8th Pay Commission: പെൻഷൻകാർക്ക് സന്തോഷവാർത്ത, പ്രതിമാസ പെൻഷൻ 25,000 രൂപ കടന്നേക്കും
8th Pay Commission Pension: ഇത്തവണ അടിസ്ഥാനശമ്പളത്തിൽ വൻ വർദ്ധനവ് ഉണ്ടായേക്കുമെന്നാണ് സൂചന. ശമ്പളവും പെൻഷൻ ക്രമീകരണങ്ങളും നിർണ്ണയിക്കാൻ ഉപയോഗിക്കുന്ന ഒരു പ്രധാന ഫോർമുലയായ ഫിറ്റ്മെന്റ് ഘടകത്തെ ആശ്രയിച്ചിരിക്കും ഈ പരിഷ്കരണം. ഇപ്പോഴിതാ, പെൻഷൻകാർക്ക് സന്തോഷം നൽകുന്ന വാർത്തകളാണ് പുറത്ത് വരുന്നത്.
രാജ്യത്തെ ദശലക്ഷക്കണക്കിന് കേന്ദ്രസർക്കാർ ജീവനക്കാരും പെൻഷൻകാരും ഒരുപോലെ കാത്തിരിക്കുന്ന ഒന്നാണ് എട്ടാം ശമ്പള കമ്മീഷൻ. പുറത്ത് വരുന്ന ഓരോ റിപ്പോർട്ടുകളും ജീവനക്കാരുടെ പ്രതീക്ഷ കൂട്ടുകയാണ്. ഇത്തവണ അടിസ്ഥാനശമ്പളത്തിൽ വൻ വർദ്ധനവ് ഉണ്ടായേക്കുമെന്നാണ് സൂചന. ഇപ്പോഴിതാ, പെൻഷൻകാർക്ക് സന്തോഷം നൽകുന്ന വാർത്തകളാണ് പുറത്ത് വരുന്നത്.
പെൻഷൻ എത്ര കൂടും?
എട്ടാം ശമ്പളകമ്മീഷനിൽ പെൻഷൻ തുകയിൽ വൻ വർദ്ധനവ് ഉണ്ടായേക്കുമെന്നാണ് റിപ്പോർട്ടുകൾ. ഏകദേശം 25% മുതൽ 35% വരെ പെൻഷൻ തുക കൂടിയേക്കും. ശമ്പളവും പെൻഷൻ ക്രമീകരണങ്ങളും നിർണ്ണയിക്കാൻ ഉപയോഗിക്കുന്ന ഒരു പ്രധാന ഫോർമുലയായ ഫിറ്റ്മെന്റ് ഘടകത്തെ ആശ്രയിച്ചിരിക്കും ഈ പരിഷ്കരണം.
ALSO READ: എട്ടാം ശമ്പളകമ്മീഷൻ എന്ന്? ഒടുവിൽ അതും പ്രഖ്യാപിച്ചു!
നിലവിൽ കേന്ദ്രസർക്കാർ ജീവനക്കാരുടെ ഏറ്റവും കുറഞ്ഞ പെൻഷൻ 9,000 രൂപയാണ്. റിപ്പോർട്ടുകൾ പ്രകാരം, എട്ടാം ശമ്പളകമ്മീഷനിൽ ഇത് 25,000 രൂപയോ അതിന് മുകളിലോ ഉയർന്നേക്കാം. പെൻഷനും ശമ്പളവും എത്ര ഉയരുമെന്ന് തീരുമാനിക്കുന്നത് ഫിറ്റ്മെന്റ് ഫാക്ടർ ആണ്.
അതേസമയം, ഏകീകൃത പെൻഷൻ പദ്ധതിയും പരിഗണനയിലുണ്ട്. ഇത് നടപ്പിലാക്കിയാൽ കുറഞ്ഞത് 25 വർഷത്തെ സേവനമുള്ള ജീവനക്കാർക്ക് വിരമിക്കുന്നതിന് മുമ്പുള്ള അവസാന 12 മാസങ്ങളിൽ അവരുടെ ശരാശരി അടിസ്ഥാന ശമ്പളത്തിന്റെ 50 ശതമാനത്തിന് തുല്യമായ പെൻഷൻ ലഭിക്കുന്നതാണ്.
