Gold rate today: പിടിവിട്ടു സ്വർണവില, ഇന്ന് ഒരു ​ഗ്രാം സ്വർണം വാങ്ങണമെങ്കിൽ മുടക്കേണ്ടത് ഇത്രയും തുകയോ?

Gold Rate

കൊച്ചി: ആഗോള സാമ്പത്തിക അസ്ഥിരതയുടെ പശ്ചാത്തലത്തിൽ സംസ്ഥാനത്ത് സ്വർണവില കുതിച്ചുയരുന്നു. വ്യാഴാഴ്ചത്തെ നിരക്കനുസരിച്ച് ഒരു പവൻ (8 ഗ്രാം) സ്വർണാഭരണത്തിന് ഏകദേശം 91,000 രൂപ നൽകേണ്ടിവരും. സ്വർണവിലയിൽ കുറവ് രേഖപ്പെടുത്തുന്നുണ്ടെങ്കിലും വർധനയ്ക്ക് ആനുപാതികമായ ഇടിവ് ഉണ്ടാകുന്നില്ലെന്നാണ് വിദഗ്ധർ ചൂണ്ടിക്കാട്ടുന്നത്.

ഇന്നത്തെ സ്വർണവില (വ്യാഴാഴ്ച)

• ഇന്ന് വിവിധ കാരറ്റുകളിലുള്ള സ്വർണത്തിന്റെ വില താഴെക്കൊടുക്കുന്നു:
• 22 കാരറ്റ് ആഭരണം ഒരു പവൻ: 87,040 രൂപ, ഒരു ഗ്രാം: 10,880 രൂപ
• 24 കാരറ്റ് (ശുദ്ധ സ്വർണം) ഒരു പവൻ: 94,952 രൂപ, ഒരു ഗ്രാം: 11,869 രൂപ
• 18 കാരറ്റ്: ഒരു പവൻ: 71,216 രൂപ, ഒരു ഗ്രാം: 8,902 രൂപ

ആഭരണം വാങ്ങുമ്പോൾ അധിക ചെലവുകൾ

സ്വർണവിലക്ക് പുറമെ, ഒരു ആഭരണം വാങ്ങുമ്പോൾ ഉപഭോക്താവ് പണിക്കൂലി, ജിഎസ്ടി, ഹോൾ മാർക്കിങ് ഫീസ് എന്നിവ കൂടി നൽകണം. സ്വർണാഭരണങ്ങളുടെ കുറഞ്ഞ പണിക്കൂലി 5 ശതമാനമാണ്. ഇതുകൂടി കണക്കിലെടുക്കുമ്പോൾ ഒരു പവൻ ആഭരണത്തിന്റെ കുറഞ്ഞ വില 94,000 രൂപയെങ്കിലുമാകും.

ALSO READ: സ്വർണത്തെ പിന്നിലാക്കി വെള്ളിയുടെ തേരോട്ടം; 2 വർഷത്തിനുള്ളിൽ വില 3 ലക്ഷം!

സ്വർണവില ഉയരുന്നതിൻ്റെ കാരണങ്ങൾ

നിലവിലെ ഭൗമ രാഷ്ട്രീയ-സാമ്പത്തിക കാലാവസ്ഥയിലെ സങ്കീർണ്ണതയാണ് സ്വർണവിലയിലെ നിരന്തരമായ മാറ്റങ്ങൾക്ക് കാരണം. ആഗോള സ്വർണ വിപണിയിൽ വ്യാഴാഴ്ച ഔൺസിന് 3,865 ഡോളറാണ് വില. ഡോളറിൻ്റെ മൂല്യത്തിലെ കയറ്റിറക്കങ്ങളും, ഓഹരി വിപണിയിലെ അസ്ഥിരതയും ഇന്ത്യൻ വിപണിയിലും പ്രതിഫലിക്കുന്നു.

സ്വർണവിലയെ സ്വാധീനിക്കുന്ന പ്രധാന ഘടകങ്ങൾ

1. യുഎസ് പണപ്പെരുപ്പം, പലിശ നിരക്കുകൾ
2. രാജ്യങ്ങൾ തമ്മിലുള്ള സംഘർഷങ്ങൾ
3. വൻകിട രാജ്യങ്ങളുടെ സാമ്പത്തിക നയങ്ങൾ
4. ക്രൂഡ് ഓയിൽ വിലയിലെ ഏറ്റക്കുറച്ചിലുകൾ
5. രൂപയുടെ മൂല്യത്തിലെ അസ്ഥിരത
6. വിവാഹ സീസൺ, ദസറ, ദീപാവലി പോലുള്ള ആഘോഷ സമയങ്ങളിൽ സ്വർണത്തിനുള്ള വർധിച്ച ആവശ്യം
7. ഒരു സുരക്ഷിത നിക്ഷേപം എന്ന നിലയിൽ പരിഗണിക്കുന്നത്