന്റിന് 42,999 രൂപയുമാണ് വില. വിവോയുടെ ഔദ്യോഗിക വെബ്‌സൈറ്റ്, അംഗീകൃത റീട്ടെയിൽ ഔട്ട്‌ലെറ്റുകൾ, ആമസോൺ, ഫ്ലിപ്പ്കാർട്ട് എന്നിവ വഴി ഇത് വാങ്ങാനാകും. ഒക്ടോബർ 20 മുതലാണ് വിൽപ്പന ആരംഭിക്കുക. ടൈറ്റൻ ബ്ലാക്ക്, സ്റ്റെല്ലാർ ഗ്രീൻ, സെൻ വൈറ്റ് എന്നിവയാണ് കളർ ഓപ്ഷനുകൾ.
ലോഞ്ച് ഓഫറുകൾ: നേരിട്ട് കടകളിൽ നിന്ന് വാങ്ങുന്നവർക്ക് 10% വരെ ഇൻസ്റ്റന്റ് ക്യാഷ്ബാക്ക് (പ്രധാന ബാങ്കുകൾ, ക്രെഡിറ്റ് പങ്കാളികൾ, UPI എന്നിവ വഴി), 10% വരെ എക്സ്ചേഞ്ച് ബോണസ്, അല്ലെങ്കിൽ 15 മാസം വരെ സീറോ ഡൗൺ പേയ്‌മെന്റ് സൗകര്യം എന്നിവയിൽ ഒന്ന് തിരഞ്ഞെടുക്കാം. ഓൺലൈൻ ഉപഭോക്താക്കൾക്ക് 10% ഇൻസ്റ്റന്റ് ബാങ്ക് ഡിസ്കൗണ്ട്, 10% എക്സ്ചേഞ്ച് ബോണസ്, അല്ലെങ്കിൽ 12 മാസം വരെ പലിശരഹിത EMI (no-cost EMI) എന്നിവയിൽ ഒന്ന് തിരഞ്ഞെടുക്കാം.
