പുലർച്ചെ 3 മണിക്ക് കൃത്യമായി ഉറക്കം ഉണരാറുണ്ടോ? കാരണങ്ങൾ അറിയാം
Why Do You Wake Up at 3 AM Every Night? Causes Explained: പുലര്‍ച്ചെ ഉറക്കം ഉണരുന്നതിനുള്ള പ്രധാന കാരണങ്ങളിലൊന്നാണ് മാനസിക സമ്മര്‍ദം. ജോലിയിലെ തിരക്ക്, കുടുംബപ്രശ്‌നങ്ങള്‍, സാമ്പത്തിക ആശങ്കകള്‍ തുടങ്ങിയവ മനസിനെ നിരന്തരം സജീവമാക്കി നിര്‍ത്തും. ഇതുമൂലം ഉറക്കം ഇടയ്ക്കിടെ തടസപ്പെടാം. ഉറക്കം നഷ്ടപ്പെടുന്നതിനെക്കുറിച്ചുള്ള അമിതമായ ചിന്തയും വീണ്ടും ഉറങ്ങാനുള്ള ബുദ്ധിമുട്ട് വര്‍ധിപ്പിച്ചേക്കാം.
രാത്രിയില്‍ നല്ല ഉറക്കം ലഭിച്ചുകൊണ്ടിരിക്കെ പുലര്‍ച്ചെ മൂന്ന് മണിയാകുമ്പോള്‍ പെട്ടെന്ന് ഉറക്കം ഉണരാറുണ്ടോ? വീണ്ടും ഉറങ്ങാന്‍ കഴിയാതെ തിരിഞ്ഞും മറിഞ്ഞും കിടക്കേണ്ടിവരാറുണ്ടോ? ചിലര്‍ ഇതിന് ആത്മീയമായ കാരണങ്ങള്‍ പറയാറുണ്ടെങ്കിലും, ഉറക്കത്തിന്റെ സ്വാഭാവികമായ മാറ്റങ്ങള്‍, മാനസിക സമ്മര്‍ദം, ജീവിതശൈലി, ആരോഗ്യപ്രശ്‌നങ്ങള്‍ എന്നിവയാണ് പലപ്പോഴും ഇതിന് പിന്നിലുള്ളത്. (Image Credit Source: Getty Images)
പുലര്‍ച്ചെ ഉറക്കം ഉണരുന്നതിനുള്ള പ്രധാന കാരണങ്ങളിലൊന്നാണ് മാനസിക സമ്മര്‍ദം. ജോലിയിലെ തിരക്ക്, കുടുംബപ്രശ്‌നങ്ങള്‍, സാമ്പത്തിക ആശങ്കകള്‍ തുടങ്ങിയവ മനസിനെ നിരന്തരം സജീവമാക്കി നിര്‍ത്തും. ഇതുമൂലം ഉറക്കം ഇടയ്ക്കിടെ തടസപ്പെടാം. ഉറക്കം നഷ്ടപ്പെടുന്നതിനെക്കുറിച്ചുള്ള അമിതമായ ചിന്തയും വീണ്ടും ഉറങ്ങാനുള്ള ബുദ്ധിമുട്ട് വര്‍ധിപ്പിച്ചേക്കാം.
രാത്രിയിലുടനീളം ഉറക്കത്തിന്റെ ആഴം ഒരുപോലെയായിരിക്കില്ല. ആഴത്തിലുള്ള ഉറക്കത്തിനും നേരിയ ഉറക്കത്തിനും ഇടയില്‍ ശരീരം മാറിക്കൊണ്ടിരിക്കും. പുലര്‍ച്ചെയാകുമ്പോള്‍ ഉറക്കം താരതമ്യേന നേരിയതാകുന്നതിനാല്‍ ചെറിയ ശബ്ദങ്ങള്‍ക്കോ വെളിച്ചത്തിനോ പോലും ഉറക്കം ഉണരാം. എന്നാല്‍ എല്ലാ ദിവസവും കൃത്യമായി മൂന്ന് മണിക്ക് ഉണരുന്നതിന് പ്രത്യേകമായ ഒരു അര്‍ഥമുണ്ടെന്ന് ഇതുകൊണ്ട് പറയാനാവില്ല.
പുറംവേദന, സന്ധിവേദന, അസിഡിറ്റി, രാത്രിയില്‍ ഇടയ്ക്കിടെ മൂത്രമൊഴിക്കേണ്ടിവരിക തുടങ്ങിയ പ്രശ്‌നങ്ങള്‍ ഉറക്കത്തെ തടസപ്പെടുത്താം. ഉറക്കത്തിനിടെ ശ്വാസം തടസപ്പെടുന്ന സ്ലീപ് അപ്നിയയും ഇടയ്ക്കിടെ ഉണരാന്‍ കാരണമാകാം. ഉറക്കം ഉണരുന്നതിനൊപ്പം കൂര്‍ക്കംവലി, ശ്വാസംമുട്ടല്‍, പകല്‍ അമിതമായ ക്ഷീണം എന്നിവയുണ്ടെങ്കില്‍ വൈദ്യസഹായം തേടണം. പ്രായം കൂടുന്നതിനനുസരിച്ച് ഉറക്കം നേരിയതാകാനും രാത്രിയില്‍ കൂടുതല്‍ തവണ ഉണരാനും സാധ്യതയുണ്ട്. സ്ത്രീകളില്‍ ആര്‍ത്തവവിരാമത്തോടനുബന്ധിച്ചുള്ള ഹോര്‍മോണ്‍ വ്യതിയാനങ്ങളും രാത്രിയിലെ വിയര്‍പ്പും ശരീരത്തിലെ ചൂടും ഉറക്കത്തെ ബാധിച്ചേക്കാം.
കിടപ്പുമുറിയിലെ അമിതമായ വെളിച്ചം, ശബ്ദം, ഉയര്‍ന്ന താപനില, അസൗകര്യമുള്ള കിടക്ക എന്നിവ ഉറക്കം തടസപ്പെടുത്താം. ഉറങ്ങുന്നതിന് മുമ്പ് മൊബൈല്‍ ഫോണ്‍ ദീര്‍ഘനേരം ഉപയോഗിക്കുന്നതും വൈകുന്നേരങ്ങളില്‍ ചായയോ കാപ്പിയോ കുടിക്കുന്നതും ചിലരില്‍ ഉറക്കത്തെ ബാധിക്കാം. ദിവസവും ഒരേ സമയത്ത് ഉറങ്ങാനും ഉണരാനും ശ്രമിക്കുന്നത് ഉറക്കക്രമം മെച്ചപ്പെടുത്താന്‍ സഹായിക്കും. ഉറക്കം ഉണര്‍ന്ന ഉടന്‍ സമയം നോക്കുന്നതും വീണ്ടും ഉറങ്ങണമെന്നോര്‍ത്ത് അമിതമായി ആശങ്കപ്പെടുന്നതും ഒഴിവാക്കുക. മുറിയില്‍ വെളിച്ചം കുറയ്ക്കുക, പതുക്കെ ശ്വസിക്കുക, ഉറങ്ങുന്നതിന് മുമ്പ് ശാന്തമായ ദിനചര്യ പിന്തുടരുക.
