Nicholas Pooran: എന്നാലും പൂരന് എന്തുപറ്റി? മുന് സീസണുകളിലെ നിഴല് മാത്രം; തട്ടിയും മുട്ടിയും ബാറ്റിങ്
Nicholas Pooran is experiencing a significant dip in form during the 2026: പരിതാപകരമായ പ്രകടനം തുടര്ന്ന് നിക്കോളാസ് പൂരന്. ആര്സിബിക്കെതിരെ നടന്ന മത്സരത്തില് ഒരു റണ്സിനാണ് പൂരന് പുറത്തായത്. ഏഴു പന്തുകള് നേരിട്ട താരത്തെ ജോഷ് ഹേസല്വുഡ് ക്ലീന് ബൗള്ഡ് ചെയ്യുകയായിരുന്നു. മുന് സീസണുകളില് ലഖ്നൗ സൂപ്പര് ജയന്റ്സിനായി ഏറ്റവും മികച്ച പ്രകടനം കാഴ്ചവെച്ച താരങ്ങളിലൊരാളാണ്.
Nicholas Pooran’s poor form continues: ഐപിഎല് 2026-ല് സീസണില് പരിതാപകരമായ പ്രകടനം തുടര്ന്ന് ലഖ്നൗ സൂപ്പര് ജയന്റ്സിന്റെ നിക്കോളാസ് പൂരന്. ഇന്ന് ആര്സിബിക്കെതിരെ നടന്ന മത്സരത്തില് വെറും ഒരു റണ്സിനാണ് പൂരന് പുറത്തായത്. ഏഴു പന്തുകള് നേരിട്ട താരത്തെ ജോഷ് ഹേസല്വുഡ് ക്ലീന് ബൗള്ഡ് ചെയ്യുകയായിരുന്നു.
മുന് സീസണുകളില് ലഖ്നൗവിനായി ഏറ്റവും മികച്ച പ്രകടനം കാഴ്ചവെച്ച താരങ്ങളിലൊരാളാണ് നിക്കോളാസ് പൂരന്. ഐപിെല് 2024 സീസണില് 14 മത്സരങ്ങളില് നിന്ന് 499 റണ്സ് അടിച്ചുകൂട്ടിയ പൂരന് ഓറഞ്ച് ക്യാപിനുള്ള പോരാട്ടത്തില് എട്ടാമതെത്തിയിരുന്നു.
കഴിഞ്ഞ സീസണില് 14 മത്സരങ്ങളില് നിന്ന് 524 റണ്സ് നേടി. 2025 സീസണില് ഏറ്റവും കൂടുതല് റണ്സ് നേടിയ 11-ാമത്തെ താരമായിരുന്നു പൂരന്. മികച്ച സ്ട്രൈക്ക് റേറ്റില് ബാറ്റു ചെയ്യുന്ന പൂരന്, ഫലപ്രദമായി സിക്സറുകള് നേടുന്നതിലും വൈദഗ്ധ്യമുള്ള താരമാണ്. എന്നാല് ഇത്തവണ അഞ്ച് മത്സരങ്ങള് പിന്നിട്ടിട്ടും, ഒരെണ്ണത്തില് പോലും 20 കടക്കാനായില്ല.
തട്ടിയും മുട്ടിയും
മികച്ച സ്ട്രൈക്ക് റേറ്റില് ബാറ്റുവീശാനും ഈ സീസണില് പൂരന് സാധിച്ചിട്ടില്ല. അഞ്ച് മത്സരങ്ങളില് നിന്നു വെറും 42 റണ്സ് മാത്രമാണ് ഇതുവരെ നേടാനായത്. ഡല്ഹി ക്യാപിറ്റല്സിനെതിരായ ആദ്യ മത്സരത്തില് എട്ട് പന്തില് എട്ട് റണ്സാണ് ഈ 30-കാരന് നേടിയത്. സണ്റൈസേഴ്സ് ഹൈദരാബാദിനെതിരായ രണ്ടാം മത്സരത്തില് നേടിയത് നാലു പന്തില് ഒരു റണ്സ് മാത്രം.
TIMBER x 2️⃣!
Josh Hazlewood 🤜🤛 Krunal Pandya@RCBTweets on 🔝
Updates ▶️ https://t.co/UztAZM9l0q#TATAIPL | #KhelBindaas | #RCBvLSG pic.twitter.com/464Gt5q8Na
— IndianPremierLeague (@IPL) April 15, 2026
കൊല്ക്കത്ത നൈറ്റ് റൈഡേഴ്സിനെതിരെ നേടിയത് 15 പന്തില് 13 റണ്സ്. ഗുജറാത്ത് ടൈറ്റന്സിനെതിരെ 21 പന്തില് 19 റണ്സാണ്. ഇതാണ് ഈ സീസണിലെ പൂരന്റെ ഇതുവരെയുള്ള ഏറ്റവും ഉയര്ന്ന വ്യക്തിഗത സ്കോര്.
വിരമിക്കലിന് പിന്നാലെ
2025 ജൂണിലാണ് പൂരന് രാജ്യാന്തര ക്രിക്കറ്റില് നിന്നു വിരമിച്ചത്. 29-ാം വയസില് വെസ്റ്റ് ഇന്ഡീസിനു വേണ്ടി കളിക്കുന്നതില് നിന്ന് വിരമിച്ച പൂരന്, പിന്നീട് ഫ്രാഞ്ചെസി ക്രിക്കറ്റിലേക്ക് പൂര്ണമായും ശ്രദ്ധ തിരിച്ചു. എന്നാല് വിരമിക്കലിന് പിന്നാലെ പൂരന് ഫോം ഔട്ടുമായി.
