IPL 2026: ലഖ്നൗ സൂപ്പര് ജയന്റ്സിന് തിരിച്ചടി; വനിന്ദു ഹസരങ്ക പരിക്കേറ്റ് പുറത്ത്
Wanindu Hasaranga IPL 2026: വനിന്ദു ഹസരങ്ക ഐപിഎല്ലില് നിന്ന് പുറത്താണ്. പരിക്കാണ് ശ്രീലങ്കന് ഓള്റൗണ്ടര്ക്ക് തിരിച്ചടിയായത്. കൊല്ക്കത്ത നൈറ്റ് റൈഡേഴ്സിനെതിരെ നടന്ന മത്സരശേഷം എല്എസ്ജി ഡയറക്ടര് ടോം മൂഡിയാണ് ഇക്കാര്യം അറിയിച്ചത്. പകരക്കാരനെ കണ്ടെത്താനുള്ള ശ്രമത്തിലാണ് ലഖ്നൗ. 48 മണിക്കൂറിനുള്ളില് പ്രഖ്യാപനമുണ്ടാകുമെന്നാണ് സൂചന.
Wanindu Hasaranga: ലഖ്നൗ സൂപ്പര് ജയന്റ്സ് താരം വനിന്ദു ഹസരങ്ക ഐപിഎല്ലില് നിന്ന് പുറത്താണ്. പരിക്കാണ് ശ്രീലങ്കന് ഓള്റൗണ്ടര്ക്ക് തിരിച്ചടിയായത്. കൊല്ക്കത്ത നൈറ്റ് റൈഡേഴ്സിനെതിരെ നടന്ന മത്സരശേഷം എല്എസ്ജി ഡയറക്ടര് ടോം മൂഡിയാണ് ഇക്കാര്യം അറിയിച്ചത്. പകരക്കാരനെ കണ്ടെത്താനുള്ള ശ്രമത്തിലാണ് ലഖ്നൗ. 48 മണിക്കൂറിനുള്ളില് പ്രഖ്യാപനമുണ്ടാകുമെന്നാണ് സൂചന.
ദക്ഷിണാഫ്രിക്കൻ സ്പിന്നർ ജോർജ് ലിൻഡെയെ പകരക്കാരനായി നിയമിക്കാൻ സാധ്യതയുണ്ടെന്ന് ഇഎസ്പിഎൻ ക്രിക്ക്ഇൻഫോ റിപ്പോർട്ട് ചെയ്തു. താരലേലത്തില് രണ്ട് കോടി രൂപയ്ക്കാണ് ഹസരങ്കയെ ലഖ്നൗ ടീമിലെത്തിച്ചത്. എന്നാല് പരിക്ക് മൂലം താരത്തിന് ടീമില് ചേരാനായില്ല.
കഴിഞ്ഞ സീസണില് രാജസ്ഥാന് റോയല്സ് താരമായിരുന്നു ഹസരങ്ക. കഴിഞ്ഞ ടി20 ലോകകപ്പിനിടെയാണ് ഹസരങ്കയുടെ കൈത്തണ്ടയ്ക്ക് പരിക്കേറ്റത്. ഈ ആഴ്ച ആദ്യം നടക്കേണ്ടിയിരുന്ന ശ്രീലങ്കന് ക്രിക്കറ്റ് ബോര്ഡിന്റെ നിർബന്ധിത ഫിറ്റ്നസ് പരിശോധനയിൽ അദ്ദേഹം പങ്കെടുത്തിട്ടില്ലെന്നാണ് വിവരം. ഐപിഎല്ലിൽ ചേരുന്നതിന് എൻഒസി ലഭിക്കുന്നതിന് താരങ്ങള് നിർബന്ധിത ഫിറ്റ്നസ് പരിശോധനയിൽ വിജയിക്കണമെന്നാണ് ശ്രീലങ്കയുടെ നിര്ദ്ദേശം.
എല്എസ്ജിയുടെ ഫാസ്റ്റ് ബൗളര് മൊഹ്സിന് ഖാനും പരിക്ക് മൂലം കളിക്കളത്തില് നിന്ന് വിട്ടുനില്ക്കുകയായിരുന്നു. ആദ്യ മത്സരത്തില് മൊഹ്സിന് കളിച്ചിരുന്നു. ഇതിന് പിന്നാലെയാണ് ഹസരങ്കയും പുറത്താകുന്നത്.
ലഖ്നൗവിന്റെ പ്രകടനം
തരക്കേടില്ലാത്ത പ്രകടനമാണ് ലഖ്നൗ ഇതുവരെ പുറത്തെടുത്തത്. പോയിന്റ് പട്ടികയില് അഞ്ചാമതാണ് ലഖ്നൗ. മൂന്ന് മത്സരങ്ങളില് രണ്ടിലും ജയിച്ചു. ഒരെണ്ണത്തില് തോറ്റു. കൊല്ക്കത്ത നൈറ്റ് റൈഡേഴ്സിനെതിരെ കഴിഞ്ഞ ദിവസം നടന്ന മത്സരത്തില് അവസാന പന്തിലായിരുന്നു ജയം.
