ദീപാവലി 2026

ഇന്ത്യയിലെ തന്നെ പ്രധാനപ്പെട്ട രണ്ട് ആഘോഷങ്ങളിൽ ഒന്നാണ് ദീപാവലി ഇതിന് ചില പ്രത്യേകതകളുണ്ട്. ധനത്തിൻ്റെ ദേവിയായ ലക്ഷ്മിയോടൊപ്പം, കുബേരനെയും ആരോഗ്യത്തിൻ്റെ ദേവനായ ധന്വന്തരിയെയും ഈ ദിവസം പൂജിക്കുന്നു. അകാലമൃത്യു ഒഴിവാക്കാനായി യമനെ പൂജിക്കുന്നതും ഈ ഉത്സവത്തിൻ്റെ ഭാഗമാണ്.

ആദ്യമായി ദീപാവലി എപ്പോഴാണ് ആഘോഷിച്ചത്, എങ്ങനെയായിരുന്നു ആഘോഷം, എന്നത് സംബന്ധിച്ച് ശാസ്ത്രീയ തെളിവുകൾ ലഭ്യമല്ല. എങ്കിലും, ദീപാവലിയെകുറിച്ച് വിവിധ പുരാണങ്ങളിൽ പരാമർശിക്കുന്നുണ്ട്. ഭാഗവതത്തിലും, മനുസ്മൃതിയിലും ചില തെളിവുകൾ കാണാൻ കഴിയും. ഈ ഗ്രന്ഥങ്ങളിലെല്ലാം ദീപാവലിയുടെ മാഹാത്മ്യം, ആഘോഷ രീതികൾ, അതുവഴിയുള്ള ഗുണങ്ങൾ എന്നിവയാണ് പറയുന്നത്.

വാൽമീകി രചിച്ച രാമായണത്തിലാണ് ദീപാവലിയെകുറിച്ച് ആദ്യമായി പരാമർശിക്കുന്നത്. രാവണനെ വധിച്ച് ലങ്കയിൽ വിജയം നേടിയ ശേഷം, ഭഗവാൻ ശ്രീരാമൻ കാർത്തിക അമാവാസി നാളിൽ അയോധ്യയിലേക്ക് തിരിച്ചെത്തുന്നതിൻ്റെ വിവരങ്ങൾ മഹർഷി വാൽമീകി ഇതിൽ എഴുതിയിട്ടുണ്ട്. അയോദ്ധ്യയിൽ എത്തുന്നതിനു മുൻപ് തന്നെ ഹനുമാൻ വഴി ശ്രീരാമൻ തൻ്റെ സഹോദരനായ ഭരതന് താൻ എത്തുന്നതായി അറിയിച്ചിരുന്നു. വിവരം ലഭിച്ച ഉടൻ തന്നെ, നഗരം അലങ്കരിക്കാനും, തോരണങ്ങൾ കെട്ടാനും, ദീപങ്ങൾ കൊണ്ട് രാജ്യം മുഴുവൻ പ്രകാശമാനമാക്കാനും അദ്ദേഹം ഉത്തരവിട്ടു. ശ്രീരാമൻ്റെ വരവിൽ അയോധ്യയിലെ ജനങ്ങൾ അത്രയേറെ സന്തോഷത്തിലായിരുന്നു.

ഭവിഷ്യപുരാണം അനുസരിച്ച്, മഹാവിഷ്ണു മഹബലിയുടെ ഭക്തിയിലും അർപ്പണബോധത്തിലും സന്തുഷ്ടനായി അദ്ദേഹത്തിന് സുതലം എന്ന ലോകത്തിൻ്റെ രാജ്യം നൽകി. ഭഗവാൻ്റെ ആജ്ഞപ്രകാരം ദീപാവലി ദിനത്തിലാണ് മഹാബലി സുതലത്തേക്ക് പോയതും അവിടെ ദീപോത്സവം ആഘോഷിച്ചതും. സ്കന്ദപുരാണം, പത്മപുരാണം, ഭവിഷ്യപുരാണം എന്നീ മൂന്ന് ഗ്രന്ഥങ്ങളിലും ദീപോത്സവത്തിൻ്റെ ഭാഗമായി ദീപമാലകൾ തെളിയിക്കുന്നതിനെക്കുറിച്ചും വിവിധതരം ദീപവൃക്ഷങ്ങൾ ഒരുക്കുന്നതിനെക്കുറിച്ചും പരാമർശങ്ങളുണ്ട്.

അമാവാസി തിഥിയിലാണ് ദീപാവലി ആഘോഷിക്കുന്നത്. 2026-ലെ അമാവാസി നവംബർ 8-ന് രാവിലെ 11:27-നാണ്. ഇത് നവംബർ 9-ന് ഉച്ചയ്ക്ക് 12:31 വരെ നീണ്ടുനിൽക്കും. അതിനാൽ, പഞ്ചാംഗ പ്രകാരം നവംബർ 8-നാണ് ദീപാവലി ആഘോഷിക്കാൻ ഏറ്റവും ശുഭകരമായ ദിവസം.

ദീപാവലി ദിനത്തിൽ ലക്ഷ്മി പൂജ നടത്തുന്നതിന് പ്രദോഷ കാലത്തിന് വലിയ പ്രാധാന്യമുണ്ട്. പുരാണങ്ങൾ പ്രകാരം, ഈ സമയത്ത് പൂജ നടത്തുന്നത് ലക്ഷ്മീദേവിയുടെ അനുഗ്രഹം ലഭിക്കാൻ സഹായിക്കും. പ്രദോഷ കാലം: നവംബർ 8, വൈകുന്നേരം 05:31 മുതൽ രാത്രി 08:09 വരെ. ലക്ഷ്മി-ഗണേശ പൂജയ്ക്കുള്ള ഏറ്റവും ശുഭകരമായ സമയം: വൈകുന്നേരം 05:54 മുതൽ 07:50 വരെ.