Dubai Parking Fee Hike 2026: ദുബായിലെ വാഹനമുടമകൾക്ക് പണികിട്ടി… ഇനി പണം പോകുന്ന വഴിയിൽ ഇതുകൂടി
Dubai Parking Fee Hike 2026: 2025-ന്റെ മൂന്നാം പാദത്തിൽ തന്നെ ദുബായിലെ പാർക്കിംഗ് ചിലവുകളിൽ വലിയ വർദ്ധനവ് രേഖപ്പെടുത്തിയിരുന്നു. മുൻവർഷത്തെ അപേക്ഷിച്ച് മണിക്കൂർ നിരക്കിൽ 51 ശതമാനത്തോളം വർദ്ധനവാണ് അന്ന് ഉണ്ടായത്.
Dubai Parking Fee Hike 2026
അബുദാബി: ദുബായിൽ വാഹനങ്ങൾ പാർക്ക് ചെയ്യുന്നതിനുള്ള നിരക്കുകൾ വർദ്ധിപ്പിക്കാൻ നീക്കം. ദുബായിലെ പേയ്ഡ് പാർക്കിംഗ് മേഖലയിലെ പ്രമുഖ സേവനദാതാക്കളായ പാർക്കിൻ ഇതുസംബന്ധിച്ച അപേക്ഷ റോഡ്സ് ആന്റ് ട്രാൻസ്പോർട്ട് അതോറിറ്റിക്ക് (RTA) സമർപ്പിച്ചു. പാർക്കിംഗ് താരിഫിലും സീസണൽ കാർഡ് ഘടനയിലും മാറ്റങ്ങൾ വരുത്തണമെന്നാണ് കമ്പനിയുടെ ആവശ്യം.
പ്രധാന മാറ്റങ്ങൾ
- പബ്ലിക് പാർക്കിംഗ് താരിഫ് പുതുക്കി നിശ്ചയിക്കാൻ കമ്പനി അനുമതി തേടിയിട്ടുണ്ട്.
- സീസണൽ പാർക്കിംഗ് കാർഡുകളുടെ നിരക്കിലും ഘടനയിലും മാറ്റങ്ങൾ ഉണ്ടായേക്കും.
2026 ഫെബ്രുവരി പകുതിയോടെയാണ് ഔദ്യോഗിക അപേക്ഷ സമർപ്പിച്ചത്. ആർടിഎ ഈ അപേക്ഷ പരിശോധിച്ച ശേഷം അന്തിമ അനുമതിക്കായി ദുബായ് എക്സിക്യൂട്ടീവ് കൗൺസിലിന് സമർപ്പിക്കും. 2025-ന്റെ മൂന്നാം പാദത്തിൽ തന്നെ ദുബായിലെ പാർക്കിംഗ് ചിലവുകളിൽ വലിയ വർദ്ധനവ് രേഖപ്പെടുത്തിയിരുന്നു.
മുൻവർഷത്തെ അപേക്ഷിച്ച് മണിക്കൂർ നിരക്കിൽ 51 ശതമാനത്തോളം വർദ്ധനവാണ് അന്ന് ഉണ്ടായത്. പുതിയ അപേക്ഷയിൽ കൂടി അംഗീകാരം ലഭിച്ചാൽ പാർക്കിംഗ് ചിലവ് ഇനിയും ഉയർന്നേക്കും. പാർക്കിംഗ് നിരക്കുകൾ പരിഷ്കരിക്കുന്നത് വഴി ഗതാഗത സംവിധാനങ്ങൾ കൂടുതൽ കാര്യക്ഷമമാക്കാനും മികച്ച സേവനം ഉറപ്പാക്കാനും കഴിയുമെന്നാണ് പാർക്കിൻ വ്യക്തമാക്കുന്നത്.
