Rohit Sharma : ജൂനിയർ ഹിറ്റ്മാന് ജന്മം നൽകി റിതിക; രോഹിത് ശർമ്മ ആദ്യ ടെസ്റ്റിൽ കളിച്ചേക്കുമെന്ന് സൂചന
Rohit Sharma And Ritika Sajdhesh Blessed With Baby Boy : രോഹിത് ശർമ്മയ്ക്കും ഭാര്യ റിതിക സജ്ദേഷിനും ആൺകുഞ്ഞ് പിറന്നു. ഇതോടെ രോഹിത് ഓസ്ട്രേലിയക്കെതിരായ ആദ്യ ടെസ്റ്റ് മത്സരത്തിൽ കളിച്ചേക്കുമെന്നാണ് സൂചനകൾ. ഈ മാസം 15നാണ് പരമ്പരയിലെ ആദ്യ മത്സരം.
രോഹിത് ശർമ്മ, റിതിക സജ്ദേഷ് (Image Courtesy - Social Media)
ഭാര്യയുടെ പ്രസവവുമായി ബന്ധപ്പെട്ട് ക്യാപ്റ്റൻ രോഹിത് ശർമ്മ ബോർഡർ – ഗവാസ്കർ ട്രോഫിയിലെ ആദ്യ മത്സരത്തിൽ കളിച്ചേക്കില്ല എന്നായിരുന്നു സൂചനകൾ. പരമ്പരയ്ക്ക് മുന്നോടിയായി കഴിഞ്ഞ ദിവസം നടന്ന മാച്ച് സിമുലേഷനിൽ രോഹിത് ഉൾപ്പെടാതിരുന്നതോടെ ഈ സൂചകൾ ശക്തിപ്പെട്ടു. എന്നാൽ, രോഹിതിൻ്റെ ഭാര്യ റിതിക സജ്ദേഷ് ഈ മാസം 15ന് തങ്ങളുടെ രണ്ടാമത്തെ കുഞ്ഞിന് ജന്മം നൽകി. അതുകൊണ്ട് തന്നെ രോഹിത് പെർത്തിൽ നടക്കുന്ന ആദ്യ ടെസ്റ്റിൽ കളിച്ചേക്കുമെന്നാണ് സൂചനകൾ.
ദമ്പതിമാർക്ക് ആറ് വയസുള്ള ഒരു മകളുണ്ട്. സമൈര. രണ്ടാമത്തെ കുഞ്ഞ് ആൺകുട്ടിയാണെന്നാണ് സൂചനകൾ. രോഹിത് ആദ്യ ടെസ്റ്റിൽ നിന്ന് വിട്ടുനിന്നേക്കുമെന്ന റിപ്പോർട്ടുകൾ പുറത്തുവന്നതിന് പിന്നാലെ താരത്തിനെതിരെ വിമർശനം ശക്തമായിരുന്നു. മുൻ താരം സുനിൽ ഗവാസ്കർ ഉൾപ്പെടെ രോഹിതിനെ വിമർശിച്ച് രംഗത്തുവന്നു. അപ്പോഴൊക്കെ താൻ എന്തുകൊണ്ട് വിട്ടുനിൽക്കുന്നു എന്ന് രോഹിത് വെളിപ്പെടുത്തിയില്ല. പിന്നാലെ, സുരേഷ് റെയ്നയാണ് രോഹിതും ഭാര്യയും രണ്ടാമത്തെ കുഞ്ഞിനെ പ്രതീക്ഷിക്കുകയാണെന്നറിയിച്ചത്.
Also Read : IPL Auction 2025: ഐപിഎൽ മെഗാ താരലേലം; കേരളത്തിൽ നിന്ന് 16 പേർ
ഈ മാസം 22ന് പെർത്തിലാണ് ബോർഡർ – ഗവാസ്കർ ട്രോഫിയിലെ ആദ്യ മത്സരം ആരംഭിക്കുക. ഇനി ആറ് ദിവസം മാത്രമാണ് ആദ്യ ടെസ്റ്റിലേക്ക് ശേഷിക്കുന്നത്. ഇതിനിടയിൽ തിരികെയെത്തിയെങ്കിലേ രോഹിതിന് ആദ്യ ടെസ്റ്റിൽ കളിക്കാൻ കഴിയൂ. രോഹിത് എന്ന് തിരികെയെത്തുമെന്ന് വ്യക്തമല്ല. ആദ്യ ടെസ്റ്റിൽ താരത്തിൻ്റെ പങ്കാളിത്തത്തിലും വ്യക്തതയില്ല. അതുകൊണ്ട് തന്നെ കഴിഞ്ഞ ദിവസം നടന്ന മാച്ച് സിമുലേഷനിൽ യശസ്വി ജയ്സ്വാളും കെഎൽ രാഹുലുമാണ് ഇന്നിംഗ്സ് ഓപ്പൺ ചെയ്തത്. മാച്ച് സിമുലേഷനിൽ പരിക്കേറ്റ രാഹുൽ പിന്നീട് ബാറ്റ് ചെയ്തില്ല. പ്രസിദ്ധ് കൃഷ്ണയുടെ പന്ത് വലത് കൈമുട്ടിന് പരിക്കേറ്റ് രാഹുൽ മടങ്ങുകയായിരുന്നു. വിരാട് കോലിയ്ക്കും പരിക്കേറ്റെങ്കിലും താരം മടങ്ങിവന്ന് വീണ്ടും ബാറ്റ് ചെയ്തിരുന്നു.
മാച്ച് സിമുലേഷനിൽ ബാറ്റർമാരിൽ പലർക്കും തുടക്കം ലഭിച്ചെങ്കിലും എഡ്ജ്ഡ് ആയി പുറത്തായി. നെറ്റ്സിൽ മൂന്ന് ദിവസത്തെ പരിശീലനത്തിന് ശേഷമാണ് ഇന്ത്യൻ ടീം മാച്ച് സിമുലേഷനിൽ ഇറങ്ങിയത്. മികച്ച ഫോമിലായിരുന്ന രാഹുൽ ഷോർട്ട് ബോളുകളെ ഫലപ്രദമായി നേരിട്ടു. പിന്നാലെയാണ് താരം പരിക്കേറ്റ് മടങ്ങിയത്. യശസ്വി ജയ്സ്വാൾ, വിരാട് കോലി, ശുഭ്മൻ ഗിൽ തുടങ്ങിയവരൊക്കെ എഡ്ജ്ഡ് ആയി പുറത്താവുകയായിരുന്നു.
